|
|
|
FAQ常見問題 |
|
|
27/9/2004
|
P 牌一問
請問如果我個P牌在上年28/9 發出, 是否27/9 就可以去換新牌? 定要28/9 後才可以換? 是否過了28/9 未換牌, 部車掛了P牌都不可以抯?
K仔
9月28日出牌，明年9月27日滿一年，都要等28日先可以辦理換牌。如果未換正牌，個P牌又過左期，咁即係冇有效駕駛執照，唔用得車。
|
27/9/2004
|
P 仔,女小心 一位自稱【警務處退役同僚協會的名譽顧問】
23/9 出旺角至培正道穿車唔小心擦過部三荾私家車左面車頭角,即被追至橐梨雅道,
自己不是,停車睇環境,這位自稱什麼警務處退役同僚協會的名譽顧問要抄我身份証,
自己無經驗,只有搵亞SIR幫手,在亞SIR到場後,經過協調後,這位陳XX車主自願收300元
了事.以為攪定,誰不知過二日打電話給我話整車要三千幾蚊,收我1/3錢,我唔比錢就告我,
你地話,此人幾無恥,形衰退役警務人員.呼籲各P仔P女小心此人.
新牌仔
一宗普通的車輛碰撞事件，關個會乜野事？前警務人員都咁惡？咁如果撞到個「警務處現役同僚協會的名譽顧問」，咁咪重可以再惡D？
交通意外的賠償問題，應該報上保險公司，等佢地負責處理賠償。佢可以告你咩？on L 9!!
請恕老編見識少，呢個退役同僚協會係咪獲得香港警察承認o既正式組識o黎o架？退休同退役有好大分別....如果唔係退休，點解會退役呢？除左被人「革扯」之外，重有咩原因會中途退役？又點解要圍一個會？有咩功能？有冇人可以補充一下？
|
26/9/2004
|
唔該版主一問
小弟己有1及2號牌~~有意考埋個電單車牌,想問問如果我而家考電單車牌使唔使再考過筆試呢??同埋大概預幾多錢考個電單車牌呢??(一次PASS既話同埋駕駛學院)唔該哂~
K
你已有駕駛執照，唔使再考筆試。而家考電單車牌好似好平，兩三千蚊搞得掂？幾間駕駛學校鬥得幾緊要。自己問下最新價錢啦。
|
26/9/2004
|
幫手揀羊
你好,好煩呀老編!我想換250cc的羊,大約$35000左右.心目中有新車GRAND DINK 25O,
大林Ｓ２５０和二手ＡＮ４００．以上三部車邊架耐用，小麻煩及維修平．我打算長用．
買二手ＡＮ４００又驚它多野要執．大林市面的零件又不多（是不是一定要用原廠零件），GRAND DINK外型我又不太喜歡．老編如果是你你會買邊架．
AMY
首先要澄清一點：老編一D都唔煩。
S2-250和AN400會係老編的選擇。視乎搵唔搵到一部又抵又靚仔的AN400，趕時間等唔切的話揀S2-250。
|
26/9/2004
|
會不會告我
前日渣CBR行快線因前車突收慢, 當時我行50-60, 3個私家車位, 我收油拖波+break但收唔切, 切入中線避跟住失平行自抄, 架車係地打圈時"high"到前車, 跟住報警, 我會唔會俾警方告不少心駕駛ga?
stephen stephen_Y_Y
後車撞前車，一定係你唔著。會唔會俾人告不小心駕駛，唔敢肯定。有相關經驗者不妨補充兩句。
|
26/9/2004
|
回應有關:油錢節省不少,嘻!
其他大家會唔會覺得呢段留言似係有人比同事爆陰毒呢？我會覺得唔會有人蠢到自己做完賊後周圍唱，重留埋名!你估係黑玫瑰咩~~
見習牧羊人
|
26/9/2004
|
FORZA 250
本人乃係新牌仔﹐最近買了2002年的FORZA 250﹐想問一下此車需要甚麼維修保養?正常行甚麼價錢一km?
hei hei3764@yahoo.com.hk
一般車需要的維修保養佢都需要。正常行車約三、四毫子一公里。
|
26/9/2004
|
邊部羊好呢@_@?
老編你好,本人是一名"P"女; 現正考慮出部小羊代步.我想請問Honda-04 @Stream125 & Suzuki-Vecstar QS150T 呢2部羊, 你話邊部好呢?
"P"女
兩部都係中日結晶，平價取勝。@Stream座位較低，VecStar馬力較大....如果你會約老編去街，又俾老編用你部車的話，買Vecstar。但如果你只係想約老編去街，唔俾老編用你部車的話，買@Stream。
|
26/9/2004
|
HONDA @Stream 125
I intend to buy a scooter HONDA @Stream 125, I like it's cheap price, I like Brand of HONDA. Of course, I know it is made in China. Would you please give some comments?
James
According to Honda's dealer in HK: @Stream 125 is one of the most hot sales item in their showroom, so a lot of people are with you.....
|
26/9/2004
|
避震問題
想向帥傅請教吓,避震回彈係乜野?回彈快Ｄ同慢Ｄ有乜分別?對灣路同直路有乜影响,應該較快Ｄ好定慢Ｄ好呢?係咪快Ｄ就跳Ｄ,慢Ｄ入灣就定Ｄ呢！我多数行快速公路耐唔耐掟一兩隻急灣,應該點樣調教好呢?多謝帥傅指教.
迷惘人
有關避震的原理及作用，可在【知識技術】中找到相關文章。簡單來說，避震的作用係盡量吸收路面的不平，令輪胎盡量緊貼地面，提供抓地力。而一般原庄車避震設定以合理速度為調較對象，平衡舒適與性能。嚴格地調較避震，係一門「藝術」而唔係「學問」，因為當中有太多變數。
|
25/9/2004
|
頭尾牙
本人坐駕係SR250,原裝行頭16齒尾46齒,520鍊16吋呔。因為我現有一條SR400的18吋後呔鈴連尾牙改裝到SR250上,已經裝好了,但問題就此發生。當我改好位裝上後才發覺SR400後鈴是行428鍊的,現請問我應該換做428頭牙還是520尾牙? 我亦問過數間車房,他們的回覆都是很難找可以安在SR250上的428頭牙及SR400是沒有出過520尾牙的(舊款400好似係530),是不是真的呢?有沒有其他車的Parts合用?如果最後都解決不了我唯有去三禾訂做了(尾牙),但我若訂做的話應該做幾多齒才好配合18吋後鈴?(忘了說我已經改了18吋頭鈴了)Thank You very Much
綿花糖
有否到旺角喪記詢問,分分鐘有現貨.
|
25/9/2004
|
有關Y記Tricker右邊身熱度高
剛入左架Tricker,發覺右邊Engine設計比較出,和喉位是由右邊走,行車一段時間,右邊發出的熱力可以說到不能接受既地步.
1.我想問此情況是否正常?或是單單我部出現此問題?
2.行緊原裝engine oil,到期換第一次後是否有可能改善此情況?
3.如果設計是如此,可有其他方法改善此情況
Kan tsangyatkan@hotmail.com
由於風泠車機器會靠撞風散熱,所以熱力迫人,這是正常,你可加裝油泠和改裝死氣喉走位,即option部品,這便可減低熱力.
|
25/9/2004
|
更換普利珠？
老鬼師傅早晨!
1) 想請問下..小弟架2冲Runner係行約80/km定油行直路時，最近感覺到架車(或是副偈)有d雜聲是一下、一下，唔知係咪普利珠問題呢？因為架車2手買番黎我都行左18000km都冇換個(但已更換了皮帶)。
2) 如雖要更換普利珠，一般車房又收開大約幾錢呢？
謝謝！並祝今晚..金多寶一注獨享！
冇火戰羊 cctam6192@yahoo.com.hk
珠會有牌子和重量之分,人工由150元起.
|
25/9/2004
|
superfour vr
想請問superfour vr頭尾牙數是多少,謝謝.
jo
15,45t for brembo迫力個一期.
|
25/9/2004
|
sheep
i have a 150 sheep which i think completely no power, it only run 6000km so i think should be at the best stage, i already change those air filter, engine oil and spark, so i want to know does sheep need to 'zip' valve? or what can i do so that the bike can have reasonable power? i compare this bike with my old 150 sheep ga ja.....
k
攝哇佬英文係「Value Clearance Adjustment」。莫講話係綿羊，即使係大車，香港好多車行都唔係好願做呢樣野。真係唔知點解。你部係咩車？靚車行6000km就冇乜問題，有d渣車可能已經百病叢生。你話你部車冇力，會唔會係你已經習慣左果度力，正渴求更多馬力呢？
|
25/9/2004
|
回應有關:油錢節省不少,嘻!
我也是pizzahut(Shop66)外賣速遞員的一份子
首先希望你不要再為了節你個人的開支而做出不當的行為
除了是有違公司對你的信任,也是一件極不光彩的事
也不明白你為何那樣光明正大的推薦你那不法行為?
連性名,店鋪的編號也一一列出??
還是在未有人發覺時及早定止你的行為
因為每月油公司也有月結單的
如果對比你每月行車里數與其他車手的用油量分別太大
寫字樓那邊日子久了,一定會留意到的
祝路路暢通
66的同事
|
25/9/2004
|
回覆:油錢節省不少,嘻! <<-- (編按)這是盜竊行為！
世上呢啲小偷偷完嘢仲要寫出嚟，我會寫信去你公司一個叫SAM 有架PGM3嘅傻仔偷油，通常拉咗都係幾個月坐啫
ALL HK POLICEMAN
|
25/9/2004
|
油錢節省不少,嘻! <<-- (編按)這是盜竊行為
香港太多好似你依d人la！我都係打工仔，公司請你番來仲要比你揪水，
難為你仲要公開講出來，唔好講危險先，你搵幾十元一個鐘貪個小小，
因住監都有得你坐呀。
多事友 creatart@hkstar.com
|
25/9/2004
|
呢期政府好等錢駛
不如你地講出你地部車比人告的地方...
做一個總結..咁其他人咪冇咁容易中招
十郎
|
25/9/2004
|
油錢節省不少,嘻! <<-- (編按)這是盜竊行為！
我是個pizza速遞員,自已有架pgm3,呢期係公司車內抽油出來用,正!公司Ｄ油卡有指定車牌
又如佝?入落去我又抽返,仲入成幾支1.25公升自用/俾人用,好呀!
Sampizzahut66
這是盜竊行為，亦有違公司對你的信任。在抽取電油和運送過程中，亦存有一定危險性。一公升電油幾錢？你每日拿得幾多？我唔明白你點解貪圖小利，以身試法。重要沾沾自喜？
|
25/9/2004
|
本人次坐架係 VTR250
昨日突然入完山窿慢駛出返黎之後著左水滾燈, 睇過水箱夠水,一個月前先入去check車黎(仲換過水箱水)我架係 01車,唔該晒大人
vtr250
風扇有冇著到呢？如果風扇識得著又識得熄便沒有問題，但如果唔識著，又或者著左唔識熄，咁就有問題。
|
25/9/2004
|
ET8 死火....
本人是駕駛ET8的, 在7000KM是換了計油, 但沒有換油隔, 現在是7900KM, 問題出現了, 在撻車時, 一撻即著, 但等一陣SLOW車就自己死火, 再撻都係咁....點解呢? 以前是沒有這個問題的, 請問是壞車嗎? 要換計油嗎? 以前未換計油之前, 係要俾油先撻得著, 而家可能換左計油, 爽左, 這有關係嗎? 很擔心有一天真係點撻都撻唔著, 咁就死喇....車是02年ET8...有時撻車又會有"鈴"一聲, 跟住咩反應都冇, 要再撻, 又點解呢? 係唔係部部ET8都係咁既呢? 唔好意思, 問題多左D....
GaryII garyii22@hotmail.com
唔關偈油事，但你行左900km，都差唔多要換。你的問題，請檢查火咀和電池的狀態。ET-8多唔多問題？我只能答你唔會少。
|
25/9/2004
|
cb400整流問題
請問cb400既整流正常佢行車時會比電池既電壓會有幾多呢因今日測得大約5000轉時得13.幾V唔知正唔正常呢
蟲仔
12-13V屬於正常。
|
25/9/2004
|
更換波子盤問題
老鬼你好，本人架Bandit 250行車時，個波子盤經常發出雜聲，個把手仲好震。如果係個波子盤問題，自己換是否可行？需要買甚麼零件呢？謝
強
換波子盤要成份頭擔拆散晒，好煩架，所以人工貴就係咁解。你自己換？識就唔會問，問得就即係唔識。就算圖文並茂俾埋錄影帶你睇，都會搞唔掂。俾人賺啦~~
|
25/9/2004
|
Bandit250避震一問
師父你好,最近出左部bandit250,發覺個尾避震的頂部有d銹漬,而成支尾避震都開始老化和殘舊,請問仲有冇辦法修補,如果成支尾避震換係唔係好困難呢?而價錢係唔係好和味呢?仲有係部車頭都好靜下,rpm維持係1500左右,係唔係算正常呢?而我見部車身引擎寫左2700mL,係唔係代表每次換4T偈油約3公升左右呢?行3000km換一次又合唔合理呢?仲有係部車得個側架,冇大架,如果我想加大架技術上可唔可以呢?而價錢又如何呢?因為隻左鏡已經係泊車時俾人撞毀,而家得番隻右鏡,好慘呀!謝謝您的指教!
bandit小弟弟
你支尾避震打左柴，換一支單筒尾避震唔難，最平可能要兩千幾蚊起。反而如果你想拆佢出來rebuild，香港冇人會做。
1500rpm怠轉可以接受，2700ml代表連油隔一起更換時，需要2.7公升偈油。換油密度係三千公里或三個月。Bandit 250有原庄大架，所以有位俾你裝，價錢唔清楚，可以問下鈴木科研，也可以搵下二手零件。
|
25/9/2004
|
呢期政府好等錢駛
好多地方都抄牌抄到痴肺,大家請小心!
我都兩日4張啦
被抄牌抄到傻的人上
AJ
|
25/9/2004
|
甩P 想轉車
本人剛甩P,保險有10NCB(150羊),請問出棍波車可以嗎?心水車有SUZUKI VOLTY 250 或AGNA 250, 哪一款適合? 或者有甚麼介紹?
甩P人 jimlitszhim@yahoo.com.hk
如果你當年份保險係綿羊專用的話，NCB不能帶往棍波車。Volty250和Magna250係兩部完全唔同o既車。Magna250個樣雖然係好靚，但係又大件又冇力，老編會揀Volty250，雖然冇力，但勝在輕巧實用。
|
25/9/2004
|
ET8椅背
邊度會有多d唔同款式ET8既椅背買呀？謝謝！
John Ho
奧士果d唔鐘意咩？專賣綿羊的車店會有較多選擇，例如綿羊熱點，翔利....o卦？
|
25/9/2004
|
P牌問題
老編你好！如果有私家車牌和電單車P牌, 而又在駕私家車時超速要扣分, 那會否影響個P牌?謝謝回覆！
Eddie
嬕！應該唔關事下嘛？扣分就共用o既，但你當時唔係用緊P牌丫嘛，所以唔應該會加你監。
|
25/9/2004
|
re:政府好等錢駛
真係wor~我泊起電單,車位隔離之麻又冇阻人又係靠牆既咁都比佢整左張,我又笠晒套都要唔怕煩照抄............兩個鐘咋.......咁就冇左320$........T___T"...
Free typefree@hotmail.com
|
25/9/2004
|
DW-40 會否腐蝕油七及膠喉
老編你好：本人是貴欄的忠實讀者，每天至少察看貴欄一次。小弟認為貴網站的設計和效率，堪稱是全港之冠。現有下列幾個問題請教：
-DW-40 會否腐蝕油七及膠喉呢？本人坐騎乃是10年BIG ONE，因引擎边鐵管，鏍絲頭及車架上有銹積，噴DW-40時令車身油七及膠喉也沾上了。是否不妥？全車除銹貴嗎？
-上手主將車尾換了短彈弓，說令車尾低一吋以就他體高。請問我想將它升高回原廠高度設定，如何量度呢？原廠設定是多少cm呢？我怎知左右高度相等呢？
-難找空波，有計嗎？
祝蒸蒸日上
pingko
WD-40對油漆和橡膠沒有腐蝕性，但礙於美觀問題也應清理。全車除銹？即係全車翻新打磨拋光？起碼收你幾千蚊，要拆好多野，有排做。
換了短彈弓，會減低轉向彎性，也可能會影響大架離地距。建議更換原來長度的彈弓，大牌子通常會有出專用型號，照換便可。
難找空波，通常係極力子威也調較虛位過多，也可能是偈油夠期。
|
25/9/2004
|
+fork碼吱吱聲(續)
你好,昨日問+左fork碼有吱吱聲,今日正想拿去整時,行行下,正情前look有d怪聲,己且部車突然慢左,勁危呀,唔知咩事,己推左去車行check,車行未有回覆.之前己問老編,點解我部車滴偈油,原來無左膠圈,我真係為左部vxr心歷交碎,買二手車真煩.好彩貴網不勝其煩解答別人問題.真感激.
心急人上
|
25/9/2004
|
P牌-電單車操作問題
本人剛於八月份成功考獲電單車P牌，買了一部250cc手波車代步，但仍有一些控作問題，希望能解答。想問怎樣切線較安全？因新手，故本人切線會望鏡及轉頭望，若車速較快的車，我寧讓他過也不切線，但曾在太子道東切線，遇到三部車速較快的車，也不能切線，後來望到有部的士較自己距離遠些，我便切了線，之後部的士響銨，然後近距離踏著我條線爬我頭，令我感到生命受到威脅。還有是否用多些五波會對部車好些？一般路面用三至四波是否可行？想問是否熟悉電單車的人，就不需在行駛中唸自己是入什麼波，是看部車夠唔夠力去調整波段？因本人在駕駛中會唸自己入了第幾波。
從你的文章中，可以見到閣下的駕駛技術處於「翠綠」階段，也相信你沒有私家車牌。切線時道路優先權在對方手中，對方有權唔讓你，所以你一定要等待合適時機先可以轉線。何謂合適時機？預早打住燈邊行邊等，後面的車如果收慢，你便可以切線。的士X你，因為佢要收車來避你，如果係考牌你一定肥佬。
你說得對，熟車的人唔會記行緊咩波。所以你問我用緊咩波行車，我會答你一條街有時己經轉好多次波。視乎交通情況和彎道有多急，除左一波要來起步之外基本上咩波都會用到。
你留意下棍波電單車駕駛者的左鞋面全部都係花晒o既，就知佢地轉波會轉得好密。所以你要多練習轉波，做到唔使唸的境界。
|
24/9/2004
|
請問RUNNER180用乜型號電同要幾多錢.
URGANT PLEASE!!!!!!
RUNNERMAN
你點解唔自己拆舊電出來望下呢？我身邊又冇溫拿車....
|
24/9/2004
|
+fork 碼一問
你好,我部vxr180加左條fork碼之後,慢車時頭look有吱吱聲,請問係咩事.
心急人上
肯定係關fork碼事？那麼把fork碼拆去還有聲音嗎？如果仍有那便不關fork碼事了！
|
24/9/2004
|
各P仔/新手, 望鏡要睇耐D~~ <<--編按：錯！
小弟於6月考到了電單車牌, 前幾天買了部電單車, 這幾天都周圍兜, 發掘新大陸, 熟習一下路面, 今天駛到太子道西近新世紀入了慢線, 前面巴士停了(我也停了), 所以想出中線繼續行駛(中線很暢通), 於是望一下鏡(無車), 打了燈, 再望一望(很遠有車燈), 再回頭望望膊頭(無車), 就出了半個車頭, 這時有架的士已經到了(兩個電單車位)響銨及急煞, 我立即加油逃跑, 成功逃離危險, 於燈位被佢問候了家人, 我魂魄未定, 之後停下來細想, 一定是我望鏡太短時間, 而現場有修路工程, 快線壓入慢線, 是我未留心怏線車輛及中線車輛接迎.
現在我過線時會打定燈, 一定會望耐D鏡, 留心鏡中車輛有否快速接近, 有的話就等佢過先.
這次我上了驚險的一課, 希望各P仔/新手可以我為鑑, 汲取教訓
哥倫布
錯！望鏡唔應該睇咁耐，因為你會忽略前路交通的變化。望後鏡要多望，但每次望的時間不能太長。只是每次瞄一瞄，但要瞄幾次，咁樣自然會比較到後方的變化。
你的問題是缺乏對其他車輛速度的判斷。另外人地已經殺到，你重要夾硬出，梗係俾人X啦！你只是突了半個頭轆，人地會避到你。而你重要出，人地若果收唔到撞過來你重危險。咪制！
|
24/9/2004
|
政府好等錢駛
呢期政府好等錢駛?點解呢!因為好多地方都抄牌抄到痴肺,大家請小心!
被抄牌抄到傻的人上
|
24/9/2004
|
電單車的離合器的運作原理
可否在知識技術內，介紹電單車的離合器的運作原理？實不相瞞，我是個機械工程系的大專生，但學校沒教電單車的離合器的運作原理，我還認為轉波時，是以改變大小齒輪作加減波；早前有一朋友告訴我，電單車的離合器不是以這方法運作，但他也不大清楚其運作原理；因此，特來此信，求教、求教。
Jurger
你究意係講緊波箱定係離合器？汽車與電單車兩者當然會有分別，波箱基本方向相近，但汽車採用乾式單片極力子，電單車普通採用濕式多片極力子。詳情應該買本書睇下。FAQ部份有相關書籍介紹。
|
24/9/2004
|
老編你好:本人獲P牌後,想出部Hornet600或CB400.兩者有何評價?長途車應付得來嗎?(主要返工)是否高危車種?新手駕Hornet600會否過份少少,因本人又唔想一年後換車. 謝謝!!
愚昧阿nick
兩部都唔算高危車種，也絕對能應付長途駕駛需要。建議新手先出CB400SF，一年後仍然夠用，不需急於換車。
|
23/9/2004
|
Engine Oil
Dear Editor,Firstly, thanks for editors' quick replied on my previous question - 吸缸. Eventually, I found a garage in Tai Hang, and he told me that he could do it, but upon some restrictions. Secondly, I heard from other garage holder; he mentioned that due to single-cylinder bike produces tremendous heat and fiction, it should be used the best engine oil instead of cheap one. Is this right? So, any brand and engine oil type recommendation?Thanks a lot
Tear dropper
老編盡量避免特別推介某一隻偈油牌子，因為偈油有一個共用的標準和規格，例如現在全合成偈油的級數去到SL級，產品質素的透明度頗高。單缸車如果你長期炳佢，咁又真係幾辛苦，用隻靚偈油都冇話唔應該。不過記住一樣野，用咩靚偈油都好，如果因為貴唔捨得換油，不如用平油換密d。
|
23/9/2004
|
新牌仔想買車代步
本人剛考到牌,想買一架手波車代步,想請問老編 CB 250 適唔適合新手駕駛,同埋維修保養會唔會好貴,買車時有那些地方要注意? 唔該老編給一點意見!!
新牌仔
CB250幾好丫，維修和保養都唔貴，如果唔係唔會有咁多公司用。揀車時盡量揀一些年份較新的二手車，也盡量避免揀曾作商業用途的二手車便可以。
|
22/9/2004
|
RE : 黑仔人
其實各位P仔P女,有沒有想過自己的車牌,須要付出多小金錢,時間.為了一時之快而失去以往所付出的金錢,時間是否值得呢?(除非你們只是不希望天長地久,但求曾經擁有者例外)本人希望各P仔P女在P牌其間做出違法行為時,想一想是否值得,不要經常事後又怕罰怕停,左問又問啦!!
Kim
|
22/9/2004
|
第五十屆澳門格蘭披治電單車大賽 - 我想要返d相呀....好慘呀!~
小弟部電腦因出現問題,以致50屆格蘭披既電單相無曬呀......我想問下有無得可以睇返同down返呀???thx~~~我想要返d相呀....好慘呀!~可唔可以幫到我呀~~~
fathei2000 fathei2000@yahoo.com.hk
有關第五十屆澳門格蘭披治電單車大賽的報導，可以在【趣味花邊】中找到連結。
|
22/9/2004
|
整到嬲
師父~~~你好,小弟渣VETC1~近排有question~開頭電池打柴~~但換左.而家又壞左~為何新电都唔掂~~~佢好古怪呀.晤keep住3至4千轉就死火,再達就達唔着~~~但重着頭灯~~~整到好煩~~~~煩請指教小弟~~~~thx
CHRIS pun527mui@yahoo.com.hk
唔好嬲字,好明顯架車整流壞左引致不能充電,是可以check到,至於keep唔到slow可能已經壞了火咀.
|
22/9/2004
|
S&S車行送車
老編兄：韓車問答比賽入圍名單，不是於18日供佈嗎？為何到現在也看不到呢？
ET et-home@ctimail3.com
係喎！點解冇人通知我地o架！等我追追佢先！
22/9/04 6:00pm =>>終於聯絡到SS發言人，佢話店主剛從韓國回港，得獎名單最遲會明天發出。>_<!
|
22/9/2004
|
Motorcycle Lock
Dear editors,Would you suggest some brands of lock (chain, padlock, brake disc lock, U lock, etc.) for motorcycle? I am using a disc lock from ABUS (http://www.abus.de/us/main.asp?ScreenLang=us&sid=665172756120533210920042038540123&select=0105b), do you think this brand is good? Moreover, one of the chain/padlock combo from this brand cost $13xx, do you think it's worth the price? will i get better chain/lock in local metal shop? or use motorcycle specific lock better?? thanks very much for answer!!
Po
ABUS Quick 37 is a good design disk lock, try this.
|
22/9/2004
|
回應 "問rgv 250新款"之朋友 - 為何不應選擇二衝車
我也與老編有同感, 不要抱住"又要馬兒好, 又要馬兒不吃草"的心態買電單車
該位朋友提及的, 都是一些過時了的二衝程, 容積細的跑車.
誠然, 又要型又要飛, 最慘仲要係窮, 二衝程車的而且確是很吸引
不過, 買了回來隨時等如掉錢落咸水海, 一來成日要整
二來最弊係不知道車子何時要維修, 揀正晌危險時先壞.
我本人都試過, 晌吐露港行緊快線, 成八九十, 點知架車入唔到波
轉數急跌, 想入慢線又入唔到, 旁邊d 大車又唔讓你, 結果晌快線路肩停車
要警察哥哥封晒吐露港四條線, 俾我推返架車埋慢線....
車行一定會有此類二衝車出售, 正因為很多人不知就裡, 只要有型便什麼都不理車齡高, 容積細, 架車一定係五癆七傷. 而且好多時車主數量很多, 很多人一心諗住舊車, 唔保養唔維修見唔妥就監平監賤賣返出去, 所以, 呢種車一定成身暗病,車行又因為成本問題唔會大整, 但求撻得著, 冇穿冇爛行得就關人.
所以, 真的奉獻一句, 騎士正因為先天是人包鐵,一部可以信賴的電單車, 一身保護裝備, 雖然不可以保証可以避免意外發生,但在已知的情況下, 做好準備, 增加自己, 乘客及其他道路使用者的安全
"工欲善其事, 必先利其器", 不如多花一點錢,買一部新車, 又或是年份新的車子, 多花金錢作維修保養, 那麼, 大家驅車暢遊就更加身心愉快. 成身爽晒. 希望大家都可以 "開開心心出車去, 平平安安回家來"
騎電單車的註冊護士
編按：「註冊護士」先生，請問你係咪當年徵文比賽得獎果位仁兄？見字請以相同email聯絡老編，有禮物。
|
22/9/2004
|
再續撰擇題
二手CB400同Fazer 400,差不多價錢,但想知道維修零件係咪Y記貴好多,你話出邊部好呢?
又Fazer400話部偈行到甘上下就叫,係value到叫!!要整大約幾多呢!?
龍
以維修角度來看，H記的車比Y記的車容易整，搵零件渠道也多，所以車房比較喜歡接H記的車。哇佬響好多車都有，Y記唔算嚴重。整唔係貴，但好快又響過。
|
22/9/2004
|
高速入灣剎車問題
點解d賽車手可以係d灣入面用頭剎而又唔會波 out??係灣入面剎車又乜好處又有乜壞處呢??
偉偉 waifox@hotmail.com
係彎中用頭迫力係高危行為，而且會破壞操控。輕微的頭迫力作用都係修正線位，唔係正確動作。
|
22/9/2004
|
回應南區DNA
兩次超速加唔掛P行車. 一年之內犯三樣無必要既罪, 証明你係唔遵守法律既人. 冇P可以坐巴士; 又冇人推你行咁快做乜? 的士同小巴趕投胎又關你事? 就算係高速公路P牌都只可行70, 你50行74即係超50%. 唔好比人以為我地搾電單車既都係飛車黨.
不過話時話有時自己都會唔覺唔覺越搾越快. 總之大家小心, 平平安安回家.
DV5
|
| |
|
|
|
 |
|
