|
|
|
FAQ常見問題 |
|
|
22/9/2004
|
RE: 黑仔人
無掛P牌, 2次超速,2次重超速24km, 比頭一次還要多, 釘牌重考機會相當大,其他車袂你便要跟住炔嗎?人地抯部R6你唔通死跟?人地超速最多扣分罰款,p仔要加刑或釘牌,代價大好多,我也是p仔, 人地袂未有佢law, 最緊要順利過p牌, 我有時都會超速, 但最好唔好超過10km,會比較安全D
我也是p仔
|
22/9/2004
|
RE:黑仔人
如果証據足，告得入的話，一定會釘牌，重考路試
Sam
|
22/9/2004
|
煩惱的人
街車,巡航車那樣合p仔?巡航車是否不易高速入彎?GZ150巡航車會否好慢,GZ150在什麼地方生產(好像沒有什麼150cc像GZ150十分抵玩)?街車有速度感D嗎?因為本人正在學電單車,想多了解新手的選擇,新手應選擇什麼操車呢?這個鐵騎網誌比我對電單車的知識多了很多^^
豪仔 hokwai@netvigator.com
以同級計，街車的性能和操控性會比巡航車高一皮以上。GZ150是中日合作，當然是在中國製造，對150的速度不能太苛求。新手揀車練習，應以操控容易為主要考量，馬力、外表都是其次。操控最容易的是綿羊，但比較安全的是街車。
|
22/9/2004
|
黑仔人~~
唉~~本人係一名P仔~~因日前行車時其中一個P牌掉了~~而又因返工返學所以沒有時間買回~所以冇掛P...最慘係前日中左路障~~佢話我超速..條路行50..我行74...最後佢叫我留低地址..二日後會有人通知我...
本人係第二次超速..上次係中快相,條路行50..我行62...冇扣分~~320蚊~~我想問今次會唔會係停牌或者釘牌呀??有冇人可以答我呀??但係條路平時所有車都係咁急~~個日連的士..紅wan都中...試問小市民ge我又點會冇事丫....
南區DNA..
|
22/9/2004
|
問rgv 250新款
你好！請問rgv250新款性能如何？將它和pgm 4、tzr250比較那一輛會較好，那麼新rgv250是否一輛值得買的車呢！可以將它的優點和缺點評一評！多謝
對唔住你係邊位？冇署名o既？另外老編要再講一聲對唔住，乜RGV250有新款咩？點解今年德國慕尼黑車展見唔到o既？閣下呢條題目，如果係十年前問，應該會有幾多人有興趣睇。係咪睇到一頭霧水呢？因為今時今日重講邊款二衝車有咩優點似乎不合時宜，等於叫你係醫院搵幾個七十幾歲o既病人坐埋一齊，然後比較一下佢地當年二十歲仔果時邊個勁d..有咩意思呢？在老編眼中，新手不應買二衝古董跑車。
|
22/9/2004
|
吸缸
Dear Editor, I am ibikes' supporter, who feel gorgeous of ibike providing long-term comprehensive reading and servicing materials. Unfortunately, I made a careless mistake and have dropped my beloved this afternoon at 0km/hr. Eventually, there has two coin size 凹 areas in the fuel tank. As I remember, you had mentioned a method called 'TANK ABSORPTION METHOD' previously, and I have also called some garage especially painting one to ask for details. Unluckily, all of them rejected my request. Thus, would you mind to give me more hints, which guides me to search for the right garage/person to save my beloves' beauty? I do hope my beloved can be as charming as before. Thanks god!!!
Tear dropper
以下回應摘自老鬼師傅在7月23日的回信原文：
【無錯,這是一套較為昂貴架餐,但並不列入七武器之內,所以並不是間間車行都有得做,你只能夠每間去問,但本大師用過,並不是你想像中咁完美,第一油缸骨位用唔到,第二範圍太細用唔到,第三如表面巳有裂痕,死硬,.此獨門功夫其實是噴油派專用,目的係....丫...有...刺...客...! 】
老鬼師傅明確地指出，【吸缸】唔係人人識做，即使做到，亦有好多限制。
|
22/9/2004
|
height problem
old editor,Since my height problems, and riding a heavy bike 240kgs. But my feet cannot fully step on ground, so it always cause trouble in parking and stop at slope . Can you tell me where i can get a shop for cutting the sit to become lower?? normally how much will that cost...?Thanks...buddy
buddy
Any shop will accept your order, then they will pass it to the expert. I think it should cost a few hundred dollars to cut the foam and mount a new seat cover.
|
22/9/2004
|
隧道快相
係隧道比人影快相會點罰嫁.... 駛唔駛扣分呢?係唔係各條隧道罰法都唔同 ??Thanks !!
Nic
應該同其他道路一樣冇分別。
|
21/9/2004
|
ET8頭避震問題~
請問最近架ET8唔知點解個頭避震好似無力,變得好軟.請問會否頭避震無油或避震老化??
謝謝~~
新手 dickjoey@hotmail.com
這是雖要更換避震的.
|
21/9/2004
|
死氣喉一問
老鬼:我想知FORZA 250既死氣喉可用於科西身上麻??我睇落D碼位好似一樣因我條喉散左,FORZA 喉又靚D,另如果雙騎上南風道得50/km,單騎有70km正常麻?我記得以前楂freeway時單人都去到80-90/km,why???你認為有咩需要根根呢?thx///
kan
曲喉走位不一樣,裝不到,不知道有否換了輕珠,如換了上斜是會差d,火咀,風格或皮帶拉長左都會有影響.
|
21/9/2004
|
vxr180滴偈油一問
本人在a車行問下vxr180時,拿車時己見到車底滴下幾滴偈油,他幫我扭緊後己無事,在半個月後再滴過,我去b車行,因近我家,他說之前個師付扭得很緊,他怕扭到爆牙,他叫我去番a車行整,呢點我明白,咁我想問下假如扭爆,係咪好大獲,爆左要換咩同幾錢,同埋一路滴偈油,係咪部機頭會壞?咁我呢個情況係咪好嚴重.心急人上
心急人上
如爆牙就可能要更換機殼,就都幾大鑊,要視乎點爛法.不過可能只是油底縲絲的膠圈爛左引致漏油.
|
21/9/2004
|
電池
請問我的99 Majesty 落雨後常常無電, tar 唔著, 是甚麼原因呢?
Andy jluke7@sinaman.com
這是可以check線圈和整流output是否足夠,這樣便可以知道常常無電的原因.
|
21/9/2004
|
更換零件
本人對電單車認識不多, 買o左部二手honda@150幾個月, 上手車主只係換o左車o太, 而家總里數有 15000km, 請問是否有需要更換部分零件? 要換o的咩呢?
Michael
好難講要換d咩，每部車的實際耗損程度都有唔同。先睇迫力皮和皮帶，換埋偈油和火咀。其他野到時自然會慢慢跟到出來。
|
21/9/2004
|
鮑魚
請問鮑魚夠期的徵像係點?近期發現頭brake唔係好應,唔知係咪夠期?另外後鼓殺係咩情況下需要換?
TIM
你講緊個迫力卡鉗幾時夠期？通常有問題都係個活塞積左死或者係膠邊老化...如果你發覺個迫力唔係好應，又唔關迫力皮或迫力油事，咁就要睇下迫力泵拍同埋個鮑魚o勒。
|
21/9/2004
|
RE: P牌早上行走屯門公路一問
有關早前有網友詢問係屯門公路巴士線實施期間，p仔可唔可以行右線，其實香港法例374Q章第11條有寫，巴士線實施期間唔當係一條行車線，所以p仔係理應可以行右線。不過有幾多阿sir知道呢條法例，就冇人知喇，各位p仔亦應好自為之。
法例原文可以自行去搜尋:
http://www.justice.gov.hk/chi/home.htm
正義朋友
|
21/9/2004
|
指輝燈
老鬼大偈你好：
本人還有一個問題，請問freeway個指揮燈是否像私家車一樣轉完彎便自動熄。
因本人部freeway行車時 呔盤斜向左或右一方時，然後把呔盤拉回值位，指揮燈便自動熄這是正常嗎？如不正常應是那個位置出事及維修那處才對。因只有行車時才有這現象，試過停車起大架，打指揮燈左搖右搖都沒有熄。因本人買了這胎車只有個多月，對這車沒有太大認識，煩請解答。謝
kki
正常，係豪華裝備o黎o架！
|
21/9/2004
|
classic bike GB250
小弟是 classic bike 既愛好者.見昌利有兩架 gb250,都好吸引,考慮想買.但想知 gb 是否好車.除外形之外性能 ok 嗎?此車已經停產零件會唔會難搵.去燦基佢會唔會有.因我只怕到維修保養時至頭痛.定係買架 suzuki st250..仲低玩.
小恆
新車和舊車之間選擇，新車當然永遠比舊車好。GB250結構咁簡單，唔會太煩，而且Honda的零件供應不成問題。
|
21/9/2004
|
震動?
人地話v2引擎的車比直2 or 直4車震動強勁,是否行車時會比較震的?
Jason
汽缸數目越少，震動越大。V2不會比直二特別震。
|
21/9/2004
|
買車及攞車一問
小弟係個新牌仔，將於日內到代理買車，係an400，想問買車落訂o個日和攞車o個日有乜注意事項！
如....買車時有冇文件要帶？落訂時有乜要注意？攞車時有冇需要試車？需唔需要入油？租停車場應該幾時去租？代理會冇乜野送等等！
大頭 taitau_lam@yahoo.com.hk
去鈴木科研買車重使乜驚！佢地果班sales會詳細講解俾你聽。買車帶錢落訂便可，其他文件可以用fax補番。全行拿車都冇得試車，亦只會俾少少油你去油站入油。租停車場應該係你有交車日期先去租都未遲。代理會送....一般都會送客。
|
21/9/2004
|
噴油
唔該我想問若將架老電噴油翻新，噴油公司會否出古惑更換車內零件？老編可否介紹較好信譽的噴油車行?(請勿登出本人e-mail address)
V3
樹大有枯枝，族大有乞衣，老編唔敢擔保一定冇，但正路唔會有咁既情況出現。好多車行接噴油job通常都係判俾人做，除非你見到佢有噴油設備及裝置，否則分別不大。
|
21/9/2004
|
不明用意的賣車廣告
本人觀看i bike都以有兩三年不過近七八個月在賣買搜尋看到某車行不論新車二手車都是 特價再唔係面議前者都唔怪佢可能真係賣平d後者面議係唔係靚仔賣平d樣衰賣貴d或者直頭唔賣我本人覺得做生意應該直接把價錢登出黎唔好令到想買車嘅客人卻步
小孩子
我明白你的意思。據我們了解，部份車行選擇不公開售價，是希望避免其他行家誤會。舉個例子，某車行有架AN150賣一蚊，第二間車行又有一架AN150賣，但係就賣八亳。由於時間上係第一間車行賣先，咁佢會以為第二間車割價頂佢。其實兩架車的狀態和裝備完全不同，當然係賣緊唔同價錢。為避免類似誤會，有部份車行選擇唔公開售價，寧願吸引有心人來問價先講。這情況在私家車上也是很普遍的事。
|
21/9/2004
|
放射式裝嵌法的卡鉗
首先我想讚一讚貴網...一來可以介紹最新最快既電單車資訊比我地網友識知....二來又設置呢老鬼信箱比我地對電單車唔係太熟識...但又想了解一下點樣可以保養自己既愛驅既人...令到我地疑難盡解....真係多謝多謝!
咁講番正題啦...其實我想問下放射性卡鉗碼同普通既卡鉗碼係有乜野分別呢?感激回覆!祝貴網蒸蒸日上!
ah 展
先多謝阿展哥的讚賞。放射鮑英文是Radial Mount calliper，分別並不在卡鉗上，而是在卡鉗的安裝方式。
採用放射性裝嵌式的掣動卡鉗，因為卡鉗的兩端都和fork筒有接觸，而傳統的卡鉗裝嵌方式，卡鉗下端的凌空的。在高速掣動時，採用放射式裝嵌法的卡鉗，能更堅固地鉗制迫力碟，不易產生走位變形，令卡鉗的作用得以充份發揮。
|
21/9/2004
|
CB400SF (BIG ONE) 油路
你好.我想問如果姪油先去入油是否對架車唔好.BIG ONE後備油可行幾多公里多謝回答.
P仔 freeflyaway17@yahoo.com.hk
冇咩必要搞到咁危急先去入油丫。開左後備油缸就唔好四圍走，要去油站喇。後備油有四公升咁多，夠晒你去油站。
|
20/9/2004
|
急診﹐隻YP125羊發燒
大夫﹐我隻99 Majesty 125 水溫燈時不時紅﹐行行下又無事。之前試了換水箱水﹐好了兩星期﹐又複發。另外電池好似叉唔到﹐試個換新電﹐回家叉滿﹐兩日又玩完。如果整流壞了﹐水箱pump同風扇是否會因無電而不運作。依家隻羊係等送院﹐想知多D大概病情至送院﹐ 以免被偏。
多謝大夫。
羊主 freemanlauhiufai@yahoo.com.hk
整車師傅首先會同你試水溫,再決定感應制有否問題,(不是偈油燈?)如整流壞了是不會影響水pump和風扇.水pump是跟機器運作的,而風扇開關是用感應制.
|
20/9/2004
|
溫度針
老鬼大偈你好：
本人部車牌字是freeway，但因之前個整流壞了，引致錶面個溫度針損壞，現已換一個全新整流及電池。其它電器無問題，如果維修或換一個溫度針費用會否很高。
如果不更換會否有問題。請提示本人應點處理。謝
kki q91972@yahoo.com.hk
freeway咪錶係成組買,如無溫度顯示,日後如風扇唔開而溫度高但你又不知道,長期有機會損壞機器.
|
20/9/2004
|
fuse問題
你好：車房師傅說每輛電單車有一條30A fuse 給起動用的, 但我輛freeway最大只有10A 會不會很容易消fuse。謝謝
kin q91972@yahoo.com.hk
會!你最好更換番為30a.
|
20/9/2004
|
渣實 Brake 用力壓下去有怪聲
聽到個頭有 CLOCK CLOCK 聲
我渣BANDIT 600N 架
唔該
偉偉 waifox@hotmail.com
波子盤同頭轆啤呤散左都會有clock clock聲.
|
20/9/2004
|
錶板問題
老鬼你好，我架大鷹150最近突然無咗液晶顯示器，所以沒有電油缸、水温及時間的資料，很不方便。請問出了甚麼問題？如整個更換要幾多錢？多謝指點。
KEN
fuse或咪錶壞左都會無顯示.
|
20/9/2004
|
SR400
Dear Dr Old,
I bought a 02/04 SR400 two months ago. It runs 21600km already. In fact, I have few questions, which I have to ask and mention?
Q1. After I stop in traffic jam/light, then when I re-run the engine (in gear 1), there has a 'dok dok...' sound from the gear. Is it normal?
Q2. Presumably that 50% chance I was driving in highway, and 50% chance I was carrying my girlfriend; and I always keep my bike in 4000rpm. Under this scenrio, my bikes' petrol consumption is HK$0.6/kilo. Is it acceptable?
Q3. Actually, my bike does not has any modification. Firstly, if I up-hold my bikes' rpm over 5000; second, stop supplying petrol, there has 50% chance of existing 'pak pak' sound from the exhaust pipe. Is it called '打炮'; and how to fix/manage it? Should I clean the air filter first or what so ever?
Q4. Under a slow riding situation (< 20 km/hr), the rear breaking pad has 'gue gue' sound. How can I fix it?
Q5. In fact, I know that SR400 is a 4-stroke, one-cylinder engine. Though, engine shaking is unavoidable, the whole front (including wheel, head light, meter, front fork) shakes pretty serious. Is it because of my bike suffered heavy crash before?
Q6. Generally, how to maintain my bikes' mechanical condition? For instance, any engine oil types' recommendation, should I change fork oil etc.
Thanks a lot, I looking forward to hearing from you.
Gene geneip57@hotmail.com
正常的波箱停車或行車時是沒有聲音的,如你肯定聲音來自波箱這當然是不正常.(會否鋉鬆)
|
20/9/2004
|
A博士
你好,本人的綿羊(A博中士)的引擎轉數在5000轉至6000轉有不流暢的感覺,有点桭動至上坐位上,而高過6000轉或低過5000轉也沒有,若keep住5000至6000之中行車就全車不停桭動,請問是否引擎出了問題,而本人在上星期已更換了(皮帶,珠仔,機油,尾牙油,水箱水,火咀,風格)謝謝回覆(行車里數4萬公里)0
恒 ka8252000@yahoo.com.hk
要換都已經換晒,會否是珠仔的重量有變?你應回車行叫師傅同你試車,因可知道維修過程中有否發現.
|
20/9/2004
|
CB400 VTEC 2
老編您好! 本人每日必定瀏覽貴綱數次,貴綱資訊更新之快及解答問題效率之高,實在非常"勁"!! 必需在此表揚一下!!
本人現有些問題想問,希望能幫忙解答.本人已有7年多的電單車駕駛經驗,己用過多台綿羊。最新購入之坐駕為 02年 CB400 VTEC 2,經常雙騎、行市區短距離兼日日上斜,呔氣足夠,常用轉數為四~五千轉,間中七~八千轉,有機會的話都轉高波行駛,每次入15L電油左右,油費約$170~180,能走230-260KM左右,每公里計落要$0.7~0.75, 每次都差不多,非常準確。
1.請問油費是否偏貴?? 如是.....有何方法解決?(己換偈油、偈油隔、風隔、火咀)
2.凍車怠轉400, 熱車800~1000, 是否正常?
3.搵空波易,但一路行一路低轉高波經常有"泊"一聲,偈油量正常,極力子威也己檢查過,是否因15W50 偈油黏度太高所致? 如用10W40 會否有改善?因以往並沒有買過四冲街車,所以煩請指教指教。祝貴網烝烝日上 忠實網友
Gary
先多謝Gary兄咁大頂高帽笠過來。CB400SF精神的轉數係7000rpm以上，我覺得你的常用轉數已經偏低。你的油費唔講得係偏貴，但亦唔講得算唔平。如果你經常行走市區的話油費係會貴d。怠轉正常。轉波時一定會有聲，你所講的聲音，如果是低沉的【泊】一聲ok，但如果是清脆的【啪】一聲便有點恐佈。唔關偈油事。
|
20/9/2004
|
P牌早上行走屯門公路一問
老編大人你好，本人是P仔一名，想請問一下在早上７﹣９公路左線定為巴士專線的時候，我可否在剩下的兩條線的最右線行駛呢﹖因小弟發覺當遇上大型貨櫃車前後夾擊時，只得一條行車線可用便沒路可走了。
新牌仔
法例只係寫住【在有3條或以上行車線的快速公路上，不得使用最右線】，當中並沒有把巴士專線的情況寫得很清楚。但我估應該唔得，但唔肯定。
|
20/9/2004
|
換油
你好∼師傅我架車係93年big one上個月先買既係進口翻新車宜家行左一千公里
我想問洗吸係Ｄ咩因為我Ｄ朋友叫我去做洗吸,洗吸程序係點架?
1.我架車宜家5.8毫一公里(常走高速多數6000轉行110km)做洗吸會唔會對減低油費有幫助呢?
2.我架車用3波個時會有Ｄ格樂格樂既聲係咪車齡太老呢？有冇得解決？是否要換波箱？費用會很高嗎？
3.一轉二波時會成日上左空波有時聽到佢架一聲上左二波但一比油又跌返落空波究竟咩事呢？
4.換油系咪等如換埋波箱油架？
太多問題打攪晒^^"
kwan kwan ho1979@hotmail.com
你架車仲有保養,快d返去找佢,是關如不是你楂法有問題,就係機器,可大可小.
|
20/9/2004
|
迫力碟起坑
小羊行了快8000,原廠皮, 慢車時發覺前碟制動有聲,車行說迫力碟起了坑所以有聲，問題不大可不理,打磨的話一百幾十元，打磨後會無聲
“迫力碟起坑，原因係日子有功，迫力皮的燒結物不平均磨損所至。私家車通常一換就一套咁換，但係電單車通常會慳d淨換皮就算。其實剎車碟起坑係會減低剎車性能.... ”
問題是：如果起坑是自然現象，那是否雖定期給車行打磨？或是不用理會？如何保養才不會減低剎車性能？ 迫力碟正常壽命有多久？
綿羊羊 tnytang@hotmail.com
打磨會整薄隻碟，加速隻碟的壽命。如果輕微起坑可以不用理會。慢車掣動時有聲，可能係迫力粉積住，試下拆出來吹一吹。掣動組件冇乜保養可言，因為你一定要用。我地應該係唸點樣維護掣動性能至真。答案係迫力油、迫力皮、迫力碟、迫力喉管到期便要更換。另外年份高的舊車，迫力卡鉗也要看看是否操作暢順。
|
20/9/2004
|
完裝150羊死氣喉
剛買一部150二手羊不足3個月,最近發現死氣喉有點散聲傳出,及慢車低轉及撻車時喉位比較大聲嘈,在開順後對比之前更加順暢得多,耗油量會否相對之前大好多好多?日後條喉是否會更加嚴重,但最擔心的很難放車,我怎麼辦好老編老鬼兩位???日後怎可避免有散喉情況發生.
花花公子 alan0710@yahoo.com
這當作是損耗品,要用車就自然會有損耗!擔心有可用.
|
20/9/2004
|
CB400 BIG ONE引擎問題
本人駕駛CB400 BIG ONE，想問為什麼開動了引擎，就聽到輕微啦啦聲(好似螺絲在汽水罐搖動)，是否引擎有問題？
生
可能係哇佬聲，也可能唔係。你試下聽一聽第二架同款車，如果覺得完全唔同聲，俾車房睇下。
|
20/9/2004
|
老鬼先生你好,本人是新牌仔,想問CB400SF (BIG ONE)若果差不多沒有油行車(姪油開始計),是否會燒曷油繼續行車,多謝回答
P仔
行油行到開始窒油，應該馬上把正油cord扭去spare cord，否則死左火後，即使扭左spare cord，都要等一陣先著到車。你擔心的問題是不會發生的。
|
20/9/2004
|
我最近買o左架01年AN400,每次揸完架車後,無論長短程,引擎都會有陣[o羅]味,
只柔順咁揸並無炳佢,點解會咁,唔該晒 !!
bandit400v bandit400v@sinaman.com
一係機器漏油,一係是新噴上死氣喉高溫油的氣味.
|
20/9/2004
|
CB One Braking System
老鬼sir!!
小弟 冇查部CB One約2個月,取車時尾break 拿死,請問有冇得自救??
Thanks
Angus
Angus sangus544089@sinaman.com
可用腳輕力踢鬆尾迫力,之後駛向車行維修.(但要小心駕駛)
|
20/9/2004
|
magna 750
老編你好:本人時常行駛公路,以往會用五波行80-90公里.但停車後入空波時聽到車頭有些"達達 達達"聲.之後改用4波行80/90公里後便好像沒有聲了.請問是否平日用5波行車不足夠轉數?約時常改用4波行駛30-40公里(路程)會否好一點?
sk
別想得太複雜，達達聲是機器冷縮熱漲的聲音。常用高波低速行車，火咀會易積碳，但行緊80-90km/h，唔算低速。
|
20/9/2004
|
引擎發出輕微啤啤聲
老鬼先生好!
本座CB400big one已有六年, 行駛了若50萬公里,想賣因為引擎發出輕微啤啤聲, 是否內部引擎零件損耗, 有時聽問93年番新車聲音好靚, 是否它們已經囁嘩咾來港?請問本地囁嘩咾呢若干多小錢? 謝謝!
Hello willpower@i-cable.com
人工一千元起,零件另計.
|
20/9/2004
|
電單車過隧道有冇自動繳費架？
隧道劵是有的,請自行去隧道行政大樓購買
騰尼 ako126@netvigator.com
|
20/9/2004
|
電單車隧道券
電單車過隧道有隧道券呢樣野呀!我日日都用緊,係隧道出入口行晒左邊有條路指去行政大樓的,你可以渣車入去買的,一本十張,又方便,又唔洗搵大餅啦~~
|
20/9/2004
|
維修super four引擎
老鬼大人你好:
小弟買左架98年超4,但發現引擎D聲好怪,人地D就好順暢既聲,我果架就好似好舊,D聲好雜好o曹.我想問有冇得整同大約幾$$$$,同整返對車房有冇難度呢?我驚難整好又浪費$$$.多謝老鬼回答!
請不要刊登本人電郵地址.thank you
KEN SIU cant1417@yahoo.com.hk
車當然有得整,但首先要確定是否機器聲音,才能決定價錢和時間,好車房當然無難度!
|
20/9/2004
|
Vini 150 電器問題
老鬼你好！近日本人發現停車的時侯全車的照明系统隨着副偈的轉數時光時暗得好緊要,請問有什麽問題,是否電池己到期?
Alan
電池其一,仲要check埋供電糸統是否正常.
|
20/9/2004
|
更換引擎
本人現駕駛CD250U，想問CD250U和CB250的引擎是否一樣？如果引擎壞了，想換二車及新的引擎，可以在這裡更換？價錢約多少？還有，當部車停定時，為什麼空波突別難入？是否部車引擎有問題？謝謝你回應本人的難題！
P女
老友，引擎唔係話換就換，要等運輸署批架！CD和CB唔同年代，唔係果科。停車難搵空波，可能係極力子威也太鬆，可以較一較佢。
|
20/9/2004
|
電鍍甩, 有冇得救?!
我架車係Magna250.因之前冇乜理佢, 報應呀! d電鍍已經起一點點, 除咗換, 係咪冇得救?!?!!! ..>_<..
wpki wpki316@netvigator.com
電鍍發左，點整都唔會回復以前咁樣架喇。盡人事可以用幼號鋼沙綿落水卒佢。不過因住越整越衰。
|
20/9/2004
|
扣分ques
問:1一年前在(三角形個D停字埤)沒有停車.仲左出去..當場被捉到食左張牛肉乾,停字埤沒有停車捉到.會否被扣分
問2:在今年6月我跟車大貼(當場被白炸捉到)..收到傳票叫我12月上庭,今扣分..生效計在6月定12月先開始..另12月上庭會罰幾多$到
問3:扣左D分..是否3年后就比返你
問4:15分扣到((低分到幾多))先會有信通告你
好多問題..唔該勿登E-mail 再唔該
小黑
老友，有關扣分制度的一切一切，可以參考香港警察相關網頁。捷徑可以在【常用資料】內找到。
|
20/9/2004
|
有關 CBR400RR 轉數問題
本人最緊買入一部CBR400RR ，上Honda網頁得知該車引擎是NC23型號與CB400SF相同，本人駕駛CB400SF已多年，但轉用CBR400RR發現引擎到達5千轉左右，車子發出好大聲音，覺得好以轉數去到近萬轉到聲音。不知是不是車本身規格，還是車本身有問題。還有想請較如果於平路上行駛，想行70公里車速，應該用轉數多小及波段。祝貴網業務蒸日上!!
BB
聽落似副偈有事多d。咁過左五千轉之後有冇事呢？如果越高越爽就唔使理佢。CBR400RR和CB400SF機器雖然係同一個編號，但凸輪軸和哇佬設定唔同晒。你問想以70公里車速，應該用轉數多小及波段。答案係視乎你想做乜。如果係蓄勢待發，當然係用緊二波。如果想以最慳油的波段來行車，咁又梗係用緊5波或者六波。正常行車，應該用緊四波，轉數應該係七千轉左右o卦？
|
20/9/2004
|
行車之後停車就死火???
我唔知點解行車之後係燈位停低車就死左火呀..成日都係噤...請問咩事呢......
hellboy
怠轉過低？火咀狀態差？搞左d基本野先啦。
|
| |
|
|
|
 |
|
