|
|
|
FAQ常見問題 |
|
|
30/8/2004
|
「chok」下「chok」下?
是不是150小羊都有於70以上上斜時像騎馬般「chok」下「chok」下的情況？
鍾仔
唔會。你似係窒油多d喎....俾車行睇下好d。
|
29/8/2004
|
風冷問題
本人剛買入virago 250, 之前冇玩風冷車, 同水冷車比有咩地方要注意? 塞車會唔會過熱容易燒鉆口,鍺鈴? 頭制有"吱吱"聲, 是否有問題?
954RR
風冷車維護好簡單，只需定期更換偈油和油隔，保持偈油份量充足便可。但風冷車在停車時沒有風吹冷卻會比較熱d，只要你不會在引擎過熱的時候炳佢，鉆口冇咁易會燒。另外最好養成停車便熄車的習慣。頭迫力有吱吱聲，可能迫力皮到期，又或者迫力鉗積左太多迫力粉。不過你部Virago250斷估都有番咁上下年份，迫力碟可能到期都未定，俾人睇睇穩陣d。
|
29/8/2004
|
架老電撻唔着
小弟因放大假，成個星期冇用車，今天嘗試撻車，但撻唔着，發覺電池仍有電。請問老編鬼有什麽解救方法。
michaeljoron
棍波車咪試下入個二波推著佢囉。有時電池雖然有電，但電量未必足夠撻著部車。你部車係泊露天定室內？落雨有冇整濕你部車？火咀cap有冇入水？
|
29/8/2004
|
i want to buy a new bike
i am a new in bikes,but,i love it very much !i want to buy a bike.can you tell me which one fit me?
u571 123u571@sohu.com
好多車都好，但係我唔知道你鐘意乜，預算有幾多，要來做d乜，點推介啊？
|
29/8/2004
|
Re: 偷車者原來是.............................
請問邊條街的? or e-mail to me
強 ghostkid20@hotmail.com
|
29/8/2004
|
vini
hello, my weight is 75kg and ehight is 176 cm. i have drive pgm3 and shark for 1 year, i plan to buy vini 150 coz it is cheap and some other reason. i want to ask:<BR>1 will the power of it much weaker than my old shark? i can accept the power of shark, i just afriad vini is much slower coz it seems for girl drive only.<BR>2 does it have engine oil filter? and how much engine oil does it need?<BR>3 can it use NGK CR9E spark to increase it power? <BR>4 is the repair method of it same as shark? 15000km change belt, 10000km change rear gear oil etc?<BR>5 will it die faster coz it made in china? u think it can drive how many km b4 it die?<BR>thanks a lot for your help<BR>
七月十四..........
我地未試過兩部車比拼過所以唔敢肯定大鯊王會好力過Vini幾多。有關Vini的詳細問題，看完車主報告後，再向代理查詢會準D。中國製造的車並不定代表質量較差，主要看品質控制做得有多好，想又平又靚？有時都要搏一搏。
|
29/8/2004
|
大鷹王200的問題
Dear Editor, 本人近日買了03年二手大鷹王,但早上行龍翔道要扭好大油才跟得其他車(70km/h). 同時要成$0.6/km.請問架車是否有問題,有什麼維修可改善架車.Thank you
Hong andrewto126@hotmail.com
車唔去,無力,就算寧到油門反轉架車都係唔去,這可能是車種的問題.你可先做一以修理檢查,順便可知道有否其他毛病.
|
29/8/2004
|
hornet250油費及撻車問題
我架99年hornet250,剛抯此車時因成日去到九千幾轉,油費成$150行190km,經資深車手指點我可以後高波低轉.$150行230km,好貴,但我己經起步用三,四千轉度,又好快上去六波keep6000轉行,轉波都係五,六千就轉,$150行230km,都好貴,但高波低轉都成六七毫一公里????點解?<BR>問題二:我架車比雨淋過之後,撻唔著車,一撻著幾秒就跌轉數直至死火?????<BR>我係抯完坐底食野,見住架車比雨淋左半粒鐘,之後雨停就諗住走人.....点知如上<BR>
CANT cant1417@yahoo.com.hk
你架並不是低扭強的車種,太高波段而低轉數的話會引致車輛反應慢,要過車或開油走時就會力不從心,如全原裝車的話會係貴在d,檢查風格,火咀,淋濕左的確會難著些,機器過凍加上本身問題才會咁難著車.
|
29/8/2004
|
好難撻車！
我部車是Rebel250，隔日用車時便好難撻車，要拉「風初」才能着車，且又容易死火，要多行幾個街口才會行順部車，為何會這樣？問題出於何處呢？
烏蠅
唔只你部車,好多都會有咁樣情況出現,有否檢查過火咀,風格和化油器,風冷車最好每朝開車前煲一煲車先.
|
29/8/2004
|
2005年會不會舉辦慢車急轉彎?
您好 請問在2005年，會否舉辦一些電單車比賽活動，如：慢車急轉彎!本人其實在今年都想參加，可惜本人當時仍然是個學神。
WONG Ho Ying wonghy@bonbon.net
我地都煩緊搞唔搞。因為我地實在太忙，上年搞到氣咳，老編本來唸住今年再搞，但係現在內部意見有分岐，重拗緊應唔應該搞。各位不妨發表下意見。
|
29/8/2004
|
偷車者原來是.................................
我朋友架老電上幾個月比人偷左,比佢係深水步一間電單車行,人地重當二手車賣添
強
我地都聽到呢個江湖傳聞，不過沒有證據，所以唔知係真定假。聽講好似報左警？
|
29/8/2004
|
vtec耗油量
師傅你好~ 我架400vtec 上次問完$160行230公里,你都話好貴,咁應該點做好呢?我架老電以經換左偈油,風格,偈油格,陪車冇改過.唔該.唔該.身體健康.
cb
檢查化油器。
|
29/8/2004
|
燒呔&起頭呔
老編你好：本人想問點先可以好似Rossi 咁burn尾呔及起頭呔，400cc街車可否做到以上動作呢?thks
spoon
400街車都可以做到。點先可以做到則需要苦練。我地以前有唸過介紹點樣做電單車特技動作，但考慮到安全駕駛，所以最後決定抽起唔做。
|
29/8/2004
|
急找街車
本人從事電視廣告製作<BR>急需尋找一架有型街車作拍攝用途<BR>如各方車友有意商助<BR>請聯本人9608-0471<BR>租金可議
亞俊
|
28/8/2004
|
vtec耗油量
我都係喎我部vtec 1都係7毫幾1公里呀, 但我換左尾段既土炮死氣喉上keep住6000-7000轉好少著vtec,係咪咁大食正常架換喉後無換噴咀
蟲仔
你唸下直四一公升都係講緊八毫子，你部車重話有VTEC添，低轉只開兩個哇佬，點解會走到七毫幾子架？不過你換左土炮喉，可能真係咁食油都未定？(不過咁，七毫幾子一公里，使乜玩400？)
|
28/8/2004
|
braking system
I would like to ask for a better modification on the braking system for my Yamaha R6. Is it change with the Steel Braided Brake Hose + brand named after market brake lever + better braking pad will have a better improvements. Does it need to change the the callipar too. I was usually driving on the highway back and forth for lesiure driving(in legal speed) and I sometimes meet side cars didn't make the shoulder check probably & made the change lane which will cause accident on it. I want to be more safe on the road while riding.
relax
如果只是正常使用，是不需要改用賽車式掣動裝備。預防路上其他駕駛者突然轉線，你需要的是預留駕駛空間而不是急煞車。有關掣動的賽車化小改裝例如換喉換皮都是為提高掣動在高溫時的穩定性，對掣動力度無直接關係。要加強掣動力，應從迫力泵和卡鉗著手，但你不是連續攻彎暴起狂收....其實原庄掣動應付突發情況經已十分足夠。
|
28/8/2004
|
FAQ
FAQ【鐵騎士 課外閱讀推介】 係咩???
cb
FAQ - Frequently Asked Question常見問題.係老鬼信箱頁頂有一個連結，click入去睇下。
|
28/8/2004
|
Honda車問題
想問去Honda代理check同去普通車行check有咩分別?(因代理淨check都要收幾百蚊)
Honda先生
代理check車應該會按照既定程序去做，照計應該會嚴謹好多。乜淨check車都要收幾百蚊咩？佢地唔係有搞d優惠月免費check車既咩？
|
28/8/2004
|
400 vtec
你好~本人的400 vtec $160 一缸油行到230公里,算唔算貴??
cb
嘩成七毫子一公里，梗係貴啦！
|
27/8/2004
|
換油一問?
本人用Super Four Tec 1，入18公升油行250公里(在市區)，算不算食油?另外，本人用開半合成偈油，現想更換全合成偈油,請問要否換偈油隔(因偈油隔是對上一次新換的)?thank
mr.kwan
你行市區都走到250km/h，我覺得幾好。因為油隔會積少量偈油係入邊，所以轉油應該換埋油隔。
|
27/8/2004
|
新牌仔可以出400 SS好嗎????
本人重掛P,唔知出400SS會唔會難控制,我玩過GB 250 幾次，覺得好細同有D唔自在。
M.C.D.181
冇問題，CB400SS係好車一部(腳撻冬天早晨就麻煩少少。)
|
27/8/2004
|
Honda SF400 VS 一問
老編你好,本人剛買入一部日本二手翻新車(SF400 VS99年制)，想問有什麼需要注意，因車行(比較大的)已有兩個月保養(包零件)。另這款車有什麼要留意的地方呢? 因我是第一次出這款CC的車.Thank You Very Much!!
Rick kei1020@hotmail.com
99年都算新年份，應該冇乜特別。基本消耗品更換，再檢查迫力輪胎電池車鏈避震等ok便可。
|
27/8/2004
|
二衝RUNNER一問
老編你好,本人冇渣電單車成五年了,而家因返工需要而渣緊部綿羊(二衝RUNNER),原裝頭FORK, 成日都要來回龍翔道, 當我行駛的路段如果稍為不平的話,我發覺部車跳動得好緊要,好像渣緊越野電單車咁,係唔係部車的避震唔多掂呢?唔通改正fork會好d? 我問過要成幾千銀.定還是我部車太輕呢?係唔係換部400cc以上的街車會好d呢?如果轉車有冇建議呢, 我的個人要求如下:2手, 25k樓下, 實用,慳油,耐用,維修方便,坐姿要直,穩定(大風下雨都頂得住).本人身高175cm, 160磅.謝謝!順祝"揾多d"
cws
二衝溫拿的倒fork好似係冇行油壓o既，所以表現會差d。你的條件和要求，除左舊款CB400SF Big One之外，一時間真係唸唔到其他車。
|
27/8/2004
|
Brake 問題
本人嘗試在停車場的斜路停左ENGINE溜落去,但係雙手唔落Brake,都聽到隻Brake碟摩察的聲音,而的聲係個車輪轉一圈就括兩三下,並唔係連續甘括,想問下甘樣係唔係正常,定係個Brake有問題,定係隻碟變左型??? 我的羊係AN250i,行左7000度,無撞過,未換過皮,但剛換engine oil時,車房check過話唔駛換住!唔該晒!!!!
Peugeot peugeot@excite.com
迫力皮係有少少磨住迫力碟，只要掣動時牛角冇彈跳或脈沖的感覺便可。
|
27/8/2004
|
trex 150腳軟
大熱天時, 成日腳軟..有數個問題想問..<BR>1)fsn機油冷卻器有冇用?<BR>2)原裝冷卻系統可否換或加強, 要幾錢?<BR>3)本人個多星期前換完珠仔及皮帶, 起步及極速都慢了頗多, 原因何在(不知是否被換重珠, 如何知道)?
jkenny
對不起沒有用過FSN冷卻器所以不知道，原裝冷卻系統當然可以改換其他更大面積的油冷，但價錢會好貴。其實T-rex應該冇咁易腳軟，你檢查過風扇未？換珠如果換番原廠貨唔應該有改變，而你換珠後頭段和尾段都慢，咁就應該換左套唔適合你部車的普利珠？改用重珠起步會快d，但尾段會慢d，你的情況最好都係俾番師傅睇多次。
|
27/8/2004
|
死氣喉出白煙??
你好,本人最近發覺死氣喉噴出少量白煙,(有時沒有噴出),如果slow車一段時間後(大約20分鐘),一比油有好多白煙噴出,加上偈油使用兩個星期後,偈油會冇咗一啲,就要再倒偈油落副機器補充.請問師父:本人架車有什麽問題發生.謝謝!!
Dragon wong
老友你部車燒緊偈油喎，唔理佢的話情況會越來越嚴重。你的情況應是活塞環磨蝕，令燃燒室喪失密封性能，偈油走入燃燒室所以不斷地消耗緊偈油，也會令動力下降。
|
27/8/2004
|
sheep sound
my car drive 63000km already, and suddenly very noisy, car shop say the sound come out from engine because the crankshaft bearing broken, need to change the whole crankshaft, including piston ar etc, total need $3xxx ar!!! so should i repair lei? coz i have no money, i dont know is it worth to repair this car or buy another 2nd hand car. if change, will it become new engine again which can drive for few more years or only can drive short time and die soon? if dotn change, what will happen? only noisy or the engine die very soon? i really depends on u ar, thanks a lot
poor
你係咪講緊電單車Motorcycles?喂我唔知你係咩車咩年份買番來幾錢，維修費三千幾蚊佔你部車價幾多成，好難講個喎！你話你冇錢，即係冇錢換車，如果你又非要用車不可，咁俾錢整係唯一辦法。(曲軸啤呤有事一定要整，副偈遲早lum)
|
27/8/2004
|
forza ABS燈不斷閃
1. 雙騎至100-110左右ABS燈不斷閃或長著唔息, 點解會咁?2. 叫尾牙油?(已行11000KM但未換過)3. 普通油0.47-0.48 一公里正常嗎?
Forza人
ABS燈異常，請返廠檢查看看是否感應器出問題。尾牙油係尾輪承受皮帶驅動力的潤滑油，算係耐用品，但一萬公里換下都唔怕死。接近五毫子一公里，除非你經常在斜路開開停停，得閒玩下塞車咁樣，如果唔係油費略貴(直四400都係五六毫子)
|
27/8/2004
|
剎車油問題
各位師夫你們好，本人用的是綿羊250由新車到現在已三年，請問要不要更換剎車油呢！如更換大約要幾錢呢？祝工作愉快，身體健康。
迫力油極容易受潮滲有水份，當掣動激烈令迫力油溫度上升接近沸點時，水份會化成氣泡，令壓縮效應降低，減低掣動反應。雖然綿羊唔應該會好激烈，但幾舊水的維護工作唔應該慳。命仔緊要。
|
27/8/2004
|
自動波牌出ForzaZ
老編大人你好！小弟想請問一下持自動波牌可駛有+-波的綿羊如：Forza Z 或 AN650 嗎﹖
新牌仔
可以，正如私家車自動波牌都可以駕駛+/-波汽車一樣。法例追唔上時代轉變，又一例証。
|
27/8/2004
|
巡航車
我有一部magna250,但我想把頭Fork改長和改前傾斜度,請問係邊可以改呢???
dee fai031184@yahoo.com.hk
只要你多多錢都肯俾，同埋唔介意改完車後操控會變差的話，任何一間車行都會掩住半邊嘴唔俾你見到佢地偷笑咁接你的order做。
|
27/8/2004
|
耗油量
老編您好，我架cb400sf vs，平常一缸油行到220km左右，我keep6000轉數,行公路 。定係其他原因，煩請解答。算唔算太大食, 謝謝！
tommy
我當你每次入油$120，行220km，每公里都係五毫半子，冇問題。
|
27/8/2004
|
鏈油正確使用方法
成個月冇用車, 部車條鏈勁烏糟, 友人話用松節水洗再加鍵油, 是否正確 ? 個支野寫住 "Apply sparingly to the inside of the chain" 但 inside of the chain ???請前輩指教
Mac
唔好話指教咁嚴重，傾下偈姐。尾鏈太dirty的話應該用火水滲落塊布去抹，但本人又懶又怕死，要特登買支火水又用唔晒唔知放係邊，抹鏈時又要擔住口煙，好危險。本人通常都係用鏈油噴濕條鏈，再用布抹走多餘鏈油便算(雖然呢個方法唔係正確方法，但我唔介意)。
噴鏈油的方法係由上向下，噴在尾牙之前的位置，即係條鏈就來捲入尾牙之前約半呎的範圍。
|
26/8/2004
|
請問 Suzuki RF-600 的意見
我見有間車行出售此車, 本人十分有興趣, 請問此車的休養費, 零件費貴嗎? 太約幾錢一公里呢? 謝!
俊
RF600呢部車係90年代600級跑車仍未落齊料的產品，當年d人一係揀400，一係揀750，好少人揀600。所以新車時亦係屬冷門車，反而RF900就搶手d。零件供應方面你要問一問鈴木科研先得。CBR600F會保險d。
|
26/8/2004
|
頭盔問題
本人對頭盔不太認識,請問有什麼牌子頭盔比較好?(本人較鍾意大頭佛及一直用arai/shoei),可以在那裡買到較平的頭盔(arai/shoei)?地址?謝謝解答本人問題.thank you very much!!!
hermi herjwyii@hotmail.com
你揀呢兩隻牌子幾好呀，頭盔價錢上落不大，都係果句：各大車行均有代售。
|
26/8/2004
|
關於買電單車時的財務問題?
你好，本人手頭已儲了達2萬元(想買接近2萬元的電單車)，請問如果不打算供車(本人不想給人食息)，除了轉名費外，還有什麼費用要給(指在車行買2手電單車)!可否細列!
WONG Ho Ying
新車首年牌費HK$1414，舊車牌費HK$1,314(係咁上下)，轉加費HK$250，保險費用由$2xxx起，車鎖、車套、頭盔、手套、入油、行車證過膠、鏈油、洗車用品、停車場按金及月費、買過件風褸.....有平有貴好難講。
|
26/8/2004
|
re: belt + shark
is me again la.<BR>the sound come out from the belt box and engine in this few days sunddely, before it is ok . also $480 for change belt + 'ball' reasonable ma? or have some cheaper?<BR>In your website, sometimes u say if the car ok, no need wash 'cup', some say need to wash every year, which one is right?
kin mkinchan@yahoo.com
價錢非常合理,每年洗吸只是保養,就好似人一樣,可以有事才去看醫生或每年做身體檢查一次咁解!
|
26/8/2004
|
耗油量大左
老編您好，我架02 sv650s抯左兩年，原庄喉，只換了k&n風格，平事做足保養，平常盞油燈一缸油行到250km左右先至會亮起，最近行到200km左右就亮，會唔會係我keep高左轉數的關係(最初4、5000轉波，後來我5、6000先至轉波)，定係其他原因，煩請解答。謝謝！
chi creatart@hkstar.com
耗油量呢樣野其實都幾飄忽，視乎你行的路段和常用引擎轉數的不同，可以有頗大的上落。閣下的情況應該係熟左部車，越開越快，引擎轉數高左，用油量自然多左。650一缸油行200km都唔算太大食丫。
|
26/8/2004
|
煞車跟起跑時的聲音
我是有疑問所以想請教.我的車是mio100 起跑時會有滋滋的聲音<BR>去車行問老闆,老闆說是離合器太緊 請問有解決的辦法嗎?
simpatico
如真是這問題,是沒辨法的.
|
26/8/2004
|
大鷹王200不沉常的震
最近部車由慢車(五至十公里之下)開始比油，間歇有＜打尿震＞的現象，情況好似棍波車一波轉二波之間的磨擦點，但我部車的震比較大一點。
新人 kc621@hotpop.com
要檢查一下起動珠,極力子皮表面磨擦是否正常.
|
26/8/2004
|
新牌仔
我22歲, 早兩日考到電單車牌, 而家想出部車, 但係我聽保險朋友講, 我的情況如果用自己名出車, 保險一定好貴, 有可能出吾到, 或者跟車行出保第1年雖然平, 但係第2年又係超貴, 那麼我想用平d的方法出部車, 吾知有什麼方法呢?
MarkJoe markjoe123@netvigator.com
用人地個名出保險，除左出左事後會連累投保人將來買貴保險之外，你亦始終累積唔到NCB。建議搵多幾間保險代理格下價，買部唔係高危的車捱一年先，第二年有ncb，起碼唔使加loading先。
|
26/8/2004
|
新牌仔再問Magna 250
1)請問錶板左下角"OIL"紅燈亮了是不是要換偈油??2)小弟未試過換偈油,請問偈油缸內是不是有油尺?? 是不是先開腳剎旁的偈油缸底蓋放油,跟住才開頂蓋加油?? 請問加幾油多才夠??3)我不知道現在車上有沒有裝電油隔,請問是裝在那裏??怎樣才知道要換電油隔??
心急愛車人 francispkk@sinaman.com
紅燈亮似乎係油壓不足喎。建議你去車行檢查一次。你乜都唔知唔係唸住自己換偈油呀話？第一次俾車行搞，係旁邊睇一次先啦。另外原庄電單車通常不設電油隔，後加的電油隔通常藏在油缸之下，你俾車行睇下啦。錢係要駛o架啦。
|
26/8/2004
|
呔氣
您好:AN 400車架上之貼紙寫上單人尾呔打200PSI,雙人尾呔打280PSI,我單騎與雙騎時間各半,究竟我要打幾多呔氣呢.同埋行完10多公里後,條尾呔好滾,屬於正常嗎?
KEUNG
咁樣可以打定雙騎時胎氣，以免胎氣不足加快輪胎損耗及影響操控。同時在單騎時要知道自己條尾胎較漲，抓地力會低d，急煞時較易鎖尾胎(唔係話你一定會鎖胎)，要有心理準備。輪胎在行車後溫度會升高，但有多熱視乎你駕駛時有多激烈。
|
26/8/2004
|
台灣車買唔買得過
本人想買架綿羊代步，請問台灣XX綿羊可以嗎?我聽人說新形的綿羊比起懷舊的定?真唔真??
肥仔 manunt@hotmail.com
其實現今日本如Yamaha早把150c綿羊移向台灣發展及製作，可見台灣做車的技術十分成熟。你問的品牌我打了XX，是因為車雖然沒有問題，但代理的經營手法有點問題。因為車要零件要維修，代理做得不好會好麻煩，最好都是另覓他選。
p.s.新形綿羊用套管前叉，13吋轆軨配跑胎，又有碟煞，操控當然好好多。
|
25/8/2004
|
Fusion 避震
fusion 250 在龍翔道(to荃灣) 方向下斜時速太約80 避震非常跳會有小小彈起部車 好像避震很軟的但沒有漏油是否綿羊都會這樣
Ryan
你話部車彈起，但避震不硬，咁應該係避震筒打左柴。你話冇漏油，可能一早漏晒....你試下扶直部車雙腳落地撐住，搵朋友係車尾出力按下去，看看車尾回彈的情況是否要彈幾下波浪式先可以靜止回位。如果係咁條避震要換。
|
25/8/2004
|
火咀的作用
你好,我想問火咀的作用係唔係只係撻車時會用呢,定係每當比油時都會用黎燃燒電油呢???
竹
老友，你真係應該要買書進修下...火咀係引擎燃燒的靈魂，在引擎運作過程中，火咀不斷按照曲軸運轉的情況，有規律地提供火花俾油氣燃燒，從而產生動力既重要零件。買咩書睇？唔係叫你睇雜誌係睇工具書。去FAQ【鐵騎士 課外閱讀推介】中我們有提及過要睇咩書。
|
25/8/2004
|
Suzuki SV650S 易唔易上手?!
我係一年新牌仔, 上年買左架 Majesty 250C, 而家籌備緊買多架SV650S玩玩, 但係今日去到Showroom, 一騎上去, 個心好似好寒.....唔知應該點做先可以克服呢?!
Sam mksg2004@yahoo.com.hk
你冇玩棍波車成年幾時間，一坐上去會覺得架車好重，張𢞖又高，梗係會覺得唔舒服。SV650的力度猛過直四400好多好多，建議搵部400玩一排先轉車，新車跌左就唔好喇…
|
25/8/2004
|
re:安裝釘把問題CB1300
之前我在網上見到一隻CB1300釘把,唔知係咪你講果隻, 如果係果隻,就係安裝在下眼鏡中間個大潼,同水箱位. 釘把就會在頭燈下面.
老野
|
25/8/2004
|
re:電池走電
會否泊車時, 車匙扭入了 頭尾燈 長著的位置呢 ?
多多
係喎，都有可能。
|
25/8/2004
|
電單車租賃
由於工作需要，想短期駕駛電單車(大約幾個月)，請問有公司做電單車租賃生意嗎？
Cola
------->>冇。
|
| |
|
|
|
 |
