|
|
|
FAQ常見問題 |
|
|
25/8/2004
|
hornet 250
今日喳車返工途中落傾盆大雨,因趕時間無理照行,到步後急急落車笠走人,為何收工回家停車發覺有小小囉味,另此車keep住6ooo轉行車正確嗎,因覺得此車低轉無力,但高轉很利害但驚油貴
ming
想部車精神，CB400SF都要keep6-9000rpm，何況Hornet 250？燒焦的味道來自高溫的地方，檢查迫力皮和死氣喉有冇異樣。油費...250....你....唉...
|
25/8/2004
|
Re 驗車
I have a similar experience, my bike is a fully modification the case was cause on Oct. 2003 one day morning a policemen stopped my bike and he said my bike the angle of licence plate was too high he cannot see the bike number he said I need examination my bike but no need for penalty money. <BR>Before examination I reinstated my bike to a original mode, finally I pass the examine. During the examination a inspector not only inspect your bike failed portion he also made a (Full body check) so your must reinstated your bike to a (virgin), otherwise they will charge you illegal modify
Sam
|
25/8/2004
|
呔與避震
當經過用粗碎石鋪成的路面，其震動真上心肝皮肺，那麼我應該換呔還是換個軟避震呢？我現在的已調至最軟了。
你部係咩車呀靚仔？問問題時請盡量提供多一d資料唔該。
|
24/8/2004
|
belt and spark question
hello, sorry that i give trouble to u again, my bike is shark 150:<BR>1 for normal spark, u say change for every 6000km, right? how about iridium spark? i am using it. if dont change, is it just slower or will hurt the car?<BR>2 my car suddenly very noisy recently, is it means the belt near need to change? it use about 13000km already and i change in 'o si' car shop, is it time to change? i want to use it as much as possible but i afriad it broken, can i check it myself and how to check? if not the belt problem, then why suddenly so noisy?<BR>thanks a lot for yoru help<BR>kin
kin mkinchan@yahoo.com
e金屬可以去到8千至一萬,機器有聲我又點知邊度呢?皮帶斷是無先兆的,所以每萬5更換是有安全性,有d人仲好威咁同人講行2,3萬都未換,係隧道裏壞車就煩,拖車等於換皮帶,係咪?
|
24/8/2004
|
大R的問題
我想問呢,, 如大R400.. 行車,, 突然死火,,係冇哂電那隻,, 睇完係,, 電池死左,, <BR>計己,, 再換新電,, 架車.. 都著唔到,, 只有他車聲,,<BR>但車頭燈,, 都唔著.. 只係有他車聲,, 係咪問題呢,, 老鼠仔死左?. 定斷左D線..<BR>火咀係冇電到哦
電點,pickup coil,燒fuse,死火制,斷龍根,乜都會!
|
24/8/2004
|
再問波子盤
如果頭擔時不時會鬆需收緊，又係乜問題呢?又是否關波子盤事?謝!
Steve
正常的頭擔是不會經常鬆的,你唔煩都煩,一係波子盤,一係修緊後無鎖緊縲絲.
|
24/8/2004
|
安裝釘把問題CB1300
小弟日前買左條易手釘把(連碼)for CB1300 (SC40),但唔知裝向邊到??問d車行個個都向到吹水.又話咁..又話咁..各位大老有無人幫到小弟,千萬個thank!!!!!!
無奈人 kumantsui@yahoo.com.hk
駛x吹咩!如釘把係比cb1300用的,裝法得兩個,正裝或倒裝,碼裝落車架的位置就得一個,修fork亦得一個角度,兩邊(寧太)要行盡枝釘把,徐非你枝野唔夠長或根本唔係佢用!
|
24/8/2004
|
引擎、防𣁾
本人剛考到牌買左架TW，泊露天，請問保養上有咩要留意？聽講引擎位置要搽d偈油防𣁾，係咪真？如果係要搽o係咩位？清洗引擎又有冇特別清潔劑？有咩計可以放𠊠放鎖？冇理由加尾箱𣜭？點搞？唔該晒老編大人！
煩爆
煩爆兄你用左d香港字？有亂碼唔係好明。斷估你問engine要搽d乜去防銹，我會話引擎咁高溫，你搽咩上去都會燒晒冇用。除左噴高溫油，但係你唔會冇端端整到副偈變晒樣，所以都係唔好搞。清洗引擎記等要等到偈涷晒先好搞，普通藍威寶開水便ok。如果有重油漬，咁係漏緊油，咁你應該要去整而唔係要去洗。TW冇位裝野，fun bike呢個問題係咁樣，唯有自已辛苦d揹個背囊裝野o羅。
p.s.另外你話泊露天防銹的問題，記得落完雨後拿走個車套，費時俾d濕氣屈係入面加快生銹速度。
|
24/8/2004
|
更換皮帶問題
本人想知道一輛新車的皮帶幾多公里更換才是呢?(大鯊王150)
仔仔 93233983
斷皮帶係一件又危險又麻煩既事情。建議新皮帶五千公里檢查一次，睇下情況如何。
|
24/8/2004
|
架車撻唔著... 點算？
尋晚我架 YP125 用電撻撻左兩下之後無哂反應，跟著用腳撻用攪唔掂…我個 Friend 話可能係濕火嘴喎，叫我擺耐 D 再試…擺耐左 20 分鐘後再試啦，電撻一樣無反應，但用腳撻就著倒車 (試左好鬼多次之後) … 咁當然拿拿聲返家啦… 到左今早 law 車問題依舊，電撻第一下有反應但唔著，再試又無哂反應…. 腳撻都唔得… 因無時間慢慢玩，所以無理到佢…請問佢發生乜事，點攪佢好？
哈利陳 hchan852-ibike1@yahoo.com
照睇應該係電池唔夠電，可能係你唔經常用車，電池儲唔夠電，亦有可能係電池打打地柴。下次有時間用腳撻著後馬上去車房檢查一下吧。
|
23/8/2004
|
HVS Type Hyper 電子整流器
市面上有隻o野叫HVS Type Hyper 電子整流器，駁落舊電池度，九百幾銀，佢話會令到架車D電器o野襟D，架車會好力D，起步又會快D咁話，唔知有無車友好過呢？係唔係真架？唔該！
P仔文 michael88@pacific.net.hk
|
23/8/2004
|
綿羊推薦？
小弟想用HK$20,000買架新羊。 經常雙騎及行長命斜，想有平地台。外觀不太重要！想請教有冇好介紹？謝！
BEN PLEASE DON''T SHOW MY EMAIL
要買新車，兩萬蚊只能買部150以下的小綿羊。小綿羊通常都係平地台設計。而因為小綿羊性能一般，賣點通常都係外觀設計方面著手，而你又話唔注重外型.....真係唔知介紹咩俾你好。雙騎長命斜，小綿羊會好辛苦...
|
23/8/2004
|
Gilera DNA 180
呢架二手車係咪成日壞,如果買二手車,要注意d咩??
isaac isaac007@sinaman.com
有關Gilera DNA180的消費情報，請參閱車主報告。買二手車要注意咩，請看【知識技術】內相關文章。唔好話我地耍你，但請問問題前先做功課。謝謝。
|
23/8/2004
|
打炮一問
老鬼師父你好,本來去迢效化油器,因為小弟架forza剛剛換左條一出二死氣喉,去到4,5千以上轉數時收油,出現打炮聲<只是收油時出現>去車行問過,他們話因為<油同風的份量唔夠比條喉出>所以只在收油時出現.(真定假)要換大出油咀,同加冬咕先有得救,倒不如唔好理,情況唔嚴重,可以不理(係唔係)??咁除左D油錢貴左之外,我最想知到對其它零件會唔會有影響?係咪真係可以不理打炮這情況.thank you靚仔左的老鬼..
ki poon yeskelki@yahoo.com.hk
正確一半啦!應該拆枝火咀睇左先,如好輕微見可以接受,但如重唔夠食就會影響車的馬力同縮短火咀壽命.
|
23/8/2004
|
想問shadow400, 撻唔起, 可以點搞?
黑仔 sam.man@rexcapital.com.hk
換舊電先囉!
|
23/8/2004
|
電池走電
我架AN250發生走電問題,當不用車兩天左右,電池馬上被扯乾.我沒有裝鐵將軍之類的防盜.電池也是新的.請問有什麼解決方法?維修貴嗎? PS. 我在電池'正'極加了一個開關掣作為臨時解決方法.
David monsterhk@hotmail.com
首先要確定車輛本身整流充電情況有否正常,如沒有裝特別燈飾,走電情況只有坐位下個枝燈仔.
|
23/8/2004
|
買車問題
老編你好,本人打算買新車APRILIA Atlantic 200，但發現該車只得一條尾避陣，咁跑高速和轉灣會唔會冇咁穩定，本人已有3年開綿羊經驗。
John
其實好多綿羊都係用緊一條尾避震，因為只得一條避震，所以規格比起雙筒避震更高。只要在合理範圍之內使用，沒有問題。
|
23/8/2004
|
洗車
清洗街車有甚麼需要注意，引擎可否用水照頭淋？有咩位要避？洗完係咪要即時加番鍊油呢？謝回覆！
震蛋
如果用水喉洗車，避免打橫噴或向上噴，盡量將水控制到由高至低咁流，同埋唔好俾死氣喉入水。洗車抹乾身晾乾水後先噴鏈油。
|
23/8/2004
|
新牌仔問Magna 250 的維修保養
小弟剛買了一部二手的Magna 250代步返工,請問幾耐要換1)偈油?? 2)電池?? 3)火咀 4)brake油?? 5)胎壓要保持幾多?? 6)還有什麼重要的保養要注意??小弟每次用車前也會先撻車warm up, 還會先"拖波"減速,後煞車, 請問還有什麼"鍚"車的駕駛方法要注意??
心急愛車人 francispkk@sinaman.com
偈油最多每三千公里或三個月便應該更換。電池等佢死先換。火咀等佢撻車唔順利先換。迫力油一年換一次。胎壓睇番尾擔貼紙，一般都係28-32psi。最重要的保養係勤換偈油，耐唔耐唧下鏈油，熄車後記得熄燈。你重要睇下條尾鏈是否太鬆，避震是否打柴。頭燈是否隨著引擎轉數上落光度差異很大。先拖波後煞車唔係最正確做法，應該先煞車但同時開始拖波動作。錫車方法係常用車，但要俾架車有快有慢，勤換偈油，加電油隔，保持油缸常滿唔好俾佢生銹。當然洗車打蠟唔使講。
|
22/8/2004
|
頭FORK彎了
頭FORK彎了可唔可以整得返
輕微彎曲可以「彈」番直，但金屬的硬度一定不及以前。
|
22/8/2004
|
驗車
老鬼老編你們好, 客氣說話不用多說.小弟有日抯老電的時候被交警截停.他說我的車牌唔合規格除左要付款$320 & 還要驗車.對這件事小弟有以下問題?
1)我只係車牌唔合規格,真的要搞到驗車咁大鑊
2)因我架車重有其他KIT料(如響o候,保護架等....)係咪全車d野都要拆晒佢?定只驗個車牌合唔合規格。謝謝回答
Rolan
梗係拆鬼晒d改裝，還原番原庄車咁去驗就包冇死。香港政府重未僵化到唔識驗你部車其他部份。
|
22/8/2004
|
re:無端端被告
正所謂空穴來風,未必無因。你自己都?(應?無做過)你自己都唔肯定。...你可以唔認,但到時上法庭,就係告發你的人那份口供去指証你。
1)而証據就係?司機的証供。
2)告唔告得入係?法官去判,入唔入就要睇你同?司機點比口供...
3)傳票係會?明告你乜野,而你都講?係告你不小心駕?,你打去警署?佢係睇到違?事?係關於雙白?爬頭,警察所以答你係雙白?爬頭。而點解會?左不小心駕?,係因為你雙白線爬頭的行為對其係道路使用者(多數都係告你??)?成?際危險。雙白?爬頭扣3分,不小心駕?扣5分。
4)如果入左扣五分及約莫一千左右落樓
5)好難講....??法官手法唔同
你認真?下你自己有冇做過,我認為你冇做過就唔好認,做人要堅定。不過如果你有或者好似有
....你就自己?下啦!!!若然你真係唔?得你有冇做過,咁你?下自己你平時駕??單?的態度,你就會有答案。
wyl
|
22/8/2004
|
無端端被告
你好.本人近日收到通知書,本人的電單車在xxxx時間地點違反交通規則,不小心駕駛.
我打電話去差館問,不是給警察見到的(應該是其他司機), 是雙白線爬頭.
我是"p"牌仔,當時在場但應該冇做過,現想請教:
1.冇証據那個司機點解可以告我?
2.正常情況下,若我不認罪,告得入嗎?
3.會扣3分(雙白線爬頭)定5分(不小心駕駛)? 另有何罰則?
4.若我不認罪而最終被定罪,堂費大約是多少?
5.法官是否會因"p"牌仔而態度不同?
朋友都說認罪了事罰款較輕,你認同嗎?
心急人
我地冇相關經驗，煩請其他有類似經驗的車友補充。
|
22/8/2004
|
東京補品店
老編, 您好!小弟計劃下月到東京一遊, 除見識外還想買些零件. 從日本雜誌上總找不到位於東京的大補品店如南海等地步. 請問有無好介紹和詳細地步可提供.謝!
AX6001
請看趣味花邊一欄，我地以前做過兩次東京上野電單車街和一次大板南海部品的介紹。
|
22/8/2004
|
Bandit 1200 is it good ? ( Continous !)
Hello 老編,Thanks for your reply -- The riding feeling XJR 1200 is comfort, may be the handle bar at higher level, I admired XJR for my highway daily used on my home and office back. But for x-11 , I see that the handle bar is lower , then , is it rider seat position trends to front and will uncomfort during long distance travel ? If I buy , any parts for changing the handle bar ? What is your comment ?Thanks
Keith
X-11係俾你高速用，操控亦比較接近跑車。外國有升高把手的升碼發售，但唔可以升太多，否則油門威也和極力子、迫力喉會唔夠長。如果你主力highway又要舒服，Bandit 1200S把手較高又有高風擋，會比較適合你的要求。
|
22/8/2004
|
ET8呔氣問題
你好!請問ET8前后呔應打幾多呔氣.謝!
mtl
細綿一般胎氣都係23/26 psi，你部車應該有貼紙寫住。
|
22/8/2004
車友投訴
|
Aprilia Atlantic 200
本人將 Aprilia Atlantic 200 紅色電單車泊於天后地鐵站附近橫巷, 於8月19日零晨時分發現愛車被人惡意破壞, 車身多處被人用cuter嚴重畫花, 深得見底, 另座位被人cut開數份, 海綿散佈地上,前車呔被一支3吋長鐵釘插進呔內, 另車com亦被(界)爛, 左邊倒後鏡被偷去, 報警後, 警方懐疑賊人因偷車不遂, 而惡意破壞, 因他們透露近日發現多宗由北角至天后私家車及電單車失竊或被人(界)花及破壞, 有見及此, 本人在此通知各車主多留意此一帶, 以免像我一樣招至不必要損失, 另請各車主, 如在泊車或取車時, 發現可疑人物在對其他電單車作出不軌行為, 應多加留意, 發揮互助精神, 今日你幫人, 他日人幫你
在此祝各偷車賊或無聊人事, 願他們的下埸像被他們破壞的車一橡, 支離破碎, 殘而不終.
如有問題, 可與本人聯絡
Robert robertdolphin@sinaman.com
|
22/8/2004
|
Bandit 1200 is it good ?
Hello 老編I like the outer look of Bandit GSF1200 , Honda x-11 , want to buy one of it , but haven't riding experience on it , I have riden the Honda Magna VF750 and Yamaha XJR 1200 experience. Magna VF750 have good acceration and power output ,stable in large curve road but poor in break. XJR 1200 average features will be more better than VF750, IF compare with VF750 and XJR1200 , do you have any ideas for my reference ?Thanks
Keith
你揀呢兩部車，都比XJR1200或VF750利害。而X11無論是規格和性能都要比Bandit1200高和強，你用過XJR1200，建議買X-11。
|
22/8/2004
|
偈油
你好呀!!我今日行經汽車零件公司,先知原來偈油係有濃度之分,我想問綿羊仔grand dink 250,係用濃度幾多的偈油呢??其實有冇乜品牌的偈油係靚嘢合綿羊用,而價錢又大約幾多??
wyl
有關偈油規格，請參閱知識技術中的偈油基本認知。睇完你自然會搵到答案。全合成偈油要百幾蚊一公升，當你每個月換一次都唔係太貴。
|
21/8/2004
|
問題??
老鬼師父你好!
小弟輛車個温度計支針唔郁(行咗好耐),要整幾錢同整咩嘢?
另外想問,停車時俾啖油係<叉>電,但係有人話會積油上盆頂,
應該停車等一陣先熄匙,究竟邊個先眞呢?
kkchan
我估係溫度計係米?水溫制2百多元,錶肉大約問燦基,停車乜都唔駛做,熄匙鎖車走人.
|
21/8/2004
|
五圓密質質250一問
我買左部車半年,家車一買果時試一試開盡家車,點知到110km/h 個車頭開始震,120km/h 就震到手都痛,震度約上下1串,返車行調緊左個波子盤,都無改善,家車應該抄過,因為錶板位置後移左d,頭沙板一邊鏍絲位又爆左,會唔會因為頭沙板問題呢,因為我行車果時見到前面家私家車返照返我個車頭果時,塊頭沙板左右搖動得都幾厲害.
steve stevetsang168@yahoo.com.hk
可換頭fork油,而頭沙板亦有幫助固定頭fork,車既然係炒過圍有整好佢加強自己駕駛安全性.
|
21/8/2004
|
何解我部150cc羊仔咁食油?
唔知點解我部Suzuki UC150(日本出世既歐洲版)羊仔咁食油?平均要成$0.48一公里, 就算行長程都要$0.37/公里.試過拎去兩間車房整過, 換普利盆,換偈油,油隔,風隔, 火咀都無改善,其中一間車房老板仲話我成日行市區係正常既,但我問D抯開(日本,台灣,意大利)125cc & 150cc既車友通常最盡都係$0.40/公里.連 AN250/400都平過我部150cc >.<偈油係每1,000-1300公里換一次, 自問抯車唔粗魯,唔會吓吓扯盡油,平時都唔多抯快.煩請老編幫幫忙解決呢個食油問題
爛鬼波 duck709394@yahoo.com.hk
你重有化油器未檢查...另外你slow車set得係咪過高？
|
21/8/2004
|
前叉 (xx車行回應)
問題一, 究竟點樣知道前叉需要更換呢??
xx車行回應=(因佢話用眼睇到彎很小)師傅又話其實係輕微撞彎左, 都可以唔洗換
問題二-如果要換 ... 是否要換一對, 否則會不平衡, 這個說法是否正確??
xx車行回應=可能言語上有點誤會,因當時已是晚上23:00左右.我司已收工,只是初步判斷.而吹水中只是提及一對換的意思是fork油.第二天才詳細檢查.當第二天正式檢查後,發覺一對fork真的有輕微彎曲.而到最後都只是收了$100人工彈直返對fork.
問題三, 如果真係決定唔換, 師傅就建議唔好開快車, 係唔係真??
xx車行回應=相信老鬼先生亦明白,如果頭fork彎左唔整的話,入彎一定有問題,請貴網先了解清楚事情才下判斷,不要武斷.多謝合作!!!
xx車行
|
21/8/2004
|
前叉
本人的電單車cb400 vtec昨晚泊了街上的排位(路口第一個), 取車時發現車有比人撞過(真係人間慘劇), 但係應該冇跌過落地, 只係發現頭轆有比人撞過, 但連車也開不到, 最後都要call車來拖走, 師傅話右邊頭碟撞已壞了(用眼都睇到),眼鏡冇野 前叉可能有問題需要換.兩條叉一前一後.
問題一, 究竟點樣知道前叉需要更換呢??(因佢話用眼睇到彎很小)師傅又話其實係輕微撞彎左, 都可以唔洗換.問題二, 如果要換 ... 是否要換一對, 否則會不平衡, 這個說法是否正確??問題三, 如果真係決定唔換, 師傅就建議唔好開快車, 係唔係真??因價錢佷貴6000~
車手 winglun8866@sinaman.com
咁的case我相信彎的程度有限,頭碟彎左,要換,可以接受不過頭fork要換我就不相信,我d客撞到九彩都可以整,正所謂彎都整得番直,如角度不超過30度,可以整番90%以上,同埋就算換都唔駛換一對.....
|
20/8/2004
|
何解 99 CB400 VTEC I 熱車時較難再起動
如題?唔知這是正常的，定系架車有其他問題?煩請解答。
阿澤 ah_chak76@yahoo.com.hk
這可能關乎化油器問題!
|
20/8/2004
|
大鷹王150 & 200
HOW MANY CC 偈油FOR 大鷹王150 & 200
SING
機器旁邊有寫。
|
20/8/2004
|
波子盤
想問波子盤係咪間唔中便要調鬆緊呢? 之前條fork比人撞過，拗左少少，落彎都有d影響，好似想跌想跌咁，所以都要就住，好窮有乜好計?
STEVE
波子盤新裝時一般都唔俾扭太緊，等佢run-in好後再會扭番緊少少，之後就唔使搞佢。你條fork俾人撞拗少少，波子盤可能都會有少少損傷，不過你落彎想跌想跌咁應該條fork和你的心理因素影響大d。好窮就冇計，知道部車有事，唯有開慢d，留多d空間餘地俾自已，咁樣反而會更加安全！
|
20/8/2004
|
Xelvis250一問
請問些車是否一輛好車?是因什麼因素生產,為因想買些車代步,但係車主報告又唔多,唔該.
Xelvis 250年份都幾舊下，因為咩原因而生產，我真係答你唔到。想買車代步，搵d大路車會好d，例如CB250之類，話晒多人識整，零件又易搵。一陣你話Xelvis爆在個豬頭，我都唔知去邊度配番個豬頭啡呤俾你。
|
20/8/2004
|
買車須知
麻煩哂你~ 小弟21歲剛買了02年Hornet 250.但由於剛甩P加上之前揸小羊, 所以想請問拎左架車返來之後有咩地方要詳細檢查? 同埋揸Hornet 250有咩地方要特別留意, 有咩部份要較多保養維修?
Alff
Hornet 250冇乜特別野，只需做番一般檢查便可。建議交俾車行檢查，包括所有消耗品的狀況，還要檢查所有縲絲是否上緊妥當。放心，架車唔係佢度買，佢實會同你驗屍咁驗，生意丫嘛！檢完車起碼你會放心d。
|
20/8/2004
|
街車全車噴油要多少錢?
您好!請問如果街車全車噴淨色油要多少錢?油缸有少許凹想修補?有沒有好介紹的車行?
gary
gary
街車計你油缸一件、頭沙板一件、車尾啡呤一件、左右側秊兩件、一般冇要求噴普通實色，價錢最平可以在兩千蚊以下。但如需要修補，價錢又會貴d。其實噴油呢家野，好講心機和準備功夫。搵專門噴油的車店質素會較有保證。
|
20/8/2004
|
有什麼要注意一下
想問下如果部車日日咁用,又用左成年,咁要唔整下佢啊?(除左計油,風格,計油格)還有什麼要注意一下??Thanks
Jason wcl997@hotmail.com
除左偈油、風格和偈油格外，消耗品還包括火咀、車胎、迫力皮、電池、車鏈、避震及避震油等等，視乎使用時間和駕駛習慣來決定應否替換。
|
20/8/2004
|
頭盔夠期
可唔可以淨換內綿? 邊度有得換? 幾銀? 你知啦, 有啲頭盔好貴, 我個款又無哂, 個人喜好真係好難講! 唔該唔該!
爽身粉
你個頭盔係咩牌子咩型號？Arai和Shoei有淨內綿賣。其他難講d。
|
20/8/2004
|
保險問題
你好!
本人有30個NCB,如果我想停玩半年或一年, 30個NCB係咪就此無了.
老野 pay_99@sinaman.com
冇續保一年，會重頭計過。
|
20/8/2004
|
心大心細
師博你好,有些問題望能告知:因$$$問題,只能從Suzuki QS150T,Trex150或大鯊王150中挑一部買,我剛換了正牌,170多磅,有時會車埋老婆,假期用多,本來挑左Trex150,但知道加尾箱要加可升高那種要千幾二千元,現心大心細,而QS150T 又冇我like的紅或藍色,覺得好煩腦,望大師能給意見??(耐用.少壞,零件及修理平)
另外新大鯊王150(單燈)好似冇位放乘客腳,要用伸縮腳踏,咁乘客對腳會唔會好疲倦?久而久之腳踏易斷嗎?此車加尾箱大約幾錢?普通的車笠.車鎖幾錢?
WAI
從閣下的文字當中可以清楚感受到買車時喜悅夾雜著苦惱的過癮感覺。好好珍惜這段時候，買完車就冇架喇。
以我所知，三車之中零件最齊最便宜會是T-REX150，但因受尾架所限，尾箱最好不要用大尾箱。摺合式腳踏唔會唔舒服，電單車全部都係摺合式腳踏喇。反而內置乘客腳踏有可能位置不自然而造成不舒服(你睇番星艦車主報告)。大鯊王加尾箱應該唔貴，一千蚊搞得掂，你問番奧士清楚d。
普通車鎖幾十蚊都有，車套要兩百多。但建議車鎖唔好慳，買把好少少既，第日換車都可以繼續用嘛。
|
20/8/2004
|
極力子問題
想請問為何撻車後極難踼去空波？(好似未試過得)問題大唔大？另外唔知點解拿實極力子(1波狀態)倒車泊位時好像會拖至死火......多謝解答
玄野
請調較極力子的威也縲絲.
|
20/8/2004
|
縮油再比油會有聲
o岩o岩開始駕混波車，唔知點解每次縮油再比油，好似聽到機件磨擦聲「茶」一聲，呢d聲係唔係正常呢？另外o係停車場一、二波行車時，有時放極力子比油大啖o左，駕車標前時又有「即」一聲，唔知係響胎定咩事呢？唔該晒！麻煩晒！
man
又茶一聲，又即一聲，都好難估...突然加速有聲，會唔會係你條尾鏈到期要攝呢？試下用手上下搖動條鏈，上下活動的幅度虛位唔應該超過吋半。
|
20/8/2004
|
hornet250
HELLO我想問換hornet250火咀、水箱大約要幾$$$$，同每公里要幾$$$$
99
火咀水箱水大約連工包料5百元到,至於此車大約5亳子到!
|
20/8/2004
|
老鬼師夫你好，我的綿羊是B&W250近來錶板燈有時著、有時熄為何呢！是否要更換電池呢！我新車到現在已三年。
都答左你啦!電池三年就必須更換,錶版燈有機會鬆線.
|
20/8/2004
|
Big 1 離合器
你好!! 請問big 1之離合器怎知可時到期?如未到期,係唔係可以調教呢?!應如果調教呢?如要更換,一般要幾錢? Thank !! DT (Don't show my e-mail)
DT
明顯就是比油轉數去到5千而極力子又唔可以放晒.而較虛位就在威也縲絲.
|
20/8/2004
|
volty 250 離合器
你好!請問suzuki volty 250 的車是否不用拉離合器也可轉波?這是它的設計嗎?抑或部車有問題呢?如果有問題是否應該拿去車行修理?
pat
如果你行緊車，唔使縮油都可以隨意踢上踢落，咁就有問題。如果係配合縮油動作，就係正常。
|
| |
|
|
|
 |
|
