|
|
|
FAQ常見問題 |
|
|
19/8/2004
|
Virago 400 加油反應慢
本人幾乎每日開車返工, 近來有時右手比油後要比平時兩倍時間先feel到引擎加速, 如果左手放太快clutch就會死火, 但係又唔係時時係咁, 通常遇到多燈位先會, 點解?
玠米 sstam@mail.hongkong.com
咁就真係要試下車才知道.
|
19/8/2004
|
想問我cbr900
我唔知點解部車會大約在4波100km4000轉一宿油再比油時,架車成架拖慢,拖波就3拖2無咩油到,2拖1直頭無油到,同以前唔同,我去了車行,冼了(給),換了電,整流,火咀,機油都換了我都唔明有咩問題,之後拖波就好了但一樣行車宿油就一樣唔得,唔知有咩問題呢,唔該
9百 cbr1641@yahoo.com.hk
我睇都係座化油器有問題,宿油再比反應慢,可能佢只洗無望清楚內裏有否變動,如電泵有問題就會死火,因完全無油落吸.噫...風格呢!
|
19/8/2004
|
加尾箱!
老編你們好,你地都好攪野喎,將老鬼相換了黑白張英,跟住換埋彩色,哈哈...
我想問買新T-rex150時想加尾箱,連工包料大約要加幾錢(可否告知最平至貴) ?
本田@150是否日本技術日本製造 ?本田@ stream 125是否日本技術中國製造 ?
新私家車及新電單車運來港後,出售前是否架架都要先驗車 ?
是否所有新電單車(包括綿羊)都會有跟車車主手冊及小工具 ? T-rex150有冇架 ?
Jason
尾箱唔貴，主要係個摺合式行李架比較麻煩，全套約一至兩千蚊，視乎你要用咩尾箱，邊間車行整價錢都唔會差太遠。@150係歐洲車不是日本車，@stream就係日本監製中國製造。新車都要驗下基本安全既。車主手冊和工具包每一架新車都會有，但視乎車款，由幾頁紙到成本書咁厚都有。工具包都係有大有細。
|
19/8/2004
|
買車煩惱
本人(20歲)新牌正想買車...想問下...95年SR250值得買ma?同埋保險方面係咪會好貴or 出唔出到??另外依架車..可以玩改裝ma????唔該晒!!!!!!
林仔
細cc年份高的機器，勞損情況幾普遍。一切睇價錢而定。當你再賣車時，之前果d改裝費用，買家係唔會因為咁而肯俾一個較高價錢。值唔值得改裝自己衡量。保險事宜請直接向保險代理查詢。
|
19/8/2004
|
cbr600
請問,本人167cm高,玩cbr600cc是否太危險呢?而且維修方面會否比其他車貴呢,可否說那一種600cc跑車適合我玩呢?
邊隻車危唔危險的決定因素，主要在駕駛者的經驗技術和該車的馬力特性而定。你問得呢個問題，我估你都好打極有限。CBR600F有四代，CBR600RR或者可以叫做第五代。第五代一定唔適合你，第四代都有成百匹馬力，危險！
如果你一定要搵跑車，建議由CBR250RR或者CBR400RR開始練習。想搵年份比較新o既車，可以搵Kawasaki ZZR250。命仔緊要呀~~
|
18/8/2004
|
新牌仔！
你好,本人剛考到車牌,想買車化步,本人住tuen mun,返工係石澳,請問cb250慳唔慳油呢！
根本英俊
CB250幾好丫。代步開工，維修簡單，零件充足。電單車食得你幾多油丫？
|
18/8/2004
|
請問有冇人可以幫我
我想知 BANDIT 600N 戈VALVE 應該攝幾大???~~萬份感激..........
SAM42 sam42@macau.ctm.net
|
18/8/2004
|
Suzuki UH-150
您好, 本人現擁有以上車款, 可惜香港治安太差, 放於車內之跟車說明書及工具被偷去, 請問UH150之車主可否抄送一份說明書比小弟以作參巧之用.謝謝!!
Andy andyau0575@yahoo.com.hk
|
18/8/2004
|
P牌仔想買HONDA MAGNA250 (VF250)
老編您好.我想買HONDA MAGNA250 (VF250).請問20歲1年貨VAN牌.出唔出倒保儉啊????幾錢倒???希望<<老編同各車友>>回答同補充小弟萬分感激!!!
P仔 oncheung2003@yahoo.com.hk
有關保險問題，請直接向保險代理查詢。代理資料可在買賣搜尋的頁頂中找到。
|
18/8/2004
|
車胎問題
您好!我的SPADA250頭尾車胎是100/140, 如更換成110/150, 可否改善行車表現呢.
AK1637
變差就會。想改粗胎要換埋軨。
|
18/8/2004
|
Reply to P牌中招！
恭喜...1)超速..2)P牌載人..3)同無掛P..You have 99.9% 機會停牌重考!!
For the details, you can visit transport dept website!!
http://www.info.gov.hk/td/chi/td29_flash.html
超人
|
18/8/2004
|
保險問題
老編...知唔知有冇人20歲p牌出到250cc以下棍波車保險(3 保/全保價錢又差幾遠??).....
及俾有關保險公司資料我(e-mail)thx!
TuRtLe_Alpha TuRtLe_Alpha@yahoo.com
有關保險問題，請直接向保險代理查詢。代理資料可在買賣搜尋的頁頂中找到。
|
18/8/2004
|
後備油缸？
後備油缸開關制在入油時應撥到向那邊......on/off/rest？有冇分別？謝解答！
mantopic
ON - 主油缸，OFF - 切斷供油，Res(reserve)後備油缸。平時應撥在ON的位置，入油時都唔晒搞佢。Off係當你要起油缸時，或火咀濕左要撻番乾佢時，便要撥向off位置。Res(reserve)係俾你捱去油站的救命油。
|
18/8/2004
|
翻新車
我架車係翻新車,我想問問車輛登記文件內(1980年6月15日以來之前任車主數目)係咪淨係計本港登記?入口之前會唔會計架？我宜家牌簿係零. 用翻新車有冇話要特別要注意Ｄ咩咁架?
希
牌簿只會紀錄香港歷任車主數目，但車輛登記不會顯示為【全新車Brand New Vehicle】。翻新車唔可以因為手數少而值錢，因為在來港之前轉過幾多次手冇人會知。買易手車一定要預留費用執一執。翻新車同普通舊車一樣，一拿翻來先換晒d消耗品例如偈油火咀風隔，檢查輪胎和掣動系統是否需要更換保養。再來睇下電池車鏈避震波子盤等等...
|
18/8/2004
|
B&W250窒油及起步冇力
我部B&W250(2000年製)窒油及起步冇力，已換CDI及電池，表板background燈光暗不定，有時會熄埋，會是甚麼問題？
kifu k_w@so-net.com.hk
整流，打南磨有冇睇過？
|
18/8/2004
|
中招！
老編，我想問吓如果我一次過比差佬捉超速，載人，同無掛P。如果我係初犯，咁係唔係都好大機會停牌重考呢？如果車友有以上經歷，請幫忙提供意見。
黑人
你....唉......冇野講.......不過都係忍唔住你鬧下你：
你冇掛P重要超速，你死你事，但你重要載人，P牌講明唔準載人，即係會導至保險失效，如果有乜事，你等於冇保險。出左事點賠？自已發省下！
|
18/8/2004
|
Side Car 續問
首先多謝老編先生回覆，容許小弟多口再問：1. 長江的Side Car我都親身到大埔見過，感覺一般，而小弟在網上以及在H.O.G.中看見香港有人用BMW 以及 Harley 的 Side Car, 想知如果搵代理或車行代訂並辦理入口手續是否非常貴？入口後又是否要經運輸署驗車才可使用？老編先生你又有冇相關資料？（更想知邊度有車款可揀）2.點解有D人鍾意把後呔改粗一點，這有何作用？Thanks a lot
Newman
哈利的sidecar好似要廿幾萬.....BMW得古董sidecar，呢家野對普通人來說係可遇不求....(其實你開過side-car未o架？個人意見是笨重有餘而操控不足.....)
後胎改粗？跑車用的粗尾胎可以在劈彎時有更多抓地力，但美式巡航車用的扁平粗胎，則是裝飾，轉彎重難。
|
17/8/2004
|
有關車主報告？
你好？請問貴網站的車主報告裏為何找不到有關偉士X8 200cc的車主報告？(綿羊)
Sam
你都幾好笑個播...車主報告又唔係我地入，x8咁新o既車你都要等班新車主玩真d，先俾到評語o架？
|
17/8/2004
|
suzuki inazuma 400
想知 suzuki inazuma 400的資料:1)呢駕車係咩年代出??2)仲有冇新車出產??幾錢??3)呢款車既二手價係幾多??都唔係好覺街有呢款車,係咪代表呢駕車唔係太好用?定係有其他原因??個人覺得呢駕車個款都好靚,望落都好實用,老編又有何評價?5)呢駕車同 suzuki impluse 400, 係咪同年代既車??6)impluse 400 同 inazuma 400 外形都差唔多,佢地性能有咩大分別??新車/二手車價錢又相差幾多??不論 impluse 400 或 inazuma 400, 發覺網上都好少二手車放盤,何解??去車行搵呢兩款二手車會唔會易d呢??多謝賜教!
alexhau18 alexhau18@hotmail.com
印象中Inazuma400應該在97-98年間出現。Suzuki近代的400街車中，以Bandit400在88-89年推出，其後到Impluse400，最後才是Inazuma400。Inazuma在香港流行的是750和1100，400因為價錢相差不遠而導至出車率偏低。我地冇用過400，所以𠕇評語俾到你，你睇番車主報告喇。在香港Suzuki400街車只最流行是Bandit400和Bandit400V，Inazuma400算係冷門車。之前XJR400都幾多下，而家都買少見少。
|
17/8/2004
|
續小問題:
多謝你的回答,有野想問清楚,唔該哂.
1.你指的第三者責任保險,係賠其它人或是賠人地架車,抑或兩樣都包?
2.如果買新綿羊時決定噴過色,究竟係咪要去運輸署申請?車行會代辦嗎?難申請嗎?
ANGUS
三保的目的係俾車主有一筆錢賠俾其他人的人命損傷或財物損失。車輛轉色係需要報正，肯俾錢車行的話，當然可以代辦。
|
17/8/2004
|
續px200得意野
凍車開車先用電撻, 唔work. 轉腳撻, 著車後煲1分鐘車左右, 死火. 就咩撻都唔著. 賴低佢3個字由佢攤番凍, 用腳一撻, 得左. (得意的地方在於第2次著番車, 通常舊電都係冇晒, 而第一次都重有電)
lungfive
舊車總有舊車的脾氣。難得你摸熟左佢o既脾性，大家已經磨合左，唔好輕言換車呀~~(下次試下煲車時扭下油，唔好俾佢slow自已行，冬天時更易死火)老編以前有部印度羊，係冇電池果隻，冬天早上撻車簡真係噩夢......你都算叫做有電撻幫佢熱下身....
|
17/8/2004
|
px200
有個好得意的事, 如果腳撻唔著, 電撻有電又唔著, 到最後連電撻都冇電, 腳撻就一撻即著, 好搞笑, 都唔知壞咩 (之前換過好似叫整流, 師傅話因架車一路行但又差唔到落電池度, 所以換了)
lungfive
先頭腳撻唔著，係因為凍車？電撻唔著，係因為電池唔夠力？其後腳撻又得番，係因為經過先前的一「輪熱」身動作？
|
17/8/2004
|
vtech各樣問題
老編你好：本人想問數條保養問題：
1)火咀應行多遠才換，另價錢約多少及那個牌子較好呢?
2)水箱水及水箱水喉怎check呢?
3)剛換頭皮後，頭brake有吱吱聲，及後就沒有了，是否brake碟有事?
4)頭'fork碼'同'頂把'在香港路面是否對安全很有幫助?
5)化油器多久才要洗，如換新的約需多少錢?
6)頭尾啤玲多久才換?
7)vtech 可否改行車里數?
不好意思，咁多野問！另外我想問老鬼師傅間鋪在哪?thx
聰 spoonkan@yahoo.com.hk
火咀算係耐用品，選用正確火咀的話，可以行一萬km以上。但我們不需要特別上心計住。總之撻車順暢就唔駛理佢。舊車因為驚水箱生銹，所以水箱水最好每年都換一次。完全凍車時睇下副水箱(即係車肚的透明膠壺)，水平線在Hi-Lo之間便可。平時駕駛要留意水溫錶，正常便唔駛理佢。舊碟新皮係需要時間磨合，只要掣動時牛角冇彈手便得。但舊碟要注意最低厚度的要求。fork碼和釘把都係強化高速操控的性能部品，唔一定必需，同安全性冇關。經常用用車的話，化油器唔一定要洗。換新化油器？應該會好貴，貴到你想賣車個隻。頭尾啤呤又係耐用品，如果冇高速上行人路肩，冇玩岳頭，啤呤可以走5萬公里以上。行車里數呢家野信唔過，私家車的電子咪錶都只係幾舊水便可以撥錶，爭在個別車行識唔識做同埋肯唔肯做。老鬼身份屬高度秘密，因為得罪太多人！
|
17/8/2004
|
台灣綿羊
看了貴網站~發現許多地方是錯誤的~個人在台灣山葉擔任產品開發工作,對於台灣車壇生態略有小解~剛剛看到台零星艦寫著只是在台灣組裝,其實是錯的~~台齡星艦是完全由台鈴機車的亞洲研發中心開發的~~在星艦上的鑰匙口大家應該有注意到吧~~在三陽的車子上也有一樣的設計. mio上面也有~~那是一家台灣鎖件廠開發的零件~目前只有這兩家採用~~其實台灣在速克達的開發上一直佔有很重的地位~今年東京重車展~~~光陽及三陽都有受邀參加~~而三葉第一部100cc的速克達也是台灣研發的~~日本很多的車廠都將小型車的研發重地設在台灣~~而光陽的Vinox引擎並非本田技術~~這兩家早就翻臉了~~VENOX的引擎是光陽委託工研院動力機械研究所開發的~~而另一部500CC的素克達XCITING也即將推出~而三陽有一部MEGALO~~在台灣叫SMILE125~也有100~~香港賣的是前一代車型~現已經改款~~跟X-PRO(高手)是兄弟車~~而大鷹王~也是X-PRO車系的~~這是資訊~提供參考~~而我剛剛所說的鑰匙孔~在改款的X-PRO跟SMILE上面都有~~詳情能到台灣三陽網站看看~~~呵呵~~~
萊康明
|
17/8/2004
|
小問題:
老編你好,本人想問數條問題,阻你小小時間,唔好意思.
1.買車出保險,係保乜野?我依家失業,出保險時怎報?若求其報,將來是否會好麻煩?2.買車想噴過色,係咪要去運輸署申請?會否影響第時賣車價?3.幾多cc 以上老電才可上高速?4.油站有二種平貴電油,其實係咪用那種都差不多?你會用那隻?5.老編你有冇乜野炒車經驗,可以分享?
ANGUS
法例規定所有車輛於路面行駛必需購買第三者責任保險，主要確保事件中車主有一定金額可以賠償給其他人。但留意車主並不是保險中的受益人。
失業咪報失業前的職業，或估計下一份工的職業o羅。車輛轉色後，唔係原庄油，俾人知道後會懷疑你係咪炒過車，加上翻噴的質素和原廠的質素有距離，所以價值會有影響。
125cc或以上的電單車才可以上高速公路。
平貴油都係咁用，感覺上靚油燒得爽d，用得重快d。
托賴兼touch wood老編十幾年來在馬路上日日用車，二輪四輪都冇炒車經驗，哈希望唔會破處。
|
17/8/2004
|
hornet 250
為何我部hornet 用二波上斜路用2-3千轉會騎馬仔,甚至死火,要5,6千轉至上力,同埋慢車個溫
度錶上得快,同埋想知邊個牌子車汰最咬地
ming
因為你部係hornet 250，hornet600就可以。慢車冇乜風冷效果，水溫當然上得快。邊個牌子的車胎最咬地？每一個車胎廠旗下都會有唔同類型的產品俾唔同車種使用。例如racing/sport/sport touring/touring等等，而判斷車胎的優劣，咬地力並不是唯一標準。
|
17/8/2004
|
上斜冇力
我部yp125換珠仔時車行話輕珠有利上斜(因要來往大帽山開工)但係力氣無以前咁好,何解?輕珠會唔會無咁大食呢?
ming
輕珠的作用係令自動變速更快進入高波狀態，你拿來上斜，梗係唔夠力啦。行平路的話，輕珠係可以慳油d。
|
17/8/2004
|
部hornet既問題
你好, 我部hornet 250係96/98年入口車, 本人發覺最近一波轉二波時, 或二波落一波時, 時常性地入左空波, 請問乜野問題?我每行200公里就會去入油, 而每次都要120-130蚊, 係咪好大食呀?
新手
一轉二或二轉一時，動作要堅定一d，否則好易變空波。你的續航距似乎貴左d，請檢查胎壓和風格。
|
17/8/2004
|
錚口問題
你好,我想問如果部車燒錚口,去車行檢查及維修,約幾多錢呢??而工程又大唔大呢??
WYLIE
視乎係盤頂定係中缸，要拆幾多野，零件有貨的話唔會太貴，但手功麻煩，人工貴。
|
16/8/2004
|
新牌出CBR250RR
你好, 本人22歲,有貨VAN牌兩年多,現正學緊電單車. 第時考到牌想出架CBR250RR,想問下出唔出到保險?保費會好貴嗎?本人168cm, 64kg, 請問除了CBR250RR之外, 仲有冇其他車合我玩? VFR400會唔會係另一選擇?另外, CBR250RR停產多年, 如果要搵部二手難唔難?就算搵到, 要預最少幾錢執架車?thanks!
新手
後生細仔做乜對d「古董車」咁有興趣？世界變左架啦，點解唔唸下250的fun bike或super-motard？
|
16/8/2004
|
關於偈油問題?????????
老鬼你好, 本人真的不知道偈油係咩和有咩用, 是否綿羊一定要 1,000km 換一次,有冇咩牌子可以介紹一吓, 自己可以換到嗎???? 如果俾人換偈油加人工要幾多錢???? 重有請問綿羊每1,000km 要有啲咩留意..... 希望幫到手Thanks
Hata
請參考【知識技術】內有偈油的相關文章。重有係FAQ部份我地推介在兩部參考書，你應該要睇。自已換偈油唔難，最重要係有合法地方棄置偈油。綿羊要留意傳動皮帶，但係唔駛check得咁密。其實你有乜問題，可以先看FAQ部份，再利用search功能利用關鍵字搜尋一下先。
|
16/8/2004
|
Side Car
本人一向鍾情於side car，但知這在香港並不流行，想知...
1. 如果搵代理或車行代訂並辦理入口手續是否非常貴？入口後又是否要經運輸署驗車才可使用？老編先生你又有冇相關資料？（更想知邊度有車款可揀）
2. 另外，外國有些side car係可以plug & play，即鍾意用就加，唔鍾意用就拆，在香港又可否使用呢？
3. suzuki 的 an400 後呔可否改用粗一點的車呔？用粗一點的車呔是否對操控及性能有幫助呢？（聽人地D街車車友講，唔知啱唔啱）Thanks a lot
Newman
sidecar電單車我地之前有報導過長江750 。
sidecar在香港運輸署登記者會註明係三輪車，唔可以plugandplay。
就咁換粗胎對操控有害無益。
|
16/8/2004
|
3-wheels motorcycles
I would like to ask any 3-wheels motorcycles could be buy in Hong Kong. -As I want to buy one. How much of it?cc of the motorcycles.Where can buy one?I knew that the Domino's Pizza had a team of 3-wheels motorcycles for delivery of Pizza. Recently, I can't see any of them drive in the road. -Is the 3-wheels motorcycles became old and cannot be drive any more?Look forwar to seeing your reply.
Winifred Leung winifred_leung@so-net.com.hk
Honda以前有款50cc的三輪綿羊，冇人用的原因係50cc係社區代步就得，正常用根本唔夠力，又上唔到highway。如果真係想買番一部放係花園度擺，不妨去有入日本易手車的車行問下，落訂叫佢幫你搵。
|
16/8/2004
|
想買車
想買車,符合下列要求:
雙騎(350lbs),加速強(最好盡量省油),舒適,平under $50,000,有大型儲物空間. gilera nexus 500,好ma,有冇其他選擇??(w因為怕nexus 500 不夠大路,日後維修&二手.............仲有油費........)
johnny
五萬蚊budget好易搞姐，早排係【買賣搜尋】見到部02Suzuki AN650都係賣五萬鬆d。Burgman650又夠力又多位裝野又夠大路，唸唸。(其實電單車食得幾多油呀？俾盡都係百零蚊一缸油，唔同私家車下下都六、七舊水)
|
16/8/2004
|
每個月的皮費
本人重未買車, 想知道各位大哥養一部電單車一個月的開支是多少??最好說說你的電單車是什麼,我想我會一星期七天都開車, 五天工作, 兩天遊玩
Jason
電單車除左牌費一律係$1,314之外，其他例如保險，油錢，停車場，維修等都係因人而異。不如你睇下你鐘意邊款車，再去車主報告度睇下其他車主的油錢和維修費用啦。
|
16/8/2004
|
Shell油站
其實一句到尾都係個油站入油員態度問題......如果個入油員態度好D，解釋清楚o既話，絕對唔會搞到咁不愉快！唔好講話入油要唔要落車......安唔安全問題....比着我遇到個態度咁差o既入油員，我都唔會入.....最多咪去第二間！
Michael
|
16/8/2004
|
電單車專門店買車
我最近有一些朋友在某電單車專門店買車,但部車駕駛了一兩日部有不少問題出現,回去車行他又說無問題,我們朋友都好無奈,幾萬圓部車點知整多過駕駛
DK dickeyshun01@hotmail.com
|
16/8/2004
|
超速
老編兄，本人收超速信，限速70，超速91，遞減後87，請問會計我超速多少？扣多少分及罰款多少呢？請多多指教。及可否將超速扣分資料，放於貴網常用資料內。
ET et-home@ctimail3.com
超速15km/h但不超過30km/h扣三分，罰款450，有關扣分制度，可參考運輸署記分制度
|
16/8/2004
|
Shell入油
睇睇下, 其實事情好簡單, 兩個都有問題, 第一, 服務員態度是有問題啦, 佢係可以好簡單用一兩句說話解釋一下就可以令客人明白這是為客人之安全著想, 我相信大倍份客人是明白的o 但看了車主的回應, 原來知道這是為了佢安全著想後, 佢還說 : "要我打鈄架車, 入唔滿咁點計用油量", 看了後我就知道這個人查車態度有改善的地方, 諗法上, 佢覺得計每個月的油錢原來係比自己的命仔還重要!! 第二, d油入唔滿一樣可以計到用油量架, 只要之後每次都你打鈄都係一樣咁計o 我地查兩個轆的, 安全係第一樣野要諗, 其他野次要, 油錢唔洗成日計得好仔細, 你心水清, 一入完都知架車大唔大食啦!!
Frankie
|
16/8/2004
|
Cut 油
老鬼師傅
本人的老電是 CB400BigOne, 高轉(12,000轉)抦高山時常有CUT油問題. 是否可裝解碼器把問題解決. 裝後對引擎有沒有影響, 特別是平常行車. 又如沒有了CUT 油, 高轉炳車會否有機會把引擎扭"淋". 謝謝
Billy
解碼後引擎沒有保護，好容易會扭爆副偈。你現在已經對引擎造成極大負苛，偈油一定要用最靚o既全合成偈油，重要1000公里便要換油，同埋唔好俾部車過熱。(你最好換車一了百了)
|
16/8/2004
|
回應真假電池
千祈不要買,我用左大約一個月後沒電,仲漏電池水.搞到我揸唔到車.好彩我沒丟舊電池.如果唔係又要晒錢買過一個.
|
16/8/2004
|
錚口
師父你好,我想問部綿羊仔燒錚口,攞去車行檢查及維修約幾多錢呢??因為唔想比人呃!!!
而呢個工程又大唔大呢???
ivan ivantptsw@yahoo.com.hk
日本羊會貴d,如只是更換爭口大約一千元到,但打開後發覺有其它零件雖要更換,或做埋小修就會再多7-8百元到,再視乎零件價錢.起乎到完工都要一整天!
|
16/8/2004
|
師傅, 先多謝你賜教, 我架px200, 有側蓋遮住 ,點解火咀會濕? 會唔會係d油出得太快或者漏油(我將2T混埋落缸先入油的, 上手都係咁, 佢話費時2T喉塞左唔知喎). 定係我的駕駛習慣唔好? 另外因為是假日才用車, 是否每日一撻會好D?再次麻煩師傅
lungfive
PX200設計比較簡陃，火咀好易俾電油整濕。
|
16/8/2004
|
回台灣機車術語
煞車碟 = 碟盤
煞車皮 = 來令片
鮑魚 = 卡鉗
火嘴 = 火星塞
火嘴線 = 矽導線
手bumb = 總幫
綿羊 = 速刻達
cup 必打= 化油器
打藍磨 = 發電機
水膽 = 水龜
鴨嘴 = 舌簧片
釘把 = 防甩頭
啤鈴 = 培林
飛跪 = 卡普/壓車
起頭 = 孤輪 (台語, 音 gore lan)
拿遮 = 縮缸
派車 = 轉倒
鑼大缸徑 = 搪缸
我想到有這些, 希望有用!!
宗 gottamusic@yahoo.com
Thanks!!
|
16/8/2004
|
唔知佢想點
師傅. 我隻偉士px200小羊, 唔知點解用腳撻時, 著了後如果死了火, 要等佢凍番先可以撻番著, 可能要等成3個字. 用電撻咩, 佢又只係好似聽到皮帶聲咁, 個野(右邊好似個螺旋咁樣, 在側盖下)唔曉郁. 佢想我點, 會唔會係d電器問題. 麻煩幫手.
lungfive
著車後死火，跟住難撻車，應該係火咀濕左。部車的健康情況都幾差，睇睇電池，打南磨和火咀。
|
16/8/2004
|
加裝大架
師傅你好!.小弟見到CB400 Vtec 可以加裝大架, 請問加裝後會否有問題呢 ? 是否像原有般可靠?2. CB400 version S可唔可以加?Hornet 250 又有冇得加 ?謝!
傻猫
有位俾你落大架當然冇問題。Version S和Hornet250好似係冇位俾你落大架個wor...
|
16/8/2004
|
CB400
老編你好,我想問21歲1年牌出唔出到cb400sf??
還有一個問題,之前聽師父講話我部羊"燒遮",是否燒了活塞環,更換活塞環昂貴嗎??謝謝
lung
燒遮鈴即係活塞環受到不尋高溫而損毀，通常都會整花埋汽缸壁，通常一拆偈都會順手換好多野，單缸綿羊最少要預三、四千蚊。另外保險問題自已問代理啦，費時答錯。
|
16/8/2004
|
cb400vtec電器問題
請問如果將指揮燈由12v18W換哂4個12v20W既燈膽會唔會對電器零件有影響呢因而家換左尾兩個當著死火燈時個錶板會時光時暗係咪因為電力唔夠呢因未換前都有呢個問題但換後都有thx
蟲仔
有搶電的情況出現,check下電池先再換晒同火數的燈膽.
|
16/8/2004
|
yup250(Kymco)及GRANDDINK150
本人慣性决街車依家想換綿羊仔代步，而朋友介紹𦴩一部光陽YUP250及GRANDDINK150，因我体重有175磅亦經常載人。據車行稱GRANDDINK150係用HONDA@150副車機有15.5ps，請問是否當真呢？另外請問老鬼哥對YUP之評價，我應該點樣攪呢？多謝提晧冲凉細佬。
雄仔
講個故仔俾你聽：江湖傳聞話某車行早排向客人聲稱自己代理的電單車是使用Honda機器，但客人向本田求證，結果當然係冇d咁o既事。事件搞到雙方都冇晒癮.....
言歸正傳，台灣車的品質經已十分成熟，但要留意代理的經營手法是否妥善，例如零件是否充足，售價是否合理等等。
|
16/8/2004
|
點解?
點解老鬼上面個頭像唔同左GE~~又點解日前文章日期又唔同左?~~
SAM仔
因為老鬼師傅話佢後生果時都幾靚仔下，所以要求轉相wor....文章日期唔同左就奇怪o勒，日期係電腦gen出來的....
|
| |
|
|
|
 |
