|
|
|
FAQ常見問題 |
|
|
15/8/2004
|
UE150..???
我想問下...ue 150 打幾磅胎氣..??
nam nam512@hotmail.com
細綿一般胎氣都係23/26 psi，你部車應該有貼紙寫住。問番鈴本科會準d。
|
15/8/2004
|
重型街車用呔
老編大人,早排見你講起個人用呔喜好,竟然是名不經傳的象牌,何解?多謝賜教!
笠臣 jesusc@sinaman.com
象牌胎唔算名下經傳丫？佢地專做電單車胎，並擁有多項專利製胎技術。以前係香港唔係太流行的原因可能是象牌胎比較適合重車用。以前二衝年代，四衝最多400，所以象牌胎冇咁受注意。而家四衝車係主流，玩得幾年車既人，都會轉玩600以上先會止到咳。以個人經驗來說，象牌胎係性能和耐用程度來說都相當不俗。
|
15/8/2004
|
forza again
sorry....my meaning is 03 NSS FORZA and FORZA TYPE Xwhat is the differnet???tks
Q
你講緊大家都係03年款Forza？冇咩唔同，係用左個短風擋和電鍍街車把手...型d…咁解。
|
15/8/2004
|
買車問題...............請指教.......?
你好老編:我現在想買一部Majesty 125,但係佢有行(i)和行(格別打)兩個板本,但在改裝和修理方面那個會比較好.....(我就有點想買Majesty 125 Fi行(i)但又怕在改裝方面會沒有行(格別打)的好..)請各位車友和老編給點意見.......thanks
KevinLio kevin88924@hotmail.com
要改動電子燃油噴注的程式，需要相關電腦的程式。傳統化油器則可以憑經驗憑工具便可以更改設定。但係你想改乜野呢？想快？買部細車然後費煞思量改快佢，點解唔一來便買部大d既車呢？
|
15/8/2004
|
HORNET 600
請問98 HORNET 600 有冇電油隔?怎樣分別日本版和出口版?性能上有甚麼出入?該款車是不是熱門失車(因我已累積了六次失車經驗)?
JANATHAN janathna32001@yahoo.com.hk
電單車好少有電油隔設備。Hornet600出口版死氣喉咀的直徑，較日本版粗。但你要兩部車一齊比較先會清楚肯定。如果冇記錯，日本版咪錶180km/h，出口版260km/h。呢款車應該唔算熱門失車，二手價都唔係太硬淨。
|
15/8/2004
|
買車問題??
本人巳考了電單車牌8年,新牌時買過 PGM3,4 and ZXR400但我巳有五年沒有駛過老電,最近又想再投入老電世界....本來想買一部大cc二手跑車(一定要跑車!純個人喜好!!).心頭好有 R1,TL1000R,ZX-7R,GSXR750`96~98(其實我比較喜歡大 size 的跑車).問題是我在您們網上看見原來現在老電偷車率十分利害(因為我買車後平日會用老電,假日用私家車)....以上那些車款那款安全些??燕梳又是多少??(27歲8年牌)
一仔 waione197@yahoo.com.hk
如果你有看過我們剛發佈的全港偷車統計，便會知道偷車賊平貴有偷，冇話邊隻車一定安全。流行的車會被偷，因多人喜愛。冷門的車也有機會被偷，因為零件難找。我地唔會回答保險價錢，因為每人情況不同，代理又海鮮價較難捉摸。
|
15/8/2004
|
FORZA & FORZA TYPE X
I SAW A SECOND HAND FORZA, IS 03/03 , NOT TYPE X.I KNOW NOW IF 100%NEW JUST HAVE TYPE X SALE IN SHOP,SO WANT TO KNOW WHAT IS THE DIFFERENT?AND CAN I CHG THE COLOR OF THE BIKE BY 車身噴漆IS IT CAN NEAR THE ORIGINAL COLOR? (IF CHANAGE FROM SILVER TO BLACK)AND CAN FORZA CHG TO A SHORT 鬼面罩? TKS
Q
04 Forza X轉行電子燃油噴注，個樣都唔同左，詳情參考【靚車檔案】。想轉顏色？完庄油先值錢，翻噴唔值錢架。短鬼面罩？你意思係咪換過短風擋？Type X本身咪已經係短風擋o羅。標準版都可以換短風擋。
|
15/8/2004
|
真假電池
YUASA電池點分真假?因為YTX7A-BS在某處賣HKD180,用黃色瓦通紙盒包裝,盒上只寫YTX7-BS;但在某車行卻賣HKD380,紙盒是白色的.唔該!
garner
o下？直接向代理求證會穩陣d....不過180一舊電池.....實在....ar.......
|
15/8/2004
|
Big One問題
由一波起架車要幾轉先轉波呢？我多數在三千五至四千便轉波，正確嗎?架車個大本身係咪好難先撐得起架呢?架車好鬼重除了加引擎護架外還可以架什么令跌車冇咁傷車呢?(已跌了幾次車了":>__<:)
裝引擎護架大約幾錢呢？有冇質素之分呢?Big One係咪冇得改尾段喉架？因為我看尾段喉是焊死了的
我每次轉線look過Ｄ路釘feel到好冼關車胎事嗎？胎氣打前28後30夠嗎(間中載下人)Big One可唔可以架個油錶架?如有幾＄呢?咁多野問實在唔好意思^^"......
問題小坤
在街道上駕駛，一波只是用來起步基本上架車一開始行，便可以轉二波。三、四千轉上二波絕對無問題。上大架如果方法正確，cb400sf唔會太用力。慢車跌低，幾百蚊裝個引擎護架只係防機器刮花，油缸和把手都有機會整花。BigOne死氣喉都係成條換，但要留意換喉後大架重裝唔裝得番。馬路的路釘係好跣，唔關條胎事。間中載人，28/32較佳。你果隻bigone冇油錶？好少有aftermarket燃油計部品賣。
|
15/8/2004
|
P牌出唔出到街車
想請問P牌出唔出到街車???20歲,有1年貨van牌,THX~
P仔
400cc樓下應該冇問題。
|
15/8/2004
|
關於偈油問題.
你好,我想問係油站買到的偈油啱唔啱電單車用。而偈油係怎樣分別好同唔好呢??
別外我想問我的車子,最近洗車時發現個引擎好似油鴨咁,好多黑色油漬,想請問呢啲油係邊度出黎。及點解會有咁問題,又有乜方法補救。
wylie
如果係俾綿羊用，全合成的汽車機油也沒有問題。如果係電單車，因為波箱共用同一偈油，製造商聲稱電單車需要另外的配方，和汽車不同。
機油可分成最便宜的礦物油，半合成和全合成機油。此外，在機油包裝上應印有美國石油協會所定下的標準指引，例如是SG,SH,SJ等，後邊的字母越後，代表質素越高。
引擎滿佈油漬，一定係漏緊油，爭在係火咀未上實，還是引擎盤頂和中缸等的接駁錚口漏油。年份高或曾經令引擎過熱燒錚口，都會令引擎漏油。要俾車行換過d錚口。
|
15/8/2004
|
行行下死火
你好!我部AN400,有部後級play mp3,不知為何?行左25km/h...燈位死火,
師傅話整流壞左,要換新原廠$900+300人工
是否會壞..../要幾錢.....
vincentng32@yahoo.com.hk
換整流差唔多價錢啦，電器既野一向都好有自我性格，佢鐘意幾時壞，真係話唔埋個播！
|
15/8/2004
|
一些關於BMW的問題
為什麼BMW的電單車，老是喜歡使用軸傳動?
WONG Ho Ying
Boxer引擎加軸傳動，是BMW的風格呀
|
15/8/2004
|
BANDIT 600
老鬼好...本人係澳門部BANDIT 600 (二手) 買返黎發覺引擎SLOW 好嘈,啪啪聲~~係唔係VALVE 要ZIP?? 個空隙要ZIP 幾多? 因小弟資料不足~希望老鬼兄能幫小弟解答....BANDIT 600 原裝新車引擎係唔係已經係嘈? 如果唔係仲有乜野可以解救? 仲有部車要差唔多9毫子一公里正唔正常~~可能問題多左少少~~但小弟兩個月黎為左呢個問題而煩緊....希望老鬼能盡力幫我...THX
SAM仔 sam42@macau.ctm.net
Suzuki機器會嘈d，但係要唔要攝哇佬，要聽過先知。9毫子一公里？澳門油價好似平過香港？睇睇化油器和風格好wor...
|
15/8/2004
|
我想問SUPER 4 BIG 1 94車, 入滿一次要多少錢. 另外一缸油可行多少公里.如果0.7/KM算大食嗎?
yik bor tam yikbortam@yahoo.com.hk
18公升油缸，可以自己計，同埋點解唔睇車主報告？七毫子一公里梗係大食啦。我架Bandit 1200都係八毫子多D咋！
|
14/8/2004
|
邊種車最好？
本人是曾於11-8-2004問冷卻問題之小明，你話的PGO T-REX150我都好有興趣，而你提的另一款VECSTAR150又合適。其實日本版AN150(97/98)的那一款又如何，因價錢有D好平。有D車行叫我買98年APEX，有D又話99年之水冷巡戈(三陽)，有D話隻隻都得，只要唔好當跑就可以，不過本人最多都係80左右。最後煩向本人想揀一部真正合適的車，用以代步之用。多謝高人指點。
小明
咁啦，如果你搵到d幾千蚊又企理o既二手羊不妨買來慢慢用。如果唔係買新車喇，新車又唔係貴。
|
14/8/2004
|
回應: 車頭格蘭濕壞
小弟好奇想問一問可否解釋一下何謂車頭格蘭濕壞?為何250羊不會有此問題
JT
架蘭濕意思係crankshaft曲軸，係引擎出力傳達往波箱的重要零件。150車頭細，馬力小，容易俾人過份苛索，縮短機件壽命。250馬力大好多，機器冇咁快殘(雖然250馬力都係好細，但日本羊的鋼水又靚d、自然又會襟d)
|
14/8/2004
|
問題
想問下....vini150 既羊...同你地既vino125...既性能係咪都差唔多..同埋...玩味性多唔多(例:改裝), 值得考慮嗎/?????????thx......!!!!
新仔
Vini 150最大o既優點係平，再講多次，係平。如果價錢係你唯一考慮的話，vini係有佢無可替代的優點。希望你知我想講乜。
|
14/8/2004
|
NCB問題
自動羊同棍波車係咪同一份保單黎架?自動羊同棍波車個NCB係咪分開計架?我由羊轉渣街車ＤNCB係會廢左定會保留呢?我借車比細佬佢炒左報左保險,咁我買街車會唔會加墊底費架?我兩年牌出CB400Bing One 保費4900$貴唔貴呢?咁多問題打攪晒!!!!
Quincy
係分開兩張保單計算，所以NCB冇得互換累積。Under你名的保單報左保險出左事、下年你實聽買貴保險。CB400要成4900三保，有d貴，但保險o既o野都幾海鮮價，唔代表你在同一時間內買貴左。
|
14/8/2004
|
mango250
請問mango250鍍電外殼是否很難打理?而泊在排骨位是否不宜買此車呢?而此車有什麼特別弱點呢?
昌
Mango芒果？咩車來架？係咪Honda Magna 250？電鍍野好忌水，要勤抹，係消磨時間的最佳方法。泊街位咁迫，你一個人佔個半位以上，睇下你隔離左右d人有冇品啦。Magna250冇乜特別弱點。
|
14/8/2004
|
無力?
老鬼師父你好:小第的hornet最近發覺無力,俾油都唔係好去(特別雙騎時),同埋慢車時有D窒油,係咪火咀到期呢?要不要洗'CUP'呢?重有差不多成年幾無換FORK油,電池,係咪要換埋呢?煩請解答,唔該哂!!!
KKchan
如果好耐都無搞過部車，建議先換左火咀同風格先，唔得先再睇下使唔使洗化油器。Fork油和電池可以遲一步先搞。
|
13/8/2004
|
油費
01年 AN 400行化油器. 04年AN 400i行燃油噴注,兩車油費相差幾多錢?我研究過兩車之引擎數據(例如,缸徑,衝程,壓縮比,)都相同,究竟除咗(燃油供應)唔同外,兩副引擎係唔係一樣.
cho cho@sinaman.com
引擎一樣，但供油系統不同。油費究竟相差幾多，應該睇番車主報告。
|
13/8/2004
|
新車的里數表數值
新手一問：取車的新車的里數表數值應否是零？車行是否會替新車主試車？新車是否包油？要多少油錢
問題青年
未必一定會係零，有幾公里都唔出奇。車行唔會幫新車主試車，因為新車唔駛試。當然唔會包油錢，所以拿車後第一件事便是去入油。
|
13/8/2004
|
大獲
本人係不太懂機器, 150羊渣渣0下引擎聲超大, 推車去維修, 話車頭格蘭濕壞, (因偈油無用靚偈油及唔夠頻密..)要成個換大修, 大約三千, 二手車價買入時七千, 買了四個月, 有何意見, thx, @@
kevin
點解老編成日話要買250以上日本羊，咪就係咁解之嘛~~你都洗濕左個頭，整啦~~
|
13/8/2004
|
re: shell 入油
其實每樣事情都有因由,總不能單方面作準.昨日我都有去SHELL入油,發現油站並沒有貼出告示通知電單車司機需落車入油而只有職員單方面作出提示.
從這case方面看,如油站標明告示電單車司機需落車才能協助入油.電單車司機可選擇入定唔入,並沒有口同鼻咬的情況出現.如是者我相信並無此事情發生.
|
13/8/2004
|
load down前叉
老鬼你好, 我有輛YP250想load down前叉,但又不想整支換太貴. 請問老鬼有什麼方法, 本人看到有一件Kit可以Load down 40-50mm, 但會不會減低前叉行程有沒有壞處
kanlam kanlam888@netvigator.com
如果你係求外表，冇你計。講操控的話就最好唔好搞。你睇下R1/CBR1000RR/GSXR1000果d跑車有冇話要load低車身？
|
13/8/2004
|
噠車問題？
你好！請問電池一般壽命有幾耐？
MF免加水電池一般壽命兩年貨仔咁上下，打柴前可以完全冇跡象。
|
13/8/2004
|
不能起動車子
貴網水準有口皆碑，故客氣話不多說了。
本人的愛軀為CBR600f4i，02年2月買下，行駛了八千多km，一直也沒有甚麼大問題。唯前幾天去取車時 (隔了一個多星期沒有駛車)，按制點火開車時發覺 點火的聲音怪怪的，像沒有力氣，而錶板上的燈也比平常暗，但也如常能把車子起動。我開始懷疑是否電池電力不夠。到今天再開車時，插下車匙可以開到錶板，但點火則完全沒有反應，只有「答答」聲而已，但大燈卻又可以開著。 想問問老鬼先生， 究竟是電池電力不夠，還是整流那些部份有問題呢? 我的車子是泊在停車場裡，若電池壞了，可否自行更換電池呢? 可否教導小弟呢? 謝謝。
TseTan pricetse@hgcbroadband.com
應該係電池夠期打柴，你試下推撻啦，入二波最好有條斜路仔。著到車咪可以駛去車房換電池lor。
|
13/8/2004
|
油壺燈著了
請問大鷹王油壺燈了，是否沒有偈油呢？已換了偈油，但燈仍著，何解？是否不是偈油燈，或換油後要reset 指示！敬請解答，謝謝！
ET et-home@ctimail3.com
偈油燈如果冇壞又長著的話，代表油泵冇壓力到。建議拿翻車行橙查一下要reset還是偈油泵有事。
|
13/8/2004
|
Majesty YP125問題
本人架yp125偈油個盞燈閃下閃下，是上手車主set左1000km要有這個換揭油提示。
請問如何更改至2000km,或3000km才有這個提示呢???謝幫忙!
k'
細綿羊因為偈油容量少，每1000km就要換偈油架喇。
|
12/8/2004
|
re: shell 入油
咁多人講我又講講先.
某日在網上收到一段片, 片中有一架formula one入pit維修及入油, 在場有三四十位專業人仕維修架車,當入油時,由於油喉同油缸之間出現問題,電油就在油喉同油缸之間射出,各工作人員見到時想走都走唔切,即時發生爆炸,幾千度高温及火海即時出現,各工作人員都被爆開,在formula one裡面的車手活活地燒起來.雖然佢地有防火衣,但應該都幾難頂.
雖然油站裡面的電油不會係formula one用果隻,但有時都會聽到某某國家某某油站起火.shell 都係為左你姐,但誰是誰非就可以話大家都是對大家都是錯.
個人意見:如果shell可以提供型男美女作入油員可能大家都開心d囉,嘩Racing gals正呀 ^.^!
嘩...正呀!
|
12/8/2004
|
台灣機車術語
請問老編可否將所有台灣機車術語和香港的機車術語做個比對表?例 火星塞=火咀
Peter petergk@hotmail.com
這個建議很好，但要請你先把台灣的術語列出來啊...
|
12/8/2004
|
bandit 600 是否一部好車?
本人想入一部~~但不知其馬力匹數,價錢,是否省油??
燦森 sam@qoos.cc
可以睇番考靚車檔案的以往報導和參考車主報告....
|
12/8/2004
|
防盜一問
在平衡被偷風險及二手車被人欺騙後，本人將決定買一新車，想請教一下如何做好防盜措施？
車cum、碟鎖、大鐵鍊等應如何選擇？是否越貴越好？大羊係唔係都可以裝上防警報器？除上述器材，還需加什麼呢？泊車及鎖車又有乜要訣呢？謝謝
Newman
1)新車cum買番來，整到佢有咁舊得咁舊，有咁肉酸得咁肉酸。
2)頭尾轆都要上鎖，要鎖埋車cum唔好俾人翻開
3)其中一個碟鎖可以用有響鬧功能o既碟鎖，
4)另外一個碟鏈或鏈鎖，最好用電腦匙開啟o既。
5)有得攬柱就最好
6)泊位唔好定時定候，要走位
|
12/8/2004
|
LED
Dear 老編,我架 VTR 想將前右左右既指揮燈換晒 LED 燈,市面上有冇得賣呢? 我見過有個 Super Four Big One 車主,將架車改晒 LED, 問過好多間車行都話唔知有冇, Super Four o既指揮燈既燈炟同 VTR 係咪通用?Thanks a lot.
Grip
你見果位換左LED燈既仁兄可能係自己DIY傑作都未定。指揮燈能否互換的問題，你最好問番燦基。搵料改裝，試下問大角咀安定或者旺角亞林，佢地都幾有心機做改裝parts。
|
12/8/2004
|
Shell 入油
我o地只係聽到車主單方面o既指控,誰是誰非,局外人唔在場,好難去理解事件發生o既過程,油站職員"可能"語氣表達方式有問題,但係天時暑熱,油站入油又唔會有冷氣,大家心火盛,一人少句為秒,落一落車俾佢入油都唔會浪費車主幾多時間,落o左車順手去申個懶腰 or 去尿尿,人都精神D.放鬆D啦,香港人 :)
油站職員
|
12/8/2004
|
換車一問
老編你好, 本人已有五年多的電單車駕駛經驗, 第一部車係 Virgo 250, 第二部係 CB400 Big One, 現在係 TGB F409 150cc. 原本想換 CBR250RR, 但大部份年分較舊而價錢相對有點貴, 因唔想車身太重, 所以想搵250cc (本人168cm, 約134lbs), 請問有沒有其他好選擇 (要顧慮維修, 油費, 防盜等問題, 因為擺街).
如果換街車, 因應上述情況有以下2個心水, 煩請給意見.
1.96~98 CB400 version S
2.98~02 Hornet 250
P.S. 本來想同車行買, 但睇完最近部份車友的意見, 實在非常擔心.萬分感激
傻貓
唔駛講野，閣下駕駛經驗豐富，梗係揀馬力大d既電單車啦。經常泊街，最好有大架會方便和慳位D，但你揀果兩款都冇大架。個人推介Bandit 600/S，夠力，有大架，又應該會冇乜人有興趣搞。
|
12/8/2004
|
邊種冷卻方法及細羊最好？
本人為P牌，家住屯門，每日行走80km往返沙田及屯門，使用屯門公路----城隧。現想買A-PEX(98)、星艦(02)及TGBF409 150(01)。因財政問題，只可買以上的綿羊仔代步。聽講話水冷比風冷合適，但未知正常的A-PEX(98)會否合適及是否耐用，起碼最少用3年左右。請問大師門能否解答小弟的難題，多謝。
小明
水冷比風油冷高級，但用耐左會比較麻煩。有冇唸過T-Rex150或者係最近介紹過的Suzuki VecStar 150？
|
12/8/2004
|
re: shell 入油
今時今日仲有咁既服務態度真係大獲.
香港D美譽無哂.
過來人
|
11/8/2004
|
Suzuki 1200N
想問Suzuki 1200N是否好車,此車反應快唔快,慳唔慳油,多少錢1公里,謝謝！
K仔
Bandit 1200以價錢論係一部超值的好車。炳佢都係八毫子一公里。
|
11/8/2004
|
re: shell 入油
等佢淋濕褲檔, 燒埋部車, 仲要賠償俾其他受害者時, 睇0下佢會唔會好有禮貌囉..... 文革咩, 乜都要鬥? 人地為你安全你有冇多謝過人家呀? 一面之詞信你一半都有多喇
車友
|
11/8/2004
|
Shell 入油問題
其實洛一洛車比人入油噹休息吓囖!嘈什麼呢喃!!!!!!!
美女
|
11/8/2004
|
風擋問題
本人有約二年機車經驗,一直都是騎小綿羊,現想請問裝上風擋是好是壞?會否令風阻增加?
如裝的話市面上連工包料約需幾多$?
Lucky
設計良好的風擋應能減少風阻，而風擋最好應該裝在車身上，但因設計問題很多風擋被迫裝在把手上方，當風大時會影響把手的穩定。視乎不同設計和牌子，幾舊水都會有交易。
|
11/8/2004
|
re: shell 入油
我好明白個一位車主的心情 , 我之前都做過油站 , 我也是一位電單車車主 , 同你入油個個人做得無錯(在油公司立場來講) , 但我就覺得個個人既個人態度就好有問題 , 其實對於錯同條氣順唔順都係睇個個人同你對話用甚麼的態度和語氣 , 假設個個人用一種良好的態度同你講的話你條氣都順好多啦(這是個人的操手問題) , 我覺得同你入油個位人兄是一位年紀比較大的人(仲要係呀伯個隻) , 對嗎 ? 我個人就覺得年紀較大的人既服務態度無年輕人服務態度好 , 可能佢地讀得書少你咪大人有大量(願亮)佢老人家lo.......
如果要投訴的話不如投訴晚間赤柱shell油站個個呀伯仲好啦 , 佢的服務態度完全唔得之餘仲成日係到訓覺 , 呢d人起不是咪更加不能(願亮)
蕉仔 onizuka0615@yahoo.com.hk
|
11/8/2004
|
Shell 入油問題
我覺得落車入油會比較安全,所以不反對;但那個職員的態度則很有問題,叫客人去光顧其他店鋪,是十分沒有禮貌的,我很明白富時要貼錢買難受的感覺.
其他人叫你不投訴,因為他們沒有在場被串....
顧客是否不可以質詢?質詢得不對是否代表可被人串?
這種人回鄉耕田吧!
NO
|
11/8/2004
|
The fuel problem ...
My bike is FORZA 250 and run about 14500km. All parts are original. Each 1500km I would change the engine oil. On the other hand, I have the fuel card which save one dollar per litre, which means the price is $10.8 per litre. Each time I calculate that I need $0.42-0.45 per km. Is this acceptable?? My trips always run Tuen Mun Highway without passenger.
FORZA CLUB MEMBER
耗油量除左睇行咩路之外，重要睇你行幾快。我當你原庄喉，行highway平均110km/h，四毫幾子係正常。
|
11/8/2004
|
re: shell 入油
唔好開口埋口講歧視 .........行車後電單車很多部份都有高溫, 落車入油係安全措施.自由市場就算唔做你生意都冇得投訴.油站告示你又係咪全部會一字不漏睇哂呢? 車主手冊你有冇睇哂?唔係淨係CB400冇大架, 好多車都冇.入油入到頂頸其實好危險, 電油會膨漲, 太滿容易漏出, 有危險.計耗油量可入一定額之'升'數, 行到用spare cork 時記下里數, (例: 15 升行 300km, 就用15 除 3 = 5, 即係 5升/100kms )
如果仍想投訴, 可在投票日投鄭「經」漢一票, 九龍東丫！！
路人丁
|
11/8/2004
|
P牌仔想買HONDA CB250
1. 如只是代步, 此車好嗎?
2. 如95年的翻新車一般可再用多少年?
3. 為何見價錢分別那麼大?
4. 此車可上到100km嗎?
5. 250cc 跟 400cc 的保費有多大差別?
謝謝!!
Jimmy Chan
開工都得，何況代步？
翻新車？執靚個樣算唔算翻新？年份不代表一切，重要睇里數和以往保養，車頭精唔精神等等，所要價錢會有分別。CB250可以上到110km/h以上。保費最好問番代理，據理解應該相差不遠。
|
11/8/2004
|
打砲有咩情形先會有?
老編先生,打砲係唔係換左死氣喉先會有?原裝的是否不會有這問題??
Jason wcl997@hotmail.com
原庄車唔會有打炮問題。最常見的打炮原因係更換死氣喉後而風油比冇調較妥當。由於更換死氣喉後消音器內的回壓減低，令部份未燃燒的油氣從死氣閥出溜出進入死氣喉，當排出大氣外時遇上空氣便自動燃燒，造成聲響。
|
11/8/2004
|
請問 HID 燈
請問 HID 燈是否任何車都可以安裝的,綿羊安裝時有咩要留意,台灣 HID 可以嗎????還是日本的比較安全,但金錢上比較是(台灣 HKD980.00,日本HKD1,600.00),台灣可靠????????
哨牙貴
不是任何車都適合安裝HID燈，要留意車本身的供電系統能否負苛。日本產品當然比台灣耐用，但價錢較貴。如果唔肯定裝上去會唔會燒，不如唔好裝，要裝，都最好裝日本貨。
|
| |
|
|
|
 |
