|
|
|
FAQ常見問題 |
|
|
11/8/2004
|
Hornet 250 / CB400SF ???
老編你好,小弟剛甩P,之前揸T-Rex 150,依家想選擇一架街車. 請問你對Hornet 250同CB400SF有咩評價? 我應該選擇邊架??
Ng fatashia_ng@yahoo.com.hk
先恭喜閣下甩P。兩部都係好車，但如果你今日換Hornet 250，可能你明年便想換車。如果你今日換CB400SF，可能你會玩兩年先想換車。關鍵在於馬力問題。
|
11/8/2004
|
shell 入油
如早前曾派過傳單俾入油騎士,為何沒有貼出告示通知?
如果油缶傾側又如何入滿呢?
法例又是否容許該公司作出一些歧視條款呢?
如果我的車是綿羊便沒有以上事情發生~
可惜不是~有苦自己知,保障我們是無可口非,
但這不是硬性條例,作為一間公司有生意都不做,
叫別人到其它油站入油~真可笑.
Levis Yu
|
11/8/2004
|
shell 入油
電單車入油要下車係近排先實施的
佢係驚你坐係到時d油漏左出來而又漏左落你身體,萬一有火種時你個身體咪著火lor.
佢驚有意外及保護自己公司安全形象,但如佢態度唔好,我都覺得要投訴佢.
ps 我不是shell員工
同行人
|
11/8/2004
|
黑店
本人是新牌仔,第一次買車就係黑店XX買,老闆十分不老實,第一次交車就想騙隻尾翼,手把個膠筒,條喉又嘈又唔係原裝,個風檔又唔實,叫佢整,佢又話係今,冇得整............
我去第二間車房check車，條喉嘈係因為普利珠夠期，幅偈又就快打柴，．．．．有冇攪錯啊，幾萬蚊買架肺癆車返來，我用整車D錢，加加痳痳可以買架新車，大家小心黑店xx
新牌仔
店名被老編刪去的原因，除了是因為這是單方面的指控外，另外一個重要原因是二手車的質素和車店為顧及成本的問題，令上述情況不算罕見。所以各位買易手車，唔好祈望會和新車一樣，也要預留費用執車整車。
(借D倚發下嗡風先)
今日你係甲車行買二手車，發現有問題，然後拿去乙車行整車，乙車行會好落力咁同你數晒架車有乜問題。但如果係乙車行買二手車，可能一樣都會有問題，然後你拿部車去甲車行檢查，甲車行又會好落力咁同你檢查指出邊度有問題......世事o既野就係咁好笑。
|
11/8/2004
|
投訴Shell 油站
For your safe. "Shell " is right.....
|
11/8/2004
|
回應: 利華士- 余 之 油站入油
其實早前已經派過傳單 俾入油騎士,事緣於 新加坡 曾發生電單車於入油其間,無故起火,騎士走避不及,嚴重燒傷!! 所以各油站均要求電單車入油時,騎士務必下車,以防萬一....其實該店員正保護著你,並為你的家人擔心你的安全,又何必要投訴呢?懇請您細心想一想.......
退一步, 想一想
|
11/8/2004
|
p仔疑問
本人係新牌仔，現有事請教，本人出了一部全新CB400SF TYPE II，上月才換了頭彈弓及15號油，彈弓及油都是O記的。請問入多了油是否會令行程減少呢?會有甚麼影響?因現在才發覺上路膊時頭避震很硬，吸唔到震，身體食硬。
小強
入多左避震油唔會令行程減少，但會嚴重影響減慢彈簧受壓和回彈的表現。閥門和油毽都受著額外的壓力，建議盡快放左多餘的避震油。
|
11/8/2004
|
hornet 250
if everyday run (lung ching cheung road),two people total 350 LBS,this bike ok?because only like 250 cc street car
ming
嘻唔係好知你講邊條路，不過Hornet250雙騎都符合基本要求o既。好多150綿羊都係雙騎行緊街喇。
|
11/8/2004
|
Shell油站
大家好，小弟都係其他Shell油站入過油(大角咀&屯門)，佢地都係叫我先落車，雖然我都唔知點解(佢話咁樣安全D喎！)，但係叫我落車果條友都算好聲好氣幾有禮貌，我都無乜野！咁就算數！
Michael michael88@pacific.net.hk
|
11/8/2004
|
繼 提醒各位想買車嘅朋友，荃灣某車店好離譜！
過來人，正係你所講荃灣「賴地硬」車行！至於Yuki所提到黑店名單，小弟亦明白老編嘅立場，唔可以一面之辭去話邊一間係黑店，因為好多車行都會喺呢個網站賣廣告！但係至於老編對黑店嘅見解，就有D商榷嘅餘地。小弟雖然對電單車認識一定比老編仲有一段好大距離，但係我覺得一間車行賣一架車比人價錢係其次，最重要係確保駕駛者安全。如果車行明知一架車係安全上有問題而唔去維修就賣比人，我覺得呢間車行就係一間黑店！
以我嘅Case，條頭胎粗過尾胎好多人都知道係唔正常，只要一過灣條尾胎就跣。呢樣嘢車行無理由唔知，佢唔換胎都應該買車嘅時候同我講或者叫我加錢換。如果我要用錢去買一架跟本唔能夠正常行駛嘅車而我又唔知，咁會唔會係"以欺詐的手段作為其店的常規經營手法"最後，我想講就係錢比佢呃可以搵番，命只得一條！
黑仔
|
11/8/2004
|
T-rex疑問?
老編你好:本人想出T-rex150,想問:
此車座下是否只能放一頂頭盍,放了後有否位放其它野?
如加裝尾箱便會遮了入油位,我知可裝可彈起那種,但是若放了重野在內,每次入油都要泊好車跟住開尾箱搬開 D野才能移起箱入油,咁咪好Q麻煩,有冇計可加尾箱又唔使咁煩?
新車係咪冇死火燈?重要嗎?若加裝要加幾錢?
去總代理利X 出車好定各經銷商都一樣?(考慮到第時保養及維修質素,待客態度等)
Agassi
04年新款T-REX座上可以放一頂大頭佛，以前舊款就可以放開面帽。放完頭盔後冇位擺其他野。入油時冇錯係要反起尾箱架，裝重野時便要慢慢來，最好用手傍住，係會麻煩少少。
原庄車冇死火燈，其實好多電單車都冇，要加裝的話都係幾舊水，但會破壞原庄線路。
出車去總代理或分銷商都係一樣，視乎自己地點方便。
|
10/8/2004
|
撻車問題
你好
我部foresight250(2手)買了約二個月,擺多過用,起初撻車時一撻就著,但最近撻車時著一陣就自動死火,要撻著後比些少空油才能著車,請問通常是什麼原因?
lewis9932 lewis9932@sinaman.com
問題會出於火咀同化油器.
|
10/8/2004
|
shark 150
sorry, is me again, i want to ask:i use my car everyday, so do i still need to wash cup? if yes, why? and how offen do i need to wash?
2 i find that there is rust in my rear suspension, is it a big problem? how to fix it?
3 for dunlop TT91, michinlin pilot race, pilot sport, which one is the best in rain and dry floor?
thanks a lot for yoru reply
kin
kin mkinchan@yahoo.com
tt91 is my best chioce,and i think the rust is on the sping,you can use(no: 1000)sandpaper to cleaning.and carburetor need every year cleaning that is good for you bike.
|
10/8/2004
|
投訴Shell 油站
DEAR 貴公司顧客服務部 tellshell-hk@shell.com / hk-csc@shell.com:
本人是一名電單車駕駛者,對於是日早上06:50於貴公司鯉魚門道8號分站入油發生的事甚表不滿.
本人正當準備入油時,貴公司職員許少波向本人說要落車才能入油,我向他說其它油站從未有聽過入油要落車,本人並向其解釋本人駕駛的是街車CB400型號,只有側架並沒有大架,如落車入油車輛會向左側大約二十度角,入油時會不能入滿,影響計算行程里數,他聽後說:這只是閣下的事,如你不滿可到別的油站入油,我問他唯何油站裡沒有指示牌寫住, 他理都唔理便行開了,我問貴公司其他同事有沒有負責人可解答,他們說這油站沒有負責人.於是我氣衝衝的離開.本人甚不明白以下問題.
1.為何電單車入油時需落車,私家車不需要,這是什麼法例?
2.你們的職員沒有禮貌,竟叫我到別的油站入油,這是否歧視我們這班入油量比其它車少的一族?
3.如是貴公司的條例,為何在油站裡找不到告示牌?(如油站裡不得用手提電話的告示牌.)
本人希望貴公司作出改善及回覆本人.THANKS!
Regards
Levis Yu levis_yu@yahoo.com.hk
|
10/8/2004
|
CBR600RR
架車行咗一年都未換過胎，請問有無邊個牌子嘅乾濕胎可以介紹一下呢?THANKS!
榮少 carolengan@netvigator.com
個人偏好，象牌胎幾好！
|
10/8/2004
|
請指點指點! 想買綿羊
請指點指點! 想買’安全,價錢/修理平’ 綿羊, 請問那一部比較合適呢?常使用highway, 由青衣到尖沙咀/官塘, 有時雙騎
1)Joyride 200; 2) Grand Dink 250; 3) B&W 250; 請問點揀好呀?有無好介紹?謝謝幫忙!
ice
如果你有睇開老鬼信箱的話，老編的推介首選永遠係250以上的綿羊，而當中又以日本製造為首選。如果有人有閣下的類似用途和要求，佢走去買部易手Foresight 250我會話佢叻仔又慳家。
|
10/8/2004
|
Re : NCB question
Dear Sir,I am holding a "P" licence and want to buy a new bike instead of my old bike (cert. dead). The licece is to March 2005 and insurance until Novemeber 2004. My friend said I will lose NCB if I buy now.Could you please tell me what is that and in which case I can save more?Thank you!(Please don't show my email)
Mabel
你意思係話你現有果份保單係今年11月到期，如果現在想買新車，會否影響累積NCB的計算？如果你係綿羊保險轉做電單車保險，係會冇左原本綿羊保險的NCB，否則只需轉保單車輛資料便可，不會影響NCB的累積計算。
|
10/8/2004
|
可否登出黑店名單
其實可否登出黑店名單，避免各位騎士受到欺偏呢?因為好可能很多人被車行欺偏了而沒有出聲，心想下次最多唔幫襯這車行,若果可以登出黑店名單這樣便可以減少這樣的事發生......
yuki
你呢個問題問得好。籍此機會我地都想講下呢個問題。
首先係要define何謂「黑店」呢個名詞。老編認為，「黑店」的定義是經營者以欺詐的手段作為其店的常規經營手法，從而謀取不道德的利潤。如果是大意疏忽而對顧客造成損失，則是專業水準不足，而不應被扣上「黑店」之名。
在今天資訊發達的世界，顧客只會被搵一次笨七。正所謂好事不出門，壞事傳千里。如果有車店真的以欺詐的手段作為其店的常規經營手法，相信很難會繼續立足下去。所以老編口袋中真的沒有一份黑店名單。
如果各位車友真的遇上被車行搵笨的事件，應該向消費者委員會投訴。讓那些有心存僥幸心態的從業員有所警惕。
|
10/8/2004
|
dna新牌仔
我係一個新牌仔(dna180)我嫁車上斜比大油車頭會"料"..我想問嫁車係咪有問題呢?我嫁車行左20000公里5豪子1公里係咪太貴呢??條呔應該要幾多磅氣呢??
小麟子
你意思係話架車上斜時俾大油頭轆會「撩」？如果係既話請檢查尾輪胎氣是否足夠，及尾避震是否打柴或調較過軟，令到在上斜加油時重心嚴重向後傾，導至頭輪苛重不足。
|
9/8/2004
|
01年溫拿180SP二沖
老鬼你好:本人隻羊近期一開車就有的支支聲從頭轆發出,踩迫力時沒有異常,檢查頭鮑魚又沒有積死,己換頭皮但沒有改善,今天行車時還冇故發冷(沒有踩迫力時速60km).請老鬼大師幫忙•幫忙•
白頭仔 chiu818@hotmail.com
仲有頭轆啤呤呢!
|
9/8/2004
|
老鬼信箱意見
自新增了文章搜尋功能後，就沒有了可睇返過往每一個月的信箱，請問可以保留返這個功能嗎？
叮叮粥 chrislam@hongkong.com
整緊...多謝意見。
|
9/8/2004
|
繼 提醒各位想買車嘅朋友，荃灣某車店好離譜！
唔知呢位車友係咪係「賴地硬」車行度買車呢？因為早係半年前我自己都中過蕉.佢用架大陸造既得吉行當yp250 賣.因為當事自己唔識車同人.所以就用左成萬多d買左架大陸車!事後佢仲話自己無講過個架車係yp250!頂!
過來人
|
9/8/2004
|
電池問題
你們好！本人用的電單車是綿羊B&W250，全新車已用了三年，請問電池要何時更換呢！有什麼先兆可知道呢。
kf3307@yahoo.com.hk
要換啦....唔駛等先兆....一次拖車夠你換舊電池的價錢......
|
9/8/2004
|
如何清除貼紙殘留膠水跡
貼紙貼太長時間留下的膠跡,請問可使用哪些簡單的方法或便宜的物料清潔?
kinkin
膠紙漬，試下用WD-40抹下佢....
|
9/8/2004
|
打砲
Hi老鬼,我揸UE150綿羊,用kit喉,一直有打炮,之後車行話用電油洗了化油器,換了火咀.風隔他說不污穢,沒有換....但係打炮問題沒有改善,而且部車比洗之前更無力,點解?我問佢是否set得唔好,他set完後比我,仍然無力，仍然打炮!我應該點做?我想有力和唔打炮呀!
救命呀!!!!!唔該!
bb jasonox@hotmail.com
電油洗電油,點洗呀?洗外皮就可以,似乎死氣喉口徑過大,佢整唔好都無辨法,砲聲可能會有,但無力就為有另找車行.
|
9/8/2004
|
提醒各位想買車嘅朋友，荃灣某車店好離譜！
我大概兩個月喺荃灣某車店買左一架日本番新嘅單汽缸街車。直至前日架車因為無偈油所以爆偈，我拖咗去另一間車行，車行話我架車得兩支益力多咁多偈油。當然賣車嘅車行一定話佢無責任喇！但係我買車兩個月行咗1000km 多D！就算我真係無check偈油架車都唔會無偈油咁離𧪽呀！果間車店仲叫我行3000km先返去換！我覺得車行賣車比人最少應該去了解架車嘅狀況囉！如果副偈食偈油或者落唔夠偈油佢唔知唔緊要，但係我落過去幾次又問過佢有乜嘢要留意佢都話架車無嘢，仲叫我行3000km先返去換偈油！
仲有最大鑊就係佢賣車比我，條頭胎粗過尾胎佢又唔同我講，條尾鍊過長佢就頂到盡唔出聲！我最初仲以為呢D車個頭轆大唔係好擗得，等我跣咗幾次胎去換胎先知，好彩無炒咋！其實就算呢D嘢佢整都唔會好貴啫，又唔係叫佢換條新胎新尾鍊比我。但係咁樣好易害死人，好危險！
黑仔 larry_ngan@sinaman.com
鐵騎快語：
所以話呢，即使係車行買易手車都唔係萬無一失。如果自己唔係咁識車，架車又有d唔對路的話，為穩陣計都係去多一間車行check下車會安心d！
|
8/8/2004
|
cb400 vtech
老鬼你好! 本人的老電cb400 VTECH 1, 01年車(番新車)已出車有2個月. 而我已有5年的駕駛經驗
現有以前問題, 請解答:
1) 為何起步好似好慢;我覺得慢因為其他車同時起步...人家的車起步總比我快(除非我要行高轉,大油才不會覺得慢)
2) 1波5000轉上2波的時侯車會很嘈;2波6000轉上3波...此時大約40-50Km 這樣是否正常??
3) 在公路行車100km, 我應該用幾多波??
4) 現在行HKD0.65-0.7, 是否偏貴??
車仔 winglun8866@sinaman.com
駕駛方法有直接影響,可試換大兩齒尾牙.行長途更係用6波啦!
|
8/8/2004
|
車種介紹?
老編先生,我想問下有冇d 400cc 或以上的雙氣缸街車??可否介紹一下?Thanks
Jason wcl997@hotmail.com
當然有，例如Suzuki 的SV400S，gs400E，Kawasaki EL400，Yamaha Diverson XJ400等等。詳情可參考車主報告。
|
8/8/2004
|
偈油消失問題
本人的電單車已一年入1LIT偈油行1800左右剩翻300CC,但沒有漏係地下有乜解救方法?
周仔 fishchow@sinaman.com
可小修機器!或不停為佢加加油.
|
8/8/2004
|
車軚數字何解！
你好！常常看到規格表上車軚之數字有三組，例如"120/70-14(前軚) 140/60-14(後軚)，
請問道些數字代表什麼呢？
謝謝！
Michael
三組數字是對車胎作出立體的描述。以這組120/70-14數字為例，120代表車胎的闊度是120mm，而70是代表胎壁的厚度是輪胎闊度的70%，最後14是代表適合安裝在直徑14吋的輪框上咁解。
|
8/8/2004
|
honet600改車一問
老鬼or老編你好,本人有一部日版honet600,現想問如改裝到出口版相約的匹數應怎樣改裝及須要加什麼零件?謝謝~
心急人上! kingwai61@yahoo.com.hk
有電器,全kit化油器,生氣膠,死氣喉,兩皮野攪掂.
|
8/8/2004
|
Selection of Street bike 重型街車
Hi 老編,I am currently consider to buy a large cc street bike, ie Honda x-11 or CB 1300 - yr 1999 version and Bmw R1150 rockster or R1150r, beside consider the price, do you have any suggestion of them , like starting/middle/last stage of acceration ? DCBS and ABS braking features ? easy of handling ? repairs cost ( year of made will be arround 1999 to 2002 ) ? outside look ... or others suggestion please give me ? And thank you very much !
Terry
你講緊並列四汽缸引擎vs水平對向兩汽缸引擎的特性，各有咩長短處。兩者相比，直四偈優勝的地方在於運作較流暢，高轉表現較活躍，尾段馬力較旺盛。而Boxer引擎擁有低重心的優點，在攻彎時對電單車提供很高的穩定性，在中低轉時扭力也較大。
作為一臺無罩式街車的引擎，主要講求扭力而不是馬力，因為街車沒有風擋，要你keep住跑200km/h一段時間個人會好辛苦。所以街車都係玩中段爆炸力，例如60km/h上120km/h的表現便講求扭力。在這方面直四引擎的優點沒有太多機會發揮，Boxer引擎會佔優。
個人認為，電單車不應裝有太多輔助設備，高性能的跑車也不會裝上這些系統。視乎個人能力和習慣而定，老編對寶馬電單車的動力輔助掣動十分不習慣，也十分抗拒。
講容易操控，Honda車一定會比BMW較易操控，維修費也是。不過R1150R Rockster所提供的獨特氣勢，便很難找到代替。始終針無兩頭利。
日本重型街車重有一個好選擇，但香港比較冷門，就係Kawasaki ZRX 1100和後期的ZRX1200。呢架車擁有Bandit 1200的活躍性能，但同時有更好的造功和配套，唸唸。
|
8/8/2004
|
關於排氣量疑問
老編你好,我常常看到規格表時都會看到一些(缸徑x衝程 48.5 mm x 33.8 mm),以上數值係咪同排氣量有關係??另外請問排氣量如何計算的??勞煩解答小弟的疑問,謝謝.
龍仔 olungo@mail.hongkong.com
呢組數字係描述引擎活塞的面積和它的上下活動幅度，同排氣量無關。你俾我果組數字，缸徑比率高達1.43，係注重高轉數馬力輸出的跑車化活塞。排氣量即係燃燒塞的有效容積，理論是由活塞的上止點為基線，球形燃燒室的容積有多大，便是排氣量。
|
8/8/2004
|
cbr250 or 400??
本人之p牌快甩，想出架cbr玩o下，之前騎開150羊，after 我睇完車主報告後覺得cbr250 and cbr400都幾好，唔知出邊部好? 本人173cm 140磅，平時一個返工用，間中會車埋我brother, 佢成160幾磅，cbr250會唔會唔唔夠力，but cbr 400 我又怕control唔o黎 請問老鬼師傅點choose好呀?
Scholes
閣下身型標準，又有keep住用車，CBR400RR唔會難倒你。如果要載人重要係成百六磅o既麻甩佬...我驚架CBR250RR會俾你搞到伸晒利！
|
8/8/2004
|
揀車疑惑
首先十分感謝有此網站，資訊齊全，制作認真，意見忠懇！優點不能盡錄。
本人為一個無知新牌仔，最近想揀部愛駒，精挑細選後亦始終難於在以下兩車中作出取捨
1)Honda-Magna250 2)Piaggio-Beverly500
對Magna250鍾愛的原因：巡航車的入門首選、Honda引擎老字號，出名"come"用、外型吸引。但對Magna250又有以下的憂慮：香港建築物綢密，道路狹窄。巡航車體形較大，車身亦較長，要在繁忙的道路中穿插，恐怕較為不便。
對Beverly500鍾愛的原因：大轆王車輪較大，車身亦較重，行車較穩定(尤其在Highway上)。綿羊於鬧市中穿梭相比棍波車亦較靈活。加上座下有儲物空間亦可加裝尾箱，故比巡航車方便。如以現時售價可購入一部460c.c.自動波車，本人認為實屬合理。但對於Beverly500又有以下的憂慮：此車馬力達39匹，不知對一個新牌來說會否難於駕禦。
P.S.本人對駕車的要求之先後次序如下:1)安全(如穩定性、入彎表現) 2)操控 3)被盜風險 4)方便性(巡航車之布袋是否足以載車"襟"+鎖+雨衣+水鞋???) 最後是5)價錢小弟現正萬分懊惱，懇請賜教！
小吉
你揀左一個小巡航車和一部重型綿羊作比較，都幾得意。所有美式巡航車的缺點，在Magna250身上都不是太嚴重，唯一問題是泊街位時，Magna 250最少會用左1.5個車位，有少少唔方便。相反地，綿羊的優點在Beverly500身上也不是太明顯，但座下仍有空間儲存物件，總好過用馬鞍式皮袋。
以性能和實用性考量，beverly500都要比Magna優勝，但機件耐用程度則會是Honda佔優勢。偷車的風險很難說，視乎每一段時期賊仔接到咩order，和你出入的地方多唔多賊仔經過而定。至於技術能否勝任的問題，兩車都不會對駕駛技術有太高的要求，習慣一下便可。
如果錢唔係問題，另外推介多兩款車俾你考慮：Suzuki AN400 & Yamaha Majesty 400
|
7/8/2004
|
買零件
唔知邊到有專賣電單車零件地方,有時返車行買太貴!
仲有就係我p牌差唔多甩咁可以早幾多日去拎張正式牌呢?thx!
明
你可唔可以講得清楚d你部係咩車要咩零件？零件最好梗係去番總代理度買啦，千祈咪用大陸老翻假零件呀！雖知貴野唔一定好，但平野就一定冇好！
換領正式駕駛執照一定要等過左P期先換得。
|
7/8/2004
|
尾呔生仔
尾呔生仔! 無端端於尾呔出現... 好似額頭遭打了一棍後, 起了一個'樓'般.
究竟成因為何, 咩解救 ?當然要換呔....有無好介紹. (an 400 )
進南 carmenfei@netvigator.com
生仔呔的位置其實係杋布破列現象,原因係輪胎曾經高速撞過行人路「駁位」之類的障礙物，令輪胎的杋布層損壞，有時候「生仔」係生在輪胎內壁，外表可以看不出來。
|
7/8/2004
|
小問題
老編你好,首先要贊賞貴網(尤其老鬼信箱),做得很好(講事實,不是擦鞋),請繼續努力,奸把
their !! 我想問:
1.係2手買賣庫中,常見2字牌薄,4字牌薄等,何解 ?
2.製造和登記年期對2手價有何影響 ? 例如01製造,02登記,應該當01定02車 ?
3.依家去車行買新車,係咪應要04製造的車,以保障將來出讓時的價值 ? 若佢地只係比到03
造的車,應否收貨 ?
4.通常是否只有製造年份冇月份 ?
Pls don't show email , thank you !
老電狂迷
牌簿上的數字代表前任車主數目。2字即係唔計現任車主，之前已有兩位車主。如果你買呢部車，計埋你在內總共有四位車主咁解。
我地應該睇製造年份，如果係外地進口的舊車，唔應該睇香港登記年份，冇意思。
如何保障車輛在將來轉售的價值，年份的新舊只係其中一個計算原素，唔係咁簡單。你買車的時候，車行應會說明製造年份，當然越新賣越貴。
運輸署冇要求製造月份資料，所以我地通常都睇唔到。
|
7/8/2004
|
P仔疑問
本人係新牌仔,現有事想請教 :
1)如果我想出車,巡航是否好選擇?有朋友說此類車入彎略欠靈活及對新牌來說可能需時適應,此說是否正確 ?
2)如想出綿羊,是否出較大的好?(因怕上highway堂軑會飄)
小泉 chuen_13@sinatown.com
對於技術未成熟的新牌仔來說，笨重的車會較不方便，但250的美式巡航車又有很高的靈活性，所以如果你真的喜愛美式巡航車，Rebel/Virago等也是不錯的選擇。小綿羊在highway上會飄，但只要小心駕駛，問題都不大。老編鐘情於街車，是因為街車的操控和性能，剛好在各種形形式式電單車的中央。如果你係棍波牌，唔好出綿羊咁浪費，有沒有考慮過一些fun bike例如Suzuiki big boy或YamahaTW225之類的選擇？
|
7/8/2004
|
請問知唔知道豪漢150座位離地距係幾高?
因為我以前係渣呢架, 而家想買Honda Stream 追夢 125或Suzuki 04"Vecstar QS150T, 但唔知邊架好, 同埋唔知岩唔岩腳長, 如果佢同豪漢差唔多就ok啦~
謝謝
Amy monkey80118@hotmail.com
對不起沒有數據在手。其實單靠看數字是不足夠的，因為座位的闊度和地台的形狀都會影響你雙腳打開的闊度。最實際都係試坐。
|
7/8/2004
|
電單車後座乘客年齡問題
請問現今香港法例，電單車後座乘客合法年齡應是多少？謝謝！
Chi Wah
最低年齡係八歲！【常用資料】有運輸署的【道路使用者手冊】網站連結。
|
7/8/2004
|
供車一問
本人為P牌仔，3-4個月用朋友車的經驗，並常常使用highway，現正計劃買車，經多位網友及 貴網之意見後覺得甿新車比較好，一來係trouble free，二來唔怕比人欺騙金錢，在參閱網頁後發覺部份車行有免息分期，故此想問：
1. 係唔係間間車行都有此服務？（suzuki或yahama）
2. 免息分期有冇特別留意之事項？（包括保險需否為全保等等）
3. 此舉是否係供車方案中最平的一個？
4. 跟其他車行買好定原本代理車行好？
5. 水貨車係唔係平D，售後服務ok嗎？買車後又可否到原廠代理check車？
多謝幫忙
Newman
新車冇錯係會比較少問題，但係相對來說被偷的風險也較舊車高。大部份d「免息分期」計劃，都只係一個數字遊戲。一係事前將利息計算在售價內俾你分期供，一係會收手續費來彌補利息開支。所以係免息分期的情況，我地應該會見到「現金價」和「上會價」兩個唔同價錢。供車一定唔係最便宜的選擇，但係鬼叫自已現金不足咩，唯有跌少少俾人賺。
車行唔會提供融資服務，佢地都會交俾財務公司或信用卡公司搞，唔關佢地事。由於電單車一般銀碼唔算大，所以財務唔會要求你做全保。信用卡公司的免息分期更加只係一筆私人貸款，同部電單車無關。
利息最低的貸款依次序為1)樓宇按揭貸款，2)因為mortgage戶口而衍生的O/D戶口，3)借錢交稅的貸款，4)私人貸款或循環透支服務等等，以上貸款還要視乎申請人的經濟情況和借出金額的大小而定。但係信用卡的息口一定係最貴。
當未有行貨只得水貨時，水貨可能會賣貴d，當行貨抵港後，水貨便會較便宜。原廠代理整唔整水貨要睇番個別代理的政策。例如奧士車行好似話唔會整水貨車。
|
6/8/2004
|
Sometimes white smoke when starting
Hi 老鬼 ,
My bike BMW r1100r , When I start the bike , it sometimes have "white pure blue" smoke , is its a little engine oil blow out ? What kind of this problem ,Should I need to replace any parts inside the engine , Is any necessary for replacing the parts ?
Many Many thanks
Steven
以我所知有些馬仔會有這情況,如行車後停燈時還有白煙的話,咁就麻煩d,首先要睇下偈油是否足夠或有否減少跡象,如是舊款車就有雖要換呤或小修.
|
6/8/2004
|
cb-1好還是bros400好
請問兩部車分別在那,那一部小維修?我只是用來代步,並唔想買超四,因失車率高.唔該
神仙b
CB-1係直四引擎，結構較Bros 400的V2引擎複雜，所以維修和保養都會較Bros400多野搞。此外兩車的分別節錄自10 July 04的老鬼信箱：
兩部車有好大分別。CB-1係取自CBR400RR的街車，單筒避震，分離式低把手，跑味較濃厚。九十年初因為日本經濟不景氣，經濟實惠的街車再次抬頭，於是乎CB-1停產，改而生產雙筒避震，高把手的CB400SF。第一代Type 1的CB-1有59ps馬力，之後因為日本修定法例，定下400cc馬力上限為53ps，於是第二代TypeII的CB-1馬力只有53ps，但改用較高級的氮氣避震。而採用V2引擎的Bros 400，其實還有哥哥Bros650，分別取名為Product I和Product II。不過Bros650在香港比較少見。Bros400的馬力只有33ps，馬力和直四引擎差一截。但因為V2引擎較窄的關係，Bros 400的油缸較CB-1窄，車身也很輕盈。加上採用pro-arm單搖臂，從側看Bros400的線條很漂亮。兩部都係好車，如果你講求馬力，只有揀CB-1。如果只係代步粗用，揀Bros400/650(如果搵到的話)。
|
6/8/2004
|
意外
本人在一星期前在機場隧道去官塘方向近寶馬車廠天橋上因前面私家車收慢而我當時也將車收慢，但當我收慢之下，後面有一架私家車，把我撞倒，好彩當時我車速慢所以我沒有受傷，但我的車尾及車身同死氣喉就損壞了，請問老編，現在這情況，我可要求私家車倍償我車的維修費用嗎，如可以請問怎樣做，謝謝老編
新手人
當然可以！兩車相撞都會當後車不對。其實你們當時應該當場協議好賠償細節，現在人都走埋，可能會費多d唇舌。
|
5/8/2004
|
限速
請問2003年的cb1300日規版除加裝解限速器外要如何解限速?
應該係換個出口版的咪錶
|
5/8/2004
|
問題
本人近日收到由食環處寄出的一封疑控告通知書，告知本人於七月份在行駛中的電單車上 拋棄煙頭，須知本人也是吸煙一族但是也知要做個有么德的道路駕駛者！請問現在本人有沒有權要政府提出有關証據如相片等等？
心急人
咁搞野？要求對方提出證據應該唔得，但係冇當場捉人，會有好多疑點。例如舉報你的人有冇可能記錯車牌？點樣排除誣告的可能性等等...如果你真係冇做過，唔怕抗辯丫。
|
5/8/2004
|
大鷹王熄匙後引擎未能即時熄滅?
本人係P牌,剛出了一架二手的大鷹王150,但發覺近來熄匙後,引擎還在運作,我嘗試再著車,再熄匙,都會這樣!請問是否車頭過熱才會熄唔到車,還是其他呢?我有無迫切需要去check車呢?唔該!
木村拓鷹 chuen_ng@yahoo.com.hk
如你沒表達錯誤,這種情況是不會發生,必須檢查一下鎖匙制.並不關車頭過熱,如鎖膽有問題會引致行車無端死光.
|
5/8/2004
|
Asking of Fuel Tank internal rust !
如銹積並不嚴重我本身同客洗油缸係用突別藥水,,洗一次可頂一年半載,人工一裝一拆都收4百幾元,仲要睇乜車.你去車行整時睇下佢用乜同你洗,因我驚佢地係同你㛦油缸並不是起銹,如想節省金錢可勤些更換電油格.(以上只是冶標的方法,冶本當然係賣車或換新油缸)
|
5/8/2004
|
燃油噴注車
行車時"F1"盞燈長亮,有什麼問題? 如何維修?
Kit kit794613@netvigtaor.com.hk
即係話個電子燃油噴系統有問題，有冇error code顯示？最穩陣拿番原廠俾專人搞。可能係線路問題，reset可能又冇事。
|
| |
|
|
|
 |
