|
|
|
FAQ常見問題 |
|
|
5/8/2004
|
我在高速公路俾警察截停
小弟每天行的路程就是3號，由青衣出發到中環，我在3號上肯定遇過鐵馬，只要妳不行快線，留意車速絕對沒有問題，我也是P仔。
|
4/8/2004
|
FSN-扭力加速器
請問如果安裝 (FSN-扭力加速器) 有咩用?????安裝後又可快多少和對車輛有沒有問題,如安裝後會否比較食油
哨牙妹
據我們了解，扭力加速器是一個打滑裝置，讓引擎動力遲一點才完全與尾輪接合，利用此虛位讓引擎轉數更易提升，情況有如手波車扇極力子的操作方法。有沒有問題唔知因為冇用過呢個裝置，所以冇實際經驗。食油比以前多就一定。
|
4/8/2004
|
Bandit 400V後避震上的白壺有什麼用?
請問Bandit400V,97年款,坐位下後避震上有一個白壺,是要入什麼呢?點入法,入幾多?有何作用?
Fork油及油氈應幾耐換一次,點先知到期呢?
Thanks
Hello
白壺冇記錯應該係副水箱，如果部車正常的話，係唔使理佢。只要在凍車時檢查一下存水量唔好過低就得。油氈只要頭叉冇漏油便唔使換。行街的Fork油一般一年換一次，鬥車要求高的話每場換一次。
|
4/8/2004
|
回應:我在高速公路俾警察截停
若果那個交通警真係為你所說的原因截停你,我強烈建議你去投訴警察課作出投訴,因為該警員可能已經涉嫌"疏忽職守"或"濫用職權"但你要提供警員編號或交警車牌等.請參考政府網址或致電投訴警察課之廿四小時投訴熱線，電話：28667700 http://www.info.gov.hk/ipcc/5b.htm 以免其他人受害
jason chen120383@yahoo.com.tw
|
4/8/2004
|
轉數表
老鬼您好, 請問舊款VTR250可不可以加裝轉數表呢? 能夠DIY嗎? 買料要多少錢? 車行整大約要多少錢呢?
Thanks !!
Nic
本身機器是無轉數錶牙就不可加裝針錶,電子錶就要勾線價錢不詳.
|
4/8/2004
|
我在高速公路俾警察截停
我在高速公路3號幹線俾警察截停,我當時行慢線,時速65公里,
他說p仔不可行高速,只可以行時速70的公路,我好"慶",但又唔敢出聲,
期實p仔可唔可以行高速?下次又係咁可以點做?
我係p仔
有關P牌問題可參閱FAQ部份。據我們了解，P牌係可以行高速公路，但不可以超過70km/h和不可佔用快線。截停你果位差人應該唔係咁熟例.....會唔會見你係女仔呢？
|
4/8/2004
|
水箱後的風扇
老鬼你好!請問SUPER 4 BIG 1 水箱後的風扇係唔係要到某個熱度才會啟動呢?! THANK !!
阿忠(DON'T SHOW MY E-MAIL)
big one 係有溫度錶大約去到3份2就會自動開風扇,亦即起過100度.
|
4/8/2004
|
頭盔問題
Hi,我以前有個噴花頭盔叫3Y,因年事已高及日欠失修,想再噴一個但同好多人講都無人知道是甚麼東東...請問你能夠提供所有資料嗎?包括相片、使用這頭盔的車手及3Y名字的由來. 另外,你說頭盔大約只可使用3年,那有須要在買頭盔時查詢頭盔內的製造日期嗎?Thanks a lot!
Jason chen120383@yahoo.com.tw
3P我就知，3Y真係冇頭緒，Sorry!!頭盔製造日期通常係一張貼紙，輕輕反起頭盔的內綿就會睇到(不過平價頭盔唔會有)。
|
3/8/2004
|
油費?? HID 白光燈??
請問 TGB303RS 大約幾多錢1公里,可否轉用 HID 白光燈,因末本身車頭燈不夠光
心急人
正常的話應該兩毫零子一公里，如果你搵到耗電量和原裝一樣的白光燈膽，可以試下。
|
3/8/2004
|
問題
老編,請問奧士車行的電話號碼幾多號??????中文譯名是很重要,因為我不懂說英文,所以需要.......(在此請各位車友幫忙)@_@
徐先生 chanmery188@yahoo.com.hk
2715 0133............
|
3/8/2004
|
遇上驚險鏡頭(被狗追,吠,咬)
全世界D電單車都係十分吸引小動物注意，特別係狗。我以前在加拿大學電單車時，個教師教我地當遇上被狗追的時候，要保持冷靜，保持車速，當隻狗距離自己大約3~5米左右，就比大油加速(發揮電單車一貫的長處)，咁就不用左閃右被又驚炒低。希望可以幫到各車友。
QooLeung qooleung@msn.com
|
3/8/2004
|
tire question
my bike is shark 150, i want to ask do u have any good tire suggest? i am using michini pilot sport but i find that it is very slipery in rain and jsut ok in dry floor, i want a tire which is better tahn it and ok for both wet and dry floor, do u have a good suggest? and about how much?
wait for your reply
kin mkinchan@yahoo.com
呔都係自己試好d,我話好,你用起上來未必覺得,如真的要提供我就會用dunlop TT91.for乾地多d.而濕地表現亦可接受.
|
2/8/2004
|
拾得Piaggio Beverly 200 原廠匙.
請老鬼多多見諒我在此刊登這一事.
本人在上星期於沙田xx地方拾獲一串電單車匙應該係Piaggio Beverly 200 之車所用的而車牌為7137.(唔記得)
如真有此人請在此留言及聯絡方法.請說出遺失車匙地方及車牌.
老鬼先生這可行嗎?/或有還好的方法嗎?
Intel intelpro2003@yahoo.com.hk
|
2/8/2004
|
關於Damper一問?
本人剛購買一枝二手聲稱"地通那"牌的釘把，現請問怎樣分辨是不是"地通那"(是沒有貼紙的)?thx....
買二手野即使有貼紙都唔敢包一定係Daytona Damper。不過全新Daytona damper都唔係好貴，二手野幾舊水不用深究喇。
|
2/8/2004
|
洗化油器?
想問如果架車以前行約60km時一比油就湧住去,而家架車一比油要等二三秒先湧住去,係唔係代表要洗化油器,(火咀,風格已換)因為我架車用了４年都末洗過,有冇可靠車行提供.同埋大約幾錢
cb 1300車主 hondavbnm@sinaman.com
咁就更係要洗一次,大約5-6百元.
|
2/8/2004
|
油費?
silver wing與an400大約幾多錢1公里
綿羊迷 wingkai44@yahoo.com.hk
Silverwing係兩個盤，AN400係一個盤，所以即使係silverwing400，都會比AN400食油。AN400約4毫子一公里，Silverwing600要六毫子到啦。
|
2/8/2004
|
綿羊頭fork問題
之前換o左頭fork油，但發覺頭fork變得好硬，過d坑時仲dun到"o彭"一聲，換o左衰過唔換，唔知會唔會係佢o地(車房)入d fork油入得多o左，問佢地佢地又話係咁樣的，請問老鬼師傅佢地係唔係老點我，may be 佢地唔想又整來去，因為都幾煩.....
小明
咁九成入唔𠎀度數同油量,除非個客要求加硬,但硬的情度又不能接受,只好另找車行再整.
|
2/8/2004
|
泊街問題
本人於觀塘鴻圖道工作,請問老編知否附近除合法的排骨位外,有否地方泊電單車較安全,較少差佬抄牌呢,因附近的合法排骨位已於早上給速遞佬霸了.(請勿登本人電郵地址)
RX
鴻圖道咁繁忙，d人都係泊橫巷架乍..呀..好似大坑渠果邊有人泊電單車…抄唔抄就唔知。問車位最好係去新聞組問下穩陣d...
|
1/8/2004
|
老電可否泊咪表位
老編您好
(1)在本港一般泊私家車的路邊咪表,佢無註明祗准或不准泊甚麼車類,如果有吉位,我泊架電單車埋去,照嘟百達通,請問算不算合法泊車呢?(我不想把車泊在後巷或迫入排骨位內,因我的愛駒保養得很好)。 (2)我自行更換偈油後,我應該把廢油拿去哪處棄置呢?環保原因,我試過拿
去油站要求他們代回收,但不得要領!(我不想倒進坑渠便關人,我現時用舊油樽和礦泉水樽儲起,屯積在家中!) 希望老編和車友們能不吝賜教,多謝!
Victor victor1482002@yahoo.com.hk
咪錶位係有不同類別，俾指定類形的車輛停泊。所有咪錶位都不設電單車泊位。自己換油最大的問題係點樣棄置廢油，倒落坑渠係犯法o既，千祈咪制。有個別油站肯回收廢油，但通常都唔就腳。試下交俾有環保署認可廢油回收筒的車行，但佢地可能會收番多少費用。
|
1/8/2004
|
想換車
老編你好!小弟想問你覺得Hornet 900街車性能如何,及是否適合日常一般代步,因在街上很少見此車;是否有其他更好選擇(現在用緊Honda SF400 快10年車了),請介紹幾款型號,謝謝!!
chuen
Hornet 900絕對係好車一部，易用又夠力，集性能外形和操控於一身。但因為裝尾箱會嚴重破壞Hornet900的線條，所以做開工車會浪費一點。另一個問題是CBR919RR馬力有一百三十多匹，但放落Hornet900後馬力卻縮晒水，比Fazer1000同樣是由R1移植過來的引擎但馬力卻比較足磅，Hornet900的吸引力便沒有Fazer1000那麼大。你要日常代步，好多車都得，唔知點講wor...其實Hornet 600都好夠用，睇下你個有幾虛榮啦....：)
|
1/8/2004
|
RE 遇上驚險鏡頭但沒有發生碰撞
我之前行鹿頸都試過有狗險咬左腳,好得人驚呢,響按應該都冇咩用,因為我行大清都試過有隻黑狗係路中心,beep佢係唔會避,仲坐定定tim,真係狗眼看人低 =.= 總之渣車都要居安思危啦
HING
|
1/8/2004
|
名稱
hihi,請問Gilera(車的牌子)中文名稱是什麼????
徐先生
哈俾你考起...不如打去奧士車行問下....但中文譯名重要嗎？
|
1/8/2004
|
回應遇上驚險鏡頭但沒有發生碰撞
我以前都發生過好似你這樣的事.事發經過係咁的,話說當年自己重係一個學神,有一次自己粗車的時候我發現路中間有隻狗企左係度.我見佢好似沒有想行開的舉動,於是我響安bit佢囉.點知換來的結果係佢想撲過來咬我.好在當時我不慌不亂地閃開左(打8字有下過苦工嘛)
之後我在後鏡觀看它,佢居然重追上來亂吠,不但之還見到有幾隻狗唔知係邊度走出來想幫拖.我沒有理會比大油走了.我想如果那一位是女學神或我當時緊張死火咁就大鑊啦.所以各位車友有時在路上見到d野狗真係要小心d
阿威
|
1/8/2004
|
路路通的感想下集
在31-7-2004(18:30 - 20:30)，我又騎著Yamaha Dragstar 250。由沙田到烏蛟騰(出發時經大埔公路，回程行吐露港公路)，過了大尾督之後，我才發現現時用了白光燈的私家車真是沒有品，我在新浪潭路全程只有30 - 40km/h。唉!希望運輸署可以完全禁止任可車使用白光燈，因為實在是危害對頭車和行人的安全!
WONG Ho Ying
|
1/8/2004
|
有關 forza 換水箱水問題
老鬼師傅 :想問換 forza 水箱水是怎樣換的?是用泵泵走晒 d 水還是拆開裙腳內水箱底部某處的開關制一次過放晒出來? 另外本人買了一支 TCL 冷凍液, 用法是 1:1 還是整支倒入? 及需要多久更換一次? 謝謝 !
liu dee
正常做法先把正水箱蓋打開再鬆水泵螺絲放水,入清水落水箱直至水箱水變成清水,再入水箱水重覆,此牌子我未用過所以不知道!
|
1/8/2004
|
遇上驚險鏡頭但沒有發生碰撞
事發經過
7月27日凌晨1:30.我揸老綿沿青山公路葵涌段慢線往葵涌,當時並未超速只行大約50,行經鍾山臺對出一段直路時,望見3對發光眼睛在大約3-40米前的行人路上,其中一對發光眼睛向上移動並傳來單一的吠叫聲,我已有心理準備...果然,就在我距離它們大約1-2米,其中一隻狗形物體看準時機,以大約90度直角由左至右急速切入慢線,當中更夾雜着强烈不滿之狗吠聲,幸好我能夠由慢線的左(25%)加速移至右(85-90%)才能逃過一刧. 特別鳴謝:
多謝後面的Lexus RX300提供部份照明,更要多謝另外兩隻狗形物體沒有為這次挑戰增加難道,如果唔係可能會炒低加狗咬. 賽後檢討及跟進:
我唔肯定自己有無做錯.....雖然殘忍,但已通知捉狗隊
查實狗點解硬係鍾意追電單車甚至以身相許?響"安"有用嗎?用"牛"安會否更的? 我估計狗隻更加喜歡狂吠或狂追聲音低沉的Kit喉,可能因為似狗隻互相挑釁時的聲音吧!
jason
|
30/7/2004
|
大頭佛清洗方法
老編你好.常常听說大頭佛內綿話可以全拆,那請問拆出來以後可以使用什么清潔劑清洗內綿呢?又該如果清洗呢?請提供方法.謝謝
Paul Ng
ngpaul@rocketmail.com
不是所有頭盔內綿都可以拆出來清洗，通常越貴的頭盔，可拆下的部份便越多。洗內綿唔使用咩特別專用劑，普通洗衣液便可(你用洗清精我都唔會反對)。先開水落洗衣液搞勻，然後放入內綿浸濕，再用手溫柔清潔便可。最後榨乾水用毛巾索乾，放於陰涼位晾放便可(程序同洗厘士底褲差唔多....)
|
30/7/2004
|
老編兄：市面有否400cc 雙氣缸街車呢？請題供一些資訊吧！
mok
mokkwokhung@netvigator.com
當然有，例如Suzuki 的SV400S，GS400E，Kawasaki EL400，Yamaha Diverson XJ400等等。詳情可參考車主報告。
|
29/7/2004
|
換火咀
老鬼您好,請問CB400行多少公里才換火咀
yik bor tam
yikbortam@yahoo.com.hk
可以的話每5-7000公里更換,這里數由火咀書上提供.你可自行決定.
|
29/7/2004
|
勁戰 4V SR125 一問.......
各位老編好.客氣說話唔講了.小弟想問.小弟岩岩買左架勁戰125.仲係run in緊.想問下run in期間有咩要注意的.係咪車速唔好過80.唔好扭盡.咁就ok了? 另想請教老編.邊隻偈油好呀.本人想一向自己換開的.係咪冬天最好全合成5w50.....夏天就全合成15w50好呀....但邊隻牌子比較好呢..價錢為大約5-6拾蚊倒.....煩請解答小弟問題....謝謝.............
saltfish_76@yahoo.com.hk
最緊要係盡快換第一次偈油，之後都係1000km之內勤換油，俾油出力用到七成力到便ok。香港氣溫變化不大，用15W50都好夠。要平又要靚，可以試下Morris偈油。
|
29/7/2004
|
YP250
老鬼先生,早前洗完化油噐，行車好似順咗，但好似唔夠力，原因何在。另外，收車後，車底近死氣喉及引擎附近發出滴答滴答聲，是什麼問題，是否洗化油器的 後遺症。 多謝
kcc88888 請不要登本人E-MAIL.
原因在我不知道它如可(清洗),聲音會否是金屬冷縮熱漲,如打砲聲音應是砰砰聲.
|
29/7/2004
|
Yamaha Dragstar 400 油錢
老編你好, 本人很喜愛此車,舒適有台型, 請問這些巡航車那麼大架是否很大食, 400cc每公里大約幾錢? kkwong Thanks pls do not show me e-mail address
400.cc直四引擎都係五、六毫子一公里，Virago400副V2低tune引擎，食極有限。
|
29/7/2004
|
check 皮帶?
老鬼您好﹕我買o左架2手runner，佢話已經換左皮帶、珠仔。但係冇單，我點check係唔係呢?謝謝您
smallrunner2000-cycling@yahoo.com.hk
拆一次睇咪先籮!
|
29/7/2004
|
XV250一問
本人座駕為XV250,於上星期六(大雨過後)準備開車之時,發現尾輪突然"o拿"死了,怎樣俾油或用手推尾輪也不能移動半點.請問是發生甚麼事呢?可以怎樣辦呢?
傻鴨仔 謝謝! (請不要刊登我的email)
通常係尾(迫力雞)或(威也)積死左,你識下衰踏尾迫力,睇下佢可否彈回原位,再叫人檢查一下.
|
29/7/2004
|
老鬼,老編你們好,我有一問題本人座駕RUNNERVXR180,,最近在更換原裝皮帶同普利珠及珠盤後,之前用Maloss普利珠及珠盤,發現架車起步同加速都slow了,請問是否因為更換了普利珠及珠盤,及請問原裝普利珠及珠盤和Maloss輕普利珠有何分別及普利珠有何作用???
chimkc (請不要show我的email)
可能佢更換了些比較重的珠,只要換些輕的起步就會快些,由於珠盤靠離心力,珠的輕重有一定影響.
|
29/7/2004
|
Buy a 250cc new bike!
Hello! Great to know you! I have 2 years motorbile experience. I have just sold my 125cc m/c after a minor traffic accident in May this year. A careless taxi driver hit me. I want to buy a new one 250cc m/c either "Foresight" or "Burgman 250". Honestly, I like "Burgman" as a new sharp model. Their prices are only $7500-HKD ($39800 & $47300) in different. However, I worry that I can't bear the weight of Burgman (171kg) as I am 120lb and around 5"2' woman. I need to travel High way for return home. May I asy your advice, please! Many thanks!
astroy
ice@hotmail.com
如果你純是顧慮重量問題的話請放心，實際駕駛時分別唔會大，買喇。
|
29/7/2004
|
Hi,I would like to buy Xevis or VTR250 , and now making some compare with them , Both are second bike at year 1997 - 1998:
1) Is it sutable for daily use and long distance travel , what will be fuel comsumption ?
2) As far as I know , these kinds of bike are not common, therefore , is it expensive for repairs ? Many thanks
Nam
yn_wong@sinaman.com
VTR250個樣靚仔好多，但可能價錢會貴一D。用落其實分別不大，習慣左佢o既馬力之後就會覺得唔夠喉。油錢應該係四毫子以下，日常用ok，長途keep住跑120km/h會辛苦d。兩部都係四衝v2偈，VT250車系歷史悠久，整車應該唔會好貴。
|
28/7/2004
|
Dear 老編 :我想問 1) Joyride 200只有172cc, 點解叫200 ?好似有D 取巧.此車有歐洲版及JP 版, 實際上車身及機械上有何分別 ? 2)四個 轆的車好多時都有展銷會宣傳及推廣,何解二個轆的老電沒 有此類活動 ?希望有機會見到集各牌子綿羊的展銷會.3)係電單車雜誌的車評,好多時只會見到"一般","可以"等的評分,從 未見過"差","很差"等字眼,其實是否因要顧及和各大車行之關係(怕 cut 廣告),所以一定有所保留 ?咁的話D 車書咪做唔到中肯的車評? Thank you for answer me !
kenny ng Pls don't show my email.
日本JP版係多D電鍍同埋用低風擋，機件上應冇分別。Joyride 200只係佢個model名，規格表上寫明係172cc便唔可以話人誤導。四個轆市場大好多好多，香港電單車場太細，賣車太少，負擔唔起這類開銷。一般試車感受，如果要出到負面評語，架車一定差到冇譜先得。但現今新車平均水準都很高，都幾難遇到一部樣樣都差的新車。世界上好難有「百份百中肯」呢樣野，評論一定會有主觀感覺。
|
28/7/2004
|
綿羊一問
編輯你好，我係一個只有三個用綿羊經驗的P牌仔，仲只係間中用車，成日聽人講自動綿羊的空波問題，想問此乃何事，會否影響操控？ 另外，我仍未決定買什麼車，但想知買新的日本250羊或400半好，定還是二手好？ 價錢方面應不是問題，我所考慮的是...1. 驚跌車，新車就更肉痛。2. 二手怕被人欺騙。維修長手尾。3. 新車被人偷的機會高過二手車。4. 二手車的性能不及新車（又不知上一手如何用車），且因零件損耗而令油費及維修費增加。煩請編輯先生幫一幫小弟
Newman (Please don't show my e-mail address.)
綿羊空波只係一個習慣性問題，熟習左就得。新車驚跌怕偷又的確係問題，舊車又唔識揀....不如買部平平地o既150操住車先，熟左先買部新車？(400梗係好過250)
|
28/7/2004
|
cbr400rr一問
你好,本人想買一兩cbr400rr作為代步,而是90/96年車,$13000左右,本人想玩3-4年,而返工路程很短,請問買得過嗎?並且想知閣下對此車之意見,唔該
siu cheong lam
siuicheong2001@yahoo.com.hk
短程代步用綿羊最方便，睇你個款都係貪玩多過用來返工。CBR400RR係好車，但係90年製造，數一數手指有14年，生個仔都讀緊中四。如果以私車家折舊率計算，幾貴o既車剩餘價值都係接近零。90年CBR400RR要賣13k，抵唔抵買我真係唔識答。
|
28/7/2004
|
老鬼您好:我架CB-1300近日發現第3號化油器底漏油(輕微滲漏出小量電油),請問#21946;邊一方面有問題,如往車房維修,要幾多錢?
wingkai88 請不要登本人E-MAIL.
這是T咀位和杯底膠圈,換晒5set連洗吸大約一千元到.
|
27/7/2004
|
HELLO,看到四大日本車總代理都有二手車賣，他們自己牌子二手車是否會多一點保障？他們會否先檢查及修理才賣呢?謝謝回覆
eddieyauyf@netvigator.com
原則上所有車行都會執一執d易手車先至賣。但執到咩程度則因人而異，因為成本亦會反映在售價內。一陣賣得貴又俾人話貴，唔執賣得平，又俾人話d車冇保障，有時都幾難做。代理摸慣果款車，有晒圖有晒數據有零件，要執靚部車點都較易。
|
27/7/2004
|
Re : 頭盔壽命
以我所知" , 廠方建議0既 "壽命" , 係指 "放係室內"既時間,that mean 放係室內4年之後先之扲出離仲可以硬食一獲大勁野 先收皮, 情況就好似 "罐頭" 既食用期限, 打開左同未開 既分別 ,未開過既罐頭放一兩之後打開仲食得, 開左既就..... 兩三個鍾之後食左唔肚痛就真係有鬼喇,所以最好兩年之內就好換啦, 普通少意外就話冇乜事姐, 唔好彩抄大就...真係唔好試~!
Mark
LovinBike@hotmail.com
|
26/7/2004
|
老鬼先生你好!本人用緊HONDA@150綿羊,有次俾一輛後上的士輕碰,撞到我車左邊的塑膠面,有幾條很輕的拉花,他賠了我300元,想問問可唔可以用打臘的方法除去,如果可以的話又應該用邊種車臘才對,請指教謝謝!
ERIC(勿登E-MAIL)
輕微花痕可用(立時新)臘水抹去.五金舖有售.
|
26/7/2004
|
編輯先生﹐您好﹗小弟想請問，係貴 網入面介紹過 "如何 running-in" 所講o既方法，可唔可以應用係二衝綿羊上面呢？抑或有其他方法呢？另外，係貴 網入面提及過唔可以用全合 成潤滑油o黎running-in，但係我有朋友講過要用 racing 2T，亦即全合成 2T o黎 running-in先得，唔知邊個講法先o岩呢？謝謝﹗
阿健 (請不要顯示 e-mail)
可能有些少誤會,全合成同racing係兩樣野,正式比賽用成2舊幾水一支,唔係係raceing野裝落架車到行街都適用,意思係你可選用一些靚些少,就唔好用油站十元八塊果d,同埋選定左就唔好成日轉,因可能會好唔同成份,溝埋之後唔知會點,就好似百事溝可口可樂,叫你飲丫..睇下你自己有乜反應.
|
26/7/2004
|
打呔氣應打幾多??
老鬼,老編你們好,本人現駕駛@150,請問大約幾耐需要打呔氣??前後應打多少磅??我去油站見到個錶有紅色同黑色,邊個先對???前幾日我經過新蒲崗,接近一燈位前剛轉黃燈,我一時心急所以立刻比油過,就在過一剎突然見到閃光燈,請問我超速定衝燈被影相機會大D??我剛掛P兩個月,會有甚麼後果??會否釘牌??大約幾耐先會收到告票??我非常擔心,THANKS!!!
BONNIE~~(請不要登我的e-mail)
得閒就check下,而最少每個月check一次,呔氣可用26,28psi.近燈位係捉衝燈,等收信一般14日內會收到,再睇下告你d乜.唔駛驚....因生米都煮成飯囉.不過p仔衝燈好似要加長期限,嚴重犯錯要釘牌再考...
|
25/7/2004
|
頭盔壽命一問
編輯先生您好，小弟想問一下頭盔一般黎講可以用幾耐,我頂頭盔係shoei syncrotec，2003年頭買入用到而家因為我都幾大汗，所以我經常拆內棉清洗，之前聽人講過頭盔用得耐ｄ料會退化，唔知道係咪真架呢?
CB400SFV2 別登我的ｅｍａｉｌ ｔｈａｎｋｓ
影響頭盔壽命除左內綿唔好變晒形之外，重有係吸震物料唔好受到破壞。跌過，翻噴(冇做好防護措施)，時間耐左都會影響頭盔吸震層的功能。純以時間計，廠方建議的吸震層壽命都有三年貨仔。但係如果日日用，內綿肯定頂唔到三年。
|
25/7/2004
|
路路通感受
我今天上了駕駛學院的路路通課程，頭2小時課程(13:30 – 15:30)。我駕的是Yamaha V2 250巡航車。由沙田到長沙灣(經大埔道)，感覺唔係真係其他人所講，又大又難控制。不過在長沙灣，那一些起步便要轉左或轉右的彎，就有一點困難。不過我有1.8米高。行大埔道，不覺好困難，部車在今天的天氣下，一點也不熱，不過我隻右腳覺得好震，加上有一點唔慣雙腳，唔洗屈曲雙腳，次次起步後，雙腳踩空氣，幸好沒有炒車!
WONG Ho Ying
wonghy@bonbon.net
|
24/7/2004
|
慢車急轉彎
Could you please kindly repost the introduction of 慢車急轉彎, I mean the Japanese master's introduction. Please.... I want it so bad... Thank you so so much
alex shing
ashingt@netvigator.com
多謝Alex的提醒，我地都唔記得放番入【知識技術】。<按此觀看>
|
23/7/2004
|
老鬼先生本人想問有關更換fairing之可能性, 本人渣Honda NSX, 突有感而發想將整個fairing改成幪面超人電單車的樣子, 請問這樣更改可不可行? 需多少$?附圖以供參考
Kit
kit0723@yahoo.com.hk
唔好玩啦...........................頭燈位置不正確........差人拉架.....
|
| |
|
|
|
 |
|
