|
|
|
FAQ常見問題 |
|
|
23/7/2004
|
licence fee enquiry
Hello Sir,My bike is "dead". But the licence fee until next year March, can I get refund from transpratation department? Is it difficult and many processes?What is the best way to treat my bike? Can I get any value from it? Some parts is still brand new.Thanks!
Mabel mabelng@so-net.com.hk
你可以到運輸處取消,取回半年牌費.而車通常都會比車行收,你可同佢計埋退牌費的價錢,咁咪唔駛自己去退咁煩
|
23/7/2004
|
凹油缸
請教老鬼：聽車?講坊間有吸缸大法，把凹地方還原，唔駛敲唔駛打，不傷油漆表面，唔知堅定流，如有在什麼地方有和幾多錢，本人正有需要謝謝待覆。 請教老鬼：聽車#21456;講坊間有吸缸大法，把凹地方還原，唔駛敲唔駛打，不傷油漆表面，唔知堅定流，如有在什麼地方有和幾多錢，本人正有需要謝謝待覆。
waterflow
無錯,這是一套較為昂貴架餐,但並不列入七武器之內,所以並不是間間車行都有得做,你只能夠每間去問,但本大師用過,並不是你想像中咁完美,第一油缸骨位用唔到,第二範圍太細用唔到,第三如表面巳有裂痕,死硬,.此獨門功夫其實是噴油派專用,目的係....丫...有...刺...客...!
|
23/7/2004
|
請問？
老鬼，您好！小弟考了牌已有半年多，近日想買車，本人亦睇中部Piaggio X9-500，請問哩部車性如何，有D咩缺點呢？
Michael Tam(請勿登e-mail)
有關X9-500性能，請參鬩以往試騎報導。實用性問題，可參考車主報告。
|
22/7/2004
|
老鬼先生你好, 本人架99Rebel250已行38000km,凍車時要拉風choke才能著車,如唔拉風choke或著車後行車一兩分鐘後關風choke, 就會自動息車或停車時會自動息車,更會有窒油.要行多一陣才閉就一切正常.而油價由每km$3.5去到最近每km$4.2, 而加速比以前弱左,我已更換火咀，風格、偈油,同洗吸情況都冇改善,請老鬼指教.
wai
mcma_manwai@hotmail.com
這是正常做法,但試車後就應該知道乜問題,假設佢洗吸和調較不是求其的話,推斷落去就可能係哇佬漏氣,車巳用了一定日子,大食些少是必須接受,另行車前必須把風chock關閑才是正常.
|
22/7/2004
|
避震一問
老鬼你好,我想問一問如果MAGNA 750 換上 SF400尾避震可不可行?如安裝後又可以用多久?(長途及會雙騎)
SANG (請勿刊登E-MAIL)
車重巳經好大分別,唔駛試,我寧遠你找架大車改落去會好d!
|
22/7/2004
|
老鬼師傅我#25592;緊GRAND DINK 250我想問如果去油站打車胎氣....係打幾多磅
p p"
可打頭28,尾30!
|
21/7/2004
|
spark plug wire
Dear Mr.Oldman, I recently had my CB400 96 Big one checked up. The garage recommended that I consider changing the bike's spark plugs and wires as these could enhance "fire" and make fuel burn more completely and keep the sparks more clean, thus facilitating acceleration, torque power and fuel saving. What do you think ? pls give me some advice. The product he recommended is "HotWires". Would such change hurt the engine ? Thanks a lot
Billy Pls do not show my e-mail
嘩...仙丹..佢就好似靚hi-fi的喇叭線一樣,會有一定功用,可加強點火能力,亦只屬改車其中一部份.不過有另外一個說法：原廠火咀線同埋火咀cap係刻意保留一定的電阻，除左廠方計過數認為光花夠用之外，亦有防止干擾電子零件的功能。點做自已決定。
|
21/7/2004
|
Forza 250
老鬼師傅:你好! 小弟想問forza 250 換HID (二邊換晒)是否安全, 會否過熱燒熔燈殼, HID是否冇高燈?在冇街燈的地方是否清楚?
alan chan
alanchanangel@yahoo.com.hk
連高燈要2千幾一支,唔....話時話我裝全部都係玻璃面.會否燒燈殼就唔知道!
|
21/7/2004
|
老鬼師傅:你好! 小女想問vini150行到10000km應需換D乜和需檢楂什#40637;,有乜地方需注意,另想問覺得行車時好飄,有人話打少2磅氣會好D，即頭26尾28是否安全?
Ma Angel
myfangel@yahoo.com.hk
火咀,風格,迫力皮,比師博試一試車可能找到平時唔覺的野!細車飄就一定,呔氣26,28可以,再少就會影響彎向!
|
21/7/2004
|
PLEASE HELP................(買車)
小弟有180磅,日日由柴灣上山頂返工,兩條斜坡(長命斜&司徙拔道)超長超斜............T-REX 150 OK MA? 一個月有4-5日雙騎ABOUT 350磅(免強D OK MA??? 上斜會不會很傷車??可以OVER 50KM/H MA??)小弟希望車平,油平,保養平..........(三平) 只有$25000-30000(MAX),有冇更好選擇(新車)?????
NO $$$$$$.......
Wu Hoi Ming
wuhoiming@hotmail.com
家下香港地最惡係咩人？冇錯，係窮人。胡兄你既然好意思話你重180磅，又要上長命斜重要話雙騎....最慘講埋「我冇錢」呢下先絕...我都冇野講...剛巧鐵騎網誌有位編採人員用緊T-REX 150，意見如下：
「雙騎350磅，上斜勉強ok，但係部車會辛苦D。維修超平，超粗渣，keep 1000km住換油(300V Motul)，8000km換皮帶普利珠火咀等，維修費約每月$150.每km油費約$0.25-0.3。記住扭油唔好成日盡油，平日最多扭到2/3好啦！唔係咩綿羊都會比你扭死！」
重有一絕招：當遇到一D真係好斜o既路面，雙騎真係谷唔上，後面又冇車的話，可以用「之」字型路線上斜，架車冇谷得咁勁，掂架！
|
20/7/2004
|
老鬼先生你好呀!本人剛剛買左架97super four二手車, 油門反應頭三仟轉好慢, 如果扭一手大油 ,轉數會係三仟窒一窒, 然後先之正常上番, 因為上手改左四隻K&N冬姑風格, 唔知用左幾耐, 請問什麼問題同埋使唔使用番正常風盒?唔該晒!
saiwing001@hutchcity.com
係屬於無低扭,化油器可能巳經有所改動,頭段比較弱,中尾段就非常快,如裝回風箱必須重新檢查化油器一次,你可先清洗風格和把杯底電油放清!
|
20/7/2004
|
燒火咀! 2
老鬼,老編你們好,我還想進一步了解請多多指點 !!!換後火咀是黑: 什樣setting至可行? "調較化油器?..."但我早前已清洗了化油器,它沒有大食及窒油....只是一段時候早上不能著車便知要換火咀.已問車房都未能解決問題.請大師賜教....
Intelpro2003
intelpro2003@yahoo.com.hk
一係試下檢查火咀cap,如果唔係就係化油器漏電油或jet咀與風油位調較不正確,引致火咀越來越黑.(如大陸喉就不要再問)
|
20/7/2004
|
車頭凍著車正常
老鬼先生，您好？本人賣了一架二手RUNNER四衝程200cc自動羊電單車，車齡一年，行走11000公里，但今天開始發生問題，當今朝取車時[車頭凍]，著車正常，但行走約五分鐘後，它自動死火，之後不能撻著車，約等待兩小時後[車頭凍]，再著車行走幾分鐘後，同剛才一樣，只行走約幾分鐘又死火，如是者..........，我已更換火咀，油格、風格、偈油，已檢查電池正常，水箱水正常，想請問否化油器出了問題，還是嘩佬出了事故，如果是嘩佬出了，請問要點樣修理呢，代理一般收費幾多錢，唔該唔該。
celine
celine_dtb@hotmail.com
可能只是電油泵出現問題,引致落唔到電油死火...並不是機器問題.換後話我知!
|
19/7/2004
|
濕地千萬要小心, 切記預留多D剎車距離
7月13日早上如常途經東區走廊返工,我當時正在入東隧行車線, 眼見一架家車私傱左邊cut 入, 我便開始收車給他入線, 誰不知他一入線便立刻收車(原來當時前面開始塞車,而我之前掛住望他而無望前面), 於是我立刻洛尾brake, 但當時正落完雨路面濕淋淋, 個尾即時頭文字D,本能立刻放尾brake,落一個波,頭brake,再落腳,在樣樣衰衰下總算安全下停車,停車時重死火. 好在無派低,前面架車都唔知有事己經慢慢向前走,後面司機則停係度等我開車。真係無諗到直路落尾brake會擺尾,好在當時車速不高,唔系實PK。濕地千萬要小心, 切記預留多D剎車距離, 由奇近來成日落雨。
99 Dragstar 400 (Message post via crash form)
|
19/7/2004
|
250或400合適
老鬼先生, 您好! 本人以往駕駛250街車, 但已停駕了約10年,現想買一部250或400街車代步, 但怕400的車太重, 請問那一部比較合適呢, 謝謝.
郭上
alan@gemtex.com.hk
代步車唔使咁威，想搵400但又唔想太重，可以考慮Yamaha 單缸復古街車SR400。
|
19/7/2004
|
您好本人有一些問題想請教：在不超速的情況下，如在旺角、尖沙咀的街道上，可不可以做到用「訓彎」來入彎。
WONG Ho Ying 註：請不要刊登本人的E-mail address
50km/h轉一個直角彎，如果路面闊度足夠，騎士採取飛跪姿勢過彎，膝蓋是可以掂地的。
|
18/7/2004
|
賠償的問題
老鬼,老編你們好,我有一問題本人座駕RUNNER VXR180 一個多月前發生了和的士相撞的交通意外.現在等候上堂.聽我的朋友說現在不可以進行維修.因為要等待那一方勝訴才可以calm 對方的保險(如我可以勝訴).之後還要待公正行來影相方可得到賠償. 這是否真的嗎?如果我現在自行拿去維修可以得到對方的賠償嗎?多謝回答
Rolan Leung (請不要show我的email)
只要公証行影相後便可即時維修,因(公)巳在報告上列明各樣雖要維修部份和價錢等,而燕梳公司亦只會接受(公)報告,所以不雖等上庭後才維修.同(公)而家有埋同追收對方公司講價服務,只叫代辯便可(這當然是法庭判你勝訴後!)
|
18/7/2004
|
Runner200 brake吱吱響
老鬼先生你好,本人有一架Runner200,新車到現在行了6000km,但近一兩個月發覺前break煞車時發出吱吱聲,但在重煞時就沒有,請問是否
break皮夠期更換?自己可否檢查到?請指教!Thank You!
hobryan
hobryan@sinaman.com
這只是原廠皮的皮質問題,只雖更換一些皮質較軟的便可!
|
18/7/2004
|
燒火咀!
老鬼先生,本人的98/98 YP250 換喉後經常不能start up ,修理後又無事 ? 是否火咀只能用二千公里左右?, 及每次都是在雨天後(雨天無開車及泊街有?)或油缸滿時發生的.修理結果是燒火咀? 有何法能修好這問題?
Intelpro2003
intelpro2003@yahoo.com.hk
換喉後黑火咀是setting問題,火咀正常不會這麼快就燒壞,同時你會發覺車輛異常大食,油缸入水只會另到車子窒油同死火.只雖清洗和調較化油器便可!
|
18/7/2004
|
架車SLOW車轉數不穩!
老鬼先生，本人是駕99 CB400SF VTEC I，近期發展架車SLOW車時、停燈位時(空波)，轉數不穩(0-1200RPM)，甚至死火。另外，間中起步時，轉數突下跌至死火，都時有發生，唔知架車有什麼不妥呢?會否是化油器有事、定系火咀呢?請老鬼先生賜教，指點指點!!THANKS!!
AH CHAK
ahchak@netvigator.com
可先看4支火咀是否一樣,會否有一支突別黑,便知度火咀或化油器有問題!
|
18/7/2004
|
真空錶
本人是澳門車迷,想請教調較化油器同步之真空錶何處可買到?大約幾錢?多有煩擾,請包涵.
man
ffbbman@yahoo.com
你可先至電到香港富力電單車行查詢,有兩隻,平的行水銀調較會麻煩些,5,6百元,靚的行氣彈弓,2千多元如要專業和耐用,就要選用後者!
|
18/7/2004
|
94 Honda CB400
本人的 94 Honda CB400 又有問題了!之前轉數過吾到五千的問題緣來是速度表內的電路板斷了。現在已整番冇問題!但現在當我比大油加
速時或上斜時,大約到八九千轉時,車會突然輕微跑馬仔、轉數急跌到五千轉、落低波轉數升返但又立即急跌,加盡油都冇反應。上完斜到
平路都好慢、加油冇料到,要鬆油拉 Clutch 等幾秒就回復正常.我想問這是什麼問題?火嘴?油泵?電路?Thanks for your help
Benny
bc77bc77@hotmail.com
這張電路版如要更換是雖要買整個咪錶白膠才有,而上次你是過不到5千轉,而今次就到8,9千轉,問題都是跑馬仔,根本架車都無好過,如有試車就一定知道,勁跌轉數和窒油,這會是電器問題,如化油器會是轉數不上並不會勁跌轉數.
|
18/7/2004
|
慢車技術
老鬼你好，本人學車時是學手波的，現在駕綿羊，沒有油缸閘著覺得很難平衡，在慢車至停車時總是左搖右擺，懾車時左下方的路肩又給我很大壓力。請師父指教有甚麼技術可糾正錯處！謝！！
tsangkamchiu﹝不要登電郵﹞
綿羊冇油缸夾係要時間適應，但問題不大。嘗試打開並固定雙腿，輕輕俾住少少油，右手輕扣尾迫力控制車速便可。如果都是一樣左搖右擺，便要檢查波子盤和前後胎壓。
|
18/7/2004
|
P牌一問
不好意思, 本人犯了沒有掛p 牌及衝燈, 同時犯了兩條罪, 是不是會給取消p牌, 而要再考呢？謝
Kwok
fykwok@so-net.com.hk
請教過一些新牌人士，他們說同時犯兩項罪名應該會釘牌重考：(
|
18/7/2004
|
Superbike係咪唔俾人爬頭？
18/7 大約00:15分，本人正以時速八十多公里從城門隧道往大埔方向行駛，當行到近偉華中心對開時，大約有6部大馬力嘅superbikes以極慢速度從支路駛出並抽出快線作隊形行駛。
當時那段路的合法時速是80km/h，本人跟在他們後面，發覺他們只以70km/h前進並佔用了快線作他們享用。本人見他們時速不快，而且後面已經有一串車跟在後面，於是當慢線有空間時便抽離快線越過這班superbikes。
離開大約2分鐘，我從倒後鏡發覺有一輪老電正以高速駛近，並高速在本人左邊越過，然後cut在本人面前，我認得出他是剛才那班superbike的其中一輛。
可能這位仁兄覺得我剛才越過他們的動作是挑戰吧，於是作出這種構成危險駕駛的行為。如果你是這樣唸就大錯特錯了，手車揸得好唔係會快就得，還要有應附不同路面速度嘅能力，以70km/h在合法速度為80km/h路上行駛，唔該行慢線..條路唔係只有你用嘅，給別人過頭並不是一定向你挑戰..明冇？
揸部快車在路面上，應該更加要忍讓，大馬力車揸得快唔覺嘅，但突然有事時可能收唔切，有什麽 Brembo,大碟都冇用，馬路就係馬路，到時才醒覺，咁就太遲喇...以上都係小弟有感而發嘅，希望可以給各位人兄一啲啓發吧
Lee Tze Shek
leetzeshek@netvigator.com
編按：六部Superbike以80km/h佔用快線？聽落真係幾神奇。會唔會係rolling start未開始乍？：)
|
17/7/2004
|
問二手零件
老鬼先生:本人上次遵照你的意思,打電話去萬里達問過.fz400 的前包圍實在是太貴了,而且訂貨也要3個月時間,所以想請問老鬼先生,此類零件能不能找到二手,在哪裡找?有哪些車行有出售二手零件,又听人說,可以嘗試倒模包圍,價錢又如何?哪裡可專做.謝謝
ngpaul@rocketmail.com
唔~~~~~二手相信你要續間車行問,倒模是雖要有個完整才可以.如有碎片,番噴應該可以.
|
17/7/2004
|
更換死氣喉
你好!本人有一些問題想請教!本人有一架Runner200,想更換一條死氣喉!請問那一個牌字和那裡出的較好呢??請問又可在那裡更換??大約多少錢呢?煩請解答!Thanks!
hung fat yu
yuhungfat@yahoo.com.hk
此車只得大陸copy,同意大利,價錢千幾到二千.
|
17/7/2004
|
詢問綿羊問題
老鬼師傅:你好! 本人架電單車是Aprilia200cc綿羊,請問皮帶同普利珠幾時先要換,(去車房撿查實叫你換) 仲有請問風格(海綿)怎樣清洗,又可以用幾耐.(我架綿羊行左 16000公里) 我(8000公里)換一次火咀 二,三拾蚊一支可以嗎?還是要換D貴小小? 煩請老鬼師父解答!!!
clara (請不要登我的網址)
皮帶係時候要換,珠同皮就要睇過先,你可睇住佢拆,如信不過我都沒辨法.海棉可用火水清洗,但一定要弄乾,火咀用這樣便可以.最好5000km就換.
|
17/7/2004
|
小心HONDA 紫色NSX 個PK......
回應 Sherman:
我都見過呢部 NSX, 車尾裝有誇張的 GT 尾翼, 條友仔在鬧市左串右插, 我地駕老電都無佢攝得禁狠...... 各位鐵騎弟兄, 小心呀
Twins Boxing 請勿登我的e-mail Thank You
|
16/7/2004
|
車位一問
老編你好:小弟家在粉嶺,已在附近天橋底泊左車一年有多,但最近北區警署出左通告話會採取抄牌行動,貼灑落d電單車度,但係附近都搵唔到一個街位,心想不如泊入車場啦,點知車場要成700大元個月,點頂呀,所以想請問一下以上情況可以黠反映,而一般車場的電單車位的收費是否都係如此"拿利"?十萬火急..謝謝.
Daviviand
davidxchiu@netvigator.com
一般電單車月租位，都係200-500之間。不過老編個月租位都要900，所以你700未係最貴。反映和爭取停車場的渠道，請參考FAQ部份。
|
16/7/2004
|
你好,本人想買新車cbr150,但係車輪大而窄,會否不安全?而且是泰國製做,會否無件作維修?而此車聲稱有140km速度,它150cc容量,會否對車有很大損耗?29800$買得過嗎?還是用15000$買部cbr250還好嗎?
siu cheong lam
賣得出街o既車唔會話唔安全，但係會係唔同情況之下各有長短。在高速公路和講求極速的情況下，CBR250RR會比CBR150較優勝。但在其他情況之下，CBR150的操控則會較輕盈。泰國很流行CBR150這類車款，也有很多同級車比賽，莫講話零件齊，補品kit料多到嚇死你。
講到買邊部車好，其實都幾講運氣。當你乜都唔識，用差唔多三萬蚊買部冇乜手尾跟o既細車好丫，定係用一半價錢買部馬力大D既二手車好呢？如果部二手CBR250RR冇野整冇野換就梗係揀佢啦，但如果要換胎換皮換電池，火咀風格頭尾牙車鏈又到期，最慘頭fork漏油尾避震又話打柴，slow車唔穩洗完cup整完都係咁，有日重噴埋有顏色o既煙嚇親隔離，咁又邊部抵d呢？我唔係話CBR250RR一定係咁，而係每一部易手車都有可能遇到咁既問題。所以除非你識揀車，唔識車的話，買新車唔好煩。
|
16/7/2004
|
可否向法管說不認罪
那天交警說我衝燈, 但我肯定那只是黃燈, 上到庭如說不認罪, 法官會信嗎, 是否只信交警, 如困不認, 後果會是怎樣
que Ida 謝
見到黃燈都要停車架...除非你可以證明係合法車速之下，都冇能停到車，或停車會造成危險。法官梗係信差人啦，人地係執法人員，連差人都唔信，信邊個？第一次唔認罪，但最終入罪的話，罰款會甘好多。除非你有米有時間，請D猛人慢慢玩。
|
16/7/2004
|
避震一問
老編先生,想問下有d 車一支尾避震,有d車係二支尾避震,係唔係一支避震d 車比較冇咁舒服?而二支避震會好過一支的?
Jason
wcl997@hotmail.com
連接尾搖臂和車架的中置避震會係運動性能最好o既設計。如果尾避震係放係尾輪附近的話，咁就兩支好過一支。但係如果只係講求舒服，咁就咩避震設計都冇所謂。
|
16/7/2004
|
Dear 老編:最近用新頭盔後,把它放在家裡窗台上,一段時閒後,有2處五毫子大的油污印入了雲石窗台,追查下頭盔和窗台的接觸點是耳仔位對出的海棉 層. 1 / 那些污印是否海棉釋放出的汗印 ? 如果不是,又是什麼 ? 是否正常現象 ? 2 / 怎樣才洗到雲石上入了去的印(我試過藍威寶唔掂) ?
yuen jolene 請不要登出 email address
老編唔係家居清潔個科，對於如何清理雲石污漬的問題無乜認識。粗略認為，雲石質地結構粗疏，容易讓污漬滲入石層之內。所以雲石唔適宜作廚房工作檯面。你話頭盔耳仔位對出的海棉層令雲石留下油污印......真係聞所未聞.....如果係表面，試下用粗蠟卒下佢。如果係滲入石皮層之內...難救。不如影張相過來睇下，等我地搵下曾Sir曾近榮老師...睇下用哥士的得唔得.....唔好「男女男」，講下笑姐....
|
16/7/2004
|
P牌一問
老鬼先生,想請教一下, 本人還有一個月才過p牌, 有一天在没有掛p的情況下, 給交警叫停, 說我衝燈, 他說要告我沒掛p及衝燈, 他說要上庭等官判, 想問一下, 這樣的情況下, 是否要停牌?謝
que Ida
helenque@hotmail.com
請教過一些新牌人士，他們說同時犯兩項罪名應該會釘牌重考：(
|
15/7/2004
|
您好：本人聽問一種叫較牙避震的東西，那是一種什麼的避震?我在街上看到一些電單車裝了一種避震，它有2條不同磅數的彈弓，那又是什麼的避震和用了2條彈弓會有什麼功能？
WONG Ho Ying 請不要刊登本人的E-mail address
絞牙避震即是避震本身可以視乎需要，隨意增減彈弓行程的長短。由於這設定並不是原廠格數所提供的調較，絞牙避震可以微調至格與格中間的彈力。而雙色彈弓你會見上面疏d下面密d。密d果條彈簧會硬d，疏d果條會軟d，利用兩條不同磅數的彈弓，提供漸進的避震性能。(即係慢車軟，快車硬)當然視覺上也勁d。
|
15/7/2004
|
您好：本人有一些問題想閣下請教，不論是私家車或是電單車，如果想提昇轉彎的技術，最好的是在濕地行車(我不是提倡飛車車)，但在電視中看到MotoGP車手的濕地過彎技術，真勁!
本人有些問題想請教，當電單車在濕地行走時，前輪會打起好多水花到頭盔，我在學車時都試過下雨行車，頭盔不斷給雨水打，前面的路好難看!但他們為何可以像乾地般高速行走和看到前路
Wong Ho Ying請不要刊登本人的E-mail address.
想提升駕駛技術，並不是要在濕地練習。只不過在濕地駕駛需要更嚴謹的操控要求。你說車手為何在濕地仍有強勁表現，理由因為他們是高手呀！有關濕地駕駛注意事項，可參閱知識技術一欄中相關文章。落雨開車，視線會被雨點阻擋一部份，但影響我們視線的是頭盔風鏡內的霞氣。停車時記得開一開面鏡以免積聚霞氣。
|
15/7/2004
|
油冷車入d 咩入去?
老編先生,水冷車係入d 水入去,咁油冷車係唔係入d偈油入去啊?
Jason
wcl997@hotmail.com
油冷車係原本存在的偈油，泵上散熱柵，利用涼風把偈油溫度降低。
|
15/7/2004
|
小心HONDA 紫色NSX 個PK......
14/07中午12:45分本人於西九龍走廊向荃灣方向至荔枝角，以時速70公里於慢線近中線行駛,
突然在倒後鏡發現一部紫色NSX車牌EH3由後方駛近，再由本人左邊高速過我再cut 出快線
(心想當時如果我無望後鏡發覺它高速駛近及向左小小一定比佢收工)
左串右插見車過車,當時我火都o黎比油從後追上至落橋位
因前面燈位佢要停車,我就駛到佢前面停車望住佢條粉皮
然後先慢慢行睇佢去邊,可能佢自知理虧佢見我行左三至四個車先開車
轉右向長沙灣方向,我即時入迴旋處停在橋底小佢老母先開車返工!!!
如果唔洗趕返工我實慢慢小佢!!!
各位車友記住 HONDA 紫色NSX 車牌EH3 見到佢快D行開D,如果唔係好易比佢撞死!!!
在此祝佢快D炒車死唔好害人！
Sherman (Message post via crash form)
|
14/7/2004
|
怎樣處理生銹電鍍
老鬼先生你好,小弟有部舊款偉士PX200裝0左電鍍護架但最近發現多處地方生銹試過用砂紙打磨後重噴埋力架但過0左一排又生銹,聽朋友講話可以番鍍但唔清楚舖頭地址/電話可否介紹.價錢大約多少番鍍是否化算嗎,或有沒有其他方法.謝謝解答
kai kit leung
kitleung862003@yahoo.com.hk
原本生銹左番鍍較果不太理想,真的想做車行樂意代勞!生銹的部份應買0號網絲棉輕力抹去,用砂紙反而不妙.電度生銹這便是耀眼過後的苦處.
|
14/7/2004
|
噴油
老鬼你好：上個月抄車，守了二十年老處破了，入廠留醫計，稍後寫返抄車佈告，警方調查中，希望唔好告我，車就整好差噴油，cb-750全車噴想老鬼介紹，要好唔要平如不方便公開，可?郵給我謝謝。
waterflow
噯.......唔好喊...!大家咁常下年紀,以前楂龍船咪仲甘.你有咁耐車齡應該知以前大x輝同噴x狗,佢地好低調,要行內人才找到不過而家有好多新俊都ok,可以一試,可講明價錢可收貴些,但唔ok就唔收貨,再噴,相信同你整車間車行會懂得點做.
|
14/7/2004
|
省油
老鬼 您好，本人有輛Majesty250每公里4.5毫.聽說換一個好CDI,可以減低耗油量和加個電子穩壓器 能令全車電器穩定能省油/省電是否真的.如果真的能否推介一些牌子.
ken 請勿登我的e-mail Thank You
kit的電腦多數是賽車用的,的確是可增大馬力和增強電壓,但省油就唔知,買個舊野幾多錢,可同你慳幾多油錢先?一舊正版日本池正常壽命都有兩年,得唔得都要換,已保安全.兩樣野加埋可否蓋過購買這件零件的價值.!自已可衡量一下.
|
14/7/2004
|
電器問題
老師傅你好! 我#25886;左部cb400去某車行，佢同我check左一陣，話電線接觸不良，修理了一小時 收$240，及換了engine油( 3支 ) $360，共$600，是否合理呢? 其實，新車主好多時唔知維修價格，有否建議給我們呢?
Wing Chung Lee
spoonkan@yahoo.com.hk
$240元係人工,唔知佢整左幾耐,有多麻煩,不過都ok,只要手工好唔係求其擰埋一舊便可,偈油應有標明價錢,這會在換油前先問顧客選擇那隻牌子!$120元一支,應該會係全合成機油!
|
14/7/2004
|
想問風冷,油冷同水冷?
老編先生,我想問下風冷車係唔係比較油冷和水冷車差,我指馬力,扭力,和耐用程度;而且它們三者有甚麼分別?那一種比較好?Thank you!
Jason
wcl997@hotmail.com
件事應該咁樣講：水冷+油冷的散熱效率最高，其次到水冷，油冷，最差當然是風冷。但這並不代表風冷車或油冷車唔好。由於高壓縮比和經常使用高轉數的車種，引擎所產生的熱力十分利害，所以必需應用水冷+油冷設定，才能減低引擎過熱的機會。但因為水冷系統本身有一定重量，成本也要打入售價之內，所以如果引擎本身不屬於搾取馬力的設計便無需要用到水冷設定以免造成浪費。而決定採取什麼冷卻形式的方法，車廠是經過慎重考量才決定選用。在正常的使用範圍內，我們無需擔心風冷車或油冷車會過熱腳軟。
|
14/7/2004
|
死氣喉問題
老鬼師傅 :小弟又有事麻煩你, 如果一架 FORZA 換一條靚既氣喉是否可提升馬力 ?如果可以又會提升多少匹呢 ? 謝謝 !另又想問街車加裝頭 FORK 碼有什麼用處 ? 綿羊又何否加呢 ?
liu deeP.S. 請不要登本人之電郵
感覺爽d,順暢左,實則數字就唔知,因佢此終是單盤250cc,街車由於fork心較長,好多車友加裝後覺得架車入彎無咁(扭),至於綿羊就無乜分別,不過日本制的fork碼是最準確的,而土炮制會因直徑唔準引致(cool)死頭fork,仲唔好feel.
|
14/7/2004
|
老鬼先生你好.本人意外抄左部yamaha fazer 400(97年版),需要更換前包圍,右邊行車鏡,後迫力腳搭,波箱蓋.請問以上零件香港本地內有現貨嗎?每件零件分別係既價錢係几多呢?勞煩老鬼先生幫手回答.
Paul Ng
ngpaul@rocketmail.com
你可打去萬里達零件部詢問...TEL:28815599
|
14/7/2004
|
老鬼 您好，本人CB400SF Big one. 有什麼方法知道brake disk 幾時到期?頭碟最簿多小? 如果已過最低限度, 那計續行車有什麼事情發生?
謝謝賜教
陳上
willpower@i-cable.com
原廠建議唔好少過3.5MM,太簿一來傷皮,二來又唔夠brake,繼續行一係停到,一係停唔到.
|
14/7/2004
|
問【當忂】車
問過幾間都話要連埋牌薄先#21135;,咁即係"收車",唔係#21135;車啦!
請問究竟有無真正#21135;車呢?(除#21655;運輸處廢車場)
若我想把現有車牌轉到部新車,可以嗎?
Noel FUNG(pls don't show my email, thanks)
元朗屠場係會出張屠殺證明紙比你去運輸處取消車輛登記.你可以將車牌no轉去新車度用,但就唔可以用車架同機器no,這樣是違法的.
|
14/7/2004
|
停在路位幾個月問題
你好本人有已下問題可否解答：
1)本人的電單車要停在路位幾個月，請問要注意什麼問題？
2)現已發現電磁無雹電，有#38152;漬請問如何處理及用什麼清潔劑處理？
心急人上謝謝
andyhk330@yahoo.com.hk
要注意呔氣,機油,最好到車房做一次檢查,等佢可以再有雖要部份落d油,咁就最安全.
|
13/7/2004
|
買車
老編:本人想買大鯊王150 or T-rex150.
1)就性能,加速力,安全性,耐用,維修費,你會推介那部 ?
2)此二車,都是車尾入油,如加車尾箱是否很難入油 ?勉強加裝,將來會否很煩 ?
3)本人住淘大花園附返,請問附近有無有盍泊位(淘大無) ?
4)開面頭盔幾重才適合 ?如保護性相同,是否輕些好?
kenny ng 請勿登我的e-mail Thank You
兩部都係台灣單缸強制風冷小綿羊，講真差唔多。不過我地有同事用緊T-REX150，發現代理做得唔錯，零件齊價錢平。車尾入油冇問題，個尾箱架會就番個位，都冇咩問題。泊車位上新聞組問下有冇街坊車友最好。頭盔冇最低重量要求，梗係越輕越好啦。對條頸負擔比較少。
|
| |
|
|
|
 |
|
