|
|
|
FAQ常見問題 |
|
|
11/6/2004
|
偈 油 透 氣 喉
老 鬼 大偈 你 好 ： 本 人 又 來 煩 你 ， 01年 cb750最 近 想 洗 錢 ， 全 完裝 車 只 換 了 迫 力鋼 喉 和 E火 咀 ， 見 車友 裝 了 偈 油 透 氣 喉 ， 又 話 點 好又 話 爽 D， 落 整 開 車 行 話裝 老 細 話 無 用 浪 費 金 錢 ， 有 生 意 都 唔 想做 ， 我 信 佢 不 過 聽 多 D意 見 無 壞 ， 現 請 教 老 鬼 意 見 和 想 問 部 車 CB750有 什 麼改 裝 可 以 爽 D快 D謝 謝 。
waterflow waterflow1911@hotmail.com
只可以當外觀,認真功效我都個得不大,原因佢都係多個散熱位等機器下集裏面無咁頂住d熱氣,.但個蓋又有快膠頂住防止偈油外噴,所以換唔換自己想,換死氣喉,頭燈,避震,倒後鏡,軑....好多野可換!想架車精神,夠期就換機油.火咀.風格.仲可洗下化油器,包你馮車過車...!
|
11/6/2004
|
噴油問題
老鬼師父你好∼我想diy噴下自已架羊仔，但我看知識技術內噴油diy，覺得很煩復可否就咁在表面上噴呢(事身沒有炒過)要用一般的噴漆或模型噴漆呢???兩種油的效果相差多遠呢??還有想問死氣喉的高溫噴漆可以在那裏買到呢???麻煩老鬼師父~~~~
gzerof@mail.hongkong.com
高溫油可在電單車超市內買到,車身噴油同噴模型,走廊寫大字完全不同,死左條心,比人投訴就麻煩.
|
11/6/2004
|
波箱問題!
老鬼先生你好!小弟架98super four剛買回來的,在行駛中波箱有少少雜聲,好似'kart kart'聲,如行駛中入空波仲明顯,請問問題大唔大,如修理要幾多錢?唔該哂!
Wing ksw3009@yahoo.com.hk
會唔會只係頭尾牙,鋉的問題,例如無落鍊油同較鋉咁!
|
11/6/2004
|
車胎一問
老鬼先生你好: 本人不小心在車胎上查左"牛魔王",但只查了前后胎的各一邊,有否辦法除去,如果用沙紙好唔好?
Daviviand davidxchiu@netvigator.com
好彩你話唔小心,如果唔係真底X,可用天拿水抹去.
|
10/6/2004
|
Suzuki Inazuma 問題
老鬼你好, 我想問 Suzuki Inazuma 400，有時如果在一至二波時轉高一個波時有幾#21523;齒撞聲是什麼問題?要整幾錢? 而油冷車應用什麼度數機油?請多多幫忙.
alex kung alexambush@yahoo.com.hk
有時會因入唔正波而反出聲音,如波箱真的有問題維修費都要3千零到,偈油可選擇10-40w.
|
10/6/2004
|
尾避震
老鬼你好,怎樣check尾避震到期,何時更換?
yik bor tam yikbortam@yahoo.com.hk
最明顯係漏油,沒有油壓的吸啜力或彈弓較到最硬盈下垂,避震是沒有里數的,如經常雙騎或負磅咁就會縮短壽命.
|
9/6/2004
|
CB400SF 電力問題
老鬼你好,本人的CB400SF是94/01年,近期有撻不著車問題,平時日日用車,來回十多公里,多數一撻即著,但在２個多月前開始,往往相隔在十多日後,在早上開車返工時正常,但放工時會撻不著,感覺到電力差少少,但推撻可即時著車,而事後火咀,電池,整流已分別更換,但情況沒有改善,本人曾?用萬用表量度電壓,數值如下,平時撻車前12.6V, 撻車時可低至11.5V後立即回升至12.8V, 3-5千轉時大約14.1- 14.4V, 6
干轉以上回到13.8V左右,看來電壓是正常,是否充電電流有入不敷出的情況或其它原因?
Fanny Tang fannytang9010@hotmail.com
你有否彩用高火數燈膽?打籃磨出A數是否足夠?start麼打是否正常?這些都會引致這情況,如電力系統正常,咁麼打炭精問題最大.
|
9/6/2004
|
車轋油漬
老鬼師傅你好，本人老電的車轋(金轋)滿佈油漬, 請問用甚麼方法能把車轋清潔;又清潔後是否要噴上轋油以保持潤滑. 謝謝
肥仔 請不要登出本人的電郵地址
鍊係一定要落油,洗完又落,又洗,如真的要清洗沙石,可用去油積萬潔靈.
|
9/6/2004
|
引擎聲
老鬼先生你好!有小小問題請指教的,引擎聲有迪迪...類似小巴或貨車的聲音,這是什麼聲音為何會有?另外為何胎速時冷車與熱車時相差
5-600轉?thank very much^^
56456 uu7099@hotmail.com
你o架乜車來架?咩都唔知好難估喎...
|
8/6/2004
|
如何舉報危險司機？
Hi,Want to know if we experienced an incident, which was caused by dangerous driving manner of other drivers, but luckily we have use what ever method avoided. In this case, there is no accident or life lost, but just due to luckily avoided. Can we still report the case with car plate number to related dept to follow up ? How and what will be happen ?
Ask to question due to have saw lots of complaints, but no actual accident took place. But we did put to a dangerous condition by other bad driver. Want to know more rights about riders.
P.S. I just have an incident on 5 Jun 04, which almost dead with my passenger, but luckily escaped. Reported to North South district Traffic section police station, they said will have someone call back to follow. But up to now, still keep waiting. So I think riders would like to know what can we do when in these situation. Thanks
Freeman freemanlauhiufai@yahoo.com.hk
如果認為其他司機的駕駛表現威脅到你的安全，請記下車牌，時間及地點，向任何一間警署作出投訴。 但你必需表明立場係想控告對方 ,警方才會作出跟進及交予有關部門調查。如果你想檢控程序加快，則需前往所屬區份之交通意外調查組報案室舉報 ,即有專人招呼 , 取口供 等. 咩情況下你應該舉報佢呢？簡單來說，即係「危險」：“危險”指對任何人造成損傷或對財產造成嚴重損害的危險。
(a) 某人駕駛汽車的方式遠遜於對合格和謹慎的駕駛人所可預期者；及
(b) 合格和謹慎的駕駛人會認為該人以該方式駕駛汽車顯然是危險的，則須視該人以該方式駕駛汽車為危險駕駛。
(C)如合格和謹慎的駕駛人會認為有鑑於某輛汽車當其時的狀況，駕駛該汽車顯然是危險的，則駕駛該汽車須視作危險駕駛。
|
6/6/2004
|
掙啲比駕私家車撞親
今日下午3點20分由屯門公路出九龍，駛至小欖過了黃金海岸又未到深井的時候，俾條仆街私家車司機嚇親 【條廢柴揸架 香檳金 的 豐田私家車 (Cammy)，車牌GA 323X，因條仆街搓得太快，故此睇唔清楚】 載住條細路 (着白色衫既，坐喺司機隔離位) ，當時我行緊快線 (該段路面有多條行車線)，他在我後面時，我已經留意倒佢響慢線左穿右插，逢車過車，故此，已特別留意他的動作，心想，就算你要扒頭，中間亦有大把空位比你過，點知他很快駛到我車的左手邊唔夠2呎位高速擦過，若果當時條仆街失控的話，我肯定給他撞到飛起，當時我真係好很慶，追上前用手向他示意，有無攪錯呀，咁樣搓法，然後過了他的車約幾個車位，呀條仆街可能條氣唔順，即加速追上來重施故技駛至我車的右手邊又係唔夠2呎位高速擦過，(因當時我已回第2條線，條仆街响我車的右手邊擦過)，似要向我示威，我心諗，如果我唔係搓電單車的話，我一定同佢玩過，唯有嘆句無奈。呢條咁既仆街，望佢遲早自己炒鑊金既，斷手斷脚就最好，但都千祈唔好累人累物 (例如坐响佢身邊的人，或其他駕駛人仕)。唔怪得香港地咁多車禍，講來講去，多左啲咁嘅無良司機，睇怕想少啲交通意外都好難。雖然如此，仍奉勸各位駕車人仕自重，及小心呢啲咁既無良廢柴仆街司機。謝謝！
Simon (請勿Show我的E-mail, 唔該)
|
6/6/2004
|
有關死氣喉生銹問題
老鬼,想問本人的PGO T-Rex125 的死氣喉生銹.. 有什麼辦法改善.. 本人唔想給車房修.. 可以自己油房銹嗎? 另外如果唔理會有咩不良後果?? Thanks.
matta722@mail.hongkong.com
可先用砂紙清除表面銹漬,再到汽車用品舖購買死氣喉高溫噴油d i y.
|
6/6/2004
|
EL250 每朝早難STRAT車
老鬼,你好想問有關於我部KAWA EL-250。我每朝早無論冬天和熱天一定要開風掣先可以START到部車,但為甚麼熱車後不用開風掣都好易著車？同埋架車一波斜路開車冇力，要比好多油先去到，為甚麼？
kkshum(請不要登我E-MAIL)
這有機會化油器與風格問題,check左先,還有哇佬過鬆亦會,起步無力可能亦因此得到解決.
|
6/6/2004
|
CB400SF換尾牙
Dear Mr.old devil, The front and rear sprockets of my CB400sf (95) are needing to be replaced. The number of tears of the present rear sprocket is 42. But I was advised to consider a change to a rear sprocket with 45 tears as it would improve performance especially at the initial range of speeding up and be more suitable for riding on busy roads,thus improving fuel consumption as well. Could you pls tell me the difference between using a 42 and 45 tears rear sprocket? Should I take the advice of making a change? I mainly use the bike for short rides daily.Thanks for your attention
Billy pls refrain from showing my e-mail address
換較大尾牙後，最明顯就係起圍會快左。引擎曲軸旋轉的幅度要比以往多，才能帶動尾牙轉一圈，所以波段變低，改善了加速效果，但會降低極速。有冇慳油呢樣野就比較難講。如果你和以前一樣，在同一速度仍然維持同一波段的話，引擎的轉數會較以前高，咁樣係唔會慳到油o既。
|
6/6/2004
|
架車唔知點解著唔到?
老鬼你好.......本人部pgm4前兩日開始踩極都唔著.......但就仲有電既.......跟住試過自己買火咀更換.........但都一樣踩唔著!!!依家唔知點算好?同埋仲可以有乜辦法?還有架車唔著係仲有d咩因由會係咁?唔該哂!!
仁Please don't post my e-mail)
火咀都換埋,唯一能自救的方法就只能常試推著佢,之後到車行再檢查.
|
5/6/2004
|
小心盲毛
唔,, 我經上星期RUNNER比貨VAN.. 撞尾,, 後,,只得翻一架豪漢150代步了，我想我都唔會又唔好彩掛,, 點知今日,, 又險些中獎了,咁我由尖東出翻旺角,, 出到巴富花園,, 大平道那邊,, 去旺角那邊,, 有一個SHELL油站,, 平時那油站邊都有D車泊係到,, 咁我如上行近,, 但個半車位有一加泊緊的SKY LINE突然抽頭還要抽到一半喎,, 我雖行緊五六十,, 都要剎,,加靠哂邊,,同有跳車的準備,, 心想,, 唔係咁快又中獎麻,, 搞多次空中飛人.. 又見翻跟我安的呀SIR..我都唔知可有咩表情,, 好在最後都緊緊渡。小心盲毛,, 隨時抽頭都可以的盲毛,, 真要命
JACK/豪漢150 (Message post via Crash form)
|
4/6/2004
|
Suitable rpm for SF400 Big1
1) I am riding a CB400SF Big1(92') , I normally change gear at 5,000 rpm. Is it suitable?
2) What is the maximum rpm I can use for not "hurting" the engine? Though I know the red zone is about 13,000rpm, but for such an old bike, what rpm will not make damage to it?
Please advise, thanks!
Kai(Please don't post my e-mail)
5千轉轉波無問題,只不過是個人楂法,不過有時叫用高些轉數係想大家如遇到突別時能夠即刻加速咁解!
|
4/6/2004
|
AN125冇力
老鬼, 你好想問問關於我部AN125 (995 Made),架車上斜冇力,加速都極冇力(Max. 80 KM/H only)已經換了皮帶, 珠仔, 極力子盤,珠仔盤, 偈油. 多謝指教...
William 請不要SHOW我的E_MAIL
反而我會睇火咀,風格先喎!有雖時還清洗化油器添.
|
4/6/2004
|
Tire pressure
Dear oldman,The sticker of my bike reads the tire pressure is 225 and 250kpa and 225 and 280kpa for one person and two persons respectively, are they correct? As I heard someone said normally street bike should pump 28-32 psi, (around 220 kpa) as usally, which one is correct? and if the sticker is correct, then should i pump 250 or 280 kpa if i sometimes ride with passager? my tire is 110 front and 160 rear, thx
Benjamin Wong Dont show my email pls
唔同地方,天氣,呔質,牌子,車款都有唔同呔氣,如一般街車的確建議打28-32因車種生產地不同,貼紙上是當地國家的參考.
|
3/6/2004
|
本人於二零零四年六月一日中午二時左右，在東區走廊西行快線駕駛電單車途中，被中線的新巴突然切線，致本人需急切抽向右邊的石𡒊及煞慢本人的電單車致險象橫生。
查當時的魯莽新巴司機的車牌號碼為JL6740，(當時其路線號碼是M788或M789，查新巴網頁中實無此路線號碼，想必其應為788或789路線之巴士。)
本人的藍色綿羊電單車只有150cc，並載撘有本人的妻子在後，速度可想而知不會過份。而當時本人是跟隨一台小型白色客貨車前進中，並相隔有兩個車位左右，故實無從估計其會在如此險窄的環境下切線。猶幸本人的駕駛技術高超及冷靜，在急忙中以最高速度連續扣放掣動器以人造ABS來防止後輪打滑及擺尾，避免撞向路中石壆致乘者飛越到對面的東行快線做成無從估計的傷亡事件。
本人對是次新巴司機的魯莽駕駛行為感到極度憤怒，尚希新巴有關高層能予以監察及嚴懲此等岡顧安全及駕駛操守的無良司機。
天若 / 03 Derbi Boulevard
|
3/6/2004
|
落雨駕車會壞？
前日我駕super four，期間突然大雨，好大個隻，之後風乾一晚，發現車的引擎聲唔同左，怠速低左( 1500 b4, now is 1000 or under 1000)又時上時落。何解？大師，救救我吧！
YM Chiu ghostkid20@hotmail.com
可能火咀cap有問題,又或且油缸入水,如幾天後問題持續就雖要檢查.
|
3/6/2004
|
換頭牙
老鬼你好:本人的車係 CBR954 本人想問下如果更換?牙細一齒係咪會另部車低扭強d 及慳油d架，如果換左?牙細一齒又會否出現實際車速與?子表板有出入而超左速都唔知呢? 及換左有乜好處和壞處呢??
jacky請不要登 E- MAIL thx
你指係尾定頭?多數人會換大尾牙,一來可show比人睇,2來容易買到,換大尾牙起圍會快些,但波段就會早盡,由於咪錶不是跟頭轆,速度是有些微改變.
|
3/6/2004
|
炒車後部車條蕉唔識行
老鬼師父,我的Bandit 400v 炒車後,自己check 過部車,4條蕉之中,其中有一條蕉(右面第二條沒有排氣)冇料到,之後除下油缸再檢查火咀線有冇脫了,但檢查後發覺沒有脫了,那麼,我的車問題是出於那裏??Thanks a lot!
Jason owenjason2000@yahoo.com.hk
多數係化油器出現問題,落唔到油!
|
3/6/2004
|
更換電池
hi老鬼,近日每朝撻車都要按幾下掣至着到車.舊時沒呢個問題.而架羊二手買了兩年都沒換過.請問是不是要換電池.如果將近無電有沒有先兆?(腳撻已壞)謝謝!
greensea greensea@hkbn.net
如電池以用上兩年理應要換,舊電池燈光開始較弱.
|
1/6/2004
|
re:狂抄牌
本人在上星期的東方日報社會服務版見到有一投訴提及黑布街電單車違泊,因此短期內警方一定會做野,請各車友小心! 另外去信運輸署投訴是沒用的, 那班狗一定會說沒地方增設車位,信我啦Jacky! 因為我也曾投訴葵芳唔夠位,可是依然只有苦等!
yik bor tam" <yikbortam@yahoo.com.hk
|
1/6/2004
|
狂抄牌
唔知係政府'莫水'定係有人針對,呢排旺角黑布街諸聖中學行人路每晚大約九點就有一隻'o架啡仔'出沒,狂抄路上所有老電,(只係針對性抄老電,本人上星期親眼目睹條友係附近行來行去,成街私家車亂泊又唔抄,的士小巴擺晒係街又唔趕,淨係抄老電!!!!),請各車友小心。其實附近得咁少位,我都唔想泊行人路架,所以本人已去信運輸署投訴唔夠位,希望各車友可以一齊寫,令政府正視問題。
Jacky (Please don't post my e-mail)
編按：你重可以向【香港電單車權益大聯盟】投訴，俾D資料佢地。(下載表格)
|
1/6/2004
|
法制問題
老鬼你好：本人得個p牌點知比個差佬告話我"無原因在行人路行駛", 唔知入罪會有什麼後果...
rickyhui@mail.hongkong.com
有關P牌問題，可參閱【鐵騎信箱FAQ常見問題】一欄，有多項關於P牌的問題。
|
30/5/2004
|
2手CB400SF
本人想買一架2手cb400,有以下問題請教；cb400，既年份生產咩型號。big one 同 version s 喺車身零件同裝飾有咩分別。
tommy thx 不要登我的e-mail thx very much
第一代基本版Big one依希印象係92年投產？有大架，但仍有分冇油錶及有油錶款。其後94年開始有方豬頭Version R和行PGM點火程式的Version S出現。冇大架，黑色死氣喉，尾截可換kit喉，PGM燃油管理及Nissin掣動卡鉗。耐不耐又玩下紀念版等。年份久遠的CB400SF，配件例如啡呤油缸等部份有可能係其他CB400SF身上借過來，所以係車身或零件上搵特徵，可能會唔係咁準確。
|
26/5/2004
|
新車保養一問
你好!我剛剛買了一部全新cb400 v-tech3 因為我係第一次買新車希望keep得佢靚靚仔仔企企理理,請問你日常要點保養?此外我買了臘水(軟性)是不是只可以用在車身部份?其他機件該用咩清洗?(例如死氣喉和金屬部份)謝謝回答怳身體健康!!
bank wong peggywong03@netvigator.com
電單車外表上的保養，主要分成幾個部份：車漆，電鍍，人造皮位，塑膠和橡膠。要部車新淨，落雨最好唔好用車。另外每一次用完車後，都檢查一下車身或電鍍部份有冇沾上污漬。有就用清水沾濕軟布輕輕抹走佢，再落番個車秊防塵。車漆和電鍍都可用打臘保養，但人造皮和塑膠橡膠等物料，就要避開臘水，改用牛魔王對付。鏈油產生的油漬，可用籃威寶開水抹走。注意前叉筒腳有否被沙石或迫力粉侵蝕脫漆，最好一開始打陣臘上去，再貼一張透明膠紙保護前叉筒腳的部份。如果你真係咁做，咁你就唔係部車o既主人，反而成為佢o既奴隸。每日開完車又要抹又要洗，服伺佢重多過服伺老母....部車靚仔的話，又驚俾人偷....所以老編 只會注意機件保養，但係就一定唔會洗車，留番一浸「天然保護色」防賊仔。點做你自己唸唸。
|
26/5/2004
|
你好,本人架車係habana 125 今日加左隻叫佐敦686雙向防盜,想問下D隻牌子,雙向達幾多米?因說明書無寫.本人測試過在空曠地方大約110米都cannot,係咪架車車身係膠有影響?有無得加強接收?邊度有?how $.$?又有咩方法保補救呢 ??THX
Tse Wing Kuen kuen26@hotmail.com
佢應該有條獨立接收天線,將佢外露接收應該會好d.
|
26/5/2004
|
想問下乜野叫turn 吸，同乜原因架車先要turn 吸？？
tommy不要登我的e-mail thx very much
一年應該有一次完整清洗化油器同調較,人們所講turn吸是指調較.
|
26/5/2004
|
SF 400 VTEC 1
老鬼你好：本人架車唔知點轉波時十分大聲，1.2.3.波最響，請問應該是什麼問題，如果要整既話要幾錢？
kai lee kai9494@yahoo.com.hk
可常試先更換機油全合成10-50w,試下有否好轉,如經診斷後整波箱都要2,3千元.
|
26/5/2004
|
拖波技術問題
hi你好本人係岩岩轉渣cb400的但渣了幾個月未能掌握拖波技術所以麻煩就賜教^^我而家拖波方法如下但唔知有無錯誤而令到傷車引擎時速70km當時用4波預備停燈口>落尾制動>拉極力子>比大空油(大約8000轉)>踏落3波>慢放極力子(些時會覺得部車衝前)>收油(部車就減速了)>落頭制動但我亦試過唔比空油踏落3波會聽到好大聽卡一聲同埋放極力子時引擎被拉高轉數請問咁樣係咪好傷車呢?如方法錯誤請賜教正確方法給小弟^^alien boscoh1129@hkbn.net
只是動作過慢,比空油不雖要看轉數,車子衝前是拉極力子過長時間,車便變成空波滑行.個人意見,我會先只用頭迫力減慢速度,再用機器拖慢車速,造法正確,可能動作不流暢所致.
|
26/5/2004
|
老鬼你好,本人A博士小綿羊日前去入油時,入油亞姐唔留意流瀉電油,流倒車身,佢唔好意思用布沒番.我都無所謂.但後來發現流瀉電油位置,留有一躂躂,淺色.唔知有無辦法還原.這車入油位置在車頭鎖匙位側.
tangchithung@hotmail.com
唯一方法只能打蠟.
|
26/5/2004
|
部車唔知點解勁左?
上過星期我自己駕開的電單車,開到五波五千左右就開始上得好慢,但唔知點解今日同昨天部車感覺好似勁左,由五千轉再上都升得好快,不
過這二天都趕時間,所以比較平時谷部車.是不是d 電單車要谷佢先會爽???(因我平時都唔會谷部車,只會慢慢行keep 住5000轉 左右)
jason wcl997@hotmail.com
平時架車只是不在正確轉數與波段,如今這並不是谷車,只是每個波段用了正確發揮架車的power.
|
25/5/2004
|
係咪因為我係女仔呀...好蝦d?
早上6點幾返工我係兩條線既中間攝左去右線等轉燈當時都無咩特別,到轉右時,旁邊左線既司家車無品男人又係轉右,但佢就好刻意地一路轉一路迫近我(因為佢睇住我個位轉),仲爬左我頭,咁岩40米之後有燈位,佢停係我前面.仲要好串咁落車窗,超我....好似我唔岩咁(係我係攝車.但又唔係攝佢唔駛咁呀,人命黎嫁,有人受傷好開心呀)..後面架van仔都見到佢成個過程.佢停左係我左邊線之後都睇下我有無事咁,我當時覺得係我攝車,所以佢玩野,咁我又好似理虧在先,所以我都無理佢開車走人.如果佢唔鐘意人攝車既.係咪可以講呀.唔駛咁呀.世界警察呀?搞到我無咩事都唔敢攝就算係停左車等轉燈都係咁話,費事辣著d痴線佬
SINDY/suziki AN150
|
25/5/2004
|
雖然唔係我炒車,我係救人果個,但係現場見到炒車都係唔開心.....
22/05/2004 晚 - 原本開開心心同幾個朋友去西貢漫遊,去到安達臣油站入油,突然間聽到有車炒埋欄聲音,跟住油站有一男一女途人同我講你地有朋友炒車,我二話不說同兩個朋友走過對面馬路睇睇發生咩事,我第一時間攔住D車,唔好俾D車行,其他朋友就去睇個受傷司機,原來唔係我地朋友炒車,係一個PGM III 炒車,只係見佢不斷想扶起架車,我就叫佢坐埋一邊,搵朋友睇住佢,我就推架 PGM 去安全地方.
車主事後檢查傷勢,見佢手腳受傷,驚惶失措,我問佢要唔要報警,佢死都話唔好,後來有架交警鐵馬經過,見到我地,就停車問咩車,個車主話佢行緊快線(開緊70左右),突然左邊有架小巴cut 線,攪到個車主頭轆撞膊自炒,亞Sir 問車主拎車牌睇睇之後,問佢需唔需要去醫院同埋訓話佢一番之後就走,後來我問個車主係咪新牌,佢話係,仲同我講,自己好守法,之後我就話佢,你係守法既,點解唔掛P ?其實亞Sir 問佢拎車牌時,我相信亞Sir 都知佢P牌冇掛P , 可能亞Sir 覺得佢受到應得既教訓.
走過對面馬路救人時,自己都係車多既馬路上穿插,(好危險),夜遊最好有件反光衣,新牌應該要掛P,發生意外時未必個個人都識得點做,心理壓力好大就真...祝車主 Get well soon 啦......
大隊長
|
25/5/2004
|
7毫幾一公里正唔正常
老鬼你好， 我想問下你一架 94年0既 Steed 要 7毫幾一公里正唔正常 ?Thanks
june june june_hk_2001@yahoo.com.hk
用原廠喉應該唔駛,可先檢查火咀風格,有需要時可清洗化油器.
|
25/5/2004
|
頭迫力問題
本是駕駛Honda CB1 電單車,近日發現當用頭迫力停車時,車頭便跳下跳下,請問是頭Fork問題,還是波子盤問題,又或是其他問題.
wai (pls don't snow my e-mail )
波子盤,頭轆啤呤是可以檢查到,有問題才更換,不雖要估.
|
25/5/2004
|
改大氣缸問題
老鬼你好?小弟有一問題.我見某車行有代客改大中缸,聲稱可以加強馬力.但我也聽見一些車行的人講這是壞處多於好處.例如埩口會頂唔
順等問題,這是真的嗎?多謝回答
Rolan Leung請不要SHOW我的E_MAIL
改大中缸後還要加大遮呤,的確還有些佩套還要跟尾,如有完善的改裝是可以另車輛馬力加大.
|
21/5/2004
|
你好,我想問SHADOW 75O的車鈐生秀,有也辨法去秀及冇咁容易生秀.THANK
SPY [HeadoFFICE] 1020@SpyHenryLau.com
輕微生銹可試用0號鋼絲綿輕力抹去.
|
20/5/2004
|
磨合方法問題
睇完你地既新車磨合方法之後我有個問題, 十幾km 就要換機油點解我地唔"架"起架車run-in 左先出街呢 ??其果係咪多的用架車既唔同波, 多的try 唔同油(speed)就ok ?如果之前無乜用咩方法run-in 架車會點gar? 又有咩方法保補救呢 ??THX
Man Chan PLS dun show my email
根據「強硬派」的說法，其實要run-in部車可以係DYNO機上進行。但如果只係係靜止狀態扭空油，引擎係無負擔的情況下運作，和真實情況不同，效果唔會理想。我地相信，run-in好與壞，都係講緊10%差別，大馬力跑車在正常用車狀況，分別不會太大。
|
18/5/2004
|
Super Four big one 上斜冇力
Sorry, it's me again asking about the same question on the 5000rpm power lost problem. I have the same experience with RONNIE LAU about the 窒油好煩呀 topic! It's really like high speed 跑馬仔. I check my bike myself today, and to my surprise I found out the coolant is totally EMPTY!!! I don't think there is any leakage because I don't see any liquid on the ground where I park. So I fill up the coolant and the power becomes better a little bit. The engine can go beyond 5000rpm a little easier, but it still don't have the acceleration power as before. Will the engine coolant affect the engine power? Or it is just a coincident? Please help!!! Thanks :)
Benny bc77bc77@hotmail.com
我不是不想回答你的問題,而是你必需到車行進行檢查,加上你今次再發現食水現象,從文字上我就覺得你架車己經燒了(埩口),所以引致車輛無力,請你盡快找人檢查,否則......!
|
18/5/2004
|
剎頭迫力 譏譏聲
老鬼你好:本人架車係 CBR954 今日換左新頭迫力皮.....但落迫力時明顯聽到迫力泵傳來 譏譏聲......以前都有....但換完皮大聲左好多....點解會咁既.....請指教.....多謝
jacky 請不要登本人 E-MAIL
如換皮時己(飛了皮邊),這是正常聲音
|
18/5/2004
|
極力子問題
因為我要現在駕的電單車感覺要放鬆很多極力子才有料到.(但有D朋友話可能係威也調教問題)聽朋友講如果真的到期高速會出現打滑現像, 真的嗎?請問怎樣才真正能知道極力子到期要換呢?如有方法_可否說明測試方法請不要SHOW我的EMAIL
最明顯就是感覺比油加速時轉數快過機器轉速.
|
18/5/2004
|
新車run-in?
你好本人第一次買全新車( SF 400 VTEC III) ,請問落地後是否須要 Run-in 呢? 如何 Run-in ? 及何時換第一次油呢 ?
kim ( Don't show my e-mail )
照計車行應該會同你講點run-in部車。新車最緊要係第一次換機油之前唔好有大動作，基本原則係頭個500km引擎轉數唔好超過可容許轉數o既一半，等換左第一次油後，引擎轉數可以提升至可容許轉數的七成。等1000km換埋第二次油後，便可以放心玩。要注意o既係，新車run-in期間唔需要用靚機油，亦應經常轉波，讓波箱run-in。車速有快有慢，每一個波都要轉下，咁樣先至符合溫車的意義。
|
17/5/2004
|
大鯊150俾的士佬逼到埋身
地點: 中環干諾道中近美道. 時間: 下午4時多. 那段道路限速50km, 兼且成日影相. 我己經中過兩次招, 所以每到個段路就會收慢到50-60km/h. 今次行右線60km/h,已經超速,個度係雙白線. 後便一架的士車頭逼到離我3呎左右, 仲要不斷響安嗺我, 響佐好多次, 但我堅持原先車速, 架的士響響下無癮,cut 線走佐.唔通的士佬為佐搵食, 會不顧一切？真係俾佢嚇到心驚膽跳~
samuel
|
17/5/2004
|
警察大細超??
今日又去大浪灣,又發現電單車位被私家車泊左(經常係咁),致電999後冇耐,有警員到場望兩眼就走左,唔通.....識嘅?下次將電單車擺私家車位,唔知會點呢?
chi hang cheng(請不要登出e-mail)
|
16/5/2004
|
電單車重量及加速力問題
今日我借了朋友的CB400 Super 4 發覺佢的車好大力同加速好快起,因我平時駕的是250cc 的電單車,想問下 400 c.c. 的綿羊仔是不是都同CB400 的加速力一樣?(是否同佢一樣有咁大力?)
jason wcl997@hotmail.com
400綿羊除了Silverwing400係並列雙汽缸外，其他都係單汽缸。CB400SF係並列四氣缸，而者冇得比。但因為自動綿羊唔駛轉波，而CB400SF要轉波，實際戰況就要睇駕駛CB400SF的轉波技巧。正常來說，0-50km/h兩者應該差唔多，但跟住就會俾CB400SF拋離。
|
14/5/2004
|
Majesty 250 計油一問!
Majesty 01/02 , imported used, private trading, ODO 係23000Km, 我係半個月之前換左一次Motul 300V 計油, 依家行左1200Km到,就發現無左550ML既計油, 點解會咁既, check 過, 應該無[留]計油, 係咪燒左..?why咁新既車會咁?有乜方法可以做?要整既話要幾錢?唔該解答!!!thanks a lot!
chuen kwong tang Don't show my e-mail....
一係上次入油入唔夠.找平地,起大架,凍車時量度,以油尺刻度為準,你能準確量度少了的份量,會否你是在放油時計算,是關機器內好多地方藏油,放油未必能放清,別為此自己嚇自己,如肯定食偈油,小修都要2千元到.
|
| |
|
|
|
 |
|
