|
|
|
FAQ常見問題 |
|
|
14/5/2004
|
cb250車問題
想問下我部車是入多少L 机油,行多少公里才要換油?
jason wcl997@hotmail.com
都成1.3L,每3000km更換就最理想.
14 May 04
窒油好煩呀！
|
14/5/2004
|
窒油好煩呀！
我都有類似問題, Suzuki/GSX750/02'街車,全新行車.最近每逢將車開到100km to 110km定速續航時,轉數就會於5000或5500轉突然跌掉500轉,當然再加大扭油啦,但都未能將轉數回昇.有時重會有4至5秒轉數 上500、落500 小型高速跑馬仔添,車速係感到加大油反而令車又去又唔去禁,好古怪又大咬,平時用開0.54/km 而家用到0.64 to 0.70/km,攞去代理整又試唔到!又試換伙咀,即時再試走120km路程 官塘 去 吐露港 屯門 又走一轉又係一樣!!!其實於兩個月前已經試過係禁,代理又試唔到.不個到最後1,2波都係禁,先可發現可能係三星問題,並將4粒全換掉,就正常左2個月.又試開始有問題,本來架車好好玩,但係宜家又好煩又唔安全.請老鬼大師傅指點指點!!!!!!!!!
RONNIE LAU ronilau@hotmail.com
由5亳去到7毫的確係有問題,如果係原廠死氣喉更甚,如換了3星就有改善,問題應再次在化油器裏面,可拆火咀觀看是否正常,佢地試唔到可能沒有駕駛那麼長途,疾油這問題是可以斷尾的,如你這說我會檢查供油系統,因你是長途在定油門時發生的,化油器內浮波高度也要檢查.
|
14/5/2004
|
現在電單車三保收費約多少？
我想請問若果不是新牌或新齡出一輛400cc的街車，沒有NCB，三保收費大概多少呢？
K F Tsang jrfung@netvigator.com
點解唔試下網上問保費呢？--->>按此
|
12/5/2004
|
Super Four big one 上斜冇力 (2)
After 5000rpm, engine rpm rise very very slow even giving full gas, and the bike has very low power. This happens in EVERY GEAR. Below 5000rpm, power is very normal. Please help again!!! :)
b c bc77bc77@hotmail.com
過唔到5000轉!之前有否自行更換過零件,油缸入水,火咀風格,電器,真係要試車至知.
|
10/5/2004
|
Super Four big one 上斜冇力
I have a '94 super four big one, one day it suddenly lost it's power at each gear after 5000rpm. So I change the engine oil and think it might help, but no it didn't help. Can you please tell me what might went wrong? The power is so poor that going up hill on Tai Po Road going to N.T. direction, I can not go faster than 70km/h even in 3rd or 2nd gear. Please Help!!!
Benny bc77bc77@hotmail.com
如果引擎表現正常，但轉數上而車唔去，就是燒了極力子。但如果只是2,3波才會發生又會是其它問題,為免問題惡化,早d去check下好d.
|
10/5/2004
|
我的cb250車問題
老鬼先生,今日動手換了CB250的(計)油,之前在3月21日入了1.5 升油,但到了今天換倒出來的的(計)油只有700-800 ML 左右,點解會少了咁多既?
想問下我部車是入多少L (計)油,行多少公里才要換油,是否要經常補(計)油??謝?!
Jason wcl997@hotmail.com
起了大架凍車時量度.如發現有食偈油現象一係就修理機器,一係就不斷為佢入偈油.油尺有上止點以這為準.
|
10/5/2004
|
(澳門車友Volty 250炒車報告)其他車友留言補充：
前掣動設計並不影響急煞時機車傾側的方向。 請重溫強制試的急停部份: 各駕駛院校提供的練習車皆為頭單碟。由於 健健車友 當時只有右手握軚竿，於急停時可能因緊張而伸直，產生推軚效果，故令機車向右傾側。節錄運輸署網頁:
"...司機在車輛行駛時，不論是否與他人通話，都不可手持電話...駕車時使用流動電話，會分散司機的注意力及影響他的駕駛表現，尤其在緊急或突發情況時，會影響司機的反應......違規者最高可被罰款二千元。" 詳見: 手提電話暫放下安全駕駛莫談話 http://www.info.gov.hk/td/chi/advice/phone_index.html
DV5 (Message post via crash form)
|
10/5/2004
|
發現偷車二人組
本人朋友把車放在沙田廣場後門停泊,回來取車時發現碟鎖損壞車子被移動,及發現兩個可疑人物坐在車牌XX 6736 藍白色SUPER FOUR徘徊,
事後我的朋友巳報警備案,現請各車友小心鎖好車輛留意可疑人物.
keiwu__r1@mail.hongkong.com
|
10/5/2004
|
回應hei yee lau
印象中由學車至考牌既時間都差唔多要半年,咁你渣左架車半年都唔知個咪錶係英里定公里,都好有問題0者......下話....同埋在考試前阿sir一定會提醒各學員...唔好去投拆喇.......比d心機再考過啦~~
巴治奧 請不要登本人email....謝謝
|
8/5/2004
|
賣車問題
你好,如果賣車時在傾好價錢下....亦日攪手續時原來卻在價錢上聽不清楚或誤會........(而對方已出保險)此時唔賣會不會算自己不守講明內容,而要賠錢呢或有甚麼理虧在自己呢(如果對方冇落訂)?還有如果達成協議我想問買方怎樣出保險呢(牌保在我手上),理應他出唔到,應點知,希望編按大人能為我解決問題,唔該
max lee max168175@yahoo.com.hk
Max兄你講野一舊舊唔係好明。你而家件事係發生左，定係未發生？買方要出保險，一定要有部車的牌簿副本先可以出到保險。咁你有冇俾佢丫？買賣既野，點會話係價錢上有誤會架？肯定係是但一方出問題，刻意含糊其事搏大霧。點解唔用iBike果張買賣協議備忘，寫低晒所有資料？
|
8/5/2004
|
你好老鬼先生，小弟架yp250最近先入了水箱寶,不過塞一陣車水溫針就升到大半,又唔知風把扇幾時先會開,通常d自動羊點咩先可以check到把風扇有冇自動開關?
Dolphin dolphinchiu@hkbn.net
正常會在紅區前一定開,如針到紅區都未開風扇,就要檢查風扇同感溫制.
|
8/5/2004
|
大鯊皇上斜冇力
老鬼, 你好想問問關於我部大鯊皇的問題. 2001年車, 一個月前在深水(土步)桂林街某間車行換佐皮帶同珠, 盤. 行佐3個星期, 架車開始上斜極冇力,加速都極冇力, 於是去另一間車行cherk. 發現珠仔, 盤嚴重磨損,極力子打柴, 轉唔到波. 再換珠 同極力子, 好佐3日, 但依家又舊病復發. 請問老鬼, 係咪壞呢? 應該`換d 物野?
Samuel Li，samuel@halewinner.com
問題係有否換一半唔換一半而引致同樣發生,如極力子皮與外蓋會否因之前磨損而不能與極力子皮佩合.
|
8/5/2004
|
扭力加速器疑問
如要安裝這零件會不會對其他零件有影響或引至壽命縮短
Ming kenandeva@i-cable.com
唔敢話有定無,因暫時還未修理過因裝這零件而引致的問題!
|
8/5/2004
|
老鬼先生你好,我架91年Bandit 400V請問幾多升先開士啤,因為我行到13點幾升都未開士啤,謝謝你解答
ctangh@hknet.com
如油箱開關制正確都應差不多因爆缸都係16L倒.
|
8/5/2004
|
回覆"hei yee lau"留言
看了hei yee lau車友的留言，替他不值，因為小弟考路試亦用英里錶車應考，該錶了用一黃點註明速度限制，多口一問學院導師，得知錶內大字是英里，小字才是公里，可能係這位車友考試時太緊張而忽略了這點吧，不過在路面上，點點忽略也可能造成終生遺憾．
Social（請不要刊登本人電郵）
|
6/5/2004
|
請問知唔知坊 道間有一牌 子（不知道名稱）的break皮（俗稱叫做綠皮），因為好似是綠色邊和日本做的和對此皮有什麼意見和 睇法？
Dick thx...pl dont show my e-mail...
我估你係咪講緊Galfer迫力皮？我地冇聽過呢隻皮有咩特別的負面評語。
|
6/5/2004
|
我考路試時,我用的電單車,個咪表好有問題!咪表是用英里表示,公里就用好細個,咪表在30英里上有個貼紙,我還以為這是叫考生維持30km/h,因為我不知道這是英里表,所以我就一加油好快就超速,所以我就不合格,我已經寄信去駕駛學院投訴..........請各位考路試要睇清楚la~~駕駛學院好9ar~~~陰d陰d咁~~
hei yee lau" <heiyeehk@yahoo.com.hk
(編按：雖然你冇問我地意見，但係老編都係忍唔住要補番句：如果你到考試，都竟然唔知道部電單車的速度計係英里或公里顯示，又或者行緊48km/h但係以為只不過係30km/h等等現象，正正指出你的駕駛技術和感覺嚴重不足，俾我係考官都會肥你)
|
6/5/2004
|
賠償問題
前幾天在紅隧口駕大羊 (T-max)隻後鏡撞甩左一架BMW 320 既左後鏡, 鏡冇花, 但甩左出黎. 佢開價 1500, 還說不賠的話叫差佬黎, 我想問, 如果賠贘傾唔掂的話, 傞佬黎會點處理 ? 會唔會扣分, 賠贘怎樣彌定?
Gary (don't show my email)
在沒有人命傷亡的情況下，差人一般都會建議雙方私下達成賠償協議自行和解。賠償金額冇一定準則，如果唔接受對方開價，可以睇車行報價先決定。不過對方一定會番原廠整，可能重貴。
|
5/5/2004
|
hi,我想問93BiG1400的機器空波燈制在那裏,和怎樣換?因為我想自己動手換.煩請再一次解答謝謝再一次為我解答!
KMLau kmlau2002@hotmail.com
空波燈制在頭牙蓋裏面,先拆波棍再鬆開個蓋便看到.
|
5/5/2004
|
2004年5月5日晚上六點半至九點,我在旺角染布房街電單車Parking泊好位收好倒後鏡, 但攞車時, 發現被一隻力大無窮 <<小綿羊>> 拉爛了收好的倒後鏡.完全感覺是有心拉爛, 後鏡明明是好地地收好.大家都是用電單車的人, 將心比己, 如佢部車都比人咁破壞又會點呢?不小心? 如大家都是愛車的人, 不可開車時小心開出嗎?原本想咒佢抄車, 但寃寃相報何時了? 現在自己好心痛!我領悟到唔通泊車要帶個大鐵籠鎖車? 請大家用電單車的人同樣愛護他人的車啦!
Stephen / 99 Fazer (Message post via crash form)
|
5/5/2004
|
小妹渣ET8架,有日係大斜路比盡油上斜時,突然架車去唔到,好似CUT左油,比油冇反應,停左一邊CHECK電池、火咀,但都係撻唔返著架車,於是拖去車房整,佢話油管塞左所以落唔到油。想請問咩情況下油管會塞?有咩野要更換?如何避免此情況再出現?
CARMAN carman@tungngtse.com.hk
應該係鬆了索風喉或電油泵壞引致落唔到電油,除非油缸勁生銹,否則好難只塞電油喉.
|
5/5/2004
|
老鬼先生:你好!我係渣 @150 的, 我覺得部車起步好震好唔順o甘, 過左大約10km/h 之後就會順番冇呢個情況, 我返過代理 check, 佢地話冇事, 轉數亦正常, 我每一千亦會換油, 請問點解呢 ?Thanks
Jim Jim.Tse@gammonskanska.com
這是自動羊起步時的通病,不知震動是否強烈,如已檢查珠和極力子皮接觸面沒問題,這便可以.
|
5/5/2004
|
燈位問題?!?!
你好!!今日有些有趣的事情,想和大家分享!!本人今日抯車在大成街一個燈位,是2條線的.我正在燈口,(即第一個)隔離線又有一位交通警員,正常來說,哪個燈位應該1分鐘到轉燈,但我等了足足3分鐘都未轉,(交通警和我一樣等).之後,我問啊sir,盞燈係唔係壞左呢?!?!啊sir之後話,可能咁 o岩我地兩架細車o係最前,個感應器感應唔到.之後示意我駛前少少,叫後車駛到我個位.跟住 o個盞古惑的燈真係轉左!!真過#30270;!!
我想問個個燈位係咪有感應器?!?!如果有咁o既情況,而後面又冇車...咁咪唔駛指意過個燈?!?!應該點處理好呢?!?!
me仔!! hauyufong@yahoo.com.hk
咁係因為地下裝有磁場感應器的關係。你可以試下係車底附近位置，放一塊細細地o既攝石，然後停車時對準地面裝左感應器的那部份路面，便可以解決到問題。
|
5/5/2004
|
查詢燒焊死氣喉
老鬼先生，我#25592;緊部 Yamaha Virago XV400，我#21873;#21873;發現死氣喉下面個死氣鼓穿#21655;，可否提供邊度有得燒焊，又經濟又穩陣呀？同埋我個Seat 位皮開始老化，有無地方可換皮呀？唔該老鬼兄！kin chung Yeung cy809@yahoo.com.hk
所有車行都有做這兩樣維修,燒喉就要睇位置有幾大來訂價,包坐位就3舊零水.
|
5/5/2004
|
老鬼先生你好你好!小弟架00Burgman400最近塞一陣車支水溫針就差不多見紅,塞完後水溫回落到中問,會唔會天氣熱左,請問係唔係正常?Thanks!
Wing ksw3009@yahoo.com.hk
可更換水箱水和檢查風扇是否正常自動開關!
|
5/5/2004
|
Forza保養問題
老鬼先生:我想問Forza 250幾時要做換皮帶, 珠仔, 偈油, 尾牙油等保養工作.
HEI 請不要登我電郵........thanks
18000-20000km更換皮帶和檢查珠,極力子皮,偈油每2500-3000km,尾牙油每8000-10000km.
|
5/5/2004
|
保險一問
請問我係一名P仔, 渣緊綿羊, 仲有三個月甩P, 現在想轉手波250cc 車,而架綿羊的保險今年9月到期, 手波車保險係$3,xxx 幾, 咁請問:
1) 到期的綿羊保險10%NCB 可否轉去手波車度呢?
2) 定係兩份保險各不相干的呢?
謝謝解答. KW上 (請不要登出e-mail address)
以我們的理解，綿羊保險是不適用於手波車保險，即係NCB要重新計過。
|
3/5/2004
|
窒油
請問: 我隻羊係新車o來ga，我已行左1500km，但只在500km 時換了一次偈油！請問這樣有無問題ga????仲有，更嚴重是：我今日渣渣下隻羊，發現佢"疾"油，點解會ga???多謝指教...
都係時候第2次換機油,順便叫師傅試下點想疾油.
|
3/5/2004
|
hi,我想問93cB400 Big 1空波燈有時?燈有時熄燈,是什?原因?謝謝你解答.
kmlau2002@hotmail.com
如入波正確,應是機器空波燈制損壞換了便可以.
|
3/5/2004
|
老鬼先生:你好! 我部二手Yamaha Maxster 125的里數錶壞了, 不能作任何設定, 時鐘、里數錶的數值又不會變動. 有冇得修理呢? 定係要換新的呢?我打去萬里達問, 佢話佢地只代理maxster 150, 無代理125, 125係意大利車喎. 而150既里數錶又唔知道 可唔可以裝落125呢?萬里達無代理呢個型號, 咁可以聯絡邊個, 去搵125里數錶呢?
枯葉上ip leaf leafleafleaf@hotmail.com
可嘗試去有賣水貨車的大車行詢問,電子零件我都答唔到你有無得整,可能鬆左電線,亦可能燒左,sorry.
|
3/5/2004
|
我在今天考路試(沙田怡成坊)，但是「肥了」。因為出街「落腳」!其實有沒有一個好方法可以防止停車時落右腳?好唔開心!!!我已決定在明天去報Reapter和排路試(真係唔想下次又肥，出街落腳或8字)
WONG Ho Ying請不要刊本人的E-mail address
註：我的身高有1.8米
當車身重心傾向右邊時，將把手擰向右邊，會把重出帶回左邊，可以減低落右腳的需要。
|
30/4/2004
|
尾牙油問題
hi,我想問汽車用的尾牙油可不可以用在綿羊身上.有沒有分全合成或半合成尾牙油? thanks!
greensea greensea@hkbn.net
只要達80w-90w便可以.
|
30/4/2004
|
hi,老鬼本人買左一架RVF400,1.我以前楂過VFR400行一公里要$0.6.而家架rvf要$0.83行一公里.我覺得好大咬,有咩方法可以改善.2.起步和加速冇VFR,CBR400,SF...等咁快.如果換大扭油會唔會好D.咁又會唔會 大咬左.3.正常行車應該用幾高轉數.
kenny"請不要登本人E-MAIL"謝謝
如全完裝車就要檢查一下火咀,風格同化油器,大扭油只是拉近油門威也與化油器開合角度同行程,並不代表架車實際上快d.駕駛自行決定,無車無人未炳高d.
|
30/4/2004
|
有關上壆問題
hello,老鬼師傅你好,本人渣緊部 @150, 而我架車經常要泊上壆位, 我想問經常上壆既話會唔會影響架車既,前頭fork 既呢? 還有老鬼師傅可否教我上壆既技巧呢? 因為我每次上壆既時候都是比油向前衝上個壆度, 但有次個頭轆上到而個尾轆上唔到, 差小小炒底埋, 真係嚇死我呀!! 謝謝你的回覆
ahten siumingten@hotmail.com
綿羊因為車轆較細的關係，上壆會比電單車難較。首先係唔好揀太高的墏上，例如有5-6吋高的壆，綿羊要好小心。第二點係利用頭Fork彈簧的回彈力，減代頭輪的負苛。即係在頭輪即將掂到路壆時，扣一扣頭迫力讓頭fork下沉，然後把握頭fork回彈的時機，俾油把頭輪駛上路墏。頭輪上了之前，你可以停一停，雙腳落地企起身，減代車身負苛。再慢慢俾油讓尾輪上墏。留意尾輪應與路墏保持小小距離，才能順利駛上路墏。整個過程應在慢速柔順中完成，唔使衝唔使撞。
|
30/4/2004
|
我部yp125好難先撻得著車!
老鬼先生:我部係99年dx125(yp125) 我部車成日都要按住點火制10秒度先著到車! 有時要按兩三次先得!同埋我部車本身已校就轉數(上手同我講係3000rpm)!唔知有咩計可以令我部車易撻著d呢~~~~~~麻煩你指點!!!!
新手上! test@yahoo.com.hk
難著車會有多個原因,自動chock會在著車時另轉數高些,之後會回落到1200-1500rpm,可常試清冼化油器同檢查自動chock制
|
30/4/2004
|
老鬼你好: 本人架runner 4沖已在 18000km換皮帶同珠仔，行左幾缸油覺得比以前耗油多左，火嘴風隔都換左，我換左輕珠仔會唔會係咁原因，點解用輕珠仔覺得架車比用原廠珠仔振好多。
Hong 請不要登我電郵........thanks
輕珠離心力較強所以會覺得比較震.速度快左耗油量多些小不足為奇.
|
29/4/2004
|
偈油消耗問題
老鬼先生: 我揸緊架SUZUKI an400 (化油器版), 三月換偈油放油時發現有1公升油不見了. 我架車於 07/02 新車(原廠)購入, keep 住3500公里左右換油一次, 每次換1.9公升或2公升(連油隔), 油隔就每7000公里換一次。偈油用Castrol R4 油, 油隔就用原廠料。12/03/04行到30561公里換揭油, 放油時, 只得返約1公升, 1公升油不見了, 到25/4/04行多1810公里至32371公里, 再check 偈油, 又發現0.4公升不見了, 亦即刻補入0.4公升油。請問會否因平時駕駛習慣不好而令偈燒掉了呢.....(因我習慣每逢燈口位或隧道繳費後, 就大油加速, 平時行highway keep 住 110左右。 如我交架車去車行又可循甚麼途徑check 架車呢......價錢又大約幾多呢(貴定平).......多謝老鬼師傅解答!!
Michael. 如無必要, 請避免顯示本人之電郵地址.
如確定機器食偈油,小修機器是必須的,價錢要3千元超,視乎須要更換什麼零件.通常人會看因為只是綿羊而把車子用盡,其實下下把車keep於高轉數,機器壽命自然減半,如下下過舊不如下次買架大車會比較適合.
|
29/4/2004
|
有關 PGM 4...水滾及保養問題
你好.....本人由 Super 4 轉楂 PGM 4，由於本人冇楂 2沖 車經驗，想問幾個問題。
1. 水滾溫度係幾多度..? 我試過於過紅隧 表板顯示出 113度
2. 如水滾會對架車有也影響..? 或會出現也野情況...? 應該點應付...?
3. 一壺 2T 油...可以行約幾多工里..?
4. 正常....一公升油可以行幾多公里..?
5. 常有人講...話2沖車一定要Keep高轉數..楂車...? 要 Keep 幾多...?
6. 我自已楂車....常用3波約7x公里..7 千轉左右....算正常嗎..?
Lee Leung **請不要登我電郵**Thanks....謝謝 !
正常水溫應在80-100度,偶然去110並不大問題,但經常過熱會另到燒埩口和覺得架車腳軟,正常3-4缸油用1支2t,油費為6-7毫1公里,由於2沖低扭較弱,所以keep轉數比較高,然而慢車會使車子出現(笠)的倩況,只用3波車死並不識合這車,應常試用更高波段.
|
29/4/2004
|
老鬼先生你好!請問Fazer400同super four整體上有咩分別,因小弟之前抯過super four,同埋Fazer400似唔似super four坐位下有儲物室?Thanks!
Wing ksw3009@yahoo.com.hk
除左大家都係400cc外,成架車用料外觀都不同,詳細知料可在本網站找到,
|
29/4/2004
|
hello!我叫呀mon!小弟剛剛想買Shadow 750,架車大約行左30000頭公里,製造97,登記01$39000,第二首,小弟想問在$合理?30000公里會否已經行左好耐??想問如果買要注意什?????要Check 些什????如果有空可否比些專業意見???感激..........................新手
Mon mon7429@hkbn.net
應注意機器同車架號碼是否正形,機器正面和底部有否漏油現象,避震亦應注意,
|
29/4/2004
|
Hello,My KYMCO 150 when go smoothly aroun 60km/h. Then I lose had to let it slow down. It always had a very loud "pop" sound from behind. What problem is it? What parts should I check? How much to change that part?
Mabel mabelng@so-net.com.hk
化油器風油比,風格,火咀都有影響,但先檢查死氣喉有否漏氣情況.
|
29/4/2004
|
想請問150羊的皮帶和珠仔應該行幾多公里至換?
Alan alanchanangel@netvigator.com
萬5公里更換皮帶,珠可在這時檢查是否雖要更換!
|
29/4/2004
|
CDI問題:
老鬼師傅你好, 本人是一個P牌想問下CDI是什麼東西. CDI是不是行i車先用到嗎?
KenLam (請勿Show我的E-mail, 唔該)
有些人會說黑合,ignition control unit亦可說是電腦,有大有細視乎車種而定,係車都有(勁古董車例外).
|
27/4/2004
|
比條仆街貨車司機嚇親
今日下午2點10分放工時候，喺彩虹村對開橋位，即龍翔道向葵涌方向的天橋落緊斜路，俾條仆街貨車司機 (條廢柴揸5.5頓貨車，少黃白色底，車牌KU6809) 追住車尾嚟咬，當時我行緊快線，可能條仆街嫌我慢阻住佢，(我當時行緊約80公里左右，該段車速每小時應為70公里) 條仆街加速從邊過咗我之後再即刻駛回右線 (我當時仍在右線)，然後特登用車尾掃過來夾我，想我自炒，好彩我當時臨危不亂，輕扣扣頭brake，才能避過，如果係無經驗的新牌仔，肯定炒埋中間條石礐度，他過左我之後一路左穿右插，逢車過車，舞龍咁舞咁揸法，(好似要表演比其他司機睇，我手車幾快) 當時肯定有好多司機和我一樣，比條仆街嚇親，當時我條氣梗係唔順啦，一路由龍翔道追條仆街，直至龍翔道過咗亞洲電視才追到條仆街，跟住伸隻左手用粗口手勢 X 佢。鴉！條仆街又咋帝睇唔倒，真係比吹 X 漲，唔怪得香港地咁多車禍啦，多左啲咁嘅無良司機，須知道汽車是用來代步，而唔係用黎賽車，(因部車隨時都會變成一件殺人武器) 唔係叫你嘅街度左穿右插，咁做法係會影响其它的道路使用者，如果想賽車就過澳門或珠海啦，奉勸各位駕駛人仕自重，及留意此無良廢柴貨車司機。
Simon Chan (請勿Show我的E-mail, 唔該)
|
26/4/2004
|
HUASHA VINI 150 死火問題
老鬼師傅你好, 小弟架車行了7500km, 己換火咀,偈油和check風格,近排slow車經常死火,車行話因slow轉數太低,己嚐試較大些,情?有改善,但行多300-400km後slow轉數便會自動下調又再次死火,本人於是又再次調高,之後又自動調低,如是者已4-5次,起初以為行車時的震動令調較slow的(羅絲)鬆脫,但check過唔係,即係話調較slow的(羅絲)只會越扭越大,同埋當每次調高後一次比一次食油,由起初$0.33-$0.35一公里去到$0.40-0.42一公里,請問有什?解救?
alanchanangel@netvigator.com
車行如發覺不是slow問題應該要同你調較風油位才對!
|
26/4/2004
|
保養問題
師父，請問CB 400水箱水點換?Folk 油同彈弓幾時為知到期要換?洗吸點洗架?Runner改裝合金副水箱改善到漏水情況嗎?點換珠盤架?
YM Chiu
正水箱蓋在油缸下,先要在水泵拆縲絲去水,靚水箱水是帶有油性的不要在街自行更換,而且還要找水喉(谷洗)水箱內部.fork油應一年更換一次,fork彈弓是要感覺的,兩者都可找車行代勞,runner多數是水箱蓋膠圈承受不夠而漏水.
|
25/4/2004
|
Charging for ad
Dear ibike, It's a shame that you have to start charging for placing ad for selling bike. You just join the dealers and try to protect their interest, not considering our consumer's right.
I myself had been successfully selling two bike in your page without any complain whatsoever. You start charging, people like me will look for other means and I ganrantee, sooner or later a new free site will be replacing you, because you are charging us.
Learn from web sites from other developed country... you see ANY motorcycle web site charging their reader who paste ad???!!! Feel sorry for you.
Raymond Chan raymondwchan@netvigator.com
A bike rider and ex-ibike.com.hk reader
|
24/4/2004
|
cbr1000rr
我架車係cbr1000rr,想換尾截死氣喉,但要放棄死氣喉個嘩佬,要不要tune車呢?唔tune會點?
yiu wing wong yiuwing27@yahoo.com
要睇下你裝咩牌子!分分鐘好似賴屎咁聲!
|
24/4/2004
|
拋光一問
我係渣CBR400架！我想幫架車個車架拋光唔知得唔得架呢？如果得咁係邊度有同埋幾錢呀？唔該！
JUSTIN skac@netvigator.com
當然得啦!一般車行都有做,價錢就睇你由邊部份起.
|
24/4/2004
|
死氣喉問題~thx~
老鬼你好~~~我部大鯊皇(125二手)近來發覺著車或慢行的時候死氣喉有響聲(啷`啷~啷~咁)~之後我換左油，皮帶，珠仔之後又細聲返究竟何事呢？怎樣解決?還有的是我發覺條喉生銹得愈來愈利害(但又未穿)怎辨呢？能用鋼塑土將整條喉包住嗎?????唔該老鬼師父幫忙
evozero@mail.hongkong.com
個d可能係機器起動時珠盤離合時的聲音,如候未穿應先用沙紙把生銹除去再噴高溫油會好d.
|
| |
|
|
|
 |
|
