|
|
|
FAQ常見問題 |
|
|
8/4/2004
|
回應不見車牌﹕
我記得要去差館報案,取得報案紙先至去運輸署補領,如果?車牌牌薄嘟?一樣做法.（行車証就唔洗,只?帶牌薄和銀紙就可以）
jess jess822@netvigator.com
|
7/4/2004
|
老鬼師父你好,本人剛買了部GB250 (clubman), 因申請不到月租停車場, 只好泊路邊 請問GB250是不是"高危"車種?Thank you !!
Colman cnworkshop@netvigator.com
GB250唔算係高危車種，但都不排除賊仔會對佢有興趣。電單車被偷的風險有多高，除了車種外，還要視乎泊車地點是否高危地點。賊仔一般都會去多電單車聚集泊車，行人疏落光線不足的地方搵食。
|
6/4/2004
|
唔小心不見了車牌.
老鬼師父你好.我想問下如果唔見o左個牌,應該用咩程序去換令返.
wah wah@i-cable.com
架車個車牌唔見左，去車行度做過一個咪得law：) 如果係駕駛執照，就去運輸署補領。(唔肯定要唔要去差館備案，因為未試過)
|
6/4/2004
|
有關p牌行快線問題
老編大佬..其實p牌仔係唔係一般公路(例如....觀塘道...太子道等)可以行快線....或只係快速公路上唔可以行快線,係本人以差唔多大半年p牌架喇....平時係一般設有三條行車公路上好多時都會行最右線架...哈哈, 所以依家都好驚林尾香~~謝謝
巴治奧 tcc1@i-cable.com
法例字面解只係限制P牌在有三條行車線或以上的高速公路上，唔可以行最右的快線。普通道路應不受此限。
|
6/4/2004
|
Hornet 600 vs SV650
Please help me to select which one is better!Hornet 600 vs SV650S. I drive CB 400 Big one at present. I want to upgrade 600c.c. Any comment of these two bikes?Thank you
TAM YIK BOR ball3@she.com
論馬力，Hornet600出口版有96ps當然較佳。你用開直四偈，轉用V2偈驚你聽唔慣把聲，同埋V2偈較直四偈震盪較大。
|
6/4/2004
|
新牌仔
老鬼師父你好,本人係新牌仔一名,想請教下p牌有咩唔可以去或者要注意o既地方,麻煩指點一下.....thank you!
man sau maegi hon maegihon@yahoo.com.hk
冇乜地方唔可以去丫...除左快線之外。有關P牌問題請參閱：
http://www.info.gov.hk/td/chi/advice/probat/chinese.html#k
另外熱門飛車地點最好係可免則免。
|
6/4/2004
|
PK膠
老鬼師父唔好意思漏o左一個問題，我想第日部大包圍裝PK 膠，但係咪唔係所有大包圍都裝得？個車行師傅話要係塊包圍度開個窿先得，係咪真？
P牌仔 simonkina@hotmail.com
pk膠係有保護作用,因大包圍裝唔到護架,failing要開窿係因為要就個機器最食力的縲絲位,每款車都會在唔同位置,所以是有機會的.
|
6/4/2004
|
冇力
你好,小弟有一事請教-本人的majesty250sv(99)近來好似冇力咁, 去到90km就去唔到, 以前是上到110 km/h 的, 請問是否出了問題呢?
Andy(請勿登E-MAIL)
車子年份雖然新,但可能有些零件更換,因此車110km是好輕鬆的,check下佢火咀,風格,如咪數高就要睇埋極力子組件!
|
6/4/2004
|
電池
你好﹗請問Honda Steed 600油缸幾升？另外，我試過電池打柴，自始每次撻車前都會熄了燈掣，撻著了才再開燈，但有時會唔記開番燈（私家車沒開燈個錶板會唔著燈，容易知自己有沒有開燈，但我個錶板沒有此裝置），請問著燈撻車會否令電池容易打柴？有何方法解決忘記開燈的問題？
Odnserv（請勿刊登本人的電郵:>）
油缸應該11L到,電池壽命亦在一年半到(日本池)制,如你想長開燈是可以的,只要到車行佢就知點樣同你駁線.你在開匙後即刻撻車就不會影響,因有正常機器充電,最怕係d友仔開匙後又唔撻車係到講電話煲煙,咁電池就會一路係度放電!
|
6/4/2004
|
想買二手車
老鬼師父你好！本人近日落車行睇中一架SUZUKI RGV250 SP板 96年車，賣萬九銀，塊包圍有少少花，請問：比起市價來講係貴定平？呢款車有乜特點（優或缺點）？去車行買二手車要注意d乜？另外，成日聽人講kit喉kit料，請問kit係點解？
P牌仔 simonkina@hotmail.com
車少零件貴!自行決定,kit查字典係指套裝零件即(one set),但自老遠學師已來就當作(補品),靚料,專比賽車用的零件咁解,kit喉,kit腳踏聽起來覺得勁,咁d人講下講下咪kit囉!唔打得都睇得嗎!
|
3/4/2004
|
老編你好,本人有個疑問,為什麼SF400的BIG ONE , 比VERSION S,OR 其他版本平(好多);BIG ONE 被偷的幾會,會吾會低D,因為平D . 另外個別零件是否也是目標之一嗎 .
niy uy請不要SHOW MAIL ADD , TKS
你見到o既Big One版本，應該係年份比較舊，所以先平咁多。但係Big One零件都有可能俾人偷架....例如個咪錶...
|
3/4/2004
|
你好,本人架T-Max500 由0 到剛起步行的時候有震盪, 當換了更輕的珠後震盪更明顯, 尤其是上斜起步的時侯, 己換了皮帶還是這樣..不知有什麼方法解決, 同埋換更輕的珠後對engine 既壽命會不會短左 (尤其是 >100km 行走) , 因為engine rpm 比以前增加很多
Gary (請勿登E-MAIL)
換了輕珠加速是否快些,換更輕珠只會更震.對機器沒有影響,反而珠盤可能會快些損耗,覺得不太喜歡可裝回原廠重量.
|
3/4/2004
|
有關CBR400RR
老鬼師父你好呀！客氣話就唔講啦！小弟想問下CBR400RR頭尾胎氣應該打幾多磅呢？仲有我想問下此車油缸打爆可以入幾多升油呢！？我
架車平均七亳子一公里算唔算正常呢？仲有我想問下此車車齡咁高，保養方面有冇乜野要注意呢？例如偈油應該多少公里才要換呢？幾時
要洗吸呢？頭尾避震油迫力油又要幾耐先換一次呢？老公師傅唔該你呀！
JUSTIN skac@netvigator.com
如用日本牌呔可打28,30,油缸15L到,原裝尾喉大約6毫,fork油迫力油水箱水應每年更換,3000km更換偈油最好,不論你炳定唔炳!洗吸每大半年一次己足夠,如新取車可先行做一次洗吸.check車,火咀,風格都會影響油量.要注意就是來到這個年頭會有好多損耗品出現,要有準備!
|
3/4/2004
|
有關zxr400問題??
各位主持人你地好:本人最近買在部啡呤zxr400,最近渣了一排後發覺此車只得5前速是否正常?還有冇渣車兩晚第三晚?車拉埋風chock要著
4,5個字先著到車是否不正常呢?如換了偈油,火咀,洗級後會唔會好d呢,勞煩解答,thanks~
Elaine elaine1102@i-cable.com
可能你數錯!係有6個波,洗吸同換火咀會有幫助.(如車沒有暗病)
|
3/4/2004
|
輪呔問題
老鬼師父你好，小弟部車就快要換呔啦，而家用緊Dulop GPR70 我覺得濕地性能唔係咁好，而我是風雨不改，每天抯四十公里來回，又山
路、又高速公路咁返公既，唔知你有乜好介紹呢？
james boon 請勿登本人電郵地址，謝！
不是每款呔都size,你架係乜車?
|
3/4/2004
|
師傅您好，以下有些有關FORZA問題，煩請回复！RAY 請不要登出MY E-MAIL
FORZA頭燈可否改為白光燈，因原裝燈太黯，但據有些車房師傅稱如更換後很容易燒電器，是否真?
是有機會的!
要加什麼零件或調改才可提升此車馬力？因此車單騎平路平均時速只約１１０－１２０/KM，上坡約９０/KM．
大改也可使車快多十零km,喉,離合器組件
此車掣動較弱，BRAKE可否換鋼喉？約幾多錢？
是可以換鋼喉的,不過價錢比夠貴,因拆fairing部份比較多.有否想過用這些錢換部大車呢
|
3/4/2004
|
換呔問題
你好!小弟部二手yp250 00/03剛出車3個月,尾呔到期更換,但頭呔呔紋仍深,想問下可否只更換一條?需唔需換番與頭呔同樣牌子及同紋?通
常會換邊隻牌子?
Dolphin dolphinchiu@hkbn.net
建議最好整對上,亦可更換一條但最好和前呔牌子一樣!
|
2/4/2004
|
FORZA 想換 HID 燈
老鬼師傅 :小弟想換 HID 燈, 聞說換了就會只有大燈, 冇低燈, 而影響其他駕駛者不知是否合法 ? 另有什麼事項要注意呢 ? ( eg. 會否燒燈罩, 又或者扯乾水電 ? )因為 forza 一有電源就會自然著燈, 有什麼產地出品會比較好,大約多少錢左右 ? 謝謝 !!
liu dee p.s. 請不要公開本人電郵
日本或歐洲靚牌子係有高低燈不過價錢非常貴,另外會裝多個開闕制,取電方法亦可避開在頭燈,至於其它就不太清楚!
|
2/4/2004
|
星鑑停燈後死火!
我駕星鑑行了47xxkm,近來試過2-3次燈前停車後死火,但頭燈並未有熄,何解?有咩解決方法?
Lam Ching Yee lchingyee@netvigator.com
都應該第2次check車,可同車行說,如有需要可換枝火咀同較高些少轉數!
|
2/4/2004
|
H.I.D.
老鬼師傅您好!本人的Super 4 V-Tec2,想裝H.I.D.燈請問電壓方面能負荷嗎?(本車有防盜)而H.I.D.燈有什麼牌子是比較好呢?謝謝
Ray Hui rayhui1117@sinaman.com
電池壽命一定會短左,日本貨都好d,行氣要煲燈膽,不過成2千幾,台灣同大陸就唔好用!就咁用火牛推高火數就算.價錢平好多,小心.
|
2/4/2004
|
silver wing
老鬼師傅：請問 silver wing 幾時先要換尾牙油呢？
lobo lobochk@net-yan.com
第一次3000km,跟住每10000km更換.
|
2/4/2004
|
我於上星期日, 因為無乜車行開門, 我去咗土瓜灣一間車房換牛角, 其實我對牛角都只係斷咗兩個波的..........佢地原來無原裝(合適)嘅牛角換比我, 就求其換咗隻迫力角, 極力子角就係一架已經拆散咗嘅同款車度拆比我!!! 後來我見到就問佢做乜比隻舊牛角我, 佢地先至解釋因為星期日, 佢地無原裝又無貨攞, 叫我用住先, 星期一攞到貨就CALL我落去換番比我......你地都估到佢地梗係無CALL番我啦!!!
當日我已經覺得佢地裝對牛角後好古怪, 問佢地但佢地又話應該係咁, 唔會有問題.之後我揸到咁上下, 發覺轉波好有問題, 重抄埋, 人就無事, 因為係市中心開得慢, 但架車就要拖........我去番自已相熟間車行換番晒對牛角, 成架車就精神晒!!! 請各位留意咪再去呢間野整車!!如果唔係可能後果嚴重!!!記得話比你地D朋友知呀!!!
poohcarrie/SUZUKI VOLTY 250
(編按：車行名稱被我們刪去，因為我們認為車行的做法並無問題。車行對二手牛角都係係同款車度拿出來，應該不影響基本操作。可能係換完牛角後的磨擦點改變左，車主一時間未適應所致。)
|
1/4/2004
|
車呔問題
你好！小弟現想為坐駕更換車呔，size 是110/70R17 ，150/60R17請問有乜好介紹[不論價錢、要全天侯！] 又請問電單車有冇必要(鄧)呔呢？謝謝！
明仔 請勿登本人電郵地址
呢個size呔多數偏向乾地多d,如不論價錢會有很多選擇,同越咬地就越快用完,如想雨天都好d可睇下邊款呔紋多去水位!
|
1/4/2004
|
an400適合嗎
ｈｉ，本人已有３年駕駛１５０綿羊經驗，而家想換車．我睇中了ＡＮ４００，車主報告說此車容易操控，好力和慳油．不知是否適合女仔．（我約５”３高／１２０磅）另有什麼車介紹及適合我．有時會載朋友．
Judy（請不要登出電郵）thanks!
你有三年駕駛經驗，AN400唔會難到你。加上閣下身型標準，等閒車下老編返工都唔拘。二手400綿羊選擇當中，AN400係最正o既選擇。
|
1/4/2004
|
Forza 250 good run in
老鬼師父你好........小弟入了部新Forza 250, 這已是本人第二部新羊(知道大約?Run in), 想請求專業老鬼師父可以詳細講解一下?樣Run 好0的架車 同原理!!!e.g.1)雙騎行車點做? 2)落大鈄路點做?萬分多謝!
祝頁務蒸蒸日上,人人都上IBIKE
NewMan Pls don't show my email address!! Thanks!!
其實而家d日本車機器同各方面組件都好正,只雖然行車自然加速和定期檢查同換油就ok,但如真的嚴格起來run in就唔好雙騎,咁就減少機器在run-in期負擔!落大斜路可定油門同用迫力防止機器空轉.
|
1/4/2004
|
Suzuki UE150 都有人偷?
29號晚11:00至早上7:30, 番工時發現羊羊唔見左,當時以為自己眼花未訓醒,睇真D真係無左,當時感到無奈,雖然我都報左警,但我諗都係無梗lar.....一直以來,我都無諗過我o既車種會有人偷,點知呢日終於來臨了,真慘,羊羊只係用左兩年,咁就無左.....woo woo woo....
羊羊主人:Dora dorachoya@yahoo.com.hk
|
1/4/2004
|
關於交通意外後賠償問題
老鬼及老編你好:我在兩星期前遇上交通意外，由於有人受傷，報了警。愛駒外殼嚴重損壞，維修需要二千多大元。車行負責人說如果要claim對方保險，要找公正行先行驗車，證明維修費用合理，但要一千元。由於我落口供後仍未知道是我還是對方會被檢控，我不想再多付一千。是不是我不找公正行驗車，即使成功控告對方都不能claim對方的保險?假如我等待判了對方該為意外負責後才找公正行，然後才維修，是否可行?懇請幫忙幫忙! 十二分感謝
Elvis Chan (請不要刊登我的email address)
保險公司一定要睇公正行的報告作為計算賠償的參考。如果你唔趕住用車，又有地方擺放，咪唔好整住，等案件明朗化，係你著數先俾公正行影相。
|
1/4/2004
|
CB400尾牙問題
老鬼師父你好，小弟有部CB400,最近覺得尾轆D(白白)聲愈來愈密,#25886;去比車房D大老同我睇下咩事,佢試完就話個尾齒輪開始到期,有
D齒尖左,條鏈行過就會有聲,不過唔使即刻整,話可以再行下先攪,我想問,
1.可以再行多幾多先換呢?
2.要換使唔使換埋頭牙同條鏈呢?
3.大約要幾多錢呢(原裝)?
多謝你的回覆 OLAN usdwang@yahoo.com.hk
再行幾多難講,下次再較鍊時可check.當然要check埋頭牙同鍊,如無問題換尾牙6舊零!
|
1/4/2004
|
看了網友留言的感覺
您好：唉!香港的職業司機，真的是一有品的也沒有？講真如果他們想表現他們的駕駛技術，何不到珠海比賽？又可以提高技術，又不會在街上胡亂飛車不顧他人安危？在賽車場遇到高手，我猜這些人一定包尾和比人Lap。
WONG Ho Ying 請不刊登本人的E-mail address。
|
27/3/2004
|
回應JESS:鬼佬都係短命賤種:
唔只的士,小巴,貨車係短命扑街,仲有D短命賤種死鬼佬呢!!揸D十九日本前七係條馬路上舞龍,扮X晒勁....佢撞倒人就應份嘅,人地撞倒佢就FUCK,FUCK聲,又喊打喊殺,又要報警,又話要告X你....正一短命賤種,野蠻民族,就連差佬都怕X咗佢........我都和你一樣有同一經歷,不過我係比鬼玩,事發我在燈口中間停車,突然有架十九AE100高速係我左邊插入嚟,停車後他的頭泵把和我的左腳只有一寸距離,分明玩野,之後同佢玩起步,我當然放佢飛機啦!!到下一個燈口停車,條賤種就一野指埋嚟,雖然力道不大,但足夠令我跌車,好彩我撐得住,我立即擰頭就小佢,望一望原來係隻鬼,我啤Q住佢,佢仲好串望住我,條賤種仲專登比大油過嚟UN我幾吓.....哈~~真係彿都有火..."O_O"...如果唔係幹時間返工,我一定報警,告條賤種蓄意心謀殺,就算告佢唔入,玩九佢都好呀.....等D死鬼佬知道我地中國人係唔好蝦嘅,下次再有呢D賤種鬼出現,幾唔得閒都好,我一定唔會放過佢......!!
籮記(請勿登E-MAIL)
|
25/3/2004
|
25/3/04早上行紅隧,繳費亭前三個車位,被一位短命小巴佬(xx426往中上環),故意慢慢行上前撞我,當佢見到我被撞郁先至肯停車,我吊佢叫佢落車睇,但佢冇反應,檔我冇到,後來隧道公司?人叫我停係一邊傾,我見以經浪費?佢?時間,車上面有乘客,而我又只係被佢車身?油碰到我條碳纖尾喉(冇花),我就此算數.(不過各位車友盡可能留意一部份冇品?小巴佬,的士佬,貨車佬,佢?唔會放你在眼內.小心!小心!
jess jess822@netvigator.com
|
25/3/2004
|
又是胎氣問題
老鬼師父你好，本人賣了部二手本田AX1（街爬），車行說呔氣打28磅，請問前後呔氣是否不同，油站打氣又是否能準確cheak到呔氣，還是要賣呔氣錶來cheak。請不要登本人email謝謝。
阿久
頭28,尾30.油站泵錶是多數不準,最好自己買個!
|
25/3/2004
|
RVF400
Dear Master,I driving RVF400 today and using "2 ball" running around 70km/h, 7-8krpm. The bike suddenly slow down and loss power. Could you plesase tell me happen of it?
Regards, Hedgehog#please don't boardcast my email address.
全無先兆,又無話反應!我都唔知乜事,會唔會無油?
|
25/3/2004
|
YP125
根據官方數據, yp125Fi 只有8.3匹馬力, 聽講加大中缸可加大馬力...請問加大中缸後馬力可加大多少??又要幾錢左右??
賢 請不要登本人email
全車攪晒我想可多2-3匹掛!價錢就要睇你點改!
|
25/3/2004
|
TGB F409 (150cc)
本 人之綿羊新車落地行了12,000公里，只換了頭皮，電, 整流，每1000km 換偈油，請問有什麼需要check or 換呢?(車主手冊唔見o左)最近發現慢車時(就o黎停之前)只用尾break 架車chok 下 chok 下，都幾chok ,平時尾制好似無乜料到, 請問尾制係唔係到(訂)呢?Thank you very much!! Please don't post my e-mail thank you
Kenny Wong
仲有頭迫力油,再行多3,4千就要換皮帶check珠同極力子皮!你都非常愛車,good!尾迫力無料到可更換尾皮同check下威也有否漬死!
|
25/3/2004
|
Brake problem
Hello Old man,The handrail of the back brake of my Kymco 150cc had suddenly lossen. I send it to repair and they just change the "brake leather". I got the bike back and then instantly crash with taxi lightly beacuse of the more lose of the back brake. I can say it is nothing. Could you please advise the problem and what should I replace? How much roughly? Thanks a lot! (You can reply in Cantonnes)
Regards, Mabel mabelng@so-net.com.hk
佢可能換完皮後沒有和你攝回迫力!你可以駛返去叫佢檢查一下!當然新皮未磨合好，令掣動力下降也有可能。
|
25/3/2004
|
P牌仔問題
老鬼師父你好,本人是P牌仔,三月頭在青山道近黃金海岸被抄牌,當時我行緊70km/h, 後才知那段路只可行50km/h,結果被扣三分. 這是我第一次違例,請問下次如果我再違例,但不用扣分,or超速15km/h以下不用扣分, 算不算輕微罪行,是否需要立即停牌? 多謝回答!!
hobryan hobryan@sinaman.com
有關P牌問題請參閱政府相關FAQ。照我理解你呢舖超速20km/h，足以令你加監。
|
23/3/2004
|
胎氣問題
老鬼師父你好....本人部@150一人騎和二人騎時胎氣應該打幾多磅呢???通常隔幾耐到去check下胎氣呢??胎氣唔夠行駛時會唔會有危險呢???謝謝
巴治奧 請不要登本人email...謝謝
雖然唔同牌子呔會有唔同磅數,但一般建議打26,28psi.當偶然雙騎時亦不需加硬.每月檢查呔氣是必需的,呔氣不足會使車輛馬力加重負擔,而加快車呔損耗,更會另車輛行時會有如拖重物件的感覺!
|
23/3/2004
|
你好！小弟部93年bros400最近發覺中缸和嘩佬cum爭口滲油，每次出車後約有六七滴滲出，是否可以把'cum'打開，茶番D爭口膠再cum回便可呢？如果比車房搞唔知要幾多銀襾呢？多謝回答。明仔pls don't show my email add.
james boon ichiban@hknet.com
拆得出黎點解唔換個新,人工5舊到!
|
22/3/2004
|
差人做野
我比部5.5噸密斗撞尾派左啤牌...call左police....叫左十字車去醫院....現場police照左相,吹左波波...就叫我自己拖走隻羊...咁冇落口供....只係白車上問我幾句....請問各位師兄,姐....正常情況有傷人的話..撞到人的一方會唔會就咁可以自己走先(不用拖車扣留?驗車?)...而我又可以點做...同我一起受傷的乘客又冇叫佢遲d落口供ger(我在醫院收到交通警先生電話,話遲d聯絡我)
Billy billyyiu105@yahoo.com.hk
以你所講o既內容 , 你勝數應該好高 , 根本就再無需要作出你所稔嘅事 , 邊個同你講交通意外傷人一定要拖車扣留 , 喺白車上唔係問你幾句唔通揾你傾心事呀?遲D 一定有人搵你比口供嘅 , 唔好聽d知少少扮代表嘅人講 ,調查工作唔係你所睇电視 / 聽人講 , 可能好複雜(但你根本就唔會知 , 唔會明) , 亦可能好簡單,根本就唔使你所稔嘅 , 請你相信專業人員喇 ！
|
22/3/2004
|
大鯊王行車問題
老鬼師傳你好!!架車早排#21946;油量剩餘不多時，會行行#21523;突然冇晒動力，收油後再俾油會"啪"的一大聲又再行得。(又或停埋一邊，休息十多秒，俾油再去，又行得好鬼順)而家不論油量多少，凍車由大埔行到出大老山便有機會發生以上問題，請問係發生咩問題呢?(車行話可能唔夠油...但而家....)又有時keep住約50km/hr會"疾下疾下"咁.........係唔係架車本身在低轉數時會出現的問題呢(我在貴網頁中車主報告中見到類似的報告....唔知我有冇錯誤理解).......期待老鬼師傅的回答....
Tat tat@actiontkd.org.hk
咁樣我覺得係電油泵開始打柴多d!
|
22/3/2004
|
super 4
本人新買一部Super 4 V-Tec ,現請問一般操作技巧?
Dick 請不要登出本人e-mail
1) 請問在一般情況下,應開到大約多少轉數去上高一個波?
當你覺得架車開始嘈，而你又唔駛加速，便可轉高一個波。通常轉數會係4-5000rpm。
2) 聽說如時常保持住6,750轉數以上開Tec,是不是比較會傷車呢?
唔會。你部車本來就係DOHC 16V，開VTEC只不過係還你本色。
3) 請問如換偈油,是不是先放去舊有的偈油,然後可落一些洗機頭水去洗一洗(妁5分鐘),然後放出,到最後再落新的偈油呢,這方法是不是可行的?及請問可不可介紹一種偈油(牌子)給我作參考呢?
通常貴價私家車先會咁做。一般電單車比較少做，因為係費用問題。如果你錫車，用洗車水除去舊偈油當然最好。但即使唔用，只要勤換油部車一樣可以行到十年八載。
4) 另請問波子盤是一種什麼用途的東西,要更換大唔大工程和約多少錢?Thanks.
波子盤是位於把手與車架前端相連，俗稱鵝頸的地方。作用為控制和順滑把手的左右轉動。零件不貴，但因為要拆好多o野，所以人工貴。冇八百蚊都應該冇人肯做。
|
20/3/2004
|
Runner 200
請問runner 200 在0km/h 時錶板有舊野頂住枝針指在10km/h是否正常,因為在原廠出廠時錶板有舊野頂住,唔知實際行70km/h,錶板針是否指向80km/h就是行70km/h，多謝你的回覆!!!!
isaac au isaacau@yahoo.com
如果我冇誤解你的意思，應該是正常的.
|
20/3/2004
|
續錶板問題
hi 老鬼師傅，如果是錶牙白膠的問題,將整個錶板換掉可以解決嗎 ? 還有要去邊度換冷光錶板呢?(因為橫掂要換錶板,不如換冷光比較好看)thanks
Andychan AndyC@ITOK.com
如確定是上面咪錶有問題而不是下面錶牙,買整套錶要2,3千元而泠光咪板是後加部品,並不是買就買冷光個隻.
|
20/3/2004
|
TGB F409 (150cc)
老鬼師傅您好!我部 TGB 409 (150cc) 最近到車行換左皮帶同普理珠, 但部車好似比野拉住唔去, 最快約 50km/h; 車行換回原用的舊珠, 車速便回覆正常 (最快可到約 120km/h), 車行話所換的新珠是原裝比呢款車用的, 亦不知為何對車速有此影響, 請指教.謝 !
貓貓 (請勿登出本人之Email Address)
如珠是原廠給這車用的,可能是裝拆過程出現問題.再換上的時候就沒事已經是第2次工序.這是唯一解釋,因我都試過!
|
20/3/2004
|
迫力問題
你好，本人的街車，當按下迫力時，有一半是沒有反應的，剎車反應不明顯，當再按深一些時才有反應，為什麼呢?是否迫力拍的問題，可否只換迫力拍，而不用整個迫力泵換？
Sam tung1082004@yahoo.com.hk
如泵心內沒有磨損當然只雖要換泵帕便可以!
|
20/3/2004
|
偷車
我個 friend 有 Plan 想出新600 fairing , 但一提到偷車就煩 . 個停車埸都唔safe ( 冇人巡 , 冇CCTV ) , 一般要落咩防盜先叫好D 呢 ?
Mac Chin mchin@dairy-farm.com.hk
頭尾轆用靚鏈鎖攬柱，再用布秊封車會好D。如果可以的話用鏈鎖攬車架和柱會重好。
|
19/3/2004
|
在17-8-2004，早上10:30 – 11:30 。我在沙田學院練車，行完怡成坊線，在由插桅桿街右轉入小瀝源路時，那個非常無品的「匡智松嶺村Van仔」，在右轉後一直用慢速在右一線上行，我都要用右一線，於是加速想由右二線Cut到右一線，在鏡和後面已看到(即是一路加速，佢都和我平排)，他唔想俾我Cut到右一線，於是我收油，想由佢後面過，當我接近佢後半部車身，佢突然偏右(當時大家都是行直路)，我和佢我距離連一呎都沒有(側面距離)，我起初以佢是直行入廣源邨，當行到距離小瀝源路和大老山公路的燈位時，佢在燈位前的7節長虛線，連Cut 3條線上大老山公唔(唔知佢去大埔或馬鞍山)。我地雖然係學神，但都唔洗在燈位前的7節長虛線連Cut 3條線。示威!
講真，有D人好努力去練習都唔Pass，但運輸罯俾個牌D無品人。(例如果D的士司機，非法賽車)又要浪費警方去拉人。唉
WONG Ho Ying wonghy@bonbon.net
|
18/3/2004
|
您好：本人聽過當一部電單電「tat唔到」車時(包括腳tat和電tat)，可以用推tat來，著車，是推tat是什麼，可否講下？
WONG Ho Ying wonghy@bonbon.net
「推撻」先決條件係要棍波車先得，自動波做唔到「老漢」呢回事。不過如果部車有腳撻都踩唔著車，推撻成功的機會都好微。推撻主要係用來救冇電撻火的棍波車。
方法係入二波扣極力子，撻匙位置及死火制係ON的位置，再搵條直路推車，當車開始行順後快速地放開極力子， 同時單邊跳上車俾油，當車著左後便馬上後扣番極力子。
|
18/3/2004
|
例 行 檢 查
大 偈 老 鬼 你 好 ： 本 人 最 近 幫 架 車 做 全 身 檢 查 ， 發 現 了 两 個 小 問 題 ，
車係 01年 做 ， 行 了 44000km型號 cb-750， 盤 頂 滲 油 每 次 行 完 車 都 有 滲 漏 大 約 一 滴
偈油 ， 2、 成 套 咪錶 鬆 弛 ， 可 以 移 動 ，
問 過 車友有 些 說 係 咁 有 些 說 唔 正 常 要 修 理 ， 都 係 老 鬼 說 了 才 算 係 ， 請 旨 教 。
waterflow waterflow1911@hotmail.com
4萬幾里數可做攝哇佬順便換埋個崢口,一舉兩得.咪錶內裏有個咪錶架同3粒避震膠,是防止震動避免震碎錶面,可先換避震膠!看看移動位置有否減少
|
| |
|
|
|
 |
|
