|
|
|
FAQ常見問題 |
|
|
18/3/2004
|
買二手車出事
您好,本人剛從車行買了部 PGM3 , 一心只希望行得就 ok . 點知第#12491;日就出事, 起唔步要上到五千轉先冇咁易死火. 初時以為係D 少意思 , 一去其他車行Check 一次就知大件事. RC 嘩佬被炭屎頂死, 連住 rc 嘩佬 的 motor , 電腦全部要換 ..... 一張請單5千幾 , 當然唔整啦 .請問係唔係無個車行辦法 ga la ?
skchin200@netvigator.com
唉~~~~~架車買果時有冇講過話有保養呢？
|
18/3/2004
|
HELLO SIR, PLEASE TELL ME WHERE TO FIND CB1300 哇佬間隙?
keung wrxsti@so-net.com.hk
試下去www.haynes.co.uk搵下。
|
18/3/2004
|
錶板問題
hi 老鬼師傅,本人渣的車是CBR400RR, 最近發現慢車時錶板會跌跌撞撞咁, 之後我比油去太約過了八十公里以上錶板又回覆正常.到底我可唔可以自己修理回錶板.如果可以要怎樣修理? 如果唔可以是不是要換錶板 ?價錢太約多少?還有電單車有無得轉冷光錶板呢 ?
AndyChan AndyC@ITOK.com thanks !
咪錶是很難修理的,可能是錶牙白膠就快損壞,我先檢查這部份,(在頭牙位置)我見過有客裝過都成8舊幾水!
|
18/3/2004
|
迫力問題!
老鬼你好!小弟抯車時多數都係低轉行車的.....當架車熱到大約80幾-90度既時候.....架車就冇左腳制啊.......只能用手制去停車0乍!!!好在我平時都唔快得去邊.....同唔會跟得貼前車.....但當架車停左一陣.......或者已經泊好架車.....過左一陣....可能佢既溫度回落返d......佢又有返腳制!!!!請問師傅點解會有咁既情況架呢???(車子係PGM 4!!!)
Lam( 請不要登e-mail)thank you!
可能係迫力卡鉗積左，拖著隻碟行。當行車到一定時間便發生「熱失效」。建議你手車幾慢都都要去整番佢.如果唔係想用的時候無你都幾大鑊!
|
18/3/2004
|
私家車機油
Hi Oldman,請問四沖綿羊用私家車機油有冇問題? 電單車機油和私家車機油有什麼不同?? 有人話唔得, 但我見有 0的大電單車店都有得賣私家車機油(同電單車機油放埋一起賣)
Benny Chan請不要刊登本人的E-mail address
如一樣又點會出d比電單車用,點解d人又唔會叫入電單油落私家車到,老實講個樽寫d野佢識我,我唔識佢,用番電單車好,始終電單車機器高轉數d!
|
18/3/2004
|
有關tat車問題
你好:本人部電單車是aprilia200cc(綿羊),冬天時或隔天tat車都會不用易,最小tat三次才可以,我以經比了油門,但沒有反應(沒有上油),要tat幾次自巳先得,請問是否機油上唔到引掣,所以tat唔到車,有沒有辦法解決.我架車仲有一次免費保養(行𦴩15000公里以下),以後維修是否一定要番原廠(xx車行),其他車行有無零件維修.煩請解答!!!
clara candw105@net-yan.com
當返去check車時可說明有這種情況,佢應該會同你換支火咀同作調較,機油只作潤滑與tat車無關,另零件我相信只好返去佢到!維修可試到有做歐州車的地方會好d,事關工具有異.
|
18/3/2004
|
交通警員意外殉職
3月 18日 星期四 交通警被撞後拋下天橋死亡
一名駐守西九龍交通部，28歲的交通警員凌晨在加士居道天橋與一輛私家車相撞後拋下橋底死亡。私家車司機涉嫌酒後駕駛被捕。
凌晨四時半左右，一名交通警員駕駛電單車接報趕往長沙灣處理一宗交通意外，在駛至油麻地加士居道天橋時，與一輛懷疑越線的私家車迎頭相撞，交通警員被撞後，拋下10米下的天橋底受重傷，送院後不治。
事件中警察電單車頭擔被撞斷，損毀嚴重。警員的頭盔、佩槍及子彈更散落地面。懷疑越線之私家車司機未能通過酒精測試，涉嫌酒後駕駛被捕。
對於今晨的交通意外有警員意外殉職，本人深表婉惜。以本人記憶所及，哪路段之前已經有一位休班女警在電單車意外中身亡。 是否該路段對駕駛人有潛在危險？ 有關當局應盡快展開調查和改善。 至於那些酒後駕駛者，真是害人不淺。 又奪去一條寶貴生命。 真是人人得以誅之。
DavidWong (Please don't show my email address, thanks)
|
18/3/2004
|
你好!我想買一部電單車, 但有些問題, 希望閣下能指教小弟.
1. 電單車是否同一般汽車一樣用無鉛汽油/柴油?
2. 那種電單車油最經濟?
3. 請問一公里要用多少錢油??
謝謝
Tony Wong bagbag@sinatown.com
電單車冇用柴油o既，而九十年代以後出產的電單車都係用無鉛汽油。
四衝程引擎比二衝程引擎慳油，而排氣量越低，汽缸數目越少，便越慳油。
一公里由兩毫幾子到個幾銀錢都有。比起私家車，電單車的油錢微不足道。
|
18/3/2004
|
你好!我想買一部電單車, 但有些問題, 希望閣下能指教小弟.
1. 電單車是否同一般汽車一樣用無鉛汽油/柴油?
2. 那種電單車油最經濟?
3. 請問一公里要用多少錢油??
謝謝
Tony Wong bagbag@sinatown.com
電單車冇用柴油o既，而九十年代以後出產的電單車都係用無鉛汽油。
四衝程引擎比二衝程引擎慳油，而排氣量越低，汽缸數目越少，便越慳油。
一公里由兩毫幾子到個幾銀錢都有。比起私家車，電單車的油錢微不足道。
|
18/3/2004
|
活塞卡鉗
您好,本人有些關於迫力卡鉗的疑問,煩請師父回答. 我的車子是 PGO T-REX 150, 頭剎車用雙活塞卡鉗,在剎車時, 當扣緊牛角, 壓力應由迫力泵透過剎車油, 推動卡鉗活塞, 壓向迫力皮, 再壓向迫力碟.而另一塊迫力皮則是固定不動的, 對嗎?請問當剎車後放鬆牛角, 那片貼着卡鉗活塞的迫力皮是不是不會"回",而會長期輕貼着迫力碟呢?因本人發現當起了大架, 用手去轉動頭輪, 它只會自轉約一圈, 而其他車種, 如 majesty 的頭輪會自轉十多個圈.另外, 頭車軸是不是用走珠啤令? 需不需要加潤滑油呢?
boorin_yeung boorin_yeung@sinaman.com
是會輕微貼住的,因離太開的話剎車時間便會長.你只雖要起了大架後拆離卡鉗再轉頭轆便可知道是否因卡拑或啤呤有問題,另啤呤是有膠蓋阻擋,落油比較困難,如發現不太暢順最好更換,因價錢不會太貴.
|
17/3/2004
|
請教問題 2
有關上次問到的400cc 街車,經過多天的考慮都是覺得閣下的意見十分好,所以也選擇了cb-1,但因為年份多是十年左右,價錢請問大約幾多才合理,還有如果要改雙頭碟(二手)大約要多少錢.
niy uy*如其他網友有意見可以icq no: 118887354 tks , ( 請不要登e-mail,好多病毒 )*
年份最新狀態良好的CB-1，價錢應在一萬元左近吧！狀態越差價錢越平。改雙頭碟要換手泵加碟加鉗加喉改鈴，幾大工程下，唔建議咁做。其實單碟都夠收，平平地代步做腳車咪算o羅。
|
16/3/2004
|
CB400 BIG-1 換火咀
你好：本人老電係CB400 BIG-1, 我想自己換火咀, 但唔知點樣做, 係咪要先甩個油缸才可以換火咀? (請不要登我的郵址) Thank you.
Richann
是不雖要起油缸,先拉起火咀cap,用風鎗把內裏沙石吹走,再鬆出火咀然後更換.但如對機器沒有認識或專用的工具就請勿常試!
|
16/3/2004
|
唔知點解個頭brake會自己慢慢鎖住??
大約揸左10分鐘左右，開始慢慢鎖住，直到完全鎖死停下來(比油都行唔到,個頭brake handle都硬到拉唔到)本人揸et8,請高手幫忙!!
ben ben@aworklan029018.netvigator.com
迫力拖死應盡快到車房修理,更換膠圈,泵帕,迫力油同清洗油遮!
|
16/3/2004
|
P 牌問題 - chun him chan(Please don't post my e-mail)本人想請教,小弟考了牌半年,現想買車,
1.想問問買車要有甚麼要考慮呢??
買車梗要睇財力，除左車價外，重要預錢買保險，俾牌費，維修車輛，更換零件。有冇安全地方泊車，都係考慮因素。
2.係唔係P仔就一定要駕駛250cc的車,但係本人非常喜歡steed 400,係唔係無機會呢?
現在保險好似放寬左，P牌都可以出到800cc電單車。
3.而你認為P仔駕駛steed 400有無問題, Steed 400 這車你覺得好嗎??
P仔都有好多級數。有人一次pass，有人考幾次先pass。對於有天份的人來說，Steed400冇問題。
我地認為Steed 400係咪好車？當然好喇，十年前佢真係幾索o架！
|
16/3/2004
|
您好：本人想請教，現時香港警察用的BMW電單車是什麼型號？因為對比上一款電單車，真是「好型」，排氣聲好「靚」。現時用警察用的都是750c.c.，和上一款本田比較，那一款性能會好一些？同時為什麼新牌的警察，為什麼不需要掛「P牌」，而新牌警察也可以駕駛大c.c.的電單車
WONG Ho Ying 請不要刊登本人的E-mail address
你應該是指BMW R850RT吧。性能上R850RT會比CBX750好，但你俾我揀我寧願用番CBX750。點解？我睇「車主報告」咋！另外駕駛政府車輛需要考政府內部的相關駕駛執照考試，而沒有記錯的話，駕駛大馬需要另外再考試。
|
16/3/2004
|
缺德旅遊車公司
係旺角洗衣街和山東街交界的排骨位附近,有一間叫'開大'的缺德旅遊車公司,佢地每朝早都洗地淋花同洗車,但係就完全無理會過泊係前面的老電,相信部份曾經係個度泊過夜既車友都中過招,第二朝部車一定會濕晒,而且d水仲好污糟,大家要小心小心
Jacky (Please don't post my e-mail)
|
15/3/2004
|
FORZA 問題
您好:本人剛出FORZA,現有4條問題,煩請師父回答.
1) 在高轉行車時(約6500轉後),何解引擎有"龍龍"聲及振盪?
2) 在起步時,何解機車有點振盪?
3) 若在急煞時頭BRAKE會有'達'一聲,是否有問題?
4) BRAKE 皮,珠仔,珠盤及皮帶行多少KM需更換?
Ray(請不要刊登我的e-mail adress) thx
單盤車在高轉數時所發出的正常震盪,起動時起動珠,極力子皮起離心作用,些少是會有的,如果感覺強烈的話,就要檢查極力子皮表面磨擦是否完整,你架車有否ABS,,珠,極力子皮是每20000km檢查,有雖要才更換,而皮帶就要每20000km更換一次,迫力皮就要不定時檢查,因每人用迫力不同!
|
15/3/2004
|
有關CBR400RR
老鬼師傅你好啊！小弟想請教一下有關CBR400RR既問題，就係尋晚我落去車行攪埋D手續既時候間車行個師傅話載我走一轉試下架車，到一段大直路既時候個師傅谷左一段比我睇下，點知到收油個下條死氣喉就噴左好多煙出黎（唔係黑煙）仲有小小唔知係咪電油定偈油之類既東西噴左出黎，之後我問個師傅點解會咁佢話正常喎，因為上手車主好少谷架車所以比較「淋」，到我渣一排之後就唔會再係咁架啦！請問間車行個師傅所講既係咪真既呢！？如果唔係咁又係邊度出現問題呢！？唔該
JUSTIN skac@netvigator.com
咁叫佢包保養包埋呢樣野先好!一係水蒸氣,一係電油,一係洗車時候噴到d水入去尾節!
|
15/3/2004
|
你好：本人揸CB400 BIG-1有些問題請問BIG-1有電油格嗎？是否只有5波、我經常行HIGHWAY都要6亳子油是否有問題.祝身体健康.
忠實讀者LULU gloriapoon@hotmail.com
電單車好少有電油隔。CB400SF有六個波。常行Highway但如果係炳住去，平均轉數在8,000rpm以上的話，6毫子唔貴。
|
14/3/2004
|
您好：本人在電視(指MotoGP)，或貴網站的相片中，一些影著騎士「過彎」的相片，都是用食指或中指去「扣頭Brake」而不用「五爪金龍」，本人想請教那一種效果會好一些？本人乃是一個初哥，希望見諒本人發問一些「白痴」問題。
WONG Ho Ying 請不要刊登本人的E-mail address
頭迫力的操作方法從來都不是用「五爪金龍」。正確的方法有幾種，視乎習慣和需要。分別係食指，中指，食指+中指，中指+無名指+尾指。過彎時見到騎士手指放在迫力牛角上只是一種戒備狀態，並不是扣緊迫力。
|
14/3/2004
|
又有賤精
三月十三曰下午8:10 我將架老電泊在尖沙咀亞士厘道的車位上, 當時兩邊都重有好多吉位, 我就泊在方格內 ~ 點知10:00PM返去取車就見到有架PK小綿羊JH402X 插左入來我跟本就出吾到車, 又見自己架車頭偏向一邊一定比人搬過, 之後都要友人一起搬開佢架車先出到車, 呢 d 人只顧自己方便而唔理人, 搬完人架車之後佢個位就成個 V 形咁, 出又易入又易, 但係我同隔離果架就好難出車了, 正 PK 架 !!!!
liu dee ** 請不要公開我的電郵, 謝謝 !! **
|
13/3/2004
|
有關CBR400RR
老編你好啊！本人是一名新牌仔剛剛買左架92出廠既CBR400RR我想問下有關此車規格如何！？仲有我聽過CBR400RR有分單R同雙RR係咪真既呢？如果係有咁又點樣分呢！？仲有我想問下我架車既頭避震係咪冇得微調呢個軟硬架！？因為我見過其他CBR對頭避震都唔一樣所以有此一問！仲有我想問下我架車既車齡咁老有冇乜野需要特別注意既地方呢！唔該
JUSTIN skac@netvigator.com
唔好意思手頭上冇佢規格表，你試下上網巢下。你架係雙頭碟就應該係孖R。你知呢D停左產，車齡咁耐，好多車都係左溝右溝，好似lego咁砌番出來，尤其係頭Fork，炒左一對就換過一對！
|
13/3/2004
|
您好：本人有一些問題想請教，
(1) 為什麼在學院中教車師傅所用的紅色Yamaha(唔知什麼型號)電單車，那頭碟比學生用Yamaha SR125還細，什至比現時很流行的頭尾碟煞單車都要細。
(2)現時是不是沒有平價的頭孖碟的車種。
(3)我在學車時，幸好都沒有炒或跌車，但是我每次用學院的Yamaha SR125時，都不敢頭Brake，我自己都知道現在已是單頭碟，如將來用雙頭酵便那道力使頭Fork搖得好怕。有什麼方法可以改善。
WONG Ho Ying 請不要刊登本人的E-mail address
唔知你講邊間駕駛學院，係咪Honda MCR125？每部車的設計都可以不同，沒有規定頭碟一定要比SR125大啊。雙頭碟屬於高性能車種的設計，平價車一般不是高性能，所以無需雙頭碟。你唔敢用頭brake，恐怕是你落brake的力度和速過猛所至。試下用擠壓的手法，唔好一手拿落去，漸進的掣動力度令車重有時間轉移至頭輪，承受更高的掣動力。
|
13/3/2004
|
Something want to ask
我剛上強制試, 有個問題想請教我唔知點樣先可以克服轉彎怕跌. 每當我轉彎時,我收油架車就兩邊搖,俾油架車又標有冇好方法提供?
補鐘方面也想問下有冇其他便宜d既方法??唔該哂!!!
Raymond fat_koo@hotmail.com
初學者不宜係彎中開合油門，因為會影響車身平衡。入彎前調整好車速，俾住少少油入彎架車會定D，如果做唔到，倒不如收晒油轉彎，等架車直番先俾油。如果都唔得，咁就代表你車速太慢。補鐘價錢？Sorry唔知價。
|
13/3/2004
|
無牌駕駛
本人正在學車中, 就快強制試, 為方便練習, 又有朋友送左部 PGM3 俾我 ,我時不時係公司的地方駕駛 . 唔知係唔係犯法呢 ? 一般電單車守則 ( 頭盔, 開車頭燈 ) 係咪都要守呢 ? Thanks
Mac Chin mchin@dairy-farm.com.hk
係私家地方例如你屋企個後花園駕駛就唔算犯法。冇牌都可以駕駛，重講咩頭盔開燈？但係你都唔應該咁做。況且考試部街車同你部PGM風馬牛不相及，不如你認係你貪玩喇。但一般私家路都唔可以冇牌駕駛。
|
12/3/2004
|
溫拿２衝
小弟架溫拿唔知點解嗰個叫做真空索拍嘅嘢會輕微滲油,新車買返來 不 久就有呢樣情況吾知机件有乜問題,仲有個CDI打柴會有咩預兆呢?請解答:謝 謝
chibor@hkbn.net
呢隻車係多小問題,遲下你仲會發現水箱蓋會漏水添,如漏油情況嚴重,就要返廠叫佢同你睇下.
|
12/3/2004
|
又有賤精
真的不吐不快，為什麼香港地咁多人冇公德架！
中午食飯時發覺架車俾隔籬架車 唉得好埋，跟本埋到冇位出車，好彩一早已經此車己泊係處，知道非他所為，我泊車一定預半個位俾人出車，今早我左右的車都有半個位距，所以好肯定是過２個位架 KX8087 條仆街搬車所為，搬完人地架車，佢架能車個頭轆都入唔哂，如果唔夠位唔該唔好夾硬搬啦，幸好睇到，因為唉得埋的車主剛好取車，佢仲認為是我唉埋，我馬上解釋是架 KX8087 個能人，因我架車呔後過他架車鏡，如果係我，跟本入唔到，而個能人架車入唔晒，佢才明白，正好回應了回應賤種一文章。
又到放工，隔籬又有個能人車 LD4809 ，唉埋到我跟本出唔到車，佢車太 壓在我車太 前面，有車友睇唔個眼都幫我推開佢架車令到隔籬幾架車都差點跌我才免強推到架車出。
其實點解的人唔諗 o下人地出唔出到架車才泊呢？的能人車仲有一共通點，就係全部都落車套，真不明白為何唉咁埋仲可以落車套呢？一講大家都會火滾，因為我會經親眼見到o的能人先企上我架車落完我那邊便企上另一邊那架車落另一邊。此能人車當然唉到埋啦！所以此等真能人也，只顧自己，不理人地。
又係我八佬Kang Ming Tsang (please don't show my email)
|
12/3/2004
|
你好 ！ 本人駕開400 街車，風雨不改，現想轉玩250棉羊，請問在選購二手羊時要注意D ？呢。
明仔 Ps don't show my E mail add.
既然你話開車習慣風雨不改，用400街車會安全過用250綿羊。唔好貪舒服或貪樣靚降級換左車後先來後悔。選購二手綿羊，年份和里數有一定份量者，最好更換傳動皮帶和檢查普利珠。
|
9/3/2004
|
架車撻唔着
老鬼師傅您好! :)我揸PX200.架車電撻撻極都唔着,淨係得..."的"一聲,用腳撻就好辛苦咁撻勁多次會着一次,但要俾着油,如果唔係就算係空波都會死火,之後唔駛指意即刻撻得番着....要等一段時間先可以再用腳撻撻着番...架車呢頭揸都無事,停低行開一陣,轉頭番黎就咁la>...麻煩指點下....
Longer longer_chan@hotmail.com
電池,火咀,吸必打漏油,士打索制,士打牙,唔check過都唔知壞邊度!
|
9/3/2004
|
Starter 一問
老鬼師傅您好!本人是一名新牌仔，剛出了一架易手的Yamaha Zeal 250。但買的時候已知個starter有問題，但今天著唔到車。個Starter按的時候有時沒有"tak tak"聲，有時按多一會才有，這最有可能是什麼問題呢?還有，上手車主話2年前轉個一次電池，請問現在要換嗎?要換的話又大約要多少錢呢?謝謝!
kammychoi kammychoi@sinaman.com
這個最有可能是start制接觸不良,如電池無問題的話,下以可試用唔同角度而且大力些少推下個start制.另日本電池$380到!
|
9/3/2004
|
尾牙油同鏈油有乜分別
師傅及老編各位您好!!!我是SF VS車主, 但自己對整車知識不熟, 請師傅指教一下; 尾牙油同鏈油有乜分別? 又有冇頭牙油? 這台車我買入已兩年多(96/98), 從未換剎車油, 但剎車正常, 應何時換? 問題多多煩請解答! ^_^!
Wu Bird510 bird0510@hotmail.com
你見到尾轆由鍊帶動就係咁分,里數在2,3千就雖要調較鬆緊度,同適當時候就雖要噴些鍊油作潤滑,如洗車後或乾燥時,而行尾牙你會見到尾轆有機器殼遮住一邊轆,由鐵軸或皮帶帶動尾轆,機殼內有波牙同啤呤所以要用入尾牙油,而佢最大分別就是無雖調較,只要在8000km-10000km更換油就ok,而頭迫力油一年更換一次就可以!
|
9/3/2004
|
詢問 cbr400rr 問題
你好，我好想買一部 faring 呀…聽人講 cbr 400 rr 比較易操控…我想問 cbr 400 rr 係大約幾多年生產？我見大部分的 cbr 400 rr 都係九三至九七年…其實最新年份係咪真係九七年呢？點解近排會有一 d 車行賣 cbr 400 rr 係 03 年落地？佢地係邊到返車？點解架車放成五、六年先首次登記？可唔可以講下點樣睇佢係咪原裝殼呀…我見 cbr 400 rr 有好多隻色…如果想知架車有冇炒過…有咩有效 d 既方法睇到呢？祝 貴網運作順利 thank you
Alvin Tsang" <tcm_810@yahoo.com
CBR400RR在高中低轉的輸出較其他跑車平均，所以比較容易上手。第一代的CB400F在1983年出現，其後在1986年產生CBR400R，CBR400RR則在1987年尾才面世。在90年92年和93年轉過款，最後在01年正式停產。
03年落地係指輸入香港並向運輸署登記的年份。二手車入口商從其他地方例如日本輸入二手車，所以我地應該留意製造年份。一架舊車面世左咁多年，好難話完全冇炒過，而通常都會用其他舊零件代替，所以一般輕微事故比較難發現。當然龍骨車架尾擔唔可以有裂痕變形喇。
|
9/3/2004
|
各老編 / 師傅你好. 我架車攞去某某大車行到換Fork油. 返到屋企發覺Fork 頂o個組英文字有一組變左係下面 (即係微調軟硬度o個組 S <--> H ) 係唔係應該左右兩組都係上面 12點方向, 而家有一組係6點方向會唔會有影響架? 兩邊會唔會唔平衡架? 麻煩幫忙解答 ~ Tks.
Roy(請勿刊登我個電郵)
左右頭叉避震的各項設定應該一樣才對。由於soft-hard的旋鈕可以扭幾圈咁多，所以並唔係話淨係睇指著同一點便ok。要重新設定的話，應該把他們向左或向右擰到盡，然後才開始重新調較。例如大家都一齊擰一圈半咁樣。
|
9/3/2004
|
問CB400 車o太
老鬼師傅您好! :)
我開 cb400, 平日返工用多,下雨天亦多數不?,請問你覺得Dunlop 501 同70SP邊隻好d?唔該
Kan dk29@icare.com.hk
建議如果雨天唔開車就用70.
|
9/3/2004
|
尾牙油
請問行車多久、才換尾牙油？而油是否用換機油的同一種便可？請指導我。謝謝！
chiuming chiuming@telecomdigital.cc
通常在8000km-10000km才換,用80w-90w牙油.並不是用普通機油的.
|
8/3/2004
|
問車
老編/鬼大人,閣下見多識廣, 在下一向愛看 貴網等高手之意見. 請評在本港買賣甚少的YAMAHA FJR-1300? 美國YAMAHA網站介紹為TOURING-SPORT, 即又跑得, 雙騎又掂, 開車又舒適之車種, 又話有三兩份雜誌評為年度好車云云. 請問軸傳動跟行鍊有什麼分別? 我現時用HORNET-900, 與FJR-1300比較, 用起來會有怎樣的分別? 該車合否行起來非常之熱? 壞車會否唔多人識整? 新車成十皮野一架, 你認為物有所值嗎? 同類車你會揀邊架? 多謝賜教!
笠臣 jesusc@sinaman.com
FJR1300係好車，但係香港市場唔係咁大。一來貴價車銷量一向少，二來香港冇長途巡航旅行的需要，除非將來個個可以隨時開車去大陸又唔同。三來日常使用又一定要泊私家車位，唔係個個人都搵到靚位泊車。
軸傳動在處理加減速和轉波時，下下硬食，彈性較鏈傳動為低，所以一般跑車都唔會用呢個設計，但好處係唔使攝鏈唔使落油。Hornet 900係一部十分輕巧易用的街車，FJR1300的體形和重量起碼高兩級，操控反應一定唔夠Hornet 900快，但就會舒服好多。
呢類高級車種，普通車行一定冇零件存貨，甚至維修資料也欠奉。所以架車有問題梗係俾番代理跟。如果你o岩用的話，都唔係貴丫，部車有排玩。同類車有Honda STX1300，外形配套更科幻，但馬力輸出冇FJR1300咁勁，同埋用V4引擎，熱量一定比直四偈更高。所以都係睇番個人對牌子和外型的喜好。
|
8/3/2004
|
水冷一問
Hi! 你好. 我想問水冷engine係唔係只用清水就可以?
Fong Chun Ki 請勿登出我的E-mail
冷卻劑內含添加劑，作用係提高沸點，防止生銹和防止冬天結冰(當然唔係香港)。就算淨係用水，都應該係蒸餾水，唔係水喉水或礦泉水。
|
8/3/2004
|
政府有冇強制電單車幾多年要驗車的.仲有.電單車NCB最多係咪60%?
異形Alien alien_1017@yahoo.com.hk
目前電單車除了新車入口時要驗車和俾差人懷疑改裝而需要驗車外，不設例行驗車要求。電單車NCB最盡只有30%。
|
6/3/2004
|
問Bandit600
由新車至今已行了近10000公里,平日每隔2500換一次偈油及油隔,請問還有沒有其它地方需注意呢?
Luen Ps~~請勿把我E-mail登出thx~~
你本車主手冊應該有個check list講行到幾多公里要做乜。其實都冇咩搞，你行左一萬公里，可以睇下條鏈需唔需要攝下佢。
|
5/3/2004
|
要求指點
本人想買一台400cc.的老電 , 而且都有目標就是bandit400v.cb1,brss400.請問這三台那一台比較實用 . 及油費會否很貴.((因為400cc,一天走30~35km)).只有一萬元以下.
vincent yin my1233211234567@yahoo.com
Suzuki Bandit 400V, Honda CB-1 400都是採用並列四汽缸引擎。年份較舊的CB-1 Type I馬力有59 ps，年份較新的Type II馬力開始受法例所限只有53ps。Bandit 400V擁有可變閥門，引擎在高轉時能把生氣閥門開啟的幅度加大，配合增加供油量令馬力提升。Honda Bros 400採用V2引擎，馬力只有33ps。個人較喜愛CB-1，因為是直接從CBR400RR轉移過來的低把手街車。Bandit400V如果不是較多小毛病，是性能最高的選擇。Bros 400十分耐用，而且車身較窄較輕，但選擇Bros 650會更好。求實用代步，我會揀選擇CB-1或Bros650。
|
5/3/2004
|
請問super four?
本人有意買CB400,但睇見有幾隻款,又VTECH1,VTECH2,又BIG1 ,SF,還有其他,請問有乜分別呢,係咪最新最好力就VTECH2(口甘)分呀,多謝您既寶貴時間，萬二分感激
man_kwan@so-net.com.hk
有關各代CB400SF的分別，請參考CB400SF VTEC SPEC III的介紹。
|
5/3/2004
|
新仔的問題
老鬼/老諞你好, 客氣說話不用多說, 本人有以下問題想請你們指教:
1. 本人就快過度首年的P仔生涯,正在想之後換車.起初我是想買新車的,但當我資詢過朋友意見後,他們大多數的意都是不同意.他們說買新車之後無論你架車幾咁新淨放出去都必然價錢唔左一半.真的嗎?
2. 我的朋友多數見意我買二手車,到底好嗎?
3. 買新車同二手車各分別有咩好處同壞處?(如果係你,你會如何選擇)
Wai 請不要show我的e_mail謝謝
香港的二手電單車市場，折舊率沒有私家車那麼高，但每年也應有10%折舊。買二手車價錢較平，買新車應該係trouble-free。買二手車係尋寶遊戲，有運氣有眼光重要有時間慢慢揀的話，會買到超值的貨品。買新車係方便即食的消費行動。唔駛揀唔使唸。除左買全新車或二手車的選擇外，還有向私人買還是車行買的選擇。有人永遠向車行買，也有人永遠向私人買。
其實問題的關鍵係你的心水電單車係乜？如果係新款車，二手交易較難搵，通常都會買新車。如果係舊款車，想買新都難。向信譽良好的車行買車，有售後服務。同私人買車，過左海就係神仙，冇乜保障。睇你的情況應該唔係好識車，最好都係同車行買新車較穩陣。
|
4/3/2004
|
p牌的一問 你好,有以下幾個問題想問一下.
1.請問p牌是不是拿了車牌之後開始計一年就可以不掛p了?我聽朋友說,是要排簿滿一年才不用掛,那一個才真,
2.今天7月才滿,25歲,聽人說25歲後比較易出車出燕梳.
3.我不小心不見了車牌,又剛好差不多夠一年了,要不要現在就去報失,還是等到那時才一次過做,唔知不見了....要不要又等一年可轉正式車牌.
wah wah@i-cable.com
一年P牌係由你換領第一張駕駛執照開始計算。以保險公司的角度來說，25歲人比20歲人更穩定，所以出保險會易D。但呢個只係條件之一，重要睇職業，私家車買全保甚至乎要睇埋你居住地區。唔見車牌應該第一時間報失。麻煩都係咁話。遺失補領與甩P無關。
|
4/3/2004
|
冇人性Van仔佬
今年2月29日星期天本人出動四轆(因老婆仔女同行)由九龍東往旺角。途中有一對P牌小情侶各駕一輛小綿羊跟在後面，柔然自得，羡煞旁人。當我們去到衛理道伊利莎伯醫院對開時，本人從倒後鏡中看到一輛白色飽經風霜牛肺貨Van在同一行車線超越兩小綿羊，然後緊貼本人的車。本人立刻怒火中燒，不值那廢人的行為，接著施以30km慢駛，看清楚是什麼敗類做出如此劣行，發覺原來是隻在地球上胡混了三十多年典型低等冇知識粗鄙寄生蟲。往後到二線行車時那隻東西駛到我左邊，我當然立即開窗教訓它，它也當然以它慣用的下等語言回敬，完全沒有半點羞恥之心。
本人十分之慨嘆為何香港還有這麼多低質素的人，往往只顧自己，自我中心。環看馬路上，有多少駕駛者肯(或董得)運用指揮燈，只是小小的動作不謹是駕駛安全必須，還是一種禮貌和態度。希望大家認同本人的觀點。
大衛上 (To Editor: Please don't post my email address, thanks!)
|
4/3/2004
|
死仔包,咁百厭!!
我今日1700時經過順利村,停車響燈位果陣,feel到有兩滴水滴到我,初時我都唔為以,跟住再望上隔離架大巴,居然俾我見到有班中學生坐響上層車尾位玩緊,當時我其實都唔想理,跟住其中一個居然望落黎,仲渣住個水樽囉(即係佢做啦),綠燈之後我跟住架車,個死仔居然再向途人吐口... ,後來我趁巴士埋站我咪同個車長講聲,再衝上去話個死仔包,我鬧到佢一聲都唔夠膽出,成車人都望住,佢勁冇面!! 死未
MAN manlee924@yahoo.com.hk
|
3/3/2004
|
車鎖問題
之前 ibike 咪有個關於車鎖邊隻好, 邊隻唔好既報導既? 點解而家搵極都搵唔番? 係咪 ibike 屈服係惡勢力之下?? 講笑姐.......請幫幫手再登番出黎, 好嗎?
Jay （請勿登我的電郵，謝謝﹗）
iBike好似未曾做過邊隻鎖好邊隻鎖唔好o既報告。因為我地冇咁多錢去買咁多把鎖番來爆。你應該係睇過某一期o既MotoPlayer，呢有上下兩集，搵鬼馬占士扮賊仔果期，有興趣不妨打個電話去問下佢地補購手續。
|
3/3/2004
|
您好：可以介紹一些合「P牌」用的二手車轉波車，而淨車價在2萬之內的250cc的車種(可以2或4衝程)。同時可以有保險公司接受。WONG Ho Ying 請不要刊登本人的E-mail address
可以有好多選擇喎，不如咁樣：你去「買賣搜尋」的搜尋器內，輸入預算價錢，選擇車種和揀埋排氣量，睇下有咩車款彈出來。然後你再把心水車款拿出來大家研究下重實際。而家保險公司放寬左投保限制，P牌都可以出到棍波250。隨便揀下喇！
您好：我在貴網頁中，找了這部車(1996年的鈴木Bandit 250)，可否給點意見？
WONG Ho Ying 請不要刊登本人的E-mail address
以同級排氣量來說，比起其他四衝程單汽缸或雙汽缸引擎車種，Suzuki Bandit 250是一部高性能電單車。其引擎種類是並列四汽缸DOHC 16汽閥形式，是強調高轉數馬力輸出的車種。受到日本法例所限，250馬力不得超越40ps，而Bandit 250的最高馬力便是法例上限的40ps。同級車種還有Honda Hornet 250、Jade 250，Yamaha Zeal 250，Kawasaki Balius 250等等。購入這類易手中古小車時，要留意引擎有否被經常高轉使用而出現老化耗損。睇多幾部車，聽下幾部車d聲有咩唔同，自然會分辨到邊部好D。
|
3/3/2004
|
心急人
本人有一急切問題 , 煩請貴兄和各車友指導.本人剛買了一部CB400VTECII , 但聽說此車失竊率比較高 , 現有一些防盜問題 ?本人住在公共屋村 , 但因本村和鄰近的Carpark已full , 現唯有泊街.
本人現用了2把碟鎖和落車蓋再加前後車蓋鎖 , 請問是否叫足夠呢?和請問如鎖在欄杆和沒有鎖在欄杆是否安全方面差好遠呢?和請問市面下有沒有一些防盜置認為比較安全呢?(除了防盜警報器)Thanks
Dick dickdick888@hotmail.com
市面上專為電單車而設的中下價鎖具，防剪防爆的功能，在專業賊人的眼中可能不值一晒。要安心，去五金舖買番把貴價的電腦塔鎖，即係人地用來鎖舖頭拉閘果隻。頂得兩嘴架。不過人地成部抬走你又冇計，所以買多條合金粗鍊，搵呢個鎖頭攬下柱安心D。不過咁，生死有命，做足自己本份，一切隨緣.....(嘩好灰咁bor…)
|
3/3/2004
|
想換車
老鬼師傅您好：本人揸開CB750F2，現在想換X4或XJR1200-1300，請給些意見，謝謝！
想換車的人 leungyk@so-net.com.hk
你用開直四街車，想轉XJR1200/1300絕對可以理解。但點解會唸X4呢？X4係類似V-MAX果類直路狂魔，得舖牛力，彎性麻麻地。其實你係咪想講X-11呢？以車論車，X-11由CBR1100XX轉過來，雖然個樣唔係咁多人接受，但性能操控絕對係上佳選擇。
XJR1200一般街搵到年份較高，而XJR1300貨源較少，要俾D時間睇下搵唔搵到好野先得。另外可以唸下CB1300，98第一代冇大架o既CB1300都好易搵丫，價錢都唔貴。重有Suzuki Bandit1200，Kawasaki ZRX 1100 / 1200，其實呢類四衝大街車，架架都好鬼襟，副偈通常都冇乜問題。邊架覺得抵買就買邊部，價錢決定一切！不過留意XJR1200，CB1300日本版馬力限制在100ps，而Bandit/ZRX就較易搵到出口版，馬力有明顯分別。
|
2/3/2004
|
三號幹線契弟---車牌AA7X Benz
大家2輪老友要小心，條卵樣逢車過車，昨晚差D有三條命死係條卵樣手上。事發如下…
昨晚7時15分，我放工反屋企，照常行三號幹線往尖沙咀方向，當時都幾多車，亦有老電，行到過了貨櫃碼頭。我行中線，係倒後鏡度見到一架jeep係度左穿右插，半秒之後佢已經係我旁邊，係我右邊快線前面(2點位) 有另外一架雙騎街車，條卵樣當自己架jeep係電單車，想係我地中間過。我又係佢左手邊，條友見到我都要’趙’埋黎，我閃晒大燈響晒HORN佢都重要過黎，架街車就逼到差不多埋晒牆。我地差D死係條卵樣架車底下。我地兩架車130km/h追左半公里先追到，條卵樣係度講電話重好死串望反過黎然後入西隧。
其實可唔可以告佢魯莽駕駛架，因為我知道好多人都見到架，由其是架街車司機和乘客，可以企出來告Q條撚樣，我要話比佢知唔係喳架Benz以及有錢買個AA7X車牌就大晒。
SUZUKI UH150 (Message post via crash form)
編按：睇番以前我地果位「休班公務員」，曾回答過類似問題，節錄部份如下：
你可向任何一間警署作出投訴，表明立場想控告對方，警方會作出跟進及調查 。如果你想檢控程序加快，則需往所屬區份之交通意外調查組報案室舉報，會有專人招呼取口供。
以下節錄危險駕駛 版本日期： 01/07/2000
(a) 某人駕駛汽車的方式遠遜於對合格和謹慎的駕駛人所可預期者；及
(b) 合格和謹慎的駕駛人會認為該人以該方式駕駛汽車顯然是危險的，
則須視該人以該方式駕駛汽車為第(1)款所指的危險駕駛。
|
| |
|
|
|
 |
|
