|
|
|
FAQ常見問題 |
|
|
2/3/2004
|
二月底某天，單騎由汀九出觀塘，轉上呈翔道前的一段路，跟我尾的是一架大羊（銀色，唔知咩車），由一名麻甩佬駕駛。我行緊右二線，打算過了左邊的貨車便慢慢切入呈翔道，點知個麻甩佬突然係我左邊過我（係同一條線﹗），而我事前完全睇唔到佢，亦估唔到會有人嚮我左邊同一條線超車﹗我即時反應係大叫「好驚﹗」，想起記低佢個車牌時佢已經鬆人。
個麻甩佬都好博﹗如果我咁o岩偏向左少少實會炒埋一碟﹗其實當時我都行緊80公里，又唔係慢丫，唔通佢唔鍾意跟女仔尾，想女追男？
想提一提另一無良事件：隔左一星期左右，我響元朗振興新村對出一段路面行緊，上址是雙線單程行車，我行慢線，同我並排的客貨車無啦啦壓埋我度，我即刻扭向左，同望下架客貨車，見到車內數條麻甩佬對我笑淫淫﹗未見過靚女呀﹗萬一我因為咁炒左點算，死佬﹗
暱名靚女（請勿登我的電郵，謝謝﹗）
|
2/3/2004
|
您好：可以介紹一些合「P牌」用的二手車轉波車，而淨車價在2萬之內的250cc的車種(可以2或4衝程)。同時可以有保險公司接受。
WONG Ho Ying 請不要刊登本人的E-mail address
可以有好多選擇喎，不如咁樣：你去「買賣搜尋」的搜尋器內，輸入預算價錢，選擇車種和揀埋排氣量，睇下有咩車款彈出來。然後你再把心水車款拿出來大家研究下重實際。而家保險公司放寬左投保限制，P牌都可以出到棍波250。隨便揀下喇！
|
29/2/2004
|
尾牙油問題
老鬼師傅 ! 你好,我架綿羊行駛兩萬多公里(已換火咀 、呔、皮帶同珠仔)。除了定期更換偈油和油隔外。我想知到尾牙油又隔幾耐要換、咁尾牙油有咩,用同又係咩油黎呢?THANKS~
Runner 180 bruceli@netvigator.com
應每8000km至一萬km換一次,裏面只得幾隻牙同啤呤所以更換次數亦比較少,當前面起動由皮帶拖動尾轆,尾牙轉動尾轆轉,裏面入係指定尾牙油,80w,係比較濃.
|
28/2/2004
|
買咩車好?
小女子一名，P牌買咩車好呀？有啲又話P仔買綿羊仔揸，拿路面經驗；但係明明考棍波……本人又貪靚、又唔係有好多$……睇中嘅車款少之又少，可唔可以比d意見？APRILIA - Habana 125 / Italjet TORPEDO 150 / YAMAHA - Virago 250 / HONDA - REBEL 250 /HONDA - MAGNA 250
lingling ling1029@hotmail.com
綿羊我揀Habana 125 Custom，貪佢夠classic夠靚。美式巡航車我揀年份較新的Rebel 250，雖然無Magna咁靚，但貪佢輕身易用。
|
26/2/2004
|
回應"冇公德的賤種"一文
類似情況聽過好多次，我都好明白事主感受。好多人因此講晒XYZ，甚至施以報伏，但有無唸過可能殺錯良民…泊車2車緊貼，自已部車都吾著數，我經驗所得，此情況多數係隔一、二部車所為，搬車話之你死，你地D車貼埋一埋，我就大把位。各位唸下有無道理？我就試過比人搬完車重要比隔離個亞叔話我泊得貼，好無辜…
Rick pls. don't show my email address, thanks!
|
25/2/2004
|
車手獎
真係揸車咁耐，一D都唔知乜野叫做車手獎。在什麼環境下才有資格申請?手續繁複嗎?金額有否高低? 謝謝回覆。
柏基仕 primegates@yahoo.com.hk
車手獎正式名稱係「交通意外傷亡援助計劃」。此項計劃由社會福利署執行，並由交通意外傷亡援助基金撥款支付，目的是不論交通意外因何人之過失而引致，均盡早為傷亡者或其家屬提供經濟援助。援助金只因當事人受傷或死亡而發給，至於財物損失，則不在援助範圍內。申請人根據此計劃申請援助後，仍有權循一般法律途徑索償，但如因同一宗交通意外而獲得賠償損失或其他補償，則須歸還在此計劃下所發給的援助金，或所獲得之賠償，二者中以較少者為準。詳情請在iBike「常用資料」內，找到車手獎相關連結。
|
25/2/2004
|
冇公德的賤種
今天如常一早開老電到尖嘴亞士厘道泊車返工，因尚早，所以車位多的是，泊好車後便返寫字樓。中午吃飯時侯如常落街探下架老電，睇睇有冇的賤種又亂泊車。不看由事可，一看眼火爆，因為有一架賤種 LF1280 i X落我架老電道，指輝燈被壓X住，豬頭被銀X爆，前面豬頭被撞X花，佢老板，此等賤種只顧X自已泊車，不X理人家，唔X死冇X用。唔該佢個腦擺X返上個頭，唔好淨係擺X在屎忽，顧 吓下人地感受。請各車友記住 LF1280，不要做下一個受害者。
八佬上 Don't show my email address
|
25/2/2004
|
新手的問題
我想問下CBR 250R 同CBR 250RR 兩者有咩分別!因為我見到250R同250RR價錢差成幾千有多,仲有呀我係新P仔 咁應該買咩型號車好(一定要跑車款，朋友可代本人出車所以保險唔使擔心)多謝指教!!!
www.evan@mail.hongkong.com
CB250R在1987年初推出，至1990年被CBR250RR所取代。單R單前碟，孖R孖頭碟。
|
24/2/2004
|
PK Hi Ace
各位小心黑色Hi Ace HD3660 ,03 fed 下午6:45 在九龍城警處外左邊一巴打過來我的最右線,分明想取命! 你唔順我p 牌起天橋行70 都唔使冇品到Sing 人呀! 我再見到你,我要你一定冇運行. 彎仔佬
請不要刊登我的電郵Chi keung kung
|
21/2/2004
|
迫叻夾住碟
老鬼你好!我架vs400迫叻都好像夾住隻碟,慢車就聽到沙沙聲,應該去裹check先放心????????重要幾多錢???Thank you so much!
kh ng vincentng32@yahoo.com.hk
要睇清楚,馮車迫力皮都有少少縭碟聲,無皮又會有聲,積起個頭轆大力轉下佢,懂得自轉就代表無積迫力泵,到車行check有無皮或積泵9乘唔會收錢,除非要折鮑魚或拆轆.
|
21/2/2004
|
溫拿4沖死火
老鬼你好！我架溫拿4沖，有日經三號幹線俾住120km出九龍，點知去到油麻地出口附近，架車突然俾唔到油，我去到燈口停車時跟住才死
火，我已經睇過渴油仲有，冇law味，冇白煙。之後試過好多次撻車，只係聽到"撲撲"聲。請問我架羊死邊樣？同維修費大約多少？
老kel opgkel@sinatown.com
架車有無電油?火咀cap有無鬆左?要check過至知!
|
21/2/2004
|
買車問題
老鬼先生及編輯，您們好！由於本人Outlook出現問題，所以不能在貴網頁專欄內E-mail給你，改用netmail，不便之處請諒！本人想買96 Rebel 250 二手車，請問全個引擎上噴上黑色油是什麼原因？引擎零件新舊對比很大，是否有問題，怎樣測試？96 車年只行8千多公里，咪錶能否調整？如咪錶被更改了可否看得出？多謝指教！！
賓利先生 bwwl@netvigator.com
噴左黑色可能佢鐘意啦,二手車好難講,撞爛左換新野又會,因賣車整靚d又會.所以我地唔會信咪錶,係睇成架車襯唔襯.
|
20/2/2004
|
洗吸後問題多
有幾個問題想請教:我架CB400vs98年,已洗吸,換火嘴,偈油,迫叻,風格check過正常,
1)洗吸後電油貴左,原本一缸入滿可以行300km/h,現時只行得200-220km/h,平均轉波約六千或七千(轉),轉數表不定,有時收油會跌到500轉,而停定又會上回1200轉左右
2)迫叻試過夾住隻碟,但之前已換鮑魚(膠圈),車房話有垃圾,所以弓唔起
3)98年vs應該有幾多個波
kh ng vincentng32@yahoo.com.hk
轉數唔定可能無check平衡和無調較風油位,內裏洗不乾淨亦會,調較不當亦會,如選擇3舊零水所為保養套餐多數如是,油量差咁遠可能取了電油作洗吸用,!迫力已換膠圈但再迫死,一係之前整得唔好,唔係都可以用幾耐下,應該係污積唔係垃圾,生銹加上迫力粉就會積死唔彈, 所有CB400SF，無論新舊咩version都好，都有3個女仔.....(老編按：咁有3個阿婆得唔得呀？)
|
20/2/2004
|
Change Bike model
Dear Sir,I driving Suzuki UH150 before and i would like change to CBR250RR. Are CBR250RR suitable for a driver from driving auto to manual?Regards,
Hedgehog kmpoon@hkem.com
CBR250RR is a small and friendly bike. It is a good entry point for green sport biker.
|
19/2/2004
|
等我講番部車的情況先~^_^~風格換左吾夠500km~部車改左直出喉~換左依金火咀~~~~仲有我5波果陣未到紅區就轉波了~上次我試极速時每波大約7000~9000轉左右轉波的~系度再次多謝老鬼為小弟解決問題先~^_^
WW QQ cbr400cbr4002003@yahoo.com.hk
極速講求馬力，CB400SF最大馬力輸出好似係10,000rpm或11,000rpm。下次試下係四波上五波，和五波上六波時，引擎轉數夠10,000rpm先轉波睇下效果如何？
|
19/2/2004
|
老鬼你好~本人有一部95款的CB400SF~機件一齊正常的~有一次我想試下极度就溫左條大正路試車~~當開到168KM時速度就吾上了而且油門未到底的但我開盡油門部車也再毫沒反應一路是168就吾上了我想問下呢個情況系米部車有限速CUT左油?
WW QQ cbr400cbr4002003@yahoo.com.hk
正常cut火速度是在180km/h。你部車扭唔上有好多原因。等我估下先。會唔會係你部車改左喉但冇改唧咀，高轉唔夠油食呢？又或者係風格冇換，吸氣量唔夠呢？另外當時副偈行緊幾多轉？入唔入到紅區呢？會唔會係五波未夠轉數就上踢六波，所以扭唔爆錶呢？又或者係上手換左大牙令最終減速比變「低」，導至極速減少？可能有好多，你要自己慢慢唸下。
|
19/2/2004
|
春夏與秋冬
近日天氣已多回暖，10年齡的老電條氣亦順多，都幾爽。為什麼在秋冬常有問題，如冷車死火，猶豫，在沒有任何機器清洗或維修下，問題會在春夏中有所改善，什至消失呢?需要怎樣處理，秋冬之時才不會再遇上呢?全年常樂呢?謝謝回覆。
柏基仕 primegates@yahoo.com.hk
敢問各下的老電是否油泠或風泠車呢?機器多年來的辛勞,有否為機器作全面維修,如小修..換下呤,dup下哇佬剷下碳糞咁呢,洗下化油器之類呢!唔係3舊水包掂個隻喎!可先行check下中缸壓縮是否足夠再作決定!
|
19/2/2004
|
光陽 GRAND DINK 250
你好!我想問下我部GRAND DINK 自己一個單騎極速140公里,雙騎132公里 點解會差咁遠?幾時要換"迫力皮"?和些車耐用嗎?會不會兩年便
玩完?換風鼓有什麼作用? 和什麼扭力加速器換了係唔係會勁好多?
eason easonchiang@hotmail.com
負重當然會減慢速度,就如跑馬都會要騎師過磅,迫力皮要睇,唔可以計km同用幾耐,因停車次數與力度因人而異,換完個兩樣野有機會勁d,不過其它零件有否因此而減低壽命就唔清楚.
|
18/2/2004
|
請問 95 honda sf400 的主油缸及後備油缸分別, 行多少km便入油？後備油缸又可以挨到幾遠？謝謝!
Richann 請勿刊登本人電郵。
冇記錯係14+4L。可以行幾多km，答案最好自己搵，因為每部車的耗油狀態，駕駛風格和行駛路段都有不同。方法係每次入油後都reset trip meter，然後摸熟spare cord的位置，當正cord行到冇油時便馬上扭去spare cord。咁你睇一睇正cord可以行到幾多km，除番14再乘以4，咪估到spare cord可以行幾多law...
|
17/2/2004
|
小弟架AN400最近凍車時撻車,之後開大燈即死火,請問係咪電池到期?唔該晒!
Wing ksw3009@yahoo.com.hk
原因之一,可先check電池,整流及有否因接觸不良而引起死火!
|
17/2/2004
|
雜聲
老鬼師傅 :本人車底傳來雜聲,發現車鍊轉到某一位置很緊,轉到另一位置很鬆,除換車鍊外,頭尾牙有無關係.謝謝.
ccliu@net-yan.com
當然會有!但師博一望就知駛唔駛換!
|
17/2/2004
|
油缸大小
老鬼先生︰最近買入99年magna250，向你請教到底這架車的主油缸及後備油缸分別有幾大？應該大概行多少km便入油最穩陣？後備油缸又可以挨到幾遠？請勿刊登本人電郵。謝謝!
kam
實數我都唔清楚,正可行250km以上,後備都可行30km到!
|
17/2/2004
|
我想請教下95的CB400SF后輪能否裝到PIRELLI的180/55~17的胎嗎?會否HI到車架或尾擔???
WW QQ cbr400cbr4002003@yahoo.com.hk
唔得!
|
17/2/2004
|
新車問題~
鐵騎網誌仝人及老鬼師傅你們好，客氣的話不多說了。本人的愛驅是cbr600f4i sport，購入已兩年了，不過本人很少開車，所行里數不過七千五百多公里。我想請教除了定期更換偈油外，我的愛驅還有甚麼消耗品需要更換呢? 如brake皮那些。請指教。謝謝謝。
TseTan pricetse@hotmail.com
我就會check下呔有否龜裂或不夠呔氣,尾鍊還雖要落下油,呀!最緊要check埋電池!
|
17/2/2004
|
買邊架車好?
您好, 本人現?Vini 150, 想升級買大羊, 請問Suzuki UH150的匹數是否有15匹, 扭力真的有成2.5嗎?因小弟看過很多250cc的車種扭力都冇咁大, 我亦曾到Suzuki問過UH150的匹數和扭力, 他們竟然答我廠方沒有公佈,小弟買車只要求好力實用和靚仔, 不追求極速, 120Km/h己滿足, 我起初本來想買Suzuki, 因靚仔過Kymco, Suzuki回答我之後我而家心大心細唔知買邊架好, 請給我一些專業意見或其它更好的選擇, Thank a lot!!Best Regards,
Alan alanchanangel@netvigator.com
我地冇證據睇到UH150的馬力有否報大數，但扭力應唔會有咁高。你而家都用緊150，點解升級都仍然睇番150呢？起碼都睇下部Aprilia Atlantic 200啦！
|
17/2/2004
|
請問點解同樣係二衝程，suzuki RGV250比Honda PGM系列貴咁多？二手都要過二萬蚊，佢有乜野優點？請指教•
初哥 simonkina@hotmail.com
RGV街貨較PGM「疏」，供應量少，所以定價自由度較大。但最後價格始終都要靠市場供求來決定。
|
17/2/2004
|
放工回家途中, 行緊50-60km 時速, 見到有架的士着住死火燈泊一半上左方行人路落客, 已經倍加留意住佢, 點知我剛駛近到佢右便時候, 佢一熄死火燈就扭右駛出, 好彩自己早有防備,但仍嚇到即刻長響鞍, 好彩剎得到制 但個的士佬望狼住我陰陰笑駛走。心中覺得的士佬好衰，真係要加倍小心D的士和巴士, 分分鐘取你狗命。
Plato / AN150 (Message post via crash form)
|
16/2/2004
|
您好, 小妹好恨學綿羊車, 但人委尺數矮腳短試坐過架駛學院的suzuki車吊腳,請問這樣是否不能楂綿羊, 腳短是否難學D, 電單車可否改低坐位, 有哪款低坐位又CC細的綿羊可揀. 謝幫忙!!
Mandy" <mandytopknit@ctimail3.com
腳短問題，可參考以往我們訪問過一的位女學員故事。一般10吋輪框的日本或台灣綿羊座位都好低，如果重係唔得，可以試下刨薄座墊。
|
15/2/2004
|
本人昨晚同一班車友出車,去到大清當時停車場有數十部車。突然有八部大馬來到叫所老電著車,當時有一半老電左右巡行燈長著包括本人的小羊.阿蛇話巡行燈長著的車旁要去驗車.因為法例係不可的阿蛇寫下行車證後講會有信通知驗車我想香港應有很多揸老電的車友不知有這條例,請各大車會反映一下。
Benny Suen benny_suenhk@yahoo.com.hk
|
15/2/2004
|
有 law 味
老鬼師傅 :本人上個月買了架新 forza 只行了 120miles 未到驗車日期, 當行一段時間停下時發現有陣味 ( 類似 law 味 ), 水溫正常, 不知是什麼原因呢 ? 是否由於是新車未 run 夠呢 ? 另新車大約要行幾多公厘才 run in 完 ?謝謝, 等待回覆 !
Liu Dee p.s. 請不要公開本人之 email address
yeh~~~~~係新車的氣味!亦既係新車才有,由於新車未曾受過高溫,包括機器,死氣喉,水箱水各樣,用舊左就會無,除非你死氣喉有膠袋,或布cover之類貼住!如果唔係就渣渣林索多幾野.
|
13/2/2004
|
老鬼師傅你好,my bike is sf v/s 有的野想請教?
1.熱車後正常slow 轉數係幾多(my bike 1400rpm)?
2.條喉補噴高溫油要幾錢同邊度有得做?
3.正確檢查水箱是否夠水要點check(庫水箱冇晒)
4.頭fork 頂有一點點銹同engine底重油漬好難洗,有冇好介紹?thanks
pgo1 pgo1@sinagirl.com
slow應該在800-1200內.你可到汽車零件舖買高溫死氣喉噴漆diy,或可叫你去開個間車行代做,正確檢查係正水箱,不過水箱蓋係油缸底(右前),機器底有重油漬先要檢查有無地方漏油,可用萬潔靈(抽油煙機)試抹!生銹可用0號水磨沙.
|
13/2/2004
|
cb400死氣喉問題
老鬼師傅:cb400有Big-1, Version R, Version S, Vtec I, Vtec II,我想佢地邊款係兩節式死氣喉，Big-1,應該係一條過，其他就2節，
係唔係?如果係一條過，換死氣喉時咪要前面都換埋係唔係呢？
sam tung1082004@yahoo.com.hk
你答的全中!但有些人將BIG1尾節切開再駁回另一節尾喉亦會,不過未免太肉....!
|
13/2/2004
|
brake disc 小小生銹......
老鬼師傅:我部車前後碟有dd銹. !可用砂紙清除嗎?有冇其他方法??唔該哂.
阿古捷斯-V4兵團 don't show e-mail please.
用沙紙整用之後記得噴番d油落去!
|
13/2/2004
|
o圭佬及油傘之問題
老鬼先生你好,本人的yp250油傘損毀,要換一個新的約多少錢.另外,我朋友的pgm3也有些小問題,如keep轉數在5000-8000時,感到車子有些像放屁的感覺,會發出怪聲(及無力),full一下重油便沒有事,在5000轉下及8000轉以上便沒有問題,已經給車行看過,他們說是o圭佬問題,因長期把轉數定在7000-8000會影響o圭佬的正常運作,以上所說是否正確,因他已駕駛此車半年,到現在才有問題,請問有方法可解決嗎?感謝回覆
Ray Ki@suzuya.com.hk
無記錯都成4,5百元,另pgm係無左中段,二沖係可能比碳糞積死左隻rc,value.避免就無可能,只能當正常維修.
|
13/2/2004
|
我的X9-500只是用了一年多，而且日日都行大約50km，到近兩個星期開始發覺部車的電動大架神神哋。唔係次次噤掣都可以落到電動大架，起馬四次就有三次唔得。回到「奧士」修理，大偈話幫我落小小「ＷＤ」就可以喇！但是第二日又係咁落唔到電動大架！再到「奧士」修理，大偈話幫我全部電動大架連感應器都（擘）了油，應該無事喇！結果當然（當時）無事，之後又係咁落唔到電動大架。請救救我的X9-500
心急的熊貓上 panda2020@hotmail.com
摩打唔夠力又會,零件部份損耗又會,呢d可能係車本身用料問題!
|
13/2/2004
|
您好! 本人出0左部150綿羊新車.在500公里check車時很正常(包括已更換機油).但在1000公里check車時就出現問題.更換放機油時只得極少及焦黑.但只行駛500公里我當時已向車行查詢並放下車輛更進.隔天取車時車行職員話正常叫我再試耐D.但現在行到1700公里時油尺只顯示得一半機油.所以我自行添加機油.想等到2000公里後返車行再check車.現請問該車損耗機油速度是否正常?此車只入800毫升機油到.另該車引擎同波箱都係用同一道機油.可否加Slick50添加劑.會否影響波箱運作,例如跣波箱等問題.請勿刊登本人電郵.謝謝!
Martin Kung
有時度偈油車是否平衡,入偈油分量是否準確,入油後有否再check都會影響,不過要自己添加就麻煩,可叫車行check準d,油過度焦黑是油質差,保養期是否用靚油?另如在保養期內,就最好唔好入d乜野.!添加劑無乜認識,但如果係有用,點解唔會有專比電單車用?
|
12/2/2004
|
關於頭盔的問題
本人近來發現很多電單車店或頭盔店售賣一些款式精美價錢便宜的頭盔，但這些大都不合乎香港法例要求。作為電單車駕駛者或乘客當然不能戴上非認可的頭盔 (認可的頭盔標準規格可見香港法例第374F章_附表1_認可防護頭盔)，但售賣或管有以作售賣用途該等頭盔的店舖，同樣已觸犯道香港法例第374F章道路交通(安全裝備)規例_第4條_有關出售或出租非認可防護頭盔的罪行，條例清楚寫明任何人不得出售或陳列任何非認可防護頭盔以供出售，否則已觸犯該條條例，警方根據香港法例第374F章_第5條_檢取、移走及沒收非認可防護頭盔 條例有權充公這些頭盔，而且檢控該等店舖，根據香港法例_第374F章_第12條該等店舖負責人可被處罰款$5000及監禁3個月。
其實政府都是想大家在一個安全的情況下駕駛或乘坐電單車，而請商人們不要只為小小利益售賣一些不合法的頭盔，這種行為會既令使用你售賣的頭盔的人得不到認有的保護，而且自己又犯法會被罰款及監禁。
法例詳細內容可到香港法例資料庫查閱
Pun Chun Tung (pls don't show my email-thanks)
|
12/2/2004
|
hey man!One simply question. i want to install a running light device on my bike.(just like people put on their car) it require
only pos(+) and Neg(-), where should i get the power....thanks.
vin
就在頭燈膽插坐取電!
|
12/2/2004
|
愈行愈不對勁.........
93-Steed 400, 近來發覺愈來愈冇力, 並冷車拉風choke直情冇反應, 經常死火, 已教大slow, 熱車後ok, 減速經常打炮, 引擎聲不平均,
時強時弱, 有乜解救? 耗油量沒有增加, 唔超過0.5/km, 是否ok? 另想知坊間有否經濟一d的風隔給此車用,那裡可買到?若沒有,有否方法
延長風隔壽命? 謝謝回覆。
Kam Ho Lai primegates@yahoo.com.hk
咁就應該洗吸同check下火咀cap,coil兩樣電器,原廠風格都係$230,係最合原裝車用,一般日常上下班用都可用半年以上都叫做good啦!
|
12/2/2004
|
老鬼先生,小弟有事請教,我部uh150(02/03新車)行左6,700km左右~早一兩日突然有事(慢車死火,載人勁冇力70km樓下)~之後去左車行check,師傅話係我部車個極力子有好多粉,清理左就冇事,我取車之後試左成晚,動力的的確回來了~但扭油門時的感覺就跟出事時冇咩分別,係咪我形住形住呢??我講漏左小小野~扭油o個陣個感覺好似比出事前鬆~我唸唔關幫我整車個師傅問題~因為出事時個油門已經開始係怪怪地~而家都係咁~已解決冇左死火同冇力既問題~thanks~祝身體健康
請別登我的email,thanks~
你指個個可能係油門虛位,是可自行調較,你可見比油回油近油筒位置有兩粒螺絲.鬆開些少就可使虛位減少,但切勿過多!
|
11/2/2004
|
有關投訴的士佬及小巴佬之回覆
你好老鬼，從你的信箱中發現越來越多電單車事司投訴以上人士之駕駛態度。但就發現他們只會在此發表意見！但我可在此提議有關投訴人可以將有關事情記錄低，跟住前往就近警署作出投訴，這樣做是不是好過只在此發表意見。更可令到有關司機得到應得的懲罰。本人已經嘗試過這樣做兩次了，並且能成功將有關司機入罪。當然要負出少少時間啦！
CHUNG Wai hatackw@hotmail.com
|
11/2/2004
|
Honda CBR400RR
i saw one cbr400rr stayed in street for long time ,,
license no ..is HB4766 or HB4677 ,,,,i am not sure.
its look so new ,clean,,just have dirty cum cover it,,
no any lock thing ,,it seem stolen by thief,,,,
if anyone lose cbr400rr ,,,contact me by email la
hope can help someone to find their bike
zeddd zeddd@sinaman.com
|
11/2/2004
|
碟鎖
老鬼師父你好!我近日唔見0左條碟鎖鎖匙,之後只好鋸開把鎖,點不知把鎖好易鋸開十幾分鐘就鋸開0左lu...>所以我想問師父你有咩碟鎖
鋼水好而價錢又唔會太貴0架...!唔該 唔該!
tim tim@mobilecomputer.com.hk
其實都無乜!不過一把鋸成十分鐘,你用多兩把,斷估d賊唔會同你鋸幾十分鐘掛!
|
10/2/2004
|
奉各位鐵騎靚仔靚女...千萬要小心的士佬及彎仔佬,呢啲卜街無人性,忘顧他人性命安危,超車,搶線,一於話之你死,你抄你事....2月6日晚上8:10紅棉路上斜近消防局對上,本人載着女友在慢線以40~50km行駛,突然有一輛的士由我左邊穿過巴士站再由我左邊一巴打過來,仲要係我前面dur一dur......你老味丫,dur到我成隻貓仔㩒...仲差D對落佢隻司機門道,我立刻响唬示意,只見的士佬從倒後鏡望了我一下,又望見他的口型在說(X你老母)仲係道手指指...哈哈...你哋話啦...香港居然有呢D人存在,有乜辦法會無意外發生丫....如果我當日揸私家車,我一定會成全你條的士佬,等你㩒鍾意玩CUT線,玩撞車丫嗱....等我撞X散你部牛費,等你條卜街要賠錢,又無工開,又要上法院,又要比人告,又要扣分......等你條卜街揸車扮晒勁丫嗱!!有骨氣撞車之後唔好扮死狗就得喇!!...告到你條卜街X家剷都仲得呀...!!....癈柴...\_/...!!
蘿記 CB400 VTEC II (Message post via crash form)
|
9/2/2004
|
薄餅外賣綿羊請勿在路上賽車
今日2100係寶琳路近馬游塘往藍田方向,見到1部元X壽司同1部薄餅老電,玩賽車....唉,好心la,落雨天做咩要咁呢!!唔夠20分鐘係秀茂坪道橋面近將軍澳道口...又閃紅燈藍燈,又有十字佬(救護車),7-8部馬(交通公安)....唉.一部白色凌X私家車冇左右邊份頭.....唉一部黃色老電派左啤牌....唔洗講大家都知係壽司佬炒左la....................痛，雖然不是我。大家真係要小心駕駛,安全至上!!忍一時之快別賽車,費事搞到人又傷連份工冇左。
球王 (Message post via crash form)
|
6/2/2004
|
請教 帥父你好, 請問一套標準的跟車工具應有什麼? 另想請問Skipper150的火咀位置在哪? 我的skipper經常走兩三日便沒電,但師傅說行車是有(差)電的, 只是不足夠, 給頭燈消耗了(已用三十五火),有解決方法嗎?祝 工安
炎 (請不要刊登我的電郵)
車價唔同會有分別.有些會很多,有些只得火咀通,火咀位置在坐位下!
|
6/2/2004
|
hello, nice to meet u. my car is shark 150 and i have some question want to ask:
1 when my car is moving and i move away my hand from the handle bar, the car vibrate to left and right greatly but it still can move in a straght way, why is it so? which part got problem and need about how much to repair it? also what will happen if i dont repair it? please answer me detail in chinese and dont show my email address, thanks a lot.
Chan Tsz Kin
我地叫做波子盤,換左榨起舒服又安全,唔換只會另到鵝頸位置金屬磨損!
|
6/2/2004
|
Parking space for motor bike
Saw quite a lot of information in your web site. One piece of information regarding Wilson parking aroused my interest. I would like to ask if all the parking lot can accomodate motor bike. I saw the information that some of the Wilson parking can allow motor bike go through the gate without taking a ticket. Is it also the same case for other multi-storey parking building? Is the same entering process apply to those parking building? I do not quite familiar with the location of those free parking space in the street. Is there any published materials that shows all the free motor bike parking lot in HK.Thank you in advance for the reply.
Eddie Yau eddieyauyf@netvigator.com
It depends and you need to ask them case by case. Some parking buildings allow bikes enter in same or cheaper rate than cars, but some didn't. For free motorcycle parking space information, please see the Hong Kong Driving Guide, published by Universal Publications Ltd. (香港街道駕駛指南 - 通用圖書有限公司 www.up.com.hk)
|
6/2/2004
|
今朝返工經過文咸東街, 有個呀叔坐住駕羊轉彎之後入直路,成S字形行,想炒想炒咁, 問題係我同一條女(唔識既)正行緊過馬路,佢又逼住我前面,我又走唔到. 而呀叔又當正自已係S字形烈火戰車沖埋黎,後來最後我地被到冇事,我立刻睇下呀叔個"o羅友"係唔係P字, 答案:唔係P.
我相信呢個呀叔叔考8字既時候, 一定好掂 ! 仲同呀蛇講:"放馬過黎啦呀蛇, 我8字同S字都掂,你要我打返一百幾十個都唔係問題, 但係一定要向我生緊痔瘡o個時先做到,唔係你以為我流架,呀蛇!!"最攪笑係我前面條女, 見到綿羊叔叔S字形沖黎既時候, 好以呆雞咁唔行望住綿羊叔叔,可能心想:"綿羊叔叔COME ON BABY! 過黎一齊跳 CHA CHA".呢單野嚇親我心干仔之餘，亦對我黎緊學電單強制車有小許壓力!我未考P牌,今個月23/25/27先強制課程.
所以無論係行人 OR 駕車一定要小心同反應快 !請各位小心!!! 尤其事轉彎!
磅妮陳 (Message post via crash form)
|
6/2/2004
|
水冷問題
老鬼師父 :想請問電單車水箱水冷問題 , 如發現無水 , 是否只加蒸餾水便可 ?或是加市面上可買到既 COOLANT ?? 但不很清楚是否只需倒入而無需加水, or 要 1 : 1 咁加水 ?? 如要加水, 又需唔需要抽起用剩既水才注入新水 ?? or無需抽起所剩的水呢而不斷添加呢 ??謝謝 ! 等待你的回答 ~
liu dee digital275@yahoo.com.hk
有些是要溝水,有些就不用買的時侯要問清楚,如發現要經常加大量水箱水,就表示架車已經有問題!用同一牌子添加就不用放清,如第一次可在水pump位置放清後再入.
|
| |
|
|
|
 |
|
