|
|
|
FAQ常見問題 |
|
|
4/4/2006
|
買新車
老編你好!在下剛剛合格,正想購買一部"羊"!已從很多款"羊"挑撰了餘下兩部"羊"!
正在15,16之際,想找一些專業的意見來考慮結果!
請問 Suzuki~AN 400 / Yamaha~YP400 05' 哪一部較適合新手呢?
Ryan
嚴格來說，兩款單缸400級綿羊都不是最適合新手的選擇。不過揀呢部車可以玩耐d唔使咁快話要換車。如果你現在馬上要見，兩者之中選擇YP400較佳，因為AN400即將轉款。
|
3/4/2006
|
極力子一問......
老編你好,在下想問下通常極力子大概有幾長壽命?在下架sv650,03年車,行約5萬km,雖要更換嗎?極力子要按狀態還是里數更換?到期前有什麼跡象?架車經常死火對什麼零件最有影響?
感激感激......
小黃
在正確的操作之下，極力片係耐用的消耗品。幾萬公里冇問題。只要沒有極力子片打滑的情況出現，便可以不理。例如上斜加速時，轉數上升得快而速度沒有按比例上升，便是極力子片到期的跡象，如果聞到𧄍味，更加嚴重，要即刻換。假設你經常死火係由於操作不妥當的話，最大影響的是電池，其次是火咀燃燒不良。
|
3/4/2006
|
有關買車的提問II
前文
++++++++++++++++++++++
老編大人︰小弟有以下問題，煩請大人幫幫手︰
問題一︰小弟今年25，已考牌五年，但只有一次駕駛電單車的經驗（但有多次駕駛私家車的經驗）。身高180cm，体重165lb，現希望買一台綿羊仔與女友同行（女友約重110lb），間中用來上班（旺角至上環）。不會開很快（不超過100km），要舒適，而且儲物空間要到放兩個頭盔，請問有什麼好提議？（一手或二手均可，最好提供年份）
問題二︰第一次買車，應該買一手定二手？
問題三︰如果買二手，有什麼要注意？（手續和睇車時）
感激萬分！祝工作順利，身體健康！
新牌仔
+++++++++++++++++
綜合上述問題，答案係全新車SYM Joy-Max 250。新車唔係貴，唔使驚話買舊車有問題，樣又靚仔，又有儲物空間，又舒適。如果唔知老編講緊邊部，請去靚車檔案中揀取SYM主頁觀看Joy-Max 250以往試騎報告。
+++++++++++++++++
以上是小弟的提問老編的回覆，但現時情況有變，希望老編不厭其煩，再次回答小弟的提問。
+++++++++++++++++++++++++
現在小弟已轉工，希望每天駕綿羊從旺角到銅鑼灣上班，而且每星期也有一天要到沙田打波，請問會否改變您的提議？另外，我也看過MAXAM和AN400i，覺得好型，請問您覺得是否一台好車？如果我想去車行買車，請問可否先試車（像私家車）？
謝謝！
新牌仔
買靚靚新車，先要考慮泊位問題。Maxam係好車，不過泊街的話真係唔係咁好。AN400更加好用，可保你兩年之內唔會換車。買電單車冇得試，試坐就得。
|
3/4/2006
|
Questions!!!
I would like to buy a new motorbiki as below, but the money have not enough (around 30,000.00). Tks for your help!!
1) Joy Max 250
2) Forsight 250
I look forward to your early reply. Tks!
Gut
30,000 budget you can buy used foresight 250 and spare some money for service expenses.
|
3/4/2006
|
煞車碟
你好！本人發覺煞車後兩隻頭碟熱力唔係一樣，是否正常？另外從油眼看偈油量多少，偈油是否在F同L中間就very good？
nn
1)如果兩隻碟係同期的話就唔正常
2)係，不過記得車身要垂直先準
|
3/4/2006
|
最高馬力問題
Dear老編,草民有一架05年ZX10R並於靚車檔案的Kawasaki中見著對於ZX10R的介紹,有一段這麼寫著:"最高馬力 106-184ps / 11,500-11,700rpm(視乎不同地區形號)"
我如何知道我的愛駒是何種馬力?
05ZX10R
香港代理入的是最高馬力的足本貨。你在台灣，不知你的車是那一個版本？要問番你的代理。
|
3/4/2006
|
SR400
請問新牌仔出SR400適合嗎?此車性能如何?謝謝!
SR400適合新手練習，性能是....穩中夠用。
|
3/4/2006
|
老編大哥:請問 K嘜Vn900 ,S嘜Vz800 ,H嘜Shaow750 ,Y嘜Xvs650,你會要那部呢?
我想買新車,唔知點好? 日常返工用,每日30km.
巡航人
VN900，原因係有新買新，有大買大：)
|
3/4/2006
|
P 仔新車
你好, 我是p仔, 剛從大行買了部05/05Honda Stream125，行15000咪, 小花, $7,600, 送了我一個尾箱, 己下定， 下星期拿車， 問題：
１）你覺得價錢合理嗎？
２）我見上手是公司登記公司車(工程公司）， 所以咪數這麼高？
３）車行說二手車入出都會搞好才比客， 我想問他們一般”搞好”的意思是什麼？是不是普通換油或其他程序？
４）如看我的情況， 請問你覺得我拿車回來後應該要做什麼啦？ 例如換油， check車， 及要check什麼啦？其實我最怕行行下死係街要call拖車．
謝謝你！！！
新ｐ仔
以國產小綿羊來說，行左15000km，係工程車....要檢查多d野，除一般消耗品要換之外，傳動皮帶更要檢查。車行一般「搞好」的意思，係著到車。你要問清楚d，每間車行的標準都不同。至於話價錢合唔合理？你都買左，無謂問啦。
|
3/4/2006
|
cbr250rr
我有個friendp仔剛剛網上買左部94/97cbr250..車身保養返新得立立令..滿心歡喜最終少議$一萬7千幾成交..我見過部嘢車頭都尚算精神..上手車主起錶板附近裝埋d水溫油溫電壓等45個錶好似一樽二樽萬金油一樣..多到差d連最重要o既km/h都睇唔到...不過我一問之下..阿p仔話俾我知部車當時心急買左至留意到自己巳經第10手車主...咁阿p仔算唔算傻仔買貴左嘢..而且10字牌薄會唔會第時好難再出讓呢???
龍咁威
首先恭喜.....上手車主成功以17000賣走部13年CBR250RR。亦恭喜你朋友榮升車主，做左十兄弟。其他野唔想多講。
|
3/4/2006
|
多謝你教我噴鍊油, 情況有所好轉,但都系嚮.請問鍊油是否分濃度No? 如何選擇?非常多謝!
Hubberto hubbertto88@yahoo.com.hk
車鏈一定會有聲，只要鏈條的鬆緊度恰可和活動關節便冇問題。詳情請搜尋以往留言。噴鑵裝的鏈油冇分濃度，記住噴完等佢變杰先好開車。
|
2/4/2006
|
停車自動死火
老編您好! 小弟架Virago 400在燈位等待時自動死火及在一波停了車後想轉空波轉不到. 請指教. Thanks!
新仔一名
先檢查極力子威也的虛位是否正確。一波停車扣極力子，部車重會唔會有動力想行呢？
|
2/4/2006
|
甩P想換大車~
小弟抯左cb400年幾,近日想換架hornet 900,不過由400一上就上到900....我怕自己玩唔掂,不過自己又好鍾意..可唔可俾d意見我換唔換車好~謝謝
偉
你由P牌開始騎CB400Sf，經過一年幾時間實戰，現在想換大車，證明你已通過考驗，呢世都搣唔甩電單車架喇。上啦，Hornet 900只係比400重少少，而且馬力偏柔唔係你想像中咁蠻，好易操控。
|
2/4/2006
|
新手想換中級車SV650S OR R6
老編你好,我有4年抯250羊經驗(about 50000km-日日抯),心水車有SV650S or CBR600rr OR R6,請問是否適合,V-enginee & 直4 enginee 有大分別(在加速,enginee反應方面)? 可否給點意見? 請指教!!請指教!!
睇iBike有4年的新手
似乎你現在最想玩跑車。嚴格來說，SV650S唔算係跑車，只係S版的街車，馬力同現今直四600跑車有一段頗大的差別。不過如果你日日用車的話，SV650S會較平易近人，舒服d，慢車冇咁易水滾，又冇其他跑車咁驚俾人偷。至於其他600級跑車，部部都係正野，揀款便可。個人選擇，揀樣一定係R6和GSX-R600。揀輸出，ZX-636。(不過香港最好賣果款，係CBR600RR)
|
1/4/2006
|
收車chok下chok下
唔知點解呢排用頭brake收車, 架車會chok下chok下...放brake就無事, 接近停個幾下仲chok得勁...會係咩事??
qw
先清理一下迫力粉，可能要拆迫力鉗出來刮一刮迫力活塞。
|
1/4/2006
|
fork漏油
約4個月前發現頭fork漏油換了油毯, 今日又發現漏油,請給寶貴意見
dlh
fork芯要勤加清潔，另外下次換油毽時，請師傅留意fork芯有冇花到。如果只係少少漏薄薄一浸，問題不大。但如果漏得好勁便危險，操控變差，也擔心避震油走落迫力鉗度。
|
1/4/2006
|
甩P友 想換中級車
老編又系我.我有10個月CBR150經驗 快甩P. 每日來回返工50KM 要行吐露港. 間中要由葵通飛去上水(偷上過130KM = =" 平時都明偷上100KM...)60K上下銀彈. 心水有CB400VT2或3(2手,有晶片無咁多人偷)同SV650S. 間中同老友出車. VT2見到有4個2, VT3見到4個9,都係2手. SV睇怕要買新,2手場找不到. 請問可否給點意見?
法蘭 frankvanhon@gmail.com
梗係VTEC III啦，年份新d將來轉手都易d。由150跳上650恐怕唔係咁適合。
|
1/4/2006
|
收到全票,想寫認罪書函
本人因在電單車位泊車超過24小時,但當晚因車壞咗,而因第二天及第三天都是假期,所以沒有拖走,而被票控,現在本人收到全票要上法庭,本人想寫認罪書函,但本人不知如何寫法及求情,而罰則又會是什麼呢?望老編幫幫手,感激萬分,唔該
Buddy
嘗試提供維修單據，證明因車輛故障及連續兩天假期，被迫滯留在車位中。罰則唔清楚，未試過....
|
1/4/2006
|
SPARE水箱無水
近來我架BIG I的SPARE水箱每1星期左右就無水,再加水後,又是這樣, 我想問是否有問題呢?!謝謝!
CHUNG
系統正常的話根本唔需要加水。要加水亦都唔係倒落副水箱。有冇水滾呢？俾師傅睇睇。
|
1/4/2006
|
車
老編大哥：我架Bros400訢排唔知點解好似無乜力咁..(已換偈油、火咀)以前5波5千轉就過百，而家差唔多6千轉先差唔多到100...仲好似俾極油都去唔到120!!點搞好呢??
k
留意一下耗油量和死氣顏色和偈油存量有否變化。唔排除係機件損耗。
|
1/4/2006
|
sv650s Run in 一問~
係咪要經過鍍瓷或塗上耐磨耐熱的合成物料的引擎,先可以用強硬派磨合方法來Run in呢?05年Suzuki SV650s的引擎,是否合用呢?
pon
無記錯的話SV650唔係鍍瓷汽缸，不過強硬派磨合理論的重點，與是否鍍瓷汽缸無關。
|
1/4/2006
|
鈦問題
老編你好:本人的車是vt2 ,之前所用的車是VS ,但是現在有小問題想問一問,本人覺得鈦令到我揸得好累,但是我覺得比起VS揸得辛苦,是甚麼原因呢 ?? 我知道兩部車都是原裝鈦,但是否我心理作用呢??
小王
Honda的街車原庄把手已是最舒服的設定。可能你現在的VTEC ＩＩ的把手角度被人調較過，令你雙手伸得較直。
|
1/4/2006
|
Re: 長期載著人體限速器的專業駕駛
"長期載著人體限速器的專業駕駛!! "即係點解？
咪即係後面戴住個日夜天鵝，下下叫佢唔好渣咁快囉……
Wheel勤時 wilkinswong@gmail.com
|
1/4/2006
|
Re: 長期載著人體限速器的專業駕駛
這位台灣朋友自稱「長期載著人體限速器的專業駕駛」，相信就是謙稱自己開車不超速的小心駕駛者。
榮
|
1/4/2006
|
迫力碟！
老編你好,小第現抯02vtr,最近換左尾片！但why會蝕得咁快？(尾碟直情起𥐥)(用左4個用到)上次換都用到八個月,尾碟都無話點蝕！如果拆隻尾碟出黎比人光得唔得呢！thx！
我愛6280
有兩個可能，一係你慣性使用尾碟，或者係你經常不自覺地拖住尾碟行車，導至尾碟損耗不正常地快。煞車碟對厚度有一定要求，所以損耗太多的煞車碟，不宜再磨。其實VTR250大部份情況用頭迫力都夠收，係時改下你的壞習慣。
|
30/3/2006
|
大哥........
2005-08-19發生.......有人告發我在2005年08月19日上午09時04分於大老山隧道南收費廣場,由10S 到收費線至11S CUT 雙白...罪成,靜係話罰款$600蚊/.......我想問下大哥,咁我係咪會加po家?同埋法官佢話唔洗我比堂費........佢又無話要加p,扣分...咁我會唔會加p呀?多謝大哥........
dick
法官唔會同你講P牌要加監呢d野，呢d係運輸署既事。加P就一定走唔甩，請重溫FAQ相關部份。
|
30/3/2006
|
迫力問題
我架A博士對前後迫力換0左兩個月左右，Check過 D 迫力皮無蝕，但係近來發覺落斜(1:10)時，要拿盡個迫力先會停到，但仍然會溜前 0.5m (大約一步)。如果唔係，就會溜前 1 -- 1.5 m。這樣是否迫力有事？可否自行維修？謝謝
新丁
俾師傅檢查啦，電單車最緊要就係迫力同埋胎。
|
30/3/2006
|
Atlantic 250
老編你好,首先想稱讚貴網址非常實用,無論初哥或老手都從貴網址學到不少寶貴知識,本人想請問Atlantic 250 的單燈可否以改為孖燈, 例如改烏絲 (其實本人不懂,只是聽人講可以),又如改了會否影響供電或其他機件. 祝訪客人數蒸蒸日上
Oscar
以香港的環境來說，冇乜幾何著高燈。最簡單的方法是調低高燈的角度，開埋高燈便可。改線和高燈換雙膽，唔係咁多師傅願意花時間去研究。
|
30/3/2006
|
車不只一個人騎的...
老編大大你好：長期遊走貴網站，也看了許多貴站和別人的報導，但顯少人有提到後座乘客的舒適及感受，以及載人時的操控和加速感，希望老編大人可以多少提一下這類的報告，我想這是我及一些車友買車及換車的重要指標。我並沒有要挑剔， 只希望貴站能愈來愈好!!
我是長期載著人體限速器的專業駕駛!!
長期載著人體限速器的專業駕駛 fox530722@yahoo.com.tw
"期載著人體限速器的專業駕駛!! "即係點解？
|
30/3/2006
|
隻騎無乜力
我想問下05年xr400隻騎無乜力，想問下係温車未夠，定係本身係咁，我聽啲渣２５０車友講話可以改個racing cup就會好力好多，想請教係咪真架，有無好介紹呢，或者有無經濟啲方法可以改善呢個問題
阿文
05年咁新o既車唔應該咁快冇力。先搞清楚問題係邊先，唔好急住改原庄setting住。俾師傅睇左係咪車有問題先，可能係你的駕駛方法有問題(例如高波低轉唔拖波但想加速)。
|
30/3/2006
|
晶片車匙和有匙膽蓋的那個好Ｄ
用晶片車匙的車，如冇車匙係著不到車。而用匙膽蓋的被爆匙膽就有可能著到車？
mot720cool
無錯。
|
30/3/2006
|
安全載重量
你好老編，小弟操開二手250cc 細羊，近日因需要想用來載貨，(連人及貨 140-160 kg左右)，如果咁重坐落駕車的話，會不會對機器損壞呢，又有無話最大載重量呢?Thanks
Freeway
每款車都有安全負重上限，雖然唔清楚你款車上限係幾多，但160kg唔係問題。
|
30/3/2006
|
死左一支火咀
你好,想請教下,小第昨晚著左車行左一陣突然有支火咀濕左(估計係),我馬上擺埋一邊熄車等左一陣又回復正常,行左一排都冇咩問題,咁有冇需要換左D火咀去,定係可以繼續用落去呀,謝謝
死火文
高轉爽一爽佢便冇問題。
|
30/3/2006
|
偉士
我想問下Vespa 64以隻車 ,,如果要換零件會唔會好唔方便,,會唔會因個款舊難搵零件呢??
THX!!!
Jason jason_ltk22@hotmail.com
可以問下呢類車的興趣車會，佢地應該有心水推介。
|
28/3/2006
|
睇到一些奇怪O野! 大哥........
我見到一個人係條街到,佢抯果O家係CB400 BIG-ONE.......佢係條死氣喉到用條鐵插入條喉到,我問佢做乜O野,佢話插村條喉就可以值出,會快D喎?????????老編大哥,係咪真O家???
多謝大哥
Dick
下次再見到佢，記得叫佢覆診。
|
28/3/2006
|
RE:trex150凍車難電撻
老鬼講你又唔信..搞到老鬼都無心機答了...
見你死心不息不停問...凍車電達難著有幾個可能..
1 最大可能電池到期，擺過夜後電壓降低，你用腳撻時推郁引擎既速度重快過電撻
可以試下用多舊電搭落去試下
2 偈油 入左太多 用左太耐 或用度數太高的偈油 如15W40 20W50
以上問題會令凍車時引擎內的阻力較大，電撻變得唔夠力，用腳重好撻
希望幫到你
車友
|
28/3/2006
|
CB400VT2 換化油器
老編 你好, 我差2個月甩P 想換超四. 我今日見到有架2手車VT2.不過化油器換左. 師父話會出力勁D同食油D. 我想問下系真係架? 個化油器樣好似靚車檔案的"台灣人勁改VT2"個咁. 如果用左咁嘅車 系米要搞好耐SET車先有得開車. 定可以由師父SET一次就就點. 唔該晒
法蘭
換左賽車式化油器既車唔適合代步。睇過第二部啦。
|
28/3/2006
|
AN400i 保養一問
我架an400i已行了15000km，除了定期換油同埋檢查呔氣外，想問一般保養維修有乜注意呢？如....換fork油、換brake油、換珠仔、.....etc.因為我真係乜都唔識，淨係聽人講，又唔知幾時check同幾時換，所以想請教一下。Thanks a lot
newman
當然所有野定期換係最好，但其實駕駛感覺冇異樣的話便唔使理會fork油或珠仔。除了定期更換偈油外，迫力油兩年換一次，行左15000km要檢查一下皮帶，迫力皮等。
|
28/3/2006
|
150 問題
老編你好,我部150羊為何行到極速90-100時,當一宿晒油時再比番油會有一至兩秒無反應,之後姪一姪先行番定...有大問題嗎?謝謝~!
BB
係自動波綿羊的特性，相信你係縮油縮得太耐，而俾油又動作太大，做成"kickdown"拖波效應。
|
27/3/2006
|
(再續)trex150凍車難電撻
唔好意思, 有d野唔記得講!就係我用過他錶度, coil輸入得2.xx~3v左右, 係咪唔正常呢?另外, 腳同電都用同一個coil, 但會唔會係電撻時扯左d電去摩打度, 而腳撻因為冇摩打扯電所以易著d呢? 謝謝
jkenny
會,咁摩打聲是否強勁.
|
27/3/2006
|
magna250漏油一問
請問magna250油隔係唔係好似囉絲咁上落去定係就咁放上去.我在車房換油,之後油隔位有輕易漏油情況,我問過車房佢話係放上去,我己經張所有囉絲上緊,都係這樣情況,請幫幫忙.
ricky goodbody0340@sinaman.com
內裏是有個膠圈的,必須檢查或更換.
|
27/3/2006
|
想請問 NGK CR7EKB 應對什麼model 的依合金火咀? thanks~!
chris kk_chan2000@hotmail.com
無cr7eb !cr7e,c7e,cr7ek!---去cr7eix.
|
27/3/2006
|
foresight一問
本人部９９年（己行八萬公里）科西行車時突然死火，check車後車房師傅話線圈出問題，其他無事，全新線圈要三千多元，問過二手件連工包料１５００，聴講出面有得舊料番做，這樣化算嗎？如果係要等幾耐？煩緊好無整，沒有相熟車房又怕比人呃，依家唔知點好！？煩請高人指點，謝謝！！！
心急人
以8萬公里來計,買個新會好d,除非你想唔車!但問題是否因線圈出不夠ac或short線引致無電或燒fuse而死火呢?
|
27/3/2006
|
綿羊起步問題
起步一刻,手把好震,但只是起步果一二秒,是出現了乜問題呢,有冇解決方法.
新手 yeelehei@yahoo.com.hk
檢查極力子部份.起動珠.
|
27/3/2006
|
晶片防盜
老編你好想問問你電單車有晶片防盜係咪架車一定唔會俾人drive走架車架?但之前都有聽過話就算有裝都有機會俾人開得著部車喎~~(唔知真定假)本人唔係好信,其實d晶片防盜係咪都有分級數既呢?會唔會某代理既牌子會好d架?多謝指教
想買車的人
理論上晶片防盜係有破解方法，不過因為開發成本不便宜，唔值得放落電單車度犯案。老編相信不同車廠的晶片保安系統各有長短，總之部車有呢樣野，就一定好過冇。
|
27/3/2006
|
著車問題
你好. 本人用緊sliverwing 600.有問題想指教下. 最近部車要比少少油才著到車,還要暖下部車才開到車.是什么問題呢?
slivereagle hchealthclub@yahoo.com.hk
除左火咀同風格可自行檢查一下外,i車請返代理好d.
|
27/3/2006
|
油錢!
師父呀!我想問下我架xjr400 (99) 岩岩買回來點解咁大食,入$150到油錢行(市區較多)
130/150到就要入呀?我都知呢d車係大食,但都冇理由大食到好似私家車咁嫁,cd400都係8毫子一公里,我平時上落波都行住4-5000轉上下是否我的問題?
還是機件上出現問題或有野應該要換(機油在萬里達換左)......麻煩師父回答........
sam ajpchiu@yahoo.com.hk
兩部都係6毫子到, 有否改車?風格,火咀是否過黑,如是者化油器漏油先會咁貴.
|
27/3/2006
|
新手一問
我想問下如果無掛p同時後坐有人....係唔係一家釘牌呀...???
wing
http://forum.ibike.com.hk/viewthread.php?tid=10175
|
26/3/2006
|
Honda or Yamaha or SYM
First time Byuer. Honda Foresight 250 or SYM 250 ? Why there is big price difference between foresight 250 and Forza 250 as both are 250 c.c.. The price of Majestic 400 c.c. is similar to Forza. If I have bigger budget. Should i buy Majestic 400 c.c. or Forza. Thanks
Oscar
Quality & design make the difference. Foresight 250 first launch in 1997 and latest Forza launched in 2005. For budget buyer go for SYM joymax250, or used foresight 250.
|
26/3/2006
|
hornet600
請問日本版hornet600s只有67ps,如果想加強馬力,日版和香港版的enginee有沒有分別,因香港版有97匹,有什麼方法可加強馬力?
工程會好大。凸輪軸，化油器，電晶點火，死氣喉，咪錶全部都要換。
|
| |
|
|
|
 |
