|
|
|
FAQ常見問題 |
|
|
26/3/2006
|
2沖死氣喉一問..
點解d2沖車條死氣喉會有一個好似肚藍的古,之後先到尾古....有乜用的..如果冇左...會唔會有d乜野影響的...直出喉得嗎..因4沖可以...2沖又可以嗎..
thx..
jj
個肚係要來做一個回壓效應，改善二衝低扭冇力的特性。直出喉的話會冇晒扭力。
|
25/3/2006
|
路中一個洞
今日放工, 由紅棉道諗住開車去紅隊, 一路開車都諗緊小心d, armarm落完雨嗎, 點知去到金鍾廊對出中線位到有個坑渠蓋大小直徑, 但係塞得落一整個籃球既洞係臉前, 都無法啦, 咁急樓駄都唔夠時間, 個前駄無事, 後駄bao左連條玲都碎左, 一開始都唔知咁大獲唔知玲爛左, 推左三條街去到灣仔尾見到間整駄鋪先知爛左, 無得整, 大獲啦,
問題好多,
第一, 一架比雅久x9既尾玲多少錢呀, 有無得用第二d架
第二, 係咪有得告政府或者路政署架, 因為我係駄鋪見到有架jazz又係個度整bao駄, 不過就無爛玲 lor
第三, 灣仔有無電單車鋪整依d野架, 係咪要call車即過去先得架
我知我好多問題, 平時開車都好小心, 但係好似呢件事如果係俾人地架車撞我都識叫佢賠, 但係條路係咁我都唔知搵邊個好, 幾千銀呀個度要
謝各方英雄閱讀, 及真係要小心呢d無妄之災呀, 我個時夜晚7點幾, 無相機係身, 佢都算精啦, 到到我十一點拎埋部相機去影已經填左, 都唔知有無證據tim呀, 各位大大有無發現今日我講緊既事呀
謝謝
威 wwwing@gmail.com
零件價錢要問番代理，離出事地點最近的車行是石水渠街的昌利車行，不過都幾遠，推唔到過去，要叫拖車。呢類事件冇得claim政府。
|
25/3/2006
|
內置氮氣尾避震
我架鹿仔頭尾都好淋,但係我得13x磅,一上車都頭尾座下2寸,其實正吾正常.如果改kit料多少k,不過鹿仔又少零件好多車房都毋,可以去邊道找到(除左萬里達)?
qookit
呢類車d避震係偏軟，你可以先換杰d既避震油，唔得先換彈弓和金哇佬。kit料雖然冇現貨，但多數車行都有代訂服務。
|
25/3/2006
|
光油問題
老編,我想問有冇辦法甩左層光油退返之前張貼紙再上返層光油架??
光油
要「la」走晒d油，連埋底油重新再噴過。
|
25/3/2006
|
學牌仔買頭盔
本人是學牌仔﹐想買頭盔練習及日後駕小綿羊之用﹐未知開面型/大頭彿﹐有那幾些合格牌子可供本人選擇﹖BUDGET係$800元內。謝謝~
MT
八百蚊已經有好多款式俾你揀。有關頭盔安全規格，請重溫【知識技術】內相關文章。雖然開面帽較涼快，但始終係大頭佛較安全。
|
24/3/2006
|
(續)trex150凍車難電撻
小弟己照你指示換左火咀, 檢查左火咀cap, 但換火咀後頭幾日就得, 過多幾日問題依舊....而我覺得火咀火花好弱, 會唔會係點火coil有問題呢? (依家凍車都係難用電撻撻著, 但腳撻就一野得)
jkenny
腳同電都用同一個coil,只是如電力不足才會影響電撻,真的覺得火弱就整套更換,coil&cap.
|
24/3/2006
|
R6 set 頭擔
架車我二手買入2年，曾經向左面跌車（唔過20Km），但頭Fork、頭Ling冇撞到任何野。個波子盤交俾車行換，我取車後發覺太鬆，由九龍城開返香港島，自己再收緊大概半圈，未知會否因此而損壞了套波子盤呢？
球
如果收得過緊反而會有這情況,又或且裝的時候有問題.
|
24/3/2006
|
咪錶壞左~!
我駕hornet250咪錶壞左!!請整返問要幾錢ga????
錶壞還是斷錬.
|
24/3/2006
|
新車一問
請問老編知唔知honda vtecIII會唔會再有行貨呢?因小弟收到d料話6,7月到會返行貨,如果是真既話知唔知係唔係會有06年新款同價錢會唔會貴d呢?因小弟想買這車很久又找不到,所以才問問你知唔知d料係咪真,多謝回答
15/16的買車仔
如果係代理話俾你聽o既，你冇理由唔信。06款式在機件上唔會有變，既然係心頭好，點解唔去代理處落訂霸番個位呢？
|
24/3/2006
|
著車一問
你好老編,本人是學牌仔有一疑問想指教,我在駕駛學院著車的時候是要把波段轉去空波同拉起極力子先可以著到車,咁如果係街行行下死左火既話又使唔使轉返空波先可以著得返架車架,因未試過突然諗起想問問,如果唔係真係發生既時候就唔知點算,唔該
學牌仔
你講緊係正常情況下的操作方法。但其實只要扣起極力子，任何波段都可以撻著車。行行下死火的話，只要扣極力子，腳踩番落一波(學院以外的車或者二波)便可以再起步。
|
23/3/2006
|
CBR150R女車主想換車
老編:唔好意思,唔記得講.
一 現在架CBR150車身好輕,行到60-70時速很不定,
二 有大風吹正時架車搖擺得很遲利,
三 架車主要用來返工的
kc Leong leong2326@netrvigator
細車一定會有呢個問題。但如果去到猛風吹來，人yuk車都唔yuk的境界，部車可能對你來說又太過重。中庸之道係車重在140kg以上的大轆車種。巡航、街車或跑車都得。如果你要來番工代步梗會有d野要拎，大綿羊或街車、巡航車裝尾箱係最正路的選擇。如要再進一步俾建議的話便去到個人喜好的問題，你唸下先再講。
|
23/3/2006
|
印字上車身
老編， 小弟想印字大約廿個英文全白色字， 想問噴油好還是貼紙好？
兩者有何分別？（價錢上／美觀上／耐用上／保值上,etc)
愛車人
手功精美的噴油，一定會比𣬚字貼紙貴。原廠的做法都係貼電腦𣬚字貼紙，不過係噴新油貼上貼紙，然後再補光油。
|
23/3/2006
|
R6 set 頭擔
老鬼你好！小弟的99年R6，感覺行車時輕微向左傾則，軑桿左高右低，自行鬆開上下眼鏡重新調整，軑桿位置回復正常，但傾則感覺依舊。巳換波子盤，新頭尾呔。請問有什麼方法檢查車輛是否真的傾則？以及修理方法。又可否調整尾輪的循跡來遷就。還有、是否左方的軑桿，向左面盡軑時，是比右邊的較軑桿盡軑時，較貼近車架呢？
球
咁之前有否pk過,?或且整過d乜.
|
23/3/2006
|
vtec超四死火問題
請問如果cb400vtec油缸既油用到得返兩格就會死火無油落咁請問大約會係乜問題呢?
有乜方法解決呢(除左成日打滿油缸)?當油缸滿或一半都無問題只係去到最尾果兩格先係咁
wcklovewha@yahoo.com.hk
油錶同油制都要檢查,因此車是行直索的,是可以行到最尾一格閃動為止.
|
23/3/2006
|
防生銹
請問可以買什麼用品來清潔死氣唢喉及又可防止生銹的? 又,可在那裡買到?
積奇
猜想閣下的意思是指排氣岐管(蕉)的部份。鐵喉或不銹鋼喉，可試用去高溫漬的爐頭清潔劑，防銹可以噴高溫油。DIY參考請往【鐵騎會館】精華區尋找館友DIY介紹。
|
23/3/2006
|
01-02 R6
二手01-02 O既R6大概咩價錢呢///??$35000-40000可以嗎??
ANDY
請參看買賣搜尋 叫價參考
|
23/3/2006
|
老編你好;現駕駛HONDA CBR150,2年,想換車,但仍是新手,可有參考資提供
我是一名女新手,謝謝,
KC LEONG
你冇講想換車的原因喎？同埋你的用途係乜呢？
|
23/3/2006
|
學仔一問
老編您好! 有小小技術上既問題想向你請教。今晚我學車個時去到回旋處轉彎個時突然尾輪跳左一下,感覺有d失平衡咁。不過冇跌車。當時車速大概40km左右。個段路面都算唔係好平既,我想問下你唔係因為轉彎時車胎同地平既接觸小左而做成呢? 如果係既話,咁日後我所駕駛電單車尾輪闊一點是否會令此問題不再出現呢? 因為我考到後想買hornt 250, 呢架車條尾胎夠晒la.. 謝謝!
有兩個可能：你莫需有地做左二波轉一波的動作，或者係路面有石仔。跳動唔關輪胎呎吋的問題，而Hornet 250落180胎係為美觀而不是實用。
|
22/3/2006
|
尾鼓
碟剎會燒碟,咁鼓剎會唔會燒鼓呢?因為尾鼓剎車有聲但係又剎到車,唔知咩事?
謝謝!
johnnyshum johnnyshum@hotmail.com
可能是無皮或皮粉積聚引致.
|
22/3/2006
|
RE: 網友意見(試車員樣貌)
老兄﹐我睇完你段野真係笑左出黎。我想問下點樣會影晌你情緒﹖點樣唔專業﹖
如果係企定影既﹐外國好多權威集誌都會見埋個樣﹐仲係一D專登搞笑既低能小丑樣。最重要係開緊車既相﹐一定要帶住頭盔﹐唔好做壞榜樣就得啦。而呢點網誌呢邊都做足呀﹐無問題呀。莫非你話係有D試車員帶住開面頭盔試車﹐比你見到個樣唔得﹖但係有D車既形象﹐又真係配開面會影得靚D嘛。舉個例﹐如開架哈利﹐老編影張戴住大頭fuk既相﹐先至會被人覺得唔專業呢。
當然﹐如過果期係介紹矇面超人架野﹐就唔好見樣喇。
coolman
可能佢係玩緊個別人身針對都未定呢....
|
22/3/2006
|
網友意見
老編你好, 本人係貴網誌的Fans. 有點意見希望向你提出, 我希望在試車報告中不要再看到試車員的樣貌, 我不是說試車員不夠英俊，但是看到試車員樣貌的話真的會影響讀者的情緒，同時亦另人覺得貴網誌不夠專業。祝業務蒸蒸日上。
Paul
呵呵....好在老編一向冇出樣姐...
|
21/3/2006
|
死火
電器問題會不會引致行車中收油門即死火.當時有電油.電壓比油門12.88v
電池全死是有機會的.
|
21/3/2006
|
剎車剎到制線斷
0個日0係彌敦道渣住我架ET8,因為塞車關係,行下又停下,仲剎斷埋條後制威也,真黑仔。想問下自己換難唔難換?拎出去比人整要幾錢?
仲有我想問之前我架車撻唔著,搵左一舊有電既水電過江都唔得,咁應該唔關舊電事?
0係旭日0個間咁既車行D C傅死都話舊電有問題,又唔幫我跟足其他野,激死我,所以我唔信車房,自己整到就想自己整。
ANSON koonyuentsang@yahoo.com.hk
是非常困難的,另著車不到可能是迫力感應制出現問題,因尾威也是連帶的.
|
21/3/2006
|
左右轉彎一問
本人平時間中都會左片右片(大約80-90公里)應該說是突然間左轉右轉,
這樣做會否對車鹿做成不良影響(鹿令彧車續),本人坐駕是cb400sf-vter
多謝回答.祝身體健康
花生 freeflyaway17@yahoo.com.hk
對車而言，絕不會有不良影響。但恐怕你會影響馬路上其他駕駛者。
|
21/3/2006
|
電池期限
其實原廠電池的壽命在正常情况下用，有無期限。朋友話兩三年就要換，但我架cb400粒電都用左成五年，因為近期無揸而無電，朋友話係時候換，其實係點！thx！
兩三年係正常壽命。你用到五年，表示電池質素好之餘，閣下也應該經常用車和一熄車便熄燈的習慣。不過MF電池死之前係無先兆o既，你都係時候換電啦。
|
21/3/2006
|
cb400 ver S
轉極力子, 特別由空波轉一或二波比較唔順及有聲, 另外部車會震一震, 是否有問題? 需檢查什麼?
Alex
輕微的話屬正常現象，情況嚴重的話要檢查極力子威也虛位。
|
21/3/2006
|
Yamaha Virago 400 換胎一問
請問Virago 400是否一定要用內膽胎~?換一條外膽胎+內膽胎大概價錢係幾多?若車行開價$1200是否合理?
430
價錢唔係咁清楚，有懷疑問多幾間。
|
21/3/2006
|
手泵的mm
小弟買了一部04年CBR 600RR,迫力感覺上好似不太夠收,想請問一下我部車的原裝手泵是幾多mm? 換大D mm部車會否好收D??
鬼人
照計唔會唔夠收，先檢查迫力油是否有氣，另外三年車的原廠迫力喉應該會漲左少少，換迫力鋼喉睇下效果如何。
|
21/3/2006
|
保養問題
請問老編知唔知水貨車代理會唔會做保養既呢(honda)(suzuki)?如果代理唔做咁又想俾人做保養搵邊度做好呢?
eric仔
保養工作好簡單，間間車房都會幫你做，只要你肯俾錢。電單車只要不涉及原廠電子野，其他車房都可以應付一般機械上的維修問題。
|
21/3/2006
|
(溫)車問題！
溫車當然唔好溫咁好啦,架架車都無問題車房就有問題啦
溫車
咪就係！車房都話左要溫4000km，咁都要問？
|
21/3/2006
|
(溫)車問題！
我架係cbr150(新車)，我想問(溫)車要溫幾多公里，我的朋友話1000就夠，但車行話要4000，咁究竟溫幾多先夠？
唔該晒！
cbr150
換左第一次油之後唔使理佢。部車run得靚，得益既係以後的車主。你玩一兩年都會賣，run得咁靚做乜？
|
21/3/2006
|
yamahaR6
二手買賣有無旺季之分??我好想轉玩fairing車..r1/r6都好喜歡!!如果$40000(不值)二手r6好嗎...我用開400街車咁轉r1一般起香港會唔會好難用.r6會唔會好d??唔理點都要呀.........好煩惱%
fairing迷
跑山R6，HighwayR1。家下d跑車好易騎，差在你慣唔慣改變坐姿。
|
21/3/2006
|
CB 400 VTEC III
我想買番 cb 400 VTEC III 2005 新車呀？？係咪 Hong Kong 已經冇得買喇∼∼
ｃｏｚ 好似係 ＄５７８００ 呀？我本來想買二手車嫁∼∼但係都要 ＄４７０００－４９０００． 差唔多買到新車喇∼ａｎｄ 我想問 日本入口車係咪唔信得過嫁？？
ｔｈｘ ｔｈｘ ｔｈｘ
ｊｉｍ
代理冇存貨，問下其他水貨商，撞下手神。日本入口車點解會唔信得過呢？行貨都係日本番來姐？
|
21/3/2006
|
CB 400
請問架駛初期係引擎右邊位熱,過左一段時間就變左邊熱,正常嗎?另外行車一段時間會聞到燒焦味或電油味...又正常嗎?祝生意日上!
SSSA
你部係CB400SF還是CB400 Four還是CB400SS？燒焦味請檢查死氣喉有否黐左雜物，舊車有輕微電油味唔出奇。
|
21/3/2006
|
CB 400 SF type S
老編您好!!小弟前排每著車時, 一按電撻, 引擎都會好大聲"拍"一聲然後熄火, 要過幾秒後先有番反應及, 再著又冇事喎. 咁更係嚇死我啦...同樣情況發生左幾次後, 留意下發覺有兩個可能:
1.手達 車時只入一波扣極力子冇扣迫力
2.每次停車熄車唔係熄匙而係落側架熄 (貪方便=.=)
而家唔做以上既野就冇事, 但我唔想再risk多一次實驗黎傷車...請問我以上既著車方法正唔正確? 用側架熄係咪冇咁好?希望我既留意係啱, 老編你覺得仲可能有乜問題? 同埋之前我咁做會有咩後果? 十分傷車嗎?
萬分感謝
你的問題唔關側架熄車或著車冇扣迫力的問題。交俾車行檢查一下點火系統和化油器的情況較保險。
|
21/3/2006
|
Honda Jade 250 一問
可能呢款車又舊又唔Hit, 無乜人識(用), 響會館成個禮拜都無車友幫到手.所以請資深的老編大人講吓呢款Jade 250既優/缺點. 有d乜嘢要留意 ? 前後呔氣打幾多 ?
部車係93年製,我係第5手車主. 有一個大問題係朝早撻車係要成曰比油上3-4千轉煲車成3-4分鐘, 開埋風Choke都唔掂 [只上到一次4千轉隨即就跌返零)=風Choke無用, 最凍果幾日撻到差d無電咁滯先著到車 [凍車時推撻是完全無效,因己試了廿幾次], 有無解決方法. ?????
另小問題係空波slow車都成2千轉上落.???
我係爛鬼波
十三年車齡的250細cc車，機件損耗的情況會頗為嚴重。你話你係第五手，如果係日本翻新車的話，實際手數更加無從稽考。先檢查風choke是否積死左，然後再睇火咀和化油器。胎氣車身有寫，冇的話由28/32 psi 開始調較。
|
21/3/2006
|
漏油
每日拿車時發現ｃｂ４００後左避震有油"的"係地下度，是否到期要換?換一邊唔換一邊得唔得,有乜brand推介，最好唔好咁貴
cb400
國產貨幾百蚊一對都有，慢慢ja都無問題o既。
|
21/3/2006
|
油缸凹咗
請問老編邊度有得维修？
Andy Lee
交俾車行代辦。
|
19/3/2006
|
VTR 250
老編&老鬼你們好, 請問有D咩尾避震和死氣喉咁用? (VTR 250)
如果換番原裝,價錢係唔係差唔多??
Thanks
Nice
多數會換after market牌子,因價錢同原廠差不多.
|
19/3/2006
|
CB400 parts
－我部cb400 version s個右邊腳踏”烈”開左，而家吊下吊下咁，想問如果只換右腳根個個腳踏得唔得ｇａ，一般約幾錢.
－如果安升過腳踏，個坐姿係唔係好似fairing咁渣,一般約幾$.
－安ｆｏｒｋ碼,一般約幾錢.
新手4
小心些買,因腳踏組件是每件計的,唔好掉左舊個個.
|
19/3/2006
|
指揮燈
你好~ 我買左一對 (LED) 指揮燈.為什麼我依照之前的指揮燈的駁發, 為何它只會長著, 而不能閃呢??
(舊的指揮燈) 我發現裏面有一條綠色(BUT)了它就不會閃動,
為何新的指揮燈接駁後都一樣不能閃動呢?
有否駁壓左落長火線!
|
19/3/2006
|
cb400窒窒下
本人部92big one買左4-5個月,剛買時巳洗cup..近排先又換左偈油!一路以來都好好地..好順..二三四波仲幾好力.佢老人家都算係咁!不過近依個月部車間中起在二波6000-7000左右..同有時三波行行下..部車d油好似窒窒下..把聲有d放屁感覺..成部車無力再上,今日仲行行個三波直頭好似無油就快要死火咁樣,連頭燈同錶板都閃閃下..兩三秒又回復正常!!大多是什麼出左問題??你知啦有時車河同隔離左右玩玩下..咁樣點得傢!!如果轉轉下彎係咁都幾危險??helpme helpme
黑金 tobygogogo@yahoo.com.hk
檢查一下電池頭縲絲有否鬆左.
|
19/3/2006
|
整流一問
我近排發現我部FZ400個整流好鬼熱,熱到好似死氣喉咁,隔住fairing都feel到佢D熱力,請問正常情況下係咪咁熱o架?
B仔
會熱,但唔會咁熱.盡快檢查一下.
|
19/3/2006
|
gsxr400 頭碟問題
老鬼你好,想請問一下,如果架車頭擔改了GSXR400倒fork,對頭碟offset有無其他GSXR型號或改裝碟offset係一樣的? 萬分感激
Robert alexambush@yahoo.com.hk
咁就不知道,但多數會做隻迫力碼來就佢.
|
19/3/2006
|
火咀位置
請問Honda GB250 火咀位置係邊呢﹖
thanks!
GB-Joe
GB-Joe memorize2001911@yahoo.com.hk
死氣喉頭對上的位置.
|
19/3/2006
|
runner sp尾break
想問係單傘單向定雙向呢...因有一邊傘好似唔郁....即積死左定原本係禁呢..thx
ff
此車是雙向的.一邊唔郁係有問題,如要修理,祝你好運!
|
19/3/2006
|
莫明奇妙
我隻綿羊02/02 行37000km, 12/04 (換左皮帶,珠仔, 極力子皮),近期換埋偈油, 有check 呔氣, 但近期發覺起步同上斜都無力,去車房check過話乜事都無, 唔知發生乜事, 希望解答, 會唔會換埋尾牙油會好d?
thank...
明
尾牙油只作潤滑,同無力無關,咁風格同火咀呢!
|
19/3/2006
|
小弟架車係cb400 big one, o係正油缸下面有兩條冇駁野o既喉, o係個吸度伸出黎, 行車一段時間後好重電油味, 有冇問題架? 同埋呢兩條野有咩用架? 謝謝
vin
係當化油器出現over float時從這裏漏出的,重油味即化油器有問題.
|
19/3/2006
|
死火
我架係CBR250RR,唔知點解?最近間唔中行行下有燈位要停車啦,入個一波會無啦啦死火,我以為係火咀啦,將4 枝火咀換晒,但而家換完之後一入一波就死埋火,點解呢?
石仔 baggio1227@yahoo.com
檢查一下極力子制同側架制.
|
19/3/2006
|
無郁車差不多兩怎年
我離港差不多快兩年架車未郁過泊在車位,如果要着返車要注意啲咩嘢事項？會唔會着唔返？我架車係鈴木LS650,換咗電池及前後呔約一個月就停車無用,如果可以着車駛唔駛再換？
Jewelry jewelryhk@yahoo.com.hk
最好先去買牌費,以免驗車..再比車行檢查一下,因可能會有地方績死而不覺.車雖著到,但不代表駕駛安全.
|
| |
|
|
|
 |
