|
|
|
FAQ常見問題 |
|
|
31/12/2003
|
電池問題
我想問下我剛買了一部本田vfr400但好小?,放下了差不多3星期無?,之後就開唔到車是否電池太耐無用會走電
franky frankyfu@i-cable.com
電池本身是否正常,?這樣是會影響儲電量,還雖要check下供電係統!
|
30/12/2003
|
什麼新電單車人都不理交通安全
大家好! 為什麼有d人不斷地不理道路安全, 不理自己安全. 人命是很寶貴的. 希望大家珍惜自己和別人的生命, 不要再危險駕駛.
送給因危險駕駛而過身的人. 平安上路
henry henryktc@netvigator.com
|
28/12/2003
|
今日看見報紙頭條，實在不忍卒睹
P 牌 少 女 載 男 友 上 班 撼 菠 蘿 釘 壆 情 侶 鐵 馬 斷 魂
(見萍果日報2003.12.27) http://appledaily.atnext.com/template/apple/sec_main.cfm
本人很久沒有在網上發言，看見這宗慘劇，深深感到，路政署間接害死這對電單車情侶！如果沒有那些菠 蘿 釘 壆 ，而地面是一些平地，我好相信這對情侶不致沒命！路政署設計的馬路，為甚麼不為騎士想一想，那些菠 蘿 釘 壆有甚麼用呢？目的用來害死人嗎？如果大家同意本人的看法，在此呼籲大家，為已為人，電郵路政署去投訴，complaint@hyd.gov.hk。多謝
Alfred
2003.12.27
|
28/12/2003
|
再之請教~
這次想問一下,來人以想好了買一部CBR250RR.想請問P牌可以出這一種車嗎?如果可以就不等會過P牌了.還有想問的是為何在不同的店舖看到出廠和落地年份一樣,但價錢可以差上一部,因為未試過買車,對這方面有好大的疑惑.因為聽朋友說,一D店舖個名以做壞O左.所以個價就會比較低.相對D質素就可想而知....不過價錢真的差太多.有1萬的差價...還請給小弟一點意見.
wah wah2@i-cable.com
易手車的價錢差異可以好大，取決於車身和機件的狀況。買舊車有時都要靠運氣，貪平買車，會蝕少D，但係後悔的機會又會大D，自己唸唸。出唔出到保險要睇埋你幾多歲做咩職業，有冇私家車牌等等個人因素，重要睇下個別保險公司的受保條件有冇變化，所以親身試下問各大保險代理會清楚d。
|
28/12/2003
|
起動馬達
請問為何我的機車冷車電發時起動馬達那邊都有怪聲音,像是齒輪磨合不齊的聲音出現,等車子較熱時,關掉在電發就比較不會有那種聲音了,機車車型為星艦AN150!假如真是起動馬達損壞,那它的位置是在那裡,因為我想要自行DIY拆換,不知好不好換!以上問題可否幫我回答,謝謝!
alex-h alex_h@so-net.net.tw
這是我們叫做(start炮仗,彈弓)自行更換是非常麻煩,是要拆除右邊機器殼!並不是馬達問題!
|
28/12/2003
|
如何破除「P牌」司機一定要買「綿羊仔」的定律？
你好：本人現時仍是一個學神，將在19-1-2004應考「電單車強制試」，本人是報考「M/T」電單車，同時本人也十分喜愛M/T車，但是本人深知「P牌」是沒有可能可以買到M/T車，但是本人多次在街上看到掛著「P牌」的M/T車，那為什麼他們可以買到M/T車，破除「P牌」司機一定要買「綿羊仔」的定律？本人現時已擁有1和2車牌。
WONG Yuen Ying 請不要刊登本人的E-mail address
你點知佢一定係車主？可能係「借」人地架車呢？
|
26/12/2003
|
問頭燈
你好, 現在有很多私家車都有安裝白光燈或Xenon頭燈, 藍藍白白很是漂亮.但卻不留意到電單車有安裝. 而本人在市面上見到可供電單車用的約 $60 ~ $80,但好像選擇不多.本人想裝在我的R6上, 請問這些燈泡壽命長嗎? 質素和價錢成正比嗎? 光色是否理想?若然為何用的人不多?另外請問燃油噴注(injection)與傳統行carpe的機器在駕駛感覺上有何分別 (eg. CBR600 vs R6)? Injection 是好些嗎?感謝
Freer mafrankie@hotmail.com
太過偏藍是犯法的,如要更換要採用同樣w數,否則會影響電器壽命,更不可用大陸制做燈泡!
|
26/12/2003
|
師傅，有o野唔明
聽人講過話換喉後要裝 Power Commander，咁我就有D要問:
1) Power Commander 係乜來o架?
2) 換喉後係咪一定要裝?
3) 一部Power Commander 要多少$ ?
Thanks.新仔阿游 erictang86@hotmail.com
power commander係 i 車彩用,用來set車及down load map,由於換喉後setting有所改變,所以用佢來調較已達到最佳較果,一般都要3000元到!
|
26/12/2003
|
汽門間隙
師傅您好,我的愛驅是2003年XR250,請教您原廠規範之汽門間隙為何?
xr250@pchome.com.tw
生氣10,死氣12.
|
26/12/2003
|
CB400 Vtec I
老先生:請問CB400 Vtec I在7000轉開的時候會係點o架?我點知佢開o左呢?
新牌仔上 richann@hkbn.net
應該會覺得爽d,如已換喉更會覺得,但並不代表會突然加速好似turbo咁!
|
24/12/2003
|
釘把
老鬼師傅你好!! 謝謝上次的回答.小弟想再請教多一條問題(請不要怪小弟煩).小弟想問VTR250可加裝釘把嗎?CB400SF的合用嗎?謝謝
B-52 cmcmk@netvigator.com
cb400不合用,佢有專用日本牌子,25000yen.
|
24/12/2003
|
死火問題
Dear 老鬼師傅:本人用緊 HUASHA VINI 150, 在凍車情況下收油落斜,停車,必定死火,起碼行兩公里以上先至冇事,在熱車情況下上完斜坡在平地收油停車有時都會死火,以上情況都係在新車行左500km後出現,不知是否500km時代理商免費換油時換左D Cheap 油而道至有問題, 另外 0 - 500km油錢只係$0.35, 換左D Cheap 油後$0.40, 請問老鬼師傅其實係偈油定係化油器有問題呢?祝業務蒸蒸日上
Alan alanchanangel@netvigator.com
可以叫佢較下slow同風油位,新車這問題並不嚴重,駕駛手法同路程都會另耗油量有些微改變,而且相信日後會有增加!
|
22/12/2003
|
有關新手買車的事宜.
你好,本人是新手一名,以下有幾個問題想問.
1.本人是想過了p牌後買車的,如果一開始就駕400cc的車會不會比較危險,以一年沒有駕了.
2.新手來說,會是CB400好,定CBR250RR比較好.
3.過了P牌出車,保貴是否真的平好多?謝謝你的幫忙.感激不盡.
wah wah2@i-cable.com
新牌雪一年，技術水平分分鐘重差過學牌。唔好制呀。CBR250RR較CB400SF輕和馬力細d，應該安全D。甩P表示你可以買到電單車保險，但不代表保費會平D。粗粗地整部PX200操住車先啦，不如。
|
21/12/2003
|
有關超速問題
你好，本人想請問一下，如果在快速公路上的定位相機，被影到（超速）時，請問大約幾時先知到，有無被影到？而且何時先至會有信通知？謝謝你的幫助！
Alson (請不要登出我的電郵！)
其實中快相後並無特定發信日期 , 但因法庭程序控方均需在被告犯罪日期起6個月之內將被告起訴 , 故一般情況下如被影快相會大約1個月內或左右便會接到信要求提供駕駛者資料 , 稍後便正式票控駕駛者
|
20/12/2003
|
大食問題
老鬼師傅你好!! 本人用緊 Runner 2沖, 有兩個問題請教!
(一)据知2T一樽可以正常用至四、五缸油, 奇怪在我用上十缸油還未見著燈,打開2T蓋, 發現仲有四份一, 是否我部車混入2T有問題呢?
(二)我問其他人,一缸油可以行到180-200Km, 但我每次都衹可以行到120Km, 最多一次都係130Km,我拎番車行check, 佢話果車冇問題啵! 都搵唔出原因! 最近我入左一支2T入去,架車比以前爽滑好多, 但車既引擎轉數比以前快左好多,風位調番細減低轉數又易死火, 同埋依家噴出2T味比從前濃裂好多, 用完一缸油,依然行得110Km, 請老鬼師傅早曰指點小弟!! 謝！！謝！！！！
Benny Fung bennyfung444@msn.com
少成60km都幾多,部車之前有否作改裝,唔同牌子2t係有分別,所以價錢都有分別,之前會否將2t泵較細左?一切攪下個吸就知道.如驚亦可叫車行睇下個senor.
|
20/12/2003
|
VTR250死氣喉
老鬼你好!本人想問問VTR250徐完裝死氣喉外,有KIT喉嗎?大約幾$到?謝謝
鬼佬 cmcmk@netvigator.com
日本牌子有出,大約5千已包蕉至尾!
|
20/12/2003
|
想買爬雞
老鬼你好,我之前cb400 被偷,想買二手爬雞,揀車時有什麼要注意呢? (係咪只用耳仔聽下有冇什聲就得?),我只係知道睇下個太頂,睇下有冇炒過大擭,其他唔係好識,另外四沖爬雞引擎有冇cb4000甘耐用呢? budget 20k 以下, 主要行街,間中入山,有什麼好選擇呢? thanks
Marcus Poon marcus.poon@globalgreen.com.hk
乜都係假! 睇下條尾避震有無漏油,望下個鴨尾直唔直,機器同SF不同,完全兩回事.
|
20/12/2003
|
唔知漏乜油
您好,小弟出了車(二手的)個幾星期, 原本無問題的但前幾日入油時, 個入油員入過龍,走時至發覺地上有灘油漬, 但是油漬唔只一種, 而是兩種,
其中一樣肯定是電油, 但另一樣是什麼呢?, 會否是偈油?不過之後一兩次開車都未再有這問題出現, 但今天開車,我把車行出少少warmuyp(唔使阻人), warmup後,準備開車前,又發現和上次相同位置(車尾look下左右,唔肯定engine下)又出現一灘油漬(面積和上次一樣大約兩三塊佳磚倒),
我想問那些是否渴油, 定係電油?其實在尾look處, 從低望上去, 見有條喉的,是否那條喉作怪,那條喉是否下雨或入油過多時用來漏反出來的?
不過我上次入油是有兩種油喎我應否立刻去車行check check, 定多幾日至去到未遲?因只是開頭有漏的, 行車後就無, 去到車行會否check到?
和我可否自己看看偈油有冇少到或唔夠等,在車子的那裡可找到, 我架是大鯊王150.thanks
Hui Wing wing_shing@yahoo.com
梗係即返去車行叫佢跟啦!問下佢係d乜,其實唔係有問題又點會有油漏先.是關車底幾條喉都係去水去油用.
|
19/12/2003
|
入偈油問題
老鬼你好!!!本人有幾個問題想請教
1.我架super4(version s)唔知要入幾多偈油先啱,連油格換有人同我講3.6liter又有人話2.9liter?
2.度偈油是否要扭成個蓋入去再扭返出來先睇?
3.用side架or打直架車先度偈油?多謝老鬼
wewa hondasuper4@hotmail.com
換完油格著車後等一陣再度,先將車扶直然後把油尺插落去再揪回看就得!
|
18/12/2003
|
請幫忙
您好 ,小弟的愛驅是 02/02 CB400 Vtec I , 不知為何 , 部車好像不識起 Vtec , 過唔到 100km/h , 轉數去到 7-8 千部車都唔去 .請幫忙 . thanks
偉仔 wai062@netvigator.com
vtec1是7000轉開,如發覺無開 就雖要到車行續樣檢查.
|
18/12/2003
|
worry to buy a bike
In the past, I lost a bike cover in Sheung Shui, and my bike(bandit400) was not stolen. This may because it does not worth for money. But recently, I had accident and it was total loss.And I would like to know which kinds of bike will not be stolen, bike that old in age? old version?not hot model? low in price? scooter is better than fairing? As I want to buy a second hand bike like SV650S old version or hornet 600S/600 or fazer 400, are they at high risk? But I can only put them in street parks. What should I do if I want to change bike? It's very terrible when I see the lost report!!!
Man benjamin_wmw@hotmail.com
Fazer 400 is the least attractive bike among three bikes you mentioned. If I were you, will keep looking for Bandit 400 again or Honda CB-1 or Yamaha XJR400 or Suzuki Impulse 400, to minimise the risk.
|
15/12/2003
|
老鬼你好我剛買了一台 99/00 Yamaha Majesty 125 DX, 因上手車主遺失了車主手冊﹐請問
-偈油同尾牙油應用甚麼度數的呢?
-偈油可用那牌子識合 YP125 呢?
-我想換呔﹐要黏地﹐雨天表現好﹐不須經濟耐用﹐有甚麼好建意?
-是不是要經常換水箱coolant呢? 如何換的呢﹖自己又可以換嗎?
-火嘴用那型號呢?
多謝老鬼
合合 lauhiufai@hkbn.net
尾牙油用80-90w,偈油用全合成最好,可問車行意見而呔就要看size你可同車行講最咬地個款或人地賽綿羊用形號!水箱水大半年換一次已足夠,不過自行更換就比較麻煩.
|
15/12/2003
|
老鬼先生你好,本人坐駕AN400想問知唔知道,邊到有得買"車主手冊" 及 "維修天書( 睇到點樣拆開車身及機械 )" ,另外想問 "DAYTONE"海棉風格,用什麼清潔劑清洗。
Mok Ka Kui kakuimok@hotmail.com
要上網找外國車行,或試下問代理有無得買,風格綿可用洗潔精洗,但一定要完全整乾後才裝,切勿濕濕地!
|
9/12/2003
|
95 Bandit 400V 尾避震打左柴
老鬼您好：我架 95 Bandit 400V 尾避震打左柴，除左原廠配件外，還有冇其他牌子選擇 ? (如 R 600 可否用配上?)
S.W. Tse swtse46@sinaman.com
只要長度一樣,上下頭一樣就可.
|
9/12/2003
|
油漆仔有野問
老鬼你好呀!本人想出o架街車,請問HONDA CB-1,BANDIT 400(v)邊架好d呢?我睇了很多車主報告都不知如何選擇,購此車時又需要注意咩?另外BANDT400幾$一公里，真的不知道，請給寶貴意見
油漆仔 jimmy8237hk@yahoo.com
以新車計，會係CB-1 Type1的59ps馬力最高，其後CB-1 Type II ，和Bandit400V都只是53ps馬力。兩款車以Bandit400V車齡較新，雖然小問題時有所聞，但俾我揀都會揀Bandit400V。揀車時主要聽下引擎聲有冇散晒的感覺，有冇漏油，新胎新迫力皮新車鏈當然最好。其他都好難再講，因為兩部車都有番咁上下歷史，唔好期望咁高，行得走得，頭痛醫頭腳痛醫腳就算。
|
7/12/2003
|
hi,你好老鬼! 我的羊是星艦,係市面見到一些石英白光燈. 有1腳同3腳.請問有什麼分別.邊款適合我. 而家我用的燈泡是25w , 如用25w的石英燈,會否對車頭膠燈殼有應響或會溶.謝謝你的回答
snoopy不要登出我的電郵
以我所知應該用單腳,因不同形是裝不到的,太大w數是會有問題!
|
7/12/2003
|
尋找目擊證人
本人在2003年11月30曰下午5時在沙田大涌橋路向大圍方向[近第一城]右轉入火炭路時被一輛金色BMW突然CUT綫HI趺現此司機不承認責任但差人又話冇証人好難做
現希望有路過及目擊者可以出來給些口供碰撞時有很多司機見到的[我的對面綫有一架街車的
希望你睇這段留言]本人E-MAIL: pinky3001@hotmail.com
駕駛車款: PGO T-REX
意外種類: 車輛碰撞
車主: 光仔
|
7/12/2003
|
小弟想請教師傅
小弟的坐騎是1995年的yamaha sr125,早兩個星期前由於見上斜時加油不但不去反而有一些卡卡聲,之後去車行問過,佢地話係 cam鏈鬆,經過調較後,聲音細聲少少,但佢地話如果換了就會無聲,同埋幫我攝埋哇佬,當小弟取車時發覺車的引擎聲無整之前咁實反而散了好多,小弟想請教到底是不是換 cam鏈的後遺症?
此致貴師傅順祝商祺, 一個長期的讀者敬上 小濤(Paul) paulwtng@yahoo.com.hk
咁樣係可能哇佬攝得過鬆,cam無得調較是要換的,長期不理會,只會另到機器勞損下去!
|
7/12/2003
|
我想轉渣sport
你好呀........小妹有d問題想請教一下你呀.......唔該晒!!我而家部ET-8渣在1年多d......不過我想轉渣sport......唔知轉邊隻車型號.....女仔渣邊隻好d呢((例如:輕身.操控.等))二衝同四衝有咩分別.....新車太貴啦.....如果買二手......要留意d咩
new_wu new_wu@sinagirl.com
入門級仿跑車，CBR250RR會係一個幾大路的選擇。雖然年份久遠，但零件和維修都唔係咁難搵。今時想搵部狀態好的放售二衝車更難，死左條心佢啦。二衝和四衝最簡單的分別係二衝唔環保，廢氣多耗油高，但機件簡單輸出大。四衝機器笨重但耐用，較慳油和環保。而且較二衝機器易用。買二手車要留意乜可以參看「知識技術」以往報導。
|
7/12/2003
|
吐露港往沙田, 元洲仔入口由最左線向右CUT, CUT左之後同左邊架私家車及右邊架貨VAN幾乎平排(我車頭大約在佢地司機車門後D), 佢地同時向我條線CUT, 車速約90KMH... TLS, 收車一定俾是旦一架隊到, 即時俾大油走人, 好彩架羊改左KIT喉又入貴油所以走得切, 之後果兩架車好似輕微碰撞, 如果我揀擇收車我就返唔到工咯...250CC羊絕對唔夠渣... P牌制度真係累死人! 香港咁多盲人渣車, 尤其要避免響人地盲區停留, 有突發事走點都好過收! 起碼唔會收車俾人隊屎忽!
ken / Majesty 250C - Message post via crash form
|
7/12/2003
|
hi老鬼師傅,本人現渣緊CBR600F車,有日不知怎樣,當我撻著車不久時,部車突然會自動死火,我想問何解?打後,我可以繼續撻著車,如此三四次,但是一樣自動死火.
ktatming@yahoo.com.hk
這樣要先睇火咀,再決定洗吸.
|
7/12/2003
|
P仔數問
老帥父你好:本人是新牌, 有數條問題想問:
1) 我買了一架95年的150二沖綿羊，是否應拿去代理check車? check一次車(唔計換零件)大約多少錢?
2) 打呔氣用咩方法先知夠未?
3) 全車噴油(淨色)大約幾錢才算合理?
4) 市面上的死氣喉能安裝在大部份車上嗎?
對不起, 這麼多問題。但不知可以問誰, 請見諒。
祝工安 新牌仔 Chan Elvis elvischanust@hotmail.com
去(邊樹)check都得,不過要問清楚check d乜,一般要2,3,百倒,check呔氣可以買呔氣錶,電單車超市有售,但最好買完後要去對錶,因以我所知多數都係有參差,噴油淨色要由$1500起
|
7/12/2003
|
有關調校車鍊問題
師父,本人有部CB400SF-VS,車#37676;有成兩寸虛位,是否時侯要校,虛位正常又是多少,因我部車無大架,是否一定要到舖頭校呢.多謝指校
Fung 99839297j@sinaman.com
正常上下虛位一吋到,架生自己搞掂!
|
5/12/2003
|
有關咪錶鏈 and 極力子問題
hi,老鬼師父,我想問呀綿羊咪錶鏈係唔係好易斷(冇撞過)? and 綿羊極力子係唔係好易壞? 同埋大?幾耐要check? 有0的話師父話szuuki 車易壞or冇咁耐用,是否當真?Thanks a lot!!
新手Sammy Chung上
唔應該好易斷,如成日斷的話就要檢查(錶鍊)位置是否正確同錶牙是否暢順,綿羊極力子只會損耗,並不是壞是可以檢查的.萬5km到!車好唔好我通常唔會係網上講.
|
5/12/2003
|
buy scooters
halo,i 'm just got a P licence,so want to ask some question abt buy the scooters,if i want to buy a scooter and i work in airport,u suggest i buy a 250CC or 400 CC,is it 250cc is enough already?,tks,brgds
karen (email address withheld as requested)
Size really does matter. 400cc is always better than 250cc, especially you are working in airport.
|
5/12/2003
|
關於死氣喉問題
尊敬的老鬼兄,小弟有部綿羊@,早2星期幫架車既死氣喉噴左d係車房買既高溫油,但係唔知點解我呢2個禮拜抯車時,條喉都會有"鑼味"停車時有時重會有煙出,(唔係排死氣,而係直頭係條喉上面出煙.)我想問下我而家應該點做呢?(除左換個條新既之外,因為太貴,我暫時無錢買.)多謝指教.
thanks a lot
henry henry182@pcmail.com.tw
唔駛驚!條喉唔駛換,只不過高溫油受高溫後揮發氣味.用多一陣就會無.
|
3/12/2003
|
俾人渣整古
今日照常一早泊車在亞士厘道返工，通常一早都無車，隨便泊，所以就算有其他車都是佢地ｉ我架車，唔係我ｉ人地，但唔知點解今晚放工取車時，竟然開不到車，下車一看原來俾條仆街用把執翻來的爛鎖鎖住後轆鏈，仲用膠水痴住。後來便叫開鎖佬攪掂，花了時間。
真不知為何有此等無聊賤人，冇錢開飯，整古人都冇本買鎖，要執回來。又冇老婆仔女，又冇親人，又冇父母，所以便會無聊到咁做。你不如早死早著，唔好咁可憐啦，其實為你好。又或者想先鎖住你架車，等你開唔走，半夜才偷。又係另一種賤精廢人。
我己經在走時去差館備案，差人話會留意下。希望其他車友都留意此賤精，捉到佢確保你地架車都安全，因為你地都可能都經常泊此，會是下一對象。
KM上 kangming866@yahoo.com.hk
|
3/12/2003
|
想換車
小弟一直騎開 et8, 二年過後的今天想換車, 心目中係二手大羊同 Magna 250 ,請問師兄有何高見...
謙 him0901@so-net.com.hk
繼續求方便實用，應該選用二手250大羊。Magna250得個靚字，唔好用。不過你玩左兩年自動波，係時候操下棍波。如果一定係呢兩款車的話，睇價錢最實際。搵到邊部覺得抵買o既就買邊部！
|
1/12/2003
|
起動難題，再續!
老鬼你好！但係只用腳撻著不到車，熱車後便好 o的，但要俾大油撻車才得，但停了１至２日便難了，要雙管齊下，但就是怕(數)左士撻牙 lor。
Patrick再請教
咁樣我就會建議你叫佢同你check下哇佬,睇下有無過緊見象,同座吸main jet要放大d!
|
1/12/2003
|
剛買mito的人
hi !本人剛買了架mito125,有問題請教老師;不知誰是代理?#36794;間車行做保養?有人說可放一台單?600cc真的可以嗎?拜託3q
天生 曾" <gtroy999@yahoo.com.hk
Cagiva Mito 125可以向旺角黑布街的亞林電單車行請教。放另外一副引擎落去？二衝125變做四衝600？ar....抬副咩偈落去呢？你可唔可以叫果位朋友示範一次？等我地報導下？
|
1/12/2003
|
請問HONET 250的頭FORK FORK油用多少度? 及須要多少LITE?
kkkkong 唔好登EMAIL ADDRESS.
15w,430cc.
|
1/12/2003
|
有事請教?!
本人現正想出車,P牌剛滿一年。有兩款心水車,分別為joyride200同majesty125,現想請問這兩款車有甚麼大分別,那一款較好呢??係邊間車行買較好呢??一個月養車約多少錢呢??買新車亦有甚麼要留意呢?? 感激解答
chan jan luffy125@yahoo.com
兩款都係台灣四衝程水冷單汽缸綿羊，屬於同級的高檔貨色。joyride200因為排氣量較大，所以在輸出方面會比Majesty125強。但係Majesty 125有很多性能和外觀上的補品可供選擇。joyride唔係冇野改，不過唔夠majesty 125多花款。揀邊部車要睇番你鐘唔鐘意改車玩車，同埋多唔多載人的機會。
買新車梗係去代理或特約分銷商買啦。養車主要成本係每年的牌費和保險費，每月的泊車錢，油錢和維修費用。一般由幾百蚊一個月到幾千一個月不等，視乎每人的要求和運氣。
|
28/11/2003
|
車鋉好乾 !
hi 老鬼師傅，首先多謝老鬼師傅上次解答整流的問題，我整返好架車啦．依家鬼打都無咁精神呀！但近排發覺車鋉好乾，我係唔係需要吱返ｄ油落去條鋉度呢？自己吱得唔得呢？如果得又要買ｄ咩油吱落去呢？我架車係CBR400 謝謝！
Andy Chan AndyC@ITOK.com
車鍊乾係要落(鍊油)就叫做鍊油,每次洗完車或好次你咁發覺條鍊乾就要落,但唔好落咁多,因太多會另到鋉油四濺,(high)到條呔咁就危險!仲有條鍊鬆就要調較,(鍊油)可選擇濃些!切勿用w40,長久會另膠圈硬化!
|
28/11/2003
|
老鬼你好,小弟2沖runner在一次高速行車時,斷了皮帶,整個傳動系統的零件都報銷,後來交到車房修理,把零件全換了,但不知為何尾段很吃力才可到達80而且轉數很高,是否車子那兒出了問題?還想問頭尾避震有沒有分多小比例去校?請幫幫忙.....!!!
浩宏 bigboxxgaryz318@netvigator.com
咁樣你應該第一時間交返架車比車行check,有否裝錯零件.
|
26/11/2003
|
四波上斜急停,Dup到起尾
當時上斜,行80,行快線,跟前車有兩個私家車位,突然三條線都停哂車,我立即拖落三波,頭尾人手ABS,點知都停唔切,最後大力Dup個頭制,Dup到車尾升起,好似玩雜技,奇蹟地單腳落地,人車平安,頭太輕撞前面架Accord,跟住個鬼婆落車看,看見無花無事,問我"Are you ok",無事就上車走人,奇蹟,沒有損毀!
當急停的一刻,個人好似想向前彈出,好像沒有重量,心諗我是死了嗎?買了二千元的Arai頭盔用得著了,停定了,人車平安,把車倒後一些,心又諗,仆x啦,要胳幾多呢?哈,又唔洗賠喎,大難不死必有後福?呵呵
又上了一課,小心駕駛,如果是渣以前的150綿羊,我諗一定炒硬(大檸樂果只),大車就是大車,定好多,點解O甘大架車,O甘重都可以Dup到車尾升起?我以為只有爬雞才可車尾升起.以後真係要望遠些,小心D,不是次次都O甘好彩.
四級仔仔 98 CB400 big one
(message post via crash form)
|
26/11/2003
|
有關於買保險的問題
本人正想在年尾買車,但不知保費,本人32歲兩年牌在Bank工作,在請問 Virago 400 好唔好, 同二手要多少錢? 唔該 Ronald Ma tcma888@yahoo.com.hk
以下由老編示範點樣答完等於冇答：)
保費問題，最準確應該因應每人個別情況，直接問保險代理。閣下夠歲夠牌，又係做文職，應該好易做。Virago 400？點為之好點為之唔好呢？論性能論新淨當然唔會揀佢。但係如果講樣講口味，係冇準則可言o既。二手價錢視乎不同年份和機件狀況而定，價錢可參閱鐵騎網誌的買賣搜尋。<<---係咪激死你呢？
|
25/11/2003
|
老鬼你好,小弟架星艦150, 換?普利珠及皮帶後,起步及上斜架車震動無力, 但平路行順?則無問題, 甚至可達100公里車速車行話個普利珠盤有條花痕起步及上斜無力, 但若過?花痕車速則正常, 未知是否可信?
Plato wailok123hk@icare.com.hk
我覺得有問題囉!老點人都找個好d直口,有花痕..花痕的位置係死位,只要你去到指定速度就會一定經過花痕,有會關上乜事.由於上斜時有拖力,所以比平路行得慢都正常,會唔會換因為換左d唔係原裝重量的珠所以有影響
|
25/11/2003
|
希望通知各車主！
老鬼你好. 小弟希望通知所有騎士, 九龍灣近國際展 的車位及付近瘋狂抄牌, 五日唔求抄兩次.果度沙漠禁大但車位極小... 我希望知道可否要求某部門可加多d 車位?.大佬呀,肯比錢拍車又無人做你生意，拍街位出d又抄.拍天橋下面又抄. 同場都有人一齊中招. 九龍灣d政府動物真係好X狗．#28857;樣拍車都抄．沙漠禁Q大又唔左倒其他人．唔救數就抄. 火起比我見到你抄最 多一齊冇運行．
Chi keung kung riderkung@yahoo.com.hk
|
24/11/2003
|
起動難題
老鬼你好！現有以上難題，希望可以用你的豐富經驗幫忙，本人的 1999 年 2 手 YP125 ，因為上手車主改了用 180 cc 中缸，車子的起動及加速十分之勁，比原來 125 cc 的勁好多。但起動時就很因難，著唔到車。交俾相熟車房 check 過，都找不出原因，換了新電池，頭幾日好似正常撻到車，之後便很難再撻到，次次撻到冇晒電都唔著，交到相熟車房都找不到原因，佢地話可能是因為舊士撻時間久了，性能退化，不夠力拖著 180 cc 的中缸，但因為相熟關係，所以不敢同我換新的，怕若果不行，會給我有被騙的感覺。但他們教我一個撻車方法，是在按動電撻時，同時用腳撻起動，便 OK了，那是什麼原因呢？請給我指點，以便我決定換與否？謝謝。
Patrick 上
原因係用腳撻幫助同時間起動,但這樣我就覺得非常麻煩,同埋好容易(數)左士撻牙,一係直接用腳撻.另外摩打舊就.........?難著車情況會否只在凍車時或熱車時才會發生.?再續!
|
23/11/2003
|
問CBR400整流
hi 老鬼師傅,本人想問cbr400整流自己換得唔得.要點樣換. 同埋買返個要幾錢? 二手得唔得? 二手又要要幾錢 ?如果換左整流都係叉唔到電又會係咩問題 ?(電池係前兩日新換既) . thanks !!!
andychan AndyC@ITOK.com
整流在尾failing位置,只要對番個接口就可以,燦基有原廠零件,價錢可打電話問,切勿用大陸或二手整流,原因一樣都唔知佢幾時壞!有無charging是可以check到,唔雖要估,因換整流時同樣要check線圈夠唔夠output.
|
| |
|
|
|
 |
|
