|
|
|
FAQ常見問題 |
|
|
23/11/2003
|
燒brake皮
老鬼你好，本人想問何謂燒brake皮？是否即眼見brake仍然有皮但已失去殺車性能。brake皮要換是否看見brake皮無才要換？
Qi Ue Mr.Pun pun@qiue.com.hk
燒皮成因多數是長期(掂)住brake,又或且鮑魚積死拖住而又不知到,或於高速收車過量而另到碟同皮過熱,當兩且因過熱而失去突性,我地就叫做燒皮!正常可用剩3份1才更換.
|
23/11/2003
|
我對老鬼兄既意見
我覺得老鬼兄有時講得過火左少少囉！好似最果位台灣車友咁，呀老鬼兄講 : 你唔好話比我聽全新車行左500km就走去爬山,係就死硬！ <--態度好似好有問題咁囉我覺得雖要改善囉，重有果位台灣車友都指明左佢係來自台灣老鬼兄都重係打廣東話，台灣的朋友是看唔明的，放且果位台灣朋友所講的爬坡係等於上斜路咁解，並唔係爬山！！祝工作愉快
chow chow
多謝這位讀者即意見!你知啦,老人家似老賣老又無文化,以後都要改善,改善,!
|
23/11/2003
|
SET 車問題
老鬼師父你好,本人架街車買返來已經換咗kit喉,近日發覺架車侄油,收油打炮,小弟嘗試調較風油位,但情況更壞,死氣喉駁口更變成紫黑色,請問可否詳細講解原因？如果拆支火咀睇,應該注意什麼？風量控制怎樣？例如風多會怎樣？風少會怎樣？希望老鬼師父能夠解答,謝謝！
Chi mcf_chi@mail.hongkong.com
拆支火咀睇下係黑定白,又或且濕唔濕,我覺得座吸有問題多d,風油比並不是萬能,更不是這樣調較.
|
23/11/2003
|
鮑魚問題
老鬼你好,最近發現我部車停車後一邊制動碟特別熱,我拆下鮑魚然後檢查一下,認為該是鮑魚個活塞不能完全縮回,所以迫力皮長期磨住隻碟.請問這個情況可不可以自己維修?要怎樣維修? (請不要show我的email)
John Tam
咁樣係要迫把油遮出來洗同埋換晒d膠圈,都非常麻煩,我見議你比車行整好過!
|
23/11/2003
|
查詢咪錶問題
請多指教 !今日行車咪錶突然全無反應,指針除指向 " 0 "外, 別無他選. 可否繼續行車, 又會否對其他機件構成影響或損壞!
進南 carmenfei@netvigator.com
多數係咪錶鏈斷左!可檢查這樣先.
|
21/11/2003
|
Insurance policy
Hi! I am a P plate driver, if I ride on someone's 400cc bike and I have accident, will the insurance still be effective? (As you know P plate driver couldn't buy insurance for a 400cc bike) (Can reply in Chinese)
Colman Ngan cnworkshop@netvigator.com
每份保單的條款都有不同，你要睇番你老友果份保單點寫先得。最好打埋俾保險公司(唔係保險代理)求證一下。
|
19/11/2003
|
換偈油問題
Hi, I have bought a PGM3 not long ago..i think about 4 months now...and i am having a problem with the bike...the problem is there is too many white smoke coming out everytime i start the bike and sometimes while driving as well...so would it be better if i use new 偈油and can i change that myself without going to the garages...can you list the steps i would need to know if i want to change 偈油 myself. Thank you very much for your help!!! Many thanks.. (Can reply in chinese)
DC ddaniell@hotmail.com
2沖車大煙係因為2t同電油比例唔一樣,但通常都會調較2t份量會高些,等潤滑程度高,以免容易(拿遮),相返架車有大煙d同(笠)d,你可以試下用靚d 2t 會有分別,但最好清左壺內舊有的油,以免溝到七彩!
|
19/11/2003
|
Runner 離合器
老鬼大師父,你好, 我發覺架四沖Runner 嚴重冇力, 尤其起步同上斜, 在朋友幫助下打開傳動組件個cover (珠,皮帶, 離合器果part), 發現有大量粉狀污垢在內,我們將組件及cover 用電油清理乾淨後, 架車有如脫胎換骨, 新車一樣......, 但三四日之後又惡化, 十多天之後直情打回原形, 在好朋友熱心幫助下再開個cover 睇睇, 又有果種粉狀污垢..., 心想不能十日八日就煩下熱心好朋友, 我都冇時間. 問過好幾間車行, 有d 叫我換離合器, 有d 話我只行左一萬,唔駛換. 如果真係換離合器, 會唔會錢就使左但情況一樣呢? 如何將這問題根治呢?有勞 老鬼大師父
Kwong Fat Hong (please don't show my e-mail address, thanks !)
這些組件是可以用眼來決定是否雖要更換,因為你只行10000km,有污積好正常,除非個d係皮帶碎,不過希望你用電油清洗時沒有接觸到皮帶,同裏面,因電油其實好傷野,我地整車都唔係用電油洗野,而且部份位置係雖要有雪油潤滑.你都覺得問題已在這裏,我相信師傅們都應該試到乜問題.
|
19/11/2003
|
換皮帶,普利珠
老鬼師父你好,本人部星艦150,已經行左萬二公里,應該係是候換皮帶和普利珠未呢?仲有點先知應該係時候要換呢?同埋火咀對於此車一般要幾耐換一次我還想問一般原裝車避震是否不夠外面自己買果d吸震咁勁,如果我用星艦150載人,換避震是否好些?有咩牌子介紹,仲有一條咩叫洗吸?,洗吸有咩用,幾耐洗一次(擺多過用).祝:師父身體健康
max lee max168175@yahoo.com.hk
你都覺得係時候咁咪換,珠同皮都可以睇到,就算唔換住都無即時麻煩,但皮帶就好難講,一斷你就要拖車,所以皮帶最好在建議里數內更換!避震當然係option好,不過一分錢一分貨,大陸就無謂換!而有無雖要我都唔知,架車你用喎!洗吸係可以清洗到沈澱在吸裏面的污積,可另到霧化時更清順,架車自然會爽d.半年或一年一次亦係補養一部份.
|
18/11/2003
|
死氣喉
老鬼你好，又是小弟。我担Suzuki GSX1400 已裝 Power Commander 和Yoshimura 四出二出一死氣喉。但發覺死氣喉不時傳出一吓異聲。( 很
似打油炮聲 ) 請問如何解决？謝謝。( 我沒有上馬力機因為師父說不用調較 fuel map )
大雄上
如你已發覺有砲聲,,有無發覺頭,中,尾段或幾多千轉乜波段最明顯,不妨拆支火咀睇下行成點!再決定點改善. 註:比油縮油再起有無要等的感覺.(如行長時間是比油動作,縮油後聲音連續而平均有可能是喉本身聲音.
|
18/11/2003
|
老編你好！小弟今日剛剛考獲P牌有事一問！小弟今年26歲有3年1~2牌想出RVF400唔知出唔出到保險呢？如果出到又要幾錢呢？仲有如果買此車要特別注意D乜野呢？此車適合新牌駕駛嗎？係操控上又有乜野要特別留意呢？小弟實在太多問題啦！希望唔好見怪！唔該！
JUSTIN skac@netvigator.com
保險問題最好都係直接問番保險代理，間間答案都會唔同。但正路計，P牌應該出唔到400跑車。RVF400係一部好車，如果唔係V4偈咁熱的話。操控問題等你出到車再講啦。
|
18/11/2003
|
有關自行更換皮帶及普利珠問題:
你好!本人的PGO T-REX 150的皮帶及普利珠已夠期更換,但我想D.I.Y.可以省返人工,請問困難嗎?同埋係咪要用撞批拆開個蓋?THANK YOU VERY MUCH!
心急人上! able98@idvweb.com
無風砲根本就鬆唔到兩粒大螺絲,拆蓋是小,盤兩粒螺絲是大.
|
18/11/2003
|
你好!!本人是P牌仔一名,因載人給亞蛇截車,亞蛇講因為係Ｐ牌,所以唔會開告票,而係上庭.但兩星期都未收到通知,本人月底去旅行,好驚過唔到關,咁點算呀???希望老鬼解答我o既問題,萬分感激!!!
Ming mingcelia@netvigator.com
你唔係唸住等兩星期內就可以排到期上庭呀話？上法庭前係要收傳票o既，你未接到傳票，冇問題。通常係拖欠稅局錢，被警方通輯，有出境禁制令等情況，先至唔會俾你出境。你條問題認真騎呢....
有關P牌問題，請參閱以下網頁，或翻看以往老鬼信箱，有車友曾分享過相同經驗。
http://www.info.gov.hk/td/chi/advice/probat/chinese.html
|
18/11/2003
|
03年XR250的疑慮
老鬼師傅你好:我是位於台灣的車友,很不好意思向您請教問題.
1.XR250是氣冷引擎,用於台灣之氣候需用幾號番數之機油.
2.我的車(目前里程數500KM)使用5W-50機油,但只要引擎熱車後汽門搖臂的噪音極大(有點懷疑日本的品質),是機油番號使用不當還是出廠調整不當.還有此車吸氣聲是否比較大,加速時會聽到類似的聲音.
3.當加速時或爬坡時引擎發出類似爆震敲缸的聲音,是否正常.(向購買的車行詢問說是正常不用在意)要如何處理.
4.此車機油儲存於車骨及引擎,只知道要洩放兩處(更換1.7L)是否有需要注意的地方(使用手冊介紹很模糊)
5.日後(RUN-IN期後)是否需要再調整汽門間隙,原廠規範為何.
謝謝老鬼師傅撥冗看完小弟一堆問題,並解開心中疑慮,不然車子越騎越傷心.
xr250 xr250@pchome.com.tw
你唔好話比我聽全新車行左500km就走去爬山,係就死硬,偈油度數沒問題,但你如發覺盤頂有異聲,可到其他車行問下,換油後要著車關車再check多次機油是否足夠.
|
17/11/2003
|
開車前煲車問題
老鬼師傳你好，我部skywave250每次攤凍左之後，著番車都要煲佢大約兩至三分鐘先行得到，否則一比油就會「襟」熄個火，我知開車前煲車係對部車好d，但「襟」熄個火係正常現象，定係機件有唔妥?
WAI unclewai@hotmail.com
咁樣死火就真係唔多正常,睇下自動chock sener係咪有問題!
|
17/11/2003
|
頭 尾牙
老 鬼 你 好 ： 本 人 部 cb-750 01年 落 地 在 18000km換 掉 頭 牙 和 車 鏈 ， 現 在 車 行 了 36000km走 起 來 好 象 無 以前 更 好 ， 是 否 需 要 換 頭 尾 牙 和 車 鏈 ， 另 外 想 換 吠 平 時 代 步 多間 中 飛 下 街 ， 有 什 麼 好 介 紹 ， 點解要 問 老 鬼 ， 因 信 你 和 無 利 益 沖 特 ， 另 想 問 放 私 人 轉 售 01年 0手 9成 新 應 該 放 幾 多 錢 ， 謝 謝 。
waterflow waterflow1911@hotmail.com
用車方法會影響頭尾牙鏈的損耗,可check到是否需要更換,並不需要跟里數,呔可用GP501.
|
11/11/2003
|
有關runner 2T油
老鬼師傅你好,本人是一個RUNNER的新手.我想請教一下RUNNER既2T油要幾耐到入一次同係咪係SIT位下面入呀?
NgManFai n_n318@hotmail.com
坐位下面係2t壺,差不多無的時候錶面有顯示燈閃動,通常4-5缸油就要入1支倒!
|
11/11/2003
|
冷光錶板
hi.老鬼.請問PGO-TREX150冷光錶板個電子火牛正常輸出係幾多V？因我個冷光錶板突然間唔著，拆開黎睇過又冇鬆線，搵它錶度過有70V，這是否正常？
timtim28 timtim28@i-cable.com
幾多v我就真的不知道,最簡單的做法就係度下佢通唔通,開關制有無電到直接比電都唔著就燒左啦!
|
11/11/2003
|
上斜無力
你好老鬼,本人有架2000年尾既AN150,近日發現上斜最盡得40km/h,之前大概都可似有60km/h的,唔知係唔係夠期呢?有無得攪?唔該
ink inkc22@hotmail.com
整就有得整,你平時有否定期check車,都要師傅試左車才知點整!
|
10/11/2003
|
黑仔被抄牌
本人是P牌仔，今日在屯門公路行了快線，結果被Police抄了牌，請問要罰多少錢？本人初犯，第一次被抄牌，使唔使扣分，Police話遲D要上庭，我應該點做。Thanks
黑仔 P.S請不要登我的e-mail地址
有關P牌問題，請參閱以下網頁，或翻看以往老鬼信箱，有車友曾分享過相同經驗。
http://www.info.gov.hk/td/chi/advice/probat/chinese.html
|
8/11/2003
|
企圖偷電單車
兩男子企圖偷電單車事敗逃去 (本地) 2003年11月7日 HKT: 16:42,下午兩時許，兩名二十多歲的男子在荃灣企圖偷取一架電單車時，被一間電視台攝影師發現，立即登上同黨等­埜耋釭犒q單車逃走。警方之後查到他的電單車的車牌是假的，不排除亦都是失車。
有片睇: http://inews.i-cable.com/mynews/asx/2003/11/07/theft-b.asx
William willycheu@yahoo.com
|
6/11/2003
|
油隔幾時要換??
我想請問ET8幾時先需要換油隔?? 5000km定 10000km?? 謝謝!!
TKI 請不要show e-mail, thanks
我就覺得每次換偈油一齊換就最好!由其是成日轉換唔同牌子偈油.
|
6/11/2003
|
有關尾牙油問題
小弟有部HONDA Foresight SE 2002車, 本人想自行換尾牙油, 但於owner manual內並無提及此方面之規格, 現請問(1)此型號須用何種級數之尾牙油, (2)要行多少Km才要換, 及(3)要入多少cc才對? (4)另自行更換要有什麼注意之地方, 煩老鬼先生代查.
Aman amanchui@hkbn.net
係要用80-90w尾牙油,一般都係4L裝,而你架車只係用0.9L,希望你找到細罐裝,每8000km-10000km才更換,要注意的地方就是癈油怎樣棄置!做個有公德心騎仕!
|
4/11/2003
|
關於保險的問題
小弟有部400街車在9月頭因保險到期,所以買了一份新保,在頭一個月內我已拿了Cover Note。但本人愛車在11月中牌費到其,小弟馬上致電代理保險公司想拿回正單,但一找已一星期,小弟心知不妙馬上到代理保險公司走了一轉,看見在大閘上貼了很多車主想拿回保險正本便條。小弟不知如可是好，就快快致電中銀保險集團公司check check 在9月買保險是否還運作,答題是運作的。但為何我還末收到正本?中銀職員答小弟正本已在代理公司(中銀職員還給了小弟代理公司電話)，如有問題去找代理公司(在談話當中小弟已知本人保險不是由第一間代理買的)，小弟馬上致電第二間保險代理公司問牠拿回保險正本，但第二間保險代理公司回覆因第一間保險代理公司沒有繳付保費,所以不會發還保單正本,說如要保單本人要多付一次費用.......但本人己付保費給第一間代理公司,(已去了報案和知到小弟己是第二批人)現在不知如何事好,因阿sir說這樣案件會花很長時間,但小弟沒理由等到已付保費停才買一份保險和用車。$2500保費及不知要等幾時才可和愛車去街街!@@
有無人可以教我什做?
chankwanto chankwanto@hkbn.net
以下是老編對事件的個人看法，但請留意老編本身並無處理類似經驗或有任何根據：
既然保險公司承認你的保單仍然有效，那麼你的電單車並不是沒有保險。問題只是第一間保險代理和第二間保險代理之間的金錢糾紛，只要你有付款予第一間保險代理，那麼問題應不在於你方。
有請對保險事務熟悉者作出寶貴補充。
|
3/11/2003
|
老鬼先生你好~~~
有一問題我想左好多個月都未能想得通，並詢問過好多玩車人仕都未能解决，希望老鬼能夠幫忙，十分感激，謝謝！因為本人約一年前已非常之想換車，每天都有到過貴站查閱有關機車資料及各小小內容，發現本港有多間車行引入大量日本二手車，奇怪的是，這些二手車大部份出廠還未夠一年或最多兩年，包括大羊及街車，多數同款同色添，售價還是非常吸引。
其實以香港機車迷習慣，新購一架機車，冇乜可能會玩幾個月就賣，如果是較高價之機車小之又小，看一看貴站及各大小二手市場就有同感！要買一架機車，如是非必要，例如撞過抄過跌過壞過冇乜可能話換車就換車？
試問這些車行有這麽大批算是極新的日本車從何處得來呢？為什麽數量多得這樣驚人呢，還是日本無二手市場？日本人真的是這樣有錢？還是這些車有什麽問題，是改裝？改年份？大部份只行數佰至數仟公里？日本人喜歡欣賞多過駕駛嗎？其實這麽新的車由這麽遠的地方再運到香港，價錢又可以做到這樣吸引，理應己經多重人手，還有利潤嗎？其實我想知這些車買得過嗎？希望貴站能夠解答，十分感激，謝謝！
馬後炮 p.s.請不要show E 貓 THANKS
馬後炮先生，答問題前先講解老鬼o既身份。老鬼係香港某車行的駐店師傅，並唔係iBike既工作人員，之不過為了可以更暢所欲言，身份才會被保密。第二係老鬼只會解答機車維修問題，其他一概不答。所以你呢條問題，唯有等老編代答。
你可能好奇怪，點解有咁多新淨o既日本車源源不絕咁由日本運過來。係咪真係有咁多咁浪費，買部車玩一陣就賣。我會答有乜咁出奇。
香港地買車要加稅就話貴姐，日本人買國產車唔駛俾40%入口稅，加上日本人均收入和消費指數高過香港咁多，變相新車的售價對於他們來說，並沒有我們看得這麼高。所以部車玩玩下發現唔o岩feel，換車絕對閒事。此乃貨源之一。話分兩頭，我地唔排除有部份二手車係事故車。由於日本人工貴，你話炒車後想整翻佢，人工可能比較貴，不如trade過部新車重正。所以一D小炒o既車整翻靚仔後便可以再賣。此乃貨源之二。另外有一些demo車，擺完展覽俾人試完車後，便會當舊車賣。此乃貨源三。
但係現在香港引入二手車的成本比以前貴，手續也繁複，所以部份車行都轉型代理新車。所以現今大部份車行的二手車買賣，都以本地收車為主。日本二手車，都以年份較新淨為主。
最後答你的最重要問題：買唔買得過？我會話：要最穩陣梗係去代理買行貨新車，但都唔擔保部部車都一定trouble free。要慳錢，就一定要承受一些風險。舊車的性能一定唔及新車，但差異的大小就個別情況不同，不能一概而論。所有車都要整，只不過新車遲D先整咁解。唔駛咁驚青，揀D年份較新o既車，當然會穩陣d。車行有冇利潤呢層唔使我地擔心。冇錢賺的生意自然會冇人做。
|
2/11/2003
|
Hi Patrick, My Problem Same As Patrick, Can We have a Contact To Talk About This Problem. Please e-mail to me chankaitai@hotmail.com To have a discussion,I also want to solve this problem too. Thank You
CHAN KAI TAI <chankaitai@hotmail.com
|
31/10/2003
|
避震問題.
老鬼先生：我係駕250日本羊，新車落地至今巳1年半。請問應何時更換尾避震？因車行在check車時，話我對尾避震過軟，並將避震度數調較至最硬。雖然如此，但我感覺在行車時，一o的都唔硬或'dun'，是否意味需要換，如是，有乜好介紹？我係新手，乜都唔識。感激及祝貴網一曰攪得好過一曰。
偉仔上 p.s.請不要show E 貓.
你架車是否日日雙騎,或當貨車咁用,如果唔係無理由咁快打柴!避震並不是定期更換的,只是漏油,彈弓過軟,樣衰,或想要駕駛舒服或有錢時換,市面上有好多牌子,一分錢一分貨.由千幾元起,如你發覺佢較到最硬你都沒有感覺,不如你叫佢較到最軟,等自己試清楚d先才決定.
|
31/10/2003
|
差一點就跣底 - 真係好罕有的意外,教人防不勝防
在獅子山隧道出九龍方向收費亭(不切找續,AUTOPASS隔離個一條線)....晚上11:30分左右,經獅子山隧道載着女友回家,照平常一樣排隊比錢,輪到我喇,你地古下發生乜事....就係在收費亭阿嬸前面表演"一字馬"...真係要命,我女友都差點赫Q死...點解會這樣??...就係收費亭停車落腳位置有一大笪偈油在地上...問你死未!?
架CB400加埋我同我女友足足有六百幾磅重,好彩我夠大力...如果唔係...哈..哈..兩人一車齊齊變趴地熊呀,重要趴落笪偈油上面,到時真係唔知點算,人又黑曬,車又花曬,在那一剎那想到這個問題...我為有使出我的平生絕技"PROWER"...我頂...!!無任何人命及財物損失,得個驚字...不過大啤罅就好Q痛...>_<...!!
這件事絕對係一次寶貴經驗,以係無論在那兒,收費亭..燈口..停車線及讓線..平時路面等,如果要停車落腳的話,都要清楚留意落腳點有沒有異物.....在此事件中我好多謝我自己(我自己都唔信我居然錦大力)....同多謝CAT的鞋,如果係普通波鞋...我想我已經暈了...o 各位靚仔靚女同Ｐ仔Ｐ女,真係要眼觀百方...小心...小心!!
蘿記
|
30/10/2003
|
關於排氣喉的問題
你好! 本人剛考到牌，所以對電單車的了解還是很淺。以下有些關於排氣喉的問題想請教:
1) 點解要換喉？2) 換喉後會點樣影響扭力/馬力? THX!
游仔 johntang86@net-yan.com
未答你的問題前，先講下廢話先。排氣喉的主要作用是引導燃燒室內的死氣排放，和利用氣流的慣性動力引鮮風進入燃燒室。但在現實生活中，我們還要顧及噪音和廢氣問題，所以原廠喉尾部設有最高水準的滅聲和催化設備。相反aftermarket的kit喉為了回復引擎原本的性能，在滅聲和催化的作用都不及原廠喉，排氣的阻力和回壓都較原廠喉低，有利引擎在高轉時呼吸更暢順，搾取馬力。
所以你問點解要換喉，答案係因人而異。在道路上使用的車，換喉的最大作用是裝飾，和釋放排氣聲來增加存在感。始終高轉行車的時間不多。但在賽道上必需要換喉，因為要減低排氣壓力，讓轉數上升速度更快，增加馬力的數值和提早最大馬力出現的時間。
但更改了排氣回壓，需要調較點火時間，閥門開關時間和供油量，才能發揮到最大效果。如果調較不當，未完全燃燒的油氣會提早排出而令扭力流失，也增加耗油量(running rich)。又或者沒有追加供油量，在高轉時轉數不能再上，排氣溫度也過高(running lean)，容易燒毀死氣閥門。
以最嚴謹的角度來看，改車永遠都係「牽一髮動全身」。改喉因為更改了排氣阻力，連帶進氣壓，供油量，閥門開啟時間和點火時間都需要重新調較。輕則效能未能發揮到最好，重則越改越衰，甚至損壞機器。
在馬路上用車，如果唔注重性能，只係想放番把聲出來，則求其換乜喉都冇所謂。如果要性能，則需要嚴選品牌。揀一D大牌子，佢地旗下會出一D專俾某款車使用的kit喉，咁樣會較有保障。
|
29/10/2003
|
R6...有問題想問下
你好呀老鬼先生...我剛買左架R6...有問題想問下,我行行下車，突然著左轉數邊旁的紅燈...同埋錶版上有個油壺 (好似紅燈旁的油壺)標誌...一陣又冇左...唔知咩原因呢?
Bo boboyy@hutchcity.com
係偈油同水溫燈,是否個轉勁塞車,攪到水溫高,不過為安全起見,你都要check多次水同偈油,再睇下風扇會否自動開關!
|
29/10/2003
|
車頭好振
你好!我部車是SH150，每次起步時車頭都好振，要一個車位先冇事，連起步都慢過以前，請問究竟是什麼事？要不要去整？
Keith keithlinda@mail.hongkong.com
check下起動珠,皮帶,極力子部份先..
|
29/10/2003
|
車輪有鐵銹
我的車輪有鐵銹，可有什麼便宜，但有效的方法去掉這些銹跡？wd40?Thanks!
QM p.s. Don't show my email pls!
wd40加 (0號)網絲棉,五金舖有售.
|
29/10/2003
|
你好！本人最近駕駛電單車時，發生過在道路上，有其他司機駕車中途睡著,當時我打算嚮按叫醒他，但我又擔心他醒後特後加速或扭太而被撞到。最後只是扒頭了事，請問如果你遇到相同程形怎樣做？
Irene Ng" <sioi_ng@yahoo.com.hk
香港道路環境變化咁大，司機好難會因為悶而入睡。通常都係患上睡眠窒息症，至令患者睡眠不足，在駕駛的情況下經常進入淺睡區。通常佢地會突然醒一醒，然後又訓過。估計你當時響鞍佢會馬上醒，車速和行車線位都不會有變化，不過十秒後可能又訓翻。俾我會加油走人，離佢有咁遠時得咁遠。駕駛電單車時遇上呢類危險人士，你可以做的其實好有限。顧掂自己安全為上。
|
28/10/2003
|
你好.有個問題問下你,咁如果過戶去運輪處有咩手續or要帶齊咩文件呢。唔該。
Keung" <keung1@onebb.net
身分證，車輛登記文件(必需有舊車主簽名)，臨時保單，連同買賣雙方都填妥並簽署的車輛過戶表格，預備相關費用便可。
|
28/10/2003
|
購車建議
本人P牌女仔欲購車150cc羊仔.心目中車款包括03'T-Rex 150,Teo's等平地台車種,用作上班及假日四處走範圍包括黃大仙->柴灣(日常),-> 西貢(假日),遇然一年二至三次->屯門.可否提供意見.(可以唔係所提的車款).此外,從車主報告中鮮少找到Teo's資料,唔知該車性能如何?因為唔普遍維修是否較為貴??
Amanda Yau(請勿刊登本人Mail-address)
未知閣下身高腿長，很難給予中肯建議。假設閣下中等身材腿長38吋為例，採用傳統日本低座位綿羊會比歐式綿羊的高座位會較為容易操控。所以T-Rex150會比較容易建立信心。但Teo's 150採用水冷機器，論規格質素較T-Rex優勝，可惜在香港流行程度不及T-Rex150，改裝部品和維修價錢也較貴。黃大仙去柴灣，路程話長唔長話短唔短，但每天都要上高速公路，有沒有考慮過大轆綿羊Honda SH150?不過有利必有弊，大轆綿羊普遍車身都較高
|
27/10/2003
|
小心『拍車黨』騙錢
以下是一則本人遇到『拍車黨』騙錢的親身經歷，請大家幫忙forward開去，讓香港市民有個警愓作用，謝謝！
事發經過：二00三年十月二十五日約下午六時許，小妹駕著我的小綿羊『豪殼150』於西環遍尋車位不獲，於干諾道西『香港商業中心』轉出德輔道西燈位停車，突然有一男子行出馬路跟我交談~~~該男子身高大約五呎十吋，四方面形，貌非本地人，衣著整潔，穿黑色西褲、皮鞋、淺啡色裇衫、手拿著一個黑色公事包、左手中指帶有黃金戒指、腰間纏有橫放手提電話一部，操流利普通話。該男子透露他是來自台灣的遊客，這次來香港是要找他的朋友，但他來到才發現原來朋友剛到了美國，他身上剛好沒有錢，想問我借四十元去食飯。開頭我扮聽不懂，看見綠燈想開車走，但給他纏擾著至紅燈沒機會開車。告訴他我身上沒有錢，他說只是四十元，不是太多，看他的樣子也不像會騙錢的。但我說身上真的沒有錢，他便問我有多少錢，我說我駕車不用花錢，所以沒有錢，然後他便揚長而去。
於是小妹轉出德輔道西，往水街轉出干諾道西，再由嘉安街轉入德輔道西過對面線，由屈地街轉出皇后大道西，經由和合街轉入南里泊車。途中在嘉安街及德輔道西燈位的街口，再次見到該騙徒向路上的另一行人騙錢不果，騙徒於是向沿著德輔道西往上環方向前進。心想若見到警察叔叔一定要報警！！！車行到山道麥當奴時見到一警察叔叔，即泊好車去找警察叔叔，但到達時已經不見其踪
影。。。。。。行往搭小巴到葵芳之際，在德輔道西遇見一警察叔叔，立即向他舉報，說出事發經過，警察叔叔不是太緊張，以平常的速行繼續行，說看看他行得快還是騙徒行得快。在西環已經遇過很多很多次這些問人借錢的騙徒，大話層出不同，有拿著空空如也新買而且還有假master咭的銀包說自己跌了錢；亦有三分鐘之內問了我兩次借錢的。。。。。。
奉勸各位騙徒：要騙錢的話，也得要編好故事、背熟台詞、練好演技、懂得執生，最重要是有記性，懂得認人！！！
各位市民請留意：據資料透露，近日頻頻四出活動的拍車黨多是來自自由行的遊客，他們衣著光鮮整齊，令人相信他們不像會騙錢。他們通常會行出馬路拍車（大多是拍私家車），跟司機說自己來找朋友但找不著，問可不可以借幾十塊食飯，通常司機知道是給騙錢但金額不多，為免阻塞交通也寧願給錢騙徒。雖然騙徒每單生意騙到的錢是不多，但積小成多，出來拍一日車也能攢不少。當然，除了拍車，在街上的行人他們也不會放過。
奉勸各位市民：不要因為怕一時的阻塞交通或麻煩而輕易給錢騙徒，這只是助長了他們的犯罪行為，令更多無知的市民有機會被騙。如遇到這等情況，應該立即向警方舉報！
Amy Tam阿咪敬上 monkey80118@hotmail.com
|
26/10/2003
|
Buy and sell enquiry
Hello, 你好! 本人剛考到牌。我已經看見合心水的車, 但是是私人買賣, 我應注意什麼和手續買賣程序. Thanks,
Iron ironman18@sinaman.com
先恭喜你成功考到牌。有關私人買賣注意事項，在【知識技術】一欄中有幾篇相關文章。
|
26/10/2003
|
你好!我現正學電單車, 預計明年一月考到牌。若我現在看見合心水的車,可以先買下,等有牌才揸嗎? 如果是私人買賣, 我應注意什麼?謝謝!
心急人 im_cbs@stu.ust.hk
千祈唔好咁心急，你在學車期間認為合心水的車，第日考到牌後未必可以成功出到保險，或者當你有牌之後己經唔鐘意呢款車。都係等多陣，考到牌後先買車啦。車價係不斷折舊緊，同一年份的車，當你考完牌後車價應該會比現在平D。
|
26/10/2003
|
關於電單車保安問題
編輯先生,我是iBike既長期讀者,新牌剛抯左1年多D(已除P),睇左各大留言版,話電單車比人偷野既情況都幾多,我想問下我已經已經裝左防盜同買左2把U鎖,請問下以你地既經驗來講,唔想比人偷野重有無d比較實際既方法呢?(當然唔可以話唔抯啦,又或者長期放係停車場,雖則我知道有人放停車場都比人偷車.)而家既防盜措施又有無D新既科技合電單車用呢? 希望你地除左介紹電單車外亦可多d介紹係呢方面既資料.
thanks a lot!
Henry henry182@pcmail.com.tw
自古有云「道高一尺，魔高一丈」。任何防盜措施或用具都有它破解的方法。我們的見解是，你部車會唔會被人偷，主要取決於以下四點：首先係有冇偷車賊係你泊車個頭出入。第二點係賊仔想要偷你部車的慾望有多高。第三點係你設立左幾多度關卡來防守你部車，需要消耗賊仔幾多時間去偷。留意第二點和第三點是存在此消彼長的關係。基於取易不取難的原則，車鎖的質素和數量，是會影響你部車被偷的機會。但靚鎖只是減少被偷車的機會，如果你泊車個頭有好多賊仔出入，而佢地又好想拿你部車的話....就算你搵個鐵箱鎖住部車，佢地都會成個鐵箱搬走....所以事實係失車的風險其實都幾被動，我地只能在有限範圍內做好本份。
|
26/10/2003
|
CB400電壓
師傅你好，本人架 97/01 HONDA CB400SF VS，早前曾撻唔著，檢查後發現電池無電。充電後架車回復正常。但小弟用他表(指針式)檢查時， 壓顯示12-13V，扭油門後指針升至14-14.5V，但再進一步扭油，指針突有不規則的升高降低。(當時他表放在車上)但我把他表放遠離架車時，顯示正常(12-14/15V)，沒有不規則情況。本人想請問師傅，為何架車會有類似的干擾，是否架車有其他零件出問題??
註：在裝回電池時，曾不小心另電池正極及車架短路(沒有燒FUSE)多謝老鬼師傅。請不要show我email，唔該
PKJC
通常我們會用(跳字式)錶,一來易睇,二來可避免震動,針錶相信係用來度要求度高的電子零件,而聽你講識得用針錶同度charging相信你都係用電高手,short電但無燒30Amain fuse就唔駛驚,因為著到車就表示無問題!
|
26/10/2003
|
幾多換油?
我架係Majesty250新車, 手冊話run完就3000km先換一次, 但好多時網友話1000km換就最好, 到底我信邊個好呀??幾時先要換電油隔、偈油隔?
幾時要加d水去電池, 又有人話而家係用唔駛加水既電池喎, 我架係咩電池呢?thx~
KK abalone_club@hotmail.com
1000km就好似密得濟,除非你一星期只用幾十km,擺多過用.3000km換係正常,,電油格8000km,同埋你架車係得過沙網做油格,唔駛換.電池係用絕密式免加水.絕對唔同其他電池!
|
20/10/2003
|
能否先行1000km才換偈油
請問一架一公升級的舊電單車，它沒有駕駛一年，但一年前換完偈油才沒有駕駛，現在機於冇錢，能否先行1000km才換偈油，低轉數行
車，可以嗎？我想行2000km才換，講到尾冇錢呀，架車朋友送架，唔該！
kammingshing@hkbn.net
有咁大個理由,唔換都得!換左好d咁解(姐)!
|
20/10/2003
|
地線
1.請問如果我要自己接地線, 要連接負極同那幾點?
2. 另外, 銥合金火嘴二衝單盤羊可以用嗎, 號碼要更改嗎?謝謝
宗仔 gottamusic@yahoo.com
只雖連接在車架鐵器部份便可,火咀一樣可以換,用返一樣度數車行d人會同你對到no.
|
18/10/2003
|
3000KM要換機油
師傅你好, 本人新P Honda@仔,但有十年駕駛的士經驗,有些保養問題請教,一般油站買機油是否電單車適用,代理話 Run in 完每3000KM要換機油,如果經濟理由可否過 10000KM才換,因搵食車一般15000KM才換油,引擎也可正常使用過百萬KM,又由於電單車冇尾差速器,所指換尾牙油是那部份?
亞昌 請不要show我email.
昌哥,你擺架搵食車同自己架車比,唔係呱?私家車波箱同機器d油係分開,電單車就唔同,係連埋一齊運作,的士粗咪但電單車高轉數你話邊樣傷d,電單車係用返專用機油,有度數分別,唔好係油都倒落去,包括花生油.3000km換係好合理做法,經濟理由過萬才換,分分鐘偈都壞埋,第二次都唔使換,好似的士成部機器換.尾牙係指帶動尾輪轉動位置,在車尾最後部份.
|
18/10/2003
|
@150 run-in 中,很"立"
老鬼大師:小弟架@150近來很"立"(直路油門幾低至去到8x到,上斜6x到,單斜.由於run in所以未試過超過90,但感覺比以前難去到80..),比油時好像比人址住,呢個情況尤其發生在朝早第一次開車時(返到公司攪1-2個鐘頭再出黎開番車架車明顯爽番d),我每朝會由粉嶺去牛頭角經大老山出,全程高速(由於run in中比油順住黎比,速度大約70-85到,當去到牛頭角時個水溫都只係去到1/3到唔知有冇關係呢?)其實我架車係新車run in 中23xx公里到..我係1000公里時係代理度換左"半合成机油"2000時換左"全合成机油"我記得呢個問題係發生係大約1500公里到..我真係想知點解會咁?又,架車係慢車時(50以下),會chok下chok下好以行緊d凹凸路咁,正唔正常?有勞大師出手相助,小弟不勝感激!!!!!
Stephen stephen@youcme.com
我相信佢地d機油係無問題,你run in手勢亦正確,會否早上取車無煲車呢?因為機器在未有正常溫度下運作是有一種硬磞的感覺,到你從公司再取車的時候,因機器還是暖所以就沒有那種感覺,至於話50km下定住油門車會窒下窒下,咁就唔多正常(如你沒有刻意比油或縮油)!可回代理檢查一下.
|
14/10/2003
|
hi老鬼師傅你好,小弟想請問cb400VTEC2,個風chock係?樣用？一拉就死火！車行話比住油拉，我試過一樣死火！到底?用呢？
DM 請不要show我email.唔該老鬼師傅。
個制係比你難著車用,當你發覺撻車時,要按start制好耐都先著到車,你就可以拉起佢,著左車後你就放番低佢,如果唔係就會有你咁樣情況出現,如撻車正常是可以不用的!
|
14/10/2003
|
想識多d朋友,游車河,交換,阻車心得!請指教(不提供頭盔)
出發地點: fanling / CB 400 V-TEC
Don / icq no : 282865766
|
14/10/2003
|
小心被騙
本人從荃彎某車行購入一架貌似majesty既綿羊,由於本人過份心急.故此沒有check清楚架車.我去車行問時,車行說這架時majesty150.由於本人是行外人.便信以為真.故此購入.但出車就知出事啦!這車只能行走數十公里.之後便打柴了.於是便打回車行求救.整左兩日.我便回車行取車.呢次車行話無事.我便駛走.但因為本人再不信此車行.故本人轉向另一車行check車.一check車就大件事啦.架車任何野都要換.架車基本上係八國聯軍.咩牌子既零件都有不過全部都係壞既.車行已經報價起碼要2-3000$!希望各人買車時一定要同熟車既人去.車行不是間間都信得過車(見圖)
n_n318 :請不要show我email.
|
14/10/2003
|
250綿羊問題一則
本人的綿羊以兩年車近日發現慢車行凹凸路面有支支聲今日又發現在一般行駛時好像金屬磨擦聲音那些聲音支停車就沒有不知是什麼問題
祝主持人身體健康
kenandeva kenandeva@i-cable.com
隔住部電腦,你估我知唔知到個d係乜聲呢! 呵?
(編按：會唔會係你支尾避震打左柴，漏晒d避震油咁滯呀？)
|
10/10/2003
|
頭brake碟厚度
師傅你好, 想請問一般400街車如Super 4等, 頭brake碟厚度剩下多少便需要交換呢? 價錢如何?謝謝
遙遙 z750haru@yahoo.com.hk
正常3份1,慳錢5份1,英國皮$280一邊.要問清楚佢比乜皮你用,大陸皮就無謂用!
(編按：相信老鬼是誤會了你問迫力皮的厚度。迫力碟的邊沿厚度通常變化很少，反而要留意坑紋。
如果隻碟起晒深坑就最好換過第二隻。
|
| |
|
|
|
 |
|
