|
|
|
FAQ常見問題 |
|
|
10/10/2003
|
老鬼你好,本人是p仔,駕2沖runner,在一次下雨天跌車後,溫度錶時有時冇反應,而且自己換了左邊牛角,但換了後,按下時..要比較大力,好像有野壓住吱吱聲,想問是否要換break油?因為看到break油胡內的油,左邊是黑色..右色是花生油咁既色還想問,車安如果一分二可以嗎?會否影響其他電器?綿羊可以洗cup嗎?洗cup對車有幫助嗎?是否要定期洗cup的?因為熱車時...車行起來沒有涷車時咁好力,有方法解決嗎?本人還換了死氣喉,請問可以請洗的嗎?還想問,cb400想出燕梳,但不夠歲數,找車行出,和用自己名出有何不同?有壞處嗎?
心急的p仔上... bigboxxgaryz318@netvigator.com
牛角近泵心位置落些潤滑油就可以,溫度錶好明顯要整,你打開個油壺睇下個膠帕係唔係跌左落黎,如油變黑是要換的,2沖車一樣要洗吸,更可洗去電油同2T混合油漬,另到架車更精神,死氣喉裏面唔使洗,唔係以前的車要拆豬籠出黎燒.唔夠年歲可叫親朋戚友,姨媽姑姐代出,即係代你買車然後比車你楂.!不過有事你就可能會累到佢以後買貴保險或者買唔到保險！
|
9/10/2003
|
VTEC 1 著車問題
老鬼你好,本人架vtec1刦朝早時著車一撻即著(唔駛比油),但當熱車後(6KM路程)1至2個鐘後再著車便很難撻得著,起碼要撻五秒或以上(有比少少油)請問係咩原因呢?而轉數亦有小許不穩定,和以上問題有關嗎?
另外我想換FORK油,係咪要成對拆出𨪛先換到呢?唔該老鬼
wotin
通常車行會叫你洗吸先,之後會幫你check平衡同較虱油位,轉數就會定d!vtec1fork腳係無縲絲,所以係要成枝柝落黎放油!
|
9/10/2003
|
Bandit600早上撻車一問
師傅你好,我部bandit600行了6000km,剛換油用半合成油15ｗ50,本人每天早上?車總是要拉起風制才能順利起動引摯,著車後如即放回風制,引擎好易死火,必雖拉起風制行一陣放回才正常,車行話正常喎?對嗎?,註:凍車時轉數800~900rpm 行熱左約1300rpm左右,別問如用半合成油對部車有乜影響呢?用全合成油部車會耐用一點嗎?一般唧鍊油需幾耐一次謝謝~~
Luen shekluen@hkbn.net
油泠車的確要煲車,個風chock係著車用,無分4季,如果有分廠會說明,不過要拉住行車就唔多正常,應該煲一陣就可以,熱車轉數在1300rpm都可以接受,可能因為凍車易死火,所以佢較高d個轉數,不防到車行叫佢check下!全合成機油抗磨度高好多!如可以,換全合成好d,洗完車或發覺條鍊乾身就落啦!但唔好太濕,危險呀!
|
9/10/2003
|
師傅,本人車子是93 STEED 400, 已冇力一段時間(比油都唔願去)，食油(平均每缸油唔見起碼30km), 引擎熱度比以往高, 引擎聲音變得好"拆"(不覆當年雄渾), 已洗cab, 換火咀風隔偈油, 但都冇效, 究竟是那裡有問題? 該從那裡入手?謝謝回覆
KK info@primegates.com
機器有聲你仲問?小修機器會好好多!話晒有十年車齡，遮鈴一定有損耗，攝下哇佬咁。
|
5/10/2003
|
CBR400
CBR400 (應該係個cup出來的油喉, 有兩條 輪流) 流電油, 俾過間車行整過, 佢話三星老化,已換左兩粒, 而家再次出現流油情況, 我已對e間車行失去信心, 因為佢一整整左成個月, 請問架車應是咩問題???流油問題係米好難攪???一般車行要整幾錢???
RAIN chwing@yahoo.com
整流油並不複習,成坐吸得幾個地方漏油,又除非你慳住錢整,幾舊水又洗吸又換偈油d套餐呀!否則一定可以斷尾(內裏因修理不正確或三星座表面損壞,這樣是不能修理的)會漏油的地方,杯底膠圈,連接4個單吸中間的膠圈,三星4粒,浮波及電油喉,除非佢無專心清冼,否則一定可以check到那個位置漏油.
|
4/10/2003
|
碟鎖
你好!本e-mail與機械無關,但希望你地會張貼!小弟早前在香港東區一電單車行買了一個碟鎖,但用了約三星期後,鎖(月旦)居然整個脫落(見圖),希望其他車友小心!!!!不要誤買水貨!!!
chan ka-kin(請不要刊登我的e-mail)
|
4/10/2003
|
老鬼你好：我架CB-1300曾經補過3次尾呔,現在約行一個星期就要去打呔氣(#32422;叮15吓),我己經檢查過條呔無被釘插住,請問市面上嘅防爆呔劑有無用.
大車狂 wingxxxxxxx@so-net.com.hk
如呤邊無漏氣,就是補過的位置返漏,由於表面開始磨損,入呔補頂得一時,由於太多釘孔,安全起見換左佢啦!
|
3/10/2003
|
老鬼先生：本人之CB400已於兩個月前發生以下問題：
1.) 收晒油後前輪發出撻撻聲，2.) 上斜路冇力，引擎轉數急速下降，3.) 轉高波時架車比油都唔去，之後攞咗架車去燦基整，有一段時間沒有以上問題，但近期又出現以上情況。是引擎有題還是火咀有問題呢?近期條鏈重有撻撻聲，是否條鏈同齒輪有空隙，還是有其他原因呢?如何知條鏈及齒輪夠薛騚咿O?多謝回答以上問題。
Andy Poonn cppoon2002@netvigator.com
你曾經去honda整過,佢地會有你架車的資料,你可再去問點解問題再出現.
|
3/10/2003
|
難入空波
大師父你好,我部94/99 CB 400 sf Big One, 偈油新換, 好難入空波, 熱車尤甚,何解
YM Chiu ghostkid20@hotmail.com
偈油有否太多!如無就是波乂有問題.
|
1/10/2003
|
XX車行呃新牌仔
本人係一名新牌仔，對車的認識不多，只在網上看到車友留言話XX車行好，所以便去睇車。去到車行，買0左駕大林125，(第三手 )，買時我己問保養情況，老闆口口聲聲說︰『放心，保你一個月。』點知，駕車越揸越唔對路，只係短短既一個月，我要叫車行拖三次車，而每次整完，師父成日都話無事，仲要話呢駕係二手車，梗有野壞，唔同新車，試問我一個外行人又點會夠佢講。到今日，駕車又話整完，點知仲衰，無力之餘，又易死火，操呢駕車我真係想死呀。逢勸各新牌仔唔好去XX車行買車。請 editor 代登，希望唔會有其他新牌被騙。
Alvin Tsang" <tcm_810@yahoo.com
我們刪去車行名稱的原因，是因為我們認為車行並沒有失職。二手車唔係新車，一定有唔同程度上的問題。尤其是係冷門牌子的二手車，更易有不知名的小毛病和零件缺貨等問題。相信你架綿羊，車行都係收番來的。收車時的初步診斷，只能睇到一D比較嚴重的問題。至於可靠性和小毛病，就唔係咁易搵到。車行話保你一個月，係指一個月之內架車有問題佢地會同你跟，而唔係保證你架車一個月內會冇事。即使係全新車，都冇人敢寫包單話一個月之內唔會有問題發生。所以車行一個月幫你整左三次車，佢都會嘆句倒霉。呢D野冇人會預先知，亦冇人想。二手車的質素，好多時會係價錢度反映左出來。所以平車平得有佢道理，相反貴車亦貴得有佢道理。但係如果有一D車，貴得o黎又成日壞，咁先真正令人生氣。
|
1/10/2003
|
我車有啦!想識反D車友,學習駕駛及路面經驗....
出發地點: wong tai sin
Yuki 90568320, ICQ> 150167263
|
1/10/2003
|
Apple siumanchi@hotmail.com
身高: 162cm
體重: 108lbs
自備頭盔: NO
我報考了電單車，誠意向各位指教駕駛心得!
|
1/10/2003
|
師傅, 又係我.現在我的二手ET-8, 在撻車時引擎內有好像碎銀撞擊的聲音,每次都係1,2秒後才正常引擎聲,不知道是甚麼原因, 請可以指導小弟,謝謝.
Choy Tony vegetablesfarm@hotmail.com
個d係start牙撞擊的聲音,撻車後自然會無!
|
1/10/2003
|
請問車軑要幾耐換一次.....
小妹的 rebel 已行了二至三年, 請問車軑要幾耐換一次..... 小妹是假日車一方族, 只行了8-9,000km .. 請指教
Cat Nip catnip@cheungth.com.hk
幾實好難講!如妳發覺車呔呔紋淺的話淺對妳心理有影響就換左佢,是關妳架車擺多過楂,呔質靚唔靚對妳作用不大!
|
1/10/2003
|
Foresight 油門問題
剛買日本進口翻新車,此車油門在放手時不會返回原位令車進入空波狀態,故在車速80km時放手,車子仍保持速度行走! 是否上手車主有意
設定,或是甚麼問題,須如何收理? 多謝解答!
Jerry Au jerry_1@pacific.net.hk
撞死都未天光呀!你睇下係個扭油膠(chick)住定係條威也唔順暢好過啦!
|
1/10/2003
|
慈民村停車場電單車小心！
本人在慈民村居住多年，曾泊車於慈民村停車埸。多年來被偷車賊光顧多次，不知道保安設備有何用。時常還聽到有人被偷物件。請各位車主小心閣下的車！
nevillelam" <nevillelam@i-cable.com
|
1/10/2003
|
資深大偈老鬼先生師傅你好, 最近 , 本人購入 一部Honda Hornet 600 大黃蜂(二手) , ?覺頭碟出現題, 當收車時手掣浮下浮下。經檢查後右邊有鬈, 請問師父便換是否需要一對, 而Super four 頭碟是否合用, 同時亦想請問師傅在香港那裏可找在電單車( 湯 房)
kentwai6@work
是可以換一隻,如不太嚴重或影響駕駛危險,可以等到換迫力皮時更換,因為新碟舊皮是會影響新碟表面.同樣會影響停車表現,如太嚴重的話就快d換左佢,EBC的生鐵碟同原廠乂不多錢,自己撰擇,不過就要成對裝!
|
1/10/2003
|
SUZKI GSX1400
Dear OLD MAN; I have a bike Suzki gsx1400,can you tell me where can I found the "Option Kit", any Japan wapsite ,because I just bought this bike ,I want to make it more power. Thanks.....
wufei wufei_duo@hotmail.com
The most comfortable way is to find specialist bike shop to do the job. Some shops in mongkok,and Tin Hau (HK Island) accept customer to order big bike kit from japan and europe.
|
1/10/2003
|
架車好熱!!
師傅你好: 本人之愛駒為2002 ducati monster620ie.自從換了一對two brother尾節死氣喉之後.夜晚無塞車,行緊車都最高成120?度,?度錶度數有加無減,成架車都好熱.而油同油隔都換了.有什麼問題呢?我架車是風泠!THANKYOU!
kenjikenji117@netvigator.com
你是否肯定換喉後有問題先,set得唔好是會另到車輛不順暢而溫度高!還可以問下有否機會加裝油冷.
|
1/10/2003
|
Sorry, I am not asking for a question about fix up the bike. I just want to ask you, do you know any book that's explain everything about motorcycle. Because I like motorbike but I don't know anything about it even what is 扭力, I don't understand. So I hope you can introduce some good book for me to know what is motorcycle. And you can reply me in chinese. Thank you very much.
Hong Lee" <lchmf@yahoo.com.hk
有幾本書唔錯：
1)摩托車構造圖解
http://www.wanlibk.com/cgi-bin/isbn_pages.asp?txtIsbn=9621409047
2)摩托車駕駛技術圖解
http://www.wanlibk.com/cgi-bin/isbn_pages.asp?txtIsbn=9621409020
3)摩托車發動机圖解
http://jointpublishing.com/model/bookdetail.asp?ISBN=962-14-0903-9
|
1/10/2003
|
撻車問題
老鬼師傅你好!小弟有部 CB400, 最近有時無故撻唔著車 (無特定情況, 有時停車幾小時就唔著, 有時擺2日都可以撻著, 推著後又正常冇問題), 但撻車聲是正常的. 小弟已到車房CHECK過, 他們的結論是電池正常, 不知可事. 此電池已用了一年多, 是否要換 ? 又為何無故撻唔著車 ? 請師傅指點 !
一隻貓貓 puny_cat@hotmail.com
可能是start索制同摩打碳精有問題!如發覺熱車才有問題就是哇佬頂雖要調較.
|
1/10/2003
|
頭燈罩爛了！！
Dear Old Devil,如果頭燈玻璃罩爛了，用混合膠"痴"翻，出街會否比差佬鋤呢 ？（因無得配啊!!!)
偉仕 HEXAGON 150 Edd
頭燈都無得配間代理做乜呀!如痴後燈光有問題是會被炒牌的!
|
1/10/2003
|
波箱問題
你好.小弟渣zx6r個波箱唔知係唔係有問題.有時轉波會變左空波(不過空波燈又無著)轉多次又無事.有人話可能新車個波箱未順(行左1000km左右)?個頭迫力剎車時會有少少跳跳下初初是好正常的會有嘜野問題?唔該晒
Tsui 請勿刊登本人電郵地址
新車波箱緊或偈油多都會有此問題,試下換d靚偈油吧!
|
1/10/2003
|
塞車死火
老鬼你好,每次小弟塞車我都會用一波和拉著離合器來開車停車的.但近日時常拿著極力子等開車時都會無故死火.已經換了偈油,吹風隔及較高了slow,但情況依舊,請問還有什麼地方需要跟進及更換.勞煩回覆.
SANG
你要睇下個極力子制同個SIZE架制至得喎!
|
30/9/2003
|
你好！我想買一部二手代步車，預算HK$15,000以下，暫以Runner VXR200 為目標。但我身高6呎1吋，體重175磅，請問是否不太適合抯綿羊仔？我不追求速度，只求穩定性及安全。另想問我的體重是否會對細羊造成很大及很快的磨損？最後，如可以的話，請建議其它選擇，謝謝！
Kenneth Tang ktdivpsu2@yahoo.com.hk
求穩定及安全，應以棍波街車為主要考量。如果你係棍波牌的話，二手代步車出部400街車會比較無咁易後悔，尤其係閣下身型有番咁上下…綿羊雖然舒適輕便，但較易受地理環境和速度的影響。有power唔用，同冇power想用都冇得用，絕對係兩回事。
|
25/9/2003
|
Bandit 400
Dear Mr. Oldman,I live in Canada and I have a 91 Bandit 400. When I came back home last week after a long ride, my bike could not start again (I tried to start it right after I stop the engine), and it gave a sound of a died battery. So, I used a booster to try to start it, it did start.What can be the possible problem? Can the battery died or some other problem?
Leo
you can charge the battery first, than use digital voltmeter to measure voltage, and the alterator output if 12.4up to 14.6and stop ,than mean the regulator is ok,only change the battery.
|
25/9/2003
|
頭燈無故熄??
師傅你好: 本人之愛駒為NSR PGM 4，因為好少楂，行得6000公里，一向都冇病冇痛，但今個星期係就擺左係街幾個鐘，中途仲落左場大
雨，之後取車行左半個鐘到就聽到有d怪聲，跟住頭燈就無故熄左，跟住我就停埋一面，奇怪錶板個km仲跳緊?頭燈隔左幾十秒之後就著
返，發覺好似冇乜大問題之後就著返開車，行左十幾秒之後又係咁，跟住我都唔敢再楂啦!請問個問題出係邊呢?因為此車為本人珍藏，希
望師傅能夠幫我!!
BeeHung fanhei@hkbn.net
咁講法有電器野short左!我會首先充電,之後再睇下張咭有乜鬆,所有野都正常你就要比人check下.
|
23/9/2003
|
發夢的新牌仔
2003年7月16日晚上十點在柴灣上完堂要去將軍澳老表家拎車，山長水遠由將軍澳渣返西環。好眼訓！講緊係大約十二點仲o係將軍澳做緊特訓，好眼訓！發緊夢！CUT線太快！好彩太夜條路冇乜人！老表帶我由將軍澳出到東隊，入到東隧開始我帶路，一心只係諗住。。。快D出隧道！好死焗呀！！！出到東隊至到返我屋企都係我帶路，第一次自己帶先行東廊、灣仔，中環。。。暫時有驚無險！
講緊係零晨差不多兩點，在西環搵左好耐車位都搵唔到，轉黎轉去，Ｄ路又煩，老表又唔識路，結果要在德輔道西行到正街轉返出去干諾道西，然後由西邊街上返去皇后大道西。由於西邊街整路封左右線，所以一過左燈位對面係七號差館隨即打燈行右線，個腦只顧住：”一陣點行呢？去邊度會有位泊車呢？”眼前景像一片漆黑，然後，聽到一聲”砵”！！原來後面老表叫我，咩事？原來我衝左紅燈！！！仲要岩岩有架警車從差館轉出黎，出到大道西我放前等老表，佢黎到講返原來我在夢遊期間衝了紅燈，警車D叔叔剛剛睇到，異常驚訝，老表即同叔叔們講唔意思，話我係新牌仔帶我行緊，叔叔們先放過我！
各位行人，在此奉勸大家，在綠公仔亮著可以過馬路時，都要認真留意路面交通情況，確定冇車會衝燈先好過，因為。。。大家隨時會在街上遇上我這粒愛在駕車時發夢的濕水欖核的！
好彩唔駛罰錢同加監，有驚無險。以後支支燈都望到實。在此奉勸各位行人，在綠公仔亮著可以過馬路時，都要認真留意路面交通情況，確定冇車會衝燈先好過，因為。。。大家隨時會在街上遇上我這粒愛在駕車時發夢的新牌仔！
阿咪/ 97 豪漢150
|
19/9/2003
|
老鬼師傅你好!!小弟之愛駒ET8出車未夠1年，最近不時在行車時無故突然死火(在慢車時)，火咀換了不久請問何解?
P仔上netvigator43@hotmail
你有無比人check車先?是slow過低.
|
19/9/2003
|
Honda @150原裝防盜
老鬼大師:我上次己經寫過一次信比你,多得你肯指點迷津,確令我終生受用,客氣話不多,真的非常多謝!!今次又要求大師出手,本人剛剛出了一部Honda@150,想用原裝防盜.代理話此防盜係@150專用,而且有自動Cut油,慳電,冇咁靈敏不會隋便叫等等優點所以貴Ｄ........,因為其他防盜多數冇此功能所以擔心當此防盜日後到期失靈會否在行駛中自動Cut油........唉!本人每日都會經吐露港所以有點擔心!求大師再度出手相助!
Stephen stephen@youcme.com
電器野要壞起上黎都好難講,你的說法亦正確!但話哂佢都係原廠,並不是街邊d防盜,原廠野都壞你就無得擔心啦!
|
19/9/2003
|
DEAR SIR, DO YOU KNOW ABOUT HONDA MOTORCYCLE PARTSBOOK OR SERVICE MANUAL WEB SITE? CAN YOU TELL ME? THANK YOU SIR!!!!
wrxsti wrxsti@so-net.com.hk
MAY BE YOU CAN ORDER IN www.haynes.co.uk
|
19/9/2003
|
有關Yamaha Maxster 150
師父你好!本人想問下如果Yamaha Maxster 150 load低架車同換4條避震,大約幾錢同對架車有咩唔好??
n_n318n_n318@hotmail.com
車你經買左,無為改被震,將個座位有咁低刨咁低,不過頂籮友就唔好嘈!
|
19/9/2003
|
suzuki AN150 後坐可否加腳踏?
因後坐乘客話坐得唔舒服,對腳成日"線" (攪到踏空)另有意買架150cc以上的平地台綿羊,但又唔想車身太大,難泊位請問有無好介紹?
250.400我就知有得加,150你就要打去鈴木代理問下.
|
17/9/2003
|
有關2001majesty250
你好,小弟剛買了部2001年的majesty250,想請問皮帶，普利珠要幾耐換一次?唔換會唔會引起意外?皮帶斷之前有冇先兆?thks a lot!!
chan ka-kin kk_chan2000@yahoo.com
20000km就換皮帶,斷之前是無先兆,珠同皮可同時check但未必要換!
|
17/9/2003
|
死氣喉
你好老鬼本人開r1,因為條原裝喉太靜,所以換左條remus尾鼓,唔知是否因為有exup的關係,所以高轉先有feel,是否正常? 另外,由新車開始個brake有小小支支聲 (冷熱車時都一樣) 車行說有小小是正常,是真的嗎?另外,本人也是工程師,d車全部都是自己整的,請問自己service電單車有什麼地方要主意? (本人間3千km到便換油同油隔) 每入2-3電油便噴次鍊油.唔該
berry berry@opera.iinet.net.au
你講係無左低扭,是雖要set車.brake有聲真的有聲是正常,只要無拖轆就可以!注意地方就係唔識唔好整,千其唔好求其命仔緊要!
|
15/9/2003
|
頭fork
本人一年前因撞車,換了頭fork至今在停車時頭fork都出現彈上(一時時有)不是自然回升,問了車行師傅話"因頭fork是全新所以是這樣"
jack eggeleung@so-net.com.hk
如感覺沒有油壓這是有問題的,但請問你架是什麼形號?有否油壓回彈調較?再答!
|
15/9/2003
|
我上個月自己DIY為自己架車加裝左幾條地線,分別係整流,電池負極,四個盆頂,同埋發電機,加裝後,所有燈都比以前光亮,中段加速爽左,我好滿意,但唔知有冇後遺症呢?
yiu wing wong
師傅!你直係勁!加地線咁都識,我都唔知點答你,原廠所有線路圖或修理書都無咁多獨立地線,如裝後你覺得好左係無壞處,反而我覺得你原先電器係唔夠地喎!有問題喎!
|
15/9/2003
|
死氣喉
老鬼你好, 又是小弟. 我抯Suzuki GSX1400 已裝Power Commander 謝謝你的幫忙.現在想裝Yoshimura四出二出一死氣喉.老鬼可給些意見嗎？還有朋友說改喉後要上馬力機以作調詨.對我的愛駒有沒有幫助嗎？謝謝.
大雄上
laiyat@netvigator.com
大雄.換唔同牌子死氣喉係有唔同map download,上跑步機set車係可以準成d,但價錢唔平,但...其..實...好..傷..胎..!不過唔摟佢又試唔清楚,你自己想下
|
15/9/2003
|
死氣喉的問題
老鬼師傅你好.我部車係 CBR250RR,因為條喉有事所以要換喉.發覺原來有好多種類,現在有些問題,請幫忙解答.謝謝!
1.如果前段材料是用鈦合金,鋁,碳纖維,不銹鋼,那麼尾折會不會不一樣?(即係頭鈦合金+尾鋁)
2.或是多數都是全條都會用同一種材料做 ?
3.是不是全部都是防銹?
4.那一種材料最耐用,
5.那一種材料比較多在比賽中用?
6.那一種材料最平?
7.那一種材料最輕?
8.我所見過的鈦合金喉係有少少色彩.但在貴網內有一個 AD 的鈦合金死氣喉是沒有色彩的.這是不是鈦合金死氣喉不一定有色彩呢?
9.我見過沒有牌子的kit喉, 那這些喉是祖國做的嗎?
10.其實我部車可以用的kit喉有幾多種牌子可以選擇,可以推薦一些好的 kit 喉給我嗎?
幕後車主敬上請勿刊登本人電郵地址
頭批、蕉和尾鼓組成死氣喉三個部份，可以用晒同一種物料做，亦可以各有不同。鈦合金和碳纖物料唔會生銹，其他物料會生銹或氧化。最耐用的材料係不銹鋼，最平係鋁合金和不銹鋼，比賽最常見係鈦合金和碳纖物料死氣喉。顏色可以後天加上去，冇所謂。唔係祖國或台灣基本上隻隻都好,係睇香港邊隻有貨,同埋你有幾多銀兩。貴野未必一定好，但平野就真係冇好。
|
15/9/2003
|
老鬼師傅你好!!
小弟之愛駒為rvf400 95/02 ,最近電氣經常出現問題,無故突然停電,但換電後,情況依然,請問何解??
心急人
andynncc35@yahoo.com.hk
停電意思係無電,定係cut火,請詳細說明!
|
14/9/2003
|
走鬼！
觀塘偉業街天橋底掘路，搞到10月31日，會封着電單車位，擺車在那裏的車友要小心，因為掘路工人不會顧着你的車。
Chiu Wai Mok (don't show my email address.)
|
12/9/2003
|
綿羊有事請求.........
老鬼你好呀,我想問,本人剛買2手t-rex150,基本上冇乜問題,但唔知點解好多時都撻唔著車呀,要用腳撻,本人已去換過舊新電了,換左火咀,但都係咁,想問,間題出現在邊處呀,是否隻羊唔識叉電呀,求求幫忙.
Keith keith_chan7@hotmail.com
換新電池同時有無check埋charging system.如換新池頭幾日著到無問題之後又無電,咁你就要check電器,如電器全部正常就要睇start索制同摩打炭精!
|
12/9/2003
|
老鬼師傅!你好~本人是駛綿羊因新工作要往新界區.想換街車suzuki.gn250e.這車好唔好呢?因價$不是很貴請給一點意見,祝中秋節快樂!
keung ka yee chilikeung@i-cable.com
老實講..總好過老綿..不過並不代表識合太長途!
|
11/9/2003
|
綿羊仔問題!
本人是一部150cc 的綿羊仔,當順油行至75km-80km, 便會出現好像鎖尾轆不能特破80km 的現象出現, 情況就好似空波落斜之後比油這種拖住的力, 如果我繼續比油尾轆便會發出與地面打滑的"遲遲"聲,我必須減速至60km 再比大油才可特破80km 及沒有此情況出現, 但當再減速到80km 以下再順油上這種情況又再出現, 還有車子行駕超過100km 時尾部不知是引擎定什麼位置會傳出"支支"聲,希望能夠解答!謝~
Siu Fu
siufu@netvigator.com
你架車d問題我都唔係好明,不確就肯定要整,叫師慱試下架車我想佢會清楚過我!(會唔會係極力子皮開始蝕呢？)
|
11/9/2003
|
有問題....
你好,小弟最近出左架二手ET8,在行車時,有時會有d"o丁o丁o達o達"既聲o向車頭度出現,會唔會有問題?另外,因為架車有d花左,如果想補油,補完油後同原身隻色會唔會有好大分別?而且大約幾錢先合理?
Yung Eddie
eddyung@yahoo.com
哇!小弟呀,我唔係大陸氣功大師呀!我唔識隔住部電腦聽聲...補油意思其實係將花左個幅成幅噴,如凈色雙似度可達9乘.如你花個面積只係5毫只銀咁大,你可以去買指甲油來填補.
|
11/9/2003
|
CBR600 F4問題
請問此車的呔氣應該是多少, 可否加裝死火燈制. 謝謝
bassfranky bassfranky@sinaman.com
鍊cover有將貼紙印住,死火制是可以裝的,你要裝的話就連死光鎗都裝到.
|
11/9/2003
|
香港有否租車服務？
本人有一部星艦150(99)並己撞#27585;了頭fork，請問香港有否電單車的#21135;車服務，如有的話是否像私家車一樣有#21135;車紙，請告知他們的聯絡方法。謝謝。
小平
通常你去專整綿羊舖頭問,佢地都好樂意同你肢解部車,之後佢會寫將紙話部車幾時放低之後所有事與你無關咁.....
|
11/9/2003
|
開車震
老鬼你好:本人部車剛好用了一年，近日發現一開車時好震，比油時仲有 "隆隆聲"。約5分鐘後，車身就無 "噤"嘈。車只換過機油兩次，請賜教。
阿盧 jesperlo@yahoo.com
師傅!我睇你封信的時候就B.B..聲 , 你睇下係唔係唔夠偈油先啦!
|
9/9/2003
|
請教科西問題
老鬼兄,小弟剛私人買入一部00/01科西日本版, 發覺slor/慢車比油震, 及難撻車. 己到車房換了皮帶, 火咀, 極力子皮, 珠, 風格.震動情況只消失數天, 其後則間歇性出現, 是否真的如車房師傅講沒法完全根治呢?
另一方面, 撻車問題第二三天己打回原形, 電撻響至少數十下才能著車, 很多時更要一下一下比dd油谷著佢, 剛熄車十分鐘己如此. 但反而3日唔撻車會比頻頻撻車更易著!有朋友說是slow jet問題, 對嗎? 煩請指教一下!! 謝謝!
Jacky 黃糖 jackywong@sunevision.com
個d零件係你叫換定係佢話換,你有無同佢講清楚整難著車,定整車頭震先!珠,極力子皮無錯係會另到部車震,但難撻車就係化油器問題,而同樣亦會影響車輛震動,難根冶是指震動並不是指難撻車同谷少少油就可著車這動作,看來佢check漏這點.
|
9/9/2003
|
majesty 250 胎壓
請問majesty 250 前後胎壓幾多才最適合
nopay nopayyuen@hotmail.com
跟車來講,頭26尾28psi
|
| |
|
|
|
 |
|
