|
|
|
FAQ常見問題 |
|
|
6/9/2003
|
隧道費
老編您好,請問過海3條隧道幾錢呀?我查唔到, 請幫忙,謝謝
P仔Yip 不要登我 E-MAIL
1) 紅磡海底隧道: $8
2) 東區海底隧道: $8
3) 西區海底隧道: $20
4) 獅子山隧道: $8
5) 大老山隧道: $10
6) 城門隧道: $5
7) 香港仔隧道: $5
8) 將軍澳隧道: $3
9) 大欖隧道: $17
|
6/9/2003
|
大鷹王200
本人學緊手波, 若做羊仔有什麼要注意? 大鷹王的補品貴唔貴? 相信這也是買牠的原因吧.多謝指教
學仔
henryktc@mail.hongkong.com
冇乜特別，係最初要留意下，初初俾油時架車要等一陣先會行。另外細轆較飄，高速唔係咁穩定。
棍波車有油缸夾，綿羊冇。棍波車一般前掣動較尾掣動強，但綿羊通常會調番轉。大鷹王補品種類煩多，貴唔貴就見人見智。因為如果你覺得件野唔o岩使，平一平都覺貴。相反覺得o豈使就貴一貴都話抵！
|
5/9/2003
|
個盤好似死左
老鬼先生:本人的CB 400 big one 近來冇乜力, 副偈d 聲又唔同左,我摸下疏蕉, 發覺有一條只係暖, 其他3 條就好辣,咁個盤係唔係瓜左?如果係, 究竟會係咩原因導致呢? 整要幾多錢?另外, 如果行住先, 會對副偈有乜野影響?多謝解答~
Felix 請勿刊登本人電郵地址
要check下火咀cap有無問題,洗吸同check壓縮,少問題嗟!但係唔整唔得,冇乜力又大食,容易積炭屎,唔整唔得.......
|
4/9/2003
|
YZF600R轉波問題
老鬼師父：本人的YZF600R發覺最近在升檔時波棍好像卡著不即時降下，要過一會兒或去到某轉數/速度（不知哪一樣），才感覺到波棍回彈到左腳的腳掌上。回彈前是不可升檔的，降檔就沒有問題。此情況在一轉二和二轉三時尤其明顯。請問是什麼地方出了問題？維修費用是否會很驚人？煩師父抽空解答小弟此愚昧問題。不勝感激！！
大衛上
DavidWong@BLUECROSS.COM.HK
請問之前有否跌車,波棍(和尚頭)是否靈活,如一切正常就要師傅試過車才知道,初步就應該係「波撥」部份有問題,是要拆機殼才看到,幾多錢好難講,有零件才最緊要....
|
4/9/2003
|
老鬼師傅,你好!有個問題想請教你!150綿羊偈油用邊隻好???海綿風格用咩野凊洗好呢???我又冇風槍,點吹干好呢???THX~
keung ka yee chilikeung@i-cable.com
我就會用全合成10w-60w,用洗潔精洗之後用報紙吸乾!
|
3/9/2003
|
YP125Fi
我想買部Yamaha YP125Fi, 但有幾樣野想問? 這部車比起yp125c 和uh150是不是真的很省油? 這部車夠唔夠力? 多多指教.
Henry henryktc@netvigator.com
電子燃油噴注較化油器省油，因為可以更準確地控制供油的份量。但省油的程度，不會有太明顯的分別。夠唔夠力視乎個人要求。以新牌來說125可以接受。
|
2/9/2003
|
Volty250
i got license about two years i want buy second hand street bike Volty 98-00 because i choice that bike reason is so cheaper and outlook so classic! That bike performance is good because i need from Kwun Tong to Tai Po working everyday you can tell me detail? And me about 150kg is good for me? And this bike is easy to 保養? Thank's you ! so many question^.^
benny benny bennyoxygen@hotmail.com
Volty用GN250機器，保養維修都較簡單。官塘去大埔.....單盤250可以「應付」，但唔係「自如」果隻。兩年駕駛經驗應該可以舞得掂一架四佰....尤其係你重150公斤！即係三百三十磅！希望你係打錯字。
|
2/9/2003
|
有關Yamaha Maxster 150避震
老鬼師傅你好
本人在本年購入Yamaha Maxster 150,本人發覺比車避震較差高速時(大約得60-70)就更加危險.請問有咩避震適合此車呢~?
希望師傅指點 n_n318
n_n318@hotmail.com
原廠避震實係雞d,此車選擇不多但都有得改,你可到專做綿羊店鋪選購.
|
2/9/2003
|
@150 問題
老鬼師傅你好,
1. 本人的新車 @150 停車後“死氣喉”附近有 ”撻…撻…撻…” 好有規率咁響,正常嗎 ?
2. 請問洗車時架車有冇地方不可濕水 , 或有什麼地方要特別注意 ?
3. 請問新車行幾多KM才叫Run-in 完,Run-in時最好唔快過幾多km/h 呀 (車行同我講最好唔快過100km , 但我有點懷疑)?
4. 我是P牌的,可否簡單咁講o下,在高速公路上特別要注意的地方 ?
等著您的答覆,謝謝!!
Jim Jim.Tse@gammonskanska.com
個d係鐵器冷縮熱脹的反應,絕對正常,洗車可照洗但不要把水喉伸入內,洗後用wd40噴落(有拗位的地方)防止佢吱吱聲,新牌唔代表要搾得慢,最緊要睇當時路面其它車速,無理由跟住架貨櫃車尾,係咪?
|
2/9/2003
|
set 哇佬
老鬼你好 全新車一台是不是行了8000km要set哇佬一次?係的話set哇佬和攝哇佬又有何分別?唔該唔該...
k.t.tsui
b0097@netvigator.com
其實係一樣,最主要是因為新機器運作後驚佢有所改變,而廠方提意都會係8000km 20000km,30000km作檢查,不過收費都唔平,我當係街車4個盆計,都要千1,2蚊到,所以通常無突別聲音,d人係唔會整,但你喜歡整亦係好事,可使機器更長壽!
|
1/9/2003
|
死氣喉聲響大
我的川崎750更換了一條四出一不銹鋼死氣喉後, 聲響很大, 超過102db. 請問有什麼方法解決?
chan （請勿刊登小弟電郵）
換返條原裝咪得囉............一係叫人車個塞咀放係尾窿咀阻止佢排氣量.
|
1/9/2003
|
你好!本人30/8星期六遇到不平事想同網友分享下
本人早上08:30將部馬泊0係中環安蘭街車位,部馬都不知泊得幾正中, 已經泊左0係第二格,又冇出界,又冇踩界, 點知下午13:00去取車時,竟然附近2架老綿同埋我隻馬都食哂牛肉干, 跟手我就走去搵個差佬黎同佢理論啦, 點知個差佬話我地三架車佔用左兩個車位, 係違法,所以三架都抄哂, 但係張告票上面就寫住違例事項1 號:即 "停泊方式相當可能對道路造成不必要的障礙, 或對其他使用該道路的人造成不必要的危險( 條例第4條)";借問聲我泊架車0係車位, 可以對道路使用者造成咩障礙, 咩危險, 我已經影底哂相, 備哂案, 決定星期一即刻打電話去投訴科, 相信附近兩位車主一樣會投訴, 請各位網友評評理, 政府係唔係真係咁等錢使!
Jonathan Law oscooter326@yahoo.com.hk
|
1/9/2003
|
YP250 低轉死火請幫幫手
本人駕駛02yp250 只有一年車,但近期發現隻羊無故在低轉死火是在熱車後 由其是衝了一段再慢車 2000轉樓下 keep住油就死火 但如果俾大d油佢就好像衝得過去沒有死 但一keep低轉 就即出現死火情況車行已幫我將轉數教去到1800但試了都有同樣死火情況出現現在行了9600km 在8500km已換了計油 火咀及風格是否要check 化油器呢?很頭痛 沒有改過副計 無撞過唔知點解會出現這情況請幫忙
如果我再教高轉數到2000 但佢落唔到去唔死火既話會唔會有問題呢對我隻羊而出現以上問題又如何解釋呢??如果唔整會唔會影響呢(日後或有內傷)?
kenny tk719719@sinaman.com
要check下火咀cap同自動chock有無問題.
|
1/9/2003
|
想問本人P牌想買96年亳漢操車,之後要唔要年年驗車?
心急Ｐ仔上 TKYip@csxwt.com
電單車唔使年年驗車。
|
1/9/2003
|
師傅你好，我的電單車是B&W250，我是新牌，請問頭尾呔應打多少氣呢。
pkw7481 pkw7481@sinaman.com
每部車都唔同，一般車身有貼紙提示，或者可以打電話問番代理。
|
29/8/2003
|
V4的通病???
老鬼師傅你好：本人之94/98 NC-30近日發現右後方的火咀和火咀cap有水箱水出現!!!水箱入水口都有水出現!!火咀和火咀cap不是次次有水出現,多數高溫行車後才出現!! 水箱水明顯小o左!!
1)有無得整嫁???
2)如果唔整有什麼後果(只是久唔久要加水)??
3)如果整直唔直??
4)幾多錢到嫁???
5)這個會不會是V4的通病???
thank you!!老鬼師傅 ^_^ wai ng
ngxxm@hotmail.com
水箱漏水梗係唔係通病,毛啦啦點會漏水,整左佢好D唔駛成日check住,一下唔夠水就會燒(埩口).要睇下係唔係穿水箱定水喉裂左!值唔值就要睇你.
|
29/8/2003
|
CBR400RR damper
hi, 你好!!我剛剛裝了damper, setting 係最軟, 但係行直線好"了", 重衰過冇裝, 我想請問是否不正常???Thank you!!
Ken請勿登出本人電郵地址。
你可以二邊摟盡軑,睇下枝damper可否行盡同理有乜虛位,拿唔好話比我聽枝damper係二手,又或且係大陸!
|
28/8/2003
|
皮帶可以捱到多少里數?
老鬼先生, 請問綿羊皮帶可以捱到多少里數?我係抯250羊,行左12,000km.
軒軒.(請不要登我email address)
間間車行說法不同,我跟開自己D客就會叫佢18000-20000KM就換.
|
26/8/2003
|
本人由二零零二年七月三日至二零零三年七月二日期間為電單車暫准牌照 (俗稱P牌)。 故此，本人於本年七月四日到運輸處換領新駕駛執照。
但由於本人在二零零三年四月十八日下午，在屯門公路駕駛電單車時，被一名交通警員截停及控告本人跟車太貼，與前車的距離少於兩秒，故此向本人提出控告。但直至二零零三年七月二日，即暫准牌照的到期日前，本人仍未收到任何有關該檢控的刑罰通知，更未能知道該檢控是否須要本人將電單車暫准牌照的期限延長。
在二零零三年七月四日，本人到運輸處換領新駕駛執照時，已向運輸處職員提出本人的情況及向職員查詢是否須要延長電單車暫准牌照的期限，但運輸處職員表示沒有任何有關記錄。 所以，本人已於當日換領正式新駕駛執照及繳交港幣九百元正之費用。 而本人亦向運輸處職員查詢，假若在換領新駕駛執照後，才收到通知得悉須要延長電單車暫准牌照的期限，本人應如何處理駕駛執照之問題。 該運輸處職員表示假若出現此情況，本人剛換領之新駕駛執照會作廢無效，亦須再繳交港幣四十五元正作延長暫准牌照半年之用, 在延長暫准牌照期限後，從新換領新駕駛執照及再繳交港幣九百元正之費用。 而本人之前所繳之交九百元正亦不會退還。
本人現欲查詢電單車暫准牌照駕駛者被控告跟車太貼，是否須要接受延暫准牌照的期限的刑罰。 及本人在刑期換領新駕駛執照前，仍未收到任何有關該檢控的刑罰通知，假若現在換領新駕駛執照後，才收到通知得悉須要延長電單車暫准牌照的期限，而亦須從新辦理新駕駛執照，但又不能退還之前已繳交港幣九百元正之費用,這對駕駛者有何保障。 本人應向何政府部門諮詢及查詢本人的情況。 有無聽過與我相似既case呢? 如果九百元正真的不退還, 我亦應該點做?
mankau(請不要登我email address)
有關閣下的情況，我們之前有一個類似的Case，刊登在在七月二十八日的信箱中。
<<節錄如下：>>
P 牌延期……
有關Ｐ牌延期一事，以下是我的親身經歷：
我響2002年七月底考獲電單車暫准駕駛執照，同年十一月中快相(50KM/hr，影到69KM/hr)，即時截車。亞蛇同我講因為係Ｐ牌，所以唔會開告票，而係上庭（亞蛇仲私底下同我講：「唉……衰冇經驗啦！不過……我地有Ｄ師兄弟考到都自己雪一年呀」。）
今年二月初（果日初四呀，陰功！），上庭認罪．罰左四百五。當時法官亦無講過扣分Ｐ牌延期等。之後亦一直無收過任何通知。
到今日去運輸署諗住換牌，排到埋去，亞四眼姐姐同我講：「你個Ｐ牌要延期半年喎……」跟住又問我犯咩，一路搞手續一路同我講：「唔好再犯喇！唔係要考過架……多謝四十五蚊，係咪俾ＥＰＳ呀？」
據初步了解（有錯請更正或指出。講真，我由影相到今日換牌大半年，都擔心緊到底係延期半年定一年！）Ｐ牌延期係運輸署的事。警方一見你係Ｐ牌，而犯果條係針對Ｐ牌的例（如載人、行快線）或要扣分，佢都會轉去法庭。法庭亦唔會同你講延期定咩野（因為係運輸署的事），只會將文件交俾運輸署科撈翕。
除非係好大件事要即時停牌，否則只有等換牌時先知有咩後果。
至於運輸署點解唔響期間通知我，我就諗極都唔明點解（可能知我屋企人反對我 JAR 電單車，驚一俾信就會揚出黎卦？）：P
如此這般，我又要單騎多半年。
盪撈（請勿刊登小弟電郵）
|
26/8/2003
|
買二手車的煩惱
Hi, 您好!本人現想購買一部二手街車,但因money有限,所以我現在的射程範圍都只可以是97-99年的.我的選擇不外符是superfourVS,xjr400及bendit400V.據本人之了解,superfour最好,而我亦從車行及私人出讓之中看了好幾部,但最後都未能成事!固中原因是superfour的價錢一直高企,現我已開始不耐煩了.現可否從上述三部車之中,給我一些意見關於它們的性能,用油量,維修保養及市場價值的資料.謝謝!
dickens richkong@sinaman.com
CB400SF價錢較硬淨的原因係維修較容易，零件較充足。CB400SF性能可以用「平均」來形容，冇特別弱點，就係佢最大優點。Bandit 400V最有跑車感覺，XJR400則在兩者之間。錢唔夠的話，可以考慮買年份舊一D的車，分別不大。除非你指定要有VTEC。如果非97-99不買的話，買XJR400會少D煩惱。
|
25/8/2003
|
老鬼師傅,緊急求救!!!!
你好,老鬼師傅.本人最近第一次出車,前日轉彎時不小心跌車,花了十數分鐘才能台返起架車,台起之後架車撻唔著,唔知係唔訓車訓得耐得劑,俾D電油整濕左d機件,撻車時一d打火聲都聽唔到,只係聽到D"達達"聲,唔知係咪舊電池打左柴, 之前都試過撻唔著車係因為整濕左火咀,今次D聲完全唔同,所以我諗應該唔會係火咀,不過又唔知邊樣野有事,希望老鬼師傅能解答我o既問題,萬分感激!!!!
Wingoap
你試下拆個電池出黎比車行充電先!20-30元到,睇下可唔可以著車.
|
24/8/2003
|
CB-1
sammy 老鬼師傅你好：本人之CB1 400 近期經常行車後，(即机件熱咗)再撻車就撻不到車，都要等十數分鐘才能撻到或推着佢，撻車途中明顯有電及電油。之後，換機油、火咀及風格後，情形亦一樣，請問什麼原因? 謝謝回答！
Tommy lock1000@netvigator.com
唔!!!!!!!!!!咁樣有機會係(嘩佬)緊,要check下佢.你話比個師榑聽,熱左好難著車,佢地知乜事嫁啦!
|
23/8/2003
|
help me sos sos
本人之CB 400, 自己剛換機油及水箱水, 其後經常行車後再撻車就發現轉數由1000轉慢慢跌至死火, 之後就撻不到車, 次次都要等十數分鐘才能撻到, 當我撻不到車的時侯, 撻車途中明顯有電及電油, 已檢查油缸及油喉沒有阻塞, 請問什麼原因? 有沒有可能是機油的問題或水箱水問題, 本人之車從未試過這樣情況, 謝謝回答
keung wrxsti@so-net.com.hk
正常換水箱水最鬆油缸,你會否把油缸氣喉卡住.是指油缸尾部位置.
|
23/8/2003
|
有關Yamaha Maxster 150
老鬼師傅你好~本人係兩日前買左架Yamaha Maxster 150由於係出係新手一名.故此有一少問題題問師傅.本人每次上傾架車都異常震動,究竟係有咩問題呢??我仲想問呢架車除外型之外係性能上有咩優點呢?因為本人覺得呢架車十分難停,因為個剎好勁,十次停車有九次成個人都彈起~有咩方法解決呢~希望師傅指點
NPIT2
npit2@hkpa1933.org.hk
上斜雖要加油,車震唔出其.迫力手感是自己控制,放鬆少少多些練習剎車距離!
|
23/8/2003
|
PGO T-REX窒油
老鬼先生你好!我的車是pgo t-rex,月初剛洗cup,換火咀,冇再疾油,但近日冷車開車時有些疾,行順後冇再疾,是否有大問題,車行左近40000,是否到期要換車了?我打算渣到牌費到先換,因我每天都好似玩亡命表演,一上高速公路和斜坡就冇力,換super four是否合用?每天走40公里,走高速公路和斜坡(山路), 謝謝你
Martin Pang
tsz_wang@yahoo.com
已決定換車,就無需再整.5,6,百元修理費己等與牌費!
|
22/8/2003
|
俾綿羊嚇親
有日在學院補鐘，我楂住架車行直路用緊2波(我剛剛先識轉2波咋)，左面隔離係練平路8字既位，突然一架打緊8字既綿羊仔迎面衝出來我果條線，佢好似煞唔切制咁向我右邊衝過來，好彩我拿番左邊煞到制，同佢打斜避開左，嚇到我震. 我地兩個都無事，不過驚左餐,嚇到定左係度，之後都楂得勁慢，好彩我學棍波唧，綿羊仔太恐怖.
嚇完之後，到而家成日楂得太慢俾亞sir話，話我咁慢考試實肥，唔太敢轉2波(怕快)都唔知第時考試點算就算第時有牌都唔敢楂綿羊仔，怕收唔切.我覺得原來綿羊仔係勁恐怖，無段變速太恐怖，收左油後都轉唔番慢車咁，好易出事，好彩我望得夠遠唧，所以視線運用真係好重要(望遠d)，係學院唔好楂咁快小心其他同學，提防d同學突然衝出來!!!!
小桃 Message posted via crash form
|
21/8/2003
|
親愛的老鬼，你好!我想問車行當買入電單車時，會否把牌簿轉做車行名才出售，因為我剛剛買了一架 00/01 CB400 VTEC，當埾車時才知
道牌簿已是3字，感到有點意外。另外我架車只行7000KM請問RUN完未呢?如未又有什麼值得注意?煩請解答...! 祝工作愉快！
wotin wotin@sinaman.com
車行梗係唔會轉名先,比$250元轉名,牌簿又多一字,你已是第4車主,仲信7000km錶,唔駛run啦! 炳得啦
|
21/8/2003
|
Fork Oil Level for CB400 Super Four
Chung Fai CHENG Dear Sir, I have a 93' CB400 Super Four (Big-1). I would like to change the fork oil myself. I want to know how much fork oil (c.c.) for my super four. Can you tell me? Your early reply is much appreciated and thank you for your attention.
ewing303@yahoo.com.hk
you can used 10w 430c.c. for normal.
|
21/8/2003
|
遭人撞車尾
老鬼師傅:你好!我的車是三陽大鷹王。我剛剛被人撞到我的左邊車尾， 左邊車身座位下的車身外殼那塊已經裂左，還有我座位下的貯物廂也開不到，請問以你的經驗，這算不算是嚴重呢??要換外殼還是怎樣修理呢?維修費大概多少錢呢??因撞到我的那輛車已走了，相信我要自己付
了，唉! 煩請回覆，謝謝!
亞浩 kahoalex@so-net.com.hk
應該問你想點正?全部新零件實貴,整番開到個箱就平.
|
21/8/2003
|
改鈴顏色
Dr Devil:我老電個鈴想番噴白色，死氣喉頭截番補黑色，請問如找車房搞，會否很快會脫色。我曾問寶x老電部，但她說只接寶x老電生意。因我想對番原色code去搞，請問有什麼車行推紒？如有大約多少錢連裝拆？又是否須退油先？另頭尾碟停車時芝芝細響，是什麼原因呢？
愛車小騎士上
有做噴failing車的車行都做,千頭到啦,check下有無皮先!或是皮質問題.
|
21/8/2003
|
是否大食?
老鬼你好,,本人剛買了一部 01年的 suzuki SV650S, 剛拿車時已著了油燈, 入了100 元油,行了約90 ,又著燈,入第2次,,又是100 大元,,又行了約90又著燈, 這樣一計差不多1 元有多一 km ,,是否那裏出了毛病?因我每次入油後都 reset 來計的.謝謝.
法蘭 ihy@i-cable.com
老細!入爆缸得唔得呀!無油更係著油燈啦.著左油燈仲有十幾公里行呀!
|
21/8/2003
|
綿羊抽頭技術
HI,我近來買左架綿羊(馬力不太大)..係MAX SV,我想玩下抽頭,以下有D問題:(1)抽之前係咪要不斷扭動油門來提升轉數?! (2)之後係咪用身体壓低前叉借力...指教!!
leongkuan loileongkuan@yahoo.com
綿羊馬力細，但只要個身坐後D，臨抽頭前先突然縮油扣一扣頭迫力，再猛然質油就得。其實抽頭唔係好難，難度係樣保持單輪行車時的平衡。拿，試呢D頑皮野，o賴左野唔好賴人呀。
|
21/8/2003
|
ENGINE有食油出現?
Dear Devil, 請問SUPER4 換偈油時, 偈油尺是以拎下油蓋來量度為準對嗎 ?最近發現偈油有些少了, 但ENGINE無發現漏油現象 , 是否ENGINE有食油出現? 請問為何有食油出現呢?有何修補方法呢? 若要維修, 要多少錢左右呢?Thank
dt320_hk
度偈油無雖把尺拎下,把車坐直才度偈油,些少偏側都可使油尺量度不準,誤以為不夠油,若發覺真的食油,少修機器大約三千元度,再視乎你想修正得幾全面.
|
21/8/2003
|
學電單車
你好! 我想電單車,但我不知整個流程,你可否詳細說明. 那裡學好, 幾錢. 貴記學車又是甚麼一件事, 流程是怎麼的.我有 1.2 牌 九個月到, 路票還可用到考試嗎?
king kinglin00@hotmail.com
對不起，我地冇時間同你詳細說明。電單車首先要考強制試，你只有兩個選擇：香港駕駛學院或荃灣駕駛學院。請在「車行情報」中看看「學車服務」所列出各大駕駛學校的價錢和課程，自己比較。
|
21/8/2003
|
本人剛考獲P牌,想買架DNA作代步., 想問此車是否容易操控? 在車行買車有什麼要注意的地方?
ALEX alex@netvigator.com
DNA車身輕巧，絕對容易操控，但舒適度不及綿羊。去總代理或有信譽的車行買車，沒有什麼地方需要注意。
|
18/8/2003
|
黃燈停車
本人希望回應Jess車友16Aug03來信
照本人經驗所得：以路面兩個箭咀標記的距離及黃燈的時間，剛足以從容制停一輛50Km/h的電單車。在這距離或以前見到黃燈，應在白線前停車。如只有一枝箭咀距離，應定速駛過。否則將停車過急或停車位置不正確(在十字路口中停定)。
其實以本人愚見，路試上各燈位，應該一早熟習。於直路上預早控制車速，以避免尷尬時間到達燈位。
請勿登出本人電郵地址。
David davidxxx@ctimailxxx.com
|
17/8/2003
|
Hello:老鬼,我是騎Kymco Bet & Win 250, 行左23000km前幾日剛換火咀NGK.洗化油器.機油.請問小弟在冷開車時經常死火,有一次在紅綠燈停車一開車去到40km/h俾極油都唔去,死氣喉D聲好怪.請問是什麼原因,麻煩你幫幫我啦...... 祝工作愉快！ Ming
Ming mingcelia@netvigator.com
嘩!個d人係唔係整車,如你架車死火,死氣喉又有怪聲,整完之後都唔知有無試車,車關佢地一試車就知乜事,分分鐘裝錯野,返去話比佢聽,叫佢跟返!
|
17/8/2003
|
您好:我是來自台灣的車友, 有一件事想請教一下.小弟我有一台01年式的HORNET 600S 日規版的,但發現輪框變形, 想要換掉,請問,
1. 您覺得換新的好, 還是去日本找中古的輪框??
2. 前輪規格 120/70/17 (61W) 3.50inch請問, 若是要找中古的框, HONDA有什麼車的輪框可以適用??
3. 我想把它由日規改成歐規, 請問需改裝哪一些項目??
謝謝.duke1678
duke1678@yahoo.com.tw
梗係用全新的原廠17吋輪框最好。中古車應該CBR600F呎吋一樣。日版改歐版，要改錶板改喉改凸輪，你不如買過另部新車重好。
|
16/8/2003
|
Hello, 你好, 我將會在九月尾考路試, 我有十年私家車經驗, 但原來我己忘記考車牌時的禁忌, 例如黃燈究竟過唔過好？我可以在那兒找到學牌應注意的事項呢？尤其係女仔。謝謝！
Jess gl693@netvigator.com
唔係好明你的情況。你pass左強制試後冇再報讀路試課程？而家自己獨自練習？你有十年車牌，肯定已經「學壞手勢」。考試需要演技，而最佳鍛練演技的地方，就係駕駛學校。佢地會重新提醒你考牌的要求。講番黃燈過唔過好呢個問題，記得考牌術語有所謂「決定點」呢樣野，當車駛過決定點後，黃燈都照去，但未到決定點則需停車。學車既問題我地都唔係咁清楚，因為識得o既人當中，都脫離學神時代好耐好耐。
|
16/8/2003
|
駕駛ZX-9R的師兄 - 苦口婆心一席話
上星期某工作天的一個傍晚，我騎著ZX-9R過東隧，剛出收費亭正往觀塘繞道方向行駛，就在出收費亭的斜路快線上，前方是一部PGO T-REX150綿羊，由一名青年男仕駕駛。在他前方的慢線有一輛私家車，而快線上是一輛深灰色的HIACE客貨車，兩車并排地行駛，車速大約有60km左右，此時細羊準備在行駛中兩車的車罅超越，客貨車亦步亦趨，不讓T-REX超越。可能因為綿羊馬力細的關係始終無法超越，正夾在兩車之間，險象環生。
正在此時，無良HIACE客貨車不顧後果，故意扭軑壓向綿羊，綿羊司機見狀馬上收油閃避，但軑杆左搖右擺，差點翻倒。幸虧綿羊司機最後仍能把持軑杆，避免了一場可能會致命的交通意外（因本人就跟在他們後方，如果綿羊司機翻倒的話，我有可能閃避不及，與他撞個正著，殃及池魚）。綿羊司機驚魂定下來後也沒有再上前追究，馬上轉往將軍澳線方向駛去。此時我加油趕上客貨車，看看PK司機的尊容，原來是金毛一名，我敬他一個不君子手勢便加油離去。
事件一開始是由於綿羊司機冒險從行駛中兩車的車罅超越，我第一時間便覺得這是高危動作，綿羊司機駕駛態度著實是一開始就不對。本人覺得任何時間都不應在行駛中的車罅超越，而且當時車速都不算太慢，用不上要那緊急超車。但最可惡是PK客貨車司機竟然想草菅人命，就非常令人髮指。
從貴網站也不時能看到這種敗類司機的野蠻行為報告，電單車司機們應加倍注意！！籍此我也順便想帶出，近日本人發覺有不少騎大c.c. (400-500c.c.)綿羊的鐵騎士，在快速公路上風馳電掣，左穿右插，甚至挑戰其他大c.c.車種的電單車。本人是騎KAWASAKI ZX-9R的，近日曾在快速公路上遇過不少這種情況，不知是否以前未有大c.c.綿羊的時候，騎細羊的鐵騎士礙於馬力問題，心裡少不免有點抑鬱。到今時今日有大c.c.綿羊面世，有多一點馬力在手，所以便可盡情去馬，越級挑戰，以發洩心裡的鬱悶囉。但奉勸有關師兄師弟，不要莽顧其他道路使用者的安全啊！！
|
13/8/2003
|
迫力皮
老鬼你好:前幾日換左頭迫力皮，現在每次用頭迫力都會有(之之)韾
請問係咩原因？
HONG whlleung@netvigator.com
師博有無同你飛邊呀?同埋你隻係唔係大陸皮先?
|
12/8/2003
|
回應 tk719719
我對 tk719719 的說法完全同意，因為政府人員不開電單車 law !! 佢地返工咪說說笑笑又一天，不會盡力做好 o的工作，因為咁 easy 的 想法都想不到？不是，只是不如想少些做少些 la ! 例如我家附近馬路盡頭山腳邊，有成50 公尺闊，巴士都可一手呔調頭，而路邊又有私家車錶位，申請了成年都只是話可行的，但又要左考慮右考慮了成年啦！都未掂。一句講晒，政府冇用啦！現在電單車課堂及學院多了咁多，但班友仔都冇想過多了咁多老電之後怎樣解決相應問題，我估以後除了抄多 o的牌屈水外，乜都唔會做 o既！成班廢物，我話 o既。
patricktsang
|
12/8/2003
|
本人剛買2002年PGO T-REX 150!請問可否裝超白光頭燈?用幾多WALT先0岩?會唔會影響車之電器?邊度有得買呢?而且會平D?謝謝你!
MAN GOLF kingofflag@hotmail.com
點解唔搵番PGO總代理利力車行有限公司？佢地有做。
|
12/8/2003
|
hi 你好，我是駕駛02年 yp250的珍珠白色，想講的就是 我很不喜歡拍街位，多數也是後行 和行人路邊 。上星期被人抄了牌很不憤氣 主要想投訴一下街位和政府對代電單車一個位為何不是給一輛車呢 一個位總有二輛以上的電單車，如果我駕駛一萬元或數千元之電單車我一點也不介意這個情況 花了就算吧，但是如果你著四至五萬元 或在車身上落了很多心機的駕駛者來說，這樣真的很不公平 。每當我拍街位 回去取車的時候 總多了數輛不怕被整花的車，在我兩邊頂住了我的車 被整花也不在話，連出車也有困難 真的想一腳打冧他們的廢鐵, 但我沒有這樣做 我明白這樣沒有好處 只好啞忍 避開他們拍到別處 ，但又被抄牌了 真的光火 。很想講粗口 xyz***********不要對我說(係咁ka la 電單車 邊個叫你咁靚je)我作出以下提議:
為何不在每條白線上安二至三粒石粒
使一個位只能拍一輛車 再多加一些電單車位
大家也看到電單車越來越普及 越來越多
希望不再出現這情況 這樣對貴車和下了心機之車主會公平一點
如果這樣我不等位拍上路上被抄了 我沒說話了
如果只是為了避開!那些不顧其他車主感受的人 而被抄了
真的想一腳打冧他們的廢鐵
tk719719 tk719719@sinaman.com
|
10/8/2003
|
回應Devil438 /2001Vespa PX200
事先聲明：個人意見，如有得罪，多多見諒…
1)Majesty車友在行車時和後面的女乘客說話當然不對，但你在同線而且左邊超車亦是不當行為。
2)Majesty車友右轉時貼在右邊的橋邊行並不是大錯，如大家遵守"同線不超車"那麼前車靠左或右又有何分別？
3)青衣南橋時速只是50km，Majesty車友是否慢至不可接受？你自問超車時有否超速？
4)請自問在路上是否過份心急？不容許他人有分毫出錯？
p.s. 我時常在遵守法例時速下被人惡意超車，所以有此意見，我並沒有任何惡意和Devil438車友對抗，請諒！
rickwok@mail.hongkong.com
|
9/8/2003
|
05/08/03晚上七時,青衣南橋一隻垃圾出現,行車時只顧和後面的女乘客說話,到了彎位時白痴的他貼在右邊的橋邊行(當時是轉右),我在他左邊超他車.............到了青衣差館門前他阻止我前進,還不停在路中向我狂吠...........連差人行過都不想理他.話人超他車不對時,自己渣行車時只顧和後座乘客說話就對嗎!!!!!!各大車會如有這樣的會員,就請他離開吧!如他是你的朋友請叫他不要騎電單車坐車吧!這樣的人不久就會大抄一次.....!白痴仔,垃圾,人渣,去仆街吧!...此人的車是(第一代Majesty 250...泥黃色,..HD56X7...在青衣涌尾出入!!!!!(白痴仔,垃圾,人渣下次見鑊打鑊仆街仔)我們的三保點解禁那貴!!!!!竟係因為在馬路上有這樣的白痴仔. 小心.!!!!!白痴仔在你後面.!!!
Devil438 /2001Vespa PX200
(Message post via crash form)
|
7/8/2003
|
Hello:老鬼,我是騎Runner180..4仲,近幾日當我拍車落前後鎖時,發現後車輪是興的,連續幾日拍車我檢查前輪(車外胎輪,車零是暖的),但後輪(車外胎輪非常之興,車零是暖),開頭我以為碟事,但每次我只開了約10km,速度約70km,拍車檢查掣動前后碟是暖,但後輪外皮胎真係好興--------這是代表D乜,是否尾輪到期,但還有很深的胎紋呀?仲有呀我沒有急速殺車,停車時�m係慢慢落制停的>.>
siusun2510 siusun2510@sinaman.com
是因為尾轆帶動的原因!所以尾呔會比較熱和快光頭.
|
7/8/2003
|
噴車
師傅，我畫的圖案喺我架車度，用五金鋪d噴油或模型噴油可以嗎?請指教!!
罐裝噴油同模型油天拿水比較重,容易另到底油反起,(size)了一番心機!可交到車房代噴力架,因他們較慣噴車的份量.
|
7/8/2003
|
新手問題.....
想問是否所有車都一定有偈油隔的..我剛買左部Kymco Grand Dink 250 個車主話冇的...只需換油便可...而皮帶和普利珠是否要定期換
的..皮帶死前有冇先兆的 thx........
wing888@net-yan.com
有好多車真的沒有油格的,珠.可以夠里數就check,但皮帶夠里數就更換,斷皮帶是無先兆,同樣...換皮帶同拖次車價錢差不多,可省卻不必要的麻煩.
|
4/8/2003
|
請問4沖電單車有時出白煙及cam鍊打柴 ,要怎樣維修才可節省一點金錢??可否給點建議??thanks
32 bee bee_32@hotmail.com
已知機器入面打柴,莫說慳錢,換少件零件都唔得,一係唔好整,整機器一定要整好.
|
| |
|
|
|
 |
|
