|
|
|
FAQ常見問題 |
|
|
28/2/2003
|
詢問電單車電器問題
你好！本人想將指揮燈改成長開燈？但是打指揮燈時要會閃爍！可否解答或有線路圖指點本人,在此謝謝你！
no no billho11000@yahoo.com.hk
當中涉及兩盞燈膽，改裝唔係咁易，而且運輸署並不容許有電單車指揮燈長著。
|
27/2/2003
|
1. I'm driving a CB400SF, I know the power of this bike was limited to 53ps, do u know how to "decode" it in order to release all the power ?
Althought it is no use for me.... I just wonder why it is seldom to hear other riders (except NSR PGM) doing this, it is very carsal in private car world.
2. Why the depreciation of motorbike is lower compare with private car. The only reason I guess is the test requested by transportation department is not necessary.....is there any other reason ??
Thank U very much
請勿刊登本人電郵地址Kenneth Law
日本仔的400街車，馬力冇刻意抑制，所以即使你換喉換唧咀換風格，馬力只會增加幾匹咁上下。要大馬力，換600以上便可，而家的大車又輕又易騎，駛乜係400cc度搞餐死咁麻煩呢？所以無需不值得使太多錢去追求那一小部份的馬力增長。香港電單折舊率嚴重偏低，係因為養電單車的皮費輕好多，對二手車的需求頗大，做成價格沒有太大折舊。
|
27/2/2003
|
防盜
編輯先生你好:本人就快會買@150，知道很多時有人Ｄ車俾人老爆！想問一問市面上一種(鐵將軍)電單車防盜器，(好似以前電視買過廣告)
1.類似汽車防盜，可以在那裏找到？
2.可否裝在@150上。？
3.其工效好嗎？
4.大約多少$？
衷心感激.先謝謝您寶貴的意見！！
skkli 請勿刊登本人電郵地址
行多車行都有售賣電子防盜器，適合安裝在不同電單車身上。售價連裝功約一千元左右，但我們認為功效麻麻，因為偷車賊會成部車勾走，番去慢慢拆都未遲。
|
27/2/2003
|
Question about PGM3
Hi, nice to meet you, I have a 93/97 pgm3 bike for about 2 month, now I have some question want to ask:
1 after driving, I find that the front left brake disk was hot while the front right brake disk was cold, why is it so? (I haven't listen any special sound when braking and the brake oil level is in high position.) Is that the brake 皮 was use out? If yes,why not both left and right 皮 finish at the same time??
2 the water very easy to get boil when I drive in mongkok even I already use green water inside, is that the problem of fan or thiskind of car have this problem? How can I solve ??
3 my old car shop help me setup the car which make the power come out in early rpm but the overall power was decrease, I want to change back to the original setup, you think what have they done? I only see that they put away the油缸 and use few min to set up, so what do you think?
4 when I change from gear 1 to gear 2, it seems 彈到車殼咁, when I turn in left most or right most to start, the clutch seems 'kick'實咁 , what is the problem?
5 normally how many km should I change gear box oil, spark, battery and車鍊?? What is the life of them?
Please answer me one by one in Chinese in ibike.com.hk since I see it everyday, thanks a lots..
Kin mkinchan@yahoo.com
頭雙碟一邊冷一邊熱，可能係泵拍壞或活塞積死左，或新舊迫力碟厚度不一。拆下卡鉗檢查一下好d。容易水滾？水箱水足夠？風扇運作正常？水箱蓋係咪密封？其他喉管有冇漏水？你部車經過改裝令到頭段有力，但最高馬力減弱？唔係卦？有人咁做既咩？佢係咪同你換左個大尾牙咋？對不起，有好多字出亂碼睇唔到，問題3,4唔係好知你講乜。如果係把手擰左右時有異樣，檢查極力子威也的虛位或決定是否需要更換。波箱油和火咀可以半年換一次，電池視乎使用情況，一般可以用兩年。
|
27/2/2003
|
Majesty YP 250
Dear Editor, I just purchased a 1995 Majesty YP250. I know a new model Majesty is a good one.Can you give some comments on this older one? Thanks.
Since the acceleration and power of it is not as what I expected for a 250 cc scooter. What spare parts I have to renew and what maintainance I have to ask a workshop to do in order to improve the performance. Before I was riding a 150 cc scooter that is much powerful than it. Is front disc rear drum braking system sufficient for this scooter? I am very appreciated for your reply. Please reply in Chinese.B/Rgds
Jenny jctsang811@yahoo.com.hk
95年Majesty 250??冇記錯的話年份好似冇咁早播？你話你部車的表現比以前用開果部150都不如咁大鑊？先換偈油火咀風格，再檢查傳動和變速構件(例如皮帶和普利珠)是否操作良好。 輪胎狀況和胎氣都要檢查。綿羊的掣動力一向都唔係十分強，但頭碟尾鼓的制動力也足夠正常使用。講開又講，迫力皮都要檢查，也看看尾鼓條迫力威也使唔使攝過。
|
26/2/2003
|
編輯先生你好:小弟有一問題想請教貴先生,本人想買一輛(大林ns150)綿羊機車,但聽說好易壞,本人卻喜歡它的輪大,行走公路會較定,現想請教貴先生可否給我這車的評語.衷心感激.
祝先生生活快樂
tsang siu hung tsangtony2001@yahoo.com.hk
12-13吋轆鈴的綿羊大把啦，二手平羊例如T-REX 150，大鯊王150都好過大林ns150播！有冇睇過車主報告？
|
26/2/2003
|
你好, 我想問問壓縮比和氣閥是什麼?一部車的容積量會對車有什麼影響??可能我問的問題比較幼稚, 但我希望你可樂意為我降答..十萬個thank you!!!
Crazy BO boloveyou2001@yahoo.com.hk
簡單來說，你應該是但買本汽車引擎的書來看，也會有一個基本概念。壓縮比是描述空氣和霧化燃油混合後，變成油氣跑進燃燒室後，在未被燃燒前，被活塞壓縮了多少倍的數據。生汽閥是油氣跑進燃燒室的渠道，死氣閥則是油氣燃燒後變成廢氣被排走的地方。引擎的汽缸容量代表燃燒室的空間有多大，越大的話便可容納更多油氣，造出更大力量。
|
26/2/2003
|
我想請問有冇一d車行做2手車分期?如有,可唔可以連埋保險一齊分期?
ho him請勿刊登本人電郵
視乎車行與財務公司的安排而定。但即使財務公司唔肯，車行也可以把保險條數加落車價度。
|
24/2/2003
|
編輯先生您好!!本人想請教下您的意見,最近我想買一架新的ZR-7,想是由頭用到尾,平常代步用的,但我又怕當用了幾年之後,要更換一些零件或維修保養時,會否很難找零件呢?這型號又是否抵買呢!!先謝謝您寶貴的意見!!
Law koonlun@net-yan.com
零件補給是否充足，要睇番代理的表現，想信冇大問題。ZR-7亦唔係特別新開發車，好多零件都係共用。54k買到全新750，重平過400，你話抵唔抵？
|
24/2/2003
|
你們好, 晚輩有些問題想請教:
1. 以前(十年八年前)d教車亞sir話唔可以在頭盔之內用耳機聽歌, 現在d電話handfree又話得, 有d仲聽電話聽歌兩用, 其實法例上ok 唔ok ?
照我地所知，法例冇話唔俾騎士用耳筒聽歌。
車友回應
根據運輸署第七章電單車駕駛人須知,在路上駕駛時，不可戴上任何音響耳機!!
LKM" <manlee924@hotmail.hk
2. 又係聽人講, 加燈光要小心(車牌, 車底射燈...), 法例上有好多東西要留意, 是嗎?
基本上加盞霧燈都要申請，燈光顏色只能是白或黃或紅，不能有其他顏色尤其是藍色。
3. 90年初期的鈴木四沖跑車真是很差嗎? 二手價同本田完全係天同地, 平到你驚! 一般四沖機器, 生存唔到這麼久嗎?
90年代初期的Honda電單車，二手價亦唔見得高得去邊....保養良好的四衝機器，十年八載冇問題。
4. XJR400同FZ400 又如何? 真是很差嗎? 二手價同本田超四又係無得比, 聽說本田超四係好車, 真係好到咁?
唔覺得Yamaha車差，不過上述車款在維修時又的確冇CB400SF咁方便。但CB400SF唔係神，一樣會壞要整。
|
24/2/2003
|
VRX details
你好! 首先多謝你們全體人員能夠為我們這些電單車人提供免費且詳盡的資料. 本人衷心感謝! 返回正題. 本人在綱上看見一部HONDA VRX-400T 出售. 此車在二手市場上非上罕見. 請問你能否提供此車的詳盡資料. 這是否水貨車? 在維修保養上困難嗎? 祝貴綱, 遊覽人數屢創新高.
Adam Yau AdamYau@Netvigator.com
詳盡資料就冇時間找o勒，不如先來個基本概念，自己上網搵料啦。VRX400係一部英式巡航街車，結合街車的靈活和少許美式巡航車的操控和口味，香港一向都唔係咁多見。水冷V2引擎，馬力冇特別約三十零匹。唔知你部車係咪水貨，以前捷記好似番過少量。保養維修唔算困難，不過建議你先打個電話問下燦基有冇keepVRX400的零件穩陣。
|
22/2/2003
|
有關電單車問題
本人駕駛綿羊已近十年現想駕fairling車,但看見車主報告他們常說冬天就好正,夏季則熱到想死是不是呢?fairling車是不是轉彎要用身體配合,因為我看見車頭角度大約25-30度,有什麼技術要注意呢?
miu ha tang sos2921@yahoo.com.hk
其實駕駛任何電單車，轉彎時身體都要有所配合先至會轉得自然。相信你係講緊搬身和飛跪？適當的搬身可以加快重心左右的轉移和減少車體的傾側，有助提高安全和轉向表現。你話冬天好正但夏天就熱到想死的跑車，應該係V4引擎的跑車。唔係架架都咁熱o既。照計你有十年牌，點解等到今時今日先至玩跑車呀？莫遲疑速速揀車啦！
|
22/2/2003
|
詢問電單車電器問題
本人駕駛SV650S,最近經車行檢查後,車行表示電池OVERCHARGE,電壓由本來12V上升至17V左右,並說已檢查線圈,表示該方面未出現問題,車行建議更換整流.請問是否有必要更換整流,或者會唔會是其他方面出現了問題?本人並不太明白為何會OVERCHARGE及可否解釋電壓輸出原理及步驟.若更換整流後,壽命約有多久?由於時間迫切,希望可以盡早回覆.THANKS!
kenix37@i-cable.com
我們認同車行的判斷。整流的作用是把交流電變作直流電和穩定電壓，就係因為負責平穩電壓的整流壞了，你的電壓才會上升這麼多。整流的壽命好難講，有人幾年都唔壞，有人一年壞一次。
|
22/2/2003
|
你好:小弟有些問題請指教:
1. CB400SF VERSON R 除左小朱頭外仲有什麼同VERSON S 不同.
2. VERSON R 是否用PGM及和化油器比較燒油相差多少.
3. 曾看以前讀者來信.有什麼因數令你覺得基本版BIG ONE 最好用.
4. 本人有幾枝SHELL HELIX ULTRA 15W-50 API SL/CF JASO SG MB 3公升全合成偈油.可用於電單車嗎.(標籤說咩車都得) 唔用掉了好徒.如買耍($450 1支) 添加濟真的對離合器不好嗎?曾看知識技術文章煩請指點.謝謝.
pgo1 pgo1@sinagirl.com
Version R的方型豬頭唔係咁受車迷歡迎，所以後來推出Version S，其他沒有什麼不同。佢地全部都係用化油器，唔係燃油噴注。PGM燃油管理系統係racing化的設定。我地覺得基本版正，係因為價錢平，有大架，操控性能差唔多，抵用也。你講果支SG級全合成偈油，如果唔用記得俾我用：)添加劑可免則免，留番俾你。
|
22/2/2003
|
車尾有怪聲
Hi,小弟隻羊時不時 "擘拍" 一聲, 聽來似從車尾發出, 有時成個星期都無, 有時就一日幾聲.畀車行 check 過, 都唔知咩事! 所以特來求教 各位專家, 其他性能一切正常.Best Regards
Xu (pls don't show my email)
第一個唸到的可能性會唔會係避震行到底的撞擊聲。但如果係避震沉到底撞到有聲，你冇理由唔知。第二個可能會唔會係啡呤夾囗邊迫出來的聲音？例如歪左之類？車行睇過都唔知，我地單憑你講幾句，更加唔知發生咩事。Sorry。
|
21/2/2003
|
(膽小)的我吃牛肉乾
大家好！話說日前小弟在上午九時駛至上環大笪地橋底之合法街位，雖眼見車群中尚有少量車位, 但(膽小)的我反而選擇了泊在最邊靠牆但出了指定白格之地方(大概一個電單車位)。結果數小時後取車時，不知那位恨心的師兄/師姊請了我吃牛肉乾！或許有人覺得我有位都唔泊,
抵死! 但背後之原因是多日前我曾(大膽)地把愛駒泊在合法白格內之車群中，但取車時發覺愛駒已被兩隻爛鐵羊夾得動彈不得，車套亦被羊轆壓實，幾經辛苦才能把她從惡羊中救出。但是兩邊後境己被壓至幾乎脫掉，而車套亦在無辦法下被迫強行抽出，磨爛了一點,心痛不矣~
現籍此事望各老電一族留意，在方便自己的爛羊之同時，請尊重別人之愛駒! 另外，各師兄/師姊請放下屠刀。我們大部份之老電一族自問己十分自律，盡量都不泊車在阻礙交通之位置。這次我只是出了少許界，但相信於天橋底之牆邊不會太阻礙路人呱, 難道您要在那處紮營野餐?! 在這樣的經濟環境下，一張牛肉乾已叫人吃不消了！
膽小的啟 Pls don't show my e-mail, thx!
|
20/2/2003
|
主編你好，本人正在加拿大,持有八年私家車車牌，及四年電單車牌,現年二十四歲，駕駛ｒ６已經有二年經驗．將於一至二個月內回留香港，並希望在二十五歲（本年九月）ｏ既時候買部電單車，有一些問題想問：
Kevin Chung vovert@hotmail.com
１．以我所知,加拿大的私家車車牌是可以在香港換取香港的私家車車牌的,請問電單車可以嗎? 可以。
２．可以的話,又駛唔駛掛p牌呢? 唔使。
３．如果不用掛ｐ牌的話,又有無可能可以比我出到大cｃ車呢？例如ｒ６或ｃｂｒ６００ｒｒ？
冇NCB會貴D。
４．在網上看見ｃｂｒ６００ｒｒ的售價是＄７７，０００ｈｋｄ，找數落地又要幾多錢左右呢（請大約例明）？
新車牌費HK$1414，未計第三者保險。
５．本人亦有考慮過買部ｎｓｒ，ｐｇｍ４，但聽聞，抯開四衝車會好難抯二衝車，因為二衝車無ｅｎｇｉｎｅ－ｂｒａｋｉｎｇ，是否真的很難呢？
要時間適應，主要係keep轉數和拖波的功夫。
６．搵一部機件良好的二手或多手的ｎｓｒ ｐｇｍ４ 又會唔會好難呢？價錢大約在幾多錢呢？
難呀。但係價錢平到你唔信。
７．保險方面，如果可以出到ｏ既話，二十五歲買部ｃｂｒ６００ｒｒ或ｎｓｒ ｐｇｍ４的三保或全保，又大概幾多錢呢？
猜想CBR600RR的保費可以會平過NSR PGM4
８．以你ｏ既高見，我出保險又會唔會同一個香港ｏ既新牌仔一樣咁難呢？
高見就冇，愚見係點都好過新牌，最好帶埋以前的保單證明俾保險公司睇。
９．最壞ｏ既打算，要在香港從新考牌，考完牌一直唔買電單車，等幾年之後，又有無可能直接出６００ｃｃ ｏ既跑車保險呢？
現在一個雪藏牌都可以買到600跑車保險，幾年後唔肯定。
多謝主編能夠花你ｏ既保貴時間解答我ｏ既問題．
|
20/2/2003
|
P牌出車
小弟剛拿P牌，想出Honda Magna 250，保險公司會否受保？受保的話保費會加多少？P牌是否只可出150cc綿羊？多謝回答小弟問題
Yiu pazu pazu777@sinaman.com
保險公司會考慮投保人的年齡、職業、有否其他駕駛執照和牌齡，投保的車款而作出決定。所以受保與否和保費價錢，因人而異，最好向保險代理查詢。
|
20/2/2003
|
唔該我想問問. DOHC和SOHC的分別?THANK YOU
tk Ho boloveyou2001@yahoo.com.hk
OHC代表overhead cam shaft。D代表double，即是有兩條凸輪軸分別控制生氣和死氣閥門的開啟。S代表single，代表只有一條凸輪軸要同時控制引擎的瓣門開關。論性能DOHC比SOHC更佳。
|
20/2/2003
|
投訴929近距離危險爬頭
主編：您好。本人於2月19號晚上大概19:50分左右，遇到一位駕駛紅白藍CBR929車牌 (CB 9291) 的騎士,而我當時載著女友,沿沙田路往大埔方向行駛,路面非常暢順，當時路面時速限制80km，那時我在快線行著90km,在我左方即慢線有一輛貨車行駛，該輛CBR929突然已高速在我左邊的丁點空隙刻意加大油"攝"上，當時我亦避它的Kit喉聲浪嚇了一跳，然後在公路左穿右插忘命地抓頭,但當時我已經正已時速90km行駛(已超速10km)，我當然沒理會他,但他有否考慮如我是一個新牌騎士受不起他這突如其來的驚嚇，突然Cut出慢線和他發生碰撞的話會有何後果呢,唉,有這些毫無安全意識的騎士,又怎怪得其它駕駛人士或路人會對我們投以岐視目光呢！這位黃色CBR929騎士如果看到的話,請好好反省,好自為之!!
hung kinhungt@netvigator.com
|
20/2/2003
|
編輯先生你好,我有一部二手車溫拿180 4沖
siusun2510 siusun2510@sinaman.com
問1:我到車行時換偈油時，條車行佬問我換全合成機油定半合成機油，又問我平時輛車通常走小路多定高速路多，這些問題和換機油有關咩？
高速公路車速較高，引擎常用轉數會較高，用全合成偈油會較適當。
問2：我換完半合成機油之後，車行佬叫我1500Km之後換過機油，如果45個月�m行誤到1500，耍不耍3個月後返車行換油呢？因聽其他人講機油開封後最多使用3個月，是否真的？
三個月換機油係一個概念指引，唔係一個硬性規定。
問3:溫拿180 4沖的水箱水耍不耍定期更換？如果加水箱水加（蒸餾水）定是（綠色果D防�z水箱水）呢？
水箱水一般都係兩年先換一次，加少量水的用蒸餾水OK。
問4:尾牙油更換的咪數該贗該是幾多咪呢？
一兩年或幾萬公里都冇乜問題。
問5:電池我䏲過是第一手跟車電池現在計計有11個月還可以用幾耐？
保養好的話，MF密封電池可用兩年左右。
問6:假定連續兩星期�m下大雨，開不到車，令我鴈該隔多小日去着車叉返滿嗰電池呢？每次着車叉電時着幾多分鐘呢？
單靠著車很難叉滿電池。因為轉數不高，發電機輸出不大。最好都係行番轉。
|
20/2/2003
|
學牌可唔可以買車?咁買保險個d 野又點算?咁買二手車又可唔可以？
甄 敏健thank~~~請不要登出我email~~
當通過電單車強制試後，便可以買車掛學牌。但要搵到有保險公司肯出份學保俾你先得。跟往就可以係限定時間和地點內自己學習。二手車 當然得，只要排氣量小，年份不太舊便可。
|
20/2/2003
|
急問火咀,火咀線問題!!!!!!!!
小弟的vfr400(nc30,94年做)早前因死了火咀[old火咀是用 9號 大約行了25000Km]
才去換了 4 枝新的 10號火咀
一用上4 枝新的 10號火咀之後,發覺部車~~一個字!!!!勁!!!!!!!!!!未試過o今勁!!!!!
勁過之前新換 9號火咀(新的)
之前常用轉數7000轉
現在常用轉數變成8500-9000轉!!!勁好力!!!!!!!!
但是用了一星期到,低轉上高轉and起步力度減弱了20%
但時一上到常用轉數8500-9000轉都好力!!!!!!!!
(每天都行100-120Km高速公路路程返工)
1)會不會火咀線以過期(未換過)9年!!
2)or有其他問???
3)如果換火咀線有也好介紹???and where???how much??
4)我用10號火咀正確嗎????
wai ng ngxxm@hotmail.com
唔係好明你講緊乜。舊火咀常用轉數係7000轉，新火咀常用轉用係8-9000轉？
咁咪即係架車要俾多D油，先維持到以往動力？咁點算好力左？
如果有改善的話，應該係常用轉數降低左，又或者同一轉數下加速快左。
點解你會改換10號火咀呢？冇關選用火咀的問題，請參閱知識技術內有關選擇火咀的文章。你的情況和火咀線無關。亦不建議更換火咀線，無謂搵錢使。
|
19/2/2003
|
唔同氣缸數量比較
本來我咩都唔識, 睇左書後, 知左引擎容積點計, 咩叫雙氣缸。但有野唔明, 好似街車咁, 假如同一cc, 但一架是雙氣缸, 一架係四氣缸, 邊架食油d? 邊架性能好d?
HT4379 ht4379@hotmail.com
一定會係直四引擎較耗油。因為多汽缸引擎偏向高轉數出力，以馬力計算，當然是直四引擎輸出較高。
|
19/2/2003
|
Hornet 250 vs VTR 250 vs CB-1
你好,我現打算買一輛入門級街車,暫時鎖定目標有Hornet 250 及 VTR 250. 而 CB-1 (400)因為車身較纖巧之故亦是考慮之列. 請問這三輛車子在操控,行車特性上(直四引擎vsV2引擎)及座姿上各有甚麼特色,編輯們對選擇哪一輛有何高見?另外,除以上三款外,請問有沒有其他建議?謝謝
Thomas MA thomasmamw@hotmail.com
你會唔會搞錯左Bros400和CB-1呢？CB-1用直四引擎，車身唔會窄，反而Bros400用V2引擎，車身才比較窄。行車所需的轉數，以Hornet250要求最高，因為cc細又係直四的關係。而V2引擎的扭力較直四引擎易出。CB-1和Bros400的坐姿都稍為前傾，而Hornet 250和VTR250則比較舒適。如果你考慮得400級街車，舊款CB400SF，XJR400，Bandit 400都係平靚正的選擇。250級則可嘗試玩下Fun bike。Retro的代表有Kawasaki 的Estrella 250，Suzuki的Volty，Yamaha的SR250。Drift bike有Yamaha的TW225/200，Suzuki的Big boy Grass Tracker，Honda的FTR223等。
|
19/2/2003
|
P 牌的麻煩
編輯先生, 你好 !! 本人車尾的 P 牌 多 次掉落, 請問除了用膠紙外, 還可以用什麼貼實 ?? 若警察見前面有P牌, 後面沒有, 會不會抄牌 ??多謝幫忙 !! JP
Joan Pang joanpang@hkguy.com
法例要求車的前後都要展示P牌，俾差人見到，有權抄你牌。用隻靚D既雙面膠紙例如3M海綿膠紙啦。貼之前記得先清潔車身表面。
|
19/2/2003
|
拖波
編輯先生你好!我有一些問題想問。
1) 請問什麼叫拖波？
為了減速，一邊制動一邊退低一擋是為拖波
2) 街車的拖波程序是什樣？
縮油，扣迫力，扣極力子桿，腳踏一下轉波桿，柔順地放開極力子。(如果情況不是激烈的話無需呼油)
3) 綿羊仔有沒有拖波呢？
手波羊可以。自動波冇得主動拖波，只能等車速收慢後靠自動變速箱自己轉波。
多謝指教！ 無言感激！！小Ｐ仔louise ho上請不要刊登本人電郵地址，Thanks！
|
16/2/2003
|
編輯先生你好!我有一些問題想問
1.我看了你們的網頁, 說濕地停車時用人手ABS, 我想問人手ABS應以一收一放迫力,漫漫做,還是要快速猛烈地做ABS呢?
2.我的自動羊後迫力是鼓型掣動的, 一段時間後左邊牛角好像鬆了,我在車的尾部有個位置可以調的, 調緊後,一段時間後右鬆了,我想問是不是要次次調教的,為什麼會鬆呢?
Mm Lee mllee@ipm.edu.mo
慢慢落迫力，鎖轆的機會不大。但危急時不容許你慢慢落迫力，所以會快速地扣迫力，所以一鎖轆時便要放手，重複這動作是為人手ABS。鼓型掣動是需要定期調較，因為行威也不是油壓，當迫力皮蝕左後便會有虛位產生。
|
16/2/2003
|
買二手車
你好, 我是一名新手.現打算購買一輛二手街車(預算一至二萬元).在查閱貴網時發現同一型號(甚至同色,改裝程度相近)同的二手車在不同車行的標價有時會有頗大的分別(可多至數千),甚至舊年份的車會比較新年份的標價更高.這情況偶然間亦會在同一車行內出現.須知道這可能與車子的狀況有很大關係,但作為一個經驗尚淺的買家,可以怎樣作出比較?
另外,我知道買二手車時應同時預留一筆費用去[執]車.不過我想知道如果在買車時(或買車前)向車行詢問該車有什麼要[執],他們會否因想儘快賣出而傾向話無需去[執].如果是的話,應該怎樣去判斷.閣下會否建議在買車後去另一間車行作檢查,以策安全. 謝謝
栢高 (請不要登出電郵地址)
車價的確會因應新淨程度、里數、配件等因素有所改變。買二手車時，肉眼見到，可以估計有那些地方要駛錢有：車鏈，輪胎和迫力皮。著車時可以睇到電池、化油器和火咀的狀況。這些車行都應該會知道。但有更多問題如電器，車架，避震等等細節，要行車先知。車行有咁多車，佢地冇時間逐一逐一長時間咁去試車，所以有D問題佢地係會唔知道。如果你話買車後卻去另外一間車行檢查，新車行為求做生意，當然會檢查得更詳細，但緊記應換得換，不需太過浪費。
|
16/2/2003
|
編輯先生你好,本人想知道為何電單車的引擎可運轉達一萬轉,但私家車的卻不能?(以容積相約的引擎作比較)是否因為車重的問題而對扭力及馬力的要求不同?謝謝你的解答.
Billy「請勿刊登本人電郵地址」
電單車引擎的轉數比汽車高是因為電單車重量較輕，推動車輛前進的扭力不需要像汽車那麼多。於是引擎的能量可以較注重馬力的輸出，而馬力是扭距x轉速所得來，越高轉數馬力越大。基於這個大方向，引擎的缸徑比率可以做得高一些，即是採用較面積較大的活塞，但衝程卻短一些的設計，來增加活塞的運動性能。另一個原因是電單車的排氣量較少，引擎部件的體積較細輕巧，可以容許更高速度的運轉。
|
16/2/2003
|
問題少年
編輯先生,您好!!本人最近想轉換一部cc 較大0既(之前係150綿羊). 現在想請教一下您0既專業意見Z-1000及Hornet 900，哪一部車較為低買呢?宜佢0地0既優點及缺點又係咩呢?係被偷0既高危車嗎?最後想問下ZR-7是否很久既車種嗎?咁多問題真係唔好意思,勞煩您一一解答,謝謝!祝身體健康!
Ying ying132@hotmail.com
我們覺得Z1000較抵買。雖然大家都是套用上一代跑車引擎，但Z1000有倒立前叉，外型也更前衛。ZR-7的外型不舊，但係用西風引擎，所以說不上是新車種。
|
16/2/2003
|
回應炒車報告:冇掛P牌出事後唯有死忍
今次事故我以第三者角度睇係電單車司機唔o岩比較多，私家車司機轉彎唔打燈係唔o岩。先唔講你無掛P，電單車司機跟車太貼，及路面經驗不足亦係一大問題。因私家車轉彎前會減速(尾燈會著)有足夠跟車距離唔會停唔到。而經驗會話你知你要轉彎/線避開。其實今次點講都係電單車司機出錯，就算報警警方回覆亦會大同少異。
Ze Zesus zesus_zesus@yahoo.com.tw
|
16/2/2003
|
新仔想問et8及px-200FL的評價?
本人是新仔一名, 新年前剛拿到牌, 現在想買車, 問問意見.本人只鐘情復古綿羊, 對象有et8 or PX200.但看到ibike.com.hk的owner's report似乎對px200的評價不太好, 相對而言,et8反而好一些. 對px200而言, 多是說前brake 無力,電子不好......因本人高5呎10, 重170磅. 現傾向px200.如果本人買新車的話, 以上px200的問題, 會不會好一些.多謝指教!!!!!
大寶上 idabao@yahoo.com
其實兩部係完全不同的車。ET-8係四衝程自動波，PX200係二衝程手波。ET-8會比較容易駕駛，但力水會係PX200好力D。PX200的操控唔係太好，但ET-8亦未見得特別出色。你的身高體重，無助改善PX200的操控。
|
15/2/2003
|
街車和綿羊的分別
初初我睇中左Beverly200 & Foresight, 但最近亦睇中Kawasaki ER-5。綿羊就話最好1000km換偈油o者, 咁街車呢? 係保養維修方面, 係咪街車冇咁密同麻煩?我見d綿羊架架都包住哂睇唔到零件, 而街車就好簡單, 好多都外露, 係咪街車維修時DIY都易d?以斯文咁渣黎計, 保養方面兩者有咩分別呀? (如換消耗品、平時打理)假如同一cc, 手波車係咪比自動波慳油、好力?機件方面(迫力皮、軑....)係咪街車耐用?我經常走長途及highway(屯門->九龍or過海), 係咪街車較好?最後, 我雖有22歲3年車牌, 但都知P牌出ER-5較難, 但會唔會有例外可以insurrance under$3000呢?
KK abalone_club@hotmail.com
幾時換油有個比較簡單的計法，每一公升偈油容量 =每1000公里換偈油。街車如果有2.8-3.2公升偈油容量的話，咪每三千公里換油o羅。慳慳地唔換都唔緊要，不過唔好俾轉數上得咁高，可以捱多一排。街車和綿羊的保養重點，相同的有偈油、火咀、風格、迫力皮、電池、輪胎、迫力油等等。不相同是傳動系統。綿羊用離心式無段變速，皮帶傳動，所以普利珠和皮帶需要定期檢查或更換。街車一般行濕式多片離合器，鍊傳動，所以車鏈需要定期潤滑，視乎變形情況也需要攝鏈或更換。離合器墊片屬於耐用品，壽命比綿羊傳動系統的零件長，但價錢和人工較貴。耗油量方面，即使同一排氣量，都要睇埋汽缸和活瓣數目，缸徑比，化油器口徑等設計而定。一般綿羊屬OHC單缸設定，會比多汽缸DOHC引擎慳油。走長途當然車越大越好，但要視乎你出唔出到ER-5保險，問番泰力摩托車中心穩陣D。
|
15/2/2003
|
本人的戰車是VFR400,有一日推車時不幸跌車(右邊落地),開車時發覺油門已損毀(唔識回),咁就放車行修理,取車時開車走,比油起步時發覺冇力(騎馬仔),開到7000千轉,條死氣喉又有怪聲,卜卜聲,好似條死氣喉穿隆.究竟部車有什麼問題?有咩解決方法?
可否給我一些指點呢?
Kenny 謝謝 (請不要刊登本人電郵地址)
可能有一個盤唔著，拿番車行檢查四支火咀邊支壞左。
|
13/2/2003
|
引擎當當聲
編輯先生你好，本人有一問題想請教，本人的Shadow750於涷車及空波時拉實極力子，會在引擎聽到鐵撞鐡的當當聲，需不大聲，但很清楚，但即入波就不會有，及熱車時空波拉極力子都沒有聲，請問是那裡問題???另想問甚麼是油"煎"鏈，是否不用加鏈油都可以???多謝多謝
小子 請勿刊登本人電郵地址
冇留意過Shadow 750會發生呢種情況，可能是潤滑不足或冷凍的機件間仍有空隙所至，只要暖車後消失便沒有問題。油煎鏈是有密封墊圈的車鏈，雖然說潤滑油密封不會流失，但只能潤滑車鏈的關節，頭尾牙和車鏈的潤滑仍需鏈油幫忙。
|
13/2/2003
|
剎車時的尖叫聲
本人半年前購入二手車一部，行了不久便開始發現尾Brake於剎車時有尖叫聲，拿回車行問，他說可能Brake 皮乾了，行多一會便沒事，於是乎小弟又照樣行了三個月，問題仍在，最後索性把尾Brake皮換了，不幸地，三天之後老問題又出現，是否剎車碟有問題？
Drack drack@netvigator.com
當然迫力皮蝕晒，或積了過多迫力粉也會有聲，但你的情況似乎係上手車主唔記得拆鎖開車，令到尾碟和卡鉗被鎖梗到有輕微移位，導至掣動有聲音發出。若不影響性能的話，可以遲D先搞。
|
12/2/2003
|
編輯先生你好!小弟有架綿羊行了15,000km, 今日換了机油,後來發規有"咯咯"的雞叫引擎聲, 电達不著, 有多個問題想問
1.架車在10,000km, 因电達不著, 己在車行更換电池, 及start炮仗, 今次是否同一可能?
2.有人話可能火咀問題, 因本人由出車一直未換過火咀及油隔?
3.通常幾耐換火咀及油隔?
4.為甚麼有"咯咯"的雞叫引擎聲?
最後萭分感謝編輯先生的解答
marco_70 marco_70@sinaman.com
你聽到應是電撻摩打的聲音，如果聲音不是微弱的話，表示電池有電。撻唔著車的可能係火咀線冇電去光咀，或火咀狀態不佳。雖然萬五公里未必一定要換火咀，但檢查一下火咀仍是必要。另外還要檢查火咀線的接駁是否正常。火咀的壽命由一萬至三萬公里不等，視乎引擎運作的狀態而定，定期檢查最好。油隔你鐘意每次換偈油時更換又得，每兩次換油先換一次油隔又得。
|
12/2/2003
|
有問題
編輯先生:我想問如果身材矮小既,其實可唔可以騎電單車或者是綿羊仔呢,有冇一個高度限制呢,因為本人真係好想考電單車牌,但係身材矮小,好想知可唔可以考,唔該.
雪瑩 李 quebe0617@yahoo.com.hk
未聽過有最低高度要求。咁究竟你有幾高呢？
|
12/2/2003
|
新車問題
本人是新P牌, 想問下剛買了一輛Joyride200一個月, 行了約800公里,但發現架車好響(開始十天時比較靜), 是否有問題? 同時要保養好架車, 有那些地方需要特別注意呢? 另曾看到貴信箱提及磨合期, 是什麼東西? 謝謝!
Joan Pang joanpang@hkguy.com
咁係乜o野響呢？聲音來自邊處？行了800公里應該係時候翻去換偈油和進行第一次check車。通常都會擰下D縲絲睇下有冇地方鬆左。新車勤換油便足夠。引擎的磨合期係指汽缸壁和活塞的磨擦接觸趨至最完美。
|
12/2/2003
|
我開始上緊強 制 課 ,就到第3堂, 我好afraid 我會fail強 制個exam...其實如果轉彎個時quite快...咁係咪唔係咁好....同埋其實exam include乜野??排期好似要好耐...cause many people ???helmet 用乜品牌好?仲有, before examination ...ｓｈｏｕｌｄ ｉ ｄｏ ｍｏｒｅ ｅｘｃｅｒｉｓｅ？ ｒｅｎｔ ｔｈｅ ｃａｒ？？thank you for your help!!
tang simon nsxtang_2000@yahoo.com.hk
你唔係呀嘛？上到第三堂都唔知考試會考D乜！？你快D租多D車，補多D堂啦。有問題多D問阿Sir，唔問你自己蝕底o架咋。
|
12/2/2003
|
Gyro50經銷商
你們好, 請問除了至愛電單車中心分銷Honda Gyro50, 還有哪一間車行係總經銷或分銷商?勞煩各位！
C.H. Lee chlee@hkiworld.com
香港的Honda總代理係燦基電單車有限公司，但係佢地冇入呢隻車。你見到的是水貨車行自行輸入，可以問下各大水貨車行代訂的價錢和安排。
|
12/2/2003
|
600FS
問1)本人想買一部曾比賽過的CBR跑車, 比賽約2000公里, 不知將來會有甚麼問題??
問2)此類車有甚麼要注意及要 RUN 多少公里
問3)此車約行走多少公里要換偈油,
煩請指教 lamkc
lamkc08@ctimail3.com
落場鬥過的車唔使run-in喇，要注意所有為比賽而改裝的地方都要還原至行街規格，包括啡呤頭尾燈及指揮燈，供油程式，風格，死氣喉，頭尾牙，迫力皮和輪胎。睇睇車架前叉尾擔有冇炒過，是否正型。引擎和波箱有無內傷，極力子片和車鍊要否更換等等。偈油都係每三千公里或每三個月換一次。
|
10/2/2003
|
問人借車
小弟是p牌一名但又吾想買綿羊，請問點先可以合法的“向人借車”呢！又有地麼也保險公司係可一給人借車嘎!勞煩各位！
mike dong2405@hotmail.com
問人借車的意思，係有傻佬肯冒險以後要買貴保險甚至買唔到保險，借名做登記車主，但實際上使用係另有其人。但小心份保險係唔包p牌。
|
10/2/2003
|
請問CB400有多少個版本及年份,外型及姓能有可分別,有沒有特別易損壞地方.如以$20000可買到什麼版本及年份(私讓).
多謝回答少弟問題.
pgo1 pgo1@sinagirl.com
由92年開始的基本版，到有小風擋的Version R和PGM燃油管理的Version S，再到HyperVTEC Spec I 和Spec II。全部最大馬力都係53ps，00年開始有配備HyperVTEC引擎，也改用更粗的160尾胎。引擎在中低轉時每汽缸生死氣瓣只各開一個活瓣來慳油，Spec I超過6,750rpm便開齊四個。Spec II超過6,300rpm便開齊四個。有日本車迷做了一個網可以參考 http://www.tky.3web.ne.jp/~hiroakik/livmoter2.shtml （只做到00年 HyperVTEC Spec I)當然越新越靚，但兩萬元預算便買不到HyperVTEC版本。
|
10/2/2003
|
問題多多的新牌P仔上
編輯先生你好,我想問我買咗一部二手車溫拿180 4沖，現在9500Km
問1：聽前輩講到10000km左右就耍換皮帶和尾牙油是否真的（大修）
問2：我每天返工放工total行13km，但我又有問題，早上晚上開車前需不需耍（着車）等到D機油熱才開車呢？如果誤係副偈會好快玩完，我�m唔知點好，因為我開車前�m不會等到D機油熱才開車一轉�m是6-7km，長企這樣會否好傷車呢？
問3：機油每1000km換最多三個月，每二次換油換油隔一次，是否正確
問4：我買咗尾牌的LED燈(紅色)，請間在尾牌上裝紅色LED，比警員逗時會誤會犯了法治呢？但尾牌2個螺絲改紅色LED應該無事下
問5：NCB最多可以減到幾多%
希望你地比D意見.多多問題的新牌P仔上
siusun2510@sinaman.com
換皮帶和尾牙油唔算大修，費用都係一千幾百。其實要唔要換皮帶要睇番當時車子的表現，如果仍是正常的話，未必話一定要一萬公里更換。暖車習慣係好，但如果唔想等太耐，可以在開車初期慢慢行住先，唔好扭太大油都ok。換偈油及油隔時間表正確。尾牌燈光和車牌螺絲用紅燈，我地唔肯定有冇犯法。藍燈就一定唔得。電單車NCB最多30%。
|
9/2/2003
|
P牌出唔到跑車保險?
我有時行過旺角金雞見到好多掛往p牌o既跑車?_?e.g:cbr250,pgm.......
聽人講好似p牌出跑車要比好貴o既保費@@
chong john johnchonger@yahoo.com.hk
你見到的未必係車主，可能佢地係「問人借車」。
|
9/2/2003
|
01 Honda VTR 250
Dear Editor, I want to ask the performacne and reliability of 01 Honda VTR 250 . I will manily use it for weekend ride only. I am looking for some kind of sport or NK bike, but since there are no more new 250 sport bike in the market and never ride on 600 cc sport bike b4, don't know is the handling ok for me. so i was think about NK bike as a subsititute. U suggest me to go for 600cc sport bike ma, or get VTR 250 sin??I have ride on 125cc scooter for 2 yrs, thx
Vincent Wong vincentwongkc@netvigator.com
I think you should going through step by step, VTR 250 or Hornet 250 both are good choice for 125 scooter advancement.
|
8/2/2003
|
你好,本人是新牌仔一名,剛得車牌一個月不到. 現在心急買車. 現有幾款心水車,kawasaki zx6 , cbr400 另 cbr250希望閣下能給一點意見. 多謝。 祝閣下工作愉快
tsk28 tsk28@netvigator.com
嘩你都好大想頭，新牌想出跑車，重想買ZX6R？告訴你一個壞消息，P牌出唔到跑車保險o架。唸過第二樣啦。
|
8/2/2003
|
編輯先生你好！我今天想去換油格時,車行說新車不用那麼快換,起碼行到五六千時才換,但我之前看過貴網頁,說新車行了一千公里內便要換油,要同油格一起換,因為怕油格裏的碎片會走進引擎,我問車行老板,但他說不會的,只說有時怕會塞油格! 我究竟要點做才對,我覺得你們說的很有道理,但為何車行不想幫我換呢?
Mm Lee mllee@ipm.edu.mo
不是害怕油隔會產生碎片，而是害怕新的引擎活塞，在和汽缸壁磨合時產生的金屬末屑。所以有錢有時間換偈油油隔並無不對，最多只會被人話浪費，但偈油油隔唔係貴，部車重貴啦。點解要慳？你說車行不願替你更換？還是為你著想替你慳錢勸你不要換？照計新車保養有限次數，提早換佢地並無蝕底。如果你要俾錢的話就更奇，有生意都唔做？
|
| |
|
|
|
 |
|
