|
|
|
FAQ常見問題 |
|
|
8/2/2003
|
上斜無力
本人駕駛PGO T-Rex 125cc, 載人上斜(城隧向荃灣)近頂前突然無力, 由90 突然減退到 70 左右, 轉數約 7X 左右, 從前未曾發生過問題. 先前估計死氣喉破裂, 但修補後都無改善, 後來再換尾牙油, 前後風格及皮帶,珠仔,膠珠, 但最後都無改善 (單騎無問題), 車已行21000公里, 請指教! 謝謝
Denny 請勿刊登本人電郵地址」
有可能係離合器墊片蝕左打滑，高轉時咬唔實。
|
8/2/2003
|
超新仔一名~
hhhahaha~~~唔好意思啊~~又有d問題問喇~~
1.剛考到的P牌要掛一年,咁佢係計我考左牌後一年定係買左車後"渣"左一年?
2.18歲是否無可能買到"燕梳"的??(有人咁同我講)
fox austin foxaustin@yahoo.com.hk
一年P牌係以領取暫準駕駛執照起計。18歲出細綿羊應該買到三保。
|
8/2/2003
|
Re: 極到質疑執法者
Hello, I had this kind of experience too. Once, I'm riding my bike with my girl going down form the Peak. Passed a Police road board(Near Shell gas
station). They stoped me. Normally, I gave the ID card and Drive licnese to him. But for a few seconds. He ask me 2 strange questions. He is holding my
ID card and driver licnese at that time.
Police "Mr, how long did you get this license"
I say "I'm not sure, over a year"
Police "Are you P license?"
I say "What? my driver licnese has show it"
Then I teach him how to watch the licnese... so strange... I gave them all my stuffs and let them check but i need to teach them how to chcek too.
Regards
Bad boy funkyshits@hotmail.com
|
8/2/2003
|
事發於2月7日晚上7時左右,我由九龍灣騎著愛駒前往觀塘...當我駛近玉蓮臺時..我在"大路"內看見 "小路"有一部的士想要駛出....當時我與它距離約15-20呎...我的車速是60km左右...想不到這草菅人命的司機竟把載著客人的的士駛出..我被迫把車駛向右方避免意外...結果察身而過...而我後方的專線小巴被迫"狂dup"....因為這的士完全封殺了這路線....-_-"
幸好沒有任何傷亡，當時腦海空白一片.....由於本人是一名基督徒,又是一名p仔,路面經驗只有十多天,而我竟然能流暢地避開這部的士...我認為這都是上帝的作為^^
肇事原因及教訓啟示:
即使在馬路上自己有優先權也不可以掉以輕心,有路口時更要減慢車速...因為"真係會有盲毛妄顧騎士的存在而駛出來"真的要小心,小心 !!!hingb UH150 (message post via crash form)
|
7/2/2003
|
有蓋羊
編輯先生你好！小弟想出架有蓋羊，但因為要走高速公路，所以BWM C1 同 Adiva 150 都好似唔係好好。我見街度有D大羊加左個蓋，其實有冇問題呢﹖會唔會飄D呢﹖幾錢﹖會唔會VOID左原廠保養﹖市面上有冇250CC或以上既原廠有蓋羊呢﹖另外如果P仔冇NCB出保險大約幾錢呢﹖係咪有D車行可以做到上會都唔洗全保呢﹖唔好意思，問題多左D。^^
祝 編安
icacjoewong@mail.hongkong.com
250羊加個蓋都好似幾貴下(冇250羊原廠車款會有蓋)，實價要問番安定車行。原廠保養唔係咁重要，反而加蓋後運輸署批唔批先重要。電單車全保唔係咁流行，好多時保險公司唔會受。P仔出保250羊三保價約兩千零蚊，實價要自己check，每人狀況都不同。
|
7/2/2003
|
極到質疑執法者
2月6號第一次渣車出街,當行到全灣方向迷了路,入到一個唔知係邊到的位,忽然有2個軍裝差佬揮舞佢手中的電筒照往ME,佢地的車就拍係對面線,差佬同ME話熄匙、駕駛執照。我咪跟往就係銀包拿張駕駛執照俾佢。
點知其中一個差佬就開始聲大扮惡不停叫「駕駛執照呀」,小弟有頭到尾都同條差佬講:第一次渣車出街咩野駕駛執照呀(腦中當時係>??!!咩呀唔通有本野叫駕駛執照)之前聲大扮惡個位差佬就鬼咁激氣,話左第一次渣車出街問佢就一味聲大扮惡不停叫我拿駕駛執照,有不斷話我係唔係無牌駕駛,最後條差佬就從佢的銀包取出一張舊版駕駛執照望注我,小弟即時拿自己張駕駛執照大佢話呢張咪係o羅。
個差佬個腦個刻開始發育,D火亦都開始熄埋,個差佬話以為係圖書證(個刻雖然激氣，但覺得佢咁無知，真係想指住佢地笑),最後差佬話大年初唔抄我,2個差佬實質係非常魚即時上車離開。小弟第一次渣車出街就撞著D咁奇事真係唔知激氣定爆笑。邊有可能2位執法者都唔知架??
新牌想問清楚姐洗唔洗聲大扮惡有唔答清楚?????最可惜係唔記得抄佢個編號{日後知能身分證出左干其唔好換容乜以重演<<:講笑}
自此小弟對道路執法者睇法..................................
ETP etp@netvigator.com
不過新版的駕駛執照又真係完全唔同晒樣，第一次睇見都俾佢嚇一跳。
|
6/2/2003
|
極惡泊車檔
本人的電單車在屋企樓下之公共電車位，被食肆的代客泊車的人多次整古，請問有可高見可解決丫！
yeungchunlun yeungchunlun@hotmail.com
他們如何整蠱？刑事毀壞的話應該報警，交由警方查辦。
|
6/2/2003
|
好人好事
編輯們您好:首先祝大家身體健康，人人有工開!!年初三下午，問朋友借左架星艦150玩下。點知行行下架車無晒力，我只可以靠剩餘0既動力行左去慢線。跟住就停左向荃灣路近葵青段，好無助0甘企0向路邊，等朋友幫手。0向等緊0既途中有架fairing車好好心停低問我有冇0羊幫手，佢仲幫我問下有冇 車行 開，不過因為係年初三所以搵唔到。跟手就去試下開唔開到車，不過最後都唔惦。我只好問佢拿左拖車電話就叫佢走先。因為話晒都係高速公路，而且輝哥(唔好意思希望無記錯)又有女友0向到，實在唔係太方便。最後有拖車經過，就放低左三百大元拖左去長沙灣，雖然破左財但係最緊要人無事。我只係想講...果一刻真係好感動，真係十分多謝佢地0甘幫手。當然幫手都要注意安全啦!
另外相問下P仔如想買150cc羊仔，PGO、ET8、SYM 或者有其他好選擇? 想要實用得0黎樣又要ok(雖然樣既野都幾主觀)，最好可以定少少，小弟會行高速公路，Budget大約二萬上下。希望大家都出入平安。
P仔Chan Ten 請不要登email address
綿羊想要穩定，轆大軸距長好重要。ET-8只有10吋輪框不用考慮。PGO T-Rex150和SYM大鯊王150可以考慮。其實150還有有Honda SH150，Malaguti CIAK 150，Italjet Torpedo 150等，200cc有Piaggio Beverly 200，都是大轆綿羊，相對在高速公路上表現會較穩定。但新車要符合你預算的話著實不多，你可以在靚車檔案找到我們的介紹，和在車主報告中找到用家的評語，才決定應否增加預算。
|
6/2/2003
|
編輯先生您好:揀左好耐,初步己下左決定出部GSX750,但今日又聽到人話部車D機件不及HONDA好,而且又話SUZUKI車用耐左D機件又會有雜聲. 另外我想請教街車750cc還有其它選擇嗎?誰者較為優勝? 最後想問問GSX750的失竊高唔高?THX祝貴網工作人員身體健康!!
LKM(請勿刊登本人電郵地址)
十年前的Suzuki，我們不敢說好。但今時今日如仍有人說Suzuki的電單車質素有問題，表示他在這數年間沒有睜開眼睛看Suzuki的轉變。Honda的引擎無疑較為寧靜，但各視乎不同設計，引擎運作有聲音，並不表示出了問題。雜聲並不是鈴木的專利，川崎躍馬的引擎一樣有雜聲，但並不代表性能有問題。同級750油冷街車還有Honda CB750，Kawasaki ZR-7及西風750。論外型論裝備，GSX750絕不是弱者。我們會選擇GSX750或ZR-7，因為是較近代的產品。實務型街車一向都不是高危車種，放心。
|
6/2/2003
|
自我再培訓
你們好, 本人P牌快將期滿.現打算換一輛街車好好鍛鍊一下技術. 因此,希望找一架操控感覺較好的400cc(或以下)街車進行"自我再培訓". 不過,在云云選擇中未知應從那方面入手進行比較 (i.e.車重,坐姿,重心等.對我而言,速度及馬力是較為次要). 本人暫時屬意XJR400, Bandit400, CB1 及 Clubman250, 未知閣下有何意見及有否其他推介. 此外,可否簡介下Bandit400與400v的分別?
小馬(請不要登出電郵地址)
如果速度和馬力都是次要，只是想好好練習一下轉波技術的話，出部二手250街車會是較適當的選擇。樣子唔太肉酸，但又經濟便宜的有Suzuki的Volty 250和Grass Tracker 250，Kawasaki的Estrella 250都是不錯的選擇。但你所提及的XJR400，Bandit 400和CB-1，年份超過十年的二手價錢只是由幾千元至萬多元不等，也是短期操車的好選擇。Bandit 400的V，代表「可變閥門」，類似本田汽車的VTEC技術，在高轉時引擎閥門開啟的幅度增大，讓多一些生風混合油氣提高尾段性能。
|
5/2/2003
|
胎紋方向問題
編輯先生您好。我一向認為電單車的車胎對安全十分重要，很希望編輯先生能指點一二。據我所知，車胎的胎紋主要是把水排走，以增加與地面之接觸面積。所以，胎紋應該呈「V」字形(從前面看)，以達到把水向左右排開的目的。但近期留意到有些車的胎紋則相反，胎紋呈「^」字形，似乎會把水推向輪的前方。另外又發現，前後胎紋方向相反，前面是「^」字形，後面是「V」字形。想請問是什麼原因？
Jim (請勿刊登本人電郵地址)
從前面看，胎紋呈V型為"方向性Directional"設計，是傳統設計，看上也比較順眼。若呈^型則屬Uni-directional非方向性設計，好處是不會把排出的水份帶返車輪前方，令排水性能更佳。壞處是看不順眼，胎噪也會稍高。若前後胎混合了Directional和uni-directional的胎紋設計，表示設計者相信頭輪能處理掉大部份積水，尾輪不需用到uni-directional設計。
|
3/2/2003
|
Dear Ibike Editor:首先祝貴網工作人員身體健康,萬事勝意!小弟的車是freeway250,但近排耗油量很大.一缸油行得160多公里,是什麼問題?正常一缸油可走多少公里?行斜路多及雙騎得多會否有影響?唔該
Ben Ko (don't show my e-mail)
行斜路和雙騎當然會影響耗油量，但你部車的耗油量都唔係咁正常，Freeway一缸油慳慳地可走230km以上，先檢查胎氣，再睇風格。
|
3/2/2003
|
新車一問！
編輯您好：本人是一名新牌仔，新車（125羊）落地約個半月，行了大約1400km，想問：
1. 一般磨合期大約要行多少km？
2. 磨合期間有咩地方要注意呢？
3. 本人多數是行70-90km，不過好間中會過100km，係磨合期間行過100km對部車會否有影響呢？
4. 呔氣一般要打幾多磅先適合呢？
5. 點知幾時要換偈油呀？有人話可以睇顏色，唔知點睇呢？
6. 駕駛新車有咩地方要注意咩？除了偈油，有咩東西要定期更換呢？
7. 皮帶幾耐先要換？點解會斷皮帶呢？行緊車時會否斷皮帶呢？如果會，有危險嗎？
多謝解答！bassoon bassoon@mail.com
我們認為兩千至三千公里為適當的磨合期，但坊間認為一般細羊的磨合期一千公里便足夠。磨合期要注意引擎轉數不要超越可用轉數的七成，速度應該時快時慢，操作柔順，勤換偈油。你部新車行左千四公里應該換了第二次偈油吧？以後每一千公里便更換吧。新偈油行一陣就會變黑，睇色唔係咁準。新車唔駛擔心咁多o野，保養時車行會提你。皮帶視乎質素，名廠可以捱兩萬公里，雜廠行幾千公里便要換。皮帶到期係會斷架！行車時斷皮帶會幾危險，唔好搏！
|
3/2/2003
|
1. 我想問新牌仔係唔係一定出唔到手波車?? 如果真係想出,可以點? 或者出一d馬力較低得唔得, 例如 SUSUKI SW1.
2. 什麼叫第三保??
3. 有"左"牌幾耐先可以出手波車??
1thwpks4 1thwpks4@sinaman.com
文職夠歲數有私家車牌的話，P牌好似出到手波車，否則要等甩P後先得。詳情自己問下保險代理，因為每人情況都唔同。簡單來講，第三保的意思是保險公司會承擔駕駛者以外的人命和財物損失。
|
3/2/2003
|
買日本翻新車的問題及車行的操守
本人在本月1月20幾號在車行買下cb400 vs原價錢$32000我用老羊VXR180 換 cb 400 vs後來交易ok，在晚上取車後過了幾日本人行了約80km一江油都無發現條車呔有條很深的爆裂,條呔都無泙及不是新鮮爆裂的漏氣口,因無時間及新年到後來本人為用得安心用了補呔的打針鋒補,後來就出問題喇,後來用了二條打針鋒補都有D漏氣,本人都無法可然,後來打電話到車行,車行說你自已補爆就要換個條呔,我各得車行都知,應該根好先交車比人,請問可以點做啊?請你們指導謝謝!!!!!!!
tsang_family tsang_family@ctimail.com
買二手車係咁樣，車行好難話每部車由頭跟到落尾，睇下有冇問題先交車。只要著到車，轉到波，煞到車(政府驗車都係咁)，就會交車。車行多做工夫的話，成本會貴左，打埋落售價到，買家又會話貴。只有自己拿車時睇清楚。再講番你條胎，都好難向車行證明係事前存在，所以車行應該唔會負責。
|
1/2/2003
|
一大堆的問題~~~
因為本人是買二手majesty 250 dx 版的，但發覺起步慢了一點，是不是dx版是起步慢d？我看見它的死氣喉不是原裝的，會唔會關事？還是有什麼方發可以改善？如要維修什麼價錢？本人試過載人(本人是155磅，乘客133)，發覺由屯門回天水圍，有很多的斜路，最多可以去到60-70到，是不是有問題？唔該哂~~~~~~^0^
takyu999 takyu999@sinaman.com
應該是改裝死氣喉的影響，令到頭段表現減弱。如果你借到原庄喉的話，一試便可以知道是否問題所在。極速有問題，則關傳動皮帶和普利珠事，Majesty 250上斜雙騎極速最少應有80-90km/h。你部車行左幾多咪數？係時候檢修一下了。
|
1/2/2003
|
比人撞應如何處理
你好,本人是新手一名.騎綿羊在馬路上比人從撞,但損毀輕微,應如何正確處理?
Aries 不要刊登我的email啊!
如沒有人命傷亡或雙方以外的第三者財物損毀下，先把人車移至安全地點，再商討和解賠償。我們有一份參考表格供雙方填寫(請參閱知識技術)，如果無法達成和解，或事件涉及人命傷亡，或損毀公家財物，則要報警求助。
|
1/2/2003
|
編輯老哥: 本人是一名新牌仔。我返工要由屯門到尖沙咀,想買一架綿羊,大約$10,000到!!復古定係d大羊好呢??請給我一些意見吧??
可給我一些車款參考嗎??thx~~
ming125 ming125@inaman.com
走長途永遠都係大羊好。但係你預算似乎相當有限。情況許可的話不如供部新車？Honda Foresight 250平平地分兩年供都係每月$1734。
|
1/2/2003
|
新手問題
你好，本人上星期出左部全新台鈴星艦150，以下有少少問題想請教：
1)新車run in係唔係大約一千公里？咁係唔係頭一千公里就要換偈油(車行話)？
2)我有朋友話綿羊應該頭五百公里就要換偈油，係唔係真？
3)當我未起大架時著車，發現尾轆在轉動，但係當我回程泊車時故意未熄車便落大架，
但是尾轆並無轉動，是否正常？
4)當凍車著車時試過不斷窒油，新車算唔算正常？
sky skyline2029@hotmail.com
磨合期唔只一千公里，新車首次換油也不應等待一千公里先換。錫車的話，偈油應該換密D。綿羊換油咁平，主要睇你有冇時間。著車時起大架發現尾輪輕微轉動，熱車後卻沒有，可能是凍車時怠轉較高，所以導至尾輪輕微轉動，當熱車後轉數回落，尾輪便不會轉動。這主要是自動羊的離合器操作是利用離心力操作，和引擎轉數高低有直接關係。凍車窒油，唔可以話唔正常，但也不是十分好狀態。
|
1/2/2003
|
ZZR400
Dear Editor, Please comment on Kawasaki ZZR400. Is it a good bike?Please keep up the good job and have a wonderful new year.
KC (Please do not show my e-mail address)
ZZ-R400 is a user friendly bike which is made for longer distance cruising when comparing with ZXR400. To judge a bike is good or not mainly depends on your own needs and expectations. Of course we must consider the price, haha.
|
30/1/2003
|
words to月租停車場遺失頭盔, RVF事件
It's really a pity to you, I also feel that even I want to buy some ideal bike models, but just concerning the problem of security, it makes me scared!!!
I would like to ask Net Master that if some properties lost in a hired car park, isn't it the managing company of the car park must take the responsibility?! A car park should has enough security guard or any facilities to tackle the problem of security, but not just the cashier staying there! Otherwise, all of the car parks would be the places to gather good bikes for thefts to steal without any deterrent?! I think the managing company should bear a part of the responsibility of any lost properties in their controlled place.
Benjamin Wong benjamin_wmw@hotmail.com
Your car parked in the car park is not under "Custody" condition, so they are not liable to any property loss from the car park users.
|
29/1/2003
|
買易手車秘技
因有朋友睇過我登之買易手車文章,想問我有無心得秘技,老實講..無..但買車多年,有少少經驗可比下家參考,其實 買電單車要注意以下各事項；
1.行多幾間(唔係睇車而係睇人,睇吓有無人上門投訴,睇吓個sale多唔多吹水老唔老實)
2.帶多幾過friend一齊去(可以大吓個sale,扯吓貓尾,講價都易D)
3.睇吓車書(睇吓原裝車D配件,再睇吓架易手車有D物野唔同,換咗D物就係抄過果度,因為大多數易手車行D車返果陣所有Option一定拆晒一件不留,除非果度抄過)
4.因無得試車,叫個friend辨白痴仔攪攪吓,着吓車,坐上去摟吓油,到時唔買走頭個sale都 吹你唔漲
5.總之慢慢來,睇定D唔好禁快比錢呀
注意 : 無一間車行百份百老實,在商言商一定有D嘢,其實係睇你自已增爭取得幾多啦!
點解買易手電單車無得試車，買易手私家車都有得試車啦(單車都可以),大那那幾皮野買車都無,有無離譜D呀!!!無物保障.佢地話就話有3個月保養,到時壞咗求佢整就玩嘢啦.請各大車行想想法子.註 : 在外國可以自己試或有試車員車你都得,當然比佢登記左車牌先啦.
肥陳 egcl@netvigator.com
|
27/1/2003
|
Chopper
Thank you very much for your advice last time. You guys are really efficient in answering our emails. Recently try a chopper and love the feeling of cruising around ...I'm now considering buying a chopper: Dragstar 400 Classic / Shadow Slasher 400 / Shadow 750.
1. Dragstar Classic is very popular in Japan and Europe. It is shaft driven with low maintenance costs. However it has a lower demand & resale
value in HK (when comparing to Shadow). Is it due to the following reasons???
i) Air-cooled V-twin engines are not suitable for HK's summer. They are much hotter than the water-cooled engines of Shadows.
(ii) A 400cc engine is not powerful enough (not as Shadow 750) when driving a 224kg body. Problems will arise when carrying two persons on highways ...
2. Shadow Slasher is a newer model than Shadow ACE. However not many people in HK are interested in this slimmer / lower seat height cruiser. Is
it just because of the looks or what? Could u briefly compare the two kinds of Shadows (in terms of cornering / handling / power, etc.)
3. According to most people, a beginner with some driving experience, (say 4 - 5 months), should have no problem handling a medium weight cruiser
(providing you could cope with the weight of the bike). Does it make much differences between a 400 cc and a 750 cc chopper?
Thank you again for your great advice !!!
Thanks & best regards
Retro biker (pls don't show my email address and real name from the mail box.)
p.s.You could reply in Chinese
唔淨只係Dragstar 400 Classic，好多車款，甚至牌子，係外國好興，但香港就唔興。原因包括各地不同潮流，車迷間的審美眼光和地理環境等因素。你擔心Dragstar 400 Classic會過熱冇力等問題都不是事實，但在港數量較少的原因是Classic版過於大件，泊位相當麻煩。其實美式巡航車在香港受歡迎的程度，近年來不斷下跌。每有電單車雜誌不信邪，用美式巡航車做封面，該期的銷量便馬上下跌。車行引入的巡航車數量也敢太多，因為去貨較其他車款慢。原因可能是美式巡航車有很多電鍍，打理需時，在經濟差的日子，人們沒有心情打理。另一個原因是現在豪華綿羊越做越大，論舒適和儲物量都遠勝巡航車，導至人們對中小型巡航車的需求減少。
你說的兩款巡航車我們也沒有試騎過，所以無法提供意見。至於新牌能否駕馭中型巡航車的問題，我們認為不能。不能的意思是騎士當然可以控制機車，但要提心吊膽地駕駛，小心奕奕地落腳，泊車時對空間運用一籌莫展時，便談不上駕駛享受。400cc和750cc的巡航車相差不是太遠，因為先天性的設計，以越大臺越笨重為榮，加上長軸距，長拖曳距，超重車身，低座位，完全違反運動性能的設計，駕駛400cc巡航車也可以好辛苦。
|
27/1/2003
|
貴行提供的資訊很實用.本人剛出雙糧,很想買代步新車(每天由將軍澳到尖沙咀).請賜教及提供有關問題
a,兩氣缸500cc 和 四氣缸400cc有什麼差別. 指數顯示不論是扭力或馬力都是不相伯仲.為何車價相差不少.
b, 聽問500cc 油費比400cc 平宜呢?請問500平均幾錢一公里?
c, 本人卻買鈴木Gs500 和 kawasake ER5 那一款比較實用呢.風泠系統如在塞車時最多可停留多久呢? 謝謝
心急人上Boris willpower@i-cable.com
論扭力應該直二500較直四400較佳。但引擎轉數的活躍性則以直四400較佳。直二500的車價較直四400便宜的原因，是因為製造技術和相關配套都較簡單。直二500屬於實用車款，不會太靚。直四400是玩樂車，在日本本土市場，最多人擁有的是中型車駕駛執照，他們不能騎超過400cc的電單車，所以對400級的車要求十分高，所以料靚十分重要。你可以看看輪胎，掣動系統，供油系統和冷卻系統便知道。
由於直二500的常用轉數比400低，油費可能會差不多甚至比直四400更便宜。視乎駕駛習慣和出入路段，一般都約在五、六毫子一公里。
論實用GS500和ER-5都好好，但ER-5用水冷，可以話係優點，又可以話係缺點。水冷容許引擎壓縮比做得較高，可以有更高馬力。但日常保養要顧多一瓣。風油冷設計的引擎在壓縮比上較低，製造的熱量較小。別擔心風油冷的車會很容易過熱，現役警車CBX750都冇問題，即使係水冷車，車主手冊上都有講停車空轉不應超過5分鐘。
|
27/1/2003
|
香港的易手電單車行真係無一間掂;
1.D車又舊又貴，大多數都係入D日本事故車再番執當好車賣。
2.無得試車，有D離譜到連着車聽吓聲都話 NO!!有無可能呀大佬。
3.又多老吹，之前又物都話得無問題，到比咗文件落咗訂就玩變面，屈得就屈，我 以前就試過落咗訂但出唔到保險而被屈買D垃圾細車(當然唔肯回水)。
4.完全冇保養，出車前又話會換風油隔換機油洗 carb.，攞車果陣就連車都無洗 過，個油缸封晒塵機油黑媽媽，架車完全挍過就交車。
5.冇保障，我試過有架車出咗約一個禮拜，前brake膠喉溜油返去整，一陣又話老化一陣話我撞過唔包，總之要比錢整。
6.收費奇貴，換火咀4支一百換機油2.5L連油隔又四百，合共五百大元(註:話免人工)，後來我先發現原來人工貴過料(火咀NGK/R $12/支，10/40w elf機油 $60/L，油 隔 $50/個 1 set買有九折)。
所以現在本人出易手車多數做私人賣買，起馬可以試可以問大家車友交流吓，好過比車房屈。
肥陳 egcl@netvigator.com
樹大有枯枝，族大有乞衣，又唔可以一竹篙打一船人o既...依家資訊咁發達，車行為保商譽，都十分注重服務質素。
|
27/1/2003
|
problem for CB400 VTEC I
本人剛由bros400 轉决CB400SF VTEC I, 往時部89bros400在6波行120km/h都只是6至7000轉左右,但是現在我01cb400vect行相約速度要成8000轉,本人換了只是兩個月不到,換車前已找了相熟車房換了偈油,火嘴,油隔,但總覺得馬力和往日的10年bros冇太大分別.現有下列疑問請指教:
1.是否部車某方面配合不好而引致馬力輸出有問題.如火嘴不對(白金火嘴) or 排氣管(中男喉)等.
2.部車慢車時低波行車(1&2波)不太暢順,好似有D窒油feel???那處有問題呢?
3.近日開車後數分鐘(around 10 mins),高速急停車(70-80km/h)時,架車就會死火,是否這種車必要拖波先不會死火,但我都只是由四波dum停,初時以為天氣冷關係,但今天回家後都開左成30mins,架車都好熱啦,但dum停又死火,莫非我油門control不善?!
4.CB400vectI最好換那呔最適合,很多網友推介bt90, 對嗎?
5.晧解部車的轉數表會去到15000, 但往日bros400只去到10000?
Moonriver lykwan1@i-cable.com
直四引擎的活躍轉數區域較V2引擎高，架CB400SF VTEC I的最佳表現往往在九千轉後出現，睇番規格表，最大扭力在9,500rpm先出現，最大馬力係11,000rpm，你成日係8,000，梗係覺得唔夠喉啦。你以前用開Bros400，V2引擎在同一轉數下低扭輸出會比直四好，所以你覺得架車窒下窒下。至於收車會死火呢個問題，點解會死火有好多可能，要檢查先知。但係四波行70-80km/h，收車竟然冇做任何拖波動作，咁你幾時先會扣極力子呢？太早扣就空波滑行，重危險。遲扣極力子又驚四波會被拖死。你再唸下搵唔搵到答案？
|
27/1/2003
|
編輯先生您好^^又係我ar,上次多謝你地抽時間解答我既問題(我已經決定買burgman150嚕),買車前我有很多問題要思想(經濟能力,個人技術,愛駒被偷承受得起ma?)其實我最擔心是被人偷去...正所謂居安思危...萬一不幸被偷......相信我都會down一排...所以a..想問問編輯先生,d壞人通常會用咩手法得手呢?我住的只是公共屋村....雖然出入口都有閉路電視...但始終唔放心a...我知道沒有方法阻止....但我可以做d咩去拖延呢??
祝 新年快樂 , 身體健康 , 工作愉快^^
Hingb320 (別刊登我的email^^)
最絕的手法係成部抬上貨車，有閉路電視都冇用。唔偷你就冇事，要偷你一定偷到。落多D鎖攬柱會好D。
|
27/1/2003
|
想買車!!
您好,編輯先生:本人最近打算買750cc的街車(ZR-7 OR GSX 750),因本人個子高大及經常載人,所以想請教以上哪一型號會較為穩定,耐用又夠力!!(P.S. 因本人經常出入高速公路,同最緊要係爆炸力發圍果下)謝謝!!
Lung lawrencelung@hotmail.com
四衝程四缸750街車，部部都好耐用。以你提及的兩者為例，為別取自同廠舊款的跑車引擎為藍本調較，他們的引擎都經過長時間的考驗，可靠耐用。以這級數的實用街車，都係睇個人偏好而定。若論爆炸力，N年前分別騎過兩部車，記憶所及好似係GSX750高少少，但唔敢肯定。
|
27/1/2003
|
本人age20,諗住過左P牌,可以出番部CBR250,點知打去問佢話至小22先得,原來等左成年都唔可以抯跑車,真係可惜.另外我想問有咩方法/途徑可以知道邊度有影快相呀,因為聽人講有dcall台可以話你知邊度有快相, 請指點一下.thanks
shingchit chan 「請勿刊登本人電郵地址」
警察網頁有講：http://www.info.gov.hk/police/aa-home/chinese/home-c.htm
|
25/1/2003
|
好想買車,但有唔識野
編輯先生你好!小弟數日前剛取得車牌,有多個問題想問
ETP etp@netvigator.com
1.二衝是否比四衝食油?兩者結購係?
二衝程的曲軸每運轉兩次便可以點一次火，四衝程則要運轉四次才點一次火，所以二衝引擎功率較高，但也較耗油。
2.二手250跑車有邊隻好(一萬上落,易操控)?
CBR250R？
3.購二手250跑車有什麼特別注意地方(小弟係超新手,麻煩編者大人賜教)?
你條問題寫一本書都得，總之年份高的細cc機器，聽到都驚。盡量有咁新年份買咁新年份。
4.如不幸趴低,二衝同四衝整大約差儥?(因常看編者說二衝跑車停產已久，現存車輛年份也高，加上新零件十分昂貴..小弟想知貴成點?)
二衝跑車的維修費唔係來自炒車，而係二衝機器的部件壽命短得可憐，行得幾萬公里便最好更換引擎活塞，但係部車買番來先係一萬幾千，淨係整車都要四、五千的話，咁你話貴唔貴？
5.小弟110磅感覺二衝車比四衝輕D易操控D編者點睇法呢?
身型不高大的人往往會喜愛二衝跑車，因為輕和窄。身型高大的人則相反。
6.250跑車三保大約估計?(有過心理準備先)
P牌應該出唔到保險。唔駛唸。
最後萭分感謝編輯先生的解答
|
25/1/2003
|
為何150cc不宜常行highway?
到底道理是什麼? 如用150cc又對架車有什麼傷害?是否250cc就不用1000km就換偈油?我常行highway, 但又睇中了Burgman150, 她是否真的不宜我用?網友常說行highway, 250cc較適合, 不過太貴了, 我想知Beverly200可以代替250cc嗎? 因她也有21匹馬力, 而價錢我可接受。 (當然我首選係Burgman150啦)thanks~
KK abalone_club@hotmail.com
如果這個世界只有50cc, 90cc, 125cc和150cc綿羊的話，當然150cc綿羊是最適合行走高速公路的選擇。但當我們有其他更高排氣量電單車的選擇時，150cc綿羊便會馬上被比下去。在同一設計和技術下，排氣量的大小是影響性能的絕對因素。當然有人會說我駕駛400cc綿羊只是平均跑110km/h，150也可以跑這速度，為何我需要換400呢？在現實世界中，我們講求的是加速的能力而不是極速的數據。而加速力的表現是由扭力的大小所操控，扭力的泉源，除了可以透過活塞的形狀和汽缸活瓣的開啟數量和角度，作出有限度的影響外，最主要還是源自排氣量的大小。150綿羊的加速力有多少大家心中有數，要提升到安心的速度，除了時間較長外，引擎也需要時刻發揮得淋灕盡致，壽命自然會有影響。加上車身輕，高速行車時的表現一定不及大車穩定。
什麼里數需要更換偈油，基本上可視乎偈油的容量有多少而決定。試想你開一盤水洗碗，水盤中的水越少，水便越快髒。小綿羊一般的機油容量約在一公升，大車有三至四公升機油或更多，所以小綿羊要勤一點換機油便是這道理。250綿羊的機油容量比150多，自然可以走多一點路才換油。
如果能力有限，可以考慮出舊車。日本製造的250水冷綿羊，即使買舊車，質素和性能也十分可靠。但係如果又冇錢又想買新車的話，只能放棄性能來換取。自由市場的價格由供求制定，商品的質素高，需求自然大。點解大部份二手日本綿羊的價錢重貴過150新車？道理就係咁簡單。
|
25/1/2003
|
newbby need advise
Hello, I would like to have the advise for I am going to have the licence, so would like to know which is the suitable bike for me. I live in Tuen Mun and need to travel to TST everyday. Since my wife is going to have her licence too which model of scooter would be good for her. She also need to ride to TST everyday. thanks in advance.
We can't see the difference between you and your wife's to choose the first bike in your life. Both are going to have P license and will tracking the same route everyday, so make your decision(s) solely depends on the budget, to buy 250/400 scooters or 250 street bike is the best choice. We always recommend new bikers to pick Honda CH250 Freeway, Foresight 250, Majesty 250(old version), Suzuki AN400 and Honda CB250 for long distance purpose. However people who are not willing to pay much but would like to have a new bike will rush to 150 small scooter, which will soon be regretted after their skill and desire of speed growth..... Please don't get me wrong, 150 scooter is the best short distance communiter or serve as second bike (when you get a bigger one), but not the best choice of passing through highways, slapping by crosswind and chasing by trucks everyday. May be some 150 owners don't agree with us, but if they get a ride on a machine over 400, then they will realize the huge difference.
|
24/1/2003
|
小弟是p牌(手波),現在想出150既小羊渣下,心目中已有數款車(Maxster 150,ET-8,Majesty 125,UH150)不知道你們認為呢幾款車那一部會適合我呢祝身體健康,工作愉快^^^^
hingb320 (不要刊登我的email啊,thanks)
其實150單缸小綿羊的性能相差不會很遠，應按自己的需要考慮，例如載人載貨，外型，價錢等因素來選擇。要載人載貨揀UH150，要外型威武揀Maxster150或Majesty 125。要外型可愛揀ET-8。
|
24/1/2003
|
小弟本人19歲 想問下考電單車牌是否要擁有2年以上私+車牌?如果新牌仔買部二手車 NSR PGM III適合嗎?保費,牌費大概幾多?total出車費用要多少?thx
chong john johnchonger@yahoo.com.hk
考牌只需年滿十八歲便可，不需要有私家車駕駛執照也可報考。新手不適合駕駛二衝跑車，因為引擎輸出特性不平均，加上日本二衝跑車停產已久，現存車輛年份也高，加上新零件十分昂貴，導至大部份機件的狀態偏低。保險公司也不會受保。電單車牌費每年$1314，總出車費除了車價和保險牌費外，也要預備騎士用品和鎖車用具，舊車也要預一定費用修理或更換消耗品。
|
22/1/2003
|
本人有一個問題想問,其實行貨車同水貨車有咩大分別??但如果我買左水貨車又要注意D咩??
choi mei hang 不要刊登本人電郵地址..
視乎當地對馬力和廢氣的法例要求，車廠會按不同市場製造不同版本。例如一般日版的大馬力電單車，馬力會限制在100ps之內。當中美洲版和歐洲版也會有少許馬力分別。視乎該地的交通系統是左軑還是右軑，頭燈會調較偏左或偏右。但如果水貨商的貨源是和總代理一樣的話(機會比較微)，則可以說本質上並沒有分別，但實際分別是售價和保養服務。
|
22/1/2003
|
電單車防盜問題
你好, 本人想分期付款買600cc 新跑車, 但看了報失投訴版後, 發覺偷電單車的事件也不少, 而且得手機會也頗高, 本人害怕呢類新車容易引起賊佬垂青而被偷. 個種打擊絕非本人可以承受, 所以遲遲未能下定主意. 本人想問賊佬偷走電單車一般會採取甚麼方法. 而一般車主又如何防範.
Lam Mo Kin 請不要示本人電郵.
難搞的車一般都會成部抬上貨車走人，易搞的車會當場拆鎖騎走。對於專業的開鎖賊仔來講，沒有開不到的鎖，差別只是靚鎖會用多一點時間矣。所以基本上係冇得防，只能做好本份，每次泊車都落車套鎖車，有柱攬柱，唔好泊死同一地點。最好係泊係貨車去唔到的地方。悲觀D講，唔好出一部自己蝕唔起的車，其餘聽天由命。
|
22/1/2003
|
我部綿羊的頭胎在中間位置爆了一個很小的洞,但現已補了,想問是不是可以繼續用呢?安唔安全呢?因條頭胎(Sawa MC4)只是行了2000KM,條後胎三個星期前在中間位置都爆了一個很小的洞,但現已換了Dunlop的胎.
另外想問我部綿羊的頭Brake有時會發出一些adad聲,無論在行車中或是煞車時,是不是新換Brake碟和Brake P關係?或是沒有Brake油呢?
希望你們一一解答 ---Thank you very much---
Dicky Please don't show my Email A/C
無論咩情況，車胎製造商一定會建議你更換新胎唔好補胎。但現實世界中車胎係要錢買o既，有得補梗係盡量補。但原則係胎肚冇得補，缺口太大冇得補，一條胎唔應該補多過兩次，補胎後的安全極速應該要降低兩成..前掣動操作時有聲，可能係新皮未和剎車碟磨合好，又或者唔夠迫力皮，又或者積左好多迫力粉，唔關迫力油事。
|
21/1/2003
|
學車 question !!
-你好！我剛考完強制試、已經有學牌、理論上我是否可以自己渣出街、若是我借朋友的電單車再加學牌在車頭及尾便o.k嗎！
-另外、甚麼時間是不准學車的？
-若在學車期間超速而被鐵馬捉到，須扣分及罰款嗎？
-新牌是否只能出綿羊而不能出跑車及街車？
-另外新牌買三保及全保各要幾＄
網_路_上_的_芳_鄰 sriumboy@netvigator.com
學牌重要購買了學保先可以出街。車款係指定的小車款，朋友的車不能騎。學牌好像在午夜十二時後便不準出街。捉到的話，最碼係冇有效第三者保險。詳情係點我地都唔知，因為我地未試過。對，新牌只能出綿羊。三保費用約二千元，電單車一般都不接受全保，綿羊全保要問下奧士車行先知。
|
21/1/2003
|
自動波車快速收慢車
編輯先生你好!我駕駛開波車,想知自動波車在收車時要怎樣做(在快速收慢情況下)才正確,thanks
強少 a911z@yahoo.com.hk
最好用晒前後掣動，先扣後迫力再扣埋前迫力。視乎當時波箱比率，如果在高波時可能要俾啖油等佢變低波加強引擎牽引力。
|
21/1/2003
|
綿羊仔
自己騎電單車已5-6年了,但近年發覺越來越多綿羊車手,無論在任何速度下,直路,灣中,都喜歡同行車線中近距離超車, 日日總遇兩三次, 最近不足呎半,會不會累己累人, 有沒有品, 危險與否我都不打算在這裡研究,有經驗的駕駛人自然明白, 但希望ibike能聯合其他香港的電單車刊物聯合發揮影響力向這群危險綿羊勸導一下, 相信大家都不想轉轉下灣無啦啦比人隊炒.
Richard 請勿刊登本人電郵地址
其實如果呢類人如果能夠吸收炒車報告的經驗和心得，便不應再這樣駕駛。但呢個世界有一種人係唔識得係錯誤中學習，冇人可以幫到佢。
|
21/1/2003
|
編輯您好:本人有185cm高,自取牌以來己有抯CB1兩年經驗,現在正考慮換車,CB-400 Vtec,Hornet 600 or900,可否給予意見~另外想請教一下皮手套的清潔方法,thx!!
LKM 請勿登本人電郵
閣下有足夠駕駛經驗，身型又夠晒大件，如果財政狀況許可的話，應該換Hornet 900。適合懶人的皮手套清潔方法係：雙手戴上手套，然後把牛魔王倒在手套中，好似洗手咁動作搓下搓下咁，手套好快回復亮麗。
|
21/1/2003
|
肥可唔可以學電單車
你好，我係肥仔黎架.但我就想方便D就想去學電單車.請問可以的嗎?如要學自動波好定手動好呀?
學完之後買車是否要買比較大馬力的嗎?如要買綿羊有什麼好提意比我呢類人
O Brain manunt@hotmail.com
肥胖絕不是駕駛電單車的障礙。你咁樣唸未免有點妄自菲薄。學車當然係學手波好，起碼將來你可以選擇駕駛手波或自動波。第日買車當然買部較寬闊的電單車比較舒適。大馬力的電單車當然好，但要視乎保險問題和本身技術是否能應付。將來考到牌後，出部250豪華綿羊應該夠你用。
|
21/1/2003
|
VXR200 走公路會飄嗎?
編輯先生您好~本人於上年8月已經取得電單車駕駛執照,可是由於經濟問題, 遲遲未能買車,直到今年終於可以實實在在地考慮應買什麼車.經過長時間的觀察與友人給予的意見,暫時考慮買Runner VXR 200,原因時本人要經過來回屯門公路及西九龍高速公路,各方好友及新聞組朋友都勸告本人需要250cc或以上的車,可是發現Majesty 及 Burgman 的新車價錢實在不能負擔,二手車的價格也差不多要3萬多,經過比較其他車後, 發現VXR200 的馬力有21ps,相信馬力足以應付經常行駛高速公路,可是後來有朋友說他朋友6呎高, 駕駛Beverly200 經常行駛屯公,發現車子有飄的感覺,聽此一話後, 打動了本人買VXR200 的決心,因為發現beverly 馬力與VXR200 差不多,可是Beverly 車重比VXR200 差不多多了20kg,而我的身高也是差不多6呎,因此怕VXR 飄的情況會否更甚,在此希望編輯大人可為小弟分析一下,VXR200 是否適合小弟使用.或是在大約三萬圓的情況下,本人實在應該考慮二手的Majesty及Burgman ?最後一個從新聞組看見的問題,發現頗能涵括基本的問題:一架綿羊點先為之宜行公路呢? 要睇d咩因數?煩請編輯大人解答~
小魚兒Alex Lau alex9668@sinaman.com
其實你唔駛太擔心。係要「飄」起上來的話，行highway即使係AN400一樣會飄。CB400SF一樣會俾風吹得東歪西倒。風大時只要把車速收慢
便可，切勿緊張反應過敏。呢樣o野主要講習唔習慣，所以VXR200是否適合行Highway，主要是睇個人對速度和穩定性能的要求而定。至於你話一部綿羊點先符合行走高速公路呢？好簡單，法例要求排氣量在125cc或以上就得。當然轆的直徑越大，軸距越長，車身越重，穩定性會相對提高。如果你要搵部唔飄的綿羊，相信要孖盤綿羊先得。
|
21/1/2003
|
1. 請問當我去車行換偈油時,他說用好些的偈油(貴D), 部車會"爽D",請問真的嗎? "爽D"的原因是什麼?
2. 用好的偈油又話對部車的保養會好D? 尾牙油就可用一般就ok, 請問何解?
3. 你們有否想過加一個討論區? (不是新聞組), 又可以貼自己部車D靚相.
不知你們有否發覺我這個月已寫了幾封email給你們, 因為我上個月才發現你們的網頁, 真是太好了! 我現在每天一定會看, 雖然我不是住在香港, 但我也十分支持你們, 祝業務烝烝日上
Lee Ming Lung cheong2@macau.ctm.net
貴價的全合成偈油，在高壓高熱下仍能在機件間形成油膜，發揮潤滑和保護作用。尾牙油是齒輪雪油，級數不會相差太遠。現時已有太多電單車組織利用MSN Group做討論區和貼圖區，我們不需重複。
|
21/1/2003
|
新牌問題
您好!本人上年八月買了Honda SH150 抯了一個月後因個人理由賣了, 但並沒有CUT保單.現有些問題, 煩請解答一下 :
1. 若我再買另一新或二手車, 可否轉到此車上?
2. 因工作關係, 需由馬鞍山來回元朗工作, BEVERLY 200 是否適合?
3. 此路程是否對新牌十分危險?
4. 如買新車, 需注意什麼? 是否要抯得很慢很慢!? (很難啊! 因此路段大部分也是110KM!!!)
非常感謝!
LOK maxlam@i-urban.com.hk
你份舊保單重有半年先到期，應該同保險代理申請轉新車資料，會收幾百蚊手續費，但係唔駛出過新保險。行呢段路，Beverly 200己經比好多其他駕駛小綿羊的車友幸福！
新牌危險的主要來源是對車輛操控及路面經驗均不足所至。如果駕駛技術不足再加上判斷力有問題，條條路都咁危險。買新車要注意什麼？唔....分期供車的話要注意提交的文件是否足夠予財務批核o卦？另外要俾時間部車磨合，你走咁長途，好快run-in完啦！
|
21/1/2003
|
lost of bike cover
Dear editor, I wonder why the downturn of economy like this. I locked the bike cover at bike parking in Sheung Shui. However, someone uses lighter to burn the ring of the bike cover, and tear off the cover with only the lock and the ring of the cover left! Poor economy and poor guy stole my bike cover, and I suspect he is a smoker, hoping he deserve for what he acted.
Benjamin Wong benjamin_wmw@hotmail.com
咁樣佢咪冇得鎖住呢個偷番來的車cum？好cheap呀！做賊都做得cheap過人！
|
21/1/2003
|
好驚呀
老編你好, 今天的遭遇使本十分之擔心, 雖然我沒有受傷, 事緣今早上班時間約8:30PM 本人正駕駛X9 250上班, 由營盤街經過順寧道預備出轉左出青山道, 每天如是, 當時燈位正是紅燈, 但前面有五六架車, 第三輛是小巴, 本人由車龍的左邊沿路向前進預備到燈位前停下, 正當本人以時速不到20公里之車速駛到那輛小巴時, 忽然有一男子由小巴右手面車頭衝出來撞向本人的老電, 當時本人和車一起向左跌下, 他亦倒下, 本人沒有受傷, 並立刻起身看看他的傷勢, 見他托著左手狀似受傷, 本人便向他問是否需要報警, 但不知他是否驚魂未定還是趕時間, 他沒有回答我的問題, 而我亦見到小巴司機問他是否受傷後, 他即上了那小巴, 然後那小巴亦駛離現場, 剩下我和已倒下的羊, 當時我想是否要報警, 但一來趕時間, 二來他亦已離開, 所以沒有報警便駛離現場了.但後來越想越覺不妥, 最後於當晚到了警局備案才稍覺安心, 請問閣下意見, 我現在是否洽當呢?
另: 在往警局報案的過程中, 有一件事令我不吐不快的, 就是當晚回家後, 由於心裡不安, 故曾致電交通部尋求協助, 他們亦很好人, 指示我可以備案的方式, 到任何一間警署備案, 但當我到深水埔差館查詢時, 本來我向一位當值的PC哥哥解釋我的來意, 他亦表示我的情況可以備案處理, 但坐在他隔鄰的一位三柴madam聽到後, 便嚷著要替我落口供, 她說因為涉及有人受傷, 便要替我落口供, 然後要諮詢交通部看看我是要再往他們處接受調查, 而我聽到她的說法似乎與我剛才由交通部所收到的訊息有所進入, 便將我與交通部所交談的內容告訴她, 但她郤堅持她的說法, 並表示不能相信我(我相信她的意思指不能相信我的片面支持), 但我問她如果係咁, 那我不如直接往交通備案啦, 她郤表示或者在這裡落完口供後, 那邊會不用我到他們處都未定, 她繼續替我落口供, 但我越想越覺不妥, 故再問她如果在這裏落完口供, 交通那邊又要我去做調查的話, 那我不如現在去果邊啦, 我問她到底現在辦緊嘜野程序呢, 此時, 她拿起電話, 打去交通部那邊詢問詳情, 最後她表示那邊表示不需要我到交通部, 並寫了一張咭上面寫有case no. 和電話號碼, 但她漏了case officer 一欄, 本來我想叫她填埋佢, 但是我的目標已達到,就是備案及取了咭, 所以便走了, 但對她的表現感到失望,
simonlaw simonlaw@hknet.com
備了案始終較安心，你做得對。那位三柴師姐只是對工作認真，也不用太介意。
|
20/1/2003
|
新車第一次換油
你好, 我的新羊快到一千公里了, 亦問過代理保養問題. 他們說第一及第二次都只是換四沖油及尾牙油的, 油隔是要行了八千里才要換的, 是否正確? 那四沖油及尾牙油又幾時換最好呢?
fachaik 請勿刊登本人電郵地址. 謝謝答覆
車行提供的新車保養服務，當然是按照原廠建議提供最合理的換油里數。其實提早換油冇問題，對機件反而更好。睇你肯唔肯使錢。油隔咁平，你部又係新車，不如頭三次換油都換新油隔啦，以後每換兩次油先換一次油隔。尾身油一年後得閒先換都未遲。
|
16/1/2003
|
編輯您好,本人有一個問題,我想了很多年也得不到答案,我看電單車比賽中,車手轉彎時都一定會伸隻腳出來,隻腳好像要到地似的,我想隻腳唔伸出來也可以轉到彎的,為什麼一定要伸出來呢? 我很想有一個正確答案,因為我問了很多人,但人人的答案都不同!!!
Lee Ming Lung cheong2@macau.ctm.net
你係講緊越野車定係跑車？先講越野車，伸定隻內彎腳出來係準備隨時支撐車身。在泥地上尾輪很容易打滑，當車身傾斜度超過預期時便會用腳踏地一下撐翻起部車。跑車比賽講緊搬身飛跪，利用車手身體重量改變左右的負重平衡，幫助車身在較少的傾斜角度下攻彎。車手外掛的身體唔係成日要打開大腿，膝蓋不是為了觸地而打開，只是為了更快地把重量轉移至內彎，才會打開大脾。當車身傾斜度十分利害時，車手的大脾便只能緊貼車身。對某些人來說，過彎時打開大腿讓膝蓋觸地「探膝」，有助車手知道輪胎的極限，也可在危急時「借力」頂一頂部車。但這些技術都不適宜在道路上練習或使用，因為馬路的質素十分差，路面不平坦，磨擦力也隨時有變。車手也需要穿著保護裝備才能做到。
|
16/1/2003
|
Imported second hand bikes in shops
Dear Editor, Thank you so much for all the things provided in ibike website. You guys've been doing a good job! It really gives us P drivers and learners a lot of useful info. I've passed my road test and is now looking for a second hand bike...however, due to my limited knowledge in bikes, I guess it's more secure to pick one from the shops rather than from private sale.
1. I can't really understand how come there are so many used bikes imported from Japan, (i.e., 0 owner in HK). Most of them are 99' - 01' models but have a mileage as low as a few hundred km to 2,000 km. Do the shops in HK adjust the meters themselves? Is it true that electronic meters are much more difficult to be adjusted by mechanics?
2. These bikes are a few years old but having such a low mileage ...Are most of these bikes usually crashed in Japan, then fixed by the mechanics and exported to HK later? Are they still reliable?
3. Some of these imported bikes are even called "renew bikes" ("farnsun" in Cantonese). Are they usually repaired properly?
4. Really like the Kawasaki W650. A lot of people (shopkeepers & owners of W650) told me they are easy to handle, even for beginners. I've also read reviews from overseas website that "W650 can be a beginner's bike..." Do u think the bike will cause difficulties for beginners?
Thanks in advance for your advice.
P.S. Pls reply in Chinese if you're prepared to put it on ibike website. Otherwise, pls reply in English to my email address. I'm afraid my mailbox could not read Chinese characters ...
Thanks & best regards,
Retro biker Wan, Frederick (Pls do not show my email address. Thank you so much.)
日本係電單車王國，佢地買日本車唔使好似我地咁要俾入口稅，加上日本的物價指數貴過香港，相對地車價其實十分便宜。年年換新車都唔係難事，所以二手車數量十分多。
購入事故車或水浸車翻新再出售，無論電單車或房車都有咁情況。但並不代表每一部日本進口舊車都是事故車或水浸車。香港有好多從日本進口的舊電單車在街上行緊，冇乜問題。
行車里數只是一個參考，你還要比較年份和車身狀態是否相稱。電子咪錶較做手腳。翻新工序一般著重外表。視乎需要而定，包括部份噴油，拋光，洗車。其餘頭痛醫頭，腳痛醫腳。總之著到車扭到油便可。所有工夫通常都係香港做，因為這樣車行入貨時車價較便宜。
在外國雜誌所謂的beginner's bike，並不如香港人所謂的新牌之選。鬼佬身型高大，Bandit 600或CB750都係Beginner's bike，佢地係以性能作準，輸出力度較弱的車，都可視為Beginner's bike。W650的輸出當然符合初學者使用，但重量和車身，未算最友善。
|
| |
|
|
|
 |
|
