|
|
|
FAQ常見問題 |
|
|
15/1/2003
|
hi! ibike老編,小弟前日遇上一宗交通意外,幸好身體沒有損傷但我的老綿頭沙板就報銷了!當時情形係一段落斜雙線行車路,而我在慢線尾隨一部巴士以時速大約50/km及相隔大約個半私家車位行駛,而係快線就有一輛重形泥頭車同巴士並排而行,但快線不遠處原來有修路工程進行中(事發後才發覺因之前給它們阻檔了視線)
那泥頭車當時選擇了超越巴士轉往慢線但臨近修路工程範圍仍然不能全車起越巴士但泥頭車仍然繼續轉線,導至巴士雖要作出很急而重的制動尾隨的我也只有做和巴士的同一動作,奈何巴士就成功避過前車而我就只有看著小羊直指向巴士尾部,頭沙板在巴士尾部"啄"了一下後停低,(最慘就係剛開車兩條軑都未開!)而巴士只顧"住"向前車響"按"沒有留意到我撞到它,我同時亦響"按"示意但沒被理會!當時我亦沒有記下它們車牌,請問事情若如我所述到最後道理應在那一邊呢?或是各方都有責任呢?煩請給點意見!謝謝!
Kim 請勿登本人電郵
雖然事件由泥頭車所引起，但如果你有足夠的跟車距離(兩秒守則)，你不會撞上巴士，所以責任在你方。尤其在落斜時，更要預留較長的跟車距離。加上尾隨在大車後，視線受阻，更加不應跟車太貼。
|
15/1/2003
|
編輯您好。本人考牌後抯了3年綿羊,有問題如下：
Jerry Au jerry_1@pacific.net.hk
1.有波車轉檔放極力子時油門是否俾油就不會死火(當年考牌轉檔常死火);
不俾油亦不會死火。
2.甚麼是拖波;
在減速時有意識地換低一檔，配合呼油動作，增加引擎牽引力幫助煞車。
3. CB750及XJR1200消耗品是甚麼;
基本上所有電單車都大至相同。除了車架輪框啡呤咪錶座位死氣喉外，其餘會動會轉的零件都是消耗品。較常見的包括輪胎、迫力皮、偈油、偈油隔、風隔、火咀、車鏈、電池等都是消耗品，需要定期更換。
4. 2車須換零件時有甚麼表徵
嘩你呢條問題可以寫一本書，點答你呀？總之feel到有唔妥就梗有地方要跟啦。
5. 2車每公哩油費如何。勞煩。
兩車都是四衝直四街車，偏向中低轉扭力表現。估計兩車的油費分別為6毫子到八、九毫子一公里，視乎你扭唔扭。
|
15/1/2003
|
編輯先生你好,我想問一部新車真的要"溫車"嗎? 要怎樣"溫車"才正確? 溫完後又有咩唔同? 有冇車係唔使"溫車"的? thanks
Lee Ming Lung" cheong2@macau.ctm.net
新車或更換了新的活塞，最好run車。讓金屬機件溫柔地磨合一下。一般指引是在首500-800km，只扭一半油門。當換了一次偈油油隔後，可以扭四份三油門。走了一千公里再換一次偈油油隔後，才可以盡情駕駛。磨合期最好不要均速行駛，在能用範圍之內，時快時慢。有磨合的引擎，會較耐用，性能也會較好。
|
15/1/2003
|
您好!請問150 四沖單缸羊, 係唔係得一個火咀? 火咀几耐要換 / 在乜野情況下要換? 自已換唔換到?何為四沖? 汽油濾網, 齒輪油几耐要換 / 在乜野情況下要換? (齒輪油 等唔等於 尾牙油)過不平路面時, 只羊d關節有時會發出吱吱聲, 可以加 wd40 / 用剩既渴油 落各關節/ 啤玲潤滑下嗎?
謝!
初學牧羊人 上 PS: (請不要顯示我電郵)
單缸綿羊通常只得一支火咀。火咀一般壽命可達兩萬公里，但視乎使用情況而定。當火咀積炭，燒蝕而導至間隙增加時便需要清理或更換。有工具有知識當然可以自己動手更換。齒輪油等於尾牙油。其他消耗品的替換可請教代理車行，或參閱以往來信。潤滑油可以用WD40或鏈油潤滑。
|
15/1/2003
|
我唔係因為炒車而打report,係有少少野想講返^^
事發當日,在下跟2名同學由阿sir帶隊....行非考試路線...(學神好像最高只可以開50km)...當到達城門河附近的一條路時...阿sir高舉左手...示意該路段可以行70km...之後左手一放....阿sir就飛奔而去////(當時我開45km)...我就比大油追上去...65-68km左右啦都追唔到.....於是唯有收油(開始afarid,因為我沒有任何駕駛經驗)......之後返到學校...仲比"黑面神"話....我跟得太遠....當時我沒有回答....(我只是認為如果學生由呢個阿sir帶隊....真的很危險呢?!)現在pass左///回想返...仍然有一點點可怕....一個字........(驚)
Message post via crash form
點解當時唔記下導師號碼，向學院作出投訴呢？
|
13/1/2003
|
請問換機油需要更換埋油隔嗎,有d車房話要,有d就話用番同一個牌子的機油就唔需要換油隔,兩者之間那個是對呢?如果自行更換可行嗎,會否太困難呢?thanks
yuen suedeloverhk@yahoo.com.hk
油隔的作用是把引擎運作時所產生的末屑阻隔，應該定期更換。
換油隔唔難，只要你有適當工具和知識。
|
13/1/2003
|
編輯先生你好.有一事可能各位駕駛者同樣遇過．請問途中（ ８０ｋｍ ） 以上突然死火 惑者唔覺意挨到死火制． 應如何應對？ 是否當機立斷拉下極力子樣車向前行．本人座駕死火制曾經無固失靈，折下才知接觸不良．祝貴行業務烝烝日上
陳上 willpower@168city.com
行車時突然死火，絕不能拉下極力子，否則變成空波滑行更危險。應打死火燈或左邊指揮燈，靠左邊找安全點慢慢停下來。
|
13/1/2003
|
昨晚p 仔一名的我騎著Suzuki Burgman UH150 係大埔太和村十字路口上highway, 未上highway前燈口紅燈停車, 停係部大貨車正後面, 心想剛紅燈咪攝上去,(平日自己駕駛不會攝車) 突然一部pizza 羊快速攝上來,(因此路有少少灣) 因此, 見到佢時己左眼前, 好在自己有望後, 又好慢咁出, 仲停到車,唔係我的愛羊就慘la 好在有望後 (so打check), 隻pizza 羊仲左攝右攝咁上前, 真係....都係唔好車攝了
gary (Message post via crash form)
|
10/1/2003
|
Hi folks,You guys are really doing a good job!! Now part of my daily life is visiting ibike.com.hk, Keep Going!! I would like to ask is there any upper limit of NCB? I've got 30% NCB last year and the insurance company offer me 30%NCB again this year?! By the way, for a driver like me, age 25+, practical bike driving exp 3years+, 150cc scooter, no claim ever, is $1311 (30%NCB) ok for insurance ? Million Thanks!!!!
Best,Jay Mark*pls don't show my email address
it'd better to reply me in chinese , & , thanks *
電單車NCB最高只有30%，以你的情況看來，$1311三保價錢亦算合理。
|
10/1/2003
|
Dear Editor,I wrote to your web-site a few times and you response is really efficiency. I think your web is now the best in HK or in Far East (What I believe). I hope your web can get more and more support as now so many rider in town. Hope your web will have a prosperous career in the year of 2003 and ......future.
My bike is FZ400 and have the following question would like to have your professional opinion.
1. If the rear suspension is weak. Can it be repaired like the front suspension by change fork oil or it must be replaced by a new one.
2. Can I low down my bike by adjusting the pre-load to the lowest point? That is the softest position. Or even I adjust it, the height would be more less the same.
3. I found the front beams are very weak and if I ride in the country side at night. I hardly can see clearly the road in front. Can I change to a more brilliant beam bulb (in which Watt is better). Will it damage the electricity system?? Because I have changed my former bike from 50W to 100W and the connector has burnt and I have to changed back to 50W. If I would like to change to a higher Watt and brighter bulb. What spare parts I have to add and how much?
Best regards
Patrick pt866@yahoo.com.hk
原廠尾避震不能分解修理。即使是其他牌子的避震，都要寄返原產地修理。
如果是因為座高的關係，偷薄坐墊較佳。把預載調至最軟，避震行程好易用完影響操控。更換燈膽應選用相同耗電量的選擇，否則加重電氣系統負苛，輕則縮短電池壽命，重則損壞電路。
|
9/1/2003
|
Damper kit 難求
編輯您好，在下去年五月買下現用的SUZUKI / GSX750，而亦非常好力實用。並於最近想加安裝DAMPER以增其穩定性，亦嘗試查詢多間車行。但尚未能找到合適之DAMPER碼安裝。現請貴網協助能提供車行或網址以供訂購。非常感謝
RONNIE 請勿刊登本人電郵地址
GSX750是實用車款，比較少改裝部品。
如果沒法找到現成品，可嘗試往柴灣Neon Action訂製。他們有CNC縲機，乜都整到。
|
8/1/2003
|
編輯你好:我想問下風choke的作用及正確使用方法!! THX
LKM manlee924@hotmail.hk
當天氣寒冷，例如低過十度時，凍車比較難撻車，便要要拉開風choke。作用是提高油氣比例，容易點火。當引擎啟動後，你會發現怠轉比平時高兩三倍，於是應該馬上把風choke關上一半，讓轉數回落至比平常怠轉高一點便可。然後引擎漸熱，轉數會再次提升，此時把風choke完全關上便可。
|
7/1/2003
|
無極速上限！？
編輯大人您好，小弟今早天寒地凍下如常駕駛上班，在高速公路上竟發現咪錶顯示是0km/hr！好彩記得平路六波八千轉時是100km/hr。當時速度計上的指針、里數錶都沒有反應，轉數錶卻如常運作，在這情況下是否斷了些甚麼？自行修理是否可行？車行修理收費如何？Many many thanks!!!
po wu(Pls don't show email address)
因為你條咪錶鏈鬆了或斷了。一般新件價錢百零二百蚊o卦？
|
6/1/2003
|
編輯先生你好,想問如果一架日本版hornet 600的匹數,想提升至出口版的匹數,可以有什麼辨法?是不是裝解碼就可以?在那裏買到?如果不是可以怎樣?Thanks.
Kit (請不要刊登電郵地址)
通常日本版的馬力限制，會透過藏於錶板內的感應器，限制了極速。馬力則會從氣閥開啟的時間和角度、點火時間和死氣喉的口徑來削弱馬力輸出。要還原出口版的本色，除了要更換咪錶外，更要更換出口版的凸輪軸和電點系統。
|
6/1/2003
|
編輯你好!! 我叫 Kenneth !! 有事請教!! 我買了二手00/00星艦四五個月,買時換了火咀,風格,偈油 !! 一直狀態很好!! 不過依兩日覺得部車起步"立"了,會可能係咩原因呢?? 同埋剎車距離長了,係唔係要換剎車皮呢?? 依幾個月夾埋行了大約800km !!我應該要check o下o的咩呢!! Thank you !!
Kenneth Chan dkenneth55@hotmail.com
先檢查普利盤、珠仔和皮帶，看看自動變速的反應是否出現緩遲。
|
4/1/2003
|
綿羊問題
編輯先生你好:本人剛剛買了Habana125, 由於本人只是剛剛合格, 全沒有路面經驗,請問有什麼要特別留意 ? 及如何保養羊仔 ? Thank you
suki suki@tech-trans.com
先搞好基本操作。趁車少時在馬路多練習，隨著操控逐漸上手，才在煩忙的路面駕駛。在高速公路上貼左線行車，找一臺慢車跟，替你頂著後面的快車，但注意跟車距離。有關保養你部Habana羊仔的貼士，問亞林電單車行的Gary，他會詳細告訴你。
|
4/1/2003
|
駕駛車款: CB-1
製造年份: 1992
意外種類: 車輛(幾乎)碰撞
車主: 唐龍
事發經過:
燈位等綠燈轉90度右彎，因晚上黑睇不到前面有凹凸位，所以較慢轉右,之後後面有一部小巴，從我右面過我。當時小巴和我的距離不足10幾CM ,我驚他擺尾,我立刻砵他,我當時都(了)一(了)部車,差D炒低因地面(粒)凸不平,好左車速低,小巴司機還望我一眼很像仲話我一樣,我咪用一隻中指還以眼色和祝佢全家比人剷
人命財物傷亡損毀:
好彩冇
當時感受:
都唔知發生咩事我又唔係同佢鬥車SIDE BY SIDE要過我,好在車速慢因路太黑以小心慢駛
事後影響:
D小巴佬係咪咁趕去死呀咁樣隨時撞到人,佢又唔知地面(粒)凸不平對電單車轉彎很危險
肇事原因及教訓啟示:
不嬲對小巴佬在道路上的品行都不太好
|
3/1/2003
|
編輯先生你好:本人架CB1近排發現油門威也斷左,需要更換,問左兩間車房報價後[$380 & $600],發覺維修費差成一半,請問市面公價維修大概要幾多?? thx!
李國田 smalltintin2002@hotmail.hk
油門威也應該百零二百蚊條有交易，但係未計人工。人工每人都有權收不同數目，好似理髮咁樣，好難話有一個公價。
|
3/1/2003
|
改路車腳踏
TO : 編輯大人.請問有沒有人會改跟車腳踏的-CBR250RR(想改底D.)因為朋友投訴長程車好辛苦.本人吾多快車,跟車腳踏入灣個重心會吾會差好多,(約48KG)
vincent yin my1233211234567@yahoo.com
腳踏位置只會改高，不會改低。改低腳踏恐怕會減少車身傾斜角度。跑車本來就唔係舒服，尤其係乘客位，長途更加痛苦。
|
3/1/2003
|
綿羊問題
你好,我的羊是星艦自二手買回至今,已走了大約21000公里.上手只是在10000公里左右換了皮帶,普利珠及剎車皮.請問我要幾時再換以上零件?要不要換普利盤及離合器.(因我有朋友去台灣旅行)油隔又幾時換一次呢?我有個朋友他的羊是T-REX150.(零手)大約走了14000公里.他時常KEEP住行110KM.車行話他時常行咁快,成副機器散晒.要換過,約$4000.請問時常保持行咁高速機器是否咁快打柴?(他平時每1000公里換機油)
定是T-REX本身有問題. 150C.C.綿羊應保持行幾快才耐用.謝謝你!
greensea greensea@hkbn.net
走了一萬一千公里，係時候要檢查皮帶珠仔。油隔每換兩次偈油便換一次吧！長期高轉數行車，難免加速機件損耗。但只要每次開車前俾足夠時間暖車，不讓引擎過熱和常換偈油的話，只走了萬四公里重未係時候要大修。150綿羊引擎最舒服的速度應在70-90km/h之間。偶然爽爽超過100km/h當然冇問題。
|
3/1/2003
|
心急的人
我o岩o岩上完強制課第二堂(手波), 但我發覺我比其他同學差一大截, 成日開車/轉彎死火, 動作生硬, 對腳成日落地, 又唔敢轉波. 我同學不繼叫我轉學自動波, 但我真係唔想放棄, 我唔咁心, 你可唔可以教下我有咩辦法可改善, 定你都認為我要學自動波呀.仲有我想問下初學者帶全面形頭罩好定半面形好?
Michael Li michaeli16@ctimail.com
每人的學習進度都有不同。正所謂熟能生巧，只有透過不斷的練習，一定會有成功的一日。如果你唔想放棄，只有多加練習，唔好俾人影響，上完強制後，自己再租多D車練習，向導師多發問。初學者因車速不高，戴開面帽貪其視野較廣闊。
|
2/1/2003
|
SUZUKI UE125的問題
編緝先生你好:
1. 我的電單車是SUZUKI UE125,行了2000公里,我試過比大油,也是行到90-100km/h,再也不上了,就算再快也是快些少,還要很久才可以,為什麼呢?
2. 是不是所有四衝程的羊起步也比二衝程的羊慢?可不可以和二衝程一樣快呢?
Lee Ming Lung cheong2@macau.ctm.net
以同樣排氣量比較，四衝程引擎的功率不及二衝程引擎是不爭的事實。125單缸綿羊，走100km/h也差不多了。要增加起步速度，可以從普利珠的調較著手，但可能會影響尾段極速。
|
2/1/2003
|
編輯先生你好，這是我第一次來信，有些問題希望各下可以為小弟解答：
小弟現對 Honda CB250, Suzuki GN250, Derbi Boulevard 150, Honda @150 甚有興趣, 但不知那車比較耐用，因本人 SYM Super Duke 150 三年內時常需要俢理。謝謝！
JACKY jacky0493@polyu.hknet.com
綿羊因為採用自動離合器和無段式變速的關係，普利珠、皮帶、離合器的耗損比較快。棍波街車例如CB250或GN250一定較耐用。呢類以實用為主的街車，維修簡單，零件便宜，省油耐用。加上輪框直徑較大，操控性和馬力都較150級綿羊優勝。
|
1/1/2003
|
我終於報左電單車..其實我個樣唔係好大個(Jsut 18 years old), 會唔會因此而唔俾我pass 強制課程?有乜野應notice?仲有, 如果pass 左強 制 課 程,限期幾耐,?我想知如果有你地[ibike 鐵騎網誌]既貼紙係部電單車度,係咪你地既Straff?Lastly, if i buy a bike, 有冇保險可以保我( Any typr of bike)...how much does it cost? 真係唔該sai 你地.
tang simon nsxtang_2000@yahoo.com.hk
相信考牌官除了睇考生技術之外，考生的態度都可能有小小影響，但年紀細唔會係考牌障礙。考牌無乜秘密，留心聽書，多多練習，自然功多藝熟，水到渠成。電單車上有iBike貼紙，有可能係我地職員。唔夠歲唔夠牌只能出綿羊，保費約兩千零左右。
|
1/1/2003
|
新年快樂! 我架super4近日戔temp燈在低波行車時成日着, 請問點解? 架車有乜唔妥? 同埋應該點處理? thx!
SonRaku ryushin@hkstar.com
你架車水滾呀！速查水冷系統是否，例如水箱水夠唔夠，風扇識唔識著等等。快D俾車行睇睇。
|
31/12/2002
|
泊街後無故訓低
編輯先生：你好！小弟所駕駛的YAMAHA MAJESTY C落地四個月，我自己都好錫車，平時放於有蓋停車場仲加埋個車套，出街就冇計啦。昨日出外就泊於何文田牧愛街欣圖軒外的排骨位，自己一心諗住泊於最後（即車位最左手面）就唔怕比人整花，仲落埋個車套上埋大架先
走，況且之前都泊過呢處，點Q知兩個鐘頭之後番去，眼見成架車已經打橫（訓）低左，驚訝之餘立即抬起部車，結果左面車身的頭尾花晒。事後我從觀察下，估架車係比私家車或貨VAN撞倒。
原因：1)泊於我右面的電單車未郁過，唔似人地取車所造成；
2)回去取車時見到突然有好多學神排隊等調頭，阻住馬路右面，電單車位於左面，搞到其他車輛要從學神車龍同電單車位的中間穿過
3)頭輪上的轆（龔）右手面有明顯花痕，而我架車就向左訓
4)由於我泊最後，亦即是最近路口轉彎位，最容易被其他車於轉彎時(HIGH)倒。
其實班學神都有責任，因為唔係佢地成條龍阻住右面，其他車一定夠位轉彎，唉！鬼叫自己泊車時班學神都未出現，如果唔係，我寧願泊上行人路。經歷住呢次慘痛事件之後，小弟有幾個問題想請教編輯先生：
通常我呢種情況，維修方法應該係（線）灰噴番油，定還是買番花左的部件再重新裝上？兩者方法大約價錢係幾多呢？
如果我番原廠整，同去街鋪整的價錢相差幾多？
除左唔泊街之外，仲有冇方法可以避免同類型事件再次發生？
最後多謝編輯先生抽空睇我呢封EMAIL，並警醒其他愛車人士泊於此處要特別小心，同時亦強烈譴責果條整跌我架車兼不顧而去o既粉腸。
ANAKI (請不用登出我的電郵地址)
只能怨句唔好彩。修理方法和費用最好拿俾車行睇先最準。但一般都以坊間單件噴油，便宜過買原廠新件。單件噴油費用應該係幾百蚊o卦。想避免俾人撞，最好唔好泊車係轉角位或狹窄煩忙的街位。
|
31/12/2002
|
我的機車是SUZUKI的UE125,請問要多久才要換一次油? 部車有幾多種油要換? 車行話機油就行一千公里要換一次,尾牙油就行四千公里換一次,這是正確嗎? 一部車是否只得機油和尾牙油要換?換什麼油最好?什麼是尾牙油?
Mm Lee mmllee@ipm.edu.mo
點解車行的忠告你都唔信呢？幾耐換油冇話絕對，只係一個大概的建議。有時間有錢可以換密D，冇時間冇錢唔換住都得。尾牙油是潤滑連接驅動皮帶和尾輪的一組齒輪，類似雪油之類的東西。機油的選擇不是最重要，基本上在港有售的機油都能符合香港天氣的需要。定期更換偈油，好過用靚機油卻不定期更換。
|
31/12/2002
|
Forza問題
編輯先生你好，這是我第一次來信，有些問題希望各下可以為小弟一一解答：
小弟所訂購的Forza會在一月中才到港，我近日去了旺角、土瓜灣及九龍城一帶的電單車用品鋪頭找尋些用品，例如車冚，碟鎖等，這些都無問題，但我卻找不到Forza乘客座位的椅背！Majesty就有，大約$700至$1000HK，貴嗎？這是否適合Forza用呢？請問編輯先生能否提供可找到此椅背的地方？如有，它的價錢大約多少？
另外我在某店舖見到有些二手Kit喉，請問這有什麼特別？新賣$2850HK，二手賣$2100HK，貴嗎？
Thank you very much!!祝2003年新年快樂！
Ricky Lai「請勿刊登本人電郵地址」
Majesty 的椅背不適合Forza使用。Forza原廠有尾箱連椅背，有冇淨椅背就唔係咁覺眼。新喉賣2850，舊喉賣$2100！你重問貴唔貴？梗係貴啦！
|
30/12/2002
|
有問題
編緝先生你好,小弟有事請教：
本人所抯的是94 SUPER FOUR BIG 1..近幾日開車總是好像無力似的。上星期一個早上，如常開車番工，但開車無耐總是覺得條喉聲音怪怪的，好像入了水似的，我通常駕駛一段路，架車的轉數通常可以KEEP到千五至二千轉，但那天早上，我由元朗駛至旺角，停車時，轉數只維持一千轉，同埋唔比油，總好似會熄車似的。之後停低架車去食早餐，回去再開車，落了風CHOKE，RUN了一陣，架車就無事，回復番之前的聲音，而個轉數亦回復正常。
到今個星期，天氣只得番四五度，那天晚上仲要落住雨番屋企，第二朝就無開車，到第三日時，就又發覺有這情況出現，撻車時很難先撻得著，落風CHOKE去撻，都要用手去KEEP個住數，個轉數先不會回落。（平時落了CHOKE去撻車，架車的轉數可以去到三千轉的）行了一段路後，停車再落CHOKE去溫車，都係無咩反應，而且條喉的聲又好似入左水似的。本來咁樣開都無咩太大問題，但因小弟時常行IGHWAY，到想超車時，又無力去似的，總覺得很危險。開緊八十上斜時，但轉數可以一路回落。就算我扭盡都無反應似的。同埋朝早剛剛開車時可以一停低，連架車都熄埋，要再撻車先行到，所以覺得好煩。因此想問幾個問題：
1.天氣冷跟撻車有否關係，因今天十八度，朝早開車時條喉的怪聲少了，但個轉數都仲係回落。
2.是否火咀有問題，因有晚落雨回家，驚濕左，但平時我都係有無落雨都係開車的。
3.條喉是否有事？以前未聽過有咁既聲音出現的。
打了一大段難明的內容，因想各位大佬明白經過。請見諒但望回覆。
FROM KENNIE
kennie@s-team.com
應該唔關條喉事。似乎係其中一支火咀打了柴，四個汽缸只有三個正在工作，所以架車會冇力和聲音怪怪的。你可以試下用手快速地摸摸梳蕉，應該有一梳係涷的。
|
30/12/2002
|
差d炒車報告
駕駛車款: vespa ET-8
車主: 可樂車
事發經過:
當日收工(約下午5點)由佐敦道右轉上加士居道天橋到紅隧口返香港, 跟住架40呎貨櫃車上橋. 因為本身係P仔, 平時會死跟, 但見貨櫃車以10-20K行駛, 貨櫃車左邊又有位, 他又正打右燈, 我就加速由左邊過車, 到一半時, 他竟然又駛返埋左邊, 仲好近. 我快唔過他, 只好收油, 心諗"死梗", 司機完全唔知我係到, 我又完全唔識響'ON', 一夾右邊鏡被推向前, 車頭鳥左幾下....................無事
人命財物傷亡損毀:
鏡花左，只係停車, 較返塊鏡, 定左二分鐘度, 開車.....
當時感受:
好警好警, "唔好埋呢", 點解唔識響號Boot他
肇事原因及教訓啟示:
有需要時要識得響鞍警告他人
|
30/12/2002
|
編緝先生你好,小弟有些問題想請教,本人的戰車係 EL250 94/95 希望知道
1 撻車時冇電撻聲係咪打柴先兆?因為本人撻車時也沒反應 由有電撻聲撻到冇聲都撻唔著?
2 請問 180KM 大約$90 油費是否正常 我朋友的SUPER4 都 大約$0.5~0.6 左右
3 有無辦法可以慳油D 因250 同400 好似...差不多
請你們解答我的問題
小王上 請不要刊登本人電郵地址,Thank You very much
由有聲撻到無聲，直情係電池扯乾o左啦！你的電池應該要更換，順便看看火咀的狀況如何。油費貴有幾個常見原因，例如風隔透氣度低，化油器供應的油氣過濃，駕駛習慣，行走地段，交通狀況，汽缸活塞損耗嚴重導至引擎功率流失等等。若自問駕駛習慣和行走路段都沒有特別的話，先檢查風格，然後再檢查化油器。引擎損耗要修理就比較貴一點，整番可能要幾千蚊，睇你覺得值唔值。
|
30/12/2002
|
Dear i-bike editor,How come a motorbike needs to be warmed up before riding and is difficult to start its engine after leaving it unused for sometime?
LEE Kam-chi Please don't show my e-mail address.
The piston will expand a little bit when it's get hot, that's why the cylinder need to remain a minor gap for this expansion. When the engine is cold, the seal between the piston and the cylinder is not yet perfect, also we need to wait for the engine oil to run through the engine , that's why we need to wait a short time to get the best performance and protection to the engine. The most common reason that you may found out your bike is difficult to start, especially after a long rest is , the battery power is running weaker and weaker for the time being.
|
30/12/2002
|
關於極力子問題!
你好本人是楂CBR250R我想以下幾個問題!!
1. 什麼情況下會做成燒極力子?
2. 何謂極力子打滑?
3. 極力子打滑同燒極力子有什麼分別?
4. 我的車子在轉波時間唔中會入唔到波同時會發出好像是掃到極力子片的聲音請問是什麼一回事?(P.S 我剛換極力子片一個月)
5. 我怎麼先可以自己檢查一下極力子是否正常地操作呢?
6. 同我想問一問我知極力子係一個”銷浩”品但他的一般壽命是幾內
祝業務蒸蒸日上
Andy.YIP gtr34andy@msn.com
有時為了加速快一點，我們會把極力子牛角放慢一點，或牛角仍扣著少許未有全放，讓引擎轉數可以上升快一點。這時候極力子片由於未完全緊合，極力子片之間會產生高速磨擦而產生高熱。經常這樣做的話會令極力子片加快磨蝕，當磨損至一定程度後，即使全放極力子牛角，極力子片也不能完全緊貼在一起，便是所謂「打滑」 的現象。極力子打滑會因磨擦而產生熱量，過熱的話便會出現「熱失效」，即極力子片之間全無磨擦力可言，動力便再不能傳送予尾輪。
另一種打滑的原因是極力子片的正常損耗，不過一般都需要幾年時間。還有一種原因是改裝馬力後，原庄極力子片的磨擦系數或彈簧的硬度未能配合，在高轉尾段輸出時便會產生打滑現象。所以燒極力子，是極力子打滑的後果。
舊車的波箱難免會有一點小問題不夠順滑寧靜，你所提及的問題末必關極力子事。想知道極力子有沒有問題，可以在平路扣極力子牛角，入一波，看看車身會否想向前走。正常車身應該是不會動的。然後再慢慢放極力子看看「磨擦點」在那裡，理想的位置應是離牛角放盡前的一至兩個手指位。在上斜時，可以用二或三波慢慢上斜，然後突然扭大油門，看看引擎轉數是否和車速同步。極力子如果打滑的話，會發現轉數上升得較快，而車速的提升會有一定遲疑。
|
29/12/2002
|
本人想問下有咩防盜器可免人偷車，或加D咩鎖呢？謝謝。
keung keung1@onebb.net
電單車電子防盜器可以防盜？通常係街聽到防盜響都唔會有人理，只會加重電池負擔。機械鎖反而重實際。防盜的基本原則係取易不取難。加多幾把靚Do既鎖，擺街位唔好固定擺係同一個位置太耐，最好擺係一D貨van去唔到的地方，鎖軑落車套等等已經盡晒人事。要知道天下沒有偷不到的車。
|
27/12/2002
|
小心橫切風的問題
昨天下午，本人抯著Burgman250雙人行在東區走廊，本欲從銅鑼灣到筲箕灣，可是上了走廊不久，當時的時速約是60kmh，因走廊上的橫切頗大，感到有點「飄」，那時，當機立斷，就靠左，選擇進入北角的路口線，轉走下路。縱然車重171kg連人重在內在，約是六百磅，但仍然吹到有點偏移，安全是駕駛第一優先考慮。
Chi Wah﹝請不要登我的電郵地址﹞
|
27/12/2002
|
電池問題
本人幾日冇撻車,某日開車順利撻著,由北角去佐敦,到佐敦時死火後即時撻車好像冇電般(當時溫度約106),撻咗4-5次後等約10分鐘(溫度約94),再撻先ok,係咪打柴先兆?另外想問正確'推撻'程序?
歌斯拉 junior01@netvigator.com
如果冇電撻聲就關電池事。如果有電撻聲但撻唔著，可能係火咀濕左。推撻要入二波，搵條平路推到咁上下時，快速放開極力子，同時單旁邊跳坐上車，著車後馬上扣番極子。
|
26/12/2002
|
kinder可靠嗎?
你好!本人剛考到自動波電單車牌, 現對kinder150甚有興趣, 但曾聽過些用家報告說此車極多小問題, 而且性能亦不太好, 請問各位有何意見? 由於本人乃一名不熟車的女子,這情況下是否應選擇ET8?(因本人只對復古羊look有興趣) 或是有其他車款可選擇呢? 謝謝!
Michelle jkladt142@hkbn.net
Vespa ET-8 或 Aprilia Habana 125 Custom質素較有保證。
|
26/12/2002
|
改裝問題
各位主持好！本人是揸開Shadow750的，現想將架車重新濆油和裝頭尾大沙版，不知可從那裡改裝，因一般車行都不設此服務，或會掠你一大筆。故希望你可介紹一些地方給我去查詢，而一般所需費用又要多少？
JIM jimchan33@yahoo.com.hk
噴油可以問下香港大坑駿文，頭尾大沙板問下安定有冇日本貨。不過你要預左洗左呢D錢，第日賣車收唔番。重會被人問你部車係咪炒過。
|
26/12/2002
|
Dear editor, My street bike gets old for about 10 years. I can hear the sound from the engine is not as same as the past and the sound getting "loose". However, the power of her is still quite good for me. Well, do u know what is the problem there? It is the wearing out of the "valve legs" and has to retune the " valve gaps" between? And anyone repaired it like this? Besides, now I am just thinking of changing my bike to a 600cc grade of fairing, like R6 or GSX 600, but the main point for me may be the security and the repairing troubles. Actually, do the above bikes face serious security problem and if fairing bike has to be taken off the fairing before any maintence and repair, such as changing engine oil, filters....etc.
X' mas Man benjamin_wmw@hotmail.com
If you want to spend a few thousand dollars, then you can ask for valve clearance adjustment to minimize the sound you heard. Go back to dealer for the valve clearance job as they have your valve clearance data. Street bike is a more practical choice than fairing bikes, depends on your main purpose and budget, fairing bikes need to take off the fairings every time before servicing, and is more expensive and time consuming than street bikes. How about middle weight naked bikes such as Hornet 600, Bandit 600, ZR-7 etc, or "S" type naked bikes but with front fairing such as hornet 600S, bandit 600S or Fazer 600 or ZR-7S etc....
|
26/12/2002
|
PGO T-REX 150的問題
本人的綿羊係PGO T-REX150,係二手買回來的時候行左二萬公里,現就快行到三萬公里,什麼都冇換(有換太和偈油),冇病冇痛,有一些問題想你們解答,現在車子都能一達就著,但有時達二三下先著到時,電達得一聲,電池是否打柴?火咀係唔係到期呢?我覺得架車好似冇剛買回來時般好力,捏到盡都不過105,有時跟同CC的綿羊(很新的大沙王)一起行,人家話過就過,是否我的車子出現問題?是否有什麼野到期或要更換?仲有本人經常行一些山路和大斜路,上大斜路停燈時,拉起尾制停定會溜後,好像收不停,機器上的問題本人真是一律不懂,勞煩解答thanks
Martin Pang tsz_wang@yahoo.com
如果電撻只得一聲，電池可能真係冇乜電。但係咁都撻得著，火咀唔會有問題。極速減少，請檢查皮帶和普利珠是否需要更換。尾掣的問題需要調較或更換煞車墊片。機器上的問題可以在修車時請教車店，慢慢便會有概念。
|
25/12/2002
|
那些是什麼機油?
我有個問題: 今日我去了旺角一間專買電單車用品的店, 進入裡面逛逛見到有一種機油是要和電油一起mix埋, 話可以power up 架車的力量, 令汽油燒得最盡！請問呢啲究竟係乜油? 我一時之間忘記牌子名........
Chan Billy 請勿刊登本人電郵地址
呢類燃油添加劑都好多牌子選擇，隻隻都話自己掂過神油....但我地從未試過，自己唸唸值唔值得買。
|
25/12/2002
|
22/Dec/02 衰 貓
兄弟，在寵物店有?狗禁區粉賣，我以前都有這些情況，但灑完之後就無事啦。不妨試試，40零蚊咋，一勞永逸。
Kelvin
|
25/12/2002
|
你們好：本人剛剛買了隻綿羊，有D問題想你們解答，一般買車幾耐先囉到車呢，如果囉車有咩要囉，牌簿大約幾時出到呀？請回答問題啦！唔該。
keung keung1@onebb.net
車行售賣未在香港登記的電單車，最快幾日搞掂，慢則可能要幾個星期。視乎辦理驗車文件的順利程度。拿車果日要拿番臨時保單和牌簿，車行會在交車時準備妥當。
|
24/12/2002
|
綿羊機器上的問題
你們好:本人的綿羊係b&w 150,係二手買回來的行在二萬幾公里,現因有一些問題想你們解答,綿羊係唔係放一晚後好難著車呢?要成6~7次先著到車其實個火咀係唔係到期呢?仲有係架車完全滿油既情況底下當我係燈位停車個陣無端端架車會自動死火,究竟又係乜野原因呢?其實偈油,化油器,皮帶&普利珠要行幾多公里換一次最好呢?普利珠又係乜野啊?
stevenfong88 stevenfong88@sinaman.com
先檢查火咀和電池是否狀態良好。跟住到化油器的怠轉調較是否過低。化油器唔使換，偈油每一千公里換一次，皮帶普利珠約一萬公里便應檢查一次或更換。普利珠係利用離心力的變化，改變齒輪比，負責轉檔。
|
24/12/2002
|
something wanna share
last few days, i have difficulty on starting up my engine and asked your advice. i took off the battery have it recharged. i can start up the bike again. however, i was going to have a ride on my bike. usually, i will check all the lighting systems and have the tyres checked before i take off. I will also check both of the brakes to see if they are working porperly. Well, i checked and found out the front brake was out functioned. Lucky me, just wanted to remind everyone to check your bike before you ride it. good luck.
Alan Chang Please don't show my email address.
|
24/12/2002
|
換喉
最近小弟幫自己架四衝Runner換喉,因條原裝喉生銹得好快.揸咗一排之後,發覺原本一缸油行到200km樓上,換喉之後就只行得170-180km,請問正唔正常??會唔會因小弟最近行車路程大幅減短有關呢??我又聽過人話,換完喉要換唧咀,請問有無關係呢??唧咀又係乜東東呢?? THX.
Jack Leung jacklkf@so-net.com.hk
短途車經常開開停停，會較耗油。但相信係換喉後在低轉時油氣未完全燃燒便被排出，造成扭力流失，你會扭大d油門先夠力，所以食多左油。唧咀係噴出電油和空氣混合霧化的零件，其實換喉後的最佳設定係換唧咀換風格，再調較點火時間。通常呢d野有馬力測量機幫助先會最準，但因綿羊輸出低，所以恕不能為綿羊提供服務。綿羊要改喉都係盲目地相信該死氣喉廠的出品。
|
24/12/2002
|
女仔新手
你好！小女子剛考到牌，雖然P牌只可出scooter，但仍鐘情街車，本人身栽不高大，只有5"2，請問女仔適宜駕駛什麼街車？有沒有推介。還有女仔揸電單車有什麼地方要特別注意？請回答以上問題，無言感激。
Louise 請勿刊登本人電郵。 Thank you so much
250級別的街車應該幾適合你，有好多車款你揀：實用二手車例如有Honda CB250，Kawasaki EL250，GN250。靚仔有Honda Hornet 250和Yamaha Zeal 250。玩款新車有TW225，Suzuki大飛250，Van Van200等。
女仔駕駛電單車第一注意事項：切勿穿著保護不足的衣物，高跟鞋涼鞋短褲背心等唔該收番埋。第二注意事項係留長指甲，誇張飾物可免則免，費時掉掉fing勾到o野。第三注意事項係勤護膚，搽防晒用品，費時皮膚黝黑又有黑頭冇人要。第四注意事項隨身帶備紙巾或抹布，保持個人衛生。 第五注意事項係結識定幾個識騎電單車的觀音兵，有乜事搵佢地幫手。第六注意事項係如果iBike的狗公嗅嗅小隊搵你出來，要即刻話好，重要主動問幾點係邊度等。
|
24/12/2002
|
小心 BB6166 寶馬
2002年12月23日 (星期一) 晚上 11時許,本人以乘客身份乘坐本人之中國戰羊，經紅隧往香港方向，於左面第二個收費亭付款時，被隨後一輛私家車撞向車尾，本人下車觀察愛羊有否損毀，幸好，沒有大礙，但尾隨的 BB 6166寶馬司機並沒有任何意識道歉，豪不在意的伸出一張一佰元紙幣，好像告訴我們 : (你地左住個地球轉)我還沒有上車，他便已經開車，好像要車死我似的 !!!!
我不能追究什麼，因愛羊沒有受損，以他的態度看來，是促意撞向我們，有錢渣寶馬吾係大晒 !!!!
司機大概 是40-50歲中國男子，皮膚黑，配戴眼鏡，還有一名女乘客，30歲左右，配戴大黑超，皮膚白，好像是有錢人或名星•請各羊人小心，此人有促意撞人的傾向 !!!!!
w kitten china_kitten@hotmail.com
|
24/12/2002
|
你好! 我想問幾條關於super 4嘅問題:
1 我架車係二手車, big 1版, 7年車,行咗74000km, 性能良好, 仲可以玩到幾耐?
2 我出咗車2年, 淨係換過偈油, 風隔, 油隔, 車鏈, brake 皮, 咁火咀, 電池, 及車呔要幾耐至換?
SonRaku ryushin@hkstar.com
放心，只要保養良好，又有parts換的話有排你玩。
一般來說偈油每三千公里或三個月換一次，每換兩次偈油便換油隔。風格半年檢查一次。
車胎，車鏈和迫力皮視乎損耗量而定。電池兩三年貨仔要有心理準備隨時會打柴。
火咀半年檢查一次或一年更換一次。
(正常來說零件的更換應該用"公里"作衡量單位，不過鬼記得自己行左幾多咩)
|
22/12/2002
|
無電！
本人因需到外地工幹五天，回來後車子(Hornet250)撻了多次也撻不著，後來竟然連按Start也沒反應，指揮燈卻仍然有光，現有問題如下﹕問人後曾嘗試「推撻」–著車、拿極力子、入二波、推車、放極力子及比油，但失敗了，是有些什麼做漏了或特別要注意呢？如果想自行換電，有什麼意見呢？Many many thanks
po wu (請不要show email adress)
推撻：先檢查死火掣是在on的位置，入好二波扣實極力子，開始衝幾步，快速放開極力子，同時半邊身跳坐上架車度...適量俾油。
簡單D可以搵朋友幫手推車，或搵條斜路幫手。如果都係唔得，拆電池拿去差夠電再試電撻。唔得先買過舊新電。拆線時先拆黑後拆紅，裝上去時先裝紅後裝黑。
|
| |
|
|
|
 |
