|
|
|
FAQ常見問題 |
|
|
22/12/2002
|
衰 貓
小 弟 的 R6,一 星 期 有 4天到 某 屋 苑 食 晚 飯 。 己 有 2年 ， 但 近 月 天 氣 較 冷 .附近 有 一 些 流 浪 貓 (有 人 餵 ).其 中 一 隻 .次 次 都 係 佢 。 開 頭 在 "私 機"位 車 com面 放 一 大 篤 尿 (水 浸 個 隻 ) 連 繼 2日跟 住 我 用 滾 水 洗衣 粉洗 過 後 ， 就 無 再 放 尿 在 com個 面 到.但 事 情 未 完 ,佢 晚 晚 係 個 comm之 內 "私機 " 位或 油 缸 ..///少 少 花 (懷 疑 貓 爪 )等 我 返 黎 .....油 缸及 failing 污 穢 不 堪 ,,,,,貓 腳印 ... 貓 毛 ......咬 爛 我 對 手 套 (因 我 放 在 表 板 無 跟 身 帶 走 坐 位 有 被 爪 的 "小 花 紋 "有 2小 孔 我 而 家 晚 晚 都 在試 不 同 辦 法 例 如 在 坐 位 加 毛 巾 ......在 車 頭 放 臭 丸 ............但 仍 然 係 咁 受 佢 棒 場 隔 離 d車 就 無 貓 攪 ......真 係 唔 知 點 解 help me sos 由 於 非 正 式 車 位 唔 可 以 放 弟 2到 .......manr6
manr6@netvigator.com
可能因為你架車暖呀，所以坐上來嘆世界。唔落車cum可能會好D，但你怕唔怕俾人偷車？唯有墊定張報紙俾佢坐啦....相遇也總算是緣份一場，話唔定隻貓係你前世D老友：)
|
20/12/2002
|
機油與極力子
本人之綿羊仔最近發現起步及收油再比油時車子有跳動(由其凍車及慢車)，不知是否最近換了一種沒有註明電單車用之機油(瓶面寫5w50)?會否造成令極力子打滑?此車現行了4000km，請勿登出本人之電郵,Thanks！
LV字
自動綿羊的離合器表現和機油質素無關，因為綿羊雜合器只是機械彈簧的設計，建議檢查極力子墊片和離合器總承。
|
19/12/2002
|
風冷、水冷和油冷的分別！
本人想問風冷、水冷和油冷的電單車有何分別？究竟那一種較好呢？ Thanks!
Man 字 請勿刊登本人的電郵
你呢條問題可以寫一本書，我地冇位寫，所以只答你三句：
1 以冷卻能力來說，水冷+油冷最強，其次到水冷，再到風油冷，最後是風冷。
2 無論車廠設計採用那一種冷卻設計，都是最適合的選擇，無需擔心風冷不及水冷好之類的問題。
3 當然採用油冷或風冷的車，有機會會過熱腳軟，但採用呢類設計的一定唔係跑車，所以正常使用下係冇問題。
其餘細節請買本書睇下。
|
19/12/2002
|
注意事項
您好,本人剛考到電單車牌照, 將會在短期內購買一台二手的電單車, 在一般電單車舖頭, 請問購買程序是如何的? 付款方法如何? 過程中有甚麼要注意地方? 如何不會被一些無良商店欺騙. 在此感謝您的回覆.
新牌仔 GEO geolui@netvigator.com
可要求有經驗的朋友一起往車行選購，並盡量選擇一些有商譽的車行，例如在iBike見到的商戶會較有保證。如果某商戶有經常性欺詐行為，我們會拒絕他們在iBike內出現。其他買車細節可在知識技術一欄中看文章。
|
19/12/2002
|
1) 每當有新款電單車到港，通常會有一部作媒體(如貴網及雜誌社)作試車之用，以作宣傳。但這些車有了哩數之後會如何處理？會以折扣價出售嗎？
2) 為什麼電單車的前制動一定比後制動強？這不是會有起尾的危險嗎？可以後制動比前制動強嗎？
3) 聽說綿羊最好每日都用，否則好易因電池關係著不到車。亦因此，有些綿羊同時有電撻及腳撻。為什麼綿羊的電池會如此弱？沒法補救嗎？
Thanks. Jim 請勿刊登本人電郵地址
車行如何處置被傳媒試騎過的電單車，我們並不知清楚。電單車的前掣動較強是因為制動時重心會轉移向前輪。詳細解釋請在知識技術中找文章看。綿羊的電池較細，所以儲電量較少，但也末至於一天不用便撻不著。
|
19/12/2002
|
有關 RVF 的問題.......
本人新買了一架 95 年 RVF , 現有問題如下:
1 ) 聽人話 RVF 係用倒 Fork 關係, 所以換 Fork 油時, 最高只可以換 10 度, 是否正確呢 ?
2 ) RVF 怎樣可以換 Fork 油呢? 因為我在前 Fork 上看不到放油鏍絲.
3 ) 在未著車 ( 凍車時 ) 前入波 ( e.g. 1 , 2 ), 拉盡極力子桿( 極力子理論上已分離 ) , 架車仍然推唔郁, 極力子好似仍然同波箱無分離一樣, 相反在著車後熱車時入波, 拉盡極力子桿, 架車就可以推得郁 ( 我佑係因為偈油變熱所致 ). 上述情況正唔正常? 我已試過調較過極力子捍, 但情況都無改善, 咁我又可以點做呢? 而上手車主話個極力子係新換的, 究竟係唔係真呢? 而我又可以點試?
4 ) 怎樣可以檢查整流器和個電池是否正常? 我之前架電單車自己時常用 ( 它 ) 錶度, 次次都好似正常, 但最後都係因個電池無電在路上死車..........
最後多謝 貴網的精彩資訊, 令本人獲益不少.
Dicky Leung「請勿刊登本人電郵地址」
這要視乎車手重量和掣動習慣而定，倒fork只是剛性高，和受壓回彈無直接關係。換fork油要成支拆散。凍車入波後扣極力子仍然推唔到車，應該檢查極力子威也的鬆緊。除了牛角位之外，還有近機器殼的位置可以調較威也。上手車主話新換極力子係指威也還是極力子片？
電氣檢查雖然可以用電錶量度，但並不能預先估到密封電池幾時會死。
|
19/12/2002
|
風擋有影響嗎？
本人駕駛本田x4，1300cc街車，問如果加風擋，是否會對高速巡航時之穩定性做成影響？會使其更加穩定？還是會令其不穩定？
Drack drack@netvigator.com
直接安裝在把手上的風擋，有機會影響操控，風擋面積越大，速度越高，影響越大。
|
17/12/2002
|
本人有2個問題想請教：
(1) 除了直列式的引擎外，為什麼V型和水平對向引擎，會在單數氣缸。
(2) 在私家車中，不論幾多c.c.都有Turbo，那麼電單車有沒有Turbo。
請不要刊登本人姓名和E-mail address。
唔係好明你講乜？為什麼V型或水平對向引擎汽缸數目是單數？唔係呀。電單車除了單、雙汽缸，直三、直四之外，其他有V2，V4，Boxer2，Boxer6。
電單車不需要Turbo。現今科技1000cc可以做到有200ps馬力的境界，馬力唔係最重要，馬力如何以線性發放，不會破壞操控才是重心所在。加上電單車以輕巧為主，Turbo咁大舊，唔係好掂。
|
17/12/2002
|
Tire question
Hello ,我部愛駒係巡航款,我睇完實用資料,都唔知如到油站打氣入呔,要打幾多磅氣?可唔可以教吓我,等我做個安全駕駛者,及係點睇㗎,thank's!!
頭呔: 80/90/21 尾 : 140/90/16
roymak roymak@macau.ctm.net
胎氣打多少，和車身重量和設計有關。通常尾擔上都會有貼紙寫上胎氣提示。你部係乜車？
|
17/12/2002
|
新手問題
Hi 你好我想問一下 如果持學牌沒有掛學字 及在不可學車行駛之道路行車(被警察截停)會有什麼後果呢?另外想問一下 tw200 01年車 二手車$25000 已改 價錢合理嗎 這歀車是否有很多問題呢很多人這麼快便放這輛車 我個人是喜歡他的外形 但不知其實他內裡是否可靠
可否給我一些指點呢?謝謝
tk719719 tk719719@sinaman.com
唔知呢，你試下咪知law。Tw200風冷單缸細cc，玩下外型玩下另類就得，真係用車絕對唔夠用。但係01年車賣25,000，總抵過買綿羊。
|
17/12/2002
|
Runner 2 stokes or 4 stokes, carry 2 persons, run faster than a super 4 carry 1 person, from zero when traffic lamp change. I am 140 lb. is it normal?
if SF VS need 0.65/ km, normal or not? mostly in town. Not highway, changed air filter recently. spark plus used 3000 km only. If not, anything need to repair.
Merry Xmas Wai (please dont show my address)
Which bike are you on? Runner or CB400SF? If you think CB400SF is slower than Runner, go to see doctor or get your CB400SF to any bike shop for help.
$0.65 a little bit higher, but consider you are using in town, it's still acceptable.
|
17/12/2002
|
奉勸各位老友千祈咪泊係有新爛迹象的電單車隔離!!
今日去文化中心睇show，諗住有排泊，於是去到亞士厘道搵位。也不知是好彩還是不幸，剛巧有一大空位，足夠我架CB1入有餘。由於極少見亞士厘道有如此筍位，遂不禁一望隔鄰車伴，竟然發現右手邊的PGM車頭膠冚呈現爆裂迹象，而且膠片搖搖欲墜，看來還是新近被撞不久。為免黑狗偷食、白狗當災，於是找尋其他好位，可是竟然只得這一個。由於時近五時，小弟又約了人，最弊是要到很晚才能離開，又恐怕泊在合法位車位旁有被抄牌之險，於是唯有泊入。
時近十二時，當小弟取車時，赫然發現我的CB1的右手鏡被拆去，而且還要工整地放在油缸上，顯見是有人蓄意而為。小弟頓時百感交集，一方面驚覺香港人素質之低，必要以牙還牙之惡，另一方面亦發現大家同屬老電車友，竟然完全沒有絲毫同儕之心。最慘的還是撞毁其車膠冚的，其實是另有其車，但此人竟然由於遷怒於我的CB1，實在令我痛心，最終得益的還不是電單車行!
敬告各位千萬不要泊正此等車輛隔離，也希望各位泊車時要千萬小心，無謂撞爛他人車輛，最重要的還是當愛駒被毁時，不要輕易遷怒於鄰車，因為隨時肇事車輛早已逃之夭夭!
東方龍 lamh0@hotmail.com
|
13/12/2002
|
編輯先生您好:本人現在駕駛的是一架93年rebel,剛買下不久,請問有什麼需要注意的地方,聽人講輪框鋼線需要維修是什麼意思及怎樣做法.
li daniel 請不要刊登本人電郵地址,Thank You very much
93年Rebel細機械年份高，唔知有冇俾以前的車主扭殘部車。先檢查輪胎迫力皮是否足夠，再看有否需要更換消耗品例如偈油光咀風隔油隔，睇下力度性能操控有冇異樣再講。鋼線軨冇乜特別要注意的地方。只要內胎冇漏氣便OK。但請檢查鋼線是否齊全，看看有沒有缺少了鋼線。
|
13/12/2002
|
你好,請問電單車(綿羊)的避震正常的壽命有多久?又如何知道(檢查)避震需要更換?謝謝!!!!!
KB 上 ben ko
kb_hkt_1010@yahoo.com.hk
正常使用下，最佳表現會在一萬公里後逐漸失色。隨著避震油變稀或油封漏油，油壓減少，彈簧受壓後會上下咁跳，車身會變得越來越唔穩定。慢車冇問題，但快車時會覺得好似坐緊船咁樣浪下浪下。靜也時找人幫忙扶直車身，用手把車尾用力按下去，看看回彈時會否有上下擺動的情況。
|
13/12/2002
|
險些兒....
駕駛車款: 94 XJR400
車主: 馬騮精
事發經過:偉業街(東行)左轉偉發道,鋪晒鐵板,駛過時突然失控左右搖擺(約15km/h),立即收油，伸左右腳出黎(無用brake)準備跌車.好彩唔使跌！！回頭望一望繼續走。(2002-12-12 1745hrs)
人命財物傷亡損毀:無(不過心跳加速)
當時感受:有無搞錯無落雨都咁跣,鐵板上面可能有油漬。
事後影響:下次過親特別路段更加小心
呢位仁兄反應都算快，重冇做錯o野，抵讚！
|
11/12/2002
|
編緝你好:本人現駕駛Super4Big1,請問油費接造近8毫子一公里,
1 請問是否正常呢?
如果唔係波波見紅，八毫子一公里絕對不正常。
2 而如果不正常請問通常會在那處出現問題呢?
可能係風隔太污糟，又或化油器風油比失調，又或引擎狀況出了問題。
3 如去車房check要叫他們check那處呢?
只需把問題告訴車房，他們便會自行判斷應檢查什麼地方
4 最近天氣轉冷,會否影響耗油量呢?
天氣轉冷令空氣密度增加，理論上應該更省油。
5 而我在油缸附近經常聞到電油味,請問會否油缸入油門仔老化.而導致電油揮發呢?(96年車)
凍車應該冇味。熱車時有輕微電油味則正常。
祝貴網烝烝日上 忠實網友Dicky 請勿刊登本人電郵地址
|
11/12/2002
|
編輯你好：我剛考到車牌，現在很心急買車，但由於保險所限只能出羊。看了貴網的推介後，你們多介紹Freeway250作實用代步之選，我現在有一些問題想問？請你們解答我的問題，感激不盡 Patrick Yip想做Ｐ仔上（請不要刊登本人的電郵地址）
１.我要由黃大仙到北角番工，此車ＯＫ嗎？另外油錢大約一程要多少及你估有多小km（希望你答到呀），我是打算行東隧的？
絕對OK！
２.我看中了一台freeway250，它是９４年生產９９年到港的行了45000km，售價是1萬元，你各得合理嗎？有冇其他意見呢？
不合理。除了年份高外，咪數也不能盡信。你試俾推俾車行睇下佢地肯收幾多？
３.其實老電一年行多小公里是標準的，我看中的車是否太多km及是不是應該選一些車齡低的車?
一般平均為一年一萬公里為正常使用量。但沒有一定，視乎車主的用法。車新當然較佳，但車價也較貴。
４.我也到車行看中一架二手大鯊王150是０１年車行了20000km，又是否行得勁，150cc是否適合我的用途?
150也能照顧到你需要，但當然250更好。
|
10/12/2002
|
Scarabeo200/ Beverly 200/ Joyride200
I am planning to puchase a scooter, but cannot decide which one to buy. Please give me some comments on those three models. Your comments will be very helpful for me to make decision!! Thanks a lot!!!
Terence cfgarden@i-cable.com
Depends on your needs: for stable it must be scarabeo 200/Beverly 200. if you looking for power then it must be Beverly 200, for normal scooter riding comfort postion it must be Joyride 200. No one is the best.
|
10/12/2002
|
舊車唔要
我有一架好舊(十多年)既電單車﹐牌費將近完﹐不會再續﹐想請問有什麼途徑可以合法地拋棄它﹖
stewart@mail.hongkong.com
1. 將車輛售予商營廢車回收公司 - 如果你決定將車輛售予商營的廢車回收公司，請留意以下各點：
(1) 保存該車輛的登記文件及車輛牌照正 本；
(2) 向該廢車回收公司索取車輛拆毀證明書或收據 (你必須確定該廢車回收公司的商業登記證號碼已列於證明書或收據上)；
(3) 於十五天內攜同以下文件，到運輸署牌照事務處辦理取消車輛登記手續：
a. 該車輛的登記文件正本；
b. 該車輛的牌照正本 (若牌照仍屬有效)；
c. (i) 車輛拆毀證明書或收據正本(如該車輛已拆毀)；或
(ii) 運送文件(如該車已輸往外地)；
d. (i) 車主的身分證明文件 (如車輛屬私人所有，請帶同車主身分證或護照； 如車輛屬有限公司所有，請帶同該公司的公司註冊證)；或
(ii) 假如車輛是交由他人代辦取消車輛登記手續，代辦人須帶同由車主簽署 的授權書及附有車主簽名的車主身份証影印本，及出示代辦人的身份証 正本；
e. 已填妥的「取消車輛登記通知書」(TD 184)。
有關經營廢車回收業務公司的資料，你可以參閱各大報章的分類廣告或從電話指南分類廣告中的「汽車拆卸」取得。
2. 將車輛交予政府廢車收集中心 - 現時，本港祗有兩個政府廢車收集中心。一個位於九龍大角咀，另一個位於沙田火炭 。如果你決定將車輛交予政府廢車收集中心，請留意以下各點：
(1) 由於面積有限，這兩個廢車收集中心是以先到先得的形式為市民提供服務。為避免不必要的延誤，請先致電火炭收集中心 (電話：2604 4197)或大角咀收集中心 (電話：2391 4423)，查詢是否有空位容納你的車輛；在確定收集中心可接收你的車輛後，請自行安排將車輛運送至該收集中心；
(2) 取走車內所有個人或貴重物品；
(3) 帶同以下文件，辦理交付車輛的手續：
a. 該車輛的登記文件正本；
b. 該車輛的牌照正本 (若牌照仍屬有效)；
c. (i) 車主的身分證明文件 (如車輛屬私人所有，請帶同車主身分證或 護照；如車輛屬有限公司所有，請帶同該公司的公司註冊證)；或
(ii) 假如車輛是交由他人代辦交付車輛手續，代辦人須帶同由車主簽署 的授權書及附有車主簽名的車主身分證影印本，並出示代辦人的 身分證正本；
d. 已填妥的「取消車輛登記通知書」(TD 184)。
中心職員在接收了車輛後，會發出一張收據。待有關取消車輛登記手續辦妥後，運輸署會根據車主向運輸署申報的地址寄發一封通知書，知會車主已辦妥取消車輛登記手續。
摘自運輸署網頁 http://www.info.gov.hk/td/chi/services/surrender.html
|
10/12/2002
|
油缸被人整花
2002年12月9日晚上約9時左右,本人停泊心愛CB750在深水涉黃金商場對出的合法停車位後,就去食飯。當食完飯後就反來取車。當我見到我架車後，我就火都離，我見到我架車左邊油缸有一條約一呎長的白色化痕。好像人地用鎖匙整化一樣，真係肉都痛。然後真係車不離眼，如果真係要走開，就要落車套，請各位留意。
Lee Lai Wah lnwsimon@hotmail.com
|
9/12/2002
|
關於不小心駕駛問題
您好，本人於十二月七號在觀塘開源道街尾駛上行人路拍車時.被一騎警抄牌,(不小心駕駛).而當時行人路沒有任何行人.而我的車速小於10km.
騎警只說為何不下車推而抄我牌.我想知如果要上行人路拍車.真的要推車嗎?如果唔夠力.或推上斜路.不是更危險??可能會失平衡.而隨後的車會.....希望回覆.
問題小年.Charles Chan
charleschan@vis.com.hk
此乃法例問題，唔關當時環境問題。雖然我們也不同意有關法例，但仍應遵守。
|
6/12/2002
|
鐵騎網誌 您好。我是貴網站的忠實訪問者之一。我的建議是貴站可以適當增加一些異地信息採編人員，以稿件採用來計酬。在某些方面，可以增加網站與各地摩托車愛好者的交互性，提高網站訪問者的積極性。從另一方面說：不知道學生想學什麼的老師不是好老師。如果每一個摩托車愛好者都把最喜愛的個性化信息發給貴站，再由貴站將信息篩選、整理後發佈出來，這樣可以聚集更多的具有親和力、人性化的信息；退一步講，即使不採用這些稿件，也可以從中了解網友的信息需求。這也可以適當的減少固定編輯人員外出採編的煩惱。個人之見，請勿笑。
Dragonsun dragonsun@jzinfo.com
多謝你的寶貴意見。我們一向都歡迎車友供稿，只要是參考價值，對其他車友有裨益的文章，都會保留在網上供後人參閱。但如果投稿者需要酬勞，則恕我們未能辦到。始終鐵騎網誌是一個免費觀看的興趣網站，有別於需要付款購買的書刊雜誌。車友們在這免費的渠道上互相交流，有好的東西應該無私地和別人分享，正所謂家家有求嘛：)
|
6/12/2002
|
查詢買車事宜
你好,我想買一架 二手KYMCO B&W150,參考貴網的車主報告,大多認為表現優異。但很多車主表示DS代理零件不合理地貴,車主報告話:DS代理商的零件很昂貴~零件又貴~比日本零件貴,都唔知零件貴係邊~台灣零件邊有咁貴呀~比日本零件貴三至五成~等等。及表示售後服務很差。這些言論嚇怕了我呢！怕買了後日後維修肉隨針板上呢！
請問還有冇其他車行有零件維修KYMCO車還是只有DS有零件維修？為何KYMCO零件咁貴?請問O手 KYMCO B&W150$9000好新淨,已行15000KM,00/00年車,合理嗎?每星期有3天會來回荃灣-灣仔上班,其餘時間短途上班,此車夠用嗎?問了好多問題,唔好意思,多謝解答!!
THANKS. Teddy woo
mcdull6666@yahoo.com.hk
好難代別人解答產品定價的問題。在自由經濟市場上，商人有釐定價格與決定經營模式的自由。待客態度與售後服務好壞與否自有消費者判定。鐵騎網誌從來不是該店的客人，所以不宜妄下評論，請見諒。有關零件供應的問題，相信其他車店都會向總代理取貨，所以價格應該差不多。
其實以車論車，光陽的造車技術不會比其他台灣車廠差，亦足夠應付閣下用途。但是幾靚的車都需要有專業的維護和零件替換。所以我們揀選牌子時，便要考慮有關品牌的零件供應和價格，相關的維修技術是否普及等等配套問題。
|
5/12/2002
|
我想讚揚土瓜灣"二輪館"既阿良
話說本人係上個月二十五號星期一完結左p仔生涯之後，急不及待咁想買一架街車玩下。咁樣咁岩係貴網網頁見到土瓜灣"二輪館"提供既廣告上面有架二手rebel250街車幾正，咁岩我又住土瓜灣，咁咪落去八下囉！
當我見到架車，都幾岩我心水，咁我就仆搥決定，我畀晒我d身份證同埋車牌副本畀佢重有住址電話一概齊全，然後我同負責人講，架車有d地方唔係好乾淨，有d積，我問佢有冇得執執佢，佢話冇問題，大概兩三日，咁之後我好安心咁走左。
星期二，我走去二輪館睇埋架車既牌薄，ok冇問題，然後大安旨意咁諗住星期四有車楂，之但係……冇車畀我，而且重見到架車仍然放在係舖面，郁都未郁過，心裏面有少少唔舒服……負責人話畀我聽星期六之前一定可以畀到架車我，星期六之前，咁我咪諗"咁即係聽日啦！"(一廂情願既諗法)，咁樣到左次日星期五，我下午收到二輪館既小姐打畀我話，要同我做保險，要羅我d個人資料，我當時即刻好大聲咁"0下"左一次，然後我話︰「有冇搞錯，我咩資料都畀齊，你而家問我羅資料即係點呀？」然後個位小姐可能唔係太清楚，佢話等佢搵搵先，然後再打畀我，跟住我當然唔係幾咁開心啦，五點零鐘我就走番去"二輪館"問下到底咩事，重有咩資料爭，之後個位小姐話要下個禮拜一至可以畀到架車畀我，因為保險重搞緊，之但係我唔開心，重有少少發爛乍，咁個位小姐就再幫我查，之後覆番我話聽日星期六一定畀到部車我，之後我就走左…
星期六，我再落去，原來…佢地唔得閒冇開門…我見到門口貼左"阿良"既手機號碼，跟住我打畀佢，佢同我解釋話就算想畀我都唔得，因為佢地店暫時冇運輪署授權過戶，一定要同我一齊去運輸署一次，咁樣我就答應左佢下星期一同佢行一次。
星期一，我同佢一齊既途中，唔識點講，阿良真係好ｌｉｋｅ屎，佢解釋話佢地新店開左兩個月，有好多野重唔係咁完善，而且個位小姐係佢女朋友，並唔係真係店裏面既員工，所以有ｄ野唔係咁清楚，佢話好唔好意思，我見到佢咁樣當然唔識再嬲，因為我見到佢真係好有誠意好盡心盡力咁去做好佢既本份。然後我羅到架車，到左次日（打呢封信既尋日）下午兩點零鐘，因為楂左一晚，發覺有少少窒油，唔係咁順，楂番去畀佢搞搞，見到佢佢仍然係咁ｌｉｋｅ屎，六點鐘再去羅車，夜晚八點幾九點，我架車死左火係大埔道往沙田方向，原因為油門冇油到，我心諗，咁鬼黑架，打畀阿良，希望佢打救下我（其實我都唔好意思煩佢，夜麻麻），之後十分鐘，阿良極速咁楂住佢架戰車趕到，見佢載住佢女朋友都即刻趕黎，然後佢載左我去大圍先，留底佢女朋友係大埔道等拖車，咁既情形，真係，好感動呀∼∼∼"二輪館"既阿良果然係非常之以客為先。
我最想講既係本來我因為買車等得耐而嬲，但係阿良既服務簡直係一流，所以我由嬲變左做開心。就係咁簡單，二輪館既良哥，你係得既！^_^
家良 lsi@netvigator.com
|
4/12/2002
|
TIRE 的問題
主編你好，請問不同牌子的 TIRE 是否不可裝在一起，因為不同牌子的 TIRE 有不同的占地程度。而RACING 和普通的 TIRE 又可否裝在一起呢 ? TIE 怎樣的配答才是最恰當。MANY THANKS !!!
RAY (請不要登我的 E-MAIL )
唔好自己配搭輪胎，最好選擇番同廠同系的款式。因為每款胎的預熱程度、抓地力、排水性和耐用性都不同。
|
4/12/2002
|
去清水灣高速上斜、𣎴料一輪死廢物車倒頭駚出快線從小路、前車急亭、當時車速70km/h,人車衝倒地,好痛,真死廢物車
請小心廢物車,洗街車,駕駛打醒精神,god gless me
2000 hornet 600cc
|
4/12/2002
|
Vespa ET-8 攝車輕微車輛碰撞
事發經過:
九龍入海底隧道出香港方向,塞車,攝車時右邊貨車可能見不到我,他向左壓向我,好驚!我左邊係一輛van仔,我本能傾向左避佢,差d變左三文治。
人命財物傷亡損毀:
冇炒,整花左人地架van仔,賠錢了事。我架車冇事,但心裡有陰影,不太敢攝車。
當時感受:心裡有陰影,不太敢攝車。
事後影響:冇報警,當時我冇掛p牌,快快和解了事。
肇事原因及教訓啟示:攝車要好小心！
車主: ken
|
4/12/2002
|
編緝先生你好,小弟有些問題想請教,我剛徐P牌便出了部super4big1起初發覺部車動力很好,兩星期後發覺部車開始"立",於是攞去車房到cheek,個師傳問我平時有冇鍊車,我話冇,跟住個師傳就將個油門拎到萬二轉,條死氣喉就噴出一陣灰煙,師傳就叫我有時鍊一鍊部車因為部車經常keep住低轉數的話,部車就會"立",我話我經常4,5千轉轉波,他就叫我8千轉轉波都唔緊要,之後我就keep住8千轉轉波,過了一星期後,我和朋友去車迷城睇嘢,離開時部車就撻唔着,幸得車迷城師傳幫助(唔該哂)整番着,個師傳話個火咀濕咗,之後佢又將油門拎到萬二轉,條喉又出現一陣灰煙,佢亦都叫我鍊一鍊部車,開車時將個油門拎盡D,萬二轉轉波都冇問題,現在小弟想問:1究竟super4駕駛方法是要怎樣?因未用過 2要幾多轉數轉波才適合呢? 3如果火咀濕左,可以點樣才撻番着呢? 4如果一萬轉才轉波很多時3波已走哂全程,因返工路燈位多,咁樣走法又有冇問題呢?
心急人Dicky上.請勿刊登本人電郵地址
在加速情況或高速公路使用，七千轉轉波OK，想力度好D，九千轉先轉波冇問題。但唔好一開車就猛油門，等部車熱身先。在市區唔應該咁高轉數，咁就要留意扭油的速度唔好太快，慢慢扭油免得供油過急燃燒不良火咀積炭。火咀濕了，要即刻著車唯有拆出來抹，或開風choke唔俾油淨撻車。你的火咀有可能熱值不太適合你的駕駛方法，可能是冷型火咀，所以溫度不夠燃燒不良導至積炭。再係咁樣試下換過熱值高一級的火咀。
|
3/12/2002
|
本人渣2衝runner，實用車，請問：
Rick rick96674301@Yahoo.com.hk
1)我約2000km換一次偈油，是否太密？
二衝車不需要偈油。
2)換偈油後單據上寫"換啞油"，係咪同偈油一樣？
你應該係換緊尾牙油，即帶動尾輪轉動的齒輪雪油
3)快到10000km，只換過逼力皮，有無其他野要換？（或快到期換）
冇問題的話便冇o野換
4)有無辦法盡量減少2衝車的廢氣（煙）？
2T油不要過多，但現在都是自動混油...
5)如果不理其他影響，有無辦法可以慳油D？
二衝車係咁耗油，行慢D雖然可以慳油，但又驚車頭積炭......
希望可以回答我每一條問題，謝謝！
|
3/12/2002
|
換新呔
編輯你好！小弟(P仔)架大羊準備換呔，但在"炒車報告"中看見兩宗因換了呔而發生的意外，故想問一問，是否換了新呔比較容易發生意外呢？換了新呔之後又有什麼地方要特別注意呢？問多句，邊隻牌子好及大約多少錢？唔該曬！
老餅偉 ----請勿刋登本人電郵地址
新胎表面因為尚附有脫模劑，所以會比較跣。胎氣可以打住九成先，轉彎溫柔一點，壓車不要一壓便壓到底，百零公里後等慢慢開晒胎後先打番漲條胎正常駕駛。輪胎牌子我地冇乜研究，都係選擇一D大路牌子便可。
|
2/12/2002
|
回應公路車禍
小弟亦都好同意milk既講法, 我下班後亦都見過好多時箭豬車無箭咀燈,亦都見過公路有亞嬏掃地,我第一個時間心諗都係同各位一樣,??????點解高速公路會有人掃街??????掃公路係掃街車做既.如果有意外邊個負責,每條公路都有路牌係不准行人及踩單車,有亞嬏掃公路我都覺得係外判o左之後先有,((我估))好明顯係同一間承辨商同時投得兩項工程,但係用一個人去做兩樣野,簡直就係草管人命,唔係我懶唔想做野,係睇唔過眼o者,到時唔通話個司機唔睇人咩,定係話個行人行高速公路呢??
另外箭豬車無燈既問題,雙方都有責任,箭豬車無燈係無o左一個警示比司機前面有道路工程,但如果一個小心駕駛的司機,係應該留意到道路上面既環境,從而控制車速去避免意外的發生.所以如果意外係涉及箭豬車,都會交給道路工程組的同事跟進有關箭豬的問題(檢控無燈),而意外之發生好多時都係各司機無留意前面交通情況而發生的.
交警睡寶寶 Message sent via crash form on Monday, December 02, 2002 4:36 PM
|
2/12/2002
|
就 mike_wong 的來信,我有小小意見
其實你可能認為,現時道路的時速限制可以放寬(特別是highway),但其實你知唔知時速限制是什怎定立?其實,如果你依據時速限制,3秒跟車距離,不論在什麼路段,彎位,有什麼意外情況,你都有足夠時間停車(政府這樣才可免除民事liability,because政府had tried its best to aviod accident!)
一個在政府工作,做有關交通的公務員Chan Ka Kin請不要show e-mail address
|
2/12/2002
|
本人剛剛買了一部二手 R 1...本人渣車的時候看見電子錶板有問題...行行下車時...時常閃一下..然後就好像剛開車般錶板從新來過....請問是什麼事呢?.....還有本人身高不夠..請問徐了 (咆) 坐位之外還可以點做呢?....聽人講過..可以剪斷小小尾備震的彈簧...請問可以的嗎?...有沒有問題的呢?...又聽人講過...可以調教尾備震軟小小..那坐位就會底小小..是嗎?..但是否會令行車時不穩定呢?...不好意思..太多問題了!!
Wilson 請不要刊登本人的電郵地址
電子o野好難講，唔舒服的話不妨俾廠check下？另外腳唔夠長，最好都係鉋薄座位，改避震會影響操控。如果唔開快車的話，把預載調軟一點也可。
|
2/12/2002
|
回應：公路車禍
之前有一位讀者談論到"公路車禍"，本人都贊同那些洗街車非常恐怖。本人亦曾經差點兒因此"炒車"，好彩心血來潮行快線，向左轉一個"睇唔通"既彎時，嚇然發覺慢線有洗街車同亞嬸晌度洗街!!(果度係公路，冇行人路)但係之前真的一個指示牌都見不到!!
另外晚上常有一些黃色車在慢駛(只有黃色燈在閃沒有箭嘴)，通常在直路便會很快察覺在慢在哪一條線，但一有彎時就要估在哪條線，十分危險!!
亞銀 請勿刊登本人電郵地址
|
1/12/2002
|
本人想請問，為什麼在同一引擎容積下(如1公升.)，電單車的引擎轉數往往比私家車的高?
請不要刊登本人的E-mail address和姓名
電單車的馬力/引擎容積比例較房車優勝，是因為電單車的重量輕很多。引擎可以專注於馬力，而房車則一定要顧及扭力的輸出。所以電單車的引擎衝程較短，汽缸活塞也較扁平，方便營造較活潑的轉數變化
|
1/12/2002
|
※ 公 路 車 禍 ※
過去六個月內發生了三宗嚴重交通意外，汽車撞到修路車或洗街車車尾，導致多人死傷，事後聽到電台討論節目，政府官員、工作人員和市民都在互相推卸責任，未能切實解決問題。
引致車禍的主因離不開車速過高、跟車太貼、煞車太遲、轉線過急等，故此發生了交通意外，駕駛者當然不能推卸本身的責任。然而，當三宗意外都涉及同一類在彎位工作中的工程車輛時，工程車輛的駕駛者是否可以完全置身事外呢？
消極做法
聽聞有關政府部門建議在工程車輛尾部安裝活動風琴式防撞裝置，對于這種不治標亦不治本的消極做法，本人絕不贊同。如果這個衹是作為即時補救的臨時措施，保障不小心駕駛的司機的人身安全，本人則會投支持的一票，起碼比甚麼也不做來得強。
環境因素
我們毋需浪廢時間討論道路駕駛者的駕駛態度，我們應集中解決可以掌握的元素，首要針對的是環境因素。眾所周知，所有工程車輛，�蓮A修路車和洗街車，都安裝了黃色閃燈作警告燈號，這是法例規定的燈號。但是，自從高速公路選用黃色霧燈作街燈之後，這些工程車輛的黃色閃燈便與道路環境溶為一體，變成了保護色，不容易被駕駛者在遠距離察覺，故此路政署和運輸署有責任正視這個警告燈號的問題，�蓮A燈號的顏色、光度和底板等等，立刻作出修正。
彎後危機
在彎位後進行工程、慢駛或停車都是極度危險的行為，遇到不小心的駕駛者時，車禍可說是無可避免。故此政府有關部門已制訂了不少守則，規定工作人員必需在彎位前放置警告裝置警告駕駛者。但對于慢駛工作的工程車輛卻缺乏守則和監管，因而工程車輛司機的行為便引致意外。
例如晚間工作的洗街車，它們的速度衹有十多公里，進入彎位之後依然照樣慢速洗街，便會造成一個死亡陷阱，洗街車司機應具備這個危險意識，放棄清洗彎位後的數十米路段，儘快駛前至安全距離才繼續清洗工作。
食環署管理層諸公，如果能夠感受到上述危機的話，建議派出兩車一組的洗街車，專責清洗所有彎位後的數十米路段，其中一輛將停在彎位前作警告，當前車清洗完畢，後車才駛離警告位置上前會合，再往下一個彎位清洗。
資源增值
就是燈號裝置改善之後，彎前警告的措施亦是毋容爭議的做法，使用兩部車輛清洗一段路面，可能在資源增值的大氣侯下背道而馳，但在人命安全的大前提下，希望政府諸公能認清方向，認真考慮，勝造七級浮屠也。
mikewong_@mail.hongkong.com
|
30/11/2002
|
回應5:哈利機車司機駕駛態度
回應Patrick兄的說法
1}I like Harley and I have education in UK in the 70' and have been living in USA for some time. How can I know nothing about Harley civilization?
車子的聲浪大, 正因為他們是哈利, 的確會令到某些人士感到不安, 但飛機的聲浪更大, 更易令人感到不安, 但沒辦法, 飛機就是飛機,你住喺外國咁耐,難道說你不知道嗎?
(編按：現代的哈利原廠排氣聲浪不是很大，只是如果車主改裝了沒有消音膨脹腔的死氣喉，才會令到排氣聲十分大。只有幾cc容積的遙控車，也可以發出十分擾人的排氣聲浪。但只要有良好的消音設施，即使是4000cc的引擎也可以鴉雀無聲。無可否認，駕駛電單車的其中一項趣味，是來自引擎的排氣聲。但在城市中尤其是在晚上駕駛，也需要為他人設想，消音器的裝置還是需要的。)
2)they never will ride their lovely bike in the middle of the night and making a lot of noise to disturb neigbourhood
照你的講法都好主觀,正所謂一竹篙打一船人
3}I just would like to express my feeling of those poeple riding in bad manner make a lot of annoying sound from the engine and making a lot of noise while talking when they stop. Please consider if you are sleeping nice in the middle of the night and were disturbed by such noise. What is your feeling....Frankly speaking. I also like Harley bike and Harley civilization very much. But in Hong Kong this such a crowded area.
所有揸電單車的人都知道,哈利機車係政府正式發牌批准進口,當中包括環保署,若你更真的覺得哈利機車不適合香港的話,到政府投訴吧!
4}You said I may be the suspicious guy of burning bike. That is personel attack and you is the one with narrow mind/chest.
如果咁係人身攻擊,咁呢d又係乜呢?(I do believe the burning of bikes are those people they feel so annoying by these bikes, people and sound. They cannot bear anymore and do such a stupid way as an expression of their anger}而且懷疑有罪嗎?燒車就係刑事毀壞!
5}I am sure Au Yeung may be a bit exaggerate to say 50 bikes, but you know only 15-20 of this lovely bikes can mislead you to think of 50's.
你試吓上到法庭咁樣同法官講吖,一時話50+部,一時話15-20部,你一係被評為不誠實証人,一係好似謝x鋒,被判防礙司法公正
最重要的是容人之道!!!
mikewong_@mail.hongkong.com
鐵騎快語：有關「哈利司機駕駛態度」的討論，我們認為到此應告一段落。如各發言人覺得意猶未盡的話，請移玉步至各大新聞組繼續討論。
|
29/11/2002
|
本人想請問電單車的傳動系統，會分為鏈、皮帶和軸。而為什麼所有的車廠都不一至選用鏈，以本人的角度認為鏈的動力流失和重量都比其餘的少。另外本人想請問什麼是扭力，同時在最高扭力出現時，即是代表什麼？在電單車的外觀(假設是不知什麼型號和引擎容積)，二沖程和四沖程是有什麼分別？
請不要刊登本人的姓名，但可以刊登E-mail
wongyy58@netvigator.com
車鏈的運動性能雖然高，但保養麻煩。軸傳動雖然運動性能不及車鏈，但善於應付高扭力輸出，也有耐用和不需頻密保養的優點。皮帶結合軸傳動和鏈傳動的優點，只需更換而不需定期保養。三者各有優點，視乎車款味道而定。簡單來說，扭力是指引擎輸出的功率，但並沒有包含時間性的形容。當最高扭力出現時，代表電單車到達最有效的加速區域。單從引擎外觀，可能較難分辨四衝二衝。排氣喉則較易分辨。二衝排氣喉為增加回壓，在中段都有膨脹腔，四衝喉只有在尾段才有膨脹腔。
|
29/11/2002
|
回應4：哈利機車司機駕駛態度
Dear Editor, I would like to respone Louie Wu's email concerning riding attitude. First of all. I am not picking on Harley Rider as what Mr. Wu said this is their culture. I like Harley and I have education in UK in the 70' and have been living in USA for some time. How can I know nothing about Harley civilization???? You know, they never will ride their lovely bike in the middle of the night and making a lot of noise to disturb neigbourhood. They only will garther in weekend and make fun ride in the country side.
I just would like to express my feeling of those poeple riding in bad manner make a lot of annoying sound from the engine and making a lot of noise while talking when they stop. Please consider if you are sleeping nice in the middle of the night and were disturbed by such noise. What is your feeling.
You said I may be the suspicious guy of burning bike. That is personel attack and you is the one with narrow mind/chest. If you have read "ibike" for some time. This is not difficult to read some articles that there has a lot of bad rider riding in bad manner causing dangerous to other bike riders and road users. I am ashame by them as a bike rider !!!!! NOT those GOOD Harley rider.
I am sure Au Yeung may be a bit exaggerate to say 50 bikes, but you know only 15-20 of this lovely bikes can mislead you to think of 50's.
Frankly speaking. I also like Harley bike and Harley civilization very much. But in Hong Kong this such a crowded area. I think everybody should be a bit considerate to make our life happier.
Patrick jctsang811@yahoo.com.hk
|
29/11/2002
|
回應3：哈利機車司機駕駛態度
看了Au Yeung 兄 (相信是男吧, 若錯了, 請諒) 及Patrick 兄的留言, 本人亦想作出一點回應. 本人是一名哈利車迷, 亦是哈利車會-香港縱隊的一份子.首先回應Au Yeung 兄
1) 照我所查問結果, 當晚哈利車會絕對沒有任何活動, 而且更沒有可能會有超過50部哈利在那裡同時出車, 因為連我們的正式出車日子亦很少會有超過50部哈利
2) 大家都知道哈利的車型一般都比較苯重, 左穿右插, 真是談何容易, 更何況要50部哈利一齊左穿右插, 如是真的, 大家可以想像當時的情況會是多麼狼狽
3) 車子的聲浪大, 正因為他們是哈利, 的確會令到某些人士感到不安, 但飛機的聲浪更大, 更易令人感到不安, 但沒辦法, 飛機就是飛機
4) 說到駕駛態度, 相信無論是駕駛任何車, 都會有人態度不太好, 但絕對亦有駕駛態度十分好的人, 我們大家都知道駕駛pizza綿羊的仁兄，一般都比較勇猛，但我們絕對不會亦不應說駕駛綿羊的人態度便不好，不應該一概而論
到回應Patrick兄,
1) 閣下當然絕對可以認同Au Yueng 兄的說法, 但當你連他說的是事實與否都不知, 便下定論, 是否有點人云亦云的感覺呢
2) 閣下當然絕對可以不喜歡駕駛哈利的人, 但我不明為何 riding a Harley will "make us ashame as a bike rider", 我本身都不是太喜歡那些主張戰爭的人, 但我不會說他們令我覺得做人是羞恥的, 若你真的有這個想法, 那你不要到美國去了, 因為那裡有數以佰萬計令你覺得羞恥的人.
3) 你竟然將燒車之罪, 放於駕駛哈利的人身上, 由此可見你是一個不尋求真相便亂下定論的人, 我真心的希望你不會是那個燒車之人 (雖然我有點懷疑)
結論
1) 其實大家都知道電單車有不同的款式, Fairing, Scooter, Mountain Bike, Choppers (including Harleys), etc etc. 各款車誕生正是迎合不同人的口味及風格, 沒有人會期望你會喜歡所有不同款式的電單車, 但亦請不要誤會駕駛某一類型車的人便會有某一特定的性格
2) 哈利車的聲浪大, 是他的文化, 喜歡哈利車的人自然想保留這個文化, 但不表示他的駕駛態度有問題. 正如紋身一樣, 有很多人都喜歡紋身, 但絕對不應說每一個紋身的都是壞人, 又例如Fairing車的文化是飛馳電制, 這是Fairing車天生的性格, 是給與駕駛者的樂趣所在, 你說他們的態度有問題嗎?
3) 曾經有一前輩說過, 駕駛電單車, 最重要的是容人之道, 因為為一時之氣而做成意外, 吃虧的總是駕駛電單車的, 你們既然自命是喜歡駕駛電單車的, 你們有這個量度嗎?
4) 兩位仁兄都選擇不留 email address, 必有你們的原因, 可能是不想對你們所作的言論負責吧
既然大家都是喜歡駕駛電單車的人, 有機會大家一起出來ride, enjoy 一下那種自由自在的樂趣吧
Louie Wu lwuandco@hotmail.com
|
28/11/2002
|
編輯先生你好.本人屢次來信,承得你們回信指教,真的感到很高興及穫益良多,本人因為首次買車,之前從來未有過任何買車經驗對於維修保養本人之新落地之ue150有些疑問.我的ue雖然只是行了300多公里,但從貴板其他回信得知,需要定時check胎氣,機油及制動系統等.雖然已經看過車主手冊,可是仍然不太明白以上幾種要如何保養. 比如胎氣.除了用手及眼檢查外,怎樣才可知道車胎符合磅數?因我有次跟朋友去油站打胎氣,他說要打10磅(他的車是runner2衝180)....但我又點知自己的車胎有無需要加氣呢?
另外機油方面,雖然廠方有給保養.但是我現階段行了幾百公里又是否不用理會?還是要每次出車前檢查機油窗之油量呢? 最後關於制動系統,因本人是P牌,路面經驟不足,有時需要比較大的brake,對於損耗量又如何保養?最後是想問,這部ue及用@150比較邊部駕駛感覺會好些? 雖然我知道@的地台較高,可是車輛較ue大又會否比較安全?(如果是駕駛技術一樣的話)@的2手價錢大概是多少呢?
henry(請不要刊登本人電郵)
唔使咁緊張。新車唔應該咁快有問題。只要車胎沒有破損，胎氣沒有太大變化。你可以買一個胎氣計定期在凍車時量度胎氣。胎氣參照了車主手冊或代理的提議後，再微調至適合自己的磅數。綿羊的機油每一千公里更換一次便可。但首次更換的話應提早於幾百公里便可以更換。UE150的價錢和@150差一截，當然是@150較優勝。UE150用10吋輪框，穩定性當然不及13吋軨的@150，但並不代表UE150會有危險。二手價視乎狀態而定，一年車都是萬多元左右。
|
28/11/2002
|
XJR-400 & ZR-7
編輯先生:很多謝你這麼快的回覆(....有番咁上下駕駛經驗，梗係ZR-7啦)ZR-7係八汽閥設計,XJR400係十六汽閥設計,兩者(八定十六好)汽閥
因本人覺得400已經好快。謝謝 祝 身體健康,生活愉快.
海陸空~~請勿刊登本人電郵地址~~
八氣閥的優點是較省油，扭力更易發揮。十六氣閥的優點著重於高轉尾段的馬力供應。跑車當然以每汽缸4V以上設計較佳。街車則冇乜所謂啦。直四16V 400cc起圍加速果下，冇可能會快過直四8V 750cc。不過如果你覺得XJR400夠用的話，咁買XJR400點都會平D。
|
28/11/2002
|
引擎問題
本人巳觀看貴網多時,貴網資料豐富,巳成為本人精神食糧,現有一個緊要問題想請教,本人大概三個月前買了一台全新250cc棍波台灣電單車,近日換油時車行發覺引擎外有油跡出現，經過清洗後還發現有漏油現象,想問引擎漏油是否正常.能否整好,有沒有什麼後遺証,我?否向車行要求更換.非常心煩,而代理車行經常推說我的車很正常,這巳不是第一次有事，所以才出外找車房求解決方法.請求教我一個解決方法.
願祝貴網工作順利出入平安
hahayam 請勿刊登本人電郵地址
引擎滲油可能火咀未上緊所至。如果油漬係引擎殼邊滲出，表示中缸上下的砧口損毀，需要更換砧口。輕微的滲漏問題不大，但要注要機油存量。嚴重會影響引擎密封性，影響燃燒效率及冷卻潤滑等功能。
換砧口的工大話大唔大話小唔小，始終都要抬副偈出來拆開整。但小心全世界(包括代理)都冇零件呢？咁就麻煩。這情況需要一位有技術又有心機的師傅利用其他車廠的砧口自製一個適合的砧口供你替換。但係誰又願意做呢？
|
28/11/2002
|
有關查詢入門跑車
編輯先生:你好!小弟約有駕駛街車2年經驗,現正考慮試抯跑車.碰巧有朋友出讓一架PGM2,想請問:
1)此車是否適合?(因我好少抯2衝車,跑車更加未試過.)
2)2衝跑車係抯法上,與4衝有乜分別?
3)若果此車不合適,有咩車種建議,作為入門練車之用?
謝謝!!! 動力機車(請勿刊登本人的e-mail)
如冇記錯的話我地好似答過你類似問題？再講一次：二衝跑車比起四衝跑車的缺點是power band窄，輸出不夠線性，不平均的輸出會令騎士有「強勁」的錯覺。另外引擎牽引力較少，所以keep轉數和收車技術都較四衝車為高。
保養方面，車主要注意2T油的供應是否正常和經常檢查2T油存量是否足夠。二衝跑車經己停產多時，現在仍流傳在街上的舊車，因沒有人捨得買昂貴的新零件，所以質素沒有保證。賣緊幾千蚊至萬零蚊一部車，邊個會捨得駛幾千蚊換過套鏣鈴？
你有兩年駕駛經驗，想轉玩跑車，可以搵部400cc跑車丫。記往年份高而cc細的車，不碰為妙。
|
28/11/2002
|
回應2：哈利機車司機駕駛態度
After reading the statement and feeling of Mr. Au Yeung. I have the same feeling. I really like riding bike but I don't like such attitutude. These people make us ashame as a bike rider.
I do believe the burning of bikes are those people they feel so annoying by these bikes, people and sound. They cannot bear anymore and do such a stupid way as an expression of their anger.
I hope these kind of black sheep can have their lesson sooner or later but I really don't hope that we are their subsitute for people's anger.
B/Rgds Patrick (please don't show my email address)
|
28/11/2002
|
回應1：哈利機車司機駕駛態度
I've some question after read Au Yeung's letter,
1) How long will it be whether over 50+ motorbike on a sector of street? Will it be?
2) On Friday night, over 50 Harley Davidson on street? I've never heard they have events on that day!!!
3) He (writer) on which position on street at that time? He's also inside the gap between other vehicles?
Mike Wong mikewong_@mail.hongkong.com
p.s.To writer, be honest and reasonable when you send something before.
|
26/11/2002
|
哈利機車司機駕駛態度
於22-11-2002晚上十時左右，剛參加完慶典，本人駕駛電單車途經佐敦道，當時路面甚?
車多，見前面停了約20餘部哈利電單車於燈位前，而且隨後不斷有哈利電單車駛至，更?
多名電單車司機將車穿插入停在行車線正等侯交通燈轉燈之私家車、的士等車頭之間，?
哈利電單車數目相信超過50部，而且有些司機摞動油門，使引擎發出傍大聲響，使路經?
民側目。而路面的其他司機則開車時更要不時停車提防有尾隨的哈利電單車插入。
本人須為電單車駕駛者，但亦不值該等人仕駕駛態度，希望該等人等能改駕駛態度。
Au Yeung 勿登本人電郵
|
26/11/2002
|
本人最近成功拿到 p 牌 , 想出部 dna 180唔知呢架車合唔合我呢類新牌仔?還有用綿羊有什麼地方要注意呢? 我本人主要作市區和公路之用 , 唔會拿來 "片車" , dna 180 唔知夠用嗎? 和 dna 180 接近的車種又有那種電單車? 麻煩請解答 謝!
Billy Chan 請勿刊登本人電郵地址
DNA180容易駕駛，新牌應該很易掌握。自動波車因為沒有得轉波，長落斜時會越衝越快。這時應注意車速和掣動的運用，有時俾番少少油以免進入空波狀態。夠唔夠用好難講，因每人要求不同。自動波，跑車姿勢，油缸可藏頭盔，只此一家DNA。
|
26/11/2002
|
請問一部150cc的綿羊仔行到120km/h算唔算快?
Dragon leungdragon@hotmail.com
如果真係有120km/h，當然快。不過好多時個咪錶都係哈哈錶，報大數俾車主開心下唔好當真。
同埋長時間盡油行車對部車會有乜影響?
機件負苛增大，如果保養工作唔好，部車冇咁耐用。記得勤換偈油，不要讓機器過熱。
各級最強最快的電單車型號???
點為之最強？在賽道或日常生活？以下為目前為止的答案(鍊車計/實用計)03年新款車出籠後就唔知。：
400級
停晒產九年啦...RVF400/CBR400RR
600級
Yamaha YZF-R6/Honda CBR600FS
750級
GSX-R750/??
1000級
Suzuki GSX-R1000/Honda CBR954RR
1000級以上
Suzuki GSX-1300R隼/Honda CBR1100XX
|
26/11/2002
|
主 持 又 來 煩 你 ： 我 個 二 奶 cb750換 了 最 新 e-52尾 箱 ， 慢 車把 手 搖 晃 得 好 利 害 ， 影 響 駕 駛 樂 趣 ， 以 前 用 e-46沒 有 這 程 型 出 現 ， 請 問 有 什 麼 補 救 方 法 ， 另 外 此 車 慢 車 大 約 二 三 千 轉 ， 車 鏈 好 象 磨著 東 西 發 出 聲 音 ， 快 車 時 唔 覺 有 ， 請 多 多 指教 。
waterflow@net-yan.com
會唔係新尾箱的尾架裝後左，把重心後移？如果唔能夠把尾箱裝番前D，唯有尾胎氣壓打多一點或把尾避震預載調硬一點。車鏈磨住磨住？起大架用手推動尾輪有乜o野發現？會唔係到期攝鏈？
|
| |
|
|
|
 |
|
