|
|
|
FAQ常見問題 |
|
|
18/8/2002
|
各位前輩, 你們好, 我經常瀏灠ibike, 特別是炒車報告, 能夠讓人提高安全意識, 以及分享經驗. (其實小弟在英國讀書時考不到老電,嗚嗚...) 今日看到 貴網的頭版, 又看見一位騎士入廠. 令我非常不開心. 其實我一向都不明白, 究竟為什麼香港的駕使者(特別是四個輪), 很多都喜歡"砌車", 完全沒理其他道路使用者的安全. 尤其係一些自認是"車手"的私家車司機. 把車輛的力量誤以為是自己的實力及技術. 遺撼的是, 就算我們安全駕使, 其他駕使者都未必會安全駕使, 而對騎士而言, "人包鐵", 意外傷亡率一定高於私家車. 所以, 一般的家人都並不讚成自己去做騎士, 小弟便是其中一位受害者, (我瞞著家人學呀..)
我非常喜歡鐵騎網誌, 吸引我的, 是無論製作單位以及讀者, 都會以安全目的為先. 然而, 巿面上有得多以私家車的雜誌, 當中都以明示或暗示的方式去教導香港的駕使者去"飛車"及"非法改裝", 可能就是導致現今香港人越來越多人去違規. 所以, 相信很多鐵騎網誌的讀者和我都希望 貴刊/網, 能夠把一向的堅持繼續下去, 做個好好的榜樣. 希望這小小的支持, 讓鐵騎網誌各單位人員把鐵騎網誌做得更好.
P.S. 有感而發, 請見諒離題 ^_^
brushian brushian@sinaman.com
收到！多謝！
|
18/8/2002
|
您好, 剛剛成為新牌仔,想出Benelli Velvet 02 件年新款, 未知是否合適?又是否只有S & S 這一間車行有售?
wuwingsze wws1111@netvigator.com
記得我們試騎過Benelli Velvet 250，感覺係一部好車，容易操控之餘，反應也十分敏捷。新牌應該好快可以上手。Benelli總代理是S&S，但佢地都好似有分銷安排。可以試下問你相熟的車行，睇下有冇相關安排。
|
18/8/2002
|
編輯先生: 您好. 我寫這封信給你們的原因是, 想分享一次的駕駛經驗. 上個星期四晚九時許, 我獨自駕車, 經獅隧沿吐露港公路回家. 在隧道時因為車多關係, 以及過繳費亭時待了一會, 我付款後便把車子開快一點, 預備讓人及車子迎迎涼風. 那裡是雙線行車的路段, 左右線剛巧差不多並排有兩部私家車, 以七十餘公里的速度行駛著. 我跟著左線的車子, 太約五分鐘, 想超車開快一點. 一會兒後, 右排的私家車快了一點, 與左排的私家車有一個車位的距離, 我便轉去左線, 過了左排的車子, 再切回左線. 但此時我突然感到有陣風吹來, 原來左線的車子突然加速, 從我右邊貼近的位置駛了過去, 此時我才看清這是一部"掃把佬", 車尾有一條粗大的氣喉, 發出鳴鳴巨響. 我也不以為意, 見右線沒有車, 又再一次過了那車子. 接著那車子便一直在我車旁車後駛來駛去, 跟車十分接近, 又用高燈照著我. 我想我是過車時把他惹怒吧, 那車子在吐露港公路一直跟著我. 我駕駛的車子是cbr600f4i, 但心想我沒有必要與你開快車. 於是我一直在慢線跟著一輛巴士行駛. 那"掃把佬"不停在我後面及中線跟著我, 我也心頭有氣, 不要以為我不夠你快. 可是我也沒有甚麼行動. (其實心底裡也再與他拼一拼的) 最後到大埔時, 我從駛進大埔, 他便沒有再跟著來了. 我平時雖然駕駛這種仿跑車, 但也不太會起速, 及飛車. 不過實在看不過眼這種駕駛所謂"辣車"的人. 但我也知道一件事, 兩個輪子鬥不過四個輪子 (不是在速度及技術上), 因為我怕他瘋了"接觸"到我車子那時便大件事了. 不知編輯們又否遇這等事呢?
方鴻漸 pricetse@net-yan.com
駕駛漂亮的仿跑車，有時真容易引起不必要的誤會。也許你並沒有惹怒了掃把佬司機，可能是他欣賞你的CBR600F4i，希望能與你「共舞一曲」呢。我們很欣賞你的態度，能沉得住氣。這種場合，即使你放爆了他，只會教精了他原來要同Supersport級數以上的電單車切磋，最好揀下坡山路。對方無知，我們沒有責任要「教精」他。你做得十分對。
我們很少遇上這類情況，因為我們在馬路上都很規距，並沒有做出令人誤會的動作。即使有...也會在兩三秒內消失於對方視線中。(即係俾佢行先呀，嘻。)
|
18/8/2002
|
四衝程與二衝程的綿羊有何分別?在操控上, 對新牌仔而言,二衝程是否較難控制?你認為Piaggio Skipper 150 是一個不錯的選擇嗎? 若比較同級車而言,還有別的選擇嗎?仲有點解 bajaj 150 會比其他電單車平成倍呢?
thankyou very much
samsir123 samsir123@sinaman.com
應該說是四衝程和二衝程的引擎有何分別較貼題。內燃機運作有四個步驟，分別為進氣、壓縮、燃點和排氣。四衝機器在這四個步驟中只燃點一次，但二衝機器因為每次都有兩個步驟同時進行，所以會燃點兩次而輸出功率較大。除此之外，二衝機器的優點是較簡單輕巧，但缺點是廢氣、噪音和耐用性的問題，都比四衝機器差。二衝機器的引擎牽引力較低，對新牌而言，減速時更考功夫。以新手來說，年代久遠的二衝機器都應小心考慮，所以Skipper 150當年雖然是一臺好車，但並不代表現在會適合所有新手使用。Bajaj 150的價錢的確便宜，原因是產地的成本問題，車行的預算利潤和銷售策略也是關鍵。當然市場需求的黃金定律也不可忽視。
|
18/8/2002
|
新牌、新車、新炒車
致編輯你好：小妹 個P 牌只有5個月，最初出左二手羊，但問題多多，最後都在6月份換左部新車：UE 150 ，滿以為可以安心地駕駛，點知就在7月26日就出事，當日上班途中，在屯門公路近丁九橋，本人當時是行緊中線，之後想 cut 過慢線，於是便望鏡，見無車就打燈連隨拎頭cut 線，點知一cut 就有部私家車在我側邊，之後就撞埋一齊啦！我就飛左落地番左幾個轉，好彩只係皮外傷，但都痛左幾日。唉！最慘就係我駕新羊，整左2,500 蚊，但不幸之中總算有"交通意外傷亡援助組"援助了我2,000元，可以幫補下整車。唔通係鬼遮眼，明明係無車至 cut 線，點會咁嫁！個私家車司機就話佢當時係行緊慢線的。佢梗係咁講啦，佢地有兩人，即係如果問起上來，佢都有証人呢！而呀 sir 話，照咁睇就梗係我錯啦，因為係我 cut 線而導致今次意外，但係都要睇下個官點判。請問編輯，呢單 case 通常會點判，我的 P 牌係咪有機會延長，呢點我不擔心，我只怕會取消我的P 牌要我重考呢！祝業務蒸蒸日上！
新牌、新車、新炒車的P女喊包 ^_^ choya ^_^上
chunghonming@hkbn.net
照字面睇，你轉線時淨係望鏡就開始切線，之後先至擰頭shoulder check檢查盲區有冇車。如果部私家車唔係以極高速從後衝上來的話，咁佢就應該一直係你盲區內存在。
在法律上自然係你錯，亦暴露了你在駕駛時，沒有留意身後車輛的數目和動態。資深的駕駛者，當發現後鏡中少了一部車時，會十分不安地回頭尋找那部車的位置。
但在人情上，駕駛者亦唔應該長期停留在別人盲區中駕駛。你個P牌命運係點，當然係由個官決定，但估計頂多延長加監，初犯唔會要你重考咁吋o卦？
|
15/8/2002
|
你好！當抯電單車時，有架巴士或大貨車在後面，而且好貼，但我想轉線，又比佢遮住晒倒後鏡的視線，所以每次在這種情況轉線時，我都會覺得好危險，請問有咩方法可以安全轉線呢？ 我抯0個部係綿羊仔，每當在超慢車比油時，都會好似電單車轉波轉得唔好咁，部車疾0左一疾，請問可以點樣改善呢？
Keith「請勿刊登本人電郵地址」
照睇係因為閣下的車速未能配合當時交通環境而導至巴士或大貨車可以係後面貼住你。方法係打燈，加速，貼近線位邊緣，看清楚可以出便加速順出過線。超慢車俾油加速疾一疾，係因為由空波上番波的正常現象，扭油扭得溫柔一點便冇事。
|
15/8/2002
|
奧士車行 - 有贊亦有‘彈’
老編大人：小弟昨日去奧士整架新車Runner VXR180，因為起動時有拍拍聲的掃齒聲時有時無，唔知點算！兩星期前經呀雄師父拆個起動齒出來睇好似無乜特別又無花又無變形，之後加小小齒油再試，幾日後又回復掃齒，昨日再落奧士唸住話比呀雄知啦，點知另外有條小小小師父出來迎接，咁我咪講佢知起動時有掃齒聲，但係佢個答複非常之正，佢話係有好多人唔識撻車，架車著左都繼續按著士撻，咁咪會掃齒啦！
我當堂比佢吹到啤啤聲，我同佢講，我架係新車不過我唔係新牌！你估我新牌咩乜都唔識咩？我心唸，十年牌都有啦，車都唔知換左幾多架啦你咁都想屈我！話明比佢知係起動齒不順叫佢睇，點知仲要屈我！跟住我都費事同佢講，我咪叫返上次呀雄師父同威哥師父睇睇啦。
今次就唔同嘛，又有禮貌、解釋詳盡、又幫我換起動大牙再試，現在架車慢慢自己再試階段，不過心裡都好過好多，正因為有威哥及呀雄這種有禮貌、有效率、現代化的師父才另客人信賴滿意，特此一贊！！
trader@e-capital.com.hk
咁又唔好話個位小師父唔o岩。人地點知道你老哥有咁豐富o既駕駛經驗呢？不過講開又講，威哥的確幾好人o架。
|
14/8/2002
|
本人居於觀塘樂華村,村內得1個屋村停車場只提供18個車位,跟本完全不足夠(整條村有成十幾座,我就不能相信只得18個人抯老電),而且還要業主才可申請,簡直難上加難,最近的合法車位也要去到觀塘通明街,那兒只得6,7個位左右,每每都塞到成12,13部車,我試過突出了半個位左右都抄牌,比人搬車搬到跌車出左位,無人幫我抬返起部車,都仲要比人抄牌,很無奈,眼淚即出.跟住便要去到月華街或牛頭角巴士總站橋底位,我睇過咪表,牛頭角車位到樂華村要2km,月華街要4.2km左右,我試過泊那2處,牛頭角徒步要30分鐘左右,月華街要60分鐘左右,而且行的路都是上山,簡直是取了我的命.因本人是輪班工作,返完通宵當然想第一時間回家休息,於是便有時泊於附近一些不阻人的地方(功樂道,振華道,康寧道附近),但每次我泊到那裡,搬到那裡,避到那裡都比咖啡色制服的人抄牌,我在外一年也不超過2次抄牌,但單是觀塘,3個月內已抄了我8次,要租車位又租不到,泊街不阻人都抄到媽媽聲,計起來仲貴過養私家車,這個問題曾令我一度想放棄抯老電,無奈本人工作地方位於4號貨櫃碼頭,搭公車大約要90分鐘,抯老電只須20分鐘,我跟本不能自拔去抯老電返工,無論8號風球或黑色暴雨,我已經交罰款交到很痛苦,求求救我逃出苦困吧,我很痛苦呀!!
handsome_yim@sinaman.com
絕對明白閣下的痛苦和對電單車的需要程度。但如果真係無法所想，不如以的士唔跳錶的範圍內搵其他停車場啦。搵的士駁腳，點都好過日日俾人炒牌，或者行上山幾十分鐘丫？
|
14/8/2002
|
編輯先生您好：本人剛上個月已考獲車牌,很希望可買一架電單車代步,但有一疑惑十分困擾,因本人年初時因負資產十分嚴重,不幸已破產。如我想在私人轉讓中買車,是否可以成功出保險及轉名?保險公司及運輸署會即時查我有否破產嗎?
因很怕給訂金賣方後,不能成功出保險,或出到保險但臨到轉名時才在運輸署給拒絕,那就大件事了。因身邊冇人答到我,懇請閣下幫幫忙,不勝感激！「請勿刊登本人電郵地址」
我們以為破產人士不能擁有財物，包括汽車或電單車。雖然我們不相信運輸署或保險公司會否調查你破產與否，但只要讓銀行或債主知道，你也絕不好過。很多破產人士的生活照舊過得很好。開靚車，住靚屋，食好o野。點解？因為乜都係朋友「借」俾佢o羅！明唔明？
|
14/8/2002
|
編輯你好:由於近日時常下雨,即使用了車"cum"坐位也很濕,坐時條褲濕立立,十分不便。請問如果翻新座椅會否改善情況?如果翻新大既要用幾多銀兩??祝業務蒸蒸日上！
koben,don't show my e-mail address,thx!!
會唔會係你張凳根本穿左，海綿入左水，搞到你一坐底就唧番D水出來？翻新座椅一般冇特別要求的話，三百蚊之內應該搞掂，但如海綿入水，便要等海綿徹底風乾後再包膠袋先好車皮套。
|
14/8/2002
|
hi!各i-bike staff，小弟對打蠟有一些疑問,因小弟部綿羊(黑色px200)只出了數月但係車身已開始暗啞尤其車尾兩邊"蛋殼"!係唔係我之前用過粗蠟而令到咁樣呢?因為而家洗完車後打水蠟都無法令到車身光亮,聽人講話可以用一隻叫"立時新"嘅起蠟水去起清舊蠟同污漬然後再打一層水蠟就可以令車身回復光亮!請問咁樣做正確嗎?或是有其他的方法呢?煩請指教!祝業務蒸蒸日上!!!
亞金(請不要登我的E-mail)
市面所售賣的車臘好易起，洗車時以經起得七七八八，再用粗臘卒，臘漬就起晒。但係打完臘車身能否光亮，要視乎車漆本身是否平滑，光油是否噴得幼細。否則用粗臘打磨後再用幼臘拋光，效果都係會強差人意。
|
13/8/2002
|
主持你好:請問主持如果電單車轉色或拉花的話，需唔要去運輸署辦理改色手續。如果需要，咁點解咁多人都唔辦理，係咪可以隻眼開隻眼閉呢 ?
不明人 (請不要登我的 E-MAIL)
車輛轉主色係需要知會運輸署更改車輛細節。拉花視乎面積和組合顏色而定。點解你會話好多人唔辦理有關手續呢？都唔係好麻煩之嘛。
|
13/8/2002
|
編輯你好: 請問市面上買到的車臘與汽車美容的水晶臘有何分別?!我可以在甚麼地方買到水晶臘?還有可以自己打水晶臘的嗎??多謝閣下的回答.感激感激!!
hard man hardman_ii@hotmail.com>
市面上買到的都是水晶臘，耐用性及耐水程度有限，優點是容易使用。洗車專門店的水晶臘雖然較耐用，但需要用機器拋光研磨，將來再打新臘時也要先起清舊臘，比較麻煩。價錢也十分昂貴。
|
13/8/2002
|
2001 Honda Shodaw 750 爭D累炒報告
事發經過:約一星期前, 正值熱帶氣旋襲港, 又大風, 又大雨, 正所謂天雨路滑, 當日我於早上約八點鐘左右, 在東區走廊西行方向線, 近杏花村外上斜路段, 當時在工業學院外, 我前面有架死賓士, 自己行得慢(50km/h)又要霸快線行, 我轉慢線佢又轉慢線, 當我轉快線時佢又轉快線, 而前面斜坡頂有交通意外而引至阻塞, 但與車龍尾至少還有200m距離, 而當時前面架死賓士因為唔傳我爬頭而轉快線, 所以其速度約提升至80km/h, 但佢突然收慢架死賓士(below45km/h), 記位當時與車龍尾至少還有200m距離, 而佢又係突然cut過快線, 根本無人會估計佢突然收車, 所以我立即收車, 但由於天雨路滑, 所以架車左右不停地擺......好彩我習慣頭、尾brake分開落, 及落低波拖慢架車, 因此可在前面架死賓士後方約5m把速度降至與其相約(below45km/h)...
人命財物傷亡損毀:前面架死賓士;我架Shodaw 750...都無事
當時感受:當時只是條件反射一吓頭brake, 一吓尾brake落...以及落低波拖慢架車, 當架車收慢後才懂得駡個死賓士佬
事後影響:落雨天一定要拉長與前車距離, 以及開著射燈, 隨時要有剎車的準備, 但記住不要落死個brake, 尤其尾brake, 唔係實派車...(我分開落brake, 架車都左右不停地擺)
肇事原因及教訓啟示:落雨天一定要拉長與前車距離, 以及開著射燈, 隨時要有剎車的準備, 但記住不要落死個brake, 尤其尾brake, 唔係實派車
Mike Wong
|
12/8/2002
|
hello editor ,
1. 請問 250CC & 400CC 的 scooter 摩托車極速是不是差唔多? 耗油量大約是多少? 400CC 起步係咪慢過250CC?
Gary floydhk@yahoo.com
400的表現全區域都會比250優勝。400的極速在140km/h以上，普通250有130km/h 己經好厲害。
2. 新P 牌最多可以出幾大馬力既摩托?
應該限於400以下的綿羊，視乎個別保險公司的決定。
3. 你對 意大利製的engine 和 日本製的 有什麼看法? for e.g. horse power, durable... startup speed e.t.c.
現時有入口香港的意大利綿羊，引擎的質素都很好。夠技術的品牌會自己生產引擎，技術未到最好的也會選用日本引擎。
4. 如果 Majesty 250/madision R180/250/an400 , 你會點選擇? 哪一架會容易攝車位?
講力水，一定係an400。論空間，Majesty和AN250/400都係冇得頂。但論價錢，梗係Madision R180。攝位就架架差不多。
5. 如果得學習駕照可否出車?
如果搞得掂份學保就得。但學牌有時間和道路的限制，唔係你想像中咁過癮。
|
12/8/2002
|
Dear Editor!!Last Friday, I was on the bus! I saw many many holes every where on the road. I think it can harmful biker. Even other driver.
The serious point that I saw, at least 10 holes on the road(slow lane). It is Kwun Tong Road near by the bus stop("Told Tai" and the opposit is Kolwoon Bay MTR station). Towards to Kwun Tong. Watch out and don't stay at slow lane coz too many holes can let you out of control! After strong rain for a
long time. i think many hole appear at everywhere. Watch out everybody. Cheers.
Hei funkyshits@hotmail.com
先多謝報料。其實路見不平，可以利用以下渠道反映意見。www.info.gov.hk/tcu/chi/content/index.htm
車友補充：
也可以利用以下渠道反映意見, online reporting
http://www.hyd.gov.hk/chinese/enquiries/eform_c.htm
Johannes AU" chairman@we-w.org.hk
|
12/8/2002
|
編輯先生您好：本人想買一部日本翻新車,但不知其計算方法,又担心俾人欺騙,有冇一些信譽較好的車店介紹給我,本人想買SR400. 97-99年份左右.
心急人上 yin1607@hkbn.net
其實「日本翻新車」只是一個稱號，真正的意思是從日本整批整批進口的二手車。「翻新」的工序是由買家，香港的車店進行美容工作。留意是美容工作，除非機件有重大問題，否則只要著到車，行到街，通過政府驗車便可。因為要顧及成本售價的問題，車店冇可能會100%翻新部電單車，電池，輪胎，迫力皮，火咀等消耗品通常都留待車主更換。當然車店可以做足100分，但係價錢會好貴，冇人買之餘重會俾人話間車店貴，所以各位要明白易手車始終係舊車，當車價比新車便宜一截時，買車後唔使再搞當然幸福，有小問題跟反而係正常。車店會著重自己名聲，不會售賣有大問題的易手車，所以字號越老，應該保障越大。
|
12/8/2002
|
編輯你好: 本人為新牌仔, 我的考慮是街車 Honda CB400SF VTEC II or CBR600F4i 適合新牌嗎？可否給我一些專業意見，感激不盡！
Law 請不要登出e-mail address
唔使講得咁認真，大家傾下偈姐！先唔好講新牌出唔出到400/600街車/跑車保險，純論新牌的平均技術水平都可能幾勉強。除非你身材搭夠，又或天資聰敏咁啦。
|
10/8/2002
|
編輯先生您好：
本人想就有關於6-Aug. lulujojo 有關「西瓜皮」之回應；本人有位朋友早前就因為用「西瓜皮」抯車時被鐵馬哥哥截停指控頭盔不合格而抄牌，但因告票上沒有此項目而叫佢等信，後來我朋友收到法庭傳票指控他頭盔不合格而「佛」𦴩五百元。所以希望貴刊能夠提醒其他用緊「西瓜皮」車主小心D。祝貴刊業務蒸蒸日上！
dumhill dumhill@netvigator.com
多謝Dumhill兄的熱心指導。Thank you!
|
10/8/2002
|
本人為新牌仔, 有以下問題:
1 f18 適合新牌嗎？
2 屋苑多有閘位, 電單車需要取ticket 嗎?
3 電單車可以在單車徑或行人路行多少距離呢?謝謝
samsir123 samsir123@sinaman.com
對不起，年紀大一時忘記了什麼是F18？呀！是Malaguti F18 Warrior 150嗎？當然適合！電單車入閘要否取票視乎每個停車場而定。香港政府的法例係當行人係白痴咁來保護，所以電單車唔可以係上述地方行駛。
|
10/8/2002
|
編輯你好,請問新車引擎行到3000km之後,要進行清洗的嗎? 是怎樣清洗的...自己洗可以嗎? 麻煩主編解答.
Mike mikewong_@hongkong.com
新車頭八百公里或甚至更少里數便需要更換偈油。以後視乎狀況每一千公里或三千公里再更換偈油。有一種產品好似叫做引擎專用清潔劑，在更換偈油前，先使用該產品讓車頭空轉一段時間，放光清潔劑，再入偈油。你有興趣試嗎？
|
9/8/2002
|
編輯你好: 請問日版車的馬力限制是怎做到的?!還有要如何才可解除?!麻煩主編解答，感激不盡！
hard man hardman_ii@hotmail.com
方法有幾種。例如自動cut火裝置，當轉數到達指定值時便cut火。又或者排氣喉和凸輪軸的規格有異，令馬力輸出減少。前者可以加裝解碼器，或換一個出口版的咪錶。後者則大工程要換凸輪軸。
|
9/8/2002
|
我考了牌已一年, 但沒有買車, 因不想掛 p 牌, 而家過了一年, 都係時候出車了,心目中的電單車是舒適及方便, 而我的考慮是大綿羊及街車, 如果論舒適,請問街車(cb400sf) 舒適或是大綿(如forza, majesty)呢?因為我知道如講座位就是大綿羊舒適,但其穩定性又差街車一大截....................
Tony tonywong@dataworld.com
新牌急凍一年，駕駛技術比新牌更低。不如出部綿羊慢慢騎玩住先，遲D先整部街車？
|
9/8/2002
|
主編你好：本人抯Hornet250已一年多，覺得不夠用想轉玩大cc車，但經濟能力不許可，為有退而求其次選擇400級的Yamaha FZ400和B400sf，本人對後者較有信心，但FZ的外形很吸引，不知小問題多唔多，主編可否給我一些專業意見，感激不盡！
CHI 請不要登出e-mail address
即使係CB400SF都會壞，只要定期保養就冇問題。 俾我地揀，會揀FZ400。原因一，CB400SF實在太多太多。原因二，FZ400有風擋實用。
|
9/8/2002
|
編輯你好,我係一個p牌仔,依家想出一部綿羊仔代步.我住係屯門經常要出九龍或香港返工,要經highway想問150cc夠唔夠用,會唔會好飄,我想出joyride 150,有什麼意見,如150cc唔夠用250cc有什麼好選擇?但我Budget 有限,B&W250又如可?
elht2002@yahoo.com.hk
行Highway如遇上大風，即使250/400綿羊都會有飄的感覺。唔知你budget有幾多，好難推介播。最近我地試過部Italjet Jupiter 250，用Yamaha Majesty引擎，感覺very good，信用卡免首期免利息慢慢供，點睇？
|
9/8/2002
|
本人想就「xx車行」之投訴事件出作回應。2年前本人自該車行買入一輛 Yamaha Viargo VR400,(HK$28,500) 取車當日發油門不穩定,結果在路中死火, 致電回車行, 希望派人救車,但他們回答沒有這項服務, 只給一個他指定拖車公司, 費用自付, (HK#300).３日後取車, 他們話我踏油過重, 以致死火。本人半信半疑, 大約一週後, 死火 again,經他們check 車後, 要換電子Parts,費用$2,500連人工, 我說不合理, 因為仍在保養期, 但他回應Sorry, 又話我操作欠佳, 結果局俾.後來經一相熟朋友介紹一間在香港之電單車維修公司check 車, 發覺全車是重新組合1/ 翻新油江2/ 電子系統接駁不當3/ 上次更換電子Parts, 是舊貨,應值HK$2504/ 化油器要更換, (大修)5 無力 (極速80K)6/太多間題不能盡錄 結果半年後賤賣(HK$ 3,000)-Trade in 價, 否則擋車都不值現提醒各電單車愛好者, 切勿上這一間黑店, 黑店。
milktv2002@yahoo.com
先多謝閣下的來信，亦明白到你的勞氣事件，但鐵騎網誌的投訴信箱並不是以翻舊賬為目的，如果重提兩年前的事，可能對正在努力的車行並不公平。而閣下提及的重新組合狀態和更換二手零件一事，我們認為以翻新車來說並無不妥。除非修理時講明要換新零件，但舊model的正廠新零件要訂要時間重未必有，易手零件就快靚正。我們看重的是現在和未來，如果將來閣下遇到不愉快事件，歡迎來信告知。借此機會我們亦想提醒大家，買易手翻新車和全新車一定會有分別，最好預番一少部份錢整車。唔想煩，買新車。
|
8/8/2002
|
編輯先生,昨日早上,車撻不著,什麼燈都沒有了.下午找來朋友推車,幾經辛苦,將車(97 HONDA CB400 BIG ONE)推著,走了幾條街,稍為收油便又死火.由於身處鄉間小路,便叫了勾車勾到車行去整.車行老闆說,這類車3幾年便會出現"直流"問題,連幾包料$700可整妥,當然要比$200勾車費.請問"直流"問題即什麼問題?在什麼情況下會出現這毛病?另想問車頭燈的膠面很矇,是否因上手車主用了超白光膽使之燒溶?改換簡通膽,再轉回原裝車頭燈組件問題便可解決?多謝賜教!
笠臣 usc@sinaman.com
估計他的意思是你部車燒了「整流」，意思是需要換上新的電壓穩定器，別讓發電機隨著轉數提高而輸出過高電壓，對電器線路造成傷害。
車頭燈的膠面矇，是內部還是外面矇？應該唔會架播？因為有D超白光燈組合都係用膠燈罩？
|
6/8/2002
|
首先聲明本人與Domino無關，完全在正常人眼光看事件。香港法例是否商用車不能停泊道路上任何公衆車位？政府發牌給任何指定車輛，理應有權使用該類公用車位。例如：唔通貨車不能停泊在街邊或錶位？我覺得應用理志及正常分識各種事物，除非該類車輛行車証過期，否則並無不當。大家也是大人，用下腦啦唔該！
Peter 註：「請勿刊登本人電郵地址」
說話唔係咁講，公共設施為方便大眾，服務對象當然越多越好。如果公共設施被少數團體所佔用而導至其他市民無法使用的話，便有違公共設施的精神。
|
6/8/2002
|
編輯你好，先祝貴網客似雲來。現小弟剛剛考畢路試加入P牌一族。現有一些問題請給指教。
1.小弟現想PX200羊做我的第一架車，但因財政關係新車應不會考慮。現在問題是買架舊D嘅二手偉仕返來預咗再執，定係要架新D嘅希望佢不用大修。(那想法才正確？)
2.想問2衝同4衝大家的好同壞處，因小弟閱讀貴網關於Runner SP and VXR的資料，不明白SP比VXR的馬力大一匹？多謝指導！
小讀者上 tommiyung@sinaman.com
車當然越新越好，舊車唔係唔好，但有時有D問題係整唔番既，即使整得到，也要浪費時間和金錢.....手頭鬆的話當然買新車最好。引擎運作有四個部驟，分別為進氣、壓縮、燃點和排氣。四衝機器只這四個步驟中只燃點一次，但二衝機器卻會燃點兩次，所以輸出功率較大。
|
6/8/2002
|
編輯你好!!!我是一個p 牌者，我想問，如果我想架 fairing 車，用朋友的名字來登記，那麼若我 '抄車'，那麼是否仍有第三保？而且，這樣做是否犯法的？thanks!
beckham@dwp.net
「借」人地架車用，唔係罪行。但如果份保險對P牌駕駛有限制的話，便沒有了有效第三者保險，可以告多一條罪。
|
6/8/2002
|
編輯你好, 此次是我第2次來信, 很多謝你之前給我的回複.唔知點解好似好少Honda Hornet 250 and Suzuki Bandit 250 的二手車出售(包括車行同私人轉讓), 是否250 的街車比較少? 可否提供一些意見給予參考。
Candy 請勿刊登本人電郵地址
猜想是現是香港保險業對新牌的規限問題，導至車行少入呢類車種。加上Bandit 250/400早已停產，貨源更少。如果你可以出到街車，可能Bandit 400重易搵。
|
6/8/2002
|
您好編輯先生:本人剛剛完了P仔,現在駛大林綿羊125cc想買部大Dcc,可以雙騎.但因資金問題只可買150cc.據我所知 Honda 綿羊150cc, 是同級馬力最大.本人要由沙田坳道到大口環路途經過兩條大斜Honda綿羊150cc,雙騎是否能有力上斜呢?Honda 綿羊 150cc 三種之中, 哪一種比較適合我呢?謝謝
Rob仔 請不刊登本人之電郵地址.
雙騎上斜，講求低轉扭力。150cc單缸綿羊的扭力相差不會太遠，揀部10吋轆軨的綿羊可能效果更顯著。如果你要揀Honda 150cc綿羊，SH150大轆羊應該未能充份照顧你的用途。@150或Dylan150基本上係一樣o野，睇自己心水啦。
|
6/8/2002
|
編輯先生：你好,素仰先生學問淵博,特來信詢問有關頭盔的法例規格。本人欲購買一俗稱{西瓜皮}的頭盔,以便放於背囊。蓋因本人不喜為吾驅裝箱，覺得電單車有尾箱是較難看的。日前本人到九龍城一所店鋪欲選擇款式時，店員向我說西瓜皮是可被警員發票控告的；於是本人查看有關法例, 列舉如下:
Road Traffic (Safety Equipment) Regulations (Cap 374 sub. leg.)
37. Regulation 3(1) Driving motor cycle without protective helmet $320
明顯地，法例規定保護性頭盔，但何謂保護性呢？大頭佛是可接受的,這一点是很清楚的；但耳朵外露的呢？有些頭盔在耳朵部份是有軟墊的，那又會否合乎規格呢？其實很多Chopper Rider 也戴西瓜皮的,究竟差人會否票控呢?本人曾致電運輸署，答覆是不知道,請問警務署還是運輸署或其他部門才適合解答我的問題呢?祝路路平安
lulujojo lulujojo@sinaman.com
以我們的了解，香港法例要求頭盔能符合DOT安全盔格。相信你果D西瓜皮應該冇DOT標誌在後腦位置。法例也要求頭盔形狀應能覆蓋耳仔部位，以上內容法例應該有寫，不過唔知寫係邊姐。軟墊或皮並不能代替頭盔部份，如果唔係包塊布當頭盔都得啦。使用不合規格的頭盔會否遭到票控，視乎差人決定行駛執法的權力而定。但好似未聽過有人因此遭受撿控。
|
6/8/2002
|
本人Runner泊於大廈傍後巷,附近除了一架Runner外就是其他車,一向相安無事,不料某日下午取車時發現車頭孖圓Gilera logo不亦而飛,而那部Runner亦在當天後一去無影.....本人已決定以牙還牙,有膽你就泊番黎........!!
laurencelct laurencelct@sinaman.com
都未必一定係佢o既....
|
6/8/2002
|
您好編輯, 本人剛購買了一輛91/94 RGV (孖邊喉), 想請問關於此車的規格表,及想請問您對此車的評價 (對比其他二沖跑車 e.g V2, PGM..). 另本人油費 $1.1/km, 有時仲去到 $1.3, 是否算非常之貴 ?? 因上手車主換了孖炭纖喉及大扭油, 是否有關 ?? 萬分感謝...
阿炳上 (請勿刊登本人電郵地址)
規格表我地實在冇時間幫你搵，你試下上網搵啦。91年RGV的評價係，當年會係一部好車，但二衝跑車經過11年的歲月洗禮...真係唔知講乜好。油費方面，如果你下下炳住去，呢個價錢正常，唔算貴。換埋大扭油，更加冇得平啦。
|
1/8/2002
|
以後唔食Domino
你好編輯:本人自從一渣老電以來都係泊在西營盤高街美沙硐診所外,但近日發覺般含道domino D pizza車泊在該地點,起初只有一兩部,但近日變本加厲!成四至五架車泊晒該處,有D泊在第三街,甚至過夜,有冇搞錯,兩條街D車俾佢玩晒,又唔見pizza hut D車好似佢咁,如果全香港D Pizza車好似佢咁仲洗泊車既??我相信香港政府要修改法例(經常出入吹佢唔賬)唔准D 送Pizza車停泊公眾電單車位超過兩小時(送機都送完啦).佢d死人箱又大又阻訂,如果泊佢隔離d鏡唔洗要,希望貴網可以主持公道!!!!小弟呼籲,如有呢d車時常霸佔車位,不要啞忍,立即向警方投訴!佢地泊晒成條街,你地話啦....以前都冇咁嚴重,依家搵個位都難，d車位兩part都俾佢地玩晒,搞到d車位買小見小,唉.....
Koben kb_hkt_1010@yahoo.com.hk
好多謝Koben影埋相俾我地，但係暫時我地都冇乜o野可以做到，希望公眾能逐漸關注外送車隊佔用公共車位的問題。
|
1/8/2002
|
主編您好!本人的電單車為TGB 303 125c.c.自動波（無段變速），第二手車！現在已行萬二公里！唔知點解，架車的狀態日日唔同.........有時好好無問題，但有時就好無力！如果果次起車既時候係正常既話，咁就全程正常，如果果次開車時無咩力咁就全程都無力！佢係無力到，任我點咩俾大油都係行四十左右，俾極都唔肯去！果個油量平時係已經行到七十架啦！自己感覺到個引擎無問題，就只係覺得佢好似行極都係行緊低波咁！想請問閣下會否知道是什麼事幹呢？我試過開車時熱車，但無咩作用！ 偈油只行三千！兩千公里前換過新皮帶！我唔知應唔應該?去整，事關佢又唔係成日有事，只係間唔中（一星期兩三次！）！如果去到車行佢話無事， 咁又白白無?幾百蚊檢車費！(仲會加一句話"125c.c.係咁上下架啦！")另外如果真係波箱有問題，整會唔會好貴呢？本人剛剛新牌，希望能夠指點一二！
新牌仔暉上 01900116r@polyu.edu.hk
先頭聽你的描述，懷疑係火咀問題，但係你又肯定引擎冇事，只係轉唔到上高波....咁樣可能係離合器碗公的潤滑或珠仔問題。有事都唔會好貴，放心。另外，綿羊的機油容量通常只有一公升，走一千公里便應該去換油，你行左三千.....
|
1/8/2002
|
FIRST OF ALL, THANK YOU VERY MUCH FOR YOUR NICE WEB AND DETAILS INFORMATIONS,I JUST OBTAINED A MOTOR CYCLE DRIVING LICENCE AND NOW I HAVE AN INTENTION TO BUY A SCOOTER ( 150/ 250 AUTOMATIC ) I'M THNKING ABOUT FORZA, HONDA OR MAJESTY C, YAMAHA. IF POSSIBLE, PLEASE KINDLY RECOMMEND WHICH ONE SUITABLE FOR ME ( P ) AND WHICH ONE RELIABLE OR ANY OTHER SUGGESTION ?THANK YOUR FOR YOUR KIND ATTNETION AND YOUR PROMPT RESPOND WILL BE MUCH APPRECIATED.
BEST REGARDS BONDY
rif6@hkstar.com
Glad to know that one more new rider joining us. Depends on your purpose, it's hard to say which one is the best. For stunting style it must go to Forza, but for daily usage, Majesty's spacious trunk is very helpful. Both model are very easy to ride, just pick anyone will not let you down.
|
1/8/2002
|
編輯你好..近日買了一部四沖RUNNER 180,換了一支4遮鮑魚Malossi前Fork,而前Fork也換了20WFork油,但就發覺在路面公程上的大鐵板或笠位非常不穩,有時還會傳來（拍）一聲,就這樣頭沙板就在公路上解體,請問有甚麼辦法解決呢?而又知不知道
在那處可買到炭纖頭沙板?萬分感謝...
朱小賢 請勿登本人E-mail address
視乎速度，通常有鐵板凸出半吋至一吋時，都應把車速收慢，但不宜扣前迫力，否則前叉會更快到底。carbon頭沙板？唔知播，唔知SS有冇得賣呢？
|
31/7/2002
|
編輯你好:本人想出部車, 對 Honda Hornet 250 and Suzuki Bandit 250 都感興趣, 請問兩車的優點及缺點是什麼? 二手車價錢大概幾多? 適合女仔駕駛嗎? 那一款較為抵買?
Candy tt 請勿刊登本人電郵地址
兩部都係四衝水冷直四街車，動力數據應該十分接近。操控應該係Bandit 250較好，因為車身和輪胎呎碼較正常。論樣靚，Hornet 250就靚仔d。女仔騎上去，應該Bandit 250較有信心，但小問題應該Hornet 250較少。二手價唔清楚，因為而家D車價變化好大。
|
31/7/2002
|
致編輯:小弟發現架車在落大架情況下﹐由空波轉二波(無俾油)但一直按實極力子﹐理論上依然是空波吧﹐為何尾轆會轉呢﹖日子有功加上常泊街邊車位﹐車身也花了﹐小弟家住港島區﹐可否介紹一兩間高質的噴油專門店給小弟呢﹖有朋友話原車的玫瑰紅好難噴回原色﹐是否事實呢﹖祝業務蒸蒸日上!
愛車之人上
coolerbear@hotmail.com
只要係入左波，即使扣著極力子，動力仍未100%切斷。尾輪凌空時會有輕微轉動，只要尾輪著地時不會有推進感覺便可。噴油方面，如果你有睇我們早前的寶馬噴油，便會知道良好的噴油除了技術外更需要器材。將價就貨的關係，如果噴油前唔起清舊油，再重新扇灰先噴油， 新油捱得唔係好耐，噴咩色都係假。所以如果只係車身少花，多一事不如少一事。
|
31/7/2002
|
主持好，有個問題關於（迫瀝）早前下大雨駕車，不知何事前迫瀝完全失零，不過，過左一日後好D，跟住我狂踏後迫瀝，前迫瀝再好D，個位高翻DD，請問這種情況是不是迫瀝油要換呢？如果不是油問題還有什麼呢？我的車是freeway84.
edmond_lai5 edmond_lai5@sinaman.com>
落大雨通常都係驚尾鼓剎濕水後反應差，頭碟迫力雖然也有影響但很輕微。你的情況似乎跟落雨無關？係咪迫力喉管有氣泡？如果幾年內都無換過迫力油，換油睇下點先？
|
30/7/2002
|
主持你好，你的信箱非常有用,可幫助人,小第有問題請指教. 本人有廿年牌,常要行屯門公路，現想買Runner180./Rebel250大家錢差不多 或二手本田Cb250, 你有好介紹嗎？行屯門細輪綿羊是否危險,請早日回信。
心急人上
leetaihung@hotmail.com
擁有廿年牌的你，相信出部車都係求實用方便，唔係貪威貪款果隻？你提及的車款中，我地強力推介CB250。如果唸住長用的話，索性供部新車重化算。
|
30/7/2002
|
我的車是直四街車，因本人是新手, 所以想問下D基本問題
1)如果想換偈油, 這問係咪要入滿 (即係入到個蓋口位見到油), 定係要留番小小空間?
2)當我泊位溜後時, 常常死火, 我睇貴網話溜後易死火應該係要調較極力子虛位, 我想問如果唔理佢, 對我日常抯車有影響嗎? 如有, 影響大不大?
3) 我的車前 fork 漏油, 我暫時又要成日抯, 冇時間拎去整, 咁會唔會好唔安全?
ton tam Thank You!
ares_tam@yahoo.com.hk
入偈前先看機器殼上的容量提示，該提示是指連油隔一起更換的容量，如果不換油隔，所需油量會更少。在平地上泊好車，用量杯或留意偈油樽上的剩餘油量，倒入適當份量的偈油。利用偈油窗或偈油尺觀察油量是否在最低與最高容量之間，看情況調整油量。
假設極力子虛位調較不當，離合器墊片未能充份和離合，會加速離合器墊片損耗，增加轉波困難，燈前等起步時入波後扣迫力會易死火。
頭fork漏油初期問題不太，但當缺口漸大，fork油好似pump緊出來時便不能不注意了。
|
30/7/2002
|
我的 p 牌就快完了! 係轉車時候! 我而家抯開150綿羊, 想轉抯 250綿羊,本來想抯街車, 但考慮到綿羊的舒適及貯物空間是街車不能提供的,150綿羊的加速力已不能滿足我了, 但我看見那些250大羊的起步還比150慢!但你們卻時常說250比起150綿羊的加速力及力水已經是兩個世界,但為何我經常看見150比250的加速更快?
有冇實例呢？如果只係街上的情況，係因為騎150的人，在心態上不想承認自己是弱者，所以下下都谷住架車行。250車主在心態上冇佢地咁強烈。如果150快過250，咁要250做乜？
|
29/7/2002
|
致各編輯:小弟剛買了一部92/94 vulcan 400，由於小弟資歷尚淺，各編輯如唔介意我問d咁無聊的問題，併能詳盡回答，小弟便不勝感激。謝謝！
1) 呢種車平時有咩要自己保養及留意？
冇呀，都係定期換偈油火咀風隔油隔咁之嘛。當然如果能夠扑散副偈大修更好，但因價錢問題唔值得咁做。
2) 部車淋過雨後，有咩要留意(如哪裏要清潔，哪裏要檢查等)呢？
電單車「應該」係防水o既，留意火咀線連在引擎的封位便可。洗車時水要由上向下淋，唔好打橫射就得。
3) 呢種車以呢個年份耗油量要幾多錢才算合理？
猜想五毫子一公里可以接受。
4) 小弟唔知點解，駕車收油由二波轉一波時，好似較易死火，唔知咩原因。有咩方法可以改善下？
會唔會係怠轉過低呢？估你係就快停車時由二轉一？
5) 渣呢d 車如果在上斜時停車時(入左一波，拉住<極力子>)係咪一溜後就很容易死火呢？係咪要比少少油釣住以防死火呢？
機件正常的話係唔使咁做。溜後易死火應該係要調較極力子虛位。
6) 成日都見d人話渣車常用轉數係幾多幾多，我部車都冇轉數錶，點樣可以知道自己有冇用得太高轉數呢？呢類車合適轉數應該係幾多呢？
呢類車轉數好低就夠，四、五千轉都應該好夠正常使用。憑感覺駕駛架車唔好震得太緊要就得。
祝 有電單車的人都睇鐵騎網誌
JASON (請不要顥示本人電郵，謝謝！)
|
29/7/2002
|
老編你好!小弟在7月27日雨天駕著freeway250在高街找車位,結果俾dpk多民勞車霸佔,駛往醫院道時,有架小巴停在牙科醫院門口等客(往中區).當時我落斜,小巴前面牙科醫院停車場裡突然有架的士抽出,當我收慢時竟然線太,車尾左右搖擺,心想大檸 樂?!!好彩平時有睇貴網,加上平時向車友學習知識技術,冼胎時盡量鎮定,俾d油等架車胎同地面有番磨擦再去,好彩救得番,如果唔係要填炒車報告!!!!
此外,有一日我見到般含道多民勞 d pizza車俾差佬投訴,話佢地泊曬在薄扶林道聖安多尼門口,之後個排泊曬高街同第三街.已經車位不足架啦,仲要同佢地爭,真可惡!
Ryan Pls don't show my e-mail,thx!
小心呀，濕地細轆羊真係好易冼胎。綿羊外送車隊的泊車問題，的確令其他市民和經營者頭痛，點解決好呢？
|
29/7/2002
|
編輯你好:請問香港式合用 風冷., 水冷 及 油冷 那一類電單車，我的工作地方經常上山下山, 如我用風冷車有冇問題。
Man Ip「請勿刊登本人電郵地址」
有聲望的車廠在設計每一款車時，都會選用適合的冷卻系統。當然水冷的效果最好，但不是每一款車都需要使用水冷。氣缸數目少，壓縮比低，常用轉數低的車款，使用水冷設備無疑增加重量和售價。
|
29/7/2002
|
編輯大人你好:小弟是新仔一名，前幾天買了一台96年Freeway，外表都保養得不錯，Engine都幾好力。尤於經驗淺，駕駛時都很小心，不會開得很快，約60km/h。不幸的事發生了，27/7/02早上駕駛至呈祥道往觀塘方向，中途(近石硤尾)突然後呔大量漏氣，車身左搖右擺，於是用軚盤左右推，希望可一邊保持平𧗽，一邊減速，可惜最後都係炒低。好彩車速不高，只是擦傷了手腳，車的高風鏡爆了。最後以30km/h慢駛至新蒲崗，交于車行修理。原來呔的入氣喉管爆烈，司能是老化。小弟想請教各前輩高手，遇到這情況，正確反應應該點做。希望指點。謝謝!
kwlo888 「請勿刊登本人電郵地址」
如果行車中不幸爆胎大量漏氣，冇人敢保證一定唔會炒車。最理想當然係能夠保持平衡直至停到車為止，但有時人一緊張就會用力，輸入把手的力度容易過大，造成自己整炒自己的局面。我地而家舒服地坐係沙發上就可以咁講：遇事時要放鬆肌肉，唔好太用力扶堂軑，因為前輪會自動回直，捉得太實的話，身體僵硬，會進一步破壞車身平衡。另外爆胎後繼續行車，好易整壞轆軨，換胎後宜勤檢查胎氣看看密封性能有否變差。
|
29/7/2002
|
I am a P holder and I want to buy a scooter. There comes two choices for me, one is the new @150, and one is a second hand 250cc majesty. The main purpose is for me to drive to work from Sai Wan Ho to QueenMary Hospital and I need to ride thro high way.
Please advice and please answer in Chinese. Thanks.
Michael Chow" chowjoron@hutchcity.com
來回西灣河及瑪麗醫院，好近姐，東廊又唔算多重型車輛出入，@150冇問題啦。
|
| |
|
|
|
 |
|
