|
|
|
FAQ常見問題 |
|
|
14/5/2002
|
編輯們你地好. 我今年十八歲. 考電單車牌一直係我既夢想.但實在惹來好多回響. 我阿爸同親戚們都唔多贊成.因為我姑長以前係組車隊既. 我姑媽話我知佢以前有獲抄左.
之後入左廠變左"木乃伊".其實我知道唔理係綿羊仔定大包圍.都實會存在佢既危險.但係我想知道邊個車款既潛在危險較大?我應唔應該放棄我既夢想?同埋我如果係新仔. Shadow 750 定 Dragon Star VXS 650/DS 250 比較適合我? 段野甘長.唔好意思
ng hoyin fatashia_ng@yahoo.com.hk
水能載舟亦能傾舟，唔通我地因為刀子鋒利而放棄用刀嗎？一切都視乎駕駛者的心態和技術。如果純以車款來說，細轆綿羊反而是最危險。現時新牌應該只能出綿羊，出到499cc都可以。反而街車250就未必得。反映出保險公司對電單車的無知。
|
14/5/2002
|
你好, 我想問下, 港島區有冇得租車? 我有電單車牌, 但好少喺香港, 只係想暑假返去都有架車用. 如果港島區無, 九龍都ok, 有冇特別requirement or regulations? 貴唔貴?仲有, 邊度多 motorcycle clothing 賣? 例如頭盔同皮褸 (casual, touring) 等. 其實我特別想搵HJC 同 lazer既頭盔, 香港有冇代理呀? 仲有, 香港夏天咁熱, 大家
會著咩protection 呀?唔該晒.
Elias Ho. empire_ho@yahoo.com
香港冇得租電單車自用，幾粒鐘練習就有。HJC頭盔請搵三禾，Lazer請搵嘉利。地址可在車店黃頁可找到。香港地大部份騎士的安全意識都很低，夏天除了手套外，冇乜protection可言。
另外有關P牌制度想發表一下意見。都唔可以話保險公司歧視P牌, 不過淨係掛個牌真係無乜用. 掛p牌騎架 1300cc 咪又係死.我身在英國, 覺得英國既制度比較realistic, 想同大家分享下:
UK考motorcycle licence 有2種, Restricted 同 Direct.
Restricted 係用 125cc車考, 考到後唔駛掛特別牌, 但要用>=250cc or >=33bhp 既車,2 年,之後至可以用其他車. <-- restrict power 好過話俾人知你係新牌. 同時,super sports 都可以裝 restricter 令架車 under 33bhp, 2年後拆番就可以用 full power. 實際好多.
Direct 就用 500cc車考, 當然難好多, 但考完就無restriction. 咁都正路, 你用架cb500 考到路試, 仲有乜好講先.
各位對呢個system 有乜意見, 不妨研究下. :-)
|
14/5/2002
|
微型炒車報告
小弟現在於英國讀書,所以有機會瞞著老豆同女友學老電.炒車日正是小弟之考車日. 小弟下午兩點半考, 上午同師博練下車熱身. 今日落大雨, 路面好鬼滑, 在馬路上, 師博叫"Turn Left at the end of the road." 咁小弟咪周圍搵個路口係邊囉, 點知過左嫁死車(泊左係街果D)之後, 先發覺原來被嫁車Block 左個視線,個路口係嫁死車前, 自然反應咪DUP 車左轉囉, 點知就跌車扇左出去.
人命財物傷亡損毀:
乜車都冇, 可能真係好扇, 嫁車花左少少, 又唔駛我賠,(哈哈)
當時感受:
好突然, 扇時我仲想救車, 不過......(都係親吻土地)
事後影響:
好開心, 因為我之前都好驚炒, 今次炒完, 就知道點, 因為我師博話我一上車就好"緊"咁查住駕車, 成日叫我RELAX, 但係我一RELAX, 兩三分鐘後又"緊"過, 每次操完車兩隻手同膊頭都好酸痛, 但係師博話我跌完反以好左 =) . (不過下午都係因為太"緊", Shoulder Check 時駕車"西"左去望果面,所以肥左... 嗚嗚...
P.S. 各位駛士, 有冇好似我咁查老電時好"緊"好"緊"咁呀? 因為小弟到而家都克服唔到呢個問題, 師博話我"You look like a robot when you are riding, relax, relax and relax. It is easier for steering, balancing and slow riding after you're relax." 我知要Relax但係成日都唔會不自覺咁韁梗, 各位老電前輩有冇以前好似我咁嫁? 點化下我丫!!
肇事原因及教訓啟示:
我都知後果個時候唔應該DUP 車嫁喇, 但係經驗淺, 自然反應, 自己要小心, 尤其係落大雨, (其實我都好小心, 但係真係好扇, 各位駕士, 落雨時真係比想像中扇好多好多同埋好多. 大家小心.)
Brushian
|
11/5/2002
|
您好! 請問Suzuki Van Van 200 P 牌出保險有沒有問題? 我考牌在即, 本來想出一部Honda @150, 但見到Van Van 又很吸引(你們的介紹做得太好了 ......). 我出車主要上班代步 (沙田到上環), 儲物空間不用太多, 這兩部車合我用嗎?
C C Chan cc2_chan@yahoo.com
對不起，忘記了問鈴木。不如你打個電話問下佢地丫 Tel 2390 0345。@150和Van Van200都很適合閣下的用途，不過兩部車價錢唔同，車種又唔同播？穩陣起見都係要親身落去陣列室感受一下為上。
|
10/5/2002
|
CBR250RR可否加Damper? 如何做?如何知道要換火咀?有什麼現象?
Thank you!
kkelvink@sinaman.com
CBR250RR當然可以加damper，肯俾錢做個中置碼靚仔D，經濟一點做個邊碼便ok。當撻車時有因難，以前一撻即著而家以翻奄以下先得，又或者覺得車頭立左，尤其係長期低轉高波行車，火咀溫度不足積炭屎之類，便應拆出來檢查一下。
|
10/5/2002
|
你好本人有d日常問題想問問，有好多車係油缸底都有個制，用來控制用油，分別有ON，OFF，RES(唔識講呢個叫咩制)，我知道平時ON同RES都無問題，架車會行會走，但係係一般情況應該用唔用RES呢? 或一般人慣性會唔會一早擰去RES? 如果我平時擰去ON，行車時發覺無油，可唔可以唔停車就咁擰去RES呢(唔敢試)，因為由ON去RES，中間會經過OFF。
Alpha
閣下的擔心是不必要的。RES係reserve，當正cord(on)用光燃油時，便撥去RES行spare Cord，盡快去油站加油。平時最好練習在車上摸到RES位，方便行車時都可以撥去RES位。
殺車時迫力皮有時會吱吱聲，有時又無，就算係新皮都會，係咩原因，同埋有無辦法可以佢無吱吱聲。剎車時有聲，可能係舊皮就快用完，可能係迫力皮濕左，又可能係迫力粉積聚過多，又可能係迫力碟與迫力卡鉗的位置有偏差，例如唔記得拆碟鎖就開車...
一些較有力電單車，條車鍊會唔會容易d拉長，無咁耐用。
馬力大的電單車，用的車鏈會粗壯好多，所以壽命唔會比細車短。
好多人都話巡航車應該只用頭迫力，不用尾迫力，這話法正唔正確。多謝回覆，多謝多謝。
巡航車剎車應只用頭迫力這觀念錯得離譜！傳統巡航車的掣動性能不值一提，正確的掣動方法係前後迫力再加上引擎牽引力，巡航車的engine braking好緊要，淨係靠迫力，死左九年都未天光。
|
9/5/2002
|
各位好.本人的電單車尾右邊指揮燈線時常磨斷.已試過改位及cut短指揮燈的螺栓,情況還是一樣.請問有什麼方法改善?本人因時常行highway,沒有指揮用好像有點不安.
sangkwan sangkwan@i-cable.com
唔明條電線會俾咩磨斷？你部係咩車？有冇改裝過？
|
9/5/2002
|
Hi 你好! 本人係一名新牌仔, 駕駛的新車 02' Forza 只有數星期, 但對綿羊性能不認識, 現有下列問題: -
Asia Ku ycaku@hotmail.com
1) 於時速 70km/h 時, 轉數約為5500rpm, 請問這樣是否正常?
我記得以前部Forza行緊120km/h時轉數約7500rpm，可能係新車關係，你的轉數偏高但仍可接受。
2) 此車於行駛時之水箱溫度為多少? 多過 1/2 是否正常? ( 註: 因汽車之正常水溫是少於 1/2 )
電單車因受體積和重量限制，散熱性能不及房車，但只要不入紅區，行車暢順時支針肯跌番落去便可。
其實房車果支水溫針在正常情況下只會指住固定位置，如果支針超越平時的高度，好可能會直上紅區。
3) 新車 run in 期間時常行公路 ( 但少於80km/h ) 有否影響?
新車行80km/h冇問題。
4) 泊車後立刻"粒"車套對引擎是否健康?
泊車後馬上落車cum，你擔心車cum會否被死氣喉辣溶好過。
5) 涷車 tart 車時第一次很易死火, tart 車後引擎就死下死下咁, 稍等才正常返, 是否有問題? ( 註: 車頭燈是長開, 沒有開關按鈕, 通常我會比少少油吊住先, 這是否問題所在? 但 tart 車那刻車頭燈是自動關掉的 - 水貨車吧? )
新車引擎活塞仍未充份磨合，係會緊少少，你的情況正常。行貨車都好似冇頭燈開關個播？
|
9/5/2002
|
本人在電視中看到IHRA(即是美國的1/4英哩直路加速)的電單車
WONG Ho Ying wonghy@bonbon.net
(1) 他們是使用那一種電單車，來改裝，可以起步「禁」快
嘩各施各法播，我見過有GSX1300R，其他改到鬼五馬六又換胎又換尾擔加氮氣助燃或渦輪增壓，唔認得咁多。
(2) 電單車上的是什麼頭尾輪，很似私家車的車輪(接觸面比電單車的輪胎太的胎)，
車尾的鐵架是有什麼用，是否不可以把車子轉彎
只係行直路，唔使轉彎，咁條胎就可以做闊D做平D，唔駛浪費時間平衡架車，可以全時間盡情加速。車尾的拖架係阻止頭輪離地。
(3) 電單車的頭懸掛的角度比一般的電單車較平，有什麼用途。
你係話前叉的前傾角好大係咪？因為要強調直路的穩定性。
註：1/4英哩 = 402.336米
|
8/5/2002
|
Dear editor, Actually, I know there are many reasons varying the increasing amount of fuel consumption. However, I would like to know if the following is a reason of increasing consumption. My bike is over 10 years from its manufactured. Will the O-ring of the fuel cap getting old and wear out, so making the fuel inside got volatile? In other words, it only volatiles forsome, but not all, so making fuel consumption rate increases as I can taste some smell of fuel from the fuel cap very nearby. thx
Benjamin Wong benjamin_wmw@hotmail.com
Possible, if you can smell the gas even the bike is cold, then you should check the fuel cap clearance.
|
8/5/2002
|
喂！帥哥！認得我嘛......小弟終於出左部ET8,過幾日攞車！不過小弟個心非常迷惘，皆因觀察屋企附近所有泊車點！發覺泊就好多人一齊泊！但係望真原來架架都唔新淨！仲言念住目弟下人地同款會擺邊度又唔見有，唉！自問擺架全新白雪雪ET8落去，會好易比偷車黨target!尋晚逛逛屋邨個停車場言念住好D，點知企左半個鐘都無車無人經過，好似燒左你隻羊都無人知o甘，仲牙煙過泊街......唉！好難揀！請盡量比意見！Thx.....
Gill
唔驚得咁多，要死唔使病。只能做好本份，其餘聽天由命。當然泊停車場風險較泊街低，但最好都要落車cum鎖車，有得攬柱就好D。
|
8/5/2002
|
Hi!我有d關於super4的問題想請教:
1 近住油缸前同「四梳蕉」上面好似塊板的東西是什麼?有乜用?
2 我見到有人會在之前提及的那塊板兩側加上好colourful的鐵片是是什麼?有乜用?
3 如果手把長d，可否令司機看鏡時的視野廣闊d呢?
4 鮑魚壽命有多久，幾時要換，有朋友話後輛換鮑魚是貴過前輛，為什麼？
Raku ryushin@hkstar.com
相信你是指水冷的散熱柵Radiator。作用係利用密集的金屬薄片，增加冷卻液與空氣接觸的面積。在左右加兩塊片，是希望在行車時能收集多點冷風。加闊把手並不會改善後鏡視線，房車後鏡距離咁遠仍有盲點。鮑魚/掣動卡鉗如果冇撞過係長壽部品，出問題係活塞的O-ring膠質老化。後卡鉗貴過前卡鉗？唔知播？係咪架？
|
8/5/2002
|
HI!你好小弟現有一部PGM III SP.可是有一點小問題,就是沒有轉數顯示.我知道好大可能是因電腦線接觸不良.所以小弟想請問主持人有沒有3仔電器方面的專家介紹.謝!
gary garygary13@sinaman.com
唔係咁清楚，唔敢亂介紹費時賴野。你知電器呢家野都幾蝦人架啦....
|
8/5/2002
|
編輯先生想問私人轉讓買車要做什麼手續??在車行睇到合心水車可唔可以試車??
無知的人上
有關私人買賣注意事項，請翻閱本欄四月四日的來信。車行俾車你試？據我地所知，有BMW同埋西貢Hongkongbikes.com，其他車行應該冇得試，佢載你走一轉就得。
|
7/5/2002
|
編輯先生 : 本人的友人有意私讓95年本田CB250P給我,0手,價錢$10000元, 合理嗎? 現有問題如下請教:
因本人是P牌, 將於八月可換正式車牌, 但友人的老電牌費及燕梳至六月屆滿, 但六月的時候本人P牌未滿, 不可以買街車燕梳, 就算可以買, 都好貴, 差兩個月, 好唔低姐! 本人諗住叫友人續牌, 牌費可以計番俾佢, 但係燕梳點計番俾佢噃? 請問如果到六月唔續牌及燕梳, 等到八月才一次過轉名和續牌, 可以嗎? 或另給意見.因本人自小心願抯老電, 到四十几歲人才考老試, PASS後成為老P, 所以選擇較實用的街車,. 謝謝!!!!!!!!!!!
Donald
如果機件正常，咁既價錢都可以考慮。六月至八月這段過渡期的確幾麻煩。不如等八月後先再搵過車啦。車死車還在，你慌冇？
|
7/5/2002
|
小弟幾天前曾電郵貴編輯大哥,小弟於上月中買了一架Bandit 400V.96年車，但架車跟本我未享受過，因為佢不停地壞．先著唔到車，車行話係舊電柴左．咁我就立即換過新既，之後再拿車後，轉速能上不能下，車好快就水滾，再返車行再整，佢地話今次係威也問題，令到轉速有問題，之後車又再唔著，佢地話係油隔有問題，火咀用錯左．再拿回架車，我渣到佢水滾，停車一陣再比風扇吹下引擎，點知架車唔夠電著，我只好推著佢，但佢就好似冇法Charge電咁，行左好耐舊電都係唔掂，抬轉又唔定，好容易死火．拿回車行再整，Charge返舊電，點知行左一個鐘左右，舊電又出問題，抬轉又唔再唔定，不停死火，跟住威也又再出現之前個問題，但當時我又入緊紅隧過海，又不停死火，又水滾，攪到我差D炒車，我而家真係好煩，架車出出入入車行都成四五次，我都唔知可以點，叫我賣左佢？我又唔想渣到未渣過就賣，又唔想下手車主好似我咁慘．整返佢？我已經好怕，架車問題都唔知仲有幾多
唉．．．我可以做D咩丫．．
乜車行唔係有保養o既咩？賣架咁多問題o既車俾你，多少要負番D責任播。
|
7/5/2002
|
IBIKE你好,本人想買一RUNNER 180VXR 4沖(二首),想請教如何分別係水貨定係行貨? 因聽聞水貨不適合香港使用, 新車也經常壞. 另想請教大鯊王頭胎可否由100/70/R12更換130/60/R12?新車頭燈的燈泡可否更換大火數光一點的?謝謝你的解答.
wai yin lung joeylung@hotmail.com
真係唔識分。買新車都重話可以去指定代理式分銷商購買。買二手，只能看有冇奧士的貼紙和車牌。當然如果對方能提供單據證明或向奧士查詢更好。車胎的呎碼不宜私自改動。頭燈輸出功率己定，不能加大。
|
7/5/2002
|
問CB400SF型號
編輯先生您好,我有問題想問希望貴站能解答,本人想購買本田Super Four 400cc,睇過貴站車主報告及去過多間車行,發現受歡迎程度爆燈,令到本人非買不可(實是購街車為一選擇),但問題是該車有多過版本,本人梗本唔知有何分別,最令人R頭是由92年BigOne版R版VTEC1版價錢分別不大,原本想購買VTEC1版,但發現R版價格同VTEC差唔多,唔通越出越差???聽聞VTEC版食油好多是嗎?SuperFour易壞嗎?通常壞邊樣?站長能簡介各版本特出之處嗎??
希望貴站能夠幫忙祝業務蒸蒸日上十分多謝麻煩晒
James longcloth@hkem.com
粗略分為Big one基本版，有大架，但仍有分冇油錶及有油錶款。跟住到Version R方型小豬頭及Version S，冇大架，黑色死氣喉，尾截可換kit喉，PGM燃油管理及Nissin掣動卡鉗。耐不耐又玩下紀念版等。跟住到Hyper-VTEC Spec I 及最新的Spec II，分別是VTEC轉數由6750rpm下提早到6300rpm開啟。未有VTEC前的型號主要分別係車花、配件。VTEC出現外型有大轉變，尾胎由140升級上160。當然唔只咁少分別，但唔係好記得o勒。
Honda電單車的VTEC並不如房車的VTEC能增加尾段力，反而是著重於平日行街的低扭和慳油。平時只係八氣閥，要高轉時先俾齊16個氣閥你。所以VTEC版不會特別食油。CB400SF唔係神話，一樣會壞，但係壞的次數較少，也容易整。零件易搵，間間車行都識整。所以咁受歡迎。
|
5/5/2002
|
故事是這樣的，在差不多年多前(00年8月)，小弟歡天喜地咁考到老電牌，然後出?部Bandit，開始?
自已的老電生涯。直到去年5月，四沖溫拿抵港，便改行牧羊。而原本Bandit份保險，在去年7月尾時夠一年，於是我便將這10%NCB過了去溫拿份保險，直到昨日...我見份保險夠期，於是去續保啦。但份新保單仍然得10%NCB，於是我問保險公司：是不是到8月會給我20%NCB呢？ 對方答話唔會！
我話我到8月會渣夠2年車，又冇claim過，點解唔係20%呀？
佢話因為我响佢公司買唔夠2年保險。
我：但我舊年份保單有10%，點解今年唔係20%呀？
佢話呢d係公司policy。 .....吹漲
請問各位，小弟如果到其他保險公司買保險，在8月時會唔會有20%NCB呢？我星期一會去問
講完一論，但仍然...心情仆街的...阮
ps：因這是投訴，固向貴網說明保險公司全名Target Insurance Company Limited. 泰加保險有限公司
beelee@hongkong.com
消委會話財務公司都有權唔公開利息計算方法(投訴回應-贖車唔係咁簡單)，咁保險公司的NCB計算方法都唔慌有得拗。
|
5/5/2002
|
編輯先生您好,我有個問題想問..如果買了一架新的runner180 4T可否馬上換補氣磐,頭避震??
Andrew Chu giggschu@netvigator.com
當然可以，不過有冇咁o既必要呢？會唔會有D浪費呀？玩一排，起碼Run-in完架車，再逐樣逐樣換先感受到分別，抵玩D播！
|
4/5/2002
|
小弟以前係渣開綿羊(偉士)既....不過綿羊實在係唔夠力....車理小弟老婆好似唔想行咁.(我老婆好輕架...)咁心思思就轉左架街車....點知...架車因為要行高轉既關係....攪到自己好似渣左跑車咁...就係因為咁....攪到成日水滾.....今日仲抵死......走去車我老婆放工......去到個車頭熱得好緊要......我見個風扇著左...咁咪停係度吹下水....等架車又吹下囉......點知佢就撻唔返著啦......好彩係依個時間就出現左一位救世主.......有位熱心既放狗先生.....幫我推著返佢.........咁我就行下死下又自己推下.........返到自己屋企樓下.....
入完油......又著唔返(已經行左廿幾km).....最後仲攪到反車.....又推唔番起佢.....攪下攪下仲唔小心撞花左人地架私家車...係依度衷心講句對不起....同果位私家車主講.....因為佢唔知架...我開始想放棄唔渣街車....實左太多問題啦....太多啦....舊電新換架....唔知係唔係柴左呢.....唉......
白痴的人上(請勿登電郵)
街車應該比綿羊更可靠至真，會唔會係你架街車太舊？可以既話不如換過架新少少既車用下？
|
4/5/2002
|
編輯先生您好：我係P牌仔，我對電單車都不是太認識，我想買大鷹王150，但近排睇"車主報告"，提到此車都有d問題，令我對它失去信心，請問有冇其他車，是同它外型及價錢差不多？我學車時是"渣"250cc的車，覺得都幾好力，若150cc是否會差好遠？
Keith
冇車係無敵o既，唔同車係唔同時間都會有唔同問題。我們認為以價錢和質素的關係來說，大鷹王有一定的捧場價值。大鷹王的外型都幾獨特，冇乜車同佢似樣。反而150綿羊的價錢平過佢或貴過佢都有，要你自已按需要和預算來決定。你學車用250？咩車咁利害？
|
3/5/2002
|
擔心座位太高
編輯您好；我到車行試坐一500c.c.,座高795mm的街車，腳祇有前1/3腳掌到地，請問是否可以(需時間適應便可。)？如遇上傾斜路面停車是否會有困難？車行說可代刨低座位，是否可行。美式巡行車座高都偏低，是否對座高敏感的騎士是另一選擇？
Chan 請不要登電郵地址，謝。
雙腳能同時腳尖掂地，技術夠的話停車絕對冇問題，但推車最好落地推穩陣D。可以刨低座位，不妨唸唸。巡航車座位偏低，雖然俾到信心你，但不利彎向操控，加上巡航車重心低，掣動時重心前移的幅度不及跑車或街車多，頭輪負重不足，不能配置掣動性能太強的系統。
|
3/5/2002
|
幾時要換迫力皮及油？
請問 SuperFour 的brake皮 及 brake oil幾時至要換? 有何徵兆可決定? 謝謝!
Ricd
迫力皮視乎損耗情況而定，當損耗超過迫力皮上的提示坑時便需要更換。DOT4迫力油一般可以用兩至三年。但如果迫力油受潮有水份，激烈操作時迫力油溫度上升，水氣受熱沸騰產生氣泡，吸收部份掣動壓力，會令掣動力下降。掣動系統最基本的檢查是扣迫力桿時感覺要實淨。如果牛角越扣越入，近乎接近手柄時便可能有問題
|
3/5/2002
|
我想買手套
hello,我想問,我學電單車要買對手套,初學的那些要幾錢,那裹較平?thank for your help....
antony antony003@netvigator.com
夏天將至，整對可水洗唔甩色的爬山車手套都唔錯。價錢由百零蚊至三百零蚊之間。但防磨或保護能力不及真皮手套。邊度平就唔知，款多就知。安定、車迷城 、亞林都幾多款式揀。
|
3/5/2002
|
我現時駕駛的是大鷹王,行了約15xxkm,最近發現頭轆比以前輕了,在慢駛時頭轆有點兒不受控制,在慢駛入彎是更甚.更換頭Fork油或加頭Fork碼可否解決此問題.更換頭Fork油要多少錢?邊隻品牌適合?謝謝.
henryyam henryyam@hkbn.net
先檢查頭尾胎氣壓是否正常，fork油冇咁快打柴。更加唔關fork碼事.
|
2/5/2002
|
ibike 您好,細佬有幾個問題想問下既.......本人現在正用既係 foresight 250綿羊......我想知通常：
mg_gunner
a)幾時要換,皮帶呢??我部車行左兩萬幾喇
如果從未換過皮帶，行左兩萬幾應該夠期check下。
b)車頭燈好似唔夠光(好多時要用大燈),可以換個勁d既燈泡嘛??如有,一般車行有得換嘛??因為,細佬屋企街燈唔夠光
唔敢肯定你部車可唔可以換超光膽，最好問下有賣雜貨的車行睇下有冇合適產品。例如去安定問下？
c)冷光錶面有咩用呀??foresight 有無得換.....
冷光錶的作用係滿足閣下的新鮮貪玩心理，並無實際用途。據我們所知係有車行幫你度身訂做。
d)foresight,係咪無不綉綱地板嫁??
唔清來播。睇下日本書，或者去亞林車行度問下？
e)換死氣喉,無咪可以加大馬力呀??
換條合適o既kit喉，可以輕微增加尾段馬力，但可能會對頭段造成輕微影響。
f)foresight,又有幾多匹馬力呢??
馬力21ps/7000rpm 扭力2.4kg-m/5,500rpm
嘻嘻....問住咁多先.......祝業務蒸蒸日上
|
2/5/2002
|
你好！唔好意思，我都係想出et-8新車，我都好想知偷竊率高唔高、使唔使買全保﹝都好似幾貴，等於架車貴四份一﹞、用乜野防盜好？雖知有的野好難防，但請以你們的豐富經驗提供最好的意見，謝！
burnvin burnvin@netvigator.com
嘩，我地未試過俾人偷車，經驗一D都豐富！亦都唔想豐富。其實任何車都有被偷可能，我們只能減低被偷的機會。唔贊成買全保，未見官先打四十大板。用車套，頭尾轆有鎖，泊車地點及時間盡量不固定，唔洗車，唔整靚，盡量低調肉酸，希望冇人對你部車有興趣。就係我地既方法。
|
2/5/2002
|
編輯先生,你好,最近小弟買了一架Bandit 400V,唔知係唔係我唔識渣街車既關係,
架車個水箱經常性過熱,一過熱水箱就將D水排出.其實只係塞一陣間車佢都好容易熱.
請問我有咩方法去幫忙引擎散熱呢 ? 加咩補品會有效呢 ?
同埋我曾經聽過人講水箱D水唔識流動去散熱(可能係塞左條喉) , 點樣會查到佢係唔係發生問題呢 ?我想加裝一個水溫計，但有冇用呢?
謝謝！
水箱水不足，水冷套管有阻塞，水箱密封性不足，風扇唔著等都有可能造成水滾。你的情況可能係水箱密封性出問題，建議盡快俾車行檢查。加水溫計無補於事。
|
2/5/2002
|
請問電單車的電池是幾多volt的,多久才要換
thanks
suedelover@hongkong.com
常見是12V。如果使用方法正確，例如熄車便熄燈，經常用車，未試過扯乾電池，MF電池閒閒地三數年冇問題。
|
2/5/2002
|
I want to buy a scooter. My target is UE150 as reasonable price. However, I heard some poor comments from newsgroups - not enough power and slow so that last year, after 1st round, there no new imported UE150 in HK. Please advise and if other suggestion of reasonable price of 150 scooter.
2. if I bought UE150 and drove for 1-2 years, is UE150 easy to sell and reasonable price.
thanks a lot.
Peter son honda150p@yahoo.com.hk
UE150 is a budget scooter, and we think it is doing fine to act as budget scooter. PGO T-REX 150 and Taiwan Suzuki AN150 are also good option for you. If you can spent more, Honda @150 should be more easy to satisfy your needs.
It is difficult to estimate the re-sell price in the future. It's depends on the new bike price, your scooter conditions etc. If nothing went wrong, 50-60% resell price is acceptable.
|
1/5/2002
|
車行粗心大意整車越整越衰
iBike 您好,^_^ 打優打優。有一些關於車的麻煩事找您, 我在很久多個月前我架 majesty 取去 X 車房整, 因我對電單車的保養並不熟識，只是述說車子前及後輪行車時平衡得不好, 由其是前輪有些不能控制感覺. 之後 X 車房叫我換啤鈴 HK$ 300. 好了不夠第二天也同樣出現相似情況. 後來他再檢查建議我換 fork 油. 有
一次我很不小心遺下車匙給 X 車房整也給我拖車更換全車匙 HK$ 700. 後來取車後兩天當我洗車時發覺錶版下的鏍絲位沒有上鏍絲, 以為他們很忙一時大意, 加上原有之射燈不知發生什麼事突然開不著, 也叫我有空便跟我整好. 也給我上回鏍絲, 很大意呵......
另外在四月頭更換了 fork 油及前碟合供 HK$850. 因前碟是英國制所以要收 HK$400 及換了 fork 油 HK$450. 因我四月中去台灣固此給 X 車房整再次修理車上原有之射燈. 後來回港後第二天即刻去取回車子行了不夠 5 公里後0太沒氣, 好彩在址土瓜灣有油站便打回0太氣. 之後越來越出事了......
第一 : 架車 enginee 沒事而是配件很吵耳, 前後也是. 全車頭有好似零件很鬆我聲音, 而後面比以前
更吵耳, 令油時架車更加震盪...... 沒有如此震盪過...... 本是架車好地地又搞成咁.
第二 : 又是沒有上好縲絲, 今次是在頭燈右邊. 可以令黑色車蓋取出, 好彩仲有另一粒碼住先. 而
落到車房, 佢比粒不是我原有的縲絲
第三 : 因上次整射燈關係車頭套衫原全沒有裝好, 可以用手指取出部份夾位及很差勁又移位. 真的
令我生氣吧.
第四 : 前 fork 真的很軟...... 換了 HK$400 變得仲差過以前, 老闆也誠認前 fork 軟了少少,不是大問題
, 如果找他換多次真的沒信心.
第五 : 射燈電線又給他剪斷了...... 在之前他說用過其他方法去識過個燈壞了. 真的有點想哭...... 而
他也問我要不要除下射燈, 我說不需要. 之後駕駛了 15 公里架車前輪很吵耳便下車看, 發覺架車個
射燈有一"秋" 電線沒有好好的幫我收埋. 還在駕駛時電線不斷打上前輪車蓋真的不知怎好...... 呢
間出名整羊點解好多0野都咁唔小心....不知叫我怎相信佢好.
我架車未整前真係好 fit...... 而家都唔係好想渣佢...... 真係好靚仔架佢。而家間 X 車房, 已經唔同以前既佢. 只顧賣車而維修就...... 我其實好信佢, 因為係我寫車書朋友介紹給我. 初時真的好好. 但是佢已經忘記了維修電單車的收入重要性, 佢真係唔係以前個老闆.
Lan Tom
可不可以告訴我們該車行的名字呢?
|
1/5/2002
|
駕院導師對男女學員大細超
Dear editor,I'm the M/C learner of hksm at shatin since 6 months ago. Most instructor always just 'VERY VERY' take care of female's learner.eg:hard to teach & explaint everything, smile, politely etc. But male learner......! I'd very disappoint that. So I decide to hard to learn the skill by myself at the school,ha ha. Finally, I found many female learners failed in the exam. Isn't any senior to supervise their instructors ?
Ricky Chan.
你都識講女生即使受導師注意的程度較男生高，但合格率仍然偏低，如果導師唔特別睇住D女學員，合格率咪再進一步低沉？如果俾我地做導師，直情落堂後要再約時間「私人補鐘」添！嘻。
|
1/5/2002
|
新牌問保險
認得我嗎?前日先問過野呢?……其實小弟現年廿一,o岩o岩考到自動波!呢D就係咪叫做唔夠秤又唔夠牌齡……出三保係咪要加大大舊墊底費呢?例如出150cc綿羊要加幾多?…講價送一年牌費再送車cum再打滿缸油你估制唔制?(請不要笑我)…ET-8是否高危偷車品種呢?……另我於考到牌後第二天(一次pass,嘿嘿),聽到一驚人消息,連埋我連續兩天沙田都係得一個pass!好似話運輸署一日只比六個quota!你有收過風嗎?嘩!一日十幾廿人要重考,駕駛學院咪發過豬頭,仲話合格率高!
Thx gill@one2free.com
新牌出150綿羊唔駛加loading。去奧士問下，搵車生傾下，話係 iBike Eddy介紹買車，應該有優惠俾你。我地唔傾向相信考牌合格有配額限制這回事，一切都個人實力決定啊！你一次合格，真係叻仔！
|
1/5/2002
|
偷車！
本人最近搬到官塘居住，一星期後部愛駒（Honda Jade 250)就給人偷去，地點是馬蹄徑後巷，我以為呢款車唔係熱門，所以沒有任何防盜措施，也許是新淨，只行一萬五千公里左右，算了罷，死者已矣，只寄望偷車者得到應有下場！我想買部大鯊王１５０，新車攏街是否安全，Volty２５０二手如何？現時哪一款１５０綿羊最受PK偷車賊垂涎？ＣＢ７５０（二手）又點睇？謝謝回答
黑仔 kenkenci@netvigator.com
俾人偷車咁慘？不過你都話冇做任何防盜措施，咁俾人偷左都冇說話好講。新車擺街的風險當然大過舊車，但唔做防盜措施就咩車都咁危險。我唸你提及過咁多款車中，CB750應該比較安全。
|
1/5/2002
|
想買XV400
編輯先生你好，本人正考慮購買二手Yamaha XV400，請問買這種車時最須要CHECK甚麼地方?而93/96年車市價大約是多少?謝謝你的回答。
ERIC eric@mypalmboy.com
93 Yamaha XV400如果私讓價錢約在一萬至萬五元之間，視乎保養程度如何。因為年份有番咁上下，唔好祈望買車後完全冇問題，避震、鏈牙，油毯，引擎砧口等都有機會需要更換。其他消耗性部品例如輪胎、迫力皮等更要檢查是否需要更換。有沒有看過知識技術一欄中的有關買車要留意的事項？
|
1/5/2002
|
P牌的限制
編輯先生,我有一個問題想請教一下，早上屯門公路實施巴士專線時,某段路面只有2條行車線給其他車輛使用,這樣的話"P"牌電單車可否使用最右線呢?如使用最右線的話,這樣又會否違反了"在有三條或以上行車線的快速公路上，不得在最右線行駛"的限制呢?
Kenneth
經過我們內部「熱烈討論」後，傾向於你的答案多一點，但不敢肯定。有讀者回應說問過警察，只能使用第二線。
|
1/5/2002
|
About Lubro Helmet....
Dear Editor, I bought a Lubro Helmet earlier, but want to see if I could change the Shield to the one with Shade/color or Sun blocked...Where do you suggest I should go to change it ?? do they have a sole agent or representative in HK ?? thanks very much !!
devilxman devilxman@sinaman.com
Lubro Helmet Agent in HK: Ho Wun Car Co. Ltd.
|
1/5/2002
|
投訴：考牌比四輪導師玩死!
編輯先生你好:本人今天下午在黃竹坑考路試(考壽臣山線).怎知行到入香島道前黃竹坑道見有一架學院四輪正在學車(在我車前).見到他時快時慢,什至見導師幫他扶呔.即時心知不妙,小心....小心.....但在匯合線前又超越不到他(因右有車,一架接一架)最終跟他入到置島道(單線).此時他車前全沒車,心想希望他的導師醒目,叫他入上壽臣之前的巴士站(避車處給我行先)怎知他沒有這做,還同我一齊上山.最終給他玩死!(肥佬)有冇攬錯呀!我十多年前在黃竹坑學四輪時.導師也時常提醒我們不要阻人考試啦!希望以後各師兄弟妹不耍再遇到這位四輪導師啦!
yuen0yuen yuen0yuen@sinaman.com
好難接受你投訴播！因為冇「阻人考試」呢條例：) 冇錯係個導師唔醒目，但如果你技術合格，都唔會俾佢累到。唯有勤力再練習！打好基礎先cup牌出街，話唔定重安全呢？
|
30/4/2002
|
編輯先生: 本人有幾個問題想請教您。
dicky dicky_0129@sinaman.com
1.本人打算換一部綿羊(Gilera Runner SP/ DNA 180)，可是本人只有約１６５cm 左右，而這兩部車的坐高起碼有７８０mm以上，所以本人想知道這兩部車是否適合呢? 如不適合，請您介紹一下有哪款車可以推介一下呢?
Runner可能會高左D，不過都係睇習唔習慣o者。
2.本人現正駕駛一部 Yahama Virago XV250，耗油量不高（約$0.4/KM),不知道改駕綿羊會否增加油費的支出呢?
正路單缸180點都唔會食油過雙缸250卦？
3.最後，本人想知道一些關於綿羊的日常維修保養要注意的地方，以及各項零件的支出．
綿羊最緊要係緊換油，每一千公里換油冇死錯人。其餘輪胎掣動皮呢D野一樣咁跟o者。不過要注意傳動皮帶，珠盤和珠仔的壽命。不同牌子的出品，其壽命可以相差很遠。
|
30/4/2002
|
編輯您好,上一次多謝您地提點, 終於過到關, 依家爭路試。本人現在有以下計劃:
考到牌之後不駕車一年, 之後再買車。本人一直心儀CBR600F4i及R6.....想問一下如果一個新手駕以上車種會唔會太過困難? 兩車之間的性能及操控又有乜分別? 因為我覺得好難決定。其實係米駕其他車種會好少少(對新手來講)或者編輯有什麼專業意見可以提出, 俾我參考下。
Kevin kevin_nagumo@hotmail.com
新牌剛考到牌時，技術仍然十分幼嫩，如果再雪藏一年，根本同唔識冇分別。你重話想一年後買CBR600F/R6？祝你好運冇野講。
|
30/4/2002
|
Dear editor, I'd pass the bike exam & got the 'P' licence. Now I want to ask the suzuki an250 type S. Is it any difficult to buy the insurance for me? Because I'm a new rider but I've drive private car over 14 yrs. I don't want to buy 150cc while long distance for work everyday. I'm 33 yrs & 1.7M tall, any choice for me abt. others 250cc,pls reply in chinese & don't show e-mail. Thank you very much !
視乎個別保險公司，鈴木科研好似連Burgman AN400都出到P牌保險。如果係真的話，咁就唔使唸一定係400。
|
30/4/2002
|
本人新牌仔,請問一般車行由登記買車到正式取車需時幾耐?另一般綿羊類鎖頭、防盜有邊幾類?你個人認為最小要用上那幾種?多謝寶貴意見!(本人打算買150cc綿羊)
gill@one2free.com
現貨計正常一兩個星期左右。但如果是新車抵港，可能車到文件未到，咁就要耐D。車鎖都係碟鎖，U鎖，鏈鎖這幾類。最好頭尾轆都有鎖。唔同價錢唔同設計的鎖質素差別可以好大，但點都好過冇鎖。防盜器唔係咁有用。
|
28/4/2002
|
我上年轉玩大車, 買入二手SuperFour, 車行話上手0錫車, 用 Dunlop 靚0太. 至今已走了約15,000公里, 我諗係時候換後0太, 但車行老闆話仲可以用住先. 我想請教 ibike, 後0太走到幾時至要換? 有何徵兆可決定?
Richann(請不要登我address, Thanks!)
決定輪胎的壽命不看里數而是看膠質和胎紋。當然是以輪胎結構無損的大前題下進行檢查。補過胎、或曾經漏氣但又走了一段時間的輪胎，結構上可能已經受損。膠質如果變硬也要更換。如果輪胎容易黏上路上的沙石灰塵，用手指甲能夠輕易在胎上嵌入指甲痕，表示膠質良好。但也要看胎紋是否過淺，這都視乎車子的使用狀況和受到的傷害而定，和里數無關。換胎最好頭尾一齊換，若果只換尾胎，也應和頭胎換回同一組型號。
|
28/4/2002
|
致編輯先生,本人是新牌仔一名咁買左一架二手既街車！買左之後就立即換左火咀同吸洗．請問我仲有咩要做，風隔使唔使換？同埋我應該換架車D咩呢？冷光標一般要幾錢，會唔會好浪費電？多謝!
Billy 請勿登本人的電郵
電單車最緊要係胎同埋迫力，風格唔係貴，拆出來發覺重可以用都可以再裝番入去，如果唔識，第一次可以向車房請教。冷光錶板俾人搞應該都係幾舊水，唔係好食電o者。
|
28/4/2002
|
Dear Editor, I am looking for a mid range street bike (400 to 650 c.c.) for daily use. I am a 171cm tall, 68 Kg male, what is the suitable seat height for a comfortable ride. What is the standard or criteria to be used when selecting a street bike regarding seat height?I also considering the resell value of the bike, what bland and model have a better resell value?
K Chan Please answer in Chinese and don't show my e-mail. Thank you.
座高不超過810mm應該不會構成壓力。其實單看座高還不足夠，因為車身的闊度會消耗腿長，遇著闊度大的車，即使是780mm座高也會感到吃力。所以最好能夠親身試坐一下，看看雙腳尖能否以屈曲的姿態著地，腳踏會否刮小腿。此外尾避震的軟硬也會影響座高，所以不能單看數字。
轉售能力主要視乎供求，熱門的車種較易脫手，但價錢競爭大。保值能力視乎產品口碑及耐用程度，更要看新車價錢會否一浪低過一浪。照現時各代理的作風看來， Kawasaki的車主較有保證。
|
28/4/2002
|
你好, 我駕的ET-8, 剛剛走夠19000KM. 無病無痛, 但我還是帶它到車房做做維修保養, 換了皮帶(MALOSSI), 偈油和尾牙油, 但沒換珠仔.換了之後, 發覺架車跟之前有點不同. 著了引擎後, 雜音少了點, 但排氣聲好像有點"萌萌地", 但主要問題係架車起步無力, (跟未換之前比較) 俾油後頭兩三秒好像唔願行, 兩三秒後動力才慢慢回復正常. 燈住起步最易發覺這問題. 如果是雙騎, 情況更明顯. 車子的中段和尾段好似分別不大.(感覺上, 反應都是比以前慢丁點, 但又可能係心理作用, 不肯定) 想請教一下, 問題是來自新皮帶嗎? 走多一段路後會回復正常還是安裝時未調校至最好呢? 以我自己的理解, 換皮帶應不會影響引擎反應, 請問應該檢查什麼呢? 想聽聽你們的專業意見. 多謝!
Walter Poon walterpoon@i-cable.com
你部車的問題應該唔關皮帶事，而且部車走了19k公里，珠仔都應該檢查一下。既然你要專業意見，於是我們馬上打電話(凌晨12:30)問觀塘「新幹線」的大偈覆述問題求證答案。「新幹線」的意見是里數高，即使珠仔冇事，珠盤的軸心有可能偏蝕，雪油也可能需要補充，至令珠仔未能順滑運作，影響變速能力。
|
26/4/2002
|
主編你好,本人想找一些FZS600的資料,因想重FZS600和Hornet600S作出比較,以性能及實用性作選取,主編先生可否給我一些意見和其他選擇.Thank you very much!
Chi kwokchiw@hutchcity.com
我們沒有騎過FZS600，所以不能比較兩者誰勝誰負。若論兩者在香港的成交量都是偏低，二手承接缺乏，當年一手市場散貨速度也緩慢。雖然有說FZS600的操控和用料較優，但始終還是看價錢吧。
|
26/4/2002
|
Dear Editor,I am a brand new rider and just bought a AN150, I have the experience that my bike always stop the engine when I stop my bike at the red traffic light. Then I have to ignite the engine again when it turns green. I check with the distributor of HK, they said the engine has some problem and this is something regarding the presure inside. To fix it, it cost around HK$3,000. Or I can drive it anyway since it can start again everytime. I hope to know if this correct that the presure problem cause the engine stop? I already clean the carburator, change the spark plug.Please advice Thanks a lot
Ray P.S. : Please do not publish my email address
if the engine lose it's compression then everything will goes wrong, if you leave if unattended the situation will become even worser. You better fix it or sell it.
|
26/4/2002
|
Hi Editer, I am going to buy a used 250cc scooter to work from junkbay to airport . I prefer to ride a majest and skywave.But two bike are almost same pice. I don't know how to choose. is it same maxium speed? Could you please tell me which one is better? Thanks a lot......
wilson8888 wilson8888@netvigator.com
Not sure about thier top speed, but for the similar price, we will suggest Burgman AN400.
|
| |
|
|
|
 |
|
