搜尋由Jan 2001至今的來信及問答文章 - 請輸入關鍵字
　
FAQ常見問題
第頁
7/4/2002
 		編輯先生:本人為貴網之讀者,家住屯門,於官塘上班,剛取得電單車駕駛執照,現打算購買一部綿羊用作上班之用,本人心目中已有三部車在考慮之列:
YAMAHA MAXSTER 150(外型殺食,一出已經想買佢,但我看到車主報告中大家都對佢惡評如潮)
YAMAHA MAJESTY 250(易手)(因為d車友話走大長途最好搵一些大cc的,冇咁傷偈,但係250cc我唔知幾錢一公里)
SUZUKI BURGMAN 150(我見佢有2.5kgm扭力,同級150cc中最強,而且睇落去好似幾舒服咁)...
請編輯你說說小弟應該揀邊部好呢?因為我自己心大心細,同埋250cc會否比150cc大食好多呢?大約幾錢左右?又或者有冇其他綿羊好介紹呢?大約($20000-$30000)左右,麻煩晒啦編輯...唔該晒
Rio Lee yoshiki@japan.com
往返屯門官塘？Day Day如是？想架車冇咁計苦輕鬆D揀Majesty 250，如果想買新車，又要舒適穩定，揀UH150，不過預o左車速要慢D。其實無需擔心油費問題，單缸250入滿都唔使一百蚊，夠行二百幾公里。
6/4/2002
 		編輯先生,有些少問題想請教一下:
1. 我的車子右頭fork腳'羅C'在行走一個月後自己鬆出,鬆到'羅C'頭突出,用手就可以
扭出,車是全新車(只一個月),但取車時沒有check這部份,所以不知新出時有無問題,你認為
是車行(無上實)定車本身有問題?車有問題會是什麼?怎解決?
2. 整流,打o南o磨,fuse,燈泡是否損耗品?會否一定時間自然損壞?
3. 尾箱放重物會affect車的操控嗎?
Thanks a lot!
Chan kk kk_chan2000@hotmail.com
咁恐佈？應該係出車檢查時漏了這部份。新車行得一段時間係需要再檢查各縲絲位，有需要會再上實，但唔會好似你講咁用手都可以擰出來！整流打南磨燈泡當然有機會壞，但唔屬於「經常性」損耗品。所有尾箱或行李架都有重量上限，放了重物一定會影響操控。
6/4/2002
 		你好,很多謝你的回覆. 我相信你是全港內容最豐富，最完美的電單車綱頁．以下再有些問題,敬請解答.
徐了對Yamaha SR400（易手車）有興趣外，對Yamaha TW200（全新車）也有很大的興趣．兩者價格相約，我想一台Yamaha TW200（全新車）可能較適合我．主要原因是我對電單車是一無所知．也無朋友相助，買易手車很易受騙．
1) 請問TW 200 的馬力是16匹(8000轉), 扭力為1.52kgf(7000轉)---在公路上(東區走
廊， 屯門公路等．．)能夠有足夠的速度跟上大隊，什至超越大隊嗎?
2) 一台TW 200, 200cc的四衝單汽缸引擎在8000轉的情況下運作，是否會很不穩定什致令 車身震抖?
3) TW 200的零件在本港的供應充足嗎? 如不充足，在日本訂購會很貴嗎?
4) 在易手市場，取決於易手車價的高低，在於出廠年份及首次登記年份，兩者有何分別，何者重要．
5) 整體來說，TW200是否一台適合新手（我）的好車嗎? 謝謝.!
Grass Tracker grasstracker250@hotmail.com
你想問TW200能跟上什麼大隊呢？是Highway上其他汽車的平均速度嗎？行慢線或中線跑80-90km/h冇問題。出不同車會便要看他們的習慣速度了。例如「跟到就跟」個隻車會，TW200肯定俾人當係雪糕筒。最好搵番同種車一齊玩咁就最有feel。零件方面，Tw200特別多改裝部品，所以供應不是問題。好多車行都有做。放心。出廠年份當然重要過香港首次登記年份。除非係年尾新車，例如01製造但係02年先賣出，在機件上可以當佢係02車咁睇。但如果係二手車，例如98/02，雖然係02年先係香港首次登記，但事實上係98製造，行o左五年，咁梗係當佢係五年車啦。總括來說，TW200係一部適合新手使用的電單車。
6/4/2002
 		鐵騎網誌有冇車會架，又有冇會員架。另外可否報道多一些巡航車的配件呢！
Joseph joseph_tang55@yahoo.com.hk
我地係電單車傳播媒體，唔係車會。有工作人員，冇會員。多謝你提供意見，有機會我們會報導多一點巡航車配件。
6/4/2002
 		你好, 有一簡單問題想知, 就是電單車用的機油, 同私家車用的機油, 是否一樣, 可否將私家車的放在電單車用, THX.
Roy cs_tck@hotmail.com
傳統智慧及所有車行或油商都聲稱電單車和汽車用的偈油是不相同。原因係電單車多數行濕式極力子，轉數較高，所以有不同添加劑。但我們對此深表懷疑。現代高性能全合成的汽車用偈油，我們相信是可以供電單車使用的。自已衡量。
6/4/2002
 		編輯先生你好: 本人買了一部150cc. 大鷹王, 本人公司在天水圍工作, 但住在太子. 請問我應該留意什麼, 怎樣run部車呢? 部車行屯門公路是否很雙???
Johnny Lam johnnycy@i-cable.com
run-in期間一切動作以柔順為依歸。油門唔好扭到底，極速唔好過100km/h。時快時慢平均行7-80km/h便可。
5/4/2002
 		編輯你好,本人的電單車出了一些問題,因本人是新牌所以現在很煩惱.本人新買了一部二手cbr,早前行完一段100-120的高速公路後它就引擎溫度極高,而且霧煙,溜水經車房chech之後是風扇壞了,連水箱壞掉了.現要1600大元去換,本人認為一定會修理.不過想問問價錢是否合理.有否其他可行方法,如不換風扇,只換水箱低速行駛,謝謝.
Tung Tung chun_tung_max@hotmail.com
如果對價錢有懷疑，可以check多兩間車行比較。但如果換水箱唔換風扇係冇用o既。
4/4/2002
 		Hi!有一個問題想你為我解答.我想買架易手綿羊代步,限於金錢問題只可買一些年份較耐的車.如98或99年的車,它是否可靠呢!聽說綿羊的引擎很不耐用,真的嗎?一架車可行幾多公里,多少公里後開始有毛病.日本車是不是比台灣車好很多,AN又是否比台艦耐用好力
greensea greensea@hkbn.net
98 99都唔係好舊o者。綿羊引擎唔係唔耐用，不過因為細cc所以成日俾人用到盡，加上機油容量細，換油比較密，如果車主保養唔好，會比大車快殘。此外傳動系統採用CVT皮帶，要留意皮帶和普利珠的替換。日本羊質素鋼水比台製好，但價錢較貴。台鈐星艦150的口碑唔錯，可以考慮。
4/4/2002
 		編輯你好,本人最近出左部新車二衝Runner,原本都覺得架車好正好完美,但有個問題非常困擾,就是當架車一行高轉時水箱水就會流哂出來,整到褲腳及鞋都濕哂,好慘.我已問過車行有冇方法解救,但車行只話架車行高轉時就會係咁,試下時快時慢,或者用埋膠布啦.以上做法我已經試過,但係一樣照漏...所以我想請教下究竟有沒有方法根冶這問題呢?唔該哂...
Tommy tommy0408@netvigator.com
o下！唔係呀話？係水箱口漏定係其他駁口漏呢？唔知有冇高壓水箱蓋賣呢？
4/4/2002
 		I want ask 編輯先生,I want buy a Yamaha T-max 500 or Honda silver wing ,i want ask which bike is good ,please reply chinese .
yokieric yokieric@tinyonline.com
冇人可以俾到中肯意見你。因為都唔知道你對車有乜要求。Silver Wing主攻雙人巡航，T-Max主攻運動形駕駛，屬於唔同科目。
4/4/2002
 		編輯先生,大家好唷! 我有電單牌已一年多啦, 非常想買爬山小鹿, 但係家人極力反對!可能是女仔的關係罷! 看到你們都擁有自己的愛驅我好羨慕唷!! 而我只能借朋友的CRM來騎我本身已有幾年開私家車的經驗, 幸好未有撞過, 技術一般啦, 不過家人還是認為很危險,你們是怎麼說服家人給你們騎電單車的呀!? 可否告訴我呢...
小夜叉! boysit@hotmail.com
年紀及家人對你的信任程度好重要，如果你在家中沒有地位，咁講乜都冇用。當然你可以不顧一切咁去買車，但令家人擔心實屬不孝。
好多時抗拒及恐懼，源自不理解及缺乏信任，慢慢同家人證明你的能力能勝任，並如何有效地減低風險，等佢地慢慢理解及接受。試舉台灣、澳門、日本的電單車使用情況說明老電只係交通工具的一種，冇分男女。
好多謝你的回信及意見! 我好開心你真的會回覆我呀...同你講丫, 二月某一個星期六我去睇車...一眼已經被那隻小鹿迷住啦!!我又點會咁任性不顧一切買佢! 雖然我明知老豆唔俾我買都問一問佢!答案當然係唔得啦! 我唔可以做D背棄屋企人同自己既事既! 因為父母第一架車只係第二, 唯有照你所講我用我既能力証明俾佢地睇啦!!點都好! 好多謝你!!
小夜叉! boysit@hotmail.com
4/4/2002
 		I want to ask what are the shops has the most reputation. I wanted to buy a used bike and I heard too many stories about cheap shop selling junk bikes. i would like to know which shops that I can really trust. Also, I am 25 years old and had my license for almost 2 years now, and I never ride on a bike before. I am 5'11'' tall and is 175lbs. Is it possible to get 600cc bike? or should I go for 250/400 cc 4 stroke bike? Cause I wanted to get a fairing bike. Maybe a year later, I will move on to superbike.
Thanks in advance.
AC alando_chang@hotmail.com
It is difficult for us to post whch shop is in bad reputation. To be frank used bikes sometime got some hidden problems, only the bike owner can spot them after using the bike for a period of time. That's why picking used bike depends on knowledge and luck as well.
To choose your first bike, don't get 600cc, too strong for u. Go get a 4 stroke 400cc street bike is the best starting point for you, when u get used to it and feel not enough, then go for 600 sportbike.
4/4/2002
 		dear editor, i remember u've mentioned once but i forgot, is the sequence below correct?
1. 睇車
2. 搵第三保公司
3. 一齊去td做轉名手續
4. 完事
anything missed? thx and pls dont bill my email. Dave Cheung

以下為當年老Day供稿於機車同志的原文：
「第一次」買車！付款交收的過程有什麼要注意？

新仔第一次買車，盲摸摸，乜都唔清楚，乜都冇所謂。點樣可以在各項過程中保護自己冇蝕底呢？唔係話所有賣家都全心欺騙，但在毫無準備之下進行交易，便等於將自已血汗錢的命運付託於陌生人。好彩便冇事，唔好彩便一殼眼淚兼被人笑到臉黃。

二手車行的交易
1. 正當車行不會要求買家在買車時一次過支付全部車價。通常買方只需預付小部份車價顯示誠意，例如不超過車價三份一的訂金，牌費和第三者人身及財物保險費已十分足夠。
2. 在付訂金之前，我們要核對電單車的車架及引擎編號和你手上的買車單據上所列的數字完全一樣。確保你所訂的電單車是你所看見的那部車。車輛製造年份，和一些隨車裝有的配件，也應要求車行在單據上詳細列明。
3. 如電單車為首次進口，需要驗車及登記而未能在數日內交車，應要求車行訂下明確的交車日期。
4. 日後取車時，重新核對自已單據上的編號記錄，和車輛牌簿、電單車車架及引擎上三者的兩組號碼是否相同。留意牌簿上的製造年份有否變動。 檢查交車的狀況是否和之前所協定的一樣。
5. 有些車行會向你徵收約70-100元的尾牌費用。車行除了會移交兩份車匙之外，還會有車輛登記文件(牌薄)，臨時保單，車行買賣單據及你的付款收條。檢查牌薄上的牌費(1年$1,314)到期日子是否和自已所繳付的相符。臨時保單的生效時段是否正確？
6. 只有當一切都滿意後，才應支付車價尾數。

私人交易
1. 私人交易沒有買賣單據，賣家也沒有過往業績或商譽可查，所以更要小心。我們應要盡量紀錄賣方的個人資料和電單車的登記細節。
2. 寧願支付數百元象徵式訂金，也要取得對方牌薄副本，作為交易的證據，和辦理保險的依據。
3. 交收當日，在上樓辦理過戶手續之前，要再次核對眼前電單車的兩組編號和牌簿及臨時保單上的紀錄相同。順道檢查車身狀況和隨車配件是否和協定的一樣。
4. 在電單車上加上自已的鎖具，確保過戶後它仍在原地。
5. 填在過戶書上的賣價要和事實一樣。在過戶($250)之前，向運輸處查問車主登記資料(核對牌簿並可保留賣方資料)，及有否告票或違例事項尚在處理中。
6. 雙方應一早商議好採用那一種付款辦法。賣方可能不接受支票，但如銀碼超過一萬元，現金交易也不是好選擇。除了害怕現金遺失之外，賣方也會擔心偽鈔問題。如一定要現金交易，應請賣方當面點算清楚才可離開。
7. 如果雙方採用相同的銀行，櫃員機過戶會是一個不錯的方法。留意入賬的戶口號碼應由賣方鍵入，但過戶的銀碼便一定要自己輸入。請賣方立即查閱自已戶口的結餘是否相符，買方應保留櫃員機收據作為已付款的證據。
8. 如果上述方法不可行，惟有大家用點時間去銀行排買本票，費用誰付由你們共同恊議。
9. 車匙可在此時移交，並請賣方一起陪伴取車。
10. 確保新車一切正常及明白如何操作後，才恭送對方離去。

可能有人會覺得以上建議又麻煩又多餘，但小心駛得萬年船，咪話我老土！
4/4/2002
 		你好,我是初哥(五年雪藏牌), 我想買一台Yamaha SR 400.我知我問題多多, 請多多帮忙. 務請一一解答.有關選購的問題
Grass Tracker grasstracker250@hotmail.com
1. 請問何謂日本翻新車?
所謂「日本翻新車」係指車行從日本拍賣行買回來的舊車。
2. 請問日本翻新車是否比起本地的易手車好? (我指日後的維修及引擎性能的問題上,)
冇理據證明日本二手車比本地二手車好
3. 請問日本翻新車的咪錶行車哩數可否被車行徐意調校?
舊式咪錶技術上係可以改動咪數，但有冇人咁做就唔敢講
4. 請問日本翻新車的二手市場如何, 如果我想換車或不再想騎電單車的時候難不難再次賣出去來套現?
當你再賣出去時，買家對本地行貨車較有信心。二手市場永遠存在，主要視乎售價是否合理。
5. 請問一般車行的日本翻新車有否售後保養, 如有, 年期多少?
視乎每間車行，一般有三個月保養期，但細節各有不同，要問清楚保養期內唔包D乜。
6. 其實, 要買翻新車或易手車, 到老字號的車行或小車行或私人轉
各有好處，買舊車多少講求經驗和運氣。貪平、趕時間、一定買唔到好o野。讓好?
有關該車引擎的問題(我指一台4年日本翻新車, 行二萬公里)Yamaha SR 400 的用油量有多大? 每行一公哩大約用多少錢?
對SR400的油費冇概念，不過單缸引擎唔會好大食。
2. 該車的引擎或其他部份會否容易損壞? 致維修費很高嗎?
呢類風冷單缸原始機器相對現代電單車來說，維修比較簡單，性能因為冇特別所以冇要求，也可以說是可靠。主要睇有冇充足零件供應，呢個先係問題。
請問你有對Yanaha SR400的日本翻新車有何整體評語?
我們對SR400的整體評語係：不予置評。：)
Thanks a lot.
4/4/2002
 		你好？我是一個P仔，想問如果由 150羊換上250羊，前者150燕梳有無得拿回? 因為我到車行換左freeway250不果舊150燕梳不能過落新250到，我的燕梳只是用了2個月現在要買過新好慘呀∼∼∼！不過車行叫我去之前買150的車行拿回正單辦退回手續，其實會不會退回給我的？很擔心！請幫我忙，多謝你！
edmond_lai5 edmond_lai5@sinaman.com
舊保險係可以退保，按比例拿番錢。不過要扣幾舊手續費。留意新保單是否可以容許你將來轉上400cc綿羊，唔係間間都得。
2/4/2002
 		收到熱心車友Johannes chairman@we-w.org.hk 報"運輸署宣布，該署牌照事務組的沙田牌照事務處將由2002年4月2日起遷往新落成的沙田政府合署。新辦事處的地址為沙田上禾輋路一號沙田政府合署二樓。
現時位於九廣鐵路沙田火車站連城廣場五樓的辦事處將於2002年3月28日後停止辦公。市民如有查詢，請致電2804 2600" 料：

2/4/2002
 		Dear editor,
1. is it illegal to listen music through headphone (which is hidden inside helmet) while riding?
2. i want to buy a new bike, joyride150. i'll use it to work, taiwai<->taipo, will it have problem? and is it active in 2nd handed market selling? coz i plan to have magna a year later.
Thanks,
dm dmjudas@hotmail.com
Although we don't recommend you to do so, it is not illegal to listen music during your ride. Regarding Joyride 150's performance, you better check out the "owners commentary" section and see what they said. More and more Joyride 150 can be seen on the street nowadays, we think it is a quite popular scooter. If the price were right, re-sell should be easy.
2/4/2002
 		Hi, I'm a "P" licence rider and wanna buy a scooter for local ride (maybe highway on weekend). I'm about 6'0 tall and weight 160 lbs. I think Piaggio Beverly 200 is kinda cool! Can you give me some advice on that bike? Is that bike got enough HP and TORQUE? My budget is only around 30k. (Plz Don't Show My E-Mail)
All The Best Gum Gum

From our last riding experience we all agreed that Beverly 200 is stable in high speed and has good braking response too, although the pick up ability is a little bit slow. 30K you got a wide variety if you consider to buy used bike/scooters. How about used 250 Japanese scooter?
1/4/2002
 		你好，各位車友大家好：本人對自動棉的知識比較小，有一重大問題想請考，本人早排購得@150自動棉羊，發現其它自動棉多有電撻及腳撻裝置，但@150以本人研究過好似只得電撻在扭油掣之下，本人想問如果有日想撻車，電撻冇返應或有小小返應但又唔著到引擎，請問重有乜方法著到車???通常撻唔著車車主首先可檢查邊部份???謝謝貴站解答本人問題
wong herry longcloth@hkem.com
自動羊冇得推撻，冇電的話只好叫拖車。其實好多250日本羊都係冇腳撻，都唔係咁恐佈o者。架車唔著通常都係電池冇電，fuse斷路，火咀濕o左等問題。冇相關知識好難check，因為要搵工具拆o野。不過有一樣唔使任何知識都可以checko既，綿羊先檢查側架係咪冇收起，其他車先檢查死火掣是否在off的位置。
1/4/2002
 		你好, 本人已住筲箕灣廿多年,在本區就只有在愛民街有唯一的八個公眾電單車位.本人當日就把老電泊於望隆街(峻峰花園 附近的東區走廊橋底),此處是完全不會抯擋行人通道的. 而本人的老電是用密封沒有開窗口的布襟,所以應該冇理由見到我的車牌及行車證.........但事隔一日, 竟然比差佬抄左牌, 仲可以將張告票放向我乘客sit 位條頭盔帶度夾實!!!! 真係神乎其技,究竟佢地點抄到我牌呢????
仲有就係我都沒抯到街, 何苦係都要抄我牌呢?????........不過我附近d車友仲慘每日抄一張, 足足儲左成4~5 張咁濟呀!!!所以希望藉此能得到一些有能之士o既幫助, 向運輸署反映一下!!!!多謝多謝
cheong henry cheonghenry@hotmail.com
我地都冇計播，你可以直接寫信俾運輸署反映。tdenq@td.gov.hk
1/4/2002
 		你好!前日我好不小心在路邊停車時失平衡跌了車。事後機件正常，但可惜油缸側邊凹了一個約大餅size的洞，另外又花了少少。我想問，有冇辦法回復正常?如沒有的話，有冇得成個油缸換?how much? my bbike is super 4. thx
Raku ryushin@hkstar.com
可以俾車行用搥仔修理，再噴番油，價錢幾佰蚊至千零蚊，視乎地區和手功。唔使成個油缸換咁誇張
1/4/2002
 		本人想改揸兩輪車返工代步(二手車only)eg: 98星艦150, EPC shining 150 or Freeway 250等, 路程由馬鞍山區至旺角區, 多行獅子山隊道, 請問在塞車時上落鈄有無太大問題呢? 兩個150磅一齊坐又點呢?多謝幫手, 請e-mail回覆我等我快些知:
cityrain101@hongkong.com
唔好貪平買150細羊，你走長途，又要雙騎，又要上斜，Freeway 250或Foresight 250最適合。舊款Majesty 250都好。
1/4/2002
 		你好!我買了一 EPC Shining 150 部車唔係太好用,可能我每日都行長途本人160磅(屯門公路往返炮台山 ) 部車好似就來右要換野好煩和好貴, 我只不過在兩三星期前換過,現在行了太&#32422;2000KM,就開始聲音有點不對勁,因本人有暗影在高速公路斷左皮帶掃難了各樣零件無左我成千幾元仲要令我上班遲遲到,
好令我害怕,現在我想問如果我要換車的話有什麼好推界,最最最最最緊要夠耐用,最最最好是平和慳油,最好要羊150.因為要合乎自己的經濟,市道低迷世界難low!唉~~~~~~~~~~~請指點指點?謝謝你 心目中想:博士150唔知好唔好,點睇呢?
edmond_lai5 edmond_lai5@sinaman.com
好明白世界難撈的道理。但你行咁長途，台灣綿羊真係唔係咁頂得順。最好都係揀番日本羊，例如AN150。
1/4/2002
 		想問下如果響街度見到d冇車牌又冇行車證既老電,可唔可以拿來自用? 如果可以要辦d乜野手續呢?ths~
wsl
你都幾好笑個播，我問番你，如果我見到有邊層樓已經冇人住好耐，截晒水又截晒電，咁我點樣可以拿來住呢？點樣辦手續呀？冇車牌冇行車證，重有車架及引擎number，架車有車主o架！佢唔理佢係屬於非法棄置車輛，你拿來用就係偷o野。偷野係冇手續辦o既。
1/4/2002
 		本人己有車牌大約5年，剛考獲電單車牌時買了一部代步，但後來因家住屯門又在屯門返工，所以摟决了數月便賣掉了。到現在本人返工地點在柴灣，非常非常之遠。現在想出部綿羊仔代步返工，而我最近留意到有部Beverly 2000大轆王幾𡜦，但我不夠高坐上去只可以腳尖到地。或者Yamaha Majesty 250但我覺得好大部，因本人是女仕，請問Beverly 2000行駛屯門至柴灣足夠嗎？而屯門至柴灣有多少公里呢？而Beverly 2000此車評價如何？有冇問題呢？或者有冇其他車可以介紹呢？另外如果鎖好架車容易被偷車嗎？請多多指教！ Thanks!! ^.^
wahfung wah225@netvigator.com
屯門至柴灣？唔知幾多公里播。不過路途遙遠，cc越大越好。所以250係一定好過200。如果覺得Majesty 250 太大架，可以試下Honda Freeway 250。車行伙記腳車專業之選。結合儲物、性能、實用的優點。但其實Majesty 250 / Foresight 250都唔係好大架o者。
1/4/2002
 		你好你好！本人其實仲學緊車，岩岩左強制試。但係已經成日諗住買車既野喇，所以想問下閣下，俾少少意見。其實我想買既車種係似古董個的綿羊仔，所以vespa係首選。但係又諗，新定舊好，新既又要落好多錢去裝修，又驚買新既之後唔鍾意又好傷，都唔知點算。
除左vespa，其他好似bajaj咁，好平，但係好唔好架？另一部有興趣既係Honda Kinder 150，佢個樣好吸引，但又好靚驚人整花或偷，見到的網友又好似話唔好開，都唔知點算。請問可唔可介紹下？vespa的舊羊幾錢到？會唔會好易壞？唔好厭我問得多同急，好啦，順祝商祺！
Burnvin burnvin@netvigator.com
係呢個階段你重肯定你想要D乜。Vespa及Bajaj鐵羊係二衝手波，Honda 二衝 Joker 90和國產四衝Kinder 150係自動波，完全兩回事。唔想煩維修，最好買新車，有錢整架Piaggio ET-8，冇錢就幾千蚊整架二手偉士手波羊，小問題一定多，不過整車價錢唔會好貴。
1/4/2002
 		想請問一下雙汽缸綿羊比單汽缸綿羊有什麼好處?我看見現在有雙汽缸的綿羊都是頂級的綿羊才有,是不是細羊(如250或以下的羊)是沒有雙汽缸的? 現時的技術做不到嗎? 還有,如果那些綿羊用燃油噴注的跟那用普通化油器的各有什麼好處呢? 謝謝!
Chan Wai Sing chan_waising@hotmail.com
兩個汽缸比一個汽缸的好處係引擎效率更高，輸出馬力更大，運作也較暢順。但因為要控制成本和售價，所以雙缸綿羊只適用於貴價款式上，和製造技術無關。電子燃油噴注的好處是供油量更準確，潔淨慳油。
28/3/2002
 		編輯先生你好!!!小弟已擁有自己的愛駒一年多,但還有一D技術上的問題希望你可以幫幫忙 ^_^.究竟點拖波先係最正確/最好架??有時好鬼順......有時就.......... -_-"~~~唔該唔該~~~
Tserebos tserebos@hotmail.com
放極力子的技巧主要係利用油門營造合適轉數來配合當時車速。其實一般行車，慢放極力子已有柔順的拖波效果。但如果車速快而時間緊迫時，便需要配合呼空油的動作。當需要減速時，一邊剎車一邊拖波可減低"呼空油"的需要。
27/3/2002
 		編輯先生你好！請問彈fork係D乜？點樣彈？而條fork頭彎曲到幾多至冇得救呢？同埋沙田區係咪會有間電單車行開？地址係邊？thank you !
2000kwan@hongkong.com
輕微變形的頭fork可以用「積」頂番直，但如果金屬出現摺痕便不能修理。現時有很多車的頭fork都不能「彈」，因為fork筒的厚度十分薄。沙田區新車行？係咪呢間呀？
http://www.ibikenet.com/02_market/v_two_motor/01.htm?
27/3/2002
 		Hi buddy, Basically i never write letter of commendation, but your web site is outstandingly high-quality, informative as well as well as efficient. So , I , on behalf of a group of university students who ride motor-cycles, would like to appreciate to your contribution to the society and sincerely hope that you and your collages would keep up the huge success.
But some questions do confronted us frequently.
1.my friend who owns a magna750 lost his bike (stolen) a couple of weeks ago. Since i am going to purchase a bike soon, i am afraid that this incident dettered me away from buying a bike, is bike being stolen frequently in HK?
2.we know that any prevention is useless when parked on street, however, can you share with us some of your experience on the way how people steal our bike? so that we could device some measures by ourselves (e.g: remove the bike by a van?)
3.are chopper bike more vulnerable to the target of bike-stealer? since i myself would like to have one in the near future.
P.S:
1.please dont list my email address because i and my friend are not willing to answer question concerning this incident.
2.your magazine seems to process unlimited resources! are you backed by a large financer or people like that? we would also like to hear who and how many of you working for this page, because it looks so perfect!

Cheetart
Thanks for the compliments, from our understanding, bike being stolen is not as serious as you thought, but we occasionally still heard some poor guys around us are suffering from it. We can't agreed that " any prevention is useless when parked on street" , since any immobilize device is better than nothing, no matter how weak it is, a lock is still a lock, and will take some little precious time for theft to do their work.

On the other hand, if those bad guys identified your bike as their high priority target, then no matter what kind of security device you are using, they still can crack it. Professional bad guys will use industrial grade cutter to break the chains, and lift it into a van.

So how to undercover your bike's existence is very important. Try to avoid parking your bike in a pattern form - fixed time & place etc. Always covered your bike with dirty & ugly waterproof, locked your bike up with good quality devices and linked up to fixed object is the best. Also avoid parking your bike where vehicle can access.

Basically any bike can be bad guys' target. Of course if your bike looks more attractive, more risk you will bear. It is sad but sorry this is the fact we must face. Take our advice, only buy an affordable bike is the best solution to clam your sorrow down (if it really happen to you).
24/3/2002
 		Dear Editor,how are you?Now i am confusing in how to chose a good bike for me.would you mind tell me that the following bikes which one is good for me?
Suzuki Volty 250 (Brand New)
Suzuki Big Boy 250 (Brand New)
My budget is as cheaper as possible.and which one is easy to sell it to the second hand market after 2 years? regards,
pass123123@sinaman.com
Two bikes are sharing the same engine. After consider your requirements, we recommend Big Boy 250.
24/3/2002
 		我是大陸車友，第四次&#26469;信了，&#23545;貴网的&#21150;事效率非常之敬佩。尚有几個問題困扰我，使我久不得其解。
1、《勁車志》上SLIVEWING和TMAX大比拼一文&#35828;TMAX在加速（0——100KM/H，0——200M）都胜&#36807;SLIVEWING，是因&#20026;TMAX发动机的长冲程设&#35745;。又有&#35768;多文章&#35828;，短冲程大缸&#24452;有利于提高&#36716;速，有利于加速。到底那一个是正确的？同样，FORZA和MAJESTY，加速是&#35841;占优。
2、如何使大羊加速最快，是一起步就扭油到底，&#36824;是&#32531;慢加油？
3、AN400到底是否能达到155KM/H，貴网有文章持否定態度，但車主&#25253;告却有人到达&#36807;甚至到达160KM/H？
希望貴站能在百忙之中抽空作答。千万个&#35874;&#35874;！！！！！！
DSLDSL dsldsl@163.com
對不起，不便評論其他雜誌所寫的文章。請見諒。
一般來說，長衝程引擎有利低轉扭力，引擎慣性較高，意味加速較慢，減速也較慢。
短衝程設計則運動性能較高，引擎慣性較低，快上快落。加速力除了取決於缸徑和衝程比外，也老看看供油量，壓縮比和齒輪比等因素。要綿羊起步彈射，油門當然是一扭到底，視乎每部車的普利珠特性，看看需不需要放一放油再扭油。
我們也有一臺AN400，估計極速不能到達150km/h，其他人的說法可能是落斜加順風，其實原庄速度計所顯示的速度根本不能作準。
24/3/2002
 		您好...敝人來自台灣！想請問駕車時理想的換檔時機為何？進入紅線區前？最大馬力輸出點？或是最大扭力輸出點呢？究竟如何才能做出最好的加速時間？ 謝謝！
Rainey rainey.skyline@msa.hinet.net
當引擎到達「最大扭力」出現的轉數時便應換高檔，要做出最佳加速時間的辦法是加電子轉波器。如果唔係就要快手快腳，轉波時唔好俾轉數跌得咁多，離合器快入快切。
24/3/2002
 		請問落雨時渣車會唔會好傷車？唔該唔好登我e_mail address thank you very much
新牌上
落雨用車係會整到部車污糟，但只要肯事後清理水漬，抹乾先好再落車套和補噴鏈油，係唔會傷車。不過落雨開車時要預留充裕停車距離，例如跟車不能太貼，過彎也要減慢車速，一切操作以柔順為上。
24/3/2002
 		本人乃Ｐ牌仔一個，剛考到牌三個月，有些關於第三保之事宜，希望閣下指點。由訴我吾想出綿羊仔，想出一部TW200 或 Big Boy，但找了三個月也找不到保險公司願意受保。最近我找到一間車行，教我找一個夠牌齡的人出車，借給我抯。他說ＡＩU保險公司的保單有明文列出可以由不夠牌齡人士駕駛，只要「薦底」幾千元。我想請教這做法是否行得通﹖因我曾問過一些保險公司，他們說可能會有灰色地帶，因保單只說「不夠牌齡」，而不是說「Ｐ牌」，可能會有麻煩。深表感激！
Fung Lan wewa@netvigator.com
唔好咁客氣，指點冇可能，大家傾下偈俾下意見咁o者。我們的理解是，P牌也是「不夠牌齡」的一種呀，應該包括在內。問題反而是，要找一個肯替你做登記車主的人並不易找。尤其是當他明白到你有可能連累到他以後要買貴保險甚至乎買不到保險的後果。
多謝你地咁快既回覆，你地真係好勁，UPDATE得咁快！關於我單野，我除左請教你地，亦問左貴網一位熱心人士 http://www.ibikenet.com/06_mailbox/complain/complain_insurancelobbying.htm
佢有以下回覆：
請稍為忍耐一些時期, 保險業已經開始放寬受保條件及將價錢下調.
相信不久就可以從新接受"P"牌出250cc以下之入波車. 價錢可能仍是貴了一點,
但總比現在用錯方法好.
用別人名義出保險是行不通的, 一有問題出現時就會大條道理拒絕賠償.
更可能被控多一條冇買第三保之罪名. 絕對不化算.我本身都係做電單車行業的,
d 保險業一早就已經修改左條款針對"p"牌用人地名義出保險既問題啦.所以千萬不試.
其實我都係度等 d 保險轉變, 我有一架 1200cc 既車下個月到期.但以我:40歲以上, 30 % ncb, 足夠牌齡 d 保險公司都仲話俾埋人情(因我做開電單車車行業)先話稔下同唔同我出得. 我先忍不住四維搵人攪次行動黎抗議.相信下個月左右 d 保險業就會有反應. 其實運輸處而家都有同保險業協會講緊數, 雙方都唔想攪大單野黎做.但鄭家富議員就剛相反想玩大佢. 話除非 d 保費一野跌番落黎否則就囉上立法會度講. 但無論點都好 d 情況一定有改善, 忍多一陣啦.
我宜家真係十五十六，好想好想出，但係意外既野又好難講，萬一有事要賠身家都未必掂。
你地有無咩意見，希望教下我啦，有怪莫怪，我可能煩左Ｄ：Ｐ
Fung Lan wewa@netvigator.com

即然係咁，不如玩住綿羊先啦，話晒依正手續辦事，冇車玩好慘o架！
23/3/2002
 		編緝先生: 請問你知不知各隧道公司會不會加設八達通服務, 因為小弟每天都要過海返工,非常不便, 冇 Autopass 已經算了, 但有八達通都唔係好過份,希望編緝先生能代為跟進, 多謝.
Roy Tang cs_tck@hotmail.com
記得早前新聞組有人post過呢個topic。據隧道公司的回應是因為顧慮到司機末必可以在指定位置停到車，或需要更多時間停車來調較使用八達通的準確位置，所以不會考慮加裝八達通。哈。
23/3/2002
 		編輯您好！現考慮從CB400SF和GS500兩款車選一(新車)，作為日常上下班代步(約每天30-40KM,大部份高流量公路)，SF街上很多，買SF不會有大錯。但GS500賣$39,000,比SF平$15,000,感覺超值。兩車馬力接近，估計性能差別不大。未知操制性，耐用、實用性方面差別多少？
usichan@attglobal.net
如作一般代步用途，兩者的確分別不大。但如果想玩車，CB400SF多配件改，又行水冷，新款尾胎size160mm比GS500的130mm(還是140mm？)粗...睇你點揀。如果錢唔係問題，買車又會去街玩，有位泊，買CB400SF好D。但如果唔出來襯，咁慳翻D錢都好。
21/3/2002
 		Hello! 你地好! 我架@150的問題是在停車時, 怠速的震盪很利害.我試過其它的@150(有成四架咁多)都沒有我這樣的問題.其實我已問過很多人甚至x基車行的人,他們都說這是正常的(其實我想他們是沒有辨法解決吧!)我架車行左2300公里左右, 自問在run車其間也沒有好好忍手,有時也會較狠地比油, 但只是"有時",更何況我架車由行第一公里到而家都係咁震, 咁我想又應該唔關run得唔好事掛!其實如果run得唔好, 架車會唔會咁震呢? 我知道此問題是比較麻煩,但希望你們能help me, 因為我為左此事已十分煩惱, 白頭髮也多左幾十條了!THANK YOU VERY MUCH!
Joe jso77@hongkong.com
會唔會係怠轉過低？或者化油器未tune好甚至未上緊？你的情況唔關run車事。燦基維修部點講？
咁點先可以tune好或上緊化油器? 怠轉我已tune過很多次了! 至於燦基維修部就話咁係正常喎! 無理由,因為我試過好多部@150都冇呢個問題, 其實我覺得佢地根本唔想同我搞! Joe jso77@hongkong.com

燦基電單車有限公司回應：

你好，鐵騎網誌將閣下之問題轉介至本公司。

我們亦很希望儘快為閣下解決問題，所以閣下可到本公司之維修中心修理。
煩請閣下於辦公時間內，先致電莫先生(電話：9020xxxx)預約修理時間。
對於之前為閣下帶來之不便，謹此致歉。

燦基電單車行有限公司謹啟
21/3/2002
 		對電單車行業的意見
本人Tony Wong，若果沒有記錯，本人應該是第一個使用 貴站的投訴信箱，藉貴站的江湖地位，之前曾欺騙本人的好順電單車行亦已"閉門大吉"了，本人亦於二千零一年的十一月在駿揚電單車行換了一輛鈐木的GSXR750，本人今次再致函 貴站並不是要投訴駿揚電單車行，而是希望藉 貴站的地位將電單車這個行業的問題同大家一起分享及研究。

本人在二千零一年的十一月賣了之前的CBR400，然後在駿揚電單車行買回一輛鈐木的GSXR750，非常煩惱的問題就接二連三地出現。

當我在第一次看見我的GSXR750的時候，它的死氣喉是沒有尾截的，駿揚的阿波告訴我上一手車主就是因為被人偷了這條尾截而把它賣去，我當時已問阿波部車有沒有問題，但他說保証機件沒問題，只要配回一條尾截就已可取車了。那我便落了五千元訂金決定買下該輛GSXR750電單車，阿波亦應承一星期後找回一條合適的尾截然後交車。可惜一星期後尾截是有了，但是車還是不能取，阿波說是個”CAP”漏油，需要換零件再試車，來來回回一共花了一個多月的時間才可取車，可是到可試車時，機件根本還有很多的問題，轉數不穩定，死氣喉有大量火噴出，直頭可以燒雞翼，阿波說有火是因為”KIT”喉的關係，若要解決就要從日本訂四粒”唧咀”，大約需時一個月，他還說雖然出火，但是沒有大問題還可以勉强行走，沒有太大的問題。

一星期後，車的情況不只沒有改善，還有更多的問題出現，當我正想找阿波解決的時候，我收到了一個不幸的消息，阿波在參加國內的電單車賽事時抄了車，要在醫院休養一個多月。但是阿波還是很交帶，介紹我到達志電單車行的阿輝跟進其他問題。

阿輝的工作態度是非常直得我表揚的，他完全沒有跟我講收費問題，他說會跟阿波計數，最重要是把車了整好。很失望地，過了兩個星期車了還是沒有整好，當中過程我亦不想詳述了。後來阿輝亦告放棄，找來”大名鼎鼎”的鈴木科研大師傅飛機到達志車行重新調教我的車子。可是飛機的工作態度非常之傲慢，頭頭尾尾又要接近一個月的時間才找到”飛機”認為的問題，再花一個多月到日本訂需要的零件。好不容易零件到齊了，最令我激心的是”飛機大哥”沒有時間照顧我的車子，當時根本沒有人能告訴我何時能取車，感覺又無奈又憤怒，令我懷疑”香�說足O不是沒有人識整我的車子。我絕對接受因零件問題或維修技術而影�韺琩决悚漁伅﹛A但是絕不可容忍因個人處事作風而導致的廷誤。堂堂一個鈴木科研大師傅技術方面應是不用致疑，最大原因若是行內人亦知道”飛機”這個人的作風，雖然他是Part-Time收了工才到達志整我的車，時間上可能需要多一點，但是沒理由不能知道什麼時候可交車。結果”飛機”亦因抵受不了我的煩擾而不再繼續整我的車子，非常不付責任。最後只有由阿輝把車子裝好，可是車子還是不行，換句話說由”飛機”發板要換的零件，根本就解決不了我車子的問題，令我對這個人的技術也投下問號。

到了早兩天，我的車子終於由阿波找人再親身到日本買零件而弄好了。雖然駿揚的阿波令我遲了接近四個月才可取車，但我知道他已是盡心盡力去處理，所以並沒有怪責他。我亦認為電單車行家們亦應要有他這種做法才可使這行更興旺。反觀像”飛機”的做法，只會令這一行越來越難做，最終外行人只會選擇四輪而放二輪。
Tony Wong wongkailong@sinaman.com
多謝閣下和我們「分享」寶貴的買車經驗。其實經過改裝的車，有時的確較難跟進問題所在。醫生睇症都有病歷參考丫。但係改裝車唔知上手做過乜，當有問題時要判斷邊部份出問題，好考經驗同運氣。估中就一擊即中，估錯就要試第二瓣。如果要等零件，咁就更加拖慢進度添。呢D事大家都唔想，好在你都明白事理，車行心機總算沒有白費。
21/3/2002
 		I live in Happy Valley, Yuk Sau Street. Do you know if there is any carpark available and the parking fee?

How can we know as we don't live in this prime area :)You better post your question on newsgroup and see anyone can help. Meanwhile you can check the parking tips web site which is listing in our "useful info" section.
http://www.ibike.com.hk/07_info/index_info.htm
21/3/2002
 		琴晚終於都上左第一堂強制，發覺自己好咁掂。係搵磨擦點時好容易但係就唔識扣住佢比油，攪到成日死火....>.<.....一係就成日比大油跟住架車係咁 "標" ，自然反應就大大力扣住頭Brake，一扣就鎖死左前輪攪到好似騎住隻野馬咁，雙腳仲落野地.....架車停左唔記得扣返極力子又死火。到左學轉二波時手腳直頭協調唔到，因為太緊張唔係轉左空波就係成功轉到二波後行幾個車位要再轉返落一波時，又轉左落空波跟住係指定停字牌停車。跟住要做扮野動作 ( 兩頭左右望 ) 諗住比小小油轉個 U turn ，架車比極油都唔去，原來我先前轉左落 N 波 ，又比呀 sir 話。U turn 後到連續彎路我 keep 住個油門唔郁成功且順利完成但因為我只係掛住望個前輪結果又比呀 sir話。再黎就係平路八字又係唔掂，八字打唔到只係打到個 " Z "仲抄左埋去車胎謢邊，諗住抽返架車走又唔記得扣實個極力子，點大力都抽唔返個車走攪到左住後D同學，呀sir又唔過黎幫我... ... 只係係場邊用大聲公叫，但我聽唔到佢講咩因為大嘈我附近有其他同學做緊連續彎路只係聽到引擎聲，後尾我冷靜返先諗一諗，原來冇扣極力子，一扣實就好易抽返架車出黎。跟住再到鐵板穚做慢車平衡，一上去就出返黎。原來慢車真係好難... ...聽晚又去上堂，老實講真係覺得自己好蠢，開始對考牌同自己既能力失去信心。希望下一堂有進步啦。
D-Boy leesh@gonda.com.hk
唔使咁擔心，第一堂一切都未習慣，係會亂D。多練習自然會有進步。到時一切操作變成反射作用，唔使唸。
21/3/2002
 		I INTEND TO BUY HONDA FORESIGHT. WOULD YOU MIND GIVING ME SOME ADVISE? THANKS.
ADAMCHAN@MAIL.COM
Foresight is a good scooter, good reputation and style. The weakness of Foresight is the trunk can't store 2 full size helmet. Beware of different model, the braking system of standard model is disc + drum, only special edition Foresight 250 SE equipped with discs brake system.
21/3/2002
 		近排睇電單車雜誌有d車行話有d乜鬼野綿羊保養套餐,話乜鬼洗化油器...............究竟呢個洗化油器有什麼作用呢? 係唔係洗左之後架車會順d呢?
Micheal Lo micheallotaklap@yahoo.com
如果架車擺放超過數月，舊電油變質沉積，會影響化油器。如果油缸生銹，銹漬隨著電油流進化油器，同樣會影響化油器的準繩度。所以舊車或翻新入口二手車可能要洗化油器。如果部車成日都有用，又唔覺得有問題便唔使洗。
20/3/2002
 		昨天幫個老友打電話去香港本田總代理(燦X), 問有冇 SUPER 4 頭碟o既"浮動介子"點知個電話就駁黎駁去. 之後有人聽電話話等我幫下你. 咁我又問多佢一次啦. 哈哈~~~點知佢仲要問返我轉頭. 咩野係"浮動介子". 咁我就詳細加詳細咁解釋啦. 點知佢都係唔知咩野黎. 再詳細o的,終於知道喇. 不過佢話冇呢o的野賣.攪到我地幾條友都抓晒頭. 原裝零件在香港代理竟然冇得賣.呢個都唔係main point. 但係唔知係o的咩野黎就攪鬼o的. 希望香港本田總代理可以比多o的課程o的員工,了解清楚電單車o既結構啦. 唉~~~~~~~~~
騰尼 akohk@smartonebroadband.com
你係咪打o左去寫字樓呀？照計維修部唔會咁樣個播？
20/3/2002
 		你好, 本人現駕一2手gsxr400,想問一下前及後避震的調較方法,
1, 前-只可調軟硬,是否可改用不同系數的fork油or換弓,因慢車跳得利害好似頂住晒,快車又唔夠定.
2. 後-有氣樽,用途不太明白;避震低的調較油制有4級,不太懂調較.彈弓又怎較呢
本人120lbs,避震是否越硬越好呢?會不會彈到飛起?怎樣按自己感覺調較呢?
多謝你的解答先,祝業務蒸蒸日上!
V仔 Vincent.Chu@jenfaith.com.hk
對，可以選用不同濃度的fork油和不同硬度的彈弓來改變頭叉表現。避震過硬會做成跳動，影響輪胎咬地能力。閣下120磅屬於輕巧一類，建議先把避震調至最軟，再逐步逐步調硬，慢慢來，每次只調整一樣，直至感覺最自然有信心為止。
更多補充可看 http://www.ibikenet.com/03_knowledges/suspension_1.htm
20/3/2002
 		本人p牌,但請問在只有兩条綫的高速公路可否用最右線,唔該

超車時可以使用右線，但應盡快返回左線。
20/3/2002
 		原本學車同真係o係路面渣車係兩回事, 可以咁講掛個P字係沒人會理你, 同埋會嫌你慢, 我巳經開到70咪 ,後面重要 BBBBBBBB , 再快D我就超速喇 ... 仲有想cut 線好似沒乜可能, 唔cut 由自可, 一cut 後表架車係咁衝埋黎.... 總之我由Wanchai 可以番倒我屋企(上環), 我都覺自己好好野 ..p.s. (第一次係街渣)

Ellis Ho eh@flexsystem.com
第一次係咁架啦，慢慢會習慣。
20/3/2002
 		你好:我星期日炒車，人生第一次，好擔心，好多問題想問，希望你地答我，當時係..........
星期日晚上九點幾，屯門公路往屯門方向，落斜，就到安定邨，三線行車，當時慢線有架貨櫃壞車，好多大車行哂中線，我在快線行駛，有架寶馬有我前面兩個車位，車速大約七十至八十，突然中線有架雙層九巴切出快線，寶馬勁停，我收唔切，撞咗佢揼把，大家都無事，警察來到問我地記唔記得九巴車牌或者幾號巴士，但係我地都唔記得，警察想叫我地既然唔記得好難查，想我地算，走，但係寶馬司機話自己一定唔claim 保障，警察咪唯有話依正手續，我聽日要去落口供，我想問我處境係唔係不妙，警察會唔會問我想唔想賠錢比佢，定係會幫我盡力查返架巴士出黎。我遲些會提交炒車報告，希望你地平平安安，唔好好似我咁。
Jack jacklee@cms.hkcable.com
你真係唔好彩，寶馬司機唔肯放你走....相信呢類冇涉及人命的交通事故，警察應該唔會出力幫你搵番個巴士佬出來。你現在除左可能要賠錢俾寶馬外，還有可能被撿控不少心駕駛，例如跟車太貼之類...。俾口供前要唸清楚先好講，唔好俾其他人引導你。

你好，我仲有問題想問:我有無權要求，一定要把巴士司機搵到出黎，堅持唔賠錢，直到等官判我先至賠。若果寶馬司機堅持要返原廠換揼把，我有無得要求佢去d普通車房整? (因為佢係惡人)多謝你地回覆 Jack jacklee@cms.hkcable.com
你當然可以堅持唔賠錢，並通知閣下保險公司跟進處理。但冇得堅持要搵巴士司機，因為即使巴士係事故誘因，但點解寶馬冇撞落巴士度，反而係你撞落寶馬度？我們當然明白電單車在斜坡的掣動時間較長，但個官會話你跟車距離不足。此外寶馬車主絕對有權要求拿番原廠整。
20/3/2002
 		本人是第一次買車,想問有關保險問題:
1.第三保與全保的分別?2.我打算買的是全新車,請問適合買全保或第三保呢?3.全保是否會保埋自己的車及自己及乘客呢?
mr_hon mr_hon@sohu.com
第三保是責任保險，保障駕駛者在事故後有一定的賠償能力支付事故中的其他受害者。包括其他車輛和駕駛者，行人，乘客，商舖甚至政府公物。全保除了包括三保外，還有自身車輛的賠償保障。例如撞毀，被偷等等。但並不是所有電單車都有保險公司肯提供全保服務。
4.請問自己去找銀行做保險平d或由車行幫我去買平d呢?
銀行唔會做電單車保險，只能經車行或保險代理購買。
可否詳細及儘快回答,因我會這幾天去購買,謝謝!
19/3/2002
 		本人左一月尾在元朗考車肥左,會在三月尾再考, 不過個心時常有心理壓力會肥多一次, 因為本人失業已沒有能力再補考,又沒錢補鐘,希望貴網能給在下一些意見可以化解心理因素.
Adam adamcyc@netvigator.com
唔好咁唔開心。凡事都有兩面，睇你點睇件事o者。緊張焦慮絕對會影響表現，明係得都搞到唔得。如果你因為錢銀問題而擔心冇能力再補考，咁你已經肥o左一半。換個角度睇，即使你而家考到牌，又會煩冇錢買車，見到人騎電單車又得個恨字？橫掂都冇錢買車，咁早俾個牌我都冇用o架？
咁樣唸，對補考的結果會冇咁緊張，臨場自然會放鬆D冇咁焦慮，希望可以發揮到應有水準過關。如果真係又衰o左，咁咪專心搵工，等有錢先再考過o羅，電單車之o麻，你又唔趕o既！等有錢先玩o羅，重有大把時間！
祝好
　 　
第頁

FAQ常見問題


搜尋由Jan 2001至今的來信及問答文章 - 請輸入關鍵字