|
|
|
FAQ常見問題 |
|
|
4/1/2002
|
「爭D」炒車報告
駛車款: X9 車主: SIMON
事發經過:其實沒有炒車, 但已差不多了, 所以想與大家分享
人命財物傷亡損毀:29/12/01, 由大埔往九龍沿吐露港公路出沙田方向, 剛由大埔上公路不久, 即發現架車左搖右擺, 當時行緊快線, 開始收慢車, 並由快過中線然後到慢線, 架車仍然左右搖晃, 以為是大風所致, 但仍覺有點不對勁, 加上有架車曾經在我後面響安, 所以將車駏往第一城並落車檢查, 原來是尾呔被'湯'開了, 就算到油站補氣, 都是即時漏出來, 我的車是用原子呔的, 唯有往補呔, 到石門一帶的修理店, 最後找到一間肯補電單車, 但不幸地在駛上獅子山隧道公路不久便又漏氣了, 最後要 call 拖車, 又要換呔, 加上brake 皮等, 要$1200找數
當時感受:由於沒有受傷, 只是金錢上的傷, 但事後想起深明猶有餘悸的意義, 實在好驚
事後影響:當隻羊又左搖右擺時, 好驚, 會擔心出事
肇事原因及教訓啟示:其實現在會更提醒自己對架車認識仍然好有很, 因為當時仍然不知大鍋, 如果不小心, 例如仍然強行快線, 咁後果真的不堪設想了,但想問我當時應該如何是好呢？
如果原子胎可以爆到即場漏晒氣的話，最好換過條胎唔好再補。慢慢收車停在安全地方後便疊埋心水call拖車，唔好四圍走唸住補胎。
|
4/1/2002
|
Hello, I would like to know was the difference between RVF400 & VFR400, and also, which one you will suggest of RVF, VFR and CBR400? Thank you so much!
Leo Leung lhkleung@netvigator.com
Did you check this out? hope it's help.
http://www.ibike.com.hk/01_bike_report/local/honda/previous_rvf400/previous_rvf400.htm
Without knowing your purpose and budget, difficult to make recommendation. We will head for RVF400 (latest technology and style)
|
4/1/2002
|
Dear 鐵騎網誌:你好, 一年前我購入現在抯緊那部 Yamaha Zeal 250, 我在網上, 電單車店舖都搵唔到此款電
單車的有關資料,例如馬力,扭力等數據,可否告知小弟此車的有關資料呢?仲有，抯了此車一年,我發覺此車如要抯得好,必定要 keep 8000rpm 或以上轉數, 此車已經十一年車了, 如此高轉數和老人級數的車, 保養方面應該注意什麼? 自己可以點做先可以減少入廠次數? 同埋架車耗油量大約 $ 0.55 - 0.6, 合理嗎? 點先可以再平 d 呢 :p ? 多謝解答 ~鄧龍
ryutang@hotmail.com
年份和排氣量小，是ZEAL 250的最大敵人。唯有勤換偈油及油隔，保養功夫做好D，開車前先warm車，唔好轟油門慳時間。油費偏高，但沒有辦法，因為高轉數及機件老化，效率降低所至。規格表真係要搵搵先知有冇，唔好意思。
|
4/1/2002
|
你好, 本人一年前駕駛二衝程Fairing，對四衝程車認識很少。四個月前，購入了Steed巡航車。但是，本人有些問題想請教編輯先生：
1. 巡航車紅色TEMP燈最近行10公里便亮起，(特別是上高速公路時)。兩個月前未有發生，一個月前還去車行換了偈油！這是否因為水箱水過熱，還是偈油問題呢？長時間亮起有何影响?
2. 巡航車有什麼消耗雖品要注意呢？
謝謝! 祝業務蒸蒸日上!
Michael polyu1@sinatown.com
有否查看過水箱水是否足夠？可能水箱水不足，導至散熱不良。過熱會頂死引擎活塞(拿鏣)，鎖轆炒車都有可能。巡航車和其他車一樣，沒有特別不同的地方需要留意。但通常尾掣動都是用機械鼓剎，需要定期人手調較迫力威也，填補迫力皮的虛位。
|
3/1/2002
|
請問如欲購買美式巡航車而後座乘客要有較舒適坐姿者可考慮那一日本牌子，什麼型號？請賜教
Samson samang@netvigator.com
傳統巡航車後座位都比較細小，雖然有靠背，但屁股兩邊百份之三十以上都晒飛出街。後座位最正係GoldWing呢類的豪華巡航車，其次便是豪華綿羊。甚至某此街車如EL250都可以坐得幾舒服。美式巡航車真係一時間唸唔到有邊款坐得四平八穩播。
|
2/1/2002
|
本人現己玩了我的 150 綿羊差不多一年了, 現想玩 fairing 車, 想買架 cbr250或 cbr400, 我聽人講這些車都可以去到約 200km/h, 加速力勁過綿羊幾倍.請問這兩架車 0 - 100 km/h 要幾多秒呢?
我不曾聽過 250 的綿羊可以去到 200km/h, 不是 cc 逾大馬力及速度就逾高嗎?那為什麼 250 的 fairing 車可以去到成差不多 200km/h, 但 250綿羊就..............同埋想問下你對這兩架車的平價怎樣? 有什麼同級的 fairing 車比它們好呢?因我想從 250 或 400 級數玩起...Thank you
Rainbow rainbowsix@hongkong.com
估計CBR250RR要8-9秒，CBR400RR要6-7秒，不太肯定。極速是由馬力，齒輪比，風阻所決定。引擎轉數越高，馬力越大，綿羊引擎因為汽缸數目少，並採用長衝程低壓縮比設計，偏重扭力表現。加上配備細口徑化油器，極速不會太高。現時最大排氣量的超級綿羊極速約160km/h便要行人止步。(但其實都己經很快)。相反跑車的引擎因為是多汽缸短衝程高壓縮比設計，偏重於高轉數的尾段發揮，加上低齒輪比和流線外型，所以極速數字較高。但一味講求極速數字並不全面，還要看需時多久，常見衡量標準是80km/h加速至120km/h需時多久。因為這是最常用的實際參考數據。
假設出保險不是問題，CBR400RR一定會好玩過250。你有一年駕駛經驗，加上CBR400RR也是容易操控，可試玩400cc。
|
1/1/2002
|
本人最近成功考取電單車執照(P 牌) , 想購買一輛150cc 綿羊 , 心目中有兩選擇 1. SYM JoyRide V4 150 . 2. SYM Shark 150. 兩者各有所長, 前者穩重舒適後者時興有形. 本人每日要由官塘經紅隧到灣仔上班 , 請問主編兩者如何選擇 或有甚麼介紹最重要是意外少保費平, 另外還有一個問題 , 現時本港的電單車車行無論聲譽及售後服務好壞難辨, 沒有朋友可問, 請問主編有何推介(如該問題使主編尷尬 , 則無須解答車行問題). *****祝新年進步 , 心想事成*****
henryyam henryyam@hkbn.net
先恭喜閣下能成功取得車牌。新的趣味生活即將發生啊！在台灣，JoyRide 150 比較多見，可能是外型較美觀吧。新手不需要太強的衝刺感，所以Joyride 150會很適合你，又穩定又舒適。相比之下，大鯊王的靈活性可能會在高速公路上嚇怕了你呢。另外有關車行的聲譽問題，我們認為很多時都是有一些人小題大做，或抱著錯誤期望產生誤會矣。當然也有個別例子是車行的問題。例如我們現在正觀察某間車行的作風有否改善，如果仍令我們失望，我們會把他在iBike中的所有篇幅除去，免得害人害物。
|
1/1/2002
|
請問電單車有冇双響搖控防盜,等我可知離開車後有冇事,有邊一隻好介紹
SmartLAN Helpdesk
dshelp@pccw.com
我們都沒有用過類似的裝置，所以無法作出推介。但市面上應該有呢種產品，如果在短距離，例如放低部車，在街口轉角飲茶便很有用。不過我們擔心這種裝備會加重電池的負擔，裝時容易拆時難。
|
1/1/2002
|
鐵騎網誌主編先生：您們好，小弟是第三次來信了，現在我有架鈐木SV650S以五個多月，但駕駛時慢慢覺得身若起來！(可能是街跑的原故)，因為每日要由大埔至觀塘往返所以想過換車，但我楂開牽引力高的四衝V2引擎，和以習慣用油門和波段來減速，因始想請問主編先生有什麼車種適合小弟(體重85kg 高5呎11)？和是否應該換車(因本人也覺得很浪費)？煩請主編先生指點。祝：鐵騎網誌，蒸蒸日上
cheung tkc8889@i-cable.com
睇唔明你想問乜？(但駕駛時慢慢覺得身若起來！)<----唔明。新車才用了五個多月，好浪費播！不過有錢另計。閣下85kg五呎11吋，簡直係model身材，乜車都適合。我估你係咪話覺得SV650S辛苦？咁轉玩街車啦，如果萬里達未賣晒的話，全新XJR1300都係賣65,000，抵到爛啦
|
1/1/2002
|
編輯你好!! 有o的問題想請教你!!我心目中想買約97,98年的Zeal 250/Spada 250/Jade 250,因為喜歡她的外型同價錢吸引,她們是否都是四衝,有40匹馬力!!?? 她們有什麼不同之處!!??我今年o岩o岩22歲新牌,是否保險出唔到上述幾部車呢!!?? 另外我個子不大上述幾部車是否o岩我,還是有其他街車更適合我呢!!?? 麻煩晒!! (祝你身體健康!!)
Kenneth Chan dkenneth55@hotmail.com
Zeal 和 Jade 250都是使用直四汽缸，Spada 250則是V2引擎，直四的馬力約有45ps，V2的馬力則只有33ps，如果追求馬力，則直四較適合。個人認為，Zeal最靚仔，Spada第二，Jade因為太似CB400SF，失去自我個性。但如果你是新牌，23歲以下，我估答案係對唔住，應該出唔到保險住。雖然三台車都十分容易駕駛，但保險公司唔係咁唸。Sorry...
|
1/1/2002
|
本人經常駕駛大林150於快速公路,往來青衣及尖沙咀, 覺得車的馬力不足, 尤其載客時, 因此 想更換一部價錢約3萬元左右的電單車.外加尾箱放兩個頭盔. 以下有3個心水選擇:
1) KYMCO - BET & WIN 250 2) YAMAHA - MAJESTY 150 3) SUZUKI - BURGMAN 150 請大家給予一些意見, 從其外型, 馬力, 掣動, 保養維修幾方面作比較, 哪一部較為適合, 或有沒有其他更好的推介. 謝謝!
drumon@hongkong.com
其實三萬元的預算很豐富呀，可以買二手的400cc街車，包你話唔會唔夠力。上高速公路，遇大風，載客，個種穩定信心享受，唔係小綿羊所能比擬。不過每人都有不同喜好，如果想買新車，或只喜愛綿羊，從以上的選擇中看來，B&W 250馬力絕對優勝過150，會較適合你的要求。唔好理其他原因，因為你想換車的誘因是馬力不足，冇理由又搵番部150架？
|
1/1/2002
|
你們好! 我看了你們的讀者來信也是問 Maxster 和 @150.........剛好我現在的目標正是這兩部車的其中一部.....可否分析一下這兩部車?它們針對的客路又有什麼分別呢?
Jack jack765@netvigator.com
我們覺得Maxster 150的對像是較年輕化的一群。而@150的外型甚具助動踏版車的風格，斯文得來也很適合女生使用。在數據上看，@150 的馬力和車重都較Maxster 150優勝，但實際裝備配套則以Maxster 150優勝。我們分別試騎過兩臺綿羊，覺得@150較易上手，所有操作都很中性很自然。Maxster 150原庄車沒有側架，日常使用比較不方便。加上價錢以@150較便宜，所以我們傾向選擇@150多一點點。但若果以只能擁有一臺車計算，則會喪失了Maxster 150獨有的爽快感。
|
29/12/2001
|
本人現想購買一部綿羊, 我只喜歡 150 size 的羊, 小弟體重約80kg, 平時用來上班由太子到天后, 而我的要求順序如下:
superrider@hongkong.com
1. 舒適 -- 綿羊一般都唔會特別唔舒服。
2. 行車夠定 -- 行車夠定則應揀12吋以上輪框的車款
3. 夠力 -- 80kg騎150綿羊，唔可以對馬力要求太高。
4. 部車耐用 5. 唔好成日壞 -- 日本製造
6. 靚仔 -- 視乎個人喜好，點為之靚仔？
7. 夠位放野 -- 你要放乜野？有尾箱ok嗎？
8. 價錢最好平 d -- 幾錢先算平？
咁請問一下有什麼羊推介比我呢 ? Thank you! superrider@hongkong.com
我們的推介是擁有150車身但馬力卻是250的 Benelli Velvet 250，意大利手工，Majesty 250引擎，包你話爽。而家透過ibike買重可以減 $ 6,000，點睇？
|
28/12/2001
|
我的車保保費上升97.35%! 實在太離譜啦! 因此我給保險代理公司送上下方的信,ibike你估有沒有用呢?我要請教ibike,若是無用,我可以向那裡投訴? 香港政府那個部門是負責監管車保保費的? 我真的想把事件向報社投訴,以給同樣的車主警醒,及向謀取暴利的保險公司發出怒號! 請站出來!同樣的朋友們,請結合你我的力量,向謀取暴利的保險公司發出怒號! 李察richann richann@hkbn.net
*************************************************************
致：xx保險代理公司 執事經理
我的車保保費上升97.35%！
你好！本人剛收到 貴公司的續保通知書，通知我的電單車在來年的續保保費要支付 HK$4,357.00，使我十分震驚！比較今年的保費 HK$2,207.79，上升了HK$2,149.21，升幅達 97.35%！
本人是在29/01/2000開始在 貴公司購買車保的，幫趁 貴公司快將兩年了。在收到 貴公司的續保通知書對我的電單車徵收高昂的保費，使我考慮是否要轉換保險代理公司或是放棄我的電單車，因為升幅實在太驚人了！雖然在美國9.11事件後，我預算車保保費會上調，但卻沒想到上升了HK$2,149.21，升幅達 97.35%！
謹希望 經理考慮現在的經濟狀況與及我車從來沒有發生事故，取消對我徵收 +100% L/D，調減保費。
我期望明年可繼續幫趁 貴公司！順祝
商祺
XXX 謹啟
**************************************************************
richann richann@hkbn.net
莫講話我們騎士的保費勁加，所有車輛保險都勁加，搵食車司機重慘。但係保費的多少屬於商業性的決策，在自由經濟的結構下，政府不應，亦無權過問或干涉。保險也只是一門生意，無利可圖自然唔會做。事實上保險公司在香港的電單車保險業務中，蝕多過賺，因為保單數目不多，年中賠得幾野己經蝕本，所以佢地唔係咁想做。如果參考歐美的保費水平，是比香港高出很多很多，這是大勢所趨，有得你買已經偷笑，因為唔止一間保險公司已經拒絕受保或續保電單車，個勢係咁，冇辦法。
|
28/12/2001
|
Hello! 你們好!我是一名新仔又是第一次蜈g上來, 請多多指教 !首先要稱讚你們的網頁, 真是制作得十分出色, 比任何一本電單車雜誌都還要好,資料十分充足又 update 得非常快, 真是一個不可多得的網頁 !哈哈......說回正題...........我剛 Pass 左路試.......現在想買車, 可惜現在的 P仔只可以出綿羊.......(其實我真係好想出架街車)但係唔緊要啦....最緊要有車玩..........而現在我心目中有三四架綿羊, 它們分別是 ET-8, @150, Maxster150, RunnerVXR180.呢幾部車的外型各有特色(我覺得最型仔係 Maxster, 成副戰鬥格咁,但最貴又係佢)請問那部手工及用料最好呢 ?其實我最想部車坐得舒適, 馬力和外型都係其次, 咁邊部好 d 呢?請原諒小弟的無知問題 (因為我知道你們己答了無數次這類問題了,...........但係請你們最好不要答我 :這幾部車各有所長.........諸如此類的答案....因為我真的很想知道那部較適合我,而你們的專業意見對我是很重要的)再三 Thank you 你地及祝你們成為全世界最好的電單車網頁 !
Crespo crespo@argentina.com
你太客氣了。你點知我地會答你：係呀，呢幾部車真係各有所長架！揀邊部視乎各人需要。如果講用料手工，Maxster 150及ET-8幾好。如果講坐得舒適，咁樣Runner VXR180和@150都唔錯。我地會揀Maxster 150或者@150。因為ET-8襯女仔多D，Runner通街都係。唔知你滿唔滿意我地呢D咁行既所謂「專業意見」呢？嘻。
|
28/12/2001
|
鐵騎主編, 你好, 本人係P牌一名, 已買了一部綿羊代步, 我老婆又在考牌, 但係重未考到, 最近我發現一架老婆心水二心綿羊, 價錢亦合理, 我驚蘇州過後無艇塔, 想買定比佢, 等佢考到牌後開心下, 我又無理由用我個名幫佢買呀! 有無可能我先付款將車買下, 等老婆考到牌後, 先叫舊車主直接轉名比我老婆呢?多謝指教
愛老婆人上 bigfire@pacific.net.hk
不建議這樣做。車多的是，有錢你驚買唔到? 你當然可以要求先付款後轉名，但唔係個個車主都肯制。收左錢交車俾你，有乜事仍要舊車主負責，你話佢制唔制呢？但如果俾左錢唔拿車住，又到你唔制。法例亦規定車輛在易主七十二小時內通知運輸署完成轉名手續，最重要的是，冇人知你太太幾時先考到車牌，唔好彩不及格或應考當日因雨延期，咁咪重煩？
|
28/12/2001
|
鐵騎信箱,我有問題呀???請問t-rex150好嗎.....２手一年車值幾多錢呢?此車有何好or 唔好呢?多kit 料換嗎???吾該晒??如想參加電單車比賽,何處可報名呢?費用昂貴嗎??
lee logo ricky@hotmail.com
新車價18,800，算你落地唔見兩成，再折舊一成，即係約萬三蚊左右，如果有改裝則除外。kit料應該有幾多野玩，直接問下利力車行 2789 2182啦。想鬥車不妨去呢到望下 http://www.darranet.com ，每場總費由數千元至萬元不等，視乎裝備及要求而定。
|
28/12/2001
|
主編您好, 本人是一名 P 仔, 現想買一架 150 羊, 睇了你們的報告, 發現 Yamaha 的Maxster 150 ,Suzuki Burgman150和 SYMJoyRide150 都有不錯的評價.現想請問一下這三架車各有什麼的 優點和缺點呢 ?可不可以比較它們的性能?如果係你你會楝邊架呢,本人每天要從觀塘跑到新機場上班,來回80km,本人身材比較輕55kgs,本人已有6年綿羊經驗,因之前在台灣工作,以前騎Yamaha Jog 50和Yamaha BW'S100.請問現在P仔150羊3保大約多小呢?祝貴網頁業務蒸蒸日上 !!
marktwmak marktwmak@i-cable.com
長途講求馬力及舒適，每天上班講求實用。Suzuki Burgman 150尚未到港，未能妄下評語。Maxster 150短途玩樂一流，但論載人舒適則不及JoyRide 150。好難講邊部好D，因為價錢也有差別，如果叫我揀，每天來回80km，250以上先係正路。保險價錢最好問番保險代理，因為來年加價在即，費時答錯唔好意思。
|
27/12/2001
|
本人乃新牌仔， 對於電單車毫無認識, 宜家終於蓄夠錢, 正考慮購買一台易手97之 SR500電單車 (貪樣靚+懷舊Feel), 但不知其車款之性能、操控、強項弱項,可否述之?
什麼是單缸(SR是單缸)? "前後鼓剎"及"腳撻起動"又要注意什麼呢? (聽聞"前後鼓剎"急剎減速極危險 ?!~~) .....而這款電單車又是否偷車目標呢?
Chi Man Lee lee_chi_man@hotmail.com
由於SR500唔係強調高性能，所以馬力及避震用料冇乜特別。容易操控會是SR500的強項。單缸的意思是引擎只有一個汽缸，結構簡單，強調扭力。腳撻起動要注意撻車技術及在馬路上，尤其是在斜路上死了火，撻車會很麻煩。我們不認為"前後鼓剎"急剎減速會極危險 ，視乎騎士預見能力及收車拖波的技術而定。SR500不會是偷車賊的頭號目標。
|
23/12/2001
|
本人是一名 P 仔, 現想買一架 150 羊, 睇了你們的報告, 發現 Yamaha 的Maxster 150 和 Honda 的 @150 都有不錯的評價.現想請問一下這兩架車各有什麼的 advantage and disadvantage 呢 ?可不可以比較它們的性能?那架車較適合新仔呢 ?如果係你你會楝邊架呢 ?
Lo locase@hotmail.com
嘩！你都跟得好貼下播！Maxster 150 o岩 o豈先upload上去，你就有問題問，勁！
大哥我地已經就所知所聞寫晒出來，重想知D乜呀？冇啦~~~~
論性能@150報稱有15ps，Maxster有13ps，似乎@150勁D。但兩部車真係好難揀，價錢唔係差太遠，唯有睇外型，自己鐘意邊部多D呢？兩部都要會唔會貪心左D呢，下？
|
23/12/2001
|
主編您好 , 小弟想買一輛150cc綿羊代步 ,心目中有兩選擇,都係sym的150(大鷹王)及(大鯊王) , 我曾去了多間車行查看 發現所有的綿羊座位甚高(包括其他大大細細綿羊), 我不想問店內職員因為他們的答案多數說(沒有問題 ). 所以想請教閣下 , 我只有1.65M高在駕駛以上型號的綿羊時有沒有困難以及在停車時雙腳可否平放於地上? 主編可否告訴我以上型號綿羊座高有多少.
henryyam henryyam@hkbn.net
翻查資料，我們也沒座高的數據呢。不過我們認為綿羊車身輕，單腳掂地都冇問題。只要停車前做好準備，唔使兩隻腳都要落地既。你覺得高可能係一時間未習慣吧！
|
20/12/2001
|
I looking for a ZZR 250 or ZZR 400 (new or used) but found that there are not many around even at the agent. What is that?Also please give me some comments on these models.Many thanks!
LEE Kam-chi kcal@pacific.net.hk
HK people are looking for ZXR rather than ZZ-R. Reasons may be ZXR is more sporty and aggressive than ZZ-R's sport touring style.
Titanic should have ZZ-R250 in stock? and Man Wai Motorcycle got an ZZ-R400 weeks ago, please check with them and see if it still available.
|
20/12/2001
|
想請教一下, 什麼是MF 電池? MF 電池是不用加水? 除了MF 電池, 又有什麼其他電池? 謝謝
Walter walterpoon@i-cable.com
傳統的電池需要定期檢查電池液是否足夠，MF 是Maintenance Free的意思。即是密封式免加水電池，用家不用擔心電池液不足的問題。
|
18/12/2001
|
主編,小弟早前曾e-mail說想向朋友買部二手的VFR800的,但現已改變主意,打算玩街車,心目中較喜歡下列4款: CB 750, ZR-7, Bandit 600(新車),CB 400 (二手車)
1. 這4款車你有何意見?
2. 何款有較佳的二手價?
3. 每日行30-40km,包括highway,要車人,何款車較合適?
4. 這4款車泊街,何款最安全?最高危?(被人偷or攪)
5. 你有其他提意嗎?
謝謝! Jason
Chan kk kk_chan2000@hotmail.com
不講求車主形象，二手CB750。新車ZR-7或Bandit 600 的力水並不符合現代直四engine應有的馬力。二手CB400SF太多，周街都係，我驚你認錯人地部車係自己架車。若要保值，新車落地唔見一截不能保值。新淨的二手車反而會好D。尤其係舊CB750或CB400SF，個價再低都唔會差好遠。重型街車俾人偷的機會唔係太高。反而架車靚仔俾人多手搞搞震就會。
其他提議係：如果你買新車，俾緊五萬五蚊以上買架中型街車，點解唔俾多少少買XJR1300？萬里達做緊超特血淚價，全新1300都係賣緊65,000！有得供，條數唔算甘。呢架車俾你用一世都夠用！二手賣出去都唔會蝕好多，係時候唸唸升班玩大車，做大人！
|
18/12/2001
|
小弟楂電單車都有一段日子,但成日都聽見人話"拖波",咁其實我想問,什麼是"拖波"呢?
Allan mudyuchu@netvigator.com
「拖波」是香港土話，意思是手動變速的機車在減速時或入彎前，主動快速地換低一檔，以增加引擎對輪胎的牽引力。對減慢車速，或保持足夠引擎轉數攻彎很有幫助。但自動羊便沒有得拖波(唔好講AN650，全世界都未有住)。只能靠掣動把車速收慢，被動地等佢自動轉低波，失去了主動權。
|
18/12/2001
|
本人想買一架150cc的綿羊代步,但市面150cc的綿羊也催向大size,請問以大家也是150cc計,會不會大size始終不及小size好力呢? 有沒有可靠的綿羊推介呢?
Stephanie poisonstep@yahoo.com.hk
車重當然會對加速有影響。輪框size也會對起步或爬坡能力有影響。只是視乎影響多少矣。想搵靚150羊，如果急的話可以考慮Honda @150。如果可以等，睇埋Yamaha Maxster 150穩陣D。
|
16/12/2001
|
編輯先生: 本人常常來回東廊, 請recommend一輛好力, size比較細的綿羊.
thank you
jim lung
符合你要求有最傳統的Honda Freeway CH250，新車有Benelli Velvet 250。細車身，20-22ps馬力。
|
13/12/2001
|
請指點一 o下 本人，有關購買新車及收車時要注意的事項？需要準備什麼，如文件？應買全保還是三保？還有十年以上之電單車有沒有如私家車般可以退稅？謝謝！有勞各位！
Kevin Ho ka_san@hotmail.com
如果你係向信譽良好的車店購買新車，照理應該冇乜好擔心播！
買車時：確定心儀車款是有現貨抑或需要等待訂貨，有時訂貨車行都未必肯定到幾時有，因為車廠的分貨配額和付運船期不受車行控制。如果你需要上會，便要帶備入息文件及住址證明，讓財務公司審批。
收車時：車行職員會詳細向你解釋車子需要留意的地方及基本操作介紹。事前查清楚相近油站位置以便入油。準備好車套及車鎖。
印象中極少電單車會買全保。但奧士的綿羊會有全保供車主購買，詳情請聯絡他們。如果十年電單車可以退稅，咁D舊車價即刻標升都似！
|
13/12/2001
|
主編,小弟想向朋友買部二手的VFR800,98年款,99年落地,有少少問題想請主編指導一下:
Jason kk_chan2000@hotmail.com
1. 這車有什麼野要特別注意(保養方面)?
有否看過車主報告？寫得幾好，極具參考價值.
2. 合理的二手價是多少?(0手,行約17000km,全無改裝,無炒,佢話)
而家燦基01年款尾車只售HK$69,000。咁98年車話晒都三年車兼轉款在即....每年10% 折舊都唔過份丫...
3. 98年款和燦基買緊2001年款有冇唔同?
有冇細緻改動唔敢肯定，但仍屬VFR750升上800首度行「i」的型號。
4. 每日行30-40km,包括highway,這車ok嗎?
絕對ok過ok！唔行highway你驚部車唔高興添！
5. 這車泊街,安全嗎?(驚被人偷)
而家香港地電單車好似驚俾人搞多過俾人偷。但如果你沒有私家位只是泊街，尤其係合法位....風險總會比街車高。
|
12/12/2001
|
主持你好 : 我剛買左一架新車 et-8 , 請問幾時要換偈油, 油隔 同理要定期更換 d 咩呢 ? thx. 祝蒸蒸日上 bbq
tw00hk tw00hk@sinatown.com
其實你係咪想投訴奧士的售後服務呀？閣下的問題係交車時車行都會向你詳細說明播。即使冇，係車主手冊入面都會有說明。咦，唔通係意大利文？咁唯有斷估冇辛苦：頭500km換油換油隔，之後每1000km換油和換油隔。當發難覺撻車，便應檢查火咀和電池。視乎行駛里數，一年後檢查迫力皮、傳動皮帶及離合器組件。正確數據請聯絡奧士車行，他們必定樂意解答。
|
10/12/2001
|
HI,i m a student of the motor school,i want to buy a helmet to let me practice bike,my friend tell me the ARAI helmet is a very good helmet,but i think this is too expensive to me,so i want to buy a (normal) price helmet,i was see a helmet in a rider shop,that is BELL full face helmet.my question is:
(1)what do think about the BELL production helmet,is this comfortable?(the price is 8??)(2)do you have any full face helmet suggest to me? (price around $800-1500) thank you to answer my question!! i have no idea what helmet i can buy!! THANK YOU!!!
joe shooter@netvigator.com
If you can afford $ 1,500, why you not consider Arai SZ-Ram? price should below $1800 (SZ-M even cheaper)and you got a top security open face helmet with vents and in good style. If you want a full face helmet, please take a look at Nolan N100, price should be $ 1,500. and you can interchange it from full face to open face. Sorry not much attention on Bell, no comments on it.
|
10/12/2001
|
我係之前抄車報告那位呀, 我想問SPADA250 換咩軑好呀...車行全部都叫我換GP501(100/80,140/70), 頭軑$610, 我覺得價錢OK..咁淨係換頭唔換後有無問題架???但全套換又要成一千三百幾....定係有無D仲好架?
阿甘
Gunnm gunnm@i-cable.com
視乎條尾胎損耗程度和是否硬化而定啦。即使尾胎仍可使用，但因為尾胎損耗較快，好快趣你又要換尾胎。所以最好頭尾胎一齊換，咁樣可以確保前後輪的咬地力一樣，唔會出現咬地力不均而影響操控的情況。全套胎千三蚊唔算貴，如果唔係太手緊，or尾胎十分新淨的話，不如一次過換晒佢啦。
|
10/12/2001
|
編輯 你好,小弟以聽你意見,換了架PGO90cc,換了架Gilera DNA 180,無論外形,馬力,操控,都幾好,係條死氣喉怪怪的,請問編輯知道邊到有得換呢?
Mark t320@netvigator.com
你部車新買，應該尚未run完車，等下先啦。如果要搵，試下問翔利或SS，佢地有好多綿羊補品。
|
7/12/2001
|
你好, 我駕的是ET-8, 小羊五月落地, 現在已行了11000KM. 我已定時幫它換偈油, 油隔, 同尾牙油. 但我還有幾個問題想請教:
1. 尾牙油應該幾耐換一次呢? 2. 火咀應該幾時換? 3. 要不要每年換一次電池?
4. 何時要換皮帶及珠? (我知新車唔駛咁快換, 但都想知大概何時)
5. 駕駛問題, 我家住馬鞍山, 常要用高速公路, 如果常定速, 定油門行80km/h, 會唔會對小羊造成很大負荷呢?謝謝!
Walter Poon walterpoon@i-cable.com
視乎行駛里程而定，尾牙油半年至一年先要換。火咀半年便應檢查，其實換埋佢都唔係貴。保養良好的話，電池兩三年都唔駛換。熄車即熄燈，唔裝電子防盜，經常開車，ＭＦ電池都幾耐用。皮帶和普利珠屬於高損耗部品。壽命視乎每間廠的製作質素而定，可能有頗大分別。總之當覺得極速降低，或震動加劇，又或加速不妥，便要檢查。１５０機器定速走８０ｋｍ／ｈ幾理想，冇問題。
|
7/12/2001
|
編輯先生: 你好! 請問你cb 400 的 version S 與 cb 400 Big-1 的分別在那?及他們的資可在那裡找到?唔該晒!! 祝貴網頁業務蒸蒸日上 !! hello people
qbossini@hotmail.com
CB400SF Version S 較普通big one版在設定上較跑車化。死氣喉不同，黑蕉，尾截可拆下，方便更換aftermarket 部品。但裝不下大架。絞牙尾避震，PGM電腦點火....但兩者的馬力和扭力差不多，只是Version S在高轉性能上較暢快。手頭上冇資料，對不起，試下上日本網找找看。
|
7/12/2001
|
我架freeway250 係停車十秒八秒後時常會死火 為什麼?
謝解答謝謝 tony上
dick holy dickholy@yahoo.com.hk
火咀狀態不良/怠轉過低/化油器污糟 都有可能導至自動死火。先檢查呢幾樣先。
|
5/12/2001
|
編輯你好,本人剛考到電單車牌,想買羊,心水有兩選擇,都係sym的150(大鷹王)及(大鯊王),但一是水冷一是油冷,兩者有什麼分別?那一種比較好呢?另外想請教何為(原裝油).謝謝!!!!!!!
donaldcheung01@sinsman.com
油冷是利用在引擎內部不停流動的機油，引擎鰓片和機油散熱柵，把燃燒的部份熱量帶走，保護引擎不會因過熱而損毀。水冷引擎主要是利用冷卻液帶走部份熱量。
油冷的好處是結構較簡單，但較易受外界溫度影響，如果皓熱夏天時，如長期怠轉會令溫度不近升高。在嚴冬高速行時車又會被冷空氣過份冷卻。比較難把引擎溫度保持在理想區域。水冷把引擎包在冷卻水套中，有溫度感應器監察著不斷循環的冷卻液體，當發現溫度接近過熱時會利用風扇吹向散熱柵降溫。
理論上水冷比油冷高檔。但實際上不是每一臺電單車都需要水冷。強調中低轉數的電單車不一定需要水冷，但高轉數高壓縮比的跑車便一定需要水冷。當售價是一樣是，當然揀水冷。但如售價有一定差別，則油冷便顯得十分吸引。其實廠方推出油冷型號，一定會考量正常情況下冷卻能力是否足夠，所以不用擔心。
原庄油是指原廠新車時的車漆，並未經街外其他人翻噴。
|
4/12/2001
|
點解自己唔試下計算呢？ 每架車狀態不同，駕駛習慣和行走路段也不同。下次入滿油後，reset trip meter. 到再入油時拿番張油單，看看入了多少公升電油，然後比較trip meter 走了多少公里，便可計算出一公升電油可走多少公里，從而估計到一缸油可走多遠。
lok ctl00@hkstar.com
點解自己唔試下計算呢？ 每架車狀態不同，駕駛習慣和行走路段也不同。下次入滿油後，reset trip meter. 到再入油時拿番張油單，看看入了多少公升電油，然後比較trip meter 走了多少公里，便可計算出一公升電油可走多少公里，從而估計到一缸油可走多遠。
|
4/12/2001
|
香港偷車問題嚴重嗎？
小弟是一名剛返港的rider,且打算buy a street bike orscooter for 返工去街,但有些朋友話香港偷車問題very serious,想問一問香港的rider,那一款車最多人偷,那一區是偷車熱門地,謝謝!
chan ka-kin kk_chan2000@yahoo.com
香港比起歐洲來說，偷車問題並不算太嚴重。高風險的車種主要是貴價跑車或高檔綿羊。街車相對來說比較穩陣。偷車熱門地應該不是用地區來分，因為賊仔四圍走，邊度有世界做就去邊。無論係鬧市或室內停車場都一樣照做野。只要佢地知道目標車種經常出沒的地點，有需要時便會搵機會落手。所以車鎖車套不可少，泊車地點也不宜太固定讓賊仔易於捉摸。有得攬柱最好攬柱，或重鎖泊在貨van去唔到的地方。增加賊仔的犯案成本，可望減低風險。(但我們相信，要偷你既點都偷到，除非係跟身車，永遠係視線範圍之內。夜晚泊係屋企客廳。)
|
1/12/2001
|
巡航車想洗化油器
你好，本人有架巡航車750，近期發覺起步好似慢左，又其是載人時，聽朋友講可以去試下洗cup，請問洗cup有何作用，同埋應該幾耐洗一次，仲有就係邊間車行會有較多巡航車配件買thank you ^.<!
2000kwan@hongkong.com
我會唸係咪閣下習慣左果度力呢？載人當然會影響加速表現。所以未必一定要洗cup(作用是洗去沉澱在化油器各部件中的雜質和污漬，回復混合油氣的敏銳和準確)。但如果部車經常有用，唔係用紅油：p，唔需要走去洗cup。買巡航車配件好多車店都有供應播，例如安定都幾有心機做架。
|
1/12/2001
|
DNA180 or Runner VXR 180?
i wanna buy a new bike and i have 2 choices in my mind, the Gilera DNA 180 and Gilera VXR 180. i don't consider the price but the power, function and durability of it, can u help me?? thx a lot man!!
h0008332 h0008332@hkusua.hku.hk
Both of them sharing the same engine, fuel & transmission system, brakes and wheels etc, only the frame, riding position and the turning geometry are different. So the power deliver should be identical between them. Both assembled by Gilera, so the durability or the building quality between them should have no significant difference. There are only 3 factors need to consider: number one-personal preferences, which one do u like more regarding on their appearance? second, the purpose of buying a bike, are u tend to be use it everyday to take u everywhere u want to go, or just for weekend fun? Lastly, can u manage VXR's seat height? feeling comfortable? Hope it's help.
|
1/12/2001
|
是否Fork油有問題？
本人為 ibike 長期讀者 ,鐵騎信箱日日都睇,,亦得益不少, 但今次真o係有難,,請幫幫忙 98 version S ,,, brembo 頭 ford 油應該 入幾 cc ( 每邊 ) 我 D 頭 ford ,,,一個月多 D 就唔得,,差不多 5 個月就換o左3 次,,
ford 油 ,,試過 elf ,, castrol ... 今次重0係 ohlins, 每邊入o左接近 500 cc 添,,,一向都係 用15 號, 但從未漏油,,
e + 行車,, 路面 D震動力 " 全"到上隻手度,, 擘 迴旋處就打呔打得很,...次次都係咁 ,但換o左新 o既油又冇事我自已就想 , 會不會 ford 油過多引至受壓時, ford 油受力, 而非彈弓, 因此 ford 油一個月後就失效,,,,,,,,或不適當較彈弓硬度,請幫幫忙,,,謝
wilson1@net-yan.com
初步睇似係compression(受壓)過硬，但你話打軑好犀利，咁假設份頭擔正常，那便是閣下的駕駛方法十分激烈。如果肯定頭胎狀況和氣壓都屬正常(和頭尾胎都是同一質地)，試下換稀一級的fork油，改善compression過硬的情況。但回彈rebound可能會有問題，應考慮加番個Gold Valve改變避震油的流量。
|
30/11/2001
|
投訴！九龍灣差佬對鐵騎趕盡殺絕！
事發於29/11/01日九龍灣美羅中心電單車泊車位-本人放工去取鐵騎準備回家，發現皮袋裡竟有人放了片牛肉乾我吃，簡直不敢相信現時D差佬係咩心態，(偷野叫賊佬，善自放野叫什麼好...唔知告呢個PC佬得唔得?)
我只不過因為車位爆滿，泊o左o向車位旁邊，又唔阻人，又唔阻車。之前泊o向冷行，已經食o左一張，家陣趕到我遠離工作地點合法泊車地點，都要窮追不捨，每次D差佬周圍大肆掘出老電來抄牌，車位總是不夠用，今次只不過泊o左o向車位旁邊o傘，o甘都要揭布抄牌，做人係o米要"趕盡殺絕"先?係o米月尾要交數就要不留情面?先排果個副務長先出離講話經濟唔好，對"違泊"用寬鬆態度去處理，(真係講就天下無敵，抄就不遺餘力。)真係趕"鐵馬入窮行，唔知點算好?"
香港養馬真係唔容易。(我已作出上訢行動，勝敗都好!我都希望有關當局會正視我o地呢班養馬人仕之處境。)
Lawrence Lee leeykee@sinaman.com
冇辦法，泊係界外就係界外，絕對有權抄你。警員絕對有法理依據抄你牌，但是否合理呢？公道自在人心。視乎每位警員的判斷或當時該區對違例泊車的檢控指引，我見過有警員遇見違例泊車，用手去檢查引擎的熱度，如果是凍車先抄。重暖既就行開唔炒。都唔係所有差人都唔講情理既。
|
30/11/2001
|
你好!! 小弟的愛車是 ET-8。 早時因尾呔穿得甚利害 (補了四條牛根也救不回), 換了 SOWA (?) 尾呔。 乾地時已覺得比原裝米仔呔滑....但仍可接受。 日前晚上出車, 下㥸微微細雨, 駕駛了太約兩個小時之後, 突然尾呔打滑......收拾心情之後更小心駕駛, 再留意打滑情況......發現尾呔差不多不能有效抓㥸地面, 就算在同一駕駛線上由偏左轉去偏右, 亦有些微滑動...... 請問:
一) 是不是某些輪胎長時間接觸了水份後, 抓首㥸力會突然下降?
二) 會否是其他的原因??
先謝, 祝各位身体健康!!
小弟 jay_mark@sinaman.com
輪胎絕對不會因長時間接觸了水份後, 抓著力突然下降。閣下事件的成因可能是其中一項或多項： 1)換胎後新打的胎氣過多 2)新胎未充份開胎 3)當時輪胎在路上沾了油漬，或是當時路面情況的確很差 4)可能條胎質素的確有問題，例如過期硬化，或是經濟耐用胎等。其實毛毛雨路面真係會好扇架。油漬浮上積水面，小心。
|
29/11/2001
|
編輯先生, 本人是一位新牌仔,剛剛從友人手中買了一部97年virago 250,但是對維修方面並不熟悉,故此本人並不清楚如何保養這部車(例如:隔多久需要換油,損耗性部件的更換等).還有,本人很想知道此車的的specification.另外,本人很想知道何處可以找到一條適合virago 250 的喉,價錢又如何呢?(因為本人擺放車子的地方附近有很多樹葉,加上本人很少"郁"部車,所以條喉穿左).最後本人想知道為何Virago在冬天或多天沒有開車後很容易死火呢?(尤其在燈口位,如果不加少少油很快就死火,十分危險)
Dicky lam_dicky@yahoo.com.hk
規格表拍硬檔自己上網搵，應該唔難找。消耗性部品主要是火咀、風隔、油隔、偈油、迫力皮、電池、輪胎、迫力油等，如果你擺多過用，則以時間作為準則：偈油每三個月換一次，每換兩次偈油便應更換油隔，火咀風隔半年換一次，其他視乎做用狀況而定。死氣喉穿左可以補，未必一定要買過新既。如直係想乘機換條kit喉，好多車店都有代訂服務，例如安定車行、文偉電單車中心等。怠轉不穩易死火，除了檢查slow轉數是否過低外，化油器balance是否正常，火咀狀況等都會有影響。建議先更換消耗性部品，順便讓車店檢查一下吧。(最好天天都用車，長擺不健康啊！)
|
29/11/2001
|
我剛考到了牌，正想出一台車，我本往在沙田，多數來住葵涌或西貢，敢問PX200適合嗎?本打算一年後換500級的街車，想問ER500 或GS500較好呢?本人比較懶，所以想買較不用常常打理的車.
billy btsuak70@hknet.com
恭喜恭喜！PX200應可應付閣下的要求。但你說你是一個懶人，所以買新車比較合適，貪佢頭一年都冇乜野搞。一年後換500cc四衝直二街車絕對醒目，實用又夠力。ER-5行水冷，GS500行風油冷，規格上ER-5較佳，但以街車用途不是賽車所以分別不大。視乎外型喜好和價錢(相差不遠)吧。
|
28/11/2001
|
為何我的Super Four vtec 01的電單車鍊會上下跳動, 突別是轉波時, 只是四個月是否這樣快要換嗎? 而我留意到其它超四都是一樣, 是不是正常呢, 但我見其它廠的街車都不是這樣的! 我已在燦基調整過, 他說不是太鬆, 調整過後都是一樣, 我已留意車鍊一乾就噴鍊油了, 因為說明書是日文看不懂, 是不是鍊的低位和鍊的高位之間要有25mm-35mm 的鬆動, 超過40mm就不可以行車嗎?希望燦基可把正本日文的說明書translate to 英文或中文就好了! 我睇住本說明書好像文盲啊!
新仔上 joseph@eti.com.hk
不用太擔心，車鏈有跳動是正常啊，(所有車的車鏈都應該會在轉波時跳動)。因為轉波時動力傳送的停頓和接合期間，車鏈的慣性動作會把車鏈上下擺動。只要保持正常的鏈條鬆緊(太鬆的話可能會鬆脫)和保持潤滑，不用理會。由於CB400SF在歐美一帶不是十分流行，所以英文說明書欠奉也是能理解的。我們會向燦基反映閣下的意見。
|
28/11/2001
|
hihi 本人是第二次來信 本人坐駕是super four big one當我off 波時會有什聲(的 的 聲)行車時都有 我問過朋友 距話係(嘩佬腳鬆) 請問這樣下去問題大嗎? 因為我大約8-9千轉先轉波 會否有關la現在我覺得架車比大油都唔係咁去 如果拿去車房維修大約要多錢 祝工作愉快
midtai midtai@ctimail.com
舊車嘩佬腳一定有聲，問題不大。CB400SF八九千轉先轉波冇問題，不過要用靚偈油同埋換密少少。如果你認為俾大油都唔去，先換偈油火咀風格，如果情況冇改善，可能要調較閥門間罅(Valve Clearance)，費用約千多元，但要擺低部車先得。
|
27/11/2001
|
i want to buy a super four version s ,,,what is the opinion about this bike ??i have two year bike lincence ,,,have rgv ,pgm ,hornet before ,,,,i worry super four too heavy .....what is the price about superfour version s ??buy renew bike or hong kong second hand is good ??
thanks a lot .....^.^
lee logo ricky@hotmail.com
Our comment about CB400SF VS is good as an daily all-rounder. Did you check the owners' report, more than 40 owner had made their statment. If you got 2 years riding experience, you should not found any problem when dealing with CB400SF, take it easy pal....
Price around 2xk - 3xk, our opinion is, the current price of CB400SF is a little bit expensive, when comparing to other big NK bikes....renewal bike importing from Japan or HK 2nd one? all depends on price my friend, neither of them has "trouble free guranantee ".
|
27/11/2001
|
本人剛考都牌了！哈哈！要掛p呢~~想請教主持，本人想買車，主要用來代步。因是p牌，只能駕綿羊~~想問有甚麼型號適合呢？及應買新車或易手車好呢, 想購買 Gilera VXR 180 or Honda @150 or Yamaha Maxter150.....請給小弟指教！感激不己~~! 祝工作愉快~~!
Eddie Chu eddchu99@yahoo.com
先恭喜閣下成功考牌！你所提到的三款車，都應該很適合新牌使用。四衝程引擎，馬力不算太大，因為Maxster 150尚未到港，我們不能作出評語。@150操控和座高較友善，Runner 180會較好力但座位十分高。最好自己去車行試坐 一下再作決定。
|
| |
|
|
|
 |
|
