|
|
|
FAQ常見問題 |
|
|
27/11/2001
|
主持你好，本人部steed 600 (94)想更換條kit喉，請問400既岩唔岩用，仲有就係，用左kit喉D聲會唔會靚D，咁起步會唔會慢左，同埋會唔會用多左油呀？唔該晒thank you!
2000kwan@hongkong.com
kit 喉都有分直出喉和不是直出喉(尾部有蓋掩)，Cruiser直出喉通常都不設消音器，聲浪十分響亮，我們認為，沒有低音的排氣聲十分難聽，如果是乾錚錚，pik lik 啪勒都幾討厭。更換直出喉最好交由車房tune下架車，如果條喉的回氣壓實在太低的話，會影響性能表現，冇力又大食。唔敢肯定400和600是否共用，視乎你果條喉係成抽還是尾截？
|
26/11/2001
|
主持你好!本人是新牌一名，現在打算出cbr250 ，己看過很多在車行的車，但一般年份很高91/95，而私人的亦以93/96 為多，因本人對維修保養一不通，所以有點怕年份高的車，請問編輯對此車的評價如何，你認為如此年份的車的價錢應如何，及購買後的保養應如何 ?本人亦知道新牌現在很難買到保險，就貴編輯在前到可以找一人來頂替，但會否意外後保險公司不作出陪償，而要保單可保p牌， 保單費用會否相應高?請給小弟指教！謝謝.
Pun Chun chun_tung_max@hotmail.com
CBR250RR是一臺友善之車，表面兇猛，實則內心善良。車輕座低和易操控是它的最大優點。由於年份久遠，車價由幾千蚊至萬多二萬元都有，視乎新淨和保養程度而定。視乎零件供應是否充足，四衝車保養很簡單。不過由於排氣量小的關係，可能被以前的車主過度苛索造成內傷也未定。買車後一定要預番少少錢整車。
可能閣下誤會了我們的意思，我們並不鼓勵為了通過保險而借名出車，雖然有部份保險公司並沒有規定「不記名駕駛者」不能是P牌的限制，所以只要不觸犯保單條款便可。但借人名出車，自己始終冇NCB，所以最好還是買一臺出到保險的車，捱住一年先換車。
|
25/11/2001
|
主持你好！本人看鐵騎網誌有半年了，覺得你們做得好好，請繼續努力啊！言歸正傳，本人剛考都牌了！哈哈！要掛p呢 ^o^ ~~想請教主持，本人想買車，主要用來代步及假日遊車河的。(多數來往港島至沙田)也因是p牌，只能駕綿羊~~ /.\ 想問有甚麼型號適合呢？及應買新車或易手車好呢？(因150cc羊很平~~新車大約$19000~$28000)請給小弟指教！感激不己~~! 祝工作愉快~~! ^_^"
Fai chunfaii@netvigator.com
來回港島沙田都要走兩條隧道，買250綿羊較合適。但如果預算有限，則買新150單騎都夠玩一排。舊車建議買舊款Majesty 250/Honda Foresight 250/Honda Freeway 250，新車150則睇外型鐘意邊款任揀。咁平，冇所謂啦。但如果唸著一兩年後就賣車換車，建議買大牌子出品，二手價較好。
|
25/11/2001
|
本人是"P"仔一族,因為九月之後好難出保障,所以在網上一發現部KAWASAKI大包圍(ZXR 250).就買下它.(因為保障可以出到). 後來發現問題多多.兩個月內到訪三次車房(係朋友介紹)佢話只可以幫我整到行得走得.你有什麼問題就解決你的問題. 可是到現在依然有毛病.佢曾經話唔贊成我用幾錢蚊,整個級,同ENGINE.佢仲話"KAWASAKI"是好麻煩的車.配件小,麻煩多 佢唔係整得唔好,而係唔夠細心.
所以小弟想一些整個自己部車的車友,特別係"KAWASAKI"一族. 知道邊間車房好,價錢合理.請通知小弟.
謝謝.
GARY garygary13@sinaman.com
唔知你部車係乜年份呢？但我地唔覺Kawa車麻煩播，日本做電單車唔會差得去邊。主要係睇有冇零件同埋識唔識整先係重要。買零件番代理泰力摩托車中心，如果冇現貨，又或可向三禾訂飛機貨又得。以前係怡豐整車個位大偈而家係文偉，如果泰力多車整唔想等，可試下去文偉。
|
24/11/2001
|
本人是一個新牌仔,現在渣緊一部250cc既fairing車,但每當我要轉一些較急既彎時,常常要收到好慢先敢轉(太約20-30 km/h)而且成日會波 out,唔知係唔係心埋既問題,成日形住會跌車同撞壆咁,但以前用駕駛學院d車唔會咁,我想問點先可以以較正常既車速過彎,同埋想問下街車轉彎係唔係一定易過fairing車
thanks
N2K n2k@i-cable.com
街車的把手轉向幅度較跑車闊，慢車轉細彎較跑車容易。但你說在急彎中速度是20-30km/h，也不算十分慢呀。嘗試盡量用盡行車線的闊度，不要過早靠著彎道內側，彎前減速待壓車後才慢慢俾油出彎，應可減少波out 情況。
|
23/11/2001
|
我的A博士燒了引擎!!據修車師父說 : 「 一搬150cc綿羊只可去到90咪,如長期行駛100咪或120咪數會很易燒引擎 」我想大家討論一冲!!這是否對的呢!!咪錶明明仲有咪數可去劵!!我的A博士引擎修好後是不是可回愎往日的雄風??那一處可修理綿羊仔是很精的呢??我如何可有效地保養我的羊呢??「計油上盤」是不是很嚴重呢??一搬羊頭呔是充幾多氣的,尾呔又幾多呢??燒了引擎修理要$2000至$3000可貴嗎??
請比少少意見呀!!謝謝各位!!
Gal&Van.co gvaaln18@netvigator.com
首先速度計上顯示的數字未必一定可以達到，很多時都只是作「裝飾用途」。所以視乎個別車款，別以為一定可以爆錶。150單缸綿羊若長期保持在110km/h以上，尤其是車齡和保養不是太理想的情況下，的確會造成很大損耗。過熱和潤滑不足會導至「拿鏣」，活塞和汽缸壁過熱膨脹頂死損毀。需要重新換過中缸和活塞。幾千蚊連料包人工冇得走。偈油上盤即是機油走進了燃燒塞，表示燃燒室不再密封，除了令減少動力外，也很容易令偈油數量不足，導至潤滑和散熱不良。不用擔心，有得整，不過人工唔會平。你燒偈一次過整就會慳少少人工卦？頭尾胎氣請參閱車主手冊或車身標記。一般150綿羊約20-25psi之間。其實若果閣下需要長期走highway，不若考慮換車？
|
23/11/2001
|
本人是一名已有了6至7年牌的鐵騎士，但是技術也只限於一般在路上駕駛，本人見有很多的鐵騎在轉彎時把他的臂部左擺右擺，十分好看，相請問他們是怎樣練回來的呢？同埋有無書或影片教人有關技術呀？
李先生 badboy1242002@yahoo.com
睇書會好D，英文書或台灣翻譯日文書都有講。香港最受歡迎，由萬里出版的圖解電單車駕駛乜乜指南睇左未？幾好架。未睇落書局望望啦。當有左基本概念後再慢慢練習，先由低速練習搬動身體，了解身體左右外傾時，重心的變化對車身平衡的影響。待熟習了重心轉移後才慢慢把車速提高。在街道上一般半旁邊屁股搬出來己十分足夠。別為了磨包而強行伸出膝蓋。
|
22/11/2001
|
本人新買二手 super four vtec 99年車,請問轉波時1至3波比較嚮,轉4波以上時無問題是乜原因,是否自己手勢唔好,還是其他原因,已check偈油是正常的,請問會有乜原因引致有嚮聲.
Thanks
Cameron cameronwkm@hotmail.com
可能是轉數過高所至，應該冇大問題。頭三個波使用率最高，有損耗亦不足為奇。
|
21/11/2001
|
本人正想買一部新車, 因為是第一次買車, 所以乜都唔係好知, 唔知你可唔可以俾D意見我呢?
如果我想買新車的話, 年尾車係咪就好唔化算呢, 因為架車可能已經擺左成年, 同埋如果賣車o個陣時咪變左 01/02 年車囉?咁出年先買係咪會好D呢?
THANKS 乜都唔知的人
Terry.Wong@arup.com
要買到真正02年製造的車，最快都要二月以後先得。而家先係十一月，咁咪有排等？而且車行近年尾都紛紛推出減價活動推廣，除非等某類新車款，否則要用車就應該唔好等。加上車行每月每季都不停有車番，並不存在年尾買車等於買左一部擺左成年既車。
|
20/11/2001
|
我是抯開250街車的，想轉抯600級車種(CBR600F1、SV650…)有難度嗎？本人長期雙騎，時常上Highway ，每天行60km，可否介紹一些更合本人的車種。如牌齡不夠三年但過30歲出第三保難嗎？多謝解答！
Chi creatart@hkstar.com
相信閣下轉騎600車絕對冇問題。如果要長期雙騎上highway，舒適和扭力都很重要。街車或巡航車或重型綿羊都很適合。SV650S，Hornet 600S, Bandit600S，SilverWing 600，ZR-7S等有風擋的中量級車種很適合長途高速雙人巡航。跑車不是太適合每天雙人使用。閣下出保險應該不會太難吧，夠一年牌又夠歲數，應該有得做。
|
20/11/2001
|
網主, 你們好! 本人做了新牌仔半年, 都算"舞o店"隻偉仕老羊150, 但技術還有待改善, 希望你們賜教:
1. 三波落斜時, 特別是很斜時, 臨轉灣收油加迫力減速, 但轉灣經常少少過線, 是不是還用三波的關係?
2. 試過轉灣前改用二波, 但抯極力子後轉波有少少困難(可能因車速未適應, 平路時試過), 雖然轉向有o的好了, 車身好噪和行車不太穩定, 這是不是正常呢?
請多多幫忙! 祝工作愉快!
莊仔 maj@hongkong.com
二衝車engine braking不重，落急斜轉彎三波真係高左D。試下預早轉定二波，入彎時再俾住油出，應該會食住地咁出彎，唔會波out又會定D。嘈就一定會，偉士係咁。
|
20/11/2001
|
如果我想買綿羊，budget is not a problem, what is your reccommendation?
綿羊lover kmcheungss@lcsd.gov.hk
要威：Silver Wing 650 / TMAX 500
要實用：二手Freeway 250
實用得來又要靚仔：Majesty 250, Forza 250
實用得來又要靚仔又要載人：AN400
|
19/11/2001
|
我是貴綱站的忠實網友，亦將在下個月加入P牌大軍(應該一次pass掛)。今年25歲的我，最近曾到 Honda及Yamaha 等車廠問過一些出車細節，請代解答我以下疑難:
1) 車廠話我最多只可以出250cc以下的電單車，仲一定要係綿羊，真無其他辨法嗎?2) 如果係咁，車款上我地可以有咩選擇? (請建意一下)
3) 如果在持P牌其間行車而唔掛P字(實在太核突)，被周到會有咩後果?
Vodka teddyyu@giordano.com.hk
其他辦法就係搵到一位合資格的「傻佬」，甘願冒以後可能會買唔到保險的後果，幫你頂名做車主出保險。然後「借」車俾你用。咁你咪有車用law。通常呢類「傻佬」都係屋企人多。真係搵到傻佬，買250四衝程街車最穩陣。易用，操車，唔駛煩。千祈唔好貪靚仔，等你手車操熟先去扮型都未遲。所以掛p牌咪掛p牌，冇所謂啦。講到我地口水乾，p牌係保護新手，點解要唔掛？你以為唔掛P牌就冇人知你係新牌？一個燈位就知你係咪新手啦。到時俾差人週到重煩。
|
19/11/2001
|
本人想購買 SYM Joy Ride 150代步,請問此車如何?何與Yamaha Majesty YP250等大羊相比。
電單車初哥 kmcheungss@lcsd.gov.hk
大鷹王可以說是結合了150綿羊的價錢和250豪華綿羊的空間享受。但壞處是150動力要應付250車身，動力性能會打了點折扣。日本羊和台灣羊的耐用程度和零件配套也有一定距離。如果budget有限，純代步買大鯊王Shark 150 4V更合適呢。因為泊位也更方便。
|
15/11/2001
|
網主您好: 本人剛剛考得電單車學牌,有意買車,不過對購車有些疑惑,希望網主能夠解答.
1.本人只擁有學牌,不知燕梳公司是否受保?
2.可否在沒有導師的情況下自行練習,與及代步?
3.如可受保,保費將會比P牌貴多少?
請儘快回覆,謝謝! 祝業務蒸蒸日上!
一個心急的駕駛者 eddchu99@yahoo.com
你係已經考到牌還是剛領學牌？如果只是領有學牌未通過強制試，不可以駕車出街。通過強制試後，可單獨駕駛學院練習車出街練習。以前還可以出學保自己買車在限制時間及區域內玩住先。但現在連新牌出保險都有問題，咁你估下學牌出學保的成功機會有多高呢？
|
14/11/2001
|
網主你好，早兩天見到有位古里的朋友說：
希望貴網能開闢一個初哥園地，介紹一些駕車心得，及注意地方，我非常同意，我本身非常喜歡這個網站，亦非常喜歡電單車，但亦只是剛報了駕駛學院，以表對電單車的熱愛（雖然老婆反對）
小弟有問題請教（關於學車三寶）：
１）頭盔：去邊度買呢？一般要幾錢，同用咩型號／形狀好呢？我響黑布街見到一個好似空軍咁，只售＄６ｘｘ，仲話專ｆｏｒ學車．．信得過嗎？
２）手套：去邊度買呢？一般要幾錢，同用咩型號／形狀（彩色越野形？）好呢？我又見過一ｄ賣成＄８ｘｘ∼＄２ｘｘｘ．．．要那麼貴嗎？
３）此外，指定要穿靴嗎？的確，新手是有很多問題（包括技術等等）．．．．．如果沒有正確的指引，輕則對老電失去興趣，重則在路上發生意外！！
東東大師 total_loss@hotmail.com
如果是用來學車的話，數百元的普通開臉頭盔已經足夠。由於學車的車速不高，大頭佛的視線也比較狹窄，所以開臉帽十分適合。但留意是安全帽應要掩蓋全隻耳仔，並應有「DOT」安全規格記號以證安全(香港法例要求)。但有些頭盔是採用更高安全規格「SNELL」製造的，所以買大牌子頭盔在安全上較有保證。不宜過份追求花款而忽略安全。
手套的主要作用是在不幸跌車時能保護雙手。所以物料應以堅韌耐磨為主，但又要不失柔軟合身，以免阻礙操作。當速度越高，手骨也需保護，賽車手套採用碳纖或Kelvar物料製作，關節位的保護能力較強，但價錢也較貴。越野手套勝在通風可洗不脫色，但冬天時手套也有保溫作用，所以不宜使用。一般幾百蚊的真皮手套也可以接受。留意冬天手套的袖位不應買太短，以利套著外套，行駛時袖口不會入風。
長靴不是指定動作，但長靴的保護力的確比普通鞋高很多。除了遇事時不會飛脫外，也能保護腳眼骨及小腿。可惜不利日常行街。針無兩頭利，揀乜鞋都好，總之唔好著拖鞋涼鞋便可。
鐵騎網誌很歡迎新手來信提出問題，因為我們的編採人員脫離了新手行列有一定日子，很難再從新手的角度思考和發掘內容。所以「涼風有信」的主要用途，便是為新手而設立。希望各位學車或打算學車的朋友們多加利用，我們必定盡力解答。此外，在「知識技術」也收錄了不少值得重溫的有用文章
|
13/11/2001
|
I wanna make my bike sound stronger. How to do that? My one is Volty 250. And I want to know about 車手獎. I don't know what is it? Thank you very much. Best regards Bad boy
funkyshits@hotmail.com
May be you can change the silencer to get a louder, but not a stronger sound.
車手獎請參閱之前炒車報告，「俾Benz追」一文有提及。
|
13/11/2001
|
編輯先生: 你好, 本人是新牌,希望閣下能解救,是賣掉它還是修理呢?,在一個月前首次剛買了一部1991, CD250HONDA 年制造,偶然在公路五波行車(80Km )當比油加速車子突然窒油並速度減慢,請問會否行車途中突然死火而遭後車撞倒呢?修理費若多小?補允一點並不是經常發生,
忠實讀者 陳上
bovischan@sinaman.com
建議拿車給車行檢查一下化油器。由於年份久遠，這類小問題很多時洗完化油器，換了新電池火咀都可能會照舊發生。但閣下只是買了一個多月，應該不會這麼輕易放棄。先試一下吧。被後車撞上的機會不能說沒有，但一位守法的司機應該會留意跟車距離，有時間剎車。
|
12/11/2001
|
編輯你好!本人最近到車行睇日本翻新的電單車(CB400vs),但跟據該車行的負責人表示,由買車落訂的開始時計,架車最快都要係三星期後才可以出街交給買家,原因係架車要到運輸處驗死氣-->啖氣。請問這是否真的要那麼多時間?及買這些日本翻新車時車行又會有什麼手續?因為我的朋友在該車行落訂買車所睇到的車,同三星期後出的車有明顯的分別。相信期間車行的人已做手腳換了零件。唔該晒!!
hello people qbossini@hotmail.com
三星期應該相差不遠。因為要與政府做一大堆文件往來，排期驗車，驗廢氣等功夫。正所謂你急政府唔急。如果文件有錯字，發回重新做過又要重頭排過。另外請問你朋友拿車後發現到有乜明顯分別呢？換左乜o野零件呢？除了車架和引擎外，車上所有部品都係冇管制冇登記的，日本賣的二手番新車，可能係日本已經係砌完積木先推出來賣。如果運輸途中有損毀，香港車行便會從另外一部車拆下替換。冇的話便先會買新零件。你說「 車行的人已做手腳換了零件」，換了什麼零件？
我的朋友之電單車。當收車時，車身的兩側近馬達的位置有明顯的花痕。但車行的人死都唔認，仲話我個朋友第一次睇車時已經有，真的豈有此理。及後更發現表板儀內的零件(黑色的膠)經已毀壞了，要再俾錢換。唔該晒!!
下次最好在買車付款前帶備相機影定相，當收車時有乜唔對版都有證據係手。
|
12/11/2001
|
本人想買了一部97年二手A博士, 行了4萬多公里,請問市價約值多少?此車的性能如何??多謝回覆.
心急人 kmcheung@lcsd.gov.hk
台灣綿羊接近五年車齡，加上走了四萬多公里，估計車的狀況不會太好。如果俾車行收車，(肯收的話)價錢應不會多過數千元。私人轉讓的話也不應超過一萬元，視乎車身保養的情況。性能冇特別，都係一般150綿羊咁上下。不過留意倒後鏡幾阻「定」，攝 / 泊車時最好摺埋佢。
|
12/11/2001
|
你好！本人很想考電單電牌。但聽見考完牌後要掛P牌。其實P牌是甚麼？和普通的電單車牌有甚麼分別？要掛多久？請解答我的問題！謝！
Vincent vincentshtsang@hotmail.com
P牌是Probationary Driving License / 暫準駕駛執照的簡稱，作用是透過限制新牌人士的駕駛條件，在某程度上發揮保障道路駕駛者及P牌人士。例如讓其他人知道新牌出街，以便多作容忍及警惕。新牌人士被禁止載人和極速限制在70km/h之內，能在P牌技術未成熟前，減低意外事故的可能。我們絕對讚成實行P牌制度，但應擴展至所有車輛而不是只限電單車。其實有外國一些私家車新牌司機會主動在車廂內展示標語，告訴別人新牌正在駕駛，便是希望能增加別人的注意和容忍。所以如果對「掛P牌」有心理障礙，其實有點幼稚。更詳細的資料可參閱政府網頁 http://www.info.gov.hk/td/chi/advice/probat/chinese.html#k
|
11/11/2001
|
你好!我抯咗superfour已經一年,對此車印象十分好.最近我去車行換偈油時,老闆極力推介我裝對Engine bar,請問佢有何功用? 另外,裝在頭fork好似眼鏡的又是甚麼? thx!!
Raku ryushin@hkstar.com
請問係Engine guard or frame bar? Engine guard 作用係保護引擎殼，免跌車時刮花機器。Frame Bar則強化車架的抗扭性，增加剛度以利過彎操控。但要用到架車幾盡先至感覺到有分別。裝在頭fork好似眼鏡的是頭fork碼，作用是強化兩支前叉，令前叉更堅固，不會晃動。不過同樣係要用到架車幾盡先至感覺到有分別。平時用來裝飾多。
|
11/11/2001
|
版主你好,我經常往你們的網站跑我非常喜歡這個網站,我有一點關於GSXR600的問題請回答我好嗎?最好能寄伊媚兒給我,GSXR600這部車2000年不就已經改款了,而這車應該是在2001年才上市,那如果買這部2000年的GSXR600那是已經有改款的版本嗎????????小弟深感疑惑因為買2000年的一定比較便宜吧.請幫小弟我解答吧拜託啦^^
羽柔 yeurou@ms61.hinet.net
翻查資料，現款GSXR600早在00年十月份推出，00年尾抵港。所以如發現新款GSXR600但製造年份是00年絕對合理。
|
9/11/2001
|
In the past, I ride a very old Honda NV400P, a year ago, I change to a used CB400SF VS. I'm the first owner in HK. When I first rode this bike, it was very powerful and sensitive if I applied the accelerator. The transmission of power was quite good. However, I had an incident (NOT ROAD ACCIDENT) so I needed to stay in hospital for a week, after I left the hospital, my physical condition could not allow me to ride my bike. As a result, my bike had not been used for almost one month. During that month, I only started the engine to run it for few minutes in neutral mode. Since my bike had not moved for one month, when I re-used it. I found that it is no longer sensitive as earlier. The transmission of power deteriorated. when I apply the accelerator, esp in low Rev/min, from 1000 to 3000 rmp, the engine seems no or very poor response. But when the rmp increases to over 4000 or 5000, my bike appears to have normal performance. In high rmp, it becomes normal again. I tried to run it for a long journey but it does not improve. Sir, please advise anything wrong, and is it expensive to repair it? I am looking forward seeing u kind regards,
lulu ulujojo@sinaman.com
As your bike idle for one month, the fuel's quality that stored in the tank might be deteriorated. Try to finish them asap and see if the bike's condition restored or not after you refill the fresh petrol. If the problem still exist, may be you need to replace spark plugs or even clean the carbs.
|
9/11/2001
|
本人的CB400sf是94年big one, 最近換了火咀NGK CR9EH-9,發覺腳踏近引擎位置的震盪明顯比用CR8EH-9火咀(3,4波6000轉)時減少,而行車爽了很多.據我所知NGK CR8EH-9是CB400sf的standard火咀,是否引擎因用了熱值9的咀而使點火時間有所改變,行車爽了?另外請問甚麼是震爆?車手是否能感覺得到?
Tony Wong wkming@i-cable.com
更換火咀熱值並不會改變點火時間。如果說更換火咀後動力有改善，應該說CR9EH-9(熱值較冷)更能配合你的駕駛習慣？震爆是油氣進入燃燒室尚未點火前已因高溫自燃起來。車手應會感到動力輸出下降
|
8/11/2001
|
請問電單車TIRE每一個數字的意思是什麼? e. g 150/70 R17 63H
Apex kkelvink@sinaman.com
150 / 70 R17 65H 順序的意思是: 輪胎闊度(150) / 扁平率(70) 幅射胎(R) 輪胎內徑(17) 荷重指數(63) 容許極速(H)。一般只需留意輪胎闊度和扁平率便可。因為你唔會買到一條尾胎闊190mm但極速只能走140km/h的輪胎。以下為極速對照表(miles/km)：
A1 = 3 / 5
A2 = 6 / 10
A3 = 9 / 15
A4 = 12 / 20
A5 = 16 / 25
A6 = 19 / 30
A7 = 22 / 35
A8 = 25 / 40
B = 31 / 50
C = 37 / 60
D = 40 / 65
E = 43 / 70
F = 50 / 80
G = 56 / 90
J = 62 / 100
K = 68 / 110
L = 75 / 120
M = 81 / 130
N = 87 / 140
P = 94 / 150
Q = 100 / 160
R = 106 / 170
S = 112 / 180
T = 118 / 190
U = 124 / 200
H = 130 / 210
V = 149 / 240
W = 168 / 270
Y = 186 / 300
|
8/11/2001
|
Dear Editior,I love ibike.com, very informative Now I have a question for my friend. He just got his liscence. He wants to buy new Honda Rebel 250 but he contacted many insurance dealers, their reply were that he would be rejected. They said that he could only buy scooter if he wants to buy insurance in his name. His age is not a problem. Sir, would you please advise what can he do? I think many new license holders will also interest to know this issue. Please reply me personnally, and I don't mind if u post this mail in your website. Kind regards,
Lulu lulujojo@sinaman.com
We believed that your friend got no choice but to buy a new 150 scooter if he eager to own a bike, under current situation.
|
8/11/2001
|
本人己用了三輛CB400包括 SF版Vs版 但同時都會發現電池YTX9 ,的壽命大多數都是一年,而有時整流更加會在電池突然死亡(因VOTL數跌至 3VOLT)時而損壞,請問這問是不是SUPER FOUR 的暗病,請問有沒有方法改善????????另一方面是SUPER FOUR 的黑煙都是很大的問題因為我發現引擎上回油喉排出機油氣入風箱令風格壽命很短特別在夏天,請問又有沒有方法改善?????????請e-MAIL本人 .祝貴公司業務步步高升. 更希望貴公司能增加專欄討論及解答一些大多數電單車毛病及修理的問題.
cheungchinfe@ismart.net
我們也試過騎CB400SF燒整流。請問你有冇加裝Cut頭燈掣？因為總電流預左俾大燈用，cut左大燈會令電流過高容易令電氣系統出問題。冇試過偈油谷上風隔，係咪偈油過多？也沒有見過CB400SF有黑煙。看來你部車唔係好精神，換過晒D消耗品未？
|
8/11/2001
|
你好，本新為一非常新牌。想問如果想買一輛懷舊既vespa，要幾多錢到？另外，養車等等既clickclark野要幾錢一個月呀？一開始又要俾幾多錢到呢？唔該晒！﹝請恕本人認真愚昧.........................﹞
燃燒
Vincent burnvin@netvigator.com
點解會話愚昧呢？新玩一樣o野梗係每事都要問架啦。如果喜愛懷舊車，建議買一臺懷舊feel的全新車，唔使煩修理。例如Vespa ET-8。車款、車價和月供費用請參閱奧士網頁 www.oscarmotors.com.hk 。以ET-8計，粗略來說，如果供車的話，零首期真係幾千蚊都可以出到車。第三保約千九蚊，首次登牌費連尾牌約千五蚊。頭盔手套當你有，重要買車套車鎖，平平地幾百蚊都搞得掂。每月供車千餘元，油費約數百元，泊街位免費。每一千公里換偈油百零蚊，每一季或半年換其他消耗品等都係有限錢。電單車唔炒車唔改車的話，使費多極有限。
|
8/11/2001
|
星期五晚睇中部Magna-750，而且仲比左訂金$1000，相約星期一下午到運輸署過戶交收。而在同一晚在二手區放了自己駕車。星期六早上去攪保險轉名。在同一朝有人致電比我相約即晚睇車。
星期六晚上睇車後，對方以超值價購下並比訂金$500，相約星期一晚上交收。星期日晚上(剛剛)收到Magna-750車主的兒子電話，話車主在星期六晚上炒左入左廠，都好大獲。佢話比番訂金我當交易終止 。 我聽完之後非常唔服氣、又好無奈......!!!
1) 我已經用左$300作保險轉資料費。
2) 我駕舊車又已經賣左。(我住九龍，在上水返工。車對我來說是代步工具，非常重要。) 現在無車抯........
3) 停車場錢又無得refund (現在無車了......)
4) 仲有，我逢星期二上堂，無車實行遲大到；分分鐘唔駛番啦!
如何????? 真真無耐!!!! 好唔開心!!!!!!
超人 95466450@alumni.cityu.edu.hk
絕對明白閣下冇車用的痛苦。但如果原車主失約的原因真係炒車，重要係大大鑊，咁呢D意外冇人想。你只係冇車用，但人地係入廠播。唔好咁冷血啦。 如果你仍然好唔忿氣，或者試下咁唸會開心D：架Magna 750唔係好老lai，而家舊車主幫你硬食o左，你直頭要買鮮花生果去醫院探佢講聲多謝啦，重講蝕HK$300？
|
7/11/2001
|
想請問ARAL係日本有冇可開式的大頭佛呢?因為Shoes在港已有了，點解Aral唔出呀?
yin yinlamlam@yahoo.com
無可否認，可揭式大頭佛雖能帶來方便，但論保護性能始終不及一體化的大頭佛。可能廠方顧及這點暫時沒有推出吧？
|
7/11/2001
|
網主你好，
我叫古里，經朋友介紹到貴網參觀，資料非常充實，小弟是一名電單車的初哥，更甚的，將於十一月尾才開始學車，但非常喜愛電單車，不過苦無門路知多些關於的事，因此，希望貴網能開闢一個初哥園地，介紹一些駕車心得（因看過貴網很多炒車報告），及注意地方，其實，有很多資料散佈於貴網不同頁中（如炒車報告／知識技術等）不過，如果可以建立一個專供初哥的頁就非常不錯了．．此舉可減少發生意外，又可增加初哥對電單車的興趣，希望網主能考慮一下！
ｔｈａｎｋｓ．古里上
古 里 kooleeman@hotmail.com
多謝閣下提供的寶貴意見。我們會研究該如何改善。暫時請翻查我們以往的來信，因為內裡有很多新手普遍會遇到的課題，在信箱裡討論過。
|
5/11/2001
|
您好! 本人最近買了一架二手Skipper 150(二衝程)，覺得引擎聲幾嘈。未知正常與否，如獲答覆，不勝感激!
rlcchoi@lcsd.gov.hk
可以話係正常，恕我們直言：請問你部Skipper 150係幾時製造呢？如果係95-97年製造，重行得都算係咁。二衝引擎的skipper冇日本綿羊咁襟。當年新車用得一兩年，副偈就開始「立」，再過多兩年副偈想散咁樣。點解咁講？因為我們其中一位工作人員當年也有一臺skipper 150，自身經歷唔係咁好，希望其他skipper車主冇咁唔好彩。
|
5/11/2001
|
本人駕駛的是 Steed600，用"鋼線鈴"，鋼線己有生銹現象，曾試用"鋼絲綿"除生銹，但鋼線失去光澤，由銀灰變成黑啞色。請問"鋼線鈴"的鋼線應如何清理？另外，水箱水及迫力油應何時更換?
多謝指教!P.S. please do not post my email address to the public. Thanks!
Regards,
Ray Fung
鋼線鈴冇乜特別秘技對付個播。由於表面電鍍已蝕去，不能回復光澤。除非拆下逐條拋光磨，但冇人會咁做。水箱水有兩年以上最好更換。保持水箱內壁清潔。迫力油一年至兩年需更換。乜你部車易水滾，剎車冇力咩？易水滾通常係水箱水不足，掣動虛弱，通常係迫力皮用得七七八八，或掣動喉入氣受潮。請自己研究下問題出係邊。
|
5/11/2001
|
火咀應用幾耐才要更換，更換時要注意什麼，用什麼牌子和型號價錢大約多少，如果耐了唔換會對部車有什麼影響呢？我的車子是steed 400.....thanks
yuen suedeloverhk@yahoo.com.hk
火咀應約1萬公里/半年檢查或替換一次，又或者如果點火撻車有困難，也很久沒有檢查過火咀，便應看看應否替換。香港通常都係用NGK，留意火咀熱值(以往報導)是否正確便可。如果過期唔換，點火不良，會增加耗油及影響動力。
|
5/11/2001
|
Hi, After read your第三十五屆東京車展,I really want to that show some day.you guys report is great! I love it!and the photos are great too,can you tell me what of camera?their quality is top of the line!The camera man is great too!keep going,well done!
Billy billywcc@earthlink.net
Thanks for your comment. We use Nikon digital camera, original picture is good, but the upload photos' quality is only 30% of the original quality. Too bad.
|
5/11/2001
|
本人上月買了部９７年Honda Jade 250，行了８０００公里，性能幾好，但最近裝完尾箱後，行車收油時軑桿打冷震得好厲害，要用力捉住，檢查轉向又沒什麼問題，請問出了什麼問題？
講開又講，本人是在大埔某電單車行裝尾箱，以前試過比佢地整車，後來發現被剪爛了風隔，化油器較到亂七八糟，幾乎在高速公路死火，又唔老實，不用換的零件又叫你換，今次以為裝箱唔會影響機器，點知又有事！你認為是否巧合？
kenkenci@netvigator.com
照計加裝尾箱不會影響操控如此利害。即使尾箱載貨十分重，也只會覺得把手輕了少許，和車身重心高了。收油時車頭打冷震真係唔知點解。有冇檢查過Fork油和胎氣呢？如果對個間車行冇信心，咪去第二間試下law。
|
5/11/2001
|
致編大哥,
小弟一向喜愛老電及私家車．因為沒錢的關係．只好選擇老電．及後發覺老電的樂趣比私家車大很多．從此更愛上了它．最後小弟有些問題想問．希望編輯大哥可幫忙解答．
pp888@hkem.com
1.)Burgman AN650會於何時上市．約價多少？
AN650預計最快都要明年農曆新年後才抵港。行貨好可能係復活節先到架！
2.)如果而家買Burgman AN400，會唔會好傻．因為新車就出．
AN400和AN650根本係兩架車，價錢亦應有一定距離，唔應該比較。
3.)SliverWing 同Burgman AN400邊架比較好．
同樣SilverWing600和AN400亦係兩架車，唔同級數播。日常使用AN400會較適合。
去威去玩則SilverWing好D。
4.)自動羊請問如何拖波．
自動羊拖波？普通羊要俾落迫力時同時俾少少油先會快D轉低波。AN650搵左手拇指按一下便轉低波，食指按一下便轉高波。
5.)請問為何行貨車都冇死火燈，為何日本版就有？
因為日本法例規定行車一定著大燈，所以右手冇得選擇開唔開燈，有位加裝死火燈掣。出口版行貨冇呢個規定，所以右手可控制大燈的開關，冇位裝死火燈。
希望不要怪我問題太多．謝．
|
5/11/2001
|
網誌主編： 您好，在下在惜日在台灣讀大學，有數年駕駛50仔的經驗(非常後悔當年沒有玩125或 波車)。回香港以後對電單車還是念念不忘，特別是現在上班的地方要坐一小時的車， 所以.... 不過如果我在香港玩車會遇上不少的問題，雖然已換了香港車牌，但是對香港的法律 和路面完全不了解。加上只前只用低cc羊，大cc羊和波車對我十分陌生。我是否要再去 學校學車呢? 聽說波車能人車合一，體會駕駛樂趣，所以我的目標是這種車。但是我對香港的路況 不認識，又不會駕波車，這樣從波車開始會否太過呢?所以有朋友說不如先玩羊仔。 但是這樣會不會浪費錢呢?玩一段日子便換車。或是把車當作單純的交通工具，不要 想波車了。 最後一個問題是通常是第一架在香港出的車是不是二手比較好，炒了，偷了也不要 緊。或者拿2萬出來買台一手150就一了百了。
MICAH db5517@yahoo.com.hk
建議去駕駛學院補鐘。即係參加「金牌路路通」課程。幾舊水，當係租車又好，當係有人陪你出車又好，係導師陪同之下，認識轉波車及香港路面。看情況再考慮買自動綿羊或有波車。視乎預算費用，如果純為短途代步，全新台灣150綿羊都唔錯。但如果想練習電單車，假日雙騎旅行，400街車唔錯。新車或二手，視乎銀包有幾多貨！
|
4/11/2001
|
駕駛車款: 綿羊 年份: 2000 車主: 鋒
事發經過: 在高速公路面有一個正方形狀的木頭，當時我大約開50-60公里/h，那個木頭就像跳台，我連車一起飛，幸好平安降落
人命財物傷亡損毀: 人車平安
當時感受: 即時祈禱感謝神
肇事原因及教訓啟示: 眼要望遠一點
好彩冇事咋。如果當時慌忙間落重迫力想收車，當車輛在空中鎖胎，再觸地時會好易失控。放鬆身體，不扣迫力，集中精神平衡車身便會安然著地。其實除了在行車時眼光放遠一點外，跟車亦不要太貼，除了預防追尾外，也避免前方車底突然「吐」出垃圾，閃避不及。
|
4/11/2001
|
I would like to know any scooter like vespa and bajaj have automatics model? Because I like these model very much ~ but i just got a automatics lincense ~ thx~!
joelionline@hotmail.com
Vespa do have a classical look, auto transmission model - ET-8 150.
Check out www.oscarmotors.com.hk to see if you like it.
|
1/11/2001
|
hi, 我想問一問如果我有個P牌的朋友問我借了架車 (我不是P牌)﹐是不是已經違法﹖因我買的第三保不是俾P牌用的。如果他發生意外﹐那身為車主的我是否須要負上責任﹖謝謝.
stewart stewart@hongkong.com
借車俾人用的法律後果可以幾麻煩。一切視乎閣下份保單的條款而定。例如容許什麼資格的其他駕駛者使用呢？如果唔符合資格，輕則加重墊底費，重則保單無效。如果你份保單講到明不準P牌使用，咁樣你位朋友就係冇有效第三保險駕駛之情況下駕駛機動車輛衰梗。作為車主的你，如果在知情狀況下，容許不合資格的人仕使用機車，又係衰梗。老生常談，唔好立亂借車俾人/問人借車，唔好彩有事好麻煩。不論法律，金錢，人情都要找數o架。
|
1/11/2001
|
Dear editor, I would like to know what should be awared for buying 2 handed sheep, what procedures should be involved. Thanks,
CK kong_cordia@hotmail.com
除了一般檢查外，也應注意傳動皮帶及自動波箱的零件狀態。比起一般大車，綿羊的傳動機構需要較頻密的維護。視乎質素，日本正廠的皮帶可走數萬公里。但其他雜廠的皮帶壽命便短很多很多。負責轉波的普利珠也是消耗品，壽命也不會超過數萬公里。但以上提及的部份，非要試車才可知道。如果高速行車時車身震動十分大，很難造出應有極速，則皮帶好有可能已到期。如果起步速度提升不暢順或加速不均，普利珠要檢查。幸好以上品價錢不算貴，涉及的修理技術也不困難。
|
31/10/2001
|
不銹鋼研磨劑那裡有賣? 用法如何? 用後有否特別注意地方?
Kam kamholai@hotmail.com
可在五金店或機車用品店購買打磨膏，用法簡單，清潔表面後，用乾布沾少許拭擦打圈。用布抹淨後再重複作業。最後用牙膏再重複作業。但效果是否滿意則見人見智。
|
30/10/2001
|
hihi, 你好!~ 我想問一問呢, 是不是所有/大部份巡航車都是手波, 很少自動波?? 因我準備去駕駛學院報讀電單車, 心目中想考完車就買巡航車款的車, so現在正諗緊學自動波還是手波好... 因人地話自動波容易pass, 所以... 後來我又聽人講話巡航車多是手波... 咁我點好呢?? 多謝你的回應!!
mail mail@gregasia.com.hk
如果你將來想騎巡航車，咁就一定要學手波啦。其實無論你呢一刻想騎乜車都好，都應該學手波車，將來想用咩車都得，唔會淨係得綿羊可選擇。先苦後甜呀，老友。
|
23/10/2001
|
hihi 你好本人以買了一架 ZR-7 .有一個問題想你指教,架車行了6500公里00年車,當撻車時會有輕微的叮叮聲行熱後叮叮聲還有,是否架車有問題,又還是本人要求過高多謝回答.
Albert
YEUNG f11019@netvigator.com
你架車好新淨播。ZR-7採用西風引擎再加以改良，可靠及耐用程度母用置疑。但係一般叮叮聲應該係熄車後冷縮熱脹先會出現。哇佬聲亦唔係叮叮聲。唔放心的話俾泰力車行聽一聽吧。
|
22/10/2001
|
主持人, 首先多謝你既指導, 指引我學習電單車既秘訣, 經過三日強制課程後, 已經再冇出現趺車, 油門控制, 轉彎等問題, 考試前勤加鍛鍊, 相信考試PASS應該冇問題, 還發覺駕駛電單車既快感比單車多好幾倍, 非常有趣 ! 終於領悟到做鐵騎既樂趣. 今次想請問下, 當取得暫准駕駛証後, 駕駛時需要掛上P字, 但係我見到街上有D駕駛者前後都掛P字, 有D只係係車尾掛一個P字, 點解有D人掛一個有D又掛兩個呢, 咁其實有什麼分別呀??
NOK smau@netvigator.com
唔駛咁容氣，大家研究咁o者。法例規定係要前後都要掛上P 牌架，掛得一個，都唔爭在掛多一個啦：)
|
19/10/2001
|
Can you explain to me more about 排氣量? This kind of information will be interested by new riders, but can't be found at your web site. How many cc motorbike should be suitable for P holder? Thanks !
Teddy teddyyu@giordano.com.hk
排氣量/displacement means the volume of combustion room燃燒室(calculated when the piston is at the maximum upper limit活塞上止點)，the bigger the combustion room's volume, more fuel/air mixture can be burn inside the engine and thus produce more power.
4 stroke engine, below 250cc is more suitable to P holder, and more acceptable to insurance Co.
|
18/10/2001
|
你好,本人看了一架2000年KAWASAKI的 ZR7 街車,車身十分新及各方面都很好,但有一個問題就是轉數不穩定會有微跳請問是否正常,如不正常請解釋.謝謝 心急人上
f11019@netvigator.com
是怠轉不穩嗎？一般輕微上下郁動，約一二百轉是可接受的。通常是化油器真空不完全平衡所至。只要唔會slow車自動死火便成。
|
17/10/2001
|
新牌保險問題
近日聽到不少關於電單車p牌出保不遂,請問問是否大勢所至?我十一月底考路試,希望能出一部rebel250或virago250.會唔會有問題? thanks dmjudas@hotmail.com
主持你好 ~
我係一個新牌仔, 不過唔駛掛 P 牌, 但直到而家都搵唔倒保險公司肯受我保, 佢o地話因為未夠一年牌喎, 只可以出綿羊 !? 咁咪即係話除o左綿羊之外咪唔駛渣車 !! 唉真唔公平 ...
請問主持, 據你所知係咪而家全香港都係咁呀? 咁而家出車要有乜o野條件呢? 我諗呢個問題都有好多新牌仔想問? thanks
心煩人 tw00hk@yahoo.com.hk
現時出電單車第三保的確幾麻煩。唔係價錢問題，而係有生意唔想做咁款。保險代理都嗌頭痛。估計係由於年尾關係，保險公司夠數唔想冒險做新單。希望出年保險公司要交新數時，態度可以積極一點。現時最safe係出新綿羊，例如奧士就話不論新牌或有冇NCB，都係照舊價兩千蚊唔使就出到保險，不妨試試。
|
| |
|
|
|
 |
