|
|
|
FAQ常見問題 |
|
|
15/11/2005
|
PX200
老編阿老編, 我隻小羊又唔知做咩鬼,尋朝仲正正常常,尋晚無啦啦唔曉著車, 會唔會因為係4日前用車後走電而唔夠力著車呢? 之前連用2日左右啦, 會唔會又或者我用的時間太短(通常係大半個鐘左右), 久而久之, charge唔夠電而令佢尋日唔夠電? 唔夠晒
小羊
要睇番係電池定係發電機打柴。
|
15/11/2005
|
Re: 新牌女﹐又係我呀
新牌女﹐咁你又唔使唔好意思既。不過憑你會感諗﹐我都知你唔係個D財大氣粗的人。我諗你家教一定幾好。父母一定反對的﹔但你可先嶄後湊嘛。考左牌未﹖如最後要出46﹐咁都有好多樂趣既﹐至少可以自己周圍去。話時話﹐小弟還是單身的。。哈哈
一個只可在車書內渣BMW的人
你....條友仔...
|
15/11/2005
|
Macau GP
老編:今年澳門電單車，辛苦晒!!!努力採訪多d好野比大家睇呀，熱切期待!!
spoon
多謝鼓勵，盡力而為啦...
|
15/11/2005
|
RE:Jump 波？？？
re:Jump 波？？？
我架車會跳波，３轉２時會入左空波。
咁好有可能係咩問題呢？
視乎波箱設計和磨損狀況而定，當轉數過高，而落波力度過輕，便易有假空波情況出現。
==============================================================================
老編老編,佢唔係假空波,係真係轉左去空波,我架車新車落地岩岩夠一年,行左18000km,已換極力子的綱線,這個情況正常嗎?要點整法,成個換個嗎??
姚明
唔正常。係咩車咁渣呢？先檢查波叉。
|
15/11/2005
|
你好!小弟架車係95 cb400 big one. 有幾個問題想請教
1./ big one有幾多個波?我tick極都係得5個.最高波時80km/h約4500轉正常嘛?
2./ 抯左架車成個月天天往返觀塘火炭但都未見過水溫燈同埋風扇著.著車未撻車時,水溫燈係咪同機油燈一樣會著左, 撻車後熄?(我架車水溫燈唔著但機油燈著)
3./ 水箱左下邊o個粒係咪溫度sensor? 聶氏100度就會通左風扇就著? 仲有冇其他地方有check水溫sensor?
4./ 要check sensor同風扇係咪可以就咁slow煲車煲到佢著?煲幾耐到?
5./ 一架有哈哈表o既車, 佢o既里數表會唔會都係比實際里數高呢(因為都係行一條表鍊)?如果係咁佢地計算o既耗油量咪會低左囉?咁咪全部都係哈哈?
謝謝!
vin
一定有六個波，你可以向上tick五次，咁咪有六個波o羅。風扇或senor如果有壞，水溫好快會入紅區，冇入即係冇事，唔使擔心。
|
15/11/2005
|
SF400 頭叉問題
老編你好：我又有要事想請教你！我剛新換左(頭叉)上兩個可調交軟硬的油蓋...
1.發現(頭叉)油開始變黑.....須要作出更換嗎？
2.裝上油蓋後發現有過硬情況(軟度我已扭到最盡).....請問這樣硬有問題的嗎？有危險嗎？謝謝！
小魚 yu_yu9898@yahoo.com.hk
一般正常使用，Fork油一年換一次都得。頭叉過硬(一般指彈簧過硬或compression damping調得過多)入彎時頭輪會跳下跳下咁影響操控，你有冇咁情況？
|
15/11/2005
|
擬告書
老編大人：本人在年頭一月炒車，跟住就收到警務處寄o黎o既"擬控告通知書"。我打過去負責o既警局問，佢話會在四個月內有調查結果會唔會控告我，但到而家都仲未收到通知....
請問仲有冇手尾跟o架?
車迷人
成年咁滯，冇野架喇。
|
15/11/2005
|
油門威吔！
老編你好！小弟半年前買了02年vtr,但唔知點解,我買間車行同我換左支全新把手之後,我每次羅進右呔,個油門好緊,緊到扭唔到,但回正堂呔又無事,我問過其它車行,佢話換把手要蓮油門威吔一齊玩先得(威吔短左)其實係唔係呢？？
thx！
GTR細佬VTR
有可能，因為長度差太遠的話便要更換。
|
14/11/2005
|
架車好熱
我部Big One 近期行車時好熱，感覺雙腳快蒸熟，錶板水温燈無着、風扇正常，但不可能每次「起油缸」check水箱水（因唔方便），而對上一次約6個月前，check水箱水量正常，怎辦及能否改善熱力？唔該！
偉
要check左水先,跟住都係水膽問題!
|
14/11/2005
|
RE:brake油&水箱水
謝謝你的解答.請問什麼是水膽?在那部位?另請問這麼熱(連座位下也熱)是否正常(温度顯示只是去到一半多)?若不理會,會有什麼嚴重後果?謝謝.
簡單講佢係一個筏門,當去到突定溫度就會彈開行水,唔識彈就會影響水流向,減底散熱能力,早check會比較好.
|
14/11/2005
|
轉數問題?
我架GSX-R600之前一撻車轉數一定過千幾轉,但係近排唔知點解每次撻車轉數都唔過一千,why?
大舊飯
行i車請返代理檢查,可能感應制壞左!
|
14/11/2005
|
搞不懂!!!
请问老鬼先生:
铃木 SKY WAVE400 的后避震怎么才能调硬点?
小吴 zippomm@126.com
左邊後座乘下對開包圍下有個大菊花形的轉頭,順時針方向轉便可使彈弓加硬!(下次請用大五碼)
|
14/11/2005
|
電油流左落的偈油
老鬼大佬!今日去車行,個師父話的電油流左落的偈油到,佢話換偈油就可以解決問題!唔知係咪可以斷尾?同埋點解的電油流左落的偈油到?又無流油!
ZZR
華..咁都得.電油流落機器裏面係化油器出左問題,管唔到油,咁換左機油又唔整化油器.,得乜野!
|
14/11/2005
|
波差
波差彎左整幾錢到?
波差
乜車亞生,唔同車種有唔同拆法,價錢都唔同!
|
14/11/2005
|
老鬼你好, 小弟買左架x4. 有d問題想問吓.
從車行攞車渣左2個街口, 引擎有""啲啲""聲, 凍車冇, 試車時都冇, 係開一段路引擎熱左先有. 問過自己整開車的車房(吾係買車果間), 佢話係哇佬聲(有d緊), 如果吾整會有咩問題? 會吾會引至引擎內其他parts壞呢? 會吾會增加耗油量呢?
部車個溫度計係行led燈仔, 有5格. 早上(18-19度)行車只會著2格. 中午(27-29)度行車, 就會著3格, 風扇自己著, 但就吾會著第4,5格. 算吾算正常. (我覺得行針易睇d, 行燈仔都吾知咩度數, 而家吾著第4/5格, 都吾知係個水箱運作正常, 定係第4/5粒led燒左, 有冇方法可以知......)
如果原裝頭燈用燈35w/35w, 用60w/55w燈膽就話會燒整流, 但如果相反原裝頭燈用60w/55w, 換35w/35w燈膽會點?(因為之前渣部rebel用35w/35w燈, 有一個全新頭燈膽未用, x-4就用60w/55w, 同是H4. 如果x-4可以用35w/35w就算燒左都可以換落去頂住先.)
吾同牌子的水箱水可吾可以溝來用, 因為個後備水箱好似冇咩水, 但又吾知上手用咩水箱水.
吾該曬^_^
x-4車主 iamcedricho@yahoo.com.hk
簡單d講,形響生氣進入同排出量而引致其它問題,如燃燒後排出的油味.另試燈可抆去風扇感應制插頭煲車,包你知道甚麼是水滾茶靚同爆燈.強行推入電壓落35w燈膽,佢會好光,但應該好快燒,因烏絲受唔住.唔用牌子水箱水最好唔好溝,入凊水便可!
|
14/11/2005
|
PGM 3 個哇佬開唔晒
我嫁老爺pgm 3 仔R 版 個高轉哇佬開唔晒, 冇左真正既力量出來, 有冇得搞呢唔知, thanks
sam 仔
當然有!!摩打燒,換摩打,.泙果心積死,拆個中缸出黎整.
|
14/11/2005
|
入錯波??
架車4波行緊,但無端瑞去左空波.....之後我向上去番5波(間中)
問題大嗎???又係吾係我技術有問題?
P仔 www.blacksky_ho@yahoo.com.hk
行緊車跳波就一定係波牙,波差,波抹問題.問題頗大!!!
|
14/11/2005
|
老編你好﹗
點解我架車行時會有吱吱聲好似d皮帶聲咁？一停車就冇
仲有泊車時車頭扭盡右邊會有口架口架聲？係d乜嘢事，維修又要幾多錢
我嗰架係99cb400vs05落地唔該晒
半年車 foonfung2003@yahoo.com.hk
會係迫力皮或車鍊聲,扭軑就應檢查一下電線或威也走位(看看有否拖住)兩者都可到車行檢查.
|
14/11/2005
|
Jump 波？？？
我架車會跳波，３轉２時會入左空波。
咁好有可能係咩問題呢？
姚明
視乎波箱設計和磨損狀況而定，當轉數過高，而落波力度過輕，便易有假空波情況出現。
|
14/11/2005
|
回車手獎一問...
首先你話比得一份黃色果張,有無填過野架...??
第二.有填就洗心急,即係話警察已經幫你填好,同send o左去社署.
第三.一般係帶口供,病假紙,銀行簿及入息証明..
第四.通知你老細,會有社署職員會搵佢...
仲有無唔明,,不過都係一句喇!唔好諗住真係車手呀..果D錢有牌既人都有份供...唔好諗住搵著數呀老兄..如果唔係真係有需要就唔好伸請喇!留番比有需要既人(如果你諗住搵政府錢當賠償比你整車)我會極道睇唔起你架....
VFR800
車手獎係社會保障o既一種，有錢人一樣可以申請。不過記住一樣野，如果保險有得賠，條數又夠秊的話，係要退返俾d錢俾福利署。
|
14/11/2005
|
車軨
CBR900RR如要換17吋頭軨, 有什麼型號的頭軨可適合???
唔該!!
CBR900RR
如果要搵舊款Honda車二手零件，應該冇。換新軨好貴，唔值得。
|
14/11/2005
|
p牌出新車
想請問一下，p牌出新車有冇咩野需要留意ge地方呢？收車之前和收車時有乜野需要留意呢？我驚收車之後先發現架車有問題....本人係出shadow 750, 多謝回答！
Bird
新手出車，忌揀大馬力或重型車款。Shadow 750不宜暴起狂收，控制車速以柔順為主，頭尾掣動還要靠拖波幫忙減速。揀車驗車睇車，請重溫【知識技術】內相關文章。或者去【鐵騎會館】問下其他館友。
|
14/11/2005
|
換油一問
夲人新牌新手,愛駒乃sym-joy max250, 已驗第一次車及換偈油和牙油,第二次驗車是第二千公里.請問該車行師傅說用4T engine oil 就行,但我見市面有很多如:EVO 4T ENGINE OIL 10W40 and EVO 4T ENGINE OIL 20W50 ,不知10W40 and 20W50 代表什麼.那一樣比較好.2000公里後要換什麼 和 驗什麼.how to change 牙油 和 when?thanks a lot
新手二月
有關機油知識請參閱【知識技術】。香港天氣睇後面果組數字，50較40較適合。其他保養問題，你先睇番車主手冊和聽從車行建議便可。
|
14/11/2005
|
點解咁難著車ge ??????我部綿羊仔 朝早 用電撻撻車比油都冇反應唔著 之前都唔怕ga之後羅左去車行 洗晒d 風隔 油隔 化油器 梧必打 換晒電池 火咀
個情況都係一樣 我部都係半年車左右 都唔知點解 人地d車都唔怕ga
究竟係咩問題呀 ???會唔會係咩 自動風 ~~slow 定係風油比有問題a
twh
難撻車有好多原因，首先要知道你部係咩車？
|
14/11/2005
|
二手電單車一問
一部電單車壽命係咪閒閒地都有十幾年？電單車車價折舊率咁低會唔會同佢遠唔洗驗車就可以續牌有關？仲有二手電單車通常會有乜野毛病？因為電單車設計已經好簡單，又唔洗整冷氣又唔洗換電動窗。謝謝
良好保養又有零件換的話，好多電單車都可以用好耐。電單車折舊率低，係因為受到供求問題影響。今時今日的電單車，其實唔算簡單，都有幾多電子野。機械性損耗也不能避免，要將一部易手舊車執番靚佢，可以使好多好多多錢。
|
14/11/2005
|
車手獎一問
你好....本人因意外現已申請此項目，但問題在於警方只給預此一式三份表格的其中一份(黃色)給本人，本人想問問是否拿此黃色表格自己直接上該處申請，定還是會有該處職員電話通知本人才上該處申請辦理呢！！！還想問問要帶備甚麼上該處辦此手續呢!thank
小小朋友
要自己上去申請，有關細節，請參閱FAQ部份。有唔明可到【鐵騎會館】等多d人俾意見你。
|
14/11/2005
|
唔好意思
真係唔好意思呀....我唔知我咁講野會令你有咁既感覺咖....因為我唔係好識電單車,所以咁問炸...而我身邊d朋友又唔係揸開電單車...so....我諗買咩車我會自己攪店咖喇!
新牌女
記得買完車post d 靚相去【鐵騎會館】度分享一下呀！
|
14/11/2005
|
轉波不順
老編,我最近轉波的時候好像有的野頂住,平時卡一聲就上到波,而家要卡卡兩聲先入到!係唔係波箱有問題?好煩!車房的人又話無事!買左l個星期炸.
煩人
先睇下極力子威也虛位是否過多。
|
13/11/2005
|
有關波箱的問題
呢個問題我想問人好耐架啦......不過問親d人都話唔係好清楚......譬如由於路面狀況我必須要急刹.....但又嚟唔切落波.....咁係停定後就好難落番一波....要放少少clutch....等架車碌前少少.....之後先可以揾得番個一波.....點解會有咁既呢?
多謝回答
Leonardo
好多車停定之後，都要轆前轆後半格先可以再轉空波或入番一波。齒輪靜止時係會難轉波少少。
|
13/11/2005
|
好熱
老編大老，小第有個問題，有乜方法架車既水溫冇咁熱呀??我發覺好易到紅，風扇又正常，又有水，點可以冇咁熱呢?我架係Hornet250
希
如果長時間塞車或慢車，咁水溫係會高d。但如果正常行車，便唔應該入紅。有可能係水箱塞塞地，或者係風扇打打地柴轉慢左。
|
13/11/2005
|
兩個轆好定四個轆好
如果經濟能力有限，又想買部車一兩個人用黎代步，老電係咪會比私家車適合??另外請問電單車可唔可以泊一般大型購物商場既停車場（當然比足私家車的時租費用）？唔該晒
純以開支角度來看，養電單車當然會比私家車便宜。視乎環境和用途，各有各好。大型商場停車場好多都俾泊電單車，但唔係必然，有機會係你肯俾錢都唔做你生意。最好查清楚先。
|
13/11/2005
|
RE:斜路開車
老編!之前有車友問過!其實死火之後即刻著番副偈,係唔係好傷?因本人成日斜路開車時都死火幾次即刻著番副偈!三分鐘之內四次!都唔知有冇事?唔該!
4OOCC男
冇野o既，係扯多幾次電d姐。
|
13/11/2005
|
Re:熱車"的的"聲
唔該晒老鬼！
原來自己大懵，將生死氣哇佬離位個數值掉轉左。依家攝返靚無的的聲啦。
鹿仔
o我。
|
13/11/2005
|
趕走d貓貓
本人的電單車是泊停車埸的,但每日早上都發覺有貓腳貓小便在我的車上,請教有什麼方法可趕走d貓不要在我的車又訓又大小便,心急人上????
po
可以請教寵物店，有相關產品。
|
13/11/2005
|
選車
老編大人,通常車展後,幾時先會返新款呢?我會等06年製造先買,我都等得
我所指suzuki AN400ss新款
thank
goldwing
未有咁快，家下先講緊Skywave 250 S Type，新款 + 轉用DOHC 4V引擎。照計會賣一陣250先，跟住先會到400。賣多一陣先再會出其他特別版。
|
12/11/2005
|
緊急
部羊行行下pok一聲行唔到，部車仲著無死火，咩事呢?
心急人上
電器,無油,........!
|
12/11/2005
|
請師父幫幫我
老鬼師父:
我部羊係二個星期前開始疾下疾下，一日比一日犀利，最後部羊好以有野頂住仲行唔到及死火，咩原因呢?
你有否定期check車,風格,火咀呢?原因有好多呀!
|
12/11/2005
|
又係我呀......
老鬼大人你好,小第架four仔行行下不時會(著紅燈,轉數到零,
速度到零,頭燈會暗一暗,感覺好似落咗一粒咁),約半秒後回復正常,已check電池ok,
電池頭冇鬆,請問係乜問題呢？會否fuse或者整流問題?困擾多時,希望早覆
thx....
pgm fans
我同你講過!呢d情形必須盡早到車行檢查.否則燒腦就唔好話人.
|
12/11/2005
|
brake油&水箱水
請問brake油是否不可入滿?另水箱水幾久要換?可否加蒸餾水?為什麼我架車(cbr250rr)換完水箱水之後比之前更熱?(駕駛方法不變),連座位下面也很熱,是否有問題?謝謝解答.
加迫力油巳經錯,首先應檢查一下有無迫力皮先!,另外加水還可以,溫度高就要檢查一下水膽有無問題,必要時將它拆掉.
|
12/11/2005
|
入波唔順
你好....我架車最近入波不太順。高轉低有時會入唔正....試過燈ロ停車連踏3粒...但不能入到一波....要放小小極カ子先入到....以換新偈油....我架車係95 Xelvis vt250
行左 50000km.....請問有冇得救? thx
車仔
完全靜止落波是不能的,由其是kawa車,必須向前行些小,改善一下停車手法,長期如此會對波箱同極力子有損害.
|
12/11/2005
|
凍車死火
本人架 VTR250，最近撻車有問題。凍車時第一次撻車會著，但分幾鐘後就會死火，就算我 keep 住油門轉數都會慢慢下降，跟住死火。之後就好難再撻返著，就算開埋風 chock 都撻唔到。要等十幾分鐘至半個鐘再可再撻返著。
但熱車時就完全冇問題。試過俾車房睇，個師傅話我架車冇事.......
到底係我撻車方法有問題 or 架車有時。
狼仔
一係風油位同化油器,一係哇佬緊,.
|
12/11/2005
|
正鋪推介
前排係一間車行買佐架易手車,今日買,夜晚壞,果間鋪唔肯整，我拿去其他車行整,維修佐幾次,加埋$4,000大元仲有野整,拖車都拖三次..........
好顧客
你架係咩車？咩年份？買左幾多錢？
|
12/11/2005
|
斜路開車
老編先生,請問一下斜路開車。既正確方法係點?我前幾日試左幾次都死火!首先俾油到3,4千轉,搵磨擦點,跟住俾大油出去(1萬轉).唔知正唔正確呢?
用正確方法出發時極力子係維持係磨擦點直接俾油去呀?定係慢慢放?本人慢慢放就一定死火!維持係磨擦點直接俾油去就可以上到斜,但唔係次次得!請問正確方法係?
400CC男
搵到磨擦點便可以俾多少少油再慢慢放埋極力子。你的問題係唔熟操作，多練習便可。
|
12/11/2005
|
如何申請新增"排骨"位
老編您好!若我想向運輸署建議新增"排骨"位，請問申請手續及途徑是怎麼的?本人住在南昌"村"附近，反觀四周車位甚少，即使有合法車位都要成十幾二十分鐘先攞到車，泊街又經常抄牌，慘慘慘~!!請幫忙!!!
車迷人
真接寫信俾運輸署提出建議便可。睬唔睬你係另一件事。
|
12/11/2005
|
一肚氣
昨日早上返工,泊隻羊仔係亞士厘道。因為放工約左朋友食飯,所以放工時(約七點左右)走左去亞士厘道望下駕車,果時隻羊仲係好地地的。食完飯後約九點半,攞車時見隻羊被搬過,往左邊搬左四吋左右啦,但就緊緊的貼住旁邊的SUZUKI BURGMAN度,糖黏豆咁。而右邊的RUNNER已經走左,換左駕大D既PIAGGIO X8(車牌LVxx27),我隻羊同駕X8有三吋左右距離。最最大鑊就係當我幾經辛苦終於攞到隻羊出來時,發現左邊腳踏爆左,另外左邊地台膠成塊歪哂,整來整去都整唔好,我諗要入廠先整得番。喂!大佬!你果駕係車、要錢買,我果駕唔係車呀!要錢整番,幾舊水家。果時真係想一腳伸爆你駕車呀。死仆街!!!!!
羊仔
對閣下遭遇深表同情，但類似文章應該post去【鐵騎會館】。
|
12/11/2005
|
選車
老編大人,通常車展後,幾時先會返新款呢?我會等06年製造先買,我都等得
thank
goldwing
有快有慢，唔知你講緊邊款？
|
12/11/2005
|
什麼是活瓣？
有時睇車規格，見到有些是2活瓣，有些是4活瓣，有些是16活瓣，其實活瓣是什麼，對車的性能又有什麼影響？
海賊王
即係引擎透氣的門口。生氣和死氣都有專用通道進入或離開燃燒室。活瓣的數目越多，性能越高。開啟的角度越大，越有利高轉使用。
|
12/11/2005
|
渣HARLEY, 好鱷呀!
昨日早上,我在尖沙咀亞士厘道泊車。一早就見到一班HARLEY DAVIDSON車隊已經泊左係度,仲有人負責睇車,我就無理會佢地。但在我之後有一隻羊仔到達,準備泊在其中一駕HARLEY旁邊。但係負責睇車的人就走埋去阻止佢泊,話隻羊會碰到駕HARLEY,不准佢泊。但眼見周圍已經無其他位,而在HARLEY旁邊係有足夠的空間泊隻羊仔。而家渣駕大車、靚車就大哂咩?你駕車係電單車,我地個駕咪又係電單車。驚就咪鬼渣出街位,阻鬼住哂,鱷爺呀?
Eric
咁離譜？
|
12/11/2005
|
第3保
老編大人,剛把大修完的小羊駕駛回家俾警察抄牌(尾燈燒左)行車証過期,到要去警署check第3保,才發現第3保過左期,想請教一下會點?仲有冇計?
雙失青年
冇牌費冇冇效保險，斷到正一正，重可以有咩計？好在冇牽涉入交通意外....罰款就一定架喇。
|
12/11/2005
|
RE: 新牌女﹐我仲可以買咩車
新牌女﹐你好。我諗你真係好好了。我成日看無記D電視﹐覺得好唔真實。因為裡面D人全部都係住靚屋﹐有高新專業。宜家看完你呢個“疑難”﹐我先知原來係真的。一架BMW對於好多人來講﹐唔只係一架車咁簡單。現在竟然變成你的像按制般咁簡單的決定。。。。。真令我不知說甚麼了。我提意你兩樣都唔好要。當你知道想要但得不到的痛苦的時候﹐到時再要甚麼都能令你快樂的。
只在車書裡渣BMW的人
咁又唔需要太認真看待新牌女的case o既....
|
| |
|
|
|
 |
|
