|
|
|
FAQ常見問題 |
|
|
12/11/2005
|
RE:計油/流油一問
",但2沖同4沖機器設計不同,所以2沖應叫換波箱油,度數是較稀的,亦有突別牌子專用,但市面上一般都會建議只雖買相同度數的4沖機油使用,"...
禁即係咪用全合成的4沖偈油都可當2t油禁用呀?
kk
講緊四衝的偈油俾二衝車的波箱用矣。拿去燒的2T油係另一樣野。
|
12/11/2005
|
選車
老編大人,本人稍後時間會買綿羊,唔知點選好,各有各好處,而且價錢一樣,請問你自己會選邊駕呢？
1) 05 Yamaha Majesty 400
優點,鋁合金車架,頭雙碟
缺點,太過膠質,無電鍍裝飾及後座椅背,要加幾千蚊改裝,儲物空間唔可以放太大件物件
2) 05 Suzuki AN 400ss
優點,大量電鍍裝飾,有後座椅背,儲物空間一體過,可放大件行李,
缺點,唔係用鋁合金車架,無頭雙碟,偷車率高
thank
goldwing clement_n@yahoo.com.hk
AN400已有新款(詳見東京車展)，呢個時候AN係款尾車，相反Majesty 400重算係新款車。
|
12/11/2005
|
唔制
我就係唔想買4個look,要渣4個look就唔洗考電單車牌啦!岩岩攞左牌當然要渣下練習下咖啦!有咩電單車可以岩我揸,又可以出大場面咖?(唔洗baba嘈)
新牌女
..............你不如去【鐵騎會館】果便問下其他人意見啦。
|
12/11/2005
|
拖到入紅......
老編你好,小弟的車子是PGM 4
1:有時在一些激走的情況下入90度急彎,很多時會用到2波拖1波收車,但有時情急之下會拖到入紅區,其實(上波或拖波)入左紅區會否真的很傷車定只是正常的損耗呢?
2:近日不斷操練小型回旋處,但發覺很難跑得快,總覺得車子就快ball out咁......,其實跑回旋處要跑得快到底有什麼地方要注意呢,是否要人落車唔落還是要用上(外傾側-_-)呢?
阿傑
偶一為之，短暫的紅區冇問題，但如果下下都入紅區便唔係咁好。迴旋處跑咁快做乜？車多危險呀。不停咁迴旋轉細彎，最好係用內傾法轉彎。
|
12/11/2005
|
什麼是哇佬?
請問什麼是哇佬?
valve
|
12/11/2005
|
點解HK既摩托點解比大陸貴更多？？
例如：我家陣部97年CB400紀念版的！！買返來時系16500人民幣，我查左下HK賣價...隨便都過20000！仲有好多車...大黃蜂600S呢度系33000，HK系41000！大家都系N手啦！不過...呢度系走私返來！！無證件！！但...有無證件對我地內陸都無咩用！！因爲全國差不多三分之二都禁左摩托！！如果HK無證果D摩托系唔系會平D架？？
褲仔 makqf@163.com
因為你果d貨係來歷不明o既貨，如果係賊贓的話(都好可能係)，當然會便宜一點。如果以鼠貨行規四折收數來說，你果便d電單車賣得十分貴就真。
|
12/11/2005
|
RE>痴左線
我條系新金鍊,行左2百公里,洗唔洗調整一下?
萬分唔該!!!!!!!
新仔
唔使咁快...一般2000km，或每次洗車時檢查一下便可。
|
11/11/2005
|
仲可以買咩車
老編大哥哥：今次慘喇．．．我baba唔想我買cbr150r呀...咁點算呀?!佢話如果我買呢駕車,佢玲願買咖四個look既寶馬過我呀...請問老編大哥有咩車好介紹呀?我baba好煩o加...成日死要面...
新牌女
baba係咩呢架？係咪爸爸呀？咁一於買四個轆啦！呢期02-03果批330ci都幾抵買。
|
11/11/2005
|
計油/流油一問
真頭痛呀,老鬼師父麻煩你解答....
1. 我架pgm3聽人講入2t就冇計油就話係波相油,咁我去車行買野時咪叫佢比支波相油囉(佢問左我架車係咩0既),之後我d朋友話佢地d羊都係入呢隻計油0既連我朋友都係楂3仔佢都係入呢隻計油,問題係究竟我係應該入d咩油呢???攪到我好似波相油即係計油咁...
2. 我架車是買冇耐0既,發覺有流油的問題流出來個d似係波相油(我都唔知係波相還是計油),又唔似電油?佢流出來個d係生油咁0既色0既有時會戴有小小黑色,但架車就好怪囉係行得越長停車後第二日就發覺流左好多油係地下/如果行一陣就相對黎講就小好多囉,我仲搵人睇過但佢話我樓唔實d羅私喎....但架車成日流油我d波相油又冇小到喎,我架3仔係撈江0既如果係電油都問到陣味丫.....唔通真係fit到流油!!!!!!!!唔該呀老鬼師父回答~~
哈~~而家仲可以買到架fit到流油都幾難! 2t即簡稱混合油,可混合於電油可加入油缸或2t壺內,絕不能缺少,只可用於2沖車上,.而統稱偈油一般是入落機器到,但2沖同4沖機器設計不同,所以2沖應叫換波箱油,度數是較稀的,亦有突別牌子專用,但市面上一般都會建議只雖買相同度數的4沖機油使用,所以你朋友才介紹給你,一般是沒有問題的,至於2沖車漏油情況絕不出奇,所以才漸漸衰落,要檢查那裏漏油就必須清洗車身同機器.看看有否油墊部份損壞!(唔同車種會用唔同度數的機油,綿羊,街車,歐洲車,2沖車都有分別.)
|
11/11/2005
|
再續...唔知邊度漏油
老鬼師父...我的Runner是2沖sp版，謝謝！
冇火戰羊 cctam6192@yahoo.com.hk
洗吸時有否檢查(生氣膠和鴨咀片)兩者對2沖來說是非常重要.
|
11/11/2005
|
熱車"的的"聲
我部鹿仔(xt225)行熱左後，就會有D"的的的"咁聲o既機器雜聲。頭二千公里run in期間都唔會咁，千幾公里時自己攝過哇佬，唔知係唔係自己攝得唔好搞成咁呢？
鹿仔 herbsherbs@sinaman.com
只要跟足上下限的中位數來懾便無問題,有些車種本身就是嘈的,如聲響越來越大就要再攝一次.
|
11/11/2005
|
RE>痴左線
多謝回答小人問題!但如果係極力子制或火咀問題,點解會掃牙又撞牙?我而家最驚就係引擊同波牙有問題!連續開開關關,又掃牙掃左咁耐,蛇都死啦.去車行又怕去錯黑店,請老鬼大人指教下細佬!感激不盡!
新仔
唔~~~真的無辨法就只能返代理檢查.(會否是車鍊過鬆現象)
|
11/11/2005
|
有問題...
老編你好...我想問下點解HK既摩托點解比大陸貴更多？？因爲他包在個牌定系...
褲仔
不如你舉d例子聽下先
|
11/11/2005
|
老編大哥哥....如果我買左999就話你地聽啦...到時影輯新相過你地啦!!不過可能到時興既唔係佢lu...
新牌女
你買左CBR150R之後，一樣可以影輯靚相係【鐵騎會館】同大家分享架。重會識到好多同款車友添！
|
11/11/2005
|
RVF400
本人為電單車新手,想買架farling車玩下,想請教:
1.RVF400對新手來說是不是一個好選擇?還有其他較好的選擇嗎?
2.RVF400已停產,請問最新製造年份是甚麼?二手車94/97會否太舊?
3.好多人在你信箱提過RVF400架車會好熱,問題是否真的那麼嚴重?(這是我買不買它的其中一個主要原因)多謝指教.
阿東 hotattung@yahoo.com
CBR400RR會較RVF400容易使用，但兩者都已停產，企理的舊車比較難搵。94年製做成十一年車年齡，以跑車的使用情況來說，真係比較舊。V4引擎係比較熱，冬天還好，夏天長時間塞車有可能影響男性健康...
|
10/11/2005
|
頭盔噴色問題
大家好:我想問問大家如果我想DIY將一個白色頭盔上某些公仔噴去, 是否可以買一些罐裝白色噴油? 那裡有得買? 要多少錢? 有什麼地方要注意?
Rambo rambolcm@sinaman.com
最好唔好搞，因為噴漆會有可能破壞頭盔中的吸震層。
|
10/11/2005
|
咁想問下如果本身做職業司機，想買架老電玩下，保費算係平定貴？thx
你都係直接問番保險中介人啦...
|
10/11/2005
|
老編大人,請問.不求極速,只要扭力的中形街車,粗用,有乜好介紹.新款或舊款.
想轉中車的人
粗用不必求新款。Bandit 600/CB750皆可。
|
10/11/2005
|
痴左線
老鬼大佬,教命呀!部車今天痴左線!朝頭早撻車,一落一波就死火,撻到第三次,連空波拉實極力子都死火,到第四次終於著啦,行到幾公里,部車一轉波就掃牙,全程50幾公里,掃左幾十次牙,撞牙都2,3次(可能本人係新仔,唔織轉波,但前2日試車都唔覺),到後尾,斜路上斜又死火4次!
1)朝早點解會死火?
2)連續4次死火又即刻撻番著,副偈會唔打枈?真系一死即撻,後面勁bu!!
3)掃左幾十次牙極力子又會唔會打枈?洗唔洗入廠?
新仔
可能係極力子制或火咀問題..但為安全起,都是到車行檢查一下.
|
10/11/2005
|
yp250死火問題
大約半年.依合金火咀.仲唔係常用車.唔該
Q仔
就係因為你唔成日用車.
|
10/11/2005
|
唔知邊度漏電油？
老編、老鬼你們好！我架2冲runner近呢排好大食，入一舊水電油只行到90公里，平均要成$1.1/公里。兩天前已到車房更換風隔、火咀、補入軚氣和check大食原因，他說我隻羊油喉和細油缸都冇漏油情況，叫我換了以上消耗品試試再看。可是過了兩天大食情況依然存在，自己也試過泊車後放報紙於車底也沒有發現漏油情況。請問除了上述兩個有機會漏油原因還有其他原因嗎？謝謝和請你們回覆！
冇火戰羊 cctam6192@yahoo.com.hk
2沖定4沖先,原全不同(再續)
|
10/11/2005
|
Head Gasket
老鬼好, 上星期架車有水滾,风散唔着和漏水現象... 加水后好似無問題就不以為意,
但過兩曰車就着唔到了... 換了火嘴后無用唯有俾車房
check車 compression后說 Head Gasket 爛了
修理要四小時合理嗎? (London人工費要40鎊每小時...唉...)
小弟有問過呢面D人但仍然一知半解(大概Engine入水等), 想知道相關修理相關程序包括怎麼? Cab要洗嗎?
重有請問Head skimming 是怎麽?
感激不盡,
Fei ZXR400 89
出現食水現象,俗稱燒諍口.長期不理會會引致車頭過熱,繼而損壞其它零件.至於工序時間和價錢要視乎甚麼車種來計算.清洗化油器只是連帶工序,可做可唔做.
|
10/11/2005
|
長fork
巡航車,原裝車同換左長fork之後,操控上有咩唔同?Thanks!
MP
前傾角和拖曳距增加後，直線更穩定，彎向性能變差。香港地理環境唔適宜咁做。
|
10/11/2005
|
保險費用同職業有幾大關係？有乜野職業會貴保費？thx..
有好大關係。最理想會係朝九晚五的文員。最典型的高危職業有藝人、記者等。
|
10/11/2005
|
朋友，你好！
我是大陆内地的车友，我想在你们这买头亏可以买到吗？？？
成先生 lovekunsha@vip.sina.com
對不起，請用大五碼...
|
10/11/2005
|
綿羊用乜堨油好 ?
我駕joy-max要換第一次機油la,用乜牌子好?那裏有得賣 ar ??thx
尚在磨合期間，唔需要用太靚的偈油。車行一般都有供應不同種類的偈油。
|
10/11/2005
|
老編大哥哥...你係之前同我講叫我買150r渣住先,渣熟左先o既~~~!唔通買999r返黎擺咩...!係喎..仲有好似999r仲未有價喎...!你都知我係p牌,考左都係一個幾月,買999比老豆鬧都似,不過老豆個伙計有咖ducati好鬼死有型咖...!!(不過唔知咩型號)
新牌女
唔係化，之前講果d野同你講笑咋...
|
10/11/2005
|
柏秀樹自在操控DVD 可以那裡找倒
請問在那裡可以找倒柏秀樹 Big machine自在操控DVD ?本人得希望可以向一些收藏人仕借來一看.. 如果真的話, 實在感謝
Ken
你可以試下出【買賣搜尋】出徵求啟示，高價收購。「借」就窄d喇。
|
10/11/2005
|
150R
老老老老編...哈係我新牌女,我過兩日會去買車喇...呢兩日就要決定係咪買CBR150R...唔知點解個心旭旭想買DUCATI,真衰.....如果買150R去邊間買好呀?
新牌女
香港有Honda代理架。(唔買999R，冇乜心機答)
|
9/11/2005
|
買貴左
ductai749我買時真係15萬幾咖....咁咪買貴左?依家出面係咪公價14萬幾咖?仲有我都係見近期好似好hit ducati咁,咁買駕黎渣下,人生總要有駕ducati咖嘛.....!
慘人
價格可升可跌，通常都係因應匯率變化而定。
|
9/11/2005
|
想問二條問題
小第新牌仔一名剛剛買了一架二手Forza 250,有以下問題想問:
1.電單車布cover在那裡可以買到.
2.想換回原裝死氣喉,大約多少錢,有二手嗎?
多謝回覆
Micky Lee micky_lee222@sinaman.com
車行一般都有不同呎碼的車套備售。原庄喉可以問下車行有冇二手，或在【買賣搜尋】中免費刊登徵求訊息。
|
9/11/2005
|
各位編輯:你們好,客氣話不說,本人有一問題不明?請代為解答。本人掛P牌巳滿一年.若依然掛.有無犯交例
無知者
應該冇。
|
9/11/2005
|
要幾錢?
老編大人:我想問下檢查及清洗化油器太約要幾錢?
視乎車種和手功，有人可以收好平，但亦有人會收好貴。價錢可以由幾舊水至幾千蚊不等。
|
9/11/2005
|
車鏈一問
請問有d咩車鏈嫁,性能方面又係點嫁?
現在一般都係0-ring或x-ring車鏈。馬力越大的車，便要用越靚的車鏈。
|
9/11/2005
|
兩部車同一容積(cc) ，一部是綿羊，一部是街車，邊部夠力d，極速快d? 謝謝
馬力和扭力取決於汽缸數量，燃燒室和缸徑衝程設計。極速要再睇埋最終減速比。但綿羊的無段變速設計，在0-80km/h係會快過同級棍波車。
|
9/11/2005
|
改頭牙
老編你好: 我想問更改頭尾牙大一齒或細齒,對部車有何變化o因本人想頭段快D o(淨換頭牙可以嗎?因頭牙須更換)o多謝老編回答
ANDY ctangh100@yahoo.com.hk
頭牙細一齒可以增加頭段速度，可以。
|
9/11/2005
|
RE.收車
先多謝你。既意見!你話會傷車呀,唔知傷邊部份?我連續2日成百二公里都係咁收車,咪好傷?洗唔洗去車房俾人睇下?我部係94年口既ZZR400!
收車廢人
咁又唔使，改善駕駛習慣便可。
|
9/11/2005
|
好熱,好熱,好熱
老編你好,小弟係騎RVF的.我買車前已知呢部車會好熱.但係我想問車身會唔會好似死汽喉咁熱呎嫁?會唔會因為我之前雙騎完,唂得部車勁過頭?我都行成過140km/h嫁.有冇解決方法呀?十万個唔該
Knox
引擎外殼冇死氣喉咁高溫，V4偈熱就一定架喇，只要水溫不入紅便ok。
|
9/11/2005
|
"R" 定 "S" ??
如果唔係用作激走的話,ducati999r同s版在裝備根本難以分別,是嗎?
ducati fans
冇騎過，真係唔清楚.....引擎和極力子都唔同。
|
9/11/2005
|
收車
老編!我睇過以前有関拖波。既留言!最近又買左車,於是就出去練下拖波啦.今日,3波行80公里!拖波收車,但一拉極力子,落一粒,慢放極力子後,個人連車就好似俾人大力拉後咁!拖到落一波時就好以會向後飛出去咁!我跟足以前拖波。既留言。既方法、唔知我。既拖波方法正唔正確?會唔會傷車?謝謝!!!!!!!!!!
收車廢人
拖波的最大作用，係保持出彎時有足夠的扭力。真正負責減速的裝置係迫力。3波80km/h唔落迫力就咁拍落二波，如果係街車的話都幾傷，再夾硬踩落一波的話，唔鎖轆算你好彩。轉波既野講感覺，慢慢來。練習時唔使咁唸到咁複雜：行車唔夠力時便踩低一粒，太嘈太震便踢高一粒。煞車時淨係靠迫力收唔到車，便拖低一粒。
|
9/11/2005
|
再問:想請問波箱分別
算小弟膚淺,如何做到低轉高速這效果,因只知道加大轉數(油門)才有高速.是否加速後放油門(等它有高轉數),再比油(有高轉數再給它力量).不知老編明不明我寫甚麼.....THX.
hklearn@yahoo.com.hk
大油質完等架車行順之後便縮油，再輕輕順住俾油，便會維持在高波狀態。
|
9/11/2005
|
車震
最近買左部二手車’但每次二波收車到差唔多0速時(無拉極力子),部車就震下震下今!好似想死火!唔知似唔系極力子有問題?定係正常?請指教!!!
新仔
震的原因係因為部車想死火。二波慢溜重要扣迫力，梗係震晒啦。點解唔扣極力子呢？
|
9/11/2005
|
我有旅遊巴牌，我一個月前考到電單車牌，打算買車，如果我在一年暫準期內駕電單車違例被罰加多半年p期，這會否影響我原有的旅遊巴牌??
P牌的限制和應用只於電單車駕駛執照。
|
9/11/2005
|
DNA180問題
老編你好,想問下DNA180有冇尾扶手可以加裝?仲有睇2手DNA180要留意咩位?因為見車主報告話有入水問題,但又5知咩位入水,我又冇睇羊仔經驗,所以麻煩老編指教一下,同埋呢部車有冇kit料玩下,可以去邊處搵,有網頁睇最好~~~~thx
我愛YAMAHA dominic_yamaha@hotmail.com
車都停左產，kit料都應該唔多。
|
8/11/2005
|
都係轉數問題
凍車撻車後轉數係0，即係會即時死火，但係一行熱就有1000轉，所以每次開車都要keep油門，有咩方法解決，自己較怠轉唔掂，成正比地怠轉增加，即熱車後達2000轉以上，有咩方法？
師弟
雖要調較風油位.凍車與熱車slow應一樣,如無改善就必須檢查下去.
|
8/11/2005
|
yp250死火問題
當起步有這個問題發生時.是否代表火咀到期還是普利盤問題呢.唔該
Q仔
咁你幾耐沒有check過和更換過先?
|
8/11/2005
|
頭牙及車鏈
你好,小弟想問在什麼情況下須要更換頭牙及車鏈,是否聽聲就會知道......Thank you！
小宇 yu_yu9898@yahoo.com.hk
只須檢查一下鍊牙有否出現到勾情況,和車鍊虛位不平均便知道.
|
8/11/2005
|
爆唔起~~~
老鬼師父:
我部羊無啦啦爆唔起，我推去車行整，師父話化油器入水，你點睇呢?
化油器出問題唔出奇!或油缸污(租)入油時,街車入水會比較多d,因油缸蓋多外露.
|
8/11/2005
|
神經仔一問
我個嫁係super4 vs~~今日開車時唔記得開碟鎖開車~~
一開車頭轆銷死.跟住跌車..扛起之後拆番碟鎖...
開車試過break~~同直路快慢車...同查過番屋企..
大概路程都有8-9km..
但番到屋企發現一隻碟熱(之前落碟鎖個隻)..一隻唔熱....
咁者係咪有事呀...但表面上冇乜特別won~~
失魂魚..
有機會一邊迫力碼彎左!
|
8/11/2005
|
死火
如果死火後,即刻著翻部引擊、系唔係會好傷副引擊?
超人
唔會!
|
| |
|
|
|
 |
