|
|
|
FAQ常見問題 |
|
|
12/9/2005
|
老編
有小小問題 新車減價精選果版 G-MAX150 17200同T-REX150 22800 點解.....係咪....
ANDY
係....唔該晒：)
|
12/9/2005
|
氣壓是否合理?
老編你好,我人重70~75KG,單騎CB400VS用GPR70,頭軑120打氣34磅,尾軑150打氣38磅.請問氣壓是否合理?你們有冇原指引資料提供?
P Man
胎氣似乎過多。CB400VS尾胎係140，一般打28-32至30-34。
|
12/9/2005
|
頭牙漏油
hornet250 頭牙油毯漏偈油是不是一定要打散架車先換到呢,因為有o的師傅話可以唔打散都換倒,有o的就就話要打散先換到,,同打散換是不是返代理換會平o的呢,,是大工,中工,定細工呢,,,取價幾錢先合理呢。 萬分感謝
敏記 ngyukman478@hotmail.com
我都唔知!但係最簡單就是睇下隻油氈有無邊,有邊就一定要打散,人工貴過零件.
|
12/9/2005
|
SYM 大鯊王 食油大問題 Thx
老鬼大人你好 初來報到 多多指導
我買了一架SYM 大鯊王 00', 發現食油很大 ($0.6/km), 已換了計油, 仲有咩問題?
Thank You
Alex Wong wongs9d@hotmail.com
風格,火咀呢?
|
12/9/2005
|
漏電油
漏電油
唔知電油有冇可能漏入偈油到? 我朋友冇用車幾日而且off了油Cord先走但幾日後就發現冇晒電油而且流入偈油度...有冇人知到壞乜?
PoMan poman86@yahoo.com.hk
會,off左都漏,油制壞左,還有化油器內有問題,電油由生氣位進入機器.
|
12/9/2005
|
o吾知部車好o吾好
我係個新牌!我想買部ZZR 250 o吾知呢部車好o吾好呢?
1)佢大o吾大食?
2)佢同CBR 250 RR比邊部正O的?
3)聽人講部車成日壞,是嗎?
4)壞o左零件好難搵,就算搵到修理費好貴?
十萬個THX!!!
o吾該晒!!
P
250四衝電單車大食得去邊丫？ZZR250和CBR250RR屬於不同種類，Kawasaki應該用ZXR250同CBR250RR比較。
聽人講....聽邊個講？
細車年份高就多問題，你部車咩年份？日本車的零件及維修費唔會夠歐洲車貴。
評論一部車好唔好，其實好睇價錢，車價貴自然要求會高d，幾千至萬零蚊o既平車行得走得就算。
|
12/9/2005
|
少少問題
想問VTR裝PK膠，裝那部份較適合？保護作用大唔大？
David
PK膠裝係車架上，作用只是保護引擎殼，都有一定作用o既。
|
12/9/2005
|
車胎一問
老編,why hornet 250 用180胎??部車極速是多少和耐用嗎??
PPK
係款式的問題，原廠俾左條5.5軨俾佢所以Hornet 250可以落180尾胎，但其實無咁o既需要。有關Hornet 250的問題請參看【車主報告】。有關輪胎呎吋的選用，視乎輪框呎吋：
4.5=160
5.0=170
5.5=180
6.0=190 or 200
|
12/9/2005
|
你會揀邊架?
2005 ZX6R -HKD82,000.2003 R1 -HKD79,800.你會簡邊架?
Alex
視乎咩用途而定。自己一個用車，唔見人，走highway多，揀03 R1
出來皮見人搵話題，跑山多，揀05 ZX-6R
|
12/9/2005
|
majesty
本人睇中一部majesty250是前碟後碟。請問入滿缸油約幾多錢及可行幾公里。唔該老編幫忙因明天下午要落訂。thank
kk
電單車入油通常都係幾十蚊到百零蚊，12公升油缸當你13蚊一L油，入滿咪一百五十蚊到？行幾多公里則話唔埋，每人唔到。不過起碼都捱到200km以上。
|
11/9/2005
|
續牌問題
我想問我部車行未續牌費期間比人抄左牌,之後我去運輸處續牌,d職員問我行未續牌費期間,有冇行路上用個部車,如果冇,可以行續牌份表格填番自己在未續牌費即時間冇行路上用個部車,咁就唔晒交另外一筆附加費(1日要罰一年牌費的0.33%)(計過要罰成三千幾四千蚊),但係佢話會交番比交通部,如果佢地查到你講大話要罰款5000元及坐監半年,所以我想問佢地會唔會查番我紀錄? 我應該點做? 應該博一博話自己在未續牌費時期冇行路上用個部車? 或者從實招來話自己有用過比一筆附加費?你地有冇人有類似即事發生,你地過時點做? 請比意見
raymond
搏唔過....
|
11/9/2005
|
新手急換偈油~
我想問,係咪有d車行換偈油會比較快?(什麼真空吸機)我想試下,起邊度有?(觀磄有嗎?),收費係咪較貴?盼望回覆~
新手
大角咀PGO代理利力有，唔會另外收費。
|
11/9/2005
|
有野唔明
Hi~!想問一問睇GP時見到d車呔多個呔套包住有咩用呢?同埋係大帽山見有d人用飛跪咁轉彎,有d就咁夾油缸冇乜大動作,請問有乜分別呢?但係睇GP時又個個貼晒地喎!Thx
明
包胎果d係電毽，跑track的slick胎要有較高溫度才能投入工作，所以要包張電毽保持工作溫度。過彎姿勢各適其適，最緊要自己覺得舒服，唔好勉強模仿。係街上飛跪磨包，通常都唔係賽車手所為，因為呢個動作有一定危險性，在馬路上亦無必要咁做。你睇幫iBike試車的賽道車手在街上行車，都唔會做飛跪磨包過彎就知啦。
|
11/9/2005
|
P牌買MAGNA 250 (二手)定係Shadow 400(二手)
本身想買magna 就算，但係補多少少錢都夠買shadow400,其實400會唔會太惡的呀對P仔，仲有假如真係買shadow的話，保險0個d係未會貴好多? 謝謝
呆企 cws12345@hotmail.com.hk
其實Magna 250都幾大架，相比Shadow 400唔會差好遠。保險費用請直接向中介人查詢。
|
11/9/2005
|
手指指
我想問下正確的手指運用，小弟前剎車制用中指及食指，極力子用中指,食指及無名指，唔知是否正確，我見一些賽車花式車手有時只用食指扣住，那是它的剎車制強化了嗎？因小弟試過只用食指不足以很有效地發揮，請指點！
手指指
你的手法沒有問題，最緊要自己覺得舒服便可。食指扣住係stand-by動作，最後都會用食指和中指操作迫力。
|
11/9/2005
|
RE:新女想學車
老編﹗麻煩你把以下信息轉告小魔女ar
小魔女，我arm arm考到P牌，係HK駕X學院學，你唔洗驚d車太高boo, 因為我都係得果5尺高，高多1mm都冇果隻，學院d車有高有矮，矮果d我雙腳前腳"將"可以放在地上，高果d單前腳"將"可以放在地上。放心去學棍波車la. 棍汳車好玩好多。你學車果時係唔應該會雙腳惦地ga，因為考試會肥老。高身車離地感好d，感覺架車去d，矮身車就安心d
如果你想知多D學車的資料，可以去鐵騎會館問下大家AR
細細粒BEEP
咪就係！
|
11/9/2005
|
超速問題
超速 15-29 要扣 3分,咁超速 14 要罰d 咩?? thx!!
Tommy
扣錢。
|
11/9/2005
|
why xt660?
老編大人,請解釋一下為甚麼是xt660?為甚麼不是別的更強的車呢?有沒有其他車適合如此困難的冒險呢?例如honda 的goldwing....載貨多又較舒適,不過後勤可能有問題....用油的品質不能要求太高,因為去到d山卡拉的地方,油的品質沒有保障...這個旅程真是有趣....
David
果兩架車係Yamaha UK贊助架，選用原因可能係在馬力、載重、維修和耗油方面有良好平衡。
|
11/9/2005
|
新女想學車
小女子好想學電單車,但人仔細細得o個5 尺,好怕上落斜要停車或泊車時唔夠腳長,咁o既高度抯唔抯到電單車?係咪學自動波會好d?
同埋學完pass左緊想買車la~有咩羊仔o岩我呢??多謝指教~~thx
小魔女
咪以為綿羊會容易d學，因為油門掌握冇極力子操作反應咁直接，斜路打八字重難搞。五呎高唔係問題，如果你識騎單車便會好好多。
|
11/9/2005
|
轉彎
老編呀老編！自從轉彎中招後,而家連點樣轉都唔記得呀，推軑就ok,但係訓彎點訓，我個人既重心姿勢都唔記得左,可唔可以教下我呀.......
失左憶
乜你咁大鑊咁？呢d心理障礙急唔來，試下去番駕駛學院度睇下人學車，坐一個下午應該會有d啟示。
|
11/9/2005
|
車鈦一問
老編呀老編,係唔係條鈦越闊架車就越定呢,點分ga?
通常400cc街車用邊隻鈦好呢,請俾d意見丫.
HC
條胎越闊，過高速彎越穩定，但細彎會變鈍，而且較耗油。胎一定要跟同級軨，唔可以就咁放條闊胎落去。400用160已經好夠。
|
11/9/2005
|
買車一問
想買隻羊,唔知邊隻好
Suzuki Address V125G ,PGO G-Max 150 ,SYM Joy-Max 150
有咩優點?
THXTHX~
請重溫【靚車檔案】及【車主報告】。
|
11/9/2005
|
份頭好弱
04sv650如想改善頭避震,先換油or換頭彈弓,如換ohlins會否太硬和幾?或有否其他選擇?
bb wallacetwm@yahoo.com.hk
可以加gold valve，換彈弓和換fork油。彈弓硬度係以個人體重為考慮，詳情可以問下cycle works。
|
11/9/2005
|
轉揸cb400後，對剎車有問題
老編你好，以前用開大cc巡航，我最近轉左cb400sf vtecIII，但係對剎車時信心比以前低左，因為試過一兩次急剎時車尾左右擺，好彩冇事，我都知係落尾break太多所致，但係發覺只用頭break收車好多時唔夠收，好危險咁樣，好多時都要連續拖波幫手先得，
1）這是否正確？
2）同埋落斜剎時好樁下，係咪又應該用少少尾break呢？
之前係其他Q&A度見到提及到，都機乎只用頭break，很少會用尾break，因為揸之前果架巡航車已經好幾年，已習慣左頭尾剎車比重用60：40。
3）想請教一下有冇咩方法可以順利過渡？
4）同埋cb400一般常用轉數係多呢？
心急
街車和巡航車的制動方法好唔同，街車90%用頭迫力便可，如果你話頭迫力唔夠收，便應去檢查迫力系統。落斜路時先踩尾迫力再扣頭尾力會穩定少少。常用轉數每人不同喎，最好力應該係開踢之後，以前舊款Big One如果保持在9000rpm以上便好爽。
|
11/9/2005
|
煞車有怪聲 :O
老篇唔該我想問問如果一般情況及力度煞車時尾鼓傳出一下一下o既"咯咯"聲是否正常?
我是抯細cc小綿羊
應該唔正常，常見聲音係吱吱聲，唔係咯咯聲，俾師傅睇下會好d。
|
10/9/2005
|
零件一問
請問二手NSR-PGMIII - Pick up coil, 架冷曲軸, 活塞環，Gasket 一共大約要幾錢???Thanks
NSR peter2so@yahoo.com
二手零件價錢不定!
|
10/9/2005
|
油箱生銹
你好我是臺灣的朋友,剛買一部grass tracker交車後才發現油箱內部生銹,還有的救否,備份出油口似有阻塞,切換到預備油,出油量明顯變少許多.
阿賢 mr540215@ms15.hinet.net
要徹底清徐銹積是不能,只或可以訂購俗稱洗油缸的化學清潔劑清洗,之後再在電油喉加裝油格來阻止銹積進入化油器.牌子是WURTH .專賣汽車維修工具.
|
10/9/2005
|
頭Fork漏油維修要幾銀
頭Fork漏油維修要幾銀pgm3
san
原廠零件連工包料,6百元到.
|
10/9/2005
|
轉數錶紅區問題
轉數錶紅區係定義係點既呢？
例如 CB400SF，成日摟到去紅區，會唔會好傷車呢？
平
會,,一定會死快d,機器轉數到這裏轉速以到高點,就算萬四,萬五,速度亦是一樣,識快車係唔會紅區.
|
10/9/2005
|
hornet 250
我想問原裝頭尾牙齒是14\45現想改為15\45想問會不會無力呢,定改尾牙46齒好呢
因頭牙到期.同改頭牙加大一齒有什麽麼好處及壞處呢
吳生
建議只更換大一至兩齒尾牙,等pick up勁d便算.
|
10/9/2005
|
關於【鐵騎會館】激活問題
很多免費的電郵空間例如 yahoo或 hotmail 等，都會將論壇發出的電郵誤為廣告電郵！所以都會全擋了！建議大家 到 www.126.com ，申請電郵再注冊www.126.com 也可以pop 3 來收信！剛剛試驗過，在注冊後五分鐘內已成功收信及激活帳號了！
洪七公
其實之前有部份人收唔到確認電郵的原因，係電腦發出電郵的格式不為部份server接納，現已更正，所以和免費電郵無關。
|
10/9/2005
|
買私人盤車(急問)
買私人盤車是怎樣交收的,怎樣把名轉我名?手續是怎樣的丫?可否詳細點....如果沒有時間解笞.可否介紹一些關於我問題的網給我丫謝謝你
p仔 roy1015judy@yahoo.com.hk
在【常用資料】用的「私人轉讓協議」大致上提到私讓交易的重點。當買賣雙方傾好細節後，買家要拿牌簿副本搞第三者保險，出左臨時保單先可以去運輸署搞過戶轉名手續。
|
10/9/2005
|
AN 400 TYPES
老篇唔該我想問問０３同０４AN 400 TYPES S有咩設備上多左或唔同左．．唔該???
小朋友
應該冇。
|
9/9/2005
|
ER5
想換中量街車,日常返工代步,心水車sv650s,但ER5特價$42000又好吸引,0係中央車盤有部04年sv650s貴幾差0野,因ER5車主報告得三個,0係街都係見過一次,0的人少出係0米因行尾鼓同幼0太關係(逆潮流而行?)反而sv650s0係車主報告講真係冇乜缺點,老編你話點揀好
chi
雖然話係返工代步，但人始終都係愛美動物，你咁問得即係鐘意SV650S，老編怕你買左ER-5之係，仍會死心不息，到時一樣唔快樂。建議先玩下心水車先，等試過一輪之後，先揀ER-5新車，起碼叫做「試過玩過」...
|
9/9/2005
|
Re: 入廠
老編﹕應是這樣的，我係6波時收油，按極力子，然後踏底一波即5波，再放極力子，一轉到5波時，連再轉多一個波的時間都冇，我就立即聽到波箱發出"咔啦咔啦"聲，好似滑牙聲咁，之後部車就冇力、慢流、然後死火停係路邊，死左火時我知道部車應仲係5波果度，之後先由人手轉番落空波然後推車。call車求救其間，試過再start部車，有"喳喳喳"聲，但start唔著部車。D師父現在還在check車中，我都唔知咩事，只知到用左部車約1小時，係我手上行得果25公里左右咁就要入廠la。唔知老編知唔知發生咩事同大唔大獲呢？
細細粒BEEP
代理買新車有保養，唔使咁擔心。你的情況老編未遇過，無從估計。
|
9/9/2005
|
零件 - 中英文一問
請問 "Pick up coil", "Crank Shaft", "Piston ring", "Gasket" 既中文叫乜啊??? 我外國架戰車坏咗....但係外國搵唔到Parts, 香港車房又唔明我想要乜......有無人可以幫下我啊........Thanks
NSR
嘩你架車要換咁多野呀？Pick up coil中文真係唔知叫乜，crankshaft架冷曲軸，Piston ring活塞環，Gasket砧口。Pick up coil係數住曲軸轉數的磁力裝置，你咁講車行師傅都唔知係乜？
|
9/9/2005
|
入廠
老編呀﹗﹗﹗............今早去取部新車CBR150，當然入滿油後試下架車la.點知行左26公里部車波箱係6轉落5波時滑牙，部車即時冇力自已慢流後死火，電撻、推撻都唔著，最後call車入左廠。而家未知咩事。請問點解會咁ga?好心痛呀。試車期間，4.3.2.1波轉冇問題，但第一次上到6波後由6轉5就出事la.... :((
細細粒BEEP
6轉落5波時滑牙?即係點呢？變左空波？還是卡住在六波或五波轉唔到波？
|
9/9/2005
|
驗車
電單車幾時先要驗車，如果買十年車齡D車真係煩.
吹BB
現行香港法例電單車只需登記時驗一次便以後都唔使驗。
|
9/9/2005
|
Majesty125
你好阿.我想問下Majesty有幾多種阿?我見有YP啦125FI啦.有什麼分別呢?可以詳細說明一下一共有幾多種嗎.有什麼分別丫.價錢那種貴些呢?實用性那種好?等等啦.謝謝你...
陌生人 roy1015judy@yahoo.com.hk
你去會館度搵YP125車主現身講解重好啦。
|
9/9/2005
|
P牌
請問老編P牌過了但對自己的技術還未有信心=.=所以重掛住P牌這樣合法嗎?=.=
VAN
應該唔合法，你可以自製一個新手標記，好多46司機都係咁做。
|
9/9/2005
|
去萬里達買左部倉底貨，等呀等、等呀等，等左成3個星期，都未知幾時確實有車用。
依家仲等緊海關批減價，之後又要排期驗車，都唔知趕唔趕到中秋出車.............
等呀等
係呀，香港政府好驚人地漏稅架，車行訂立車價要俾海關批架，驚車行刻意報低車價打少左稅喎....
|
9/9/2005
|
祝大家交通安全
群雄好！！小弟渣左２年幾羊仔，自從考牌之後到而今都未渣返過棍波∼ 家下想換部棍波車渣．．有ｄ擔心唔多掂同埋唔知有咩車岩換，小弟會渣車上班代步的又有咩好介紹呢請問？？唔該晒∼∼
老編萬歲
CB250?
|
9/9/2005
|
suzuki車的問題
請問,suzuki牌子的250cc款的街車極速是多少?250cc款的羊呢? (suzuki too)謝.以上問的是全新,沒改裝過的車.
suzuka
250街車都有分單缸和多缸車，一般由110km/h至160km/h不等。250綿羊就約莫130km/h。
|
8/9/2005
|
runner 200
請問比油起步有d震 是否有問題
ａｌａｎ
正常。
|
8/9/2005
|
大帽山夜車
當晚(11:30)從錦田上山頂,過右灣時有迎頭三部車Downhill, 兩部飛仔車尾隨一部普通慢車,竟在灣中cut雙白線爬頭,剛剛好,只差一尺,我就迎頭撞,必死,事後好驚,希望佢地早死過我,同埋我以後唔會夜上大帽山.
文記
老友呢d咁人神共憤o既事，應該發去【鐵騎會館】俾大家討論較適合。
|
8/9/2005
|
Fairing Bike
我就來甩P了，不過呢年入面其實冇點駕過車，如果我一來就拿架fairing來玩，咁樣會唔會好似好危險呢？我d技術又唔係好好，有小小惆悵...
331
CBR150R
|
8/9/2005
|
停車場?
旺角停車場位?
請問有冇那位大佬知道旺角那裡有停車場位泊????如有,多少錢?
本人已知道太平道間wils-n 停車場是冇的. 謝謝
老友呢類問題應該發去【鐵騎會館】比較適合。
|
8/9/2005
|
你地好 我想請問各車友有沒有試過路試後投訴考試成績, 結果如何?
joe
老友呢類問題應該發去【鐵騎會館】比較適合。
|
8/9/2005
|
車尾箱
本人剛買了一部大綿羊，想装尾箱，但師父話要我自行裝尾架至可以裝大箱，請問除了找原裝車行外，有否其他車行選擇，請提供，多謝幫忙！！
CAT bobocat8888@yahoo.com.hk
點解佢唔幫你裝埋佢尾架呢？冇錢俾呀家下？
|
8/9/2005
|
Re:收唔到驗證電郵
我也收不到驗證email,而我的電腦是沒有電郵過濾的.不過我已經登入了並發表了兩篇，是否老編「做左手腳」？
monster
初步檢查出問題所在係send出的驗證email格式，有D server唔受, 所以收唔到。現在有問題的email暫時改為人手驗證。
|
| |
|
|
|
 |
