|
|
|
FAQ常見問題 |
|
|
8/9/2005
|
Triumph Watches
請問老編現正開展的鐘錶展覽非業界人士可不可以入場參觀？有曰期或時間限制嗎？
monster
應該只限業內人士，但相信你去到門口扔低張卡片扮買家搞登記手續便可以入場。
|
8/9/2005
|
Re:收唔到驗證電郵
老編:會唔會佢地個認證mail放左去垃圾郵件匣度?(Spambox)
如果D mailbox有自己隔除不明mail o既公能的話. 好多時D mailbox會自動將D不明mail放左去垃圾郵件匣.
e.g. hotmail係其中一個
超
唔敢肯定佢地o既email如何設定，但亦試過發現有人填寫的email地址，不是來信報稱收唔到email果個....
|
8/9/2005
|
re: 收唔到驗證電郵
剛知道有部份車友登記了【鐵騎會館】之後，過了一段時間仍未收到驗證。由於有人收到有人收唔到，事態相當古怪，現正研究原因，並同時人手批核了一部份申請。如果閣下完成登記手續但仍未收到驗證電郵，可再次嘗試登入會館。
如果閣下完成註冊手續但仍然未能成功登入，請來信告知「登記名字」和「電郵地址」，我們會盡快跟進。不便之處，敬請原諒！
|
8/9/2005
|
RE Runner死氣喉生鏽
想老編問防銹油可以頂到禁高溫嗎...在那裡可買呢...thank you!
kk
咁又係喎，真係唔敢肯定防銹油頂唔頂到咁高溫....不過橫掂你條喉都翻噴過，一試無妨丫。
|
8/9/2005
|
機油一問
我部車是sv650已行4000多公里已換弟二次機油請問用全合成or用半合成好如果用半合成是否換密的如果用全合成是否對機器好的。鈴木是不是有車會那裡找到or綱址同埋那裡找到鈴木kit野or綱址。多謝老編回答
鈴木仔
行左4000km/h可以用全合成偈油喇，炳都炳得放心d嘛。但係用靚偈油唔代表可以耐d先換油。用search engine搵下，歐美大把SV kit料啦。
|
8/9/2005
|
留牌
請問車牌轉名+留牌可以點做 部車可唔可以出個新車牌 要幾多錢 因為個牌之前係幫朋友留起 謝謝老編
醬爆
你試下search番以往留言睇下，或者去會館度問其他人。
|
8/9/2005
|
老編,你可以嗎???
http://hipaper.hinet.net/member/images/show/03240641111.wmv
PPK
發夢果時就得.....
|
8/9/2005
|
扭力加速器
裝後有否影響尾段呀？耗油量又如何？Thx!
Q8
講左九萬幾次我地冇用過，呢類問題應該去【鐵騎會館】問大家嘛。
|
8/9/2005
|
suzuki新羊
請問部新款日本suzuki 125 行i 綿羊幾錢?其實我都幾鐘意suzuki 細羊, 可惜部部都十寸輪,你個friend有幾部suzuki仲要買? 點解?如果這部貴過大陸版an150, 咁買佢係咪唔值呢, 話晒果部都150cc,係咪真係日本製同埋行i會貴好多呢?
求知者
售價接近兩萬五，人地有錢嘛，買車好似買菜咁我地等個睇字。日本製造真係會襟用好多。
|
7/9/2005
|
電池壽命
我想知道一舊環保電既壽命有幾長，本人於上年12月買入全新大鷹王200直至現在，發覺電撻開始唔夠電，但用腳撻可以輕易著車，我實在分唔出係電池有問題還是火咀濕左，本人一星期約用3-4日車。
jony jonyb13@gmail.com
應該係電池問題,返代理八下,一般電池最小有一年壽命.
|
7/9/2005
|
頭Fork漏油維修要幾銀?
頭Fork漏油維修要幾銀? My bike is CB250N. Tks!
miclee kklmic@ctimail.com
600元到!
|
7/9/2005
|
唔知點解我架vet2洗完車後，把電子扇唔著，會唔會係冧濕左d電線，己查看保險絲無燒到，如果係怎麼做，thx老鬼。
vet2
洗車時有否整斷線?水箱個感應制呢?
|
7/9/2005
|
cb400vtec 水箱水一問
你好,本人今早返工拍低嫁車後發現右邊車底條細膠喉漏綠色水箱水(大約8-9滴) 知前并沒有這情況發生,,(是不是部車水滾)..請問是什麼原因,*多謝回覆*
tec仔
首先撿查一下風扇會否自行開動,跟住就係水箱蓋同水膽.
|
7/9/2005
|
鐵騎會館 經已啟動
各位車友，經過一輪趕工後，鐵騎會館終於完成第一階段建造工程，
現已啟動為各地車友提供一個車人車事的免費交流平台。
各方車友如有留言或討論，歡迎利用鐵騎會館
謝謝！
|
7/9/2005
|
為什麼我仍然是「等待驗證用戶」?
老編：您好，我在鐵騎會館登記了一個A/C，
User name: w*n*h*2*5
Login了，入到去，什麼都唔俾用。還有是如何把自家的jpg，Upload到鐵騎會館變成頭像。
同時可否在每一個留言，都強制自動留下留言者的IP，以防有人攪事。
WONG Ho Ying
你要check番email，有條link俾你activate你個戶口。
|
7/9/2005
|
「老編代答」....係時候摺????
老編你好~可能同樣的題目[問得多答得多]人就好自然覺得枯燥乏味,但[你們]的作答對發問者是強而有力的幫助~~請老編[你們]明白,日日都會有須要你們援手的人,現在所做的事很有意義.
P Man
先多謝P Man的鼓勵。
初步意向【老鬼信箱】和【鐵騎會館】
兩者功能不會重疊，老編和老鬼會繼續留守舊舖，「車友留言」則會搬去新舖。
預計新舖會吃香d，因為有問題係新舖問，會有好多熱心人幫手補充意見，重可以貼相，討論題目可以集中一d觀看，館員之間可以互通短訊等等優點。
|
7/9/2005
|
回應扭力加速器~~
我用開HONDA STREAM 125CC,我係車主要
細車就有用,大車就無用.......加速好D
Dick
|
7/9/2005
|
2個6轉款周期問題
你好!我想問下2個6會唔會好似4個6禁,每年小轉款,4年一大變?謝~
Egg
以前就兩年一小轉，四年一大轉，但由06開始，見到部份車廠一年小轉款，兩年大轉款，甚至有車廠推出新一年，第二年就馬上出新款，新車主真係俾佢跣到灘攤腰。日本車售價不及歐洲車的其中一個原因，就係轉款轉得密過歐洲車。家下咁樣你叫人點敢買呀？
|
7/9/2005
|
手震震
04年CB750,全原庄車,無任何妀動,只加了風擋及護架,如果引擎達到三千至四千轉,呔盤
震動令到有手震的感覺,有什麼解決的方法(因為開車時會感到手軟)?!
V仔 scm200231@sinaman.com
你意思係話未裝風擋和護架之前，架車冇咁震？咁就要重新裝多一次風擋。如果你話震到手軟，咁ja哈利果班咪震到手斷？應該係你用力過度，唔使握太緊o既。
|
7/9/2005
|
c400 裝尾架
想問下點解架架cb400尾fairing下面個把手(裝尾架個個)都唔同款
甚至有d車會無?
J
你講原庄車架架都唔同？唔係好明你想講乜？
|
7/9/2005
|
扭力加速器
Honda @Stream 125如加裝扭力加速器,行車反應有何分別？(是否差好遠？)加裝後會否對部車有不良影響？另如想加裝電王可將電王放在那裹？(電池在地台,有否位置放？)
Q8
我地冇Stream 125亦都冇用過扭力加速器，所以答你唔到。電王有三呎電線跟，可以拉係其他位置。
|
7/9/2005
|
(絕對免息.0首期出車,免息循環信貸買車)信得過嗎?
有些車行寫住(絕對免息.0首期出車,免息循環信貸買車)信得過嗎?是怎樣的原理呢?請介紹一下什麼是"絕對免息.0首期出車,免息循環信貸買車"
心急人上 roy1015carol@yahoo.com.hk
「絕對免息」即係一開始賣價已包含利息在內，現金價會平d。「零首期出車」咪就係零首期出車law，咁都唔明？
「免息循環信貸買車」呢個就比較特別，留意成組句字，呢個唔係一個信貸融資產品，而係車行提供的「服務」。
「循環信貸」係一個o/d透支戶口，利息係以借貸戶口每日的借貸結餘來計算，借得多但還得快的話，便可以慳到利息。
「免息循環信貸」如果唔收一定金額手續費的話，唔會有人肯做，因為會賠本。銀行要計算資本成本，莫講話借出的去錢，即使未借出去的錢，只要你講左借，銀行便要留定「頭寸」俾你，「頭寸」一樣需要資金成本，所以唔可能會有「免息循環信貸」，除非間銀行係你老豆開。
「免息循環信貸買車」就完全係兩回事o勒。之前講過，「免息」即係利息包含在車價之內，「循環信貸」即係以收車價清左舊數(但多數清唔晒)，餘額和新車價便再以借貸方式支付，前後係有兩套loan，但車行和財務之間內部做晒野，淨係net左最後個動作出來，咁你咪以為係「免息循環信貸買車」o羅。
+++++++++++++++++++++++++++++++++++++++++++++++
老編好耐都未試過答題答得咁詳細。但呢題係和電單車無關的，可見老編對「老編代答」呢個動作已經做得好枯燥好乏味....係時候摺。
|
7/9/2005
|
RE : 又抄
你有冇留意下應該係黃腳立抄的，第時外判抄牌，抄得仲勁，因為係冇 basic 的，公司分佣制，多抄多得。到時唔上街抗議的車主就真係.....，依家要強列 D 反對，唔好又俾 D 乜所謂車會副主席給意見，佢地大把 M，否則仆梗街。
車神
|
7/9/2005
|
老編你好...本人喜歡fun bike類型車..
但又能跑長途..有甚麼可以選擇???big boy..tw225.......謝謝
jim
Fun bike都可以跑長途，慢慢開咪得o羅。老編鐘意Big boy。
|
7/9/2005
|
學生
我想問保險公司會唔會替學生做第三者保險...我問過保險經紀佢話唔受...老編...有沒有好介紹...
學生哥
照計夠十八歲，俾到錢，應該買到三保？
|
7/9/2005
|
Runner死氣喉生鏽
我的Runner死氣喉生鏽,自己買高溫油噴,之前我都自己噴過,我噴之前用鋼線擦+砂紙整到表面好乾淨先再噴油,但好快又生鏽.請問噴高溫油之前需要做些甚麼??是否我清理表面有問題??如果我噴完之後買D隔熱貼包住個死氣喉可以減輕生鏽問題嗎??Runner死氣喉可用隔熱貼包裹嗎??
Runner車主
先上防銹油。
|
7/9/2005
|
電單車位經常不足
最近發覺比以前更難搵位,尤其旺角區.等位等到火到O黎.拍後巷又俾人抄牌.係唔係唔俾人駕車.香港跟本無民主.係唔係要全香港電單車遊行慢使.攪到D交通癱瘓晒,政府先開心???
同佢地建議加位,又無o左件事.個個都話唔關佢事.個個係度推~~看來都要放棄架車先得....
等到氣憤
|
7/9/2005
|
LX150 最多可行多少里數?
LX150里數錶只去到99,999km, 是否到十萬便不能用?LX150最多可用幾多年?
Vespa LX150
當然唔係，行到盡便番轉頭由零開始。
「LX150最多可用幾多年? 」好難講，冇撞過，有正確保養，又永遠有零件更換而你又肯俾錢換的話，任何車都可以用好耐好耐。
|
7/9/2005
|
沒有牌簿
如果在當房買二手車，可唔可以再出牌，手續怎樣辦.
ken_stshk@hotmail.com
話明係湯房，車輛早已取消車輛註冊。你要重新辦理一次車輛登記手續，包括驗車和繳付稅款。但部車都拿得去湯，重敢買？
|
7/9/2005
|
急問
00/01' YP125 賣18800.買得過嗎?YP125是什麼牌子車呢?
心急人上 roy1015carol@yahoo.com.hk
你連係乜牌子的車都未知，咁都想買？YP125係台灣山葉Majesty 125。有多代版本，例如行化油器，行「i」，行電子錶板或指針錶板。價錢是否吸引，請參看【買賣搜尋】中的同類盤造價
|
6/9/2005
|
AN 400 火咀位置
本人曾檢查過AN 400椅底, 但只係揾到set 怠速螺絲, 揾唔到火咀位置, 請問有無人知火咀位置?
係前面u形膠裏.座位對落.
|
6/9/2005
|
Honda Foresight 250
由4月出新車, 現已有少少維修問題要請教 :
新車時,速度可做到 130 km/h; 至今行左 10,000km 速度便未能做到 120km/h, 請問這是機器有問題, 或是一般消耗, 可否需要更換什麼零件 ?
心急人
check下火咀同風格先!
|
6/9/2005
|
有事請求--急回複--謝謝
本人架:cb400,要換[電子點火]請問全新:大約幾錢?呢
如車行代換[人工,又會多少錢? ]
---請急回複,萬二分多謝!
hong hung@wingchit.com.hk
全新更係問燦基..好易換,3粒螺絲,人工好平.
|
6/9/2005
|
re:大鷹撻車問題
全原裝,沒有加任何電器.
green
即係問乜?
|
6/9/2005
|
保養問題
請問老鬼cb400vtec想放水箱水
我係車身左邊近水泵位置搵唔到粒螺絲呀唔該哂
粒螺絲係6角定係其他螺絲頭呢?
留意一粒是有銅介子.
|
6/9/2005
|
Re: 我星期3考筆試la
飯仔﹗其實考筆試真的唔需要驚wow. 好似答問卷調查咁咋ma. 如果你連考筆試都驚的話，咁到你考強制同路試時咪仲驚，驚到手軟同腳仔軟，如果係咁的話，到時實肥硬。
你只要睇多d問題，做多d模擬，做到冇100%correct 都起碼做到98%呀，考試果時記得double check﹗起碼自已盡左力ma﹗
細細粒BEEP
|
6/9/2005
|
我想問下 CBR400 係唔係好耐用呀.. 年份都唔洗理
新車推出果時梗係耐用架，咪用到而家o羅。
|
6/9/2005
|
我星期3考筆試la
我星期3考筆試...但係我既大頭蝦作風...唉有點擔心,一到考試果陣就好緊張...都唔知點算,呢關過左, 仲有強制試同埋路試....皮質醇開始上升= =
飯仔
好簡單，飲多d雞精…
|
6/9/2005
|
支持油公司加價
加啦,最好就20蚊一升
華北風流動力
你講野咁似d議員o既？淨係提出主張，但係冇講理由？
|
6/9/2005
|
回應有部棉羊訓底左
可通知就近的警員或做下好心幫手扶番好部車
免傷及無辜,部車事少人命傷亡事大
事不宜遲,功德無量
絕望的金三角
|
6/9/2005
|
Re:車x乘門口貼出內地遊客參觀每位10元
有時唔係想'其'視D大陸同胞. 其實只係好多大陸同胞太過份. 佢地成日抱住'客人就係大灑'o既心態買野/睇野. 變左好似老編所講咁. 攪攪震, 無幫襯.
好似我女友D親戚落黎玩. 入親D咩野鋪頭, 就試灑全部可以試得o既野. 完全無諗過自己鐘唔鐘意. 同個親戚講話咁樣唔好, 佢地就會話, "唔著上身, 點知好唔好睇". 所以唔難想象車X城點解會咁做. 我地香港人就睇中先會試. 大陸同胞多數都係試左先去睇自己鐘唔鐘意. 咁攪法. 除時一個大陸同胞就已經可以玩轉間鋪.
超
|
6/9/2005
|
"P"牌一問
老編你好。小弟參考貴網頁差不多大半年了，獲益良多，今次是第一次來信請教問題。我的"P"牌期限已過了大半年，一直沒有駕電單車，可是我打算在不久之後買車。想問：
1.如果已取得正式駕駛執照，但"P"牌仍掛在車上，遵守"P"牌限制，若一旦被警截查，會否被起訴?
2.我的體重約90KG，學車時由亞皆老街左轉上天光道途中車竟死了火(1或2波中)！想問一下如果我用250cc的車，行同一路段(或更斜如上山頂)，車子出現"死火"或"超慢"的情況如何?
3.我看到有二手的HONDA VTR250 及 HORNET 250，請問那一部車會好力D? 直四偈是否比V2偈"襟"和維修費平?
4.我需要經常長途，又要上斜落斜的，如果選用陳年的CB400(10年或以上)，會不會較適合?
5.現時電單車數目不斷增加，老編你們有否打算開班授徒(如選車、搶修、安全、保命、法律漏洞...)呢?
祝 出入平安
A.W.
1)你可以掛個新手而不需掛P
2)死火是因為操作問題，不關車種問題。
3)低扭差唔多，尾段馬力會係直四Hornet 250，直四和V2都一樣咁耐用，維修費會係V2平d
4)用400當然較適合，但如果揀到部問題多多的陳年佳釀....咁就頭痕。
5)冇。
|
6/9/2005
|
燦基回覆
老編可幫忙找找有什麼網站有資料
問題:分辨VTEC1及2除了看車身花外，是不是可以睇引擎編號來分呢???
++++++++++++++++++++++++++++++++++++++++
燦基回覆:您好！多謝閣下之查詢。
VTEC1與VTEC2是可以根據引擎編號來區分的。詳情請於辦公時間內致電客戶服務中心查詢。電話：(852) 2322 0039 客戶服務中心
地址：香港九龍新蒲崗四美街23號利森工業大廈第三座地下
電話：(852) 2322 0039
傳真：(852) 2323 1768
辦公時間：(星期一至五) 09:00-19:00；(星期六) 09:00-18:00；星期日休息
燦基電單車行有限公司謹啟
本田愛好者
人地都叫你打電話去問咯，你重搵乜野姐？
|
6/9/2005
|
煩多你一次
之前問過一次,但沒回應,可能是my pc問題,now煩多你一次
何謂burn呔?scooter可以嗎?fairing車又如何?thankyou..
矮仔
尾胎在地面空轉至出煙。
|
5/9/2005
|
潮流興3輪?
Peugeot 20Cup Concept
http://www.rsportscars.com/foto/09/20cup05_01.jpg
http://www.rsportscars.com/foto/09/20cup05_09.jpg
http://www.rsportscars.com/foto/09/20cup05_08.jpg
WONG Ho Ying
|
5/9/2005
|
煙頭點唔點得着電油?
我樓下有部綿羊訓底左, 成地電油, 如果有人 dum 煙頭會唔會一鑊熟 ?
pgm-r1
梗係會！
|
5/9/2005
|
26友同一條link身從後追上
26友點解好多人用同一條link身從後追上,這樣係唔係不對呢?
不平人
雖然電單車不應同線超車，但冇乜人理會。
|
5/9/2005
|
CB400
照老編及P MAN的講法.介紹我朋友抯250cc車會否較適含???
ps: 多謝P MAN及老編解答
拔刀相助
一定會安全d。
|
5/9/2005
|
re:長期報告
其實ibike有沒有打算搞個公開投稿關於自己的愛車呢?(不過又好似好食資源咁@.@")
燎
現時已經有【車主報告】，相信對準買家來說已經有很大參考價值。
|
5/9/2005
|
reply 拔刀相助 及 各新手
我都是新手揸超4,超4的性能對新手絕不是講笑的,揸超4吾好急慢慢來最緊要定.
多練習打八字去熟習油門/離合器/迫力,你有機會0速跌車一次.吾好怕...慢慢放車落地,記住跌車的感覺,知道個平衡點去到邊,對腳落地反應要快,對日後慢車/停車平衡幫助很大的.多練習柔順拖波配合收車,停定先落一波.未熟習部車的性能之前,正常情況下不論直路或灣路都吾好超速呀!切記呀!!!
例如入灣速度過高(部車快過你個人),有機會連人帶車向灣外失控(波out),後果非常嚴重的:[有越過對面線直入車底/連人帶車掛上鐵欄/上山落海,通通魂歸天國]問你怕未???
如遇此[波out]情況,証明你入灣速度及身位不正確.首不要慌亂,慢收油門至合適車速同時用身位幫車過灣,動作要柔順,萬不要突收頭尾迫力,不要問點解!!!多學習及理解駕駛的科學常識.
記住呀~揸電單車須要好的[判斷力]絕不是[斷估]果種,[判斷力]高低反映你在馬路上的安全指數,[判斷力]部份由經驗累積得來,不要輕視及高估你的[判斷力].小心駛得萬年船呀.
個人心得不須認同只求分享.
P Man
|
| |
|
|
|
 |
