|
|
|
FAQ常見問題 |
|
|
23/8/2005
|
Re: 仲有野想講
投先睇完網頁頭條，又有縱火狂燒車，更感到香港警察（或政府）的無能！平時只係識得抄牌，將我地係咁趕，但政府又唔整多D 車位出黎，咁想我地點？個個都唔再渣老電走去搭巴士？又唔見D 差人走去捉下燒車狂徒同偷車既人？差人識得做D 乜？我有立稅架！你收得我地320蚊唔該做返D 野啦！
Steven
===============================================================================
有頭髮無人想做瘌痢，告張票又要俾人瘋狂係咁小，又要寫祭文，呢D係吃力不討好既野，你有無試過每次盡力做好份內既工作，仲要俾人咒罵俾人小？佢地只有安慰自己食得咸魚
抵得渴。
警察都好想去拉哂燒車同偷車班杏加橙，但你要明瞭一個接近集齊「所有政府部門權力」於一身既行beat小警察，每日都要用好多時間、去做好多唔同類型既工作：返屋企唔記得帶鎖匙但水喉無閂好咩？打三條九law! 兩公婆嘈交咩？打三條九law! 隔離屋炸機咩？打三條九law!唔見o左隻豬咩？打三條九law! 隻貓o係樹上面落唔返黎？打三條九law! 兩車輊微碰撞傾唔掂呀？打三條九law!......
總之大至死人lum樓，小至芝麻綠豆，全部都係三條九，要去捉賊既時間又剩番幾多？況且，一個警察巡邏既地方有幾大、要應付既人有幾多你又知唔知？唔好將你自己累積既怨氣發洩o係唔應該發洩既人身上！警察都係立稅人，唔係淨係你！
盤棋捉得差唔係隻棋有問題，而係出於捉棋o個個人，希望你明白。
隔離檯
|
23/8/2005
|
敬請以平常心觀看此留言
良景村的泊車問題警方已作出最大的通容了
在此區步行10分鐘內就有一個免費位和一個月費200的露天位
車友們我自已也每天從良景步行到良運街那裡拿車的
呀周
|
23/8/2005
|
華潤呀嬸抽水
昨夜到華潤入油,貪佢有9節,入完後我見到個油錶跳字上例明105.5蚊....,我的數口很差的關系....所以便問呀嬸幾錢呀??呀嬸就話:多謝105.5蚊!!
之後我問:乜電油唔係有9節咩????呀嬸當時表現有點怪.....大約三秒後...呀嬸話自已唔識計叫我去收銀處自已比~~~~
難夢幻滅
|
23/8/2005
|
Re：抄牌
隔離檯可能唔清楚良景巴士站既情況? 其實良景巴士站個位係的士站同巴士總站之間既人個島仔 , 行人不多 , 可是如果多的士同巴士停車時 , 出入就幾危險下 , 下下都好貼d的士同巴士先入.可能有d朋友出出入入時赫親d的士大佬又或者激怒他們 , 在早上 , 哥個位就好多學生同等的士既人企... 可能他們都係其中一個因素 :)
我以前係良景LRT非法位泊車 , 不過係初四20車大屠殺之後就轉左去建生村泊, 良景停車場有電單車位 , 有蓋又唔貴 , 不過建生村就$200 比良景平$50/月 , 又可以行下路而且個位係職員對面 , 只係行兩步又唔怕無位被抄又唔怕雀屎又有好DD既保安 , 好好呢 ^^
講真.....泊非法位就要預左比人抄.....好似超速一樣.....良景非法位已經比其他地方小抄架啦....
燎
|
23/8/2005
|
Re：抄牌
屯門良景邨巴士站抄得勁，估計有以下原因：
1.有人投訴o個度非法泊車
2.有唔生性車友抯架車上行人路去泊車地點時嚇親(得罪)D市民，因而惹投訴
3.呢排燒車燒得咁勁，D車泊哂o係巴士站附近對其他人構成危險，有人借D意投訴
只要投訴file一開，警察最少o係一至兩個星期內，在軍令不可違既情況下，開宗明義咁進行大屠殺，你估個警察真係咁想趕盡殺絕咩？你又知唔知「人權只應市民有」，警察係無架(可能警察唔係人)。好多投訴人因為唔信警察，拎住部view cam企o係投訴地點附近匿藏，見個警察行過而又唔告D非法泊車就影低佢，之後拎去投訴、又拎去ICAC話係咪收受
o左非法泊車班人o既利益，俾你係o個個警察，你會點做？
搵區議員投訴？其實好多時向警察投訴o個個人咪係佢地law，但電單車位不足呢個問題又唔向運輸處反影，因為叫警察抄牌，警察即刻做、效果即刻見到，叫運輸處做野就唔係咁簡單喇，要徙好多時間跟進，大佬，人地區議員自己本身都有份高薪厚職既工作，如果唔係競選連任前夕為爭票，仲邊得閒理你；當然話雖兩頭，當中都有不少為市民勞心勞力既區議員， 你咪儘管搵多D泊果頭既車友，試下一齊向佢地反影下law
隔離檯
|
23/8/2005
|
回應:JJ
有隻嚮碟鎖幾好用 XENA唔怕用左部車ｄ電一碰即嚮 自己開慢ｄ都騖成110分貝
我自己用XMS-10 10mm鎖芯4百幾到啦銀色 電唔多用到成9個用記得落車com唔好為左一時方便com鎖唔少得 三四把鎖真係指定動作 分多一份匙係屋企 唔見左自己真係唔識開^0^頭頭跟身
路人甲 re:JJ
|
23/8/2005
|
RE: 換車
老編您好:本人剛甩"P"現役坐騎係hornet250，現在想換車(本人坐騎用途係返工放工，遊山玩水等等，一天大約行30-40公里左右，經常行highway)，現有心水車如下(本人只愛街，跑車):
1) CBR600rr
2) CBR600f4i
3) SV650s
4) Z750s
請老編俾的寶貴意見，多謝!!!
Lawrence
四部車各有所長：Z750S最舒服，CBR600RR最好玩，CBR600F4i最便宜，SV650S樣樣有d。睇你要乜(重有考慮泊位會否刮花和防盜性問題)
|
23/8/2005
|
特發奇想....
政府好多野都要報紙新聞揚曬先去做dd 野....有壓力ma...咁不如我地開老電gei each 星期/月 搞番d 反泊位不足大遊行...反偷車大遊行..etc 遊下車河咁 唔知可唔可行LEI~ XDDD 個個星期/月見報..政府好難唔做野GA WO ....HOHO...
dtwo
|
23/8/2005
|
re:無法無天
就係因為咁....d 露天停車場 電單車位都可以叫價 4百幾一個月..= =|||
時組 叫價同私加車同價. ><|||||(都見到好多人泊wo...多數係跑車)
重有就係...你幾可見過政府有做過做福市民gei好事-.-"
dtwo
|
23/8/2005
|
埃索青衣南油站入油送整花油缸！！
本人22-08-2005駕駛本田vtec I入完油後好自然簽咭後便走人！！點知個入油員比張單我時連同佢張大佛金屬咭(護身符)跌落個油缸到，花左之後佢地話公司唔會賠只會入油員賠，咁我架車仲好靚！！原本個入油員話賠..點知聽到話要$800噴油話貴..只可賠$100。之後米報警警員到場只可民事起訴入油員$800警員再問入油員時佢反口話無整花我部車！！後來警員見到有cctv重播後同入油員講個過程好清楚係你錯。先有得賠最後個入油員話無錢平D又話唔想比公司抄賠$400最後本人打電話去埃索公司佢地都話入油員賠，好似唔關公司事。如果唔係有cctv本人連$400都羅唔反食自己！！
1)請問職員整花客人部車後佢地反口話無真係口同鼻講點先可以保障車主？
2)請問佢地油站識員根本知道唔認數就算報警都係民事起訴，唔通為左小小錢起訴佢。除非成個油缸換左。
wing
wing:
你的情况已算不幸中之大幸！
有客户的愛駒被刮花後"冇仇報"，因涉事者不知何人；有客户被撞後原本對方同意賠償，但後來反口，還誣衊事實，反告客户要求賠償、、、
幸好有CCTV，讓事實勝於雄辯。當然平日最好多增進交通賠償之知識，有事時便更懂得保障自已！
佳保公証行
|
23/8/2005
|
無法無天
老電人被趕盡殺絕 慘慘慘 慘個做小販走鬼 偷車燒車狂徒目無王法(唔通香港真係去到一個目無法己的社會)我地小市民找個位泊老電車己難到登天又要防偷又有狂徙放火冇得防 放低部車轉個頭可能已經唔見左 一係就比警察抄牌(警察先生你話我地小市民可以點做)有唔少警察都係用老電張心比己如果你地好似我地今你地會點做 釺唔吉到肉真係唔知痛 e+黑又偷我地 白又抄我地 車價己有一半係稅 牌費 油稅 買個平安都唔得 重要比人蝦到冇得出聲 我地都有交稅嫁 不如叫政府唔好比老電入口今就唔洗做啦 政府收錢代代平安冇人做野 (你地做警察都冇面啦)係咪今話 (老編大哥請不要介意)
小市民小小心聲
|
23/8/2005
|
甩P牌問題
老編你好，想問本人的P牌將於27/8/2005到期，咁究竟我應該27/8/2005去換牌，還是26/8/2005換呢？另外，授權予朋友代辦又有何手續呢？謝謝
大頭
應該係28/8先可以去換牌。
|
23/8/2005
|
19吋芒幾錢呀？
19吋芒幾錢呀？
$3000-$4000 都有
Alex
嘩咁貴o既？電腦展唔係平d o既咩？
|
23/8/2005
|
雨衣
請問老編知唔知有邊幾間電單車鋪多雨衣買呢?最好就多款同價錢中等,因唔想週圍搵,請指點迷津
濕身仔
可以去旺角黑布街亞林和廣華街利力望望。
|
23/8/2005
|
線圈
Hello! my bike is ET8, Iwould like to ask the price about 線圈, because the 線圈may be broken!!!
waterfish
奧士大角咀修理部電話 3188 9111
|
23/8/2005
車友投訴
|
仲有野想講
投先睇完網頁頭條，又有縱火狂燒車，更感到香港警察（或政府）的無能！平時只係識得抄牌，將我地係咁趕，但政府又唔整多D 車位出黎，咁想我地點？個個都唔再渣老電走去搭巴士？又唔見D 差人走去捉下燒車狂徒同偷車既人？差人識得做D 乜？我有立稅架！你收得我地320蚊唔該做返D 野啦！
Steven
|
23/8/2005
|
Re:AN 400i 頭燈
多謝 "LG an400i" 車友 回覆，本人巳清楚明白。
KK
|
23/8/2005
|
屯門抄牌
有冇做交警既車友知道點解呢輪屯門良景村巴士站d差人抄得咁瘋狂既？日日都黎掃一次場，我見到有架runner個座位上兩日已經攝左四張告票！我自己都中左張，即刻走人！
其實大家都知香港電單車位同電單車數目唔合比例得好離譜，但點解D警察仲要趕盡殺絕呢？有朋友叫我搵區議員投訴，話電單車位不足，但警察又要抄牌，叫佢同政府反映下，
唔知作用又有幾大？
Steven
|
23/8/2005
|
迫力牛角
what is 迫力牛角 ?for my previous drop bike question?many thanks
jackjack
你話"I break my hand brake stick in half "嘛？
p.s 迫力牛角英文係front brake lever
|
23/8/2005
|
Re:鎖
地牛有ABUS、ZONE、CISA等牌子，以我所知ABUS係名牌所以較貴，CISA其實亦幾好，不過最好都係問下賣鎖o個位專業人士好D。
隔離檯
|
22/8/2005
|
RE:傳動系統
咁大約要幾耐或者幾多公里換一次架?好似綿羊咁一萬公里換一次??
定好似46cam帶咁十萬公里換一次呢??
巡友
部部車唔同，車主手冊會講。
|
22/8/2005
|
I drop my car today
I drop my car today when I tried to pack it. It is so stupid and I break my hand brake stick in half and bend my exhaust a little bit.
and when I ride my bike the sound of an exhausr become very werid and I amjust wondering that if I should have a check on my bike? coz it run ok
My car is TW200 and I drop it on the right side where the exhause is at
Jackjack tan_hkpd@yahoo.ca
換迫力牛角時可以俾師傅望望，不過都應該冇乜事。
|
22/8/2005
|
>>關於偷車的小小心聲
睇完咁多位車友對偷車的感想,小弟都想分享下自己的親身經驗,記得幾年前買左架hornet250渣,當時冇諗過會俾人偷車,自己屋企附近又冇car park,所以跟大隊擺係街但有落車套,有一日想開車出街,大件事,部車俾人偷左,當時的感覺好震撼,幾皮野咁就冇左,眼見當時其他車,只係得番d爛羊冇俾人偷但個sit位已經俾人爆開左,值錢的野都冇晒,唉,呢個就係活生生的例子
之後小弟再唔敢買全新車因為實在太過傷,改左方向買d比較冷門d的車,只求返工放工用, so far 都未俾人睇中, 有錢係袋的唔會再花錢去加乜加物落部車到,但係影響到部車的操控與安全性就唔會慳,車太brake皮偈油就會時常留意住,好似小弟今天係電腦展買左個19寸LCD芒俾自己享受下,上iBIKE網睇下車咁咪幾好.
小騎士 B12
19吋芒幾錢呀？
|
22/8/2005
|
Re:AN 400i 頭燈
an400i頭燈任佝時間都兩邊一齊著，同埋電池有蓋
LG an400i
|
22/8/2005
|
Re種火狂
大角咀道橋底車主,請折哀順便吧,你咪使指意D差佬會幫你拉到果種火狂.為有希望天收他吧!今時今日造2,6車主以很無助,1)偷車狂,2)種火狂,3)油公司狂,4)出街冇位人發狂.
Sammi
|
22/8/2005
|
鎖
重型電腦匙鎖頭----俗稱地牛 正式品牌係咩名呀?
bill仔
|
22/8/2005
|
Re: seat 位笠
老編講o左seat位加個膠笠既作用主要係防水，但查實膠笠只係套落去seat位而非固定，騎士o係駕駛時可能會左跣右跣，誇張D講，緊急收車時分分鐘連人帶套跣落地臺，三思。
隔離檯
|
22/8/2005
|
傳動系統
有用鏈,有用皮帶,有用軸,其實有咩分別呢?軸既話基本上唔駛保養,鏈就要噴油?咁皮帶呢?
運動性應該鏈最高,咁其餘兩款又如何呢???同埋曉星隻gv650連稅後大約會係幾多錢呢?
巡友
鏈要攝要噴鏈油又髒，但輕巧負苛重又運動性能高。軸傳動免保養但造價和重量都高，運動性能最低。皮帶傳動唔駛保養好乾淨，但都要定期更換。GV650吹風定價係...唔話你知。(因為代理都未定到)
|
22/8/2005
|
可否自已較怠速
近期發覺部Foresight250怠速時勁!!!震，轉數好底，想死火，請問調怠速的掣在那裡，我想自已試試調快一點，謝謝。
fuegoalan fuegoalan@yahoo.com.hk
你在左邊座位對落有個膠蓋,打開望入去你會發現,圓形只能用長一字批調較,如不能確定,就不要調較.
|
22/8/2005
|
Re:鋼喉
套裝鋼喉:間廠幫你架車度身訂造好，一定fit位，價錢當然貴D；
不是套裝鋼喉:車房師傅幫你度位(鋼喉長短)及配喉咀，價錢平D(但人工可能收番貴些少)
除價錢不同外,耐用程度及功能基本上無分別
隔離檯
|
22/8/2005
|
咪錶
hi~你地好 ~落完雨隻咪錶死左.唔知自己有冇得整呢.同埋冇咪表查車有咩問題呢.本人覺得除左超速外問題唔大 ...
bros400 i_bike_bros400@yahoo.com
boss咪錶用機械式,唔明你壞d乜?
|
22/8/2005
|
鋼喉
想問套裝鋼喉和不是套裝的鋼喉有什麼不同,價錢,耐用程度,功能有什麼不同?你認為邊種好,介紹介紹.....有勞有勞
唔該
你指迫力鋼喉？套裝鋼喉喉一般係大牌子，散裝鋼喉可以有大牌子也可以有雜牌。最重要係喉咀接駁位的質素，差的會滲迫力油。
|
22/8/2005
|
HID & 指揮燈
我想問問
1. 頭燈換HID會唔會犯法.因為我唔知法例有無限制頭燈色溫K數
2. 如果我換普通白光燈.我係旺角D汽車零件店搵到55/110W, 但係電單車用35/110W,
我估應該唔岩用, 又咩方法可以裝到呢d白光燈
3. 我部車換左車尾LED指揮燈, 但係閃既速度好似抽左根咁.快到亞媽都唔認得.
I. 咁我換埋車頭指揮燈會唔會正常返??? (不過我估唔會)
II. 咁係咪可以加電阻???如果可以加電阻攪好佢, 咁加係邊???
III. 有無要指定用邊D電阻.???
IV. 如果買錯左/整錯電阻會點???好驚搭錯D電子野嚇親自己, 夜晚發狗仔夢就好
啦 :P:P:P
香港法例頭燈只能是黃色和白色。耗電率不相同便不應使用。閃得快表示電阻不對。電氣野每部車都略有不同，要睇番維修手冊或俾師傅實地研究。
|
22/8/2005
|
Re:鎖
去新填地街附近睇下，o係橫街有一間賣專業鎖類既舖頭
隔離檯
|
22/8/2005
|
seat 位笠
我想問下各位如果個seat位爛o左,除左拉返個新既之外,會唔會有好似車"cum"咁既seat位套,成個咁套落個seat位到呢?
如有,請問幾錢同係邊有得買呢?
小小
某d歐洲款綿羊跟車有座位套俾你好似浴帽咁笠住佢，但主要係功能係防水。如果原庄坐墊爛左，又唔想包過的話，可以用膠布貼住佢以免入水。
|
22/8/2005
|
回應 : 小小心聲
有感而發, 真係渣老電, 拍車太揚有怕被抄, 拍得鬼祟又怕被偷, 睇完地牛篇重溫, 好似香港係偷車天堂咁, 目冇法紀
已做好/足防盜措施, 落哂頭尾鍊, U, 碟鎖, 但一樣比人彈, 裝鐵痴根又怕一直用緊電，擺太耐電池會冇電。我都比人彈過部VS, 重要係的士站隔離晚上10:00左右, 人來人往. 天啊, 唔通真係冇計? 不過我唔會灰心, 階因我地係熱愛老電O既
JJ
|
22/8/2005
|
新手(P仔留言)
本人剛考了車牌及買了二手YAMAHA MAJESTY DX 250 (99年)的綿羊仔, 本人想請問一下以下問題:
1. 此車被賊人看中而被盜的機會大嗎(因車房買車的師傅話好少人會攪)?
2. 我覺得個頭燈唔係好得, 想改裝一下外型, 老編大人有好建議嗎?
3. 請問一下香港有沒有地方可得到全港公用車位的地點資料嗎?
4. 本人已安裝了"鐵抽筋"防盜系統, 安裝的車房沒有幫我接駁遙控啟動引擎功能, 他說怕反而影響了防盜功能, 這是對的嗎, 如果是對的話, 又是為什麼?
5. 請問一下有防止下雨天行駛時令到鞋子不會濕透的個人裝備嗎?
可能本人的問題會比較無知, 不過本人是新牌仔, 希望見諒, 謝謝.
Alpha alphachan999@yahoo.com.hk
1)冇車絕對安全
2)加強光度可以換白光膽或HID燈，搞外型變化可以裝兩盞凸出來的孖圓燈
3)有，【常用資料】內有泊車資料。
4)如果架車本身有晶片防盜便不應接駁遙控撻車，以免破壞或干擾原庄系統。其實遙控撻車有乜用？泊車應要入波，側架有死火安全感應，鎖車時會鎖尾轆，乜都未搞鎖又未解，撻乜鬼野車姐？根本用唔著。重有，防盜係一直用緊電，擺低架車太耐的話，電池會冇電。
5)有類似鞋套咁o既用品俾你笠住對鞋，不過唔會有人用，因為太麻煩，著水鞋重方便。
|
22/8/2005
|
鎖
想請問各位高手,(地牛)邊度有得賣???thx
man
|
22/8/2005
|
小小心聲
有時發覺抯老電真係好陰公 大敵偷車真係令人好頭痛 帶部車出街成日好似亞媽怕唔見左個仔今 有部份停車場老電不准進入 排骨位full到飛起 有位入(嘩)好似執到金今開心 收工拿車見到(嘩嘩嘩)係咪持技點出車呀頂 我要爬過幾部車先入到去攪一大輪先出到車 如果放橋低又抄牌又怕賊仔橫行咩都偷平車貴車睇中今就睇下邊個唔好彩 間中又放火燒車左近d車友唔知有冇得罪人 係今日見到牛地車友留言的小小心聲 (唔係想講負面說話嚇鬼 有時現實世界真係今)唔好因小失大 買把靚d鎖鎖好部車 (老編大哥如有失言不要見怪)
路人甲
|
22/8/2005
|
AN 400i 頭燈
請問2003年AN400i的頭燈在撻車後是不是只能開右邊燈（大燈），左邊燈是不開燈的。還有是不是只有按下高燈掣後，左邊燈才能開燈。另外在車頭大儲物櫃內的電池，是不是沒有電池蓋的。這是否正常？請回覆，謝謝
KK
|
22/8/2005
|
地牛 - 重播以往車友留言
Black---轉載自綿羊谷
===============================================================================
重型電腦匙鎖頭----俗稱地牛，平平地既都要6、700蚊。賊人見到呢類鎖頭寧願選擇剪鏈，因為要爆呢類鎖頭會花好多時間(當然要視乎邊隻電腦匙既地牛，仲要時常update鎖界既最新資訊)。需知賊人犯案是分秒必爭，同時間競賽從而減低被捕既風險，所以賊人一定會考慮選擇破壞邊類型無咁o徙時間、而又能獲得最大效益既防盜系統，因為呢個係能否成功得手、而又能平安而迅速離開犯案現場的重要關鍵。
===============================================================================
減低愛車被盜既風險~~
其實要減低愛車被盜既風險，真係有好多因素要考慮.....
泊車地點
1. 擺街擺後巷----如無掩雞籠，要偷你架車有如探囊取物，容易非常。
2. 有時租既公眾停車場----係人都入得，抬你架車上貨VAN唔駛半分鐘，之後施施然咁離開。乜唔係有停車場管理員既咩? 叔叔嬸嬸收雞碎咁多既人工，明係見住佢偷都唔會搵條命同佢搏啦！閉路電視，比得你去偷車仲會唔會用真車牌?
3. 私人停車場----理論上風險比以上兩者為低，不過唔可以排除籠裡雞、o係度食o係度痾既賊人，仲都要睇埋D管理公司質素同看更醒目唔醒目，有責任感之餘仲肯唔肯搏。出入口係大鐵閘而非一條弱不噤風、一撞就斷既電閘桿。
4. 獨立停車場----如村屋或獨立豪宅，除左自己人之外根本無人可以入到，圍欄/牆內再讓番十隻八隻狼過華秀、嗜血成狂、見人就咬既癲狗，就可以安寢無休了。
防盜措施
有云財不可露眼，落車COM係最基本既防盜動作。
一般碟鎖、威也鎖都或U鎖都只係用黎嚇下D小賊，真係要開鎖(唔係爆開)拿走你架車的話，每個鎖最多都只係頂到十多秒，威也鎖同U鎖會用大剪鉗剪斷，需時更在十秒內，爆埋匙膽抯走埋，全程頂多分零兩分鐘。
比較有效D既防盜措施：1. 撈鏈----本身係用黎鎖住船隻唔比佢瓢走，條鏈每一個扣既直徑都有成半吋至一吋粗，普通既大剪鉗根本無可能剪斷，即使認真到用油壓剪，都無可能o係短時間內(十多二十秒)剪斷，間接拖延賊人時間。
2. 重型電腦匙鎖頭----俗稱地牛，平平地既都要6、700蚊。賊人見到呢類鎖頭寧願選擇剪鏈，因為要爆呢類鎖頭會花好多時間(當然要視乎邊隻電腦匙既地牛，仲要時常update鎖界既最新資訊)。需知賊人犯案是分秒必爭，同時間競賽從而減低被捕既風險，所以賊人一定會考慮選擇破壞邊類型無咁o徙時間、而又能獲得最大效益既防盜系統，因為呢個係能否成功得手、而又能平安而迅速離開犯案現場的重要關鍵。
3. 有工具都要識點用，鏈最好可以穿過車架，如果唔係就穿過尾輪，之後鏈同鎖都唔可以著地，最好懸空再繞過一d堅固物(如燈柱、石疐、鐵欄)，此舉主要令賊人就算有剪鉗，都難以發力(如鏈鎖著地可以用腳踩剪鉗來發力)。
4. 防盜警報系統----咪以為幾舊水裝個「跌張筋」係無用，其實賊人每每都會在犯案前輕碰目標物作為試探，如警報器立即發揮作用的話，賊人會暫時遠離目標物稍稍觀察周遭情況及再進行部署，等佢地有時間考慮繼續，定偷另一架少D風險既車。
不過說句實話，歸根究柢，都要視乎閣下既愛驅是否熱門車種、是否市場正有需求及改裝程度等，會否令賊人產生「不成功、便成仁」既念頭，呢d都係提昇被盜風險既主要因素，如果閣下既愛驅真係有齊上述因素既話，相信你用乜野防盜都難以阻止到佢哋誓要偷到你架車才肯罷休既決心。講呢番說話唔係想令大家氣餒，而係想講如果每個車主都做足防盜措施，唔好等賊人咁容易乘虛而入；就算真係比人偷o左，都係佢地技高一籌，唔會o係事後先至識得後悔，怪自己無鎖好架車。
綿羊谷管理員 xers88@hotmail.com
|
21/8/2005
|
唔洗放工？
老編大人﹕點解你好似唔洗放工咁ga? 星期一至星期日任何時間由早到晚你都可以覆我地的問題ga? 莫非老編大人你都會有人幫你回覆我地的問題？ 如果不是的話，雖然我地好開心及多謝你時常可以解答我地的問題，不過，老編大人，你都要找點時間去輕鬆下，渣下車happy 下ga. 唔好1年365日都工作呀﹗如果唔係好似冇咩人生樂趣ga﹗
細細粒Beep
冇錢去街...又約唔到女...唯有寄情iBike....(唔知有冇人會信呢？)
|
21/8/2005
|
外國 高速公路...如果停係到的話.........
http://media.snuffx.com/x/aug11x/bad-accident.wmv
無眼睇.....
dtwo
點解咁都冇人肯打死火燈？
|
21/8/2005
|
RE: re: RUNNER好嗎..
我都聽過vxr180多問題(避震漏油,電器問題呀,士撻啦等等..)但touch wood我架二百都渣左三年了,總算健健康康;之於皮帶..珠仔..風格..的價錢,如果渣過日本各大牌子的羊,相比之下一點也不貴喎....
200
|
21/8/2005
|
re:落雨天
0甘老編試過淋病未呀.............架車
chi
睬過你...老編一向保持得健健康康功能正常重滑滑淨淨簡直令人愛不釋手添呀...部車。
|
21/8/2005
|
RE: 鋼鎖
I think ABUS lock is one of the best we can got.
http://www.abus.de/us/main.asp?ScreenLang=us&sid=73333376612364721082005218250011&select=0105b05&ArtikelGrID=154
I think "地牛" = Floor & Wall Anchor?
http://www.lockitt.com/lockdown.htm#ABUSWBA100
Po
|
21/8/2005
|
CBR 600 RR
http://www.honda.de/media/cbr600rr.wmv
dtwo
|
21/8/2005
|
鋼鎖
各位請問那隻鋼鎖是最好的,還有沒有人聽問什麼叫(((地牛))),是否一種好勁的鎖,在那買到(請註明街名)thx及往那買是最好thx
man
|
21/8/2005
|
鐵騎會館
老編大人,請考慮到:【登入密碼】若利用sms短訊發出，外地的車友便不能參加了,要明白的是,外地車友也佔網誌讀者相當比例的...愚見以為:身份辨認可用電郵轉password便可..。
David
嗯，有道理...thanks!
|
21/8/2005
|
re: 鐵騎會館
用sms send password係可以架. 網上都有一D網係可以幫你send sms而唔收錢.
但知老編用唔用得著,如果老編雖要, 我可以send個website比老編睇下.
超 randchiu@hotmail.com
多謝先，但會唔會係個sms度夾住廣告架？咁好肉酸個喎...
|
| |
|
|
|
 |
