搜尋由Jan 2001至今的來信及問答文章 - 請輸入關鍵字
　
FAQ常見問題
第頁
21/8/2005
 		電單車車位
老編你好！想問下街上免費排骨位，是否有時間限制？是不是唔可以在幾多天內泊同一個車位？(即必須離開或移動)我想去投訴那些死車又可以到那裡呢？因為我返工個度有幾架死車霸住，搞到成日都冇位才想出呢個壞心腸辦法....嘿嘿,謝謝老編回覆！
冇火戰羊
公共泊車位理論上好似有廿四小時的時限。投訴違例泊車，在【常用資料】內的交通諮詢委員會網頁連結中，有投訴表格。或者可以試下香港警察網頁內的「投訴車輛阻塞表格」。
21/8/2005
 		RE: re: RUNNER好嗎..
180 我未開過...我用緊 200,唔錯拉...d 消耗品係幾貴(皮帶6xx 風格2xx..)但都係萬幾km 換一次姐...其他無咩大問題
部車會"了"? 會唔會係fork 油 太長時間未換 or 尾避震玩完?
我果次 turn mun 公路轉入全彎路果個彎 差唔多120km/h 入彎
爆住波out 出彎過之後大直路13xkm/h 直衝都唔feel "了" wo @@(真係"了"的話我都捉唔到線位+唔敢去拉)
vxr 200,換左頭fork 油,尾避震,tt91 0太,谷花碟
不過runner 都係自動波羊..你要定的話當然波車好d...
runner 好處係 細羊gei size方便zip車泊車.上到high way 又唔會好似d 細羊唔夠力
dtwo
21/8/2005
 		慘!!!近富榮花園天橋地被人偷車
唉 ....只買了半年03年黑色AN400車牌KY1564就被人偷了,富榮花園電單車友小心,如有人在17至20號之間見到有可疑事情請聯絡本人funghkmail@yahoo.com.hk 多謝
funghkmail@yahoo.com.hk
21/8/2005
 		回應有關考交警'馬'牌
大家不用太勞氣,VFR800已補充話'生死時速'是聞說,可能以前D師兄講錯......
小弟早年成功考過,略知一二.VFR800所講都接近,但小弟就不是FULL TIME學,但
過程一樣.'生死時速'就只玩鹿頸,由大車場附近之巴士站開始(斜路前)一路入
去陳X記調頭再返回起點,依希記得要在11分半至12分半內完成,全程只准拖波,不
准用迫力,考官沿路跟隨,見你迫力燈著即'肥'你,主要考你線位及拖波.學車時教
官只會叫你自己預時間無叫你超速!(用法定速度又遇到慢車頂下你就肥硬!:P)太
快同太慢都係咁先...下次見.以前真係有多次意外所以後期取消呢PART.其實小弟
認為大筒陣會難D,D筒又多又窄,又要掉頭又要插花,又要用2波(SLOW調高至1500RPM)
又不准用迫力......以前重要考勁急剎,連教官都損手爛腳!不過學完自覺技術真的
提高不少,起碼安全意識高D,開車同落腳都穩D,台型都好D.分享到此,希望大家滿意!
大舊衰VFR750
21/8/2005
 		謝謝你們....
就本人近日所發表之言論,我知道有人會支持相信,有人會反對反駁..在此再一次多謝反對同支持既朋友,我不是要搵人嘈交,我只係將我知既野講出o黎,希望各界好友見諒見諒...

至於我是不是真交警,我只可以講我守東九交通意外調查組,其他不能提供,如果有朋友真係想識我,睇下我是真是偽,相信都要等到有交通意外,你問一問幫你調查果個阿SIR你是不是VFR800呀,如果你問到我我一定認....係o禁多
VFR800
21/8/2005
 		re: RUNNER好嗎..
我是P仔一名,我之前一部車就是這部runner180vxr,,後悔不已,上高速又(了),,又唔定,
又多野維修...用了個半月就賣了,真是不知幾後悔,,,我已轉了部hornet250(棍波),真是一部好車,又飛得,又有型,又有玩樂性.....維修呢樣野無幾多部不用維修的...徐非你自己
懂維修....建以買部棍波車好o的呀.
敏記 ngyukman478@hotmail.com
21/8/2005
 		學警單o野
100%支持沙田友嘅講法!!!!!
宇宙大怪物
21/8/2005
 		Re : 攝車
其實渣得老電有邊個會唔攝車呀? 唔通真係好似46咁慢慢塞咩? 不過攝車其實都有好多地方要小心, 除非係其他車完全停係度, 如果唔係都要顧及好多野.

好似你將會超越o既前車會唔會失驚無神轉線呢? 鬧市中會唔會有d行人盲鐘鐘過馬路? 攝車過的士會唔會有人開門落車? 而且係公路上攝車多數會係兩條線中間, 下雨天o既白線會唔會令你滑倒等等.

當然如果自問經驗老到的話就問題唔大. 當然小弟攝車亦係常事, 但有時過紅隧見到d車友差不多到隧道口什至隧道中都照攝, 咁就真係會比較危險啦. 希望咁多位車友攝車順利安全啦~
Alff
21/8/2005
 		落雨天
而家日日都落咁大雨, 我架車泊露天, 有車cum, 不過究竟會唔會淋到架車有問題呢?
擔心人
如果部車係正常的話，唔會「淋病」。但機件老化或本身設計不良的車款，便可以真係會「淋病」。擔心的話，可用膠檯布包住架車錶板，油缸和和座位先再落車秊。
21/8/2005
 		(準)P牌仔,柬車
你好!我係(準)P牌仔,無出過車,想問125cc街車(學神車)是否適合經常長程駕駛(Kwun Tong to Tsuen Wan), 好小望到街有人用125cc街車!
新牌仔
會比較辛苦，人同車都係。
21/8/2005
 		新手買車...
(老編哥)小弟考到車牌了...有朋友想賣架hornet 250俾我...請問呢款車適合我嗎?Thank you
阿生
都適合丫，不過直四250都可以好快架，小心d。
21/8/2005
 		換車一問
我睇過你上次說的車盤睇中2萬以下果Ｄ都冇啦再貴果Ｄ風險太大 都係中意街車 大cc+冷門車係香港好少見例ZXR1200 1100 400 西風好少有 請問有什麽車可以諗 Bros400 CB-1 XJR400 ImpluseGSX400 CB750 Bandit400 請指教小弟 謝謝老編
ANDY
急，一定買唔到好野。買二手車想要以最低價錢買到最佳選擇，一定要有耐性。今日冇唔代表明天冇，你睇番【造價參考】
xjr1200 -->> http://www2.ibike.com.hk/buysell/buysell.asp?bikeid=259
其餘細車可以唸Bros400或CB-1
21/8/2005
 		DR200, ZRX1200S
老編先生,我除了想坐大車, 重好鍾意爬山車, SEROW225好似好多人用, 但係我覺得DR200DJEBEL好, 因佢個油缸有13升, SEROW225得10升, 大家都係20PS, 車重一樣, 扭力DR200少0.1KGM, 但價錢平好多. DR200點解好似冇新貨賣,

ZRX1200S個尾擔, 三角形加圓形, 有點陰陽怪氣, 看似用料單薄, 所以要用兩條避震撐住, 試車報告話慢速過彎開油感到尾輪向外彎滑動的快感. 我想這架車可能更適合飄移一族. 老編先生可否將呢條尾擔同CB1300SF既比較其優劣.謝謝.
michael
行街用呢期最掂係Suzuki DRZ400SM。ZRX1200S的三角通尾擔唔會單薄，你覺得CB1300條合金尾擔好似好粗咁，入面一樣係空心o既。兩種設計都適合放在街車上使用，而三角管尾擔造價較便宜。外型是好是壞則見人見智。以操控計，老編認為ZRX1200S好過CB1300SF。
21/8/2005
 		台灣電單車店
小弟係ja super four,月尾會去台灣,睇左ibike.com.hk 介紹林文路電單車街.
1請問過面有冇super four/街車d kit料買(睇介紹多數都係綿羊野)?
2係個面買名牌頭盔會唔會平過hk?
或者各位車友有咩好介紹 thx!!
傑
CB400SF的kit料應該唔夠香港多，入口頭盔要打稅，唔會平過香港。去台灣，都係買土產手信會好d。
21/8/2005
 		學警出更
阿Sir原文已清楚說明是"舊時"行180km及"據知"撞死人後取消云云。正所謂講古吾好駁古，信不信由你。有意見可討論，好似老編那樣點到即止最好，無須人身攻擊，死纏爛打。
沙田友
21/8/2005
 		電單車載乘客問題
想問下法例有冇規定電單車乘客既歲數，身高要到某一個指定既數字先可以坐?
小粒
八歲。
21/8/2005
 		保險
本人是P仔...22歲...學生(學徒)一名...
想問能否出到第三者保險?如果可以,大約幾錢呢?
Thank you for answer....
P
視乎車款而定，一般250以下應無問題。詳情請聯絡保險中介人。
21/8/2005
 		RUNNER好嗎..
常問各車友,runner 180vxr好用嗎..多小問題嗎...維修是否比一般細羊貴,因聽講代理d料好貴,換皮帶,風隔等都比其他貴..真的嗎....
thank you!..
kk
睇左【車主報告】未？
20/8/2005
 		好驚呀嗚嗚
arm arm 個個星期一我第一次自己抯架車去街上面行,冇人倍我都唔想去太遠, 不過學院個日好多私家車,咪諗住去doudou, 出直路入runabout之後戇居居咁捐返入去個場度(我學黃竹坑),都仲可以瓜?

點知我...出...錯...左...runabout...T0T, 焗住行考試條路

又唔認得路, 好驚啦~,好彩冇幾耐後鏡見到有架bike, yeah有人倍!去到小路入大路好驚好驚唔敢出停左係度, 睇下我後面個同類點行先~ e, 黑色既?!!!

原來唔係學神黎既, 佢見到我咁都忍唔住係個頭盔後面笑, 望吓要出個條路ok就fig手叫我出~好彩佢係度, 如果唔係我而家都應該仲係果個街口度等緊, 不過我太驚見唔到佢個車牌,好似係一個著粉紅色衫既大...叔,唔該大叔!可惜佢幾秒後就係我右手邊呼~呼~聲star war咁走左唔見左

情況之後就180度'樓'轉, d車d巴見士到我都好似到佢地驚咁, 無錯係驚左我, 行開晒, 行到好慢, 而我都仲係驚驚驚得個驚字全程冇望後鏡沖左返去, 真係好唔arm好危險呀對唔住呀~~~~~~~
dolly
20/8/2005
 		小心偷車賊
連日大雨，很多車友都不會開車，多處水浸山泥傾瀉等意外，警察疲於奔命，街上行人又少，請大家小心偷車賊有機可乘！另外大雨中出車請保重！

Al
20/8/2005
 		再覆鐵騎會館
小弟亦不認讚同積分制,正如Tommy兄所言會變得太小圈子,亦跟貴網一向風格不符,積分制會令新朋友望而卻步的.
不過會員制我覺得是必須的,並不是為了要刪去租言穢語(當然最好可免則免),主要作用是防止被人惡意搞事,而且亦可以讓各車友較易交流.至於留電話號碼,本人並不介意,但相信會有朋友會覺得麻煩,可以用一般email send password既方法吧?而且用sms會否有技術上既問題?(唔係要老編逐個sms send出去掛?)

QzSoul qzsoul@sinatown.com
20/8/2005
 		偈油
私家車偈油可唔可以用起電單車到??因為我有2升5w-40半合成,唔想浪費呀
Anson
你部係咩電單車？
20/8/2005
 		about 鐵騎會館小小意見
爆粗事少，誣捏事大。 >>>>>>right...! 唔建議 filter 粗口...keyword etc....咁樣會好柒,唔建議 會員制(我指升級果d) 咁o既話會好小圈子同好煩,年青人好火?! 要argue, 冇粗口都一樣咁好睇, 咁有 power...如果又會員制, filter..etc 咁同d 濕鳩 forum 冇咩分別, 我諗大家抯得老電, 都唔會 like 呢d 束縛,不過可以俾多d 人做 板主/admin kill 下 post, ban下人,果d 讚/彈/誣捏 車行/C父 /AD...即見即 kill,sms send password... >>>>>>>>> 我諗唔係個個車友肯 leave number
Tommy
20/8/2005
 		大車
我想買部大車, 一世人點都要坐下大車, 老編先生話ZRX1200S好, 但我不喜歡佢個款, 而家的車好似愈出愈醜樣. 請問CB1300SF, 98年款大約要多少錢, 要求新淨即可.同埋買這車要注意甚麼.另外, 如不小心俾這車責親, 會不會很易責跛腳.或被死氣喉壓住隻腳抽不出來.
michael
CB1300SF二手價錢比較硬，七年車都要賣三萬幾。買親車來來去去都係睇果d野，CB1300SF冇聽過有特別常見故障。如果俾架車「責」住隻腳的話，係有可能短時間抽唔到身出來，但這機會比較細。
20/8/2005
 		RE:鐵騎會館
下? 姐係怕比人亂爆粗 or 洗板搞事?唔知可唔可以學d online game 咁,d 粗口 字 block曬出唔到, 一樣的發言超過2次會出唔到,or好似人地d討論區咁 加幾個 板主...del 曬搞事 post 又如何 lei?
dtwo
爆粗事少，誣捏事大。發文和貼圖應唔應該採用分數分級制度呢？
20/8/2005
 		罵戰非我所好，哈~~哈~~~
「既生瑜，何生亮？」我諗，有D人會因為沒法接受別人批評、執著於「尊嚴」二字而喪失理性，以至惱羞成怒，氣死人前。不過，小弟當然沒法與孔明相提並論，只是打個譬喻而己。或者用科學D既講法，呢D係「EQ」低既表現。

公道自在人心，我想亦不用再詳說。老編請放心，有關於VFR800君之前既言論，小弟不會再發表任何意見。
隔離檯
20/8/2005
 		r6
想知r6呔氣原廠seting係幾多磅???thx各位
新手
20/8/2005
 		Superside(3輪電單車)
今年(2005年)，才由SBK分拆出來自來門戶。
http://www.superside.com/Technical.120.0.html?PHPSESSID=296176339530223082a4fba55123c5ff

WONG Ho Ying
20/8/2005
 		鐵騎會館
老編,關於鐵騎會館,小弟有以下愚見:
老編曾說鐵騎會館為一開放式交流平台,加入會員制會否可行?
如此必要時可以將一D搞事棍,惡意挑釁之輩FOUT出局(當然激烈討論不再此限)
家下D年青人實在太好火...
貴網的資料實在給人好多幫助,如果被人搞得污煙瘴氣就實在太可惜
QzSoul qzsoul@sinatown.com
多謝閣下的input。為確保言論質素，會員制是無可避免的安排。現正考慮【登入密碼】應否利用sms短訊發出，加強身份辨認。只是憂慮車友們會否願意提供聯絡電話。
20/8/2005
 		回應隔離...
你話我講既唔係事實,禁即係你知道事實喇!你又講唔到出o黎,淨係話我吹水．．．
VFR800
開始有d火...準備隨時撲火....
20/8/2005
 		Re:攝車
交警點會唔攝車
我成日都同d警察叔叔一齊攝,
重要佢帶隊,我地幾個一齊跟尾
cb250又有, vrf800又有
ho
20/8/2005
 		mojito 125 vs ET-8
本人P仔...想買二手...請問Mojito 125 Custom 同 ET-8 ..相比..邊部好D !!!
Eva
主觀意見，Mojito或Habana個樣靚d....可以參考【車主報告】。
20/8/2005
 		Re:攝車
「有些時候我在隧道入口見到警察截停多部電單車......」
你講既會唔會係紅隧香港入口呀？我見果度通常係捉D o係車罅之間、雙白線上行駛既老電架wor。
隔離檯
20/8/2005
 		老友，我唔係好似你咁由朝到晚「捕」o係度等答問題架。況且唔係有人問，你就一定要答架下話？點解你又唔試下做完case既時候，面對記者及鏡頭、接受一下電視台既訪問？
又不如你o係度公開你既真名、number、守邊度、聯絡地址、電話俾大家知丫？我諗好多人都好想知架。

雖然呢度係一個公開討論既地方，每個人都有言論自由及發表己見既權利。但都請你自重一下，唔好渲染事實，令人誤會警察係能人所不能！而我亦深信睇到你篇有關鹿頸大帽山車速不少於180km言論既車友(車手)，都知你講既野係唔make sense。
隔離檯
20/8/2005
 		買arai 頭盔 + 其他零件
老編!!我想問一問0係日本買aria頭盔同0係香港買介錢會唔會平D ar ???同埋有無東京上野d電單車商店網址呀????我已經睇過ibike.com.hk 介紹上野電單車店了....但找不到介錢呀..希望邦折忙呀><....
KK
係日本買野，只應買兩樣野：香港未有o既，同埋係特價野。因為日本售價唔便宜，重要加銷售稅，除了雜誌書籍之外，頭盔或部品在香港會平d。
20/8/2005
 		re: 攝車
道路守則有講, 同線超車係犯法, 如果慢車或塞車時電單車可以超車, 但要確保其他司機留意到你。平時隧道前差佬抄牌, 係抄雙白線超車。詳情可以自己睇返道路守則。

20/8/2005
 		CC及馬力
(問題一)請問老編CC和馬力(匹)有o羊分別?
另外有感而發想問一個幾矛盾嘅問題(問題二)可能係我無知先o甘覺得)...
就係個個人都話新手應該抯馬力.CC鈿D嘅車會安全D..但好多時因應馬路實制環境新手都要抯得快D(70至80幾公里)各位師兄可能覺得小兒科甚至好笑.但對於新牌來說係有一定壓力的(最低限度我自己覺得)但相同地方相同速度我用朋友的CB400(二手車)則定好多(小弟自己部車係VTR250一樣係(二手車)就已經有飄嘅感覺(有D危險嘅Feel)
以上二個問題請解答....
祝鐵騎網誌越做越好


新牌仔的其中一人
cc係容積單位，而馬力係功率單位，在內燃機的課題上，兩者只有間接的正比關係。
你提出的第二個問題，代表閣下技術仍有待磨練。莫說轆軨直徑有17吋的VTR250行走80km/h可以穩如泰山，只有10吋的小綿羊，一樣可以從容地以80km/h巡航。
新手不應該駕駛大馬力車種的其中一個原因，是身體肌肉需要時間適應速度，讓不應收縮的肌肉保持放鬆，否則會破壞操控和減慢作出正確反應的時間。而細車速度不會太高，便可以讓新手爭取到到多「緩衝」時間去應付突發事件。
20/8/2005
 		Re:攝車
老編,在運輸署處網頁上道路使用者守則第七章電單車駕駛人須知,有提及超車
http://www.info.gov.hk/td/chi/advice/code_index.html
+++++++++++++++++++++++++++++++++++++++++++++++++++++++++++++++++++++++++++++
在交通擠塞和行車緩慢時，如果情況安全，你可以在車輛空位之間穿插而過，但要提高警覺，小心會有行人或車輛闖入你前進的位置。如不能肯定，請留在行車線的正常位置上。

在劃上「雙白線」的路面上，你可以在前面車輛與雙白線之間的空位超車。但在超車前， 必須確定這樣做是安全的，而前車的駕駛人已知道你正在超車，而不致於把你的電單車逼 出「雙白線」外，與迎面車輛相對。

如你所行駛的方向有超過一條行車線，你應以正常的方法超車，即利用右邊或中間行車超 車。不要在同一行車線上超越車輛。
G Q
寫就係咁寫，但警察在隧道口捉人時，會鋤你兩點：如何為之安全？如何確保前方司機知道你正在超車？各位可以留意一下警察電單車，佢地冇做攝車動作，可見佢地對何謂安全地駕駛電單車駕駛的執法守則有另一套演譯，而運輸署製定的道路使用者守則，其實只是一個指引參考，並沒有法律約束效力。
20/8/2005
 		請您幫幫忙可以嗎
我最近買了一台2000年的APRILIA MILLE R RSV1000, 但是沒有車主手冊及操作手冊，我想知道如何操作儀錶板上的幾個按鍵。
我的信箱是:ucs546360@yahoo.com.tw謝謝您。
大毛 ucs546360@yahoo.com.tw
請聯絡Aprilia代理亞林電單車有限公司，他們的聯絡電郵是info@ahlam.com.hk
20/8/2005
 		生死時速
大佬.....吹水都有普呀....我&#25592;架大R係大帽山都做唔到180km啦.......隻隻灣70-80km都盡啦..算...把....啦!
大R
20/8/2005
 		Hyosung
請問香港幾時有 Hyosung 買???
Thanks
man
呢個問題要問番曉星代理 S&S電單車中心先清楚。
20/8/2005
 		vtec3問題
我架係新車,我最近發現左一樣野,不知是否正常和如何修理?當1波慢車行順左之後,無開油,無攪極力子,都可以行車.就此我試過係平地打左拾幾個8字來測試,都無死火.

傑
如果怠轉仍能保持千餘轉的話，代表你架車十分健康，引擎和所有傳動部門的效率都十分好。
20/8/2005
 		派完車點先可回復信心再上ｈｉｇｈｗａｙ
第一次出街一定要行返炒車條線
唔搞清咩事一世都係陰影

20/8/2005
 		Re:完全失控的感覺不好受
睇黎呢位兄台仲係未完全明白自己點解失控.......
「我次次都行右線.片得好低果種.有一晚我前面有架寶馬開得好快片上去.我就行左線一齊片上去.當我過左佢頭之後.點知條路有個凹左既渠蓋.....」
++++++++++++++++++++++++++++++++++++++++++++++++++++++
熟路唔等於條路永遠無危機存在，只因你行緊既係街道唔係賽道。街道既情況五時三刻都不停轉變，危機亦不斷地在任何時刻出現；你果頭安全地片完既路，轉頭可能已經被垃圾車流出黎既餿水、日久失修既車漏出黎偈油整到一地都係。

個故仔入面可以見到你完全表現出對呢段路面極之信任，缺乏o左平時「對路面危機應有既預期」所至，令到你就算行一條「平時唔行」、意外前亦「睇唔通」既線亦覺得係安全，以「心存僥倖」既態度，好放心咁片落去，但遇到危機時(凹o左既渠蓋)又無足夠技術去避過，是「高估」o左自己既表現。

片得低未必一定失控，睇唔通、預期唔到、高估自己駕駛技術先至係意外既根源。
隔離枱
20/8/2005
 		攝車
請問老編先生電單車在塞車時攝車或同線過車會否被控不小心駕駛？有些時候我在隧道入口見到警察截停多部電單車，是否因為此原因？謝謝。

Al
原則上操控電單車和操控一輛私家車沒有分別，應該佔用相同空間。如果電單車在行駛的車群中攝車，當然不對。但即使所有車輛都停定晒，法律上電單車都不能隨便攝車，因為攝車屬於超車行為，只能在右邊進行。但如果你在兩條線中間攝，便會同時在右線車輛的左方超車o羅。所以你會見到警察電單車非常守規距，唔會攝車(間接令佢地的情緒谷爆指數標升)
20/8/2005
 		請請．．
各位大佬我本身就未玩過生死時速，因為我係９９年尾先至學車，如果名隔離同處長係伙記又玩過生死時速既，你知道真實情況點解又唔講出黎呢？淨係話我吹水唔抹咀．．．
VFR800
19/8/2005
 		部 SuperFour 窒&#21523;窒&#21523;
老鬼師傅你好, 本人的車是93/95 SuperFour BigOne, 本人的車近日成日撻車之後都好快就死火, 再&#25592;的時候部車就窒&#21523;窒&#21523;, 好似鼻塞塞噤, 尢其早上撻的時候, 但谷佢一段就好好&#21874;, 本人的朋友已幫我check 了火咀及火咀線, 應該無問題, 本人亦已將風格除去試過都是一樣, 本人想知會唔會係個Curb或火咀有事呢? 唔該! 唔該!
一個之持Honda車的人 ewing303@yahoo.com.hk
會否只是機器凍引致,熱車後slow應有1200rpm.
19/8/2005
 		Re:學警出更
完全正確,之前果位車手大哥話要行180/KM,就算部CBX可以行到, 都唔係個個警察都可以渣到咁快啦,仲話上1山行180/KM,真係吹水唔抹咀

19/8/2005
 		扮交警吹水
本處長而家話你知.你講&#22000;件事一定唔會係事實.我&#21707;言式車組同事起碼開320KM.而180KM在彌敦逍都做到啦............下次唔該你講真話.
處長
19/8/2005
 		XJR1200
原本開大羊,因為車身太大,不方便日常代步(每天過紅隧);而自動波又不夠好feel;最後決定賣左佢,而家用runner過海返工,另外在睇中部XJR1200,不過車齡有成11年(94製),請問老編點睇11歲既XJR1200?因為我想買部過千cc級的電單車在假期遊山玩水用.

Man
如果冇大炒過的話，都係睇電器、哇佬、化油器正唔正常。除左一般消耗品的狀態外，扭油聽下聲，空波扭油上6000pm再睇下有冇黑煙或者白煙或打炮聲。縮油睇下轉數針係咪自然回落定係係某一個位停一停先落。祝你搵到部抵用的好車。
　 　
第頁

FAQ常見問題


搜尋由Jan 2001至今的來信及問答文章 - 請輸入關鍵字