|
|
|
FAQ常見問題 |
|
|
15/8/2005
|
GS500F
本人想比較GS500F & SV650S 分別之處, 前者價錢比較平,但後者坐姿比較"扒",真不知如何是好 ???? 另外請問GS500F有幾多ps ??? 有冇相關的試騎報告??? GS500F 值不值得一試(以你客觀分析) 多謝意見!主要用途來往市區 & 短程 !!
王生
GS500F用風油冷直二引擎，強項係慳油耐用。SV650S用新式水冷V2引擎，強調全區域輸出。去玩要威，揀SV650S。做野代步，GS500F。
GS500副偈應該有4.幾 kg-m扭力和四十零匹馬力。
|
15/8/2005
|
著唔著下架車好呢...??
老編大人你好呀...由於近排天氣反常...小弟為了安全起見...忍手冇出車...但我想問...我都知長期唔抯...對架車係唔好的...但其實我每過幾日去著下部車...其實作用大唔大嫁...但我都係著佢2,3個字...就熄車走人了...而且耐冇著...一去著番個陣...好難著到...釣住油著車...但個油門都好似冇乜反應...但試多幾次就得了...會唔會係有第二道有問題呢...麻煩晒你呀...小弟係抯125細羊的...
小魚
想利用怠轉對電池充電，要好長時間，恐怕要等到引擎過熱，火咀積炭先得。最好辦法都係開車駕駛十五至二十分鐘。電單車冇著車一排，係會難著少少。
|
15/8/2005
|
re:超級跑車
k5由0-96都要3.18second,邊部老電有2秒幾?
chi
|
15/8/2005
|
Rossi將擔任Ferrari測試車手??
國外消息指出，MotoGP世界冠軍Valentino Rossi將在近期內正式加入Ferrari車隊，擔任測試車手一職。Rossi自今年4月起便陸續為Ferrari車隊試車，他在上週再度於Ferrari的私人測試場地Fiorano賽車場進行測試。整個測試過程極其保密，Rossi甚至戴上紅色頭盔代替他原本引人注意的彩繪頭盔。
報導中也指出，有一位不願具名的Ferrari車隊工作人員透露，Rossi做出的最快單圈時間約為57.2秒，比起去年Michael Schumacher在2004年做出的賽道最快單圈紀錄約慢了1.5秒左右。在經過2天375公里的測試之後，Rossi現在已經符合FIA發給超級駕照的資格。雖然Rossi目前還不願正面證實這項消息，並表示參與測試只是純粹想滿足他對F1賽車的好奇心，但外界認為上週的測試其實代表Rossi與Ferrari雙方已經採取更嚴肅的心情來看待未來的發展。然而，Rossi與Yamaha之間的合約到2006年賽季結束才到期，想看到Rossi駕駛紅色F1賽車上場的畫面最少還要等上一年半的時間。
meee hauyufong@yahoo.com.hk
|
15/8/2005
|
Re: 超級跑車
又是電單車和私家車的決鬥。電單車輕人地一大截，就算是最大cc的2004年川崎Vulcan 2000，得果340kg，重量都唔過1噸。都輕過2004年F1的Ferrari F2004(少43.802%)。不過我想私家車最大的好處是熱天有冷氣不會曬到隻狗，下雨又有車頂擋雨，唔洗淋到隻狗。
Ferrari F430,人地是4.308公升V8引擎。
情況有如一部Yamaha YZR-M1(Valentino Rossi)和Ferrari F2005(Michael Schumacher)同場比賽，比賽雖然好看，又有娛樂性，但意思不大。
WONG Ho Ying
|
15/8/2005
|
Re:激襯...駕院 - 未上賊船既同學, for your informati
考牌要用成半年, 加加埋埋都冇 30個鐘...又真係幾......不過下次排堂, 可以上網排 www.hksm.com.hk,排左, 留左mobile number, 一日後就會有人打黎,我都學-ing 貨VAN
Tommy
|
15/8/2005
|
re: CRC..
www.crcpfs.com
Tommy
|
15/8/2005
|
majesty125 著車問題
以前我都係渣呢架車, 新車買返黎o既, 天氣凍時就會有自動死火呢個問題, 其實好似冇得解決, 跟住我渣日本250羊都唔會話有呢種情況, 所以可能就算點攪都唔會好得好多
majesty125
|
15/8/2005
|
超級跑車
最近睇本車書講（怏拉利）的最新型號Ｆ４３○，話用三百萬享受○–１○○Ｋｍ／ｈ，４.１秒的加速快感，又話沒幾多個男人有這種福分，去享受這種近乎高潮般的加速，又講話窮鬼沒有這種加速高潮，私加車就真係既，但我的Ｂａｎｄｉｔ１２Ｓ只需３秒，極速２６○Ｋｍ／ｈ，大把電單車𣎴需４秒，２秒幾都有，啲人話超級跑車如何快，如何勁，但又係吃電單車塵，隼唔改車都去到３４○Ｋｍ／ｈ啦，以上對話止講直路！哈
小豬肉榮
咁…如果有人話送部車俾你，只準揀一部，咁你會揀邊一部呢？
|
15/8/2005
|
RE:危險
係呀...重有d 大水tom....行緊8x成部車浮起!(當時又黑又大雨..差唔多咩都睇唔到.只可用前車尾燈古古下)重要部車慢慢咁月側月勁!當時只想住比行油快快過左個超長水tom 等絛o太咬番地拿番正部車.,,,之後幾次過e d 大水tom 都係咁
+問:
其實正確係用咩方法過?
dtwo
應該盡量避免經過水漥，不能避免的話，收慢車速，唔好用迫力，棟直部車駛過。可以的話拎起雙腳費事被水濺濕。
|
15/8/2005
|
換火咀問題
你好,我想請問,大R400應該點換火咀?因為我買左支火咀通,但好似唔係好夠長,我應該點做呢?同埋係唔係要換晒4支火咀?但入面果兩支好似好入,又有喉頂住,應該點做?可唔可以一個一個STEP教一教小弟?唔該晒!
水 john2222222@hotmail.com
買左4支就換晒佢,拆油缸,用風鎗吹沙,再買駁長工具加落去.
|
15/8/2005
|
油缸生銹
油缸入面全部生銹,鐵銹成日塞住化油器,時時要洗吸,點解救?
新牌仔 alfiewong@netvigator.com
加裝一個電油格,開始有問題就換,好過次次洗吸.
|
15/8/2005
|
怠轉不穩
本人的 CB250 近兩日,突然怠轉不穩(力水和以前一樣),開車就死火;個個街口都死火.但昨日, 低檔高轉行完大斜路後, 又無事.今日, 同樣問題又發生.請幫幫忙解答
ccc
好否油缸入水,放左杯底油試試.
|
15/8/2005
|
車撻唔著
本人在網上廣告買了一架白色03年majesty125,點知買貴了少許都算,點知架車凍車唔比油撻唔著,著左唔keep住比油又死火,直到熱左車先ok!!極力子嚴重損耗!!而家極力子換左$1320,
死火方面,師傅話除左拆機器,其他方法都試過唔得,佢話拆機器人工貴,所以我唔做住,想問下究竟我架車有咩問題le???萬分感激!!果對放車情侶真係無良心,仲要未換偈油都可以話換左!very Good>_<
Anson anson48tsang@yahoo.com
拆得機器,一係食偈油一係唔夠壓縮,或哇佬漏氣.
|
15/8/2005
|
維修問題
小弟架CB1300最近發現行車時. 當轉數上到7千轉有少言午好似CUT油停一停.但過了7千轉後又無事直上紅區.請間為什麼會有這情況及如何解決..謝謝
ANDY
有否檢查過風格.
|
15/8/2005
|
唔該!小弟有嘢請教
本人的車99年踢ONE近排出現油門俾唔到油無論在高速4,5波或低波起步.𤛔車無端端俾唔到油十分危險 有次仲撻唔着叫拖車 俾車房換了火咀 洗CUP 攞車後情况一樣,再隊番比佢又話火咀線斷咗又換,揸一晚後又唔惦,唔知电器嘢呢
kenny.lee kennydancer@sinatwon.com
要先確定cut油定cut火先得,如巳真的洗了化油器,咁可以檢查油制,如火咀線有問題,可檢查一下coil.
|
15/8/2005
|
化油器英文係乜?
carburettor
|
15/8/2005
|
re快相
已經加左一次監,再來就係吊銷牌照,所以唔洗咁擔心再加監,有錢就留起佢考多次啦
|
15/8/2005
|
緣朗XX中心
緣朗XX中心買又買部唔掂的車比人,一d都唔掂呀叫佢整車又唔掂整唔好,叫佢買野又買唔到返黎，佢都唔係做生意嫁?
will
|
15/8/2005
|
冇
其實睇呢度知左crc有九折好耐, 但請問油站地步? or 有冇電話或www可查? 多謝
小羊
|
15/8/2005
|
Re:激襯...駕院 - 未上賊船既同學, for your informati
話晒都係客的同學。我都係係沙田學，現在仲學GUN.其實我都有D同意你的講法。係冇錯﹗我極同意你講D SALES 好X冇用﹗同佢地BOOK 堂 BOOK 到你嘔，BOOK果幾堂用左我成個鐘(等+BOOKING)，問少少野又要等成半個鐘先問到，被人打尖時我去同個SALES講我有LAW 票排隊，下一個係我WOW，應該SERVICE 左我先LA, 個SALES 就話打尖個個人問先，仲叫我等佢處理左打尖個個人的事先到我﹗我頂佢呀﹗先佢咁答，火都黎﹗我即刻問佢咁要我地LAW 票排隊做咩﹗個打尖同學見我咁，就話唔知我地在排隊仲叫個SALES SERVICE 左我先，我聽到就同個同學講算LA現在最重要唔係你打尖的問題而係個SALES 唔識處理有人打尖的問題，仲要話我唔ARM要我等，又黑口黑臉SERVICE我，之後我LAW左佢個名，本來想投訴佢，不過諗諗下算LA。仲有由報名到排期考路試，要成半年先考到個車牌﹗頂﹗學車咋﹗要成半年先考到，都唔知等咩﹗仲要係半年內好多時間都係等等等一直等到學期到LA, 考期到LA，唔想等得太耐唔記得點渣，咁就比$160補鐘1小時1堂LA (貴又貴過人). 頂﹗半年AR, 新車落地都RUN完車LA....... 所以我對HK駕X學院的SERVICE 唔多LIKE.
不過，話時話，我反而覺得D教車呀SIR好好人WOW, 你有咩唔識只要你問佢地一定答，當然，唔會100%所有呀SIR都係好正LA,總有D唔多OK的咁你咪唔好找佢地教或問野LAW.不過，你所講1個呀SIR帶6個學員我就冇見過WOW, 我上咁多堂最多都係1帶3. 有時學員唔夠，呀SIR都會1帶1。到斜路練習，係得2條唔多夠，所以都要自已曾取，見冇人時即飛車去練GA LA...... 不過係學院入面學點都安全過係街練AR，打打下8字被車撞會死人傢﹗
重有，D呀SIR叫你比多D錢學，其實這個係另外一個SERVICE黎，你覺得OK咪唔比錢LAW, 覺得唔OK想有人睇下指道下咁就要比$ GA LA. 鬼叫自己唔OK咩，係商業上角度睇，自己有求於人的話就要BUY 佢地的SERVICE OR SUPPORT GA LA. (我都比左，不過比左1千元到，視乎你的需要)
細細粒BEEP
|
15/8/2005
|
砧口滲油
我想請教一下老鬼師傅及老編先生，我的座駕是一部97年YP250，近日發覺砧口有輕微滲油及燒偈油的現象，耗油量也高了，如果進行這類維修，需時及費用大概要幾多？另我部車是原裝深藍色，如何可以得知顏色的編號，因我車身有修補過的痕跡，想買罐噴漆噴返好佢。在此先謝！
CN
如一機器小修人工大約千多元到.colour code 多數貼在坐位下.罐裝噴油並沒有此no.
|
15/8/2005
|
有感而發
自從小弟大半年前因為屋企有左小朋友賣左架CB400轉搭公共交通之後, 響馬路上多左好多時間睇下周圍d車友點渣車, 亦都因此發現, 時下好多車友d行為都真係幾得人驚. 繼上次見到學牌跟朋友出車之後, 前兩日坐小巴由九龍灣出旺角短短一段路, 已經見到三位車友用自己生命做賭注/視交通規則如無物.
1. 首先, 一位P牌男車友(CB250F)響一個轉左燈位(紅燈)攝上黎, 頭位係一架重型貨車, 佢居然可以停係架貨車既左手邊(頭轆之後), 雖然最後佢一綠燈就一支箭咁走左去, 但係, 如果佢起步死火我都唔知佢點算.
2. 出到偉業街上橋, 架小巴跟住一位綿羊背心女騎士, 臨去到落橋位, 因為橋上面d車要cut去左邊線, 左邊線d車又要cut入黎, 所以落斜慢車.只見呢位女車手一路落斜一路擰頭望左面, 心諗佢意識都幾好, 點知一去到斜路底離開防撞欄, 佢就即刻響影線上面cut左出去左線, 當時左線前面係一架重型貨車, 之後係一架泥頭車, 都係打住左燈等到位cut線. 呢位女士就cut左去兩車中間.佢其實知唔知影線上面因為冇車行, 一般都係好多沙塵既呢?
3. 出到旺角太平道火車橋底燈位, 大家都知果度放工時間奉旨多車, 只見另一位女騎士, 好自然咁cut左出左線(只准左轉)就咁直去......五分+$450果喎..........
仲有有時(係周不時)見d車友(男女都有)cut雙白/影線, 唔跟燈位方向指示, 禁區停車, 會唔會係因為d車友冇其他車牌, 而電單車因為體積關係容許佢地犯呢d錯(私家車冇可能好似第一/三位女車友咁cut線), 所以冇呢d意識呢?
BIG 1
如果新車友冇其他駕駛執照的話，自然會以為去到便去，較46亂來。
|
15/8/2005
|
crc入油九折好過裝慳油器
p仔
咁如果九折入油再裝慳油器呢？
|
15/8/2005
|
快相
我p牌,加左監到11月到期,被影快相,超4km...捉埋我冇掛p...驚再加監..police話出傳票冇扣分...話準時交左就唔會加監...想問係咪真係冇事架?同埋total要罰幾$?
kit
P牌的處罰方法係加監和釘牌，並不是扣分。如何判刑是由法官決定，不是警方。
|
15/8/2005
|
最低離地距
老編你好,我想問下最低離地距其實係指邊由邊度開度起呢?咁到底最低離地距到底係高d定係低d好呢?因為我諗,如果係高d o既話,部車就可以訓得低d,但係問題又黎喇,咁點解d人要load低車身呢???唔該晒老編
kenvieri
中文的「最低離地距」係指除了輪胎之外，電單車最接近地面的高度，而這通常是引擎底部與地面的距離。通常離地距越少，車身重心越低，操控也更省力，但太低在實際駕駛時會造成不便。
英文的「Ground Clearance」則代表電單車左右傾斜的容許角度，越大表示攻彎能力越強。
至於坊間有low低車身的做法，純綷係追求外觀的做法。縮短了避震行程，和把車身整體降低，都會破壞操控。如果以為降低電單車車身可以加強操控，是犯了最根本的錯誤。因為電單車轉彎要靠傾斜車身，而46轉彎時則盡量不讓它發生傾側。
電單車重心低和車身低是兩回事。我們所追求的是高車身，低重心，而不是低車身，低重心。所謂高車身，最重要的其實是座位的高度，不能太低，所以現今跑車雖然可以做得十分輕和細小，但座高都會有800-830mm。
|
15/8/2005
|
換車一問+分享
抯左超4一年割愛賣右 心痛 因失竊率太高 之前己唔見左部爬山車 而家想轉部羊仔代步希望可以安全d啦 請老編比比意見2萬內新車有什麼羊仔好例如QS150T T-REX150玩得過嗎?間中雙騎只求耐用 迫力收車那部好 行快線有冇得諗 我見有D車行師傅都係用D普通車仔好舊果D+唔洗車 係唔係今先係用車至高境界 謝謝老編
ANDY
大部份車行老闆用電單車都係用唔起眼的舊車。老編都算係去到一半境界--->>因為都係用舊款車+唔洗車(落雨的話冇計焗住洗)，形成一浸天然保護膜，方便人地用手指留言，賊仔見到都冇胃口。其實驚偷車，綿羊未必一定安全。150綿羊亦唔可能會好耐用，你重話要雙騎行快線...可以考慮一d年份高少少o既街車，例如XJR1200，西風750/1100等等，你會發現重正過以前部超四。再唔係揀巡航車，例如Vulcan/Intruder/Virago(不過最少要有400以上先好喎買喎，話晒你都係超四底o麻！)
|
15/8/2005
|
抄牌一問
今日架車俾差佬抄左牌~但係告票既車牌號碼同日期一欄都被修改過~
請問可唔可以走法律罅~用呢兩個修改過既地方去推翻張告票~??如果可以~可以循咩途徑去搞??唔該哂~!
430
昨日先答完，請翻看以前留言。
|
15/8/2005
|
頭碟問題
老編你好, (1)如何知道頭碟曲左, (2)如果輕微曲左,行車時會否有很大影響(3)有否補救方法?
jj
即是煞車碟只是輕微彎曲，制動時手泵都會有脈搏跳動感，影響制動能力，制動泵也會承受額外壓力，解決辦法係馬上換碟。
|
15/8/2005
|
我剛離開P牌行列.之前抯VTR250.現在想轉抯CB400VTEC系.一及二代有分別嗎,多謝.
開啟VTEC轉數唔同，詳情重溫【靚車檔案】和FAQ內的介紹。
|
15/8/2005
|
保險問題
老編我想問一問你,如果我既年齡係24,無NCB,想出TW225新車,請問第三保同全保既燕梳大約要幾多錢呢?
請直接向保險中介人查詢。
|
15/8/2005
|
警方列151個捉快車地點
港島總區
東區
1 石澳道1號門牌
2 石澳道燈柱33790號
3 石澳道燈柱33810號
4 港島東區走廊(東行)燈柱43808號(太古城)
WONG Ho Ying
.......................下刪一千字
唔使copy，【常用資料】內有列出警方公佈的執法地點。
|
14/8/2005
車友投訴
|
激襯...駕院 - 未上賊船既同學, for your information.
俾左$之後其實經己後悔不己, 貴又貴過人, 又唔係有人跟住你咁教，一對六咁上堂喎!又有大部份堂都係由你自己練, d ar sir影都冇, 又sell你加多二千幾蚊俾多個帥父跟足你d堂喎!short ga, 7千幾加多2千幾, 我成份人工俾晒你都唔夠!你地自問教到成萬蚊野咩?!!仲成日撞到個係沙田門巿個個超差四眼女cs, 嗚...我有俾$架...慘過打工受氣...乜都要你加$, 乜都唔得唔得, 點呀??? 你收我成7千幾蚊啦己經, 排期又特慢, 人地快既4個月ok啦, 你double呀! 上堂又成日放半個鐘break, 遲上早放, 有時撞到d廢柴sir, 都講左好多次我係上自動波咯, 訓醒未呀唔好再問我用左咩波啦, hai到爆!自己練個d堂,唉, 斜路得兩個, 有人上堂有人考試你唔洗指意有得用, 俾多d$補鐘啦~~! 咪再擺hk兩個字係個名前面啦pk駕駛學院, shame on you! 如果知係咁ge我情原唔係香港學都唔會報佢! 未上賊船既同學, for your information.
話晒都係客
|
14/8/2005
|
Mojito 150
岩岩拎到個p牌,請問新仔岩吾岩多架車?越睇越中意...
狗
當然適合新手使用。
|
14/8/2005
|
G-MAX 150
老編e架pgo玩唔玩得過呀?
chili
家下減價應該會更加抵玩。
|
14/8/2005
|
唔知會唔會有石油氣電單車呢?!?
就算有，香港都應該唔俾用。你睇私家車唔俾有石油氣引擎就知啦...因為會違反現有的交通運輸策略。
|
14/8/2005
|
i just got my license, is new bike driver cant driver Bike? ( i dont have any license befor i got my bike)
i would like buy a Cruiser which one should i buy?any suggest plz.
Usually we will say "drive a car" or "ride a bike". A driver should not ride a bike unless he is a qualified rider with recognized motorcycle license.
Both Suzuki GZ150, Honda Phantom 200, Yamaha DS250 are suitable for new bikers.
|
14/8/2005
|
$$$$$$
小弟有日將愛車放响排骨位..(位置正確)約1個小時取車.愛車的位置被其他車友的車擺過了少許(我相信)剛好有位差人抄牌.小弟馬上上前解釋...但差人話已經落o左薄無辨法..叫我下小心D.......多謝老鬼哥俾個機會我講講...最後我想問如果我有那個差人的號碼可否投訴
宇宙大怪物
可以嘗試對告票作出抗辯，香港警察表格投訴不公允定額罰款告票表格
|
14/8/2005
|
香港政府根本唔想又唔鼓勵市民揸車
政府一向的運輸政策是以公共交通(鐵路)為重心，大家都知現時無鉛電油是$13.62/L，政府抽稅食水深到44.493%。如果各位有看電視都知人地美國LA的無鉛電油是每美制液態加侖USD 2.95 (即是 HKD 6.05 /L)。政府在油價升的時候都唔自己先減稅，仲成日叫油公司減價，邊有力去說服人地。更加講鋪好D爛路，畫多幾個街邊停車位，甚至是反偷車，政府的格言是「意見接受，態度照舊」。你沒位泊車，部車俾人偷，D路爛到九彩，係閣下的事，你去揸車，重比多野政府做!
WONG Ho Ying
抽咁貴電油稅的動機，就係唔鼓勵市民用車的措施之一。柴油和石油氣便宜很多，可惜沒有石油氣電單車...
|
14/8/2005
|
陰影
因試過轉灣洗胎，而家有陰影，點算，轉左彎本來可以好輕鬆，而家就驚住驚住，有時仲波out添，總是發覺條胎唔咬地，路面有油嘖等等，轉右彎仲衰，要收到停先敢轉，可以點改進，是心理影響嗎？
心理問題，唔敢壓車自然轉唔到彎。可以由轉慢彎開始重新練習，伸隻內彎腳出來stand by，萬一跣胎時都有隻腳撐一撐。轉多幾次發現隻stand by隻內彎腳根本係多餘之後，便會放心轉彎。
|
14/8/2005
|
有趣短片
http://myweb.hinet.net/home4/houkeng/Yamaha-Suzuki-Honda-HarleyDavidson.mpg
Al
|
14/8/2005
|
車位
灣仔電單車位極度嚴重不足，泊去後巷又抄牌，完全冇面俾，頂佢個肺，個政府真係唔掂，揸車返工變白做，又唔識整多d車位，明知唔夠車位啦，我都識做收埋後巷，真係冇野講.............
|
14/8/2005
|
鉄鐵會館????
鉄鐵會館????鉄 >>>> ??? 乜字黎? 點讀/點解??鉄鐵??????係咪 forum 黎???
wow!! 屯門同樂仔單野...咁多人講?...可能黎黎去去都係得兩個....係真係假....觀眾自己睇喇....XDDDD,下次我真係唔好咁蠢去 re....盞俾多個機會人AD..
Tommy
「鉄」係鐵的簡寫嘛。鉄鐵會館點解？o騎o騎因為打錯字o羅，已更正。thanks!
p.s.【鐵騎會館】係乜，暫時仍在構思中，初步唸會係一個直出的互動區，唔會再有人隔渣檢疫。目前仍然度緊細節。
|
14/8/2005
|
老編!!!!..............鐵"鐵"會館???????????
哈哈!!!!銻你一野眼眉先!!!!不過其實係d咩呢??我就估係留言版, 或者chatroom...(可能老編已經忍唔到個老鬼信箱...感到好煩悶啦...比間房大家自己"吹爆"佢算...從此過住d退休+攬女o既新生活喇...) =_=!
馬交文
認真鬼掩眼，打錯字重要雞o拿咁大隻字出左街，重要ibike內部冇人發現.....唔該晒！
|
14/8/2005
|
哦! 唔該哂!我會記住喺腦,下次遇到同樣情況就會諗返你的指導去實踐.謝謝!
澳門的阿嬸新仔 hermialeong@yahoo.com.hk
慢慢來…
|
14/8/2005
|
危險
各位26大哥.今日小第同朋友出車食飯.明知一好風求,我同我fd講話答車.佢話有車唔查,我唔夠佢講,唯有出車去,點知真係突然狂風大雨,佢查部cb400.出到高速公路.我同佢行70公里我行漫線佢行中線.突然有部車係快線cut過中線.睇唔到我個fd.我個fd又要閃避佢.佢又cut過黎我度.當時視野好無胡.好狼狽.又行雷....所以話打風出車好危險
小心架洗
打字王
|
14/8/2005
|
車''太''硬了~~
我的車子因放了太久~~最近去車行檢查~~師傅說我車''太''硬了/~~會唔啜地,咁係咪一定要換呢??我下雨個陣''查''都覺得滑滑地~~~唔係咁啜地,咁可否解釋下,由制造出黎個陣都會擺一排先賣得出嫁啦,咁個時點解又唔硬,而家先黎硬呢???thx~~老編or老鬼大哥~~~~
KG4992~~~
車胎保鮮期本來只有三數年壽命。由出廠計到坐船運輸到擺入倉再裝上車用都會有一段時間，再加上二手車d胎分分鐘裝左上部車有一兩年時間，等賣時又唔知等幾耐，到你買左部車又玩多半年，數落都夠晒期有突。
|
14/8/2005
|
大風泊車
如果打風果陣唔想被風吹翻部車,我知道應該唔好落車套,但我想問究竟落側架定大架會好些呢?如果部車真係被吹翻會否好傷呢(這大概所謂"零"速跌車吧)
求知者
落側架，鎖軑，入一波。吹跌部車當然會有損傷，淨係個心都排痛啦...
|
14/8/2005
|
RE : 屯門
唉~~~咩野事都好，以和為貴。有咩野好爭議呢? 樂仔只係贊o下間車行，又冇得罪你地，點解要咁做呢?電單車已經成日比人睇小，點解大家重要咁唔團結呢?老虎兄，你就真係知o的唔知o的喇，果日你朋友部車換死氣喉，我都在場，係個師傅自己出聲話唔小心跌左粒羅c入死氣喉，不過佢話唔使怕,一比油就會飛返出黎，事實亦如此，飛返出黎。另外你自己部車都唔萛係小野啦，跌到爛晒o的 fairing(好散果只)，用纖維補，補完仲要噴油，果排因為好潮濕，地下都起晒水。先話比你知因為未乾晒，唔可以就咁交比你。你事後取車仲好好聲氣咁仲買埋碟鎖先至走。你仲記得嗎?你可以會問我點解咁清楚，因為我係長期都會o係果度o既客仔。你部車我都有份幫手做。人地都係唔想求其交比你就萛，至會遲左幾日。人地亦有同你講原因，say晒唔好意思架喎。(我唔係鬧你呀，唔好唔會呀。)我都同騰師傅講過有人登上黎講野，有彈有贊，佢只係叫我由佢，唔好理就得。仲同我講左一句，"能盡如人意，但求無愧於心"騰師傅你掂，睇得開，我服你!!世界上什麼專業人材，什麼大師傅都係人，人誰無過啞?學識寬恕，做人至開心架嘛。我睇過一個聖經故事，相信大部份人亦知，
簡短o的講喇。一個妓女，比一大班人在路上用石頭打佢，耶穌見到，只係同呢一班人講左一句，你地邊個由出世到現在，一件事都未試過做錯o既，你就放心地用力打死這個女人把，結果就全部人都停晒手，散開晒。大家應該明白固中道理。真你架大家出黎玩電單車，團結o的咪仲好，攪咁多野做乜。老編先生，以後你不如有關任何車行o既野都唔好登上黎喇，你又好做，又唔使成日哎交，幾好呀~~~
學晨 (學緊整車，我叫呀晨)
呢篇文應該有關x門地區車行的最後一篇，一人一野，叫做平衡番兩邊意見。其他地區車行未曾遇過相同問題，所以如果日後有其他地區車行的讚頒文章會照出。淨係x門地區的文章會刪除，息事寧人。
|
14/8/2005
|
re: 多謝x門.....
我就唔知邊個係騰師傅唔好意思,我淨係知道x門某間車房做野極之唔負責任.上次我朋友去呢間x門車房度裝死氣喉,裝既時候我的朋友明明見住個師傅跌左粒"羅絲"落梳蕉度.我的朋友第一時間講俾個師傅聽啦,點知個師傅死口都唔認,最後我朋友堅持著車俾油一俾油粒羅絲就飛左出黎喇
另外我試過放低過部車俾呢間x門車房整過d簡單野,我都問清楚個師傅咩日子先取得車(因為我返工放工冇左部車好唔方便)個師傅話你4號就可以黎攞車架喇,咁我都同個師傅話5號先攞啦,點知到到5號我問間車房取得車未,佢就話要等乜等物,跟住我就語氣重左d問佢乜你地咁唔守時交返部車俾d客個咩,跟手佢仲要威脅我話如果你想部車未整好既咪依家黎攞囉,咁就真係攪到我冇野好講喇,講呢間車房唔知係咪樂仔你講果間,名我就唔想講喇,我淨係想講呢間衰車房係x門個o者
老虎
其實好唔好以後所有有關x門地區車行的留言都唔好出呢？因為無論留言係彈係讚，都會有人撲出來講相反說話o既？老編只係十年前入過x門一次咁多，唔認識呢個地區，也不認識該區的任何車行，無法判斷誰是誰非...
|
| |
|
|
|
 |
