|
|
|
FAQ常見問題 |
|
|
13/8/2005
|
Re: 代出燕梳...
唔好介意，呢D是是不是「拿屎上身」!
WONG Ho Ying
|
13/8/2005
|
代出燕梳...
請問如果我幫個(p牌仔24歲只得電單車牌)出左一部pgm3而佢如果發生意外,雖要捉動燕梳,我除左下年加保費之外,仲會有咩後果...
迫於無奈.......
如果有客觀事證明部車事實上係由一位P牌人仕長期駕駛的話，保險公司可能會以違反合約最高誠信原則為由，向投保人追討保險公司已付給受害者的賠償。在電單車的案例中，投保人一般都被要求是登記車主，所以如果你借名俾人出車，亦會同時負上身為車主的法律責任。借名俾人出車，或者借車俾人有關類似行為的後果，請重溫【知識技術】內的「電單車保險大解構」。如果係家人都話推唔甩，但如果係朋友親戚同事的話實在唔應該咁做。
|
13/8/2005
|
咁樣o岩唔o豈?
謝謝咁快的指教!
你話: (對付正面逆風，可以打住左燈，降低車速，伏低上身，咬牙死頂。其實最大危險來自側邊的翼風，所以太大風時不適宜駕駛輕型電單車)
首先:
知道! 自知以我如此輕磅及如此嫩的技術, 決不會揸小羊過橋(無論大風與否).那次只是不知非常大逆風才行那大直路(不是橋)....但行到去又沒回頭路, 只好死頂!本人想長氣請教多些:因本人行車速度較一般車手慢, 平常車速只在20~30km/h, 想問"打住左燈, 降低車速"的意思是否加速到認為向前行到就可以, 因為那天我加到40km/h左右就是這個感覺,也有"伏低上身，咬牙死頂",如果減速, 我有被風將我吹返轉頭架車不會向前行的感覺....
請指教"加速到認為向前行到就可以"咁樣嘅速度啱唔啱?恕我這個阿嬸要講白啲才明解!謝謝!
澳門的阿嬸新仔 hermialeong@yahoo.com.hk
平常車速只有20-30km/h？應該同路面車速嚴重脫節，也到了慢無可慢的速度.....如果俾強風吹的話真係有機會吹番轉頭....如果因為個人問題唔可以再開快d話，記得時刻檢查尾燈是否亮起，身上服飾也應以光鮮明亮易被人察覺為上。
|
13/8/2005
|
架車好大食(rvf)
架車好大食(rvf)
本人座騎是RVF,剛買回來!已換所有消耗品!但是油錢是$1.4元!點解耗油量會.......咁大食?thx!解答覆!~.~?????
jacky waimo111@yahoo.com.hk
洗化油器睇下點....(最怕係你上手車主都搞到投晒降先賣車)
已清洗化油器,車行都冇付?
jacky waimo111@yahoo.com.hk
如果架車冇漏油，咁就可能係化油器積死左整唔番.....
|
13/8/2005
|
SUZUKI
Hi... I'm very trouble. I want to buy new bike. I drove Virago 250 with 10 months and want to change. I have 2 choice
1) SV650S
2) Bandit650S
I think Bandit will be more comfortable but also more heavy. What your comment.
Daily drive with city areas.Many Many thanks
Tsang
Bandit650S, with main stand and more upright riding position.
|
13/8/2005
|
好大獲呀....
我的小綿次次落完雨之後就一定開唔著車..正常一部車要拉尾break先開到車..我部車的情況,係好似冇拉尾break一樣(但係有拉不過冇反應)..連尾燈都唔著,情help me
咁可能只是個感應制出問題而影嚮著車.因牛角部份有個制.
|
13/8/2005
|
請問老編:我的車是大沙王，幾天前我自已折電池沖電,折的時候電池接觸位螺絲好緊,都折
到沒問題,到裝回時發覺上番螺絲到電池+/-位時都是沒有啞的,變左上唔番螺絲,現在接觸
位好鬆,但是折的時候拿起電池時沒見到有絲帽,點解..?????????,是不是應該有絲帽的!謝謝回答!
大沙王
是一定有絲帽的..
|
13/8/2005
|
Triumph T100 Paul Smith Limited Edition
真係....好核突....以我個人觀點, Paul Smith 設計這T100 Limited Edition 係從平面/時裝設計角度出發, 但"弗"略了電單車(綿羊仔另計)傳統個性.若果張設計應用綿羊仔上，效果一定更好．
但..老編說的對.大師出品, 必"蜀"珍品, 雖然PAUL SMITH T100 Ｌimtied edition核突, 但我好欣賞他的其他設計．
快活小騎兵 funkyshitx@yahoo.com.hk
|
13/8/2005
|
後轆唔多轉
老編:我都好耐無上o黎o野喇!,又攪到你,我想問問,綿羊後轆用手轉佢,係會好似頭轆噤好順,定唔會呀??因為,.我試過用手轉後轆,有頂住頂住既感覺,唔會順轉,係唔係正常呢?如果唔正常自己有無辦法整呢??
vfr800
正常。
|
13/8/2005
|
TO : 樂仔
你好呀~我都係屯門人，下次唔好登上黎喇，無謂比人講賣什麼廣告啦。另外再此講一講，
如果屯門區什麼投訴電單車行，請老編打明公司名，同問清楚至登，之前我亦有睇過貴網O既投訴，屯門唔出聲唔代表認同，我見騰師傅做野都好細心。起碼唔會反轉個頭轆裝比人。
(係成條鈴反轉喎，仲要係手波羊單擔)簡直係離譜+過份，命黎架嘛。騰師傅我地支持你
新界北反飛車組
|
13/8/2005
|
為何綿羊要換密d呢?
大佬:點解羊又係2公升計油量！一架250cc街車又係2公升。羊就要2000km換一次偈油.....但250cc街車就可以3000km才換呢? 謝謝
jacky 仔
老編一向主張每一公升機油量便隔1000km換油，如此類推。如果250街車機油存量係2公升的話，便應每2000km換油。
|
13/8/2005
|
to 樂仔
1. 我唔知你係新牌, 我只係針對d 利用呢度賣廣告o既人
2. 你要讚揚人, 你乜 details 都冇, 留言黎做乜? 如果你可以打篇長d, 好d o既故仔上黎...都可能有人信
3. 乜你呢度o的人咁惡架? >>>>> 公路上d人仲惡, 你唔好渣車算啦...
4. 先前亦見有人登某o的車行個名去贊揚佢 >>>> 人地賣廣告咋...(部份)
to 老編
我只係針對d o係度賣廣告o既人....我有o係度 cd-rom 開 + 問過下野...呢度咁多兄弟.......我諗大家睇x門d 好電單車shop AD 故仔都唔少...鬧x門電單車 shop o既都唔少....睇到厭...係我咁抵得諗出post 講下....呵呵希望各位新牌唔好咁易信呢d 故仔...
Tommy
|
13/8/2005
|
快相
唔好意思呀.........我冇掛P, 果度行70KM我行左85KM,行快線........過左快相位約一百米到覺得後面有閃光燈閃左一下....(乜唔係快相會閃兩下架咩)不過架車係人地幫我出既.......會唔會釘牌架????
反省中............
假設你中左快相，警方會發信俾登記車主要佢交人，登記車主如果交你個名出來的話，你便好可能會加監，雖然超速15km/h不用釘牌，但張相應該會影到你冇掛P。唔知警方會唔會咁醒目發現你係P牌。不過你有辨法搵到個傻佬借名俾你出車，本身係P牌又冇掛P，又要超速重要行快線，你都有d辨法... 回頭是岸呀施主...
|
13/8/2005
|
Re: 電單車頭盔
蒙生,甚麼是50KPH?是否 "50 Km per hour"?你問問題都幾有趣喎,又不提供足夠數據,每層樓幾高又不提供,怎計?Ying兄,F=ma 只是約數,不準的,應是"a=dv/dt" where v be velocity and t be time.不過Ying兄都算見多識廣了,以文科計.小弟佩服.
PGM3 50578322@student.cityu.edu.hk
|
13/8/2005
|
打庶一問
什麼是打庶?是2衡車才有的問題?什麼是令車打庶的原因?可以避免車子打庶嗎?車子在highway 打庶會怎麼辦?會把後輪鎖死嗎?thx 回答!唔該晒
p 之人
你意思係咪話「拿遮」？簡單講係引擎過熱令活塞過度澎脹，係汽缸壁中積死左。詳細補充請搜尋以往留言。
|
13/8/2005
|
架車好大食(rvf)
本人座騎是RVF,剛買回來!已換所有消耗品!但是油錢是$1.4元!點解耗油量會.......咁大食?thx!解答覆!~.~?????
jacky waimo111@yahoo.com.hk
洗化油器睇下點....(最怕係你上手車主都搞到投晒降先賣車)
|
13/8/2005
|
re 換車一問...
哈哈...好多朋友都係禁同我講..有1100唔查,改查150..死梗....禁睇下部車賣個價得唔得才算吧,呀..runner其實多唔多小問題的,......thank you!...賣得出部車才選買邊部吧>.<.
wing
望下【車主報告】先啦。用開1100，改用150出街，老編驚你會喊出聲呀~~
|
13/8/2005
|
re : 多謝x門摩托"騰師傅"
老編，乜你呢度o的人咁惡架?點解贊揚o下都要咁比人話呢?老編，你是否應該"西"選左o的留言至 post 出黎呢?我唔知有咩野做錯，先前亦見有人登某o的車行個名去贊揚佢。係咪我地o的新牌仔好蝦o的呢???!!!
樂仔 cbloklok@yahoo.com.hk
引起別人有如此反應，絕對唔關乎你係咪新牌唔新牌的問題。人地針對的根本唔係你。因為你果個地區有兩批人唔咬弘，所以有關佢地o既留言，便會觸動一些人的神經。
|
13/8/2005
|
請敎大直路逆風時的駕駛方法
你好,今次想請教一下大直路逆風時的駕駛方法.因為昨天中午很大風, 又逆風, 大直路約1500km, 很少人及很少車,本人只得42KG, 揸50cc小羊.一直行時只懂加油(但不過40咪)
經歷後感覺很驚險.請指教一下在上述情況下的駕駛方法及技術...及順便指教埋順風時又如何?
澳門的阿嬸新仔 hermialeong@yahoo.com.hk
順風冇問題，收油當自己係杋船咁咪得o羅。對付正面逆風，可以打住左燈，降低車速，伏低上身，咬牙死頂。其實最大危險來自側邊的翼風，所以太大風時不適宜駕駛輕型電單車。
|
13/8/2005
|
re 迪士尼泊車$ ?
老電 $40
下路之虎~
|
12/8/2005
|
(下雨)天出車後發現頭轆軸芯有吱吱聲點算呢?
本人03年買入一部新街車,不理天氣好壞都會駕電單車,最近發現用手推車or"慢"車時頭轆軸芯(有吱吱聲),檢查過又不是"爆"啤呤,便試噴WD-40,好了兩天又响個,之後又用個偈油or雪油都是為持不久又"响"
samuel
唯有換啤呤，講開又講，老編部車都夠期換啤呤，都響左好耐...
|
12/8/2005
|
頭迫力"嗱"死
老編你好，今日部CB400 擺街淋左陣雨之後就發生左以下問題。部車個頭迫o拿"得好死下，推車都很困難，但係當部車行左十五、二十分鐘左右，個迫力就回復正常，坐在車上都很容易前後移動。到達目的地後，再測試迫力反應，發覺當迫力碟凍後頭迫力又"o拿"得好死…想問下會係迫力皮事，還是頭啤鈴有問題？
傑
先檢查迫力皮厚度是否足夠，通常都係冇晒皮搞到燒迫力，唔關淋雨事。
|
12/8/2005
|
迪士尼泊車$ ?
私家車要$120, 唔知有冇車友知老電幾$ ?????
Paul
|
12/8/2005
|
踢one
踢one,,,係咪有一種腳踏(司機&乘客分開)係咩腳踏??係邊到有得賣??幾錢??(菊花剎車碟)對剎車有咩幫助??點解碟形咁特別??
新牌仔
腳踏？唔好意思都唔知你問乜？菊花碟最主要作用係減輕重量。
|
12/8/2005
|
腳尖掂地
你好,我係P牌,現正在考慮買suzuki dr-z400sm,本人個子不高,大約1.68m and 79kg,坐上去還可兩腳腳尖掂地,但單腳可以有1/3腳掌掂地,是否ok???如遇上下斜路停車會否有困難？唔該比少少意見,唔該唔該唔該!!
好在你有番咁重「責」住部車，應該冇問題......o卦？預早搬定一邊pat pat落腳o羅。
|
12/8/2005
|
車牌淆了
老編你好,本人昨天放工拿車時,發現碼著車牌的鐵片被人弄淆了,車牌有一條摺痕並有少許向前摺,如果沒有鐵片,我想膠車牌已經斷開兩截, 請問這樣會被撿控嗎?
如要修理,費用又如何?
直直
如果裂痕阻礙正常車牌號碼的顯示，便會有問題。做過塊反光膠牌都係幾十蚊之嘛。
|
12/8/2005
|
交通意外後
當發生左交通意外後，車輛發生碰撞，雙方沒有受傷，報警後，警察只留下一些資料就叫我們自行處理。我想知道自行處理後會不會影響我續保同賣車。
船 boatchung@yahoo.com.hk
“船”君：
警察留下資料後叫你們自行處理，有兩種可能情況：
1) 雙方達成和解。無論是你賠他，或他賠你，或雙方同意互不追究，大家均應簽字確認。這種情況下不需要再報警。如閣下沒有報保險(如填寫「意外報告書」之類)，則一般不影響續保。
2) 雙方不能達成和解協議。這情況下應10天內向警方報案並録取正式口供並作出投訴。如是自己不對，則應盡快報保險，以便將來對方索償時，交由保險公司處理賠償。這情況下可能會影響你將來續保，視乎你過往的記錄及保險公司的承保政策而定。
佳保公証行
(本文不是法律意見，若有疑問，可咨詢你的律師。)
|
12/8/2005
|
re 多謝屯門摩托"騰師傅"
你要多謝人, 送可樂咪自己落去囉
上黎呢度講把鬼...賣廣告嗎?
Tommy
|
12/8/2005
|
yp250sv
1.想問yp250用全合成機油還是半合成機油..2.同架車縮油有小小打炮情況.應該怎辦?????
大蕉 salem9588@yahoo.com.hk
兩樣都可以，只要每次都用同一種油便可。縮油打炮通常發生在換喉之後，狀況輕微的話可以不理。
|
12/8/2005
|
re:三保上限
電單車可以撞到什麼價值75萬或以上的物件total lost?試舉例之........
如果撞雙層巴士要賠75萬或以上,我諗個司機都要total lost........
傻佬北 http://groups.msn.com/allmoto
其實唔需要電單車直接撞到佢「滔」o既，只要因為係電單車的過失而令到果件財物發生全損便可。例如車入面有一件75萬o既古董花瓶，又或者果架75萬o既車因為閃避電單車而撞到「滔」左...等等，例子可能會比較極端，但唔係冇可能。事實上路邊控制交通燈的訊號機座都唔平架，隊埋去整爛左，政府都會收番幾十萬o架...75萬係好少錢，路上大把唔起眼的車，有d可能你會話俾你都唔要的車，價值都可能超過75萬。
|
12/8/2005
|
re:第三保賠償上限
政府唔係訂了一億港元為上限麼?重有......,小弟未見過電單車可以撞到一架價值75萬或以上的私家車total lost......,如果有,請舉例給小弟知,thanks!
傻佬西 http://groups.msn.com/allmoto
一億元上限只係人命賠償，不同於財物保額。撞到d咩價值幾多講唔埋，75萬唔係好多錢架咋....
|
12/8/2005
|
換車一問....
想問Runner 180 vxr, 大沙王, T-REX 150....以上三部,邊部好d,少d病痛,我用來倣假日車,但一查就長路程,想選 runner,但聽人講多小毛病,真的嗎,因2手價很低...我本身查開1100街車,所以都唔怕查唔掂runner, 係怕d小毛病...thank you...
WING.
老實講，好難揀...你用開1100街車咪好o羅，繼續用啦。
|
12/8/2005
|
Re: 輝"AN400車頭燈"
咁要點樣整個撻車制？如去車行換，要幾錢左右？或者有方法自己攪嘛？唔該晒你阿~
Ok man hondansx1110@yahoo.com.hk
|
12/8/2005
|
多謝屯門摩托"騰師傅"
多謝屯門摩托"騰師傅"，幫我整返好部車，真係唔再"姪"油，仲爽左好多。仲教左我好多基本維修知識，我都知到跟人手尾好麻煩，總知就十萬個多謝，唔該+麻煩晒。欠你一打可樂，我會盡快送到。
樂仔
|
12/8/2005
|
re: 有關 AN 400 頭燈問題
可以參考http://fly.to/anpower
zero zero_volunteer@yahoo.com.hk
|
11/8/2005
|
RE AN400車頭燈
我都試過類似情況，及後我發現並唔係有野鬆左，而係個 "start" 制 老化左，一直contact 住塊銅片，搞到架車以為你係到 撻車 (你都知道撻車係會 off 左頭燈) 呢個亦係第二日架車個頭燈正常番既原因。試下望下個 撻車制﹗
輝
唔....幫到手喎。
|
11/8/2005
|
前叉是否有問題??
近日發覺我架cb400行車時堂軑比以前(登),尢其是係落斜.同埋車速較快時.有d唔穩定&不安感,唔知係咪心理作用.試過用力按過前叉,都覺得幾軟下...
請問以上現象係咪=前叉油&彈弓到期呢??
檢查三樣野：胎壓正唔正常，波子盤有冇打柴，最後先研究前避震需唔需要換油或換彈弓。
|
11/8/2005
|
超速問題
老編大人 , 我今日收到信話我係屯門公路超速左37公里 , 咁我上次比相機影左相當然要認(夠膽做,就要認..) , 不過同一時間我收到一封凝控通知 , 就話可能告不小心駕駛/危險駕駛/瘋狂駕駛等等....但是除左凝控之外就什麼都無講.....我都唔知咩事.... = ="
其實.....超速37公里....會比人告危險駕駛嗎? = =" 仲有 , 有咩辦法查詢係咩事?
文
例行手續姐，果封信d字眼又係恐佈左少少o既，無野o既唔使擔心，都係一般超速罰錢扣分咁姐。(記唔記得周星馳係國產零零漆內俾人捉去打靶果幕？獄警都係一路同周星馳講話冇事o既冇o既...一路解除佢o既武裝？)
|
11/8/2005
|
Re: 蒙海強先生IQ問題 - 50km/h= 3 層樓高(9.81米)跌落地面 1秒41到地.......
50km/h=50x1000/3600s
=13.88m/s
地心吸力 9.81m/s
13.88/9.81=1.41s
13.88m x 1.41s /2=9.819米高,大約=3層樓
wing
|
11/8/2005
|
架車好大食
你好呀! 老鬼哥
我架et8唔知點解呢排好大食呀,1日只係行左十幾公里就已經用去半缸油啦,唔知出左問題,我睇過又無漏油,麻煩老鬼哥指點下,唔該晒!!
Karen yvonnelui@sinaman.com
會唔會油錶壞或計錯數,大食成咁架車行來都唔暢順啦,又會唔會油制附近輕微漏油未發覺.
|
11/8/2005
|
Re: 電單車頭盔
根據牛頓的3大定律：F=ma
F: 力(單位：N, Newton)
m: Mass(質量)
a: 加速度(單位：m/s2)
呢道有沒有會考10A，或理科生。小弟是文科生唔識計。
WONG Ho Ying
|
11/8/2005
|
泊迪士尼
請問幾$?Thx.
華
|
11/8/2005
|
新款Yamaha電動電單車
Yamaha EC-02
http://www.yamaha-motor.jp/ev/ec-02/index.html
唉!香港政府又話要攪環保，又唔引叉電站，又唔引入多D油公司，去益下D市民(例如：BP、76)？
WONG Ho Ying
|
11/8/2005
|
二手KYMCO VENOX 250
1. 請問為何二手市場上沒有KYMCO VENOX 250 出讓呢? 是因款式新, 抑或是新車價已很平?
2. 本人不知選 KYMCO VENOX 250 (靚仔,機件好,馬力ok,價合理) 和 SYM JOYRIDE 200 (舒服,略大油,馬力少,樣子ok)那一款較好.......雖是兩種不同車種, 但請給意見吧!
肥四 375ml@sinaman.com
一部係棍波巡航車，一部係自動波綿羊，實在不應同場比較。任何車二手流動量少都是因為不太流行的緣故。老編看法是，代步揀綿羊，練習揀棍波車吧。
|
11/8/2005
|
電單車頭盔
另一個忠告:昨天有一個２６車手落地，’頭盔甩脫滾出三十米外, 頭部重創昏迷死亡’，大家有冇想像出點解頭盔會甩脫呢? 如果有扣上下顎帶，經過任何碰撞，頭盔亦不會甩脫，好好保護頭顱．我們不要貪方便，不扣上下顎帶，或不扣’緊’下顎帶，尤其是只將大頭佛式的頭盔套下，不扣上下顎帶，當離心力出現時，飛離頭顱，令頭顱以高速撞擊地面或物件．
IQ問題（但亦是有用知識）：車速５０KPH, 等同由幾多層樓高跌落地面呢?
蒙海強 drmong@drmong.com
|
11/8/2005
|
有關公證報告
想問當交通意外後,如果搵左公證行做左份損毀既報告以將來向對方索償,若報告出來後發覺與實際維修費用有出入, 可否向公證行提出上訴?
小虎
小虎君：
可以向公証行提出你認為不合理的地方，如果你有理据，應被接納，如不被接納，應向你解釋原因。
佳保公証行
|
11/8/2005
|
電單車第三者保險
俾大家一個忠告, 26車主雖然買左第三者保險, 如果睇清楚免責條款, 財物保障只有75萬元, THIRD PARTY PROPERTY DAMAGE (TPPD). 夠唔夠? 如果是你不小心駕駛做成, 例如令對方汽車撞山火警 TOTAL ＬＯＳＳ， 超過 75萬元就要由你上身負責，大家不可不知！以後見到貴過75萬元既車要遠離之．（一架雙層巴士話值３００萬）
強
|
11/8/2005
|
hi 師傅你好本人發現在日本4款跑車中見到只有鈴木gxsr600/1000的尾掣動係裝在右尾擔下部,由gsxr400到而家都係甘裝. 其他的則裝在上面.這樣出來的效果係邊種好 呢 ?
但我試過刻意在cbr 和gxsr上乾地約以時速60公里直路只用尾牒漸進收停及40公里急速收停 大家直路都ok ,急速cbr開始有少少甩尾的現象.
雖然尾牒唔係掣動主力,但甘係咪掣動裝在尾擔上面同下面之間的差別呢 ?在車輪行車方向睇來,因為裝在上面當剎車時有一種感覺好似係一種頂力,而裝下面係一種拉力 ........
所以頂力掣動效果比較直接,但不易壓低車尾重心.而可能出現甩尾.反觀掣動裝在下面在行車方向睇來係一種拉力, 容易壓低重心,不易甩尾 ......當然這只是本人的推測,甩尾與否還有許多因素如 車輛馬力,結構,車太,路面,操控方法等.甘前掣動又點解釋呢 ?
suzuki,yamaha & kawasaki.
尾卡鉗安裝在下方有令尾輪安定的作用。因為跑車制動時尾輪負重急速流失，所以頭輪無需採用下置卡鉗。
|
11/8/2005
|
咪錶問題
你好!有時見到d二手車,幾年車但只行幾千公里,如果係"堅咪"當然好啦,但心裡始終有些懷疑,可否教小弟怎樣去睇個咪錶有冇比人"了"過呢! thank!
ken
只能從車身整體狀態判斷。
|
11/8/2005
|
AN400車頭燈
我剛買一架AN400i約一個月，作天我"著"車時，車有電，指揮燈有"著"，可撻車，但車頭燈著一著，忽然熄左(高低燈也沒反應)就唔再著，我check過fuse又冇燒，咁我打算照駕駛返家樓下的停車場先，第日再去車行，但唔知點解，去到停車場我熄匙再開試下，頭燈又著返冇事…我想問:
1)以上情況是發生咩問題？是否關電流事？
2)如和電流有關，裝"電王"有幫助嗎？
3)"電王"是否接上電池正、負極就ok?
4)"電王"有冇跟中文(係中文阿~)說明書？如果有問題，有冇電話售後服務架？千萬個唔該~
Ok man
似乎係有野鬆左...唔關電流事。
而有關電王一切的說明，都在相關網頁內詳細說明。
|
| |
|
|
|
 |
