|
|
|
FAQ常見問題 |
|
|
11/8/2005
|
CB400 big one 點較 slow
請問CB400 big one 較slow 粒鏍絲位置在那處, 另外換風格駛唔駛起油缸
thx
Joe
怠轉旋鈕在化油器後，換風格只需拆左邊蓋便可。
|
10/8/2005
|
星艦改裝
請問有無任何零件是for suzuki星艦的
有無好介紹
謝謝！
新仔車主
可在本綱址內尋找.
|
10/8/2005
|
曲軸響
我前幾天羅了部車給師夫試車,師夫話我車曲軸響,我自己感覺上比油低轉時真是有這種聲,但師夫話這種車款hornet250高轉車有這種聲是正常的,,,我想問是不是真是不用維修呢,如果不維修有沒有什麼影響呢,大約維修費多少錢呢 還想問嘩咾響同曲軸響的聲音是怎樣的thanks
敏記
事關重大,請打清楚.再續!
敏記
機器聲好難形容到,但如肯定是曲軸的聲音咁就有問題,因如果機器是正常,你只會聽到整体的聲音,而不會是個別的,v4同直4都不一樣,不同機器會有不同聲音.是否要即時維修,就要聽下先知,而維修連零件一定唔平.
|
10/8/2005
|
re: JOYMAX 250
小明，我就係個件事的受害人。當時我係因為聽左深水步營盤街某車行建議而換，而佢地事後推卸責任同大聲夾惡，一味唔得閑唔想睇唔想理，你死你事。不過，佢地同奧士應該都無關係（亦唔係分銷商），又唔關奧士事，所以我最後仍然要返奧士畀錢換成套
呢個故事教訓大家，新車保養（我自己就會覺得一直去都好，我唔鍾意改裝之類）應該去番總代理，人地話幾容易搞（但剛到步新款車，幾多個人裝拆過？）都係咁話。因為渣架車的始終係你，有乜涉及整唔好而黎的損傷，無論責任係點，都係你受傷左先。涉及責任同錢更加麻煩，幾熟都係咁話
smallhand
|
10/8/2005
|
Choice of Chopper
老編，你好,小弟近日心思思想換部二手中量級Chopper. 心目中的撰擇有三部:
1.Shadow 750 (99)
2.Dragster 650 (98)
3.Kawasaki VN800 (01)
老實講, 小弟偏好VN800, 貪其在市面上出車量較少, 年份較新和較小賊仔鍾意. 可惜在車主報告和靚車檔案中沒有它的資料. 因此衍生出以下提問.
1.小弟有一年駕鐵殼羊和一年駕單缸400街車的經驗中, 那你認為轉駕800cc巡行車可以嗎?
2.請評論VN800的機械可效性, 保養和整体維修價錢,
3.如三者作比較(雖然水弟知道老編對Chopper無興趣), 那老編會推介那一部呢?
心急人上
SRbiker
老編只是試騎過Dragstar 650和Shadow 750，但沒有試騎過VN800。前兩者都很易操控。以你的駕駛經驗估計，應該可以應付。美式巡航車最大的保養工作是外表和打理電鍍，機件一般都沒有問題。正如你所說，老編對美式巡航車的操控沒有興趣，所以沒有特別意見，視乎你鐘意邊一個外表多d。(VN800 Drifter似乎最搶眼)
|
10/8/2005
|
請問有冇人知那裡有得賣大尾箱(可以放兩個大頭佛同車套及部份雜物),好以人地'pizza box' 果啲, 有個別運輸公司用緊.我四圍找吾到, 大約幾多錢, 那裏有得賣
pig_manman1@hotmail.com
pig_manman1 pig_manman1
|
10/8/2005
|
HONDA PS 250
想問PS 250 是否同FREEWAY同一款偈呀,你對此車評價如何呢?維修貴嗎?我見PS 250無乜OPTION料賣呀?此車新車HOW MUCH AR ?THX U BIG BROTHER
飛跪王 waikit88888@yahoo.com.hk
PS250採用Forza引擎，有關評價及配件及價錢，請參閱【靚車檔案】及燦基網站。
|
10/8/2005
|
買車
老編您好,我大約有三萬五千budget, 你覺得買架全新250 台灣車 (新出大大架果架呢), 定係買架二手日本車 eg: MJ250 AN250 比較好呢?
另外想問我上年同架的士撞左車, 後尾被告不小心駕駛, 我報左上燕梳公司, 但最後的士無 claim 到我, 甘我D NCB會唔會冇左? 今年既保費又會唔會貴左?謝謝
占屎
好難講，因為唔知你會遇到d咩二手車，質素好的話當然吸引，但運氣唔好的話，當然買新車較有保障。你報左保險，雖然冇俾人claim，但保險公司為求保障自己，一般都會扣起你NCD。詳情請向保險公司查詢。
|
10/8/2005
|
PX200
"除左舊式鐵殼羊之外，一般鐵尾擔唔會話銹到會斷咁誇。點整睇你唸住用幾耐。"咁我用緊鐵殼羊, 有咩生銹要留意
小羊
車殼如果地台位生銹得非常嚴重的話，會影響結構性安全，高速行車遇上障礙物有可能斷開而截。
|
10/8/2005
|
洗偈水用法
老編大哥,突然听到老編提及洗偈水這東西,我又準備換油,想請教下放盡舊油後,上回螺絲,將洗偈水倒入波箱之後,要不要著引擎等佢run一陣呢?
peter
當然要，著車後等副偈運作一分鐘。唔好扭油。
|
10/8/2005
|
JOYMAX 250
老編,老鬼 您好!還記得較早時來信問及250羊該選那台(二手Forza / 二手Foresight / 新Altantic / 新JoyMax).最後我選擇了Joymax 250.但在Run in 期中(約已抯600-700km), 發現與其中一位Joymax的車主報告中情況相同:
-----
抯左6xxkm，初時引擎一下下咁震同好熱，後黎因為涉及另一度換尾牙油的事燒左成套尾牙。整番好車行好似再tune過車黎咁，震動同熱度由好高變成好低（同大鷹差唔多），動力輸出平滑流暢，其他操控同機械大約好似ibike講的，好好。
-----
請問, 如以上的情況, 是否車行免費更換成套尾牙? 此情況是否常見? 另外, 在煞車時前煞車碟有雜聲. 是否有問題?謝覆! 祝好
小明
決定權在車行，應該會係case by case咁眻...唔敢代答。煞車時有聲唔出奇，因為磨緊皮唔多唔少都會有聲，只要手感正常和制動力正常便可。
|
10/8/2005
|
你好!小弟係p牌,請問suzuki Burgman 150 依隻二手車好唔好,多唔多毛病,parts貴唔貴呀?小弟心裡仲有幾個選擇,(suzuki volty, px200,honda GB250)請比d意見... thank!
wah仔
UH150西班牙製造，因為價錢太貴所以代理都唔敢再返住。詳細請看車主報告。你另外提到幾部車，除左GB250和Volty250勉強算是同類車，其他都唔同種，好難比較。四部車之中，老編建議係操車揀Volty 250，代步用UH150。
|
10/8/2005
|
落雨_收3啦
緊係唔係收3啦收3有呀媽收ma. >.<我今晚食食下燒夜..點之指揮燈都燒埋.-.-想提下大家電器都係怕水既;
大伯
|
10/8/2005
|
有聲
問題已出現個多月了, 每逢撻車時, 不管是否空檔, 在油缸下方總會出現一下撞擊聲，行車時不會有的。食油左, 每缸油唔見20km, 無力左, 好似有野攝/牽住咁。試過推車, 應該唔係brake或輪呔問題。謝謝回覆。
KH
油缸下只有機器,聽下先知.
|
10/8/2005
|
不銹鋼蕉變成千足黃金
老鬼你好!!我CB400VS梳蕉係不銹鋼,上手車主只噴一般黑油,高溫之後甩油,最近我用粗/幼砂紙/BRASSO擦銅水人手打磨,表面回復不銹鋼原色澤,但處於排氣出口灣位仍有銹漬,近日該銹漬變成金黃色,好似"千足黃金"咁呀.
這個合金的化學反應,讀書果時好似有教過,不過吾記得喇…但係有個朋友話,個銹漬失去不銹鋼表面原有保護,再加上擦銅水的金屬物,然後經過高溫處理…等等,結論就係我梳蕉就快穿喇…請解求呀!!!祝君好.答謝
P Man
無咁快穿,不過生銹就會曾多,除非你將佢噴番油.
|
10/8/2005
|
92 CBR250RR 0.72/KM！
大佬,小弟女友架92 CBR250RR 條蕉莓哂又穿左....甘咪去買左條大陸土炮不銹鋼蕉啦。
之后試車完全冇力！後尾換大左 d 噴咀及 set 左風油比...係勁左好多...又爽左好多....但原本 0.5/km 变左 0.72/km.....有冇咁誇呀...250cc咋....佢架R6都係0.75/KM咋.....有咩方法可以平返小小呀?
Jacky 仔
𢌥這便是kit喉的分別.
|
10/8/2005
|
曲軸响
我前幾天羅了部車給師夫試車,師夫話我車曲軸响,我自己感覺上比油低轉時真是有這種聲,但師夫話這種車款hornet250高轉車有這種聲是正常的,,,我想問是不是真是不用維修呢,如果不維修有没有什麽影響呢,大約維修費多少錢呢 還想問嘩咾响同曲軸响的聲音是怎樣的thanks
敏記
事關重大,請打清楚.再續!
|
10/8/2005
|
怪毛病
無錯我的sv650車行師傅洗級的時候話兩個級的較風油臂的位置即死, 無法調較佢話盡量
同我較回平衡, 因為佢唔知氣缸入面行幾多啖氣, 想請問老鬼你有什麼意見/方法, 因為
如果換級好貴。煩請指教。十分感謝....
不幸的人 kencookie2004@yahoo.com.hk
這是最麻煩的工序,但如果技術夠而又落到工具,這是可以維修的,其它車種我就整好多,不過人工唔平.
|
10/8/2005
|
runner sp
我輛２冲一到一百以上就會個頭就會左右動，以經換左ford油同埋頭吠，車房起初話係吠問題，但換吠後又係咁，又話唔關波子盤事，又話係我條紅腳避震問題，又話係眼鏡，攪到我以經信唔過佢，我怕當我換完之後唔得又話我個太盤問題，我真係死比佢睇，所以請教輛車係咩事，同有冇專維修runner車房師傳介紹，等我唔洗比人呃，拜託
playboy stanleywater@yahoo.com.hk
如是波子盤問題一試便知,要知道是否曾撞過或跌過車而影響平衡,先檢查頭尾呔氣,避震有否過軟,直軑時頭轆是否成一直線,check轆等,有時未必是頭有問題,尾都有影響,唯一是先(鄧)下頭呤,check左平衡先,會有幫助.
|
10/8/2005
|
爬山車問題
老編您好：我想問爬山車的正 fork與倒 fork之分別？點解而家D人o甘鐘意倒fork呢？謝謝！
夕陽騎士
倒fork剛性較高，潮流也是原因之一。
|
10/8/2005
|
誰對誰錯?
今日我渣住部4.6由九龍經紅隧過香港,行係我前面架貨車轉緊線,但就有部分車身未過晒線,我就諗住偷隔離條線小小位過咗佢,我望咗鏡又睇咗盲區,諗住應該夠位過,就係我準備過既時候,突然聽到響安聲,原來有架2.6 係兩條線中間上緊黎, 好在我停得切,我想問係呢個情形下發生意外,到底邊個有錯?我定係2.6?
謝謝
小豬嘜
兩個都有錯。
|
10/8/2005
|
關於攝車問題
請問老編有冇攝車習慣? 是夠位就攝定係趕時間先攝?
阿丙
當然有，塞車時便會攝。話明係習慣，當然唔關趕唔趕時間事。
|
10/8/2005
|
老編,what is前傾角& 拖曳距???+THANKS+++++++++++++++++++++++
PP
請搜尋以往留言
|
10/8/2005
|
尾擔生銹
老編好,小弟買左部..Xelvis VT250...95制....發現尾擔生哂銹....死氣喉又穿左洞....車行話要收1000元.....包拆死氣喉噴高温油...尾擔拆出黎防銹再噴油....穿洞就未有講幾$$.....請問鉄尾擔會否真係會因銹而有斷尾擔之危呢....因為如果唔易斷我唔整la....穿洞我用鋼膠封住便可,謝謝.
度叔人
除左舊式鐵殼羊之外，一般鐵尾擔唔會話銹到會斷咁誇。點整睇你唸住用幾耐。
|
10/8/2005
|
問題
老編：本人有少少混淆，如果快線前面有車阻住，前車又唔肯返回中線，本人返回中線爬頭後返回快線，這樣會被告左線爬頭。想問有無規定由快線返回中線爬頭後要過幾多公里返回快線才不算左線爬頭呢。謝
kk
老友，快線只應作扒頭之用，不應長佔快線架。
|
10/8/2005
|
majecty 250
我想問邊到有majecty返新野可以係邊到揾到呀?
tks!
king
Majesty 125定係250定係400呀？好多改裝車行都有做，可以搵下翔利，亞林等...
|
10/8/2005
|
點解volcano個測試.......
老編點解個volcano,測試禁耐都仲未有聲氣既?都click左成個月啦....
有角的qoo
班大哥未交數據呀...
|
10/8/2005
|
換品牌
老編,你好呀!!!請問如果我一路用開同一牌子的偈油,甘我而家轉用另一牌子的偈油,除左要換油隔之外,有無乜野要做甘??另外,唔同牌子的偈油係唔係一定唔可以共用架?多謝回答!!!
轉向研究所
比較考究的話，除左換油隔之外重可以用洗偈水沖淨舊油漬先換新油。唔同牌子的油最好唔好溝啦...
|
10/8/2005
|
請問什麼叫被人界ar
如題:請問什麼叫被人界ar?
謝謝老編
p 之人
俾女溝咁解。
|
10/8/2005
|
B12
你好,我現在仍是用緊B12作為我返工代步的伴侶(現已超越了39萬公里)早前諗過換5皮有找的B6,但始終想買番一公升以上的街車,CB系列我怕比人偷,kawasaki的Z1000又不太適合日常代步,加上我對Bandit系列情有獨終現只想知道新的B12到底幾時出新款???因我的B12已時日無多了(上次換油看到了大量銀色金屬微粒)
05有B650，所以個人猜測應該係06年，新車九月開始滲料，密切留意....如果排除Suzuki的話，重有Kawasaki ZRX1200S，呢部車除左側架較直之外，真係搵唔到缺點...
|
9/8/2005
|
Re : 被告不小心駕駛
我知我的行為具挑釁性，我有向佢發出信號，我有46三年牌，26半年牌，沒有超速，只係上年6月一次抄牌及小意外，我知今次係我錯，但交通警也捉了我，為何要追來加多一腳呢，我好多次給人打一巴，沒有理由下下告人嗎，雖然別人係錯，如果不太過份我不會理會。多謝各位的意見，
聰
|
9/8/2005
|
Re: 睇番 motogp 第十站德國果場...
睇番Sete Gibernau前10站的成績：
4站第2名
前10站的排位賽成績：
8站可以跑出前3名(2次頭位，6次第2位)
有著MotoGP中最強兵器，加上這麼好的排位成績，我覺得他有點「無心戀戰」，甚至「夢遊賽車場」，連隊友Marco Melandri所跑出來的成績也比他好。Marco Melandri今年是第3年跑MotoGP，但是成績1年比1年的好。
WONG Ho Ying
|
9/8/2005
|
改車零件問題
請問有無parts是for 星艦,我意思是例如換死氣喉.....香港边間多啲？
謝謝！
joe
可以問下代理 好運車行。
|
9/8/2005
|
Re : 被告不小心駕駛
各位!!我又有個問題!! 人地慢車行快線,你啄住佢無錯係唔o岩,但係你cut番過中線過佢o既話.........但係高速公路又好似唔比左邊超車咩?????咁咪好矛盾?????
大家有無咩睇法呢??有錯請指教!!!
新手
快線只應在扒頭時使用，扒完頭便應返回中線，是為之右邊超車。果個case係右線轉中線再返回右線，當然係左邊超車啦。
|
9/8/2005
|
學牌出車
我相信好多車友都試過類似情況, 尤其係越黎越多地方可以學車, 我試過係勝利道, 有個中年亞叔抯住架學車, 我見塞車諗住學車多數唔攝車咪過佢頭攝la走, 可能亞叔唔高興俾女仔爬頭, 係後面如影隨形, 沿途一直係燈位同我鬥快, 再特登界我, 我當佢透明由得佢行先, 如果呢種人都羅倒車牌(任何車種) 真係要小心 !!
msn hkd@netvigator.com
|
9/8/2005
|
睇番 motogp 第十站德國果場...
最後一圈, 基柭奴搞乜????
外圍走地買重 rossi win???? 最後一圈先咩......
襯仲未退休前執番筆? @@...
Tommy
|
9/8/2005
|
今日我比我舅父話我手車唔得
老編你好.我好唔開心.但係唔係因為比人炒.係因為我好唔了解我自己.相信你會知我係信箱問個問題.我唔係黎搵心理醫生,今日我比我舅父話我手車唔得.我第一時間個心好唔書服.個唔開心樣比晒人睇.後來比我舅父xx我.我先知我個態度咁叉.唔係第一次係咁.都唔知自己係自專心強定自悲心重.>.<ok 手先多榭你睇我講左咁多費話~我真係唔知講比邊個知.但係又會諗到你.ok你可以唔服我.祝身體健康"
大伯
老編唔知你手車如何，所以判斷唔到你舅父講得你o岩唔o岩。不過駕駛習慣係個人o既事，每個人都有唔同方法，所以有車牌o既人都唔會鐘意坐人車就係咁解。如果你唔服，應該要求你舅父舉出實際例證，等你可以知道自己的弱點，努力改善。
係人都唔鐘意俾人批評，不過你舅父係自己人，話你都係為你好，你唔應該咁down。如果將來你俾上司媽叉，咁你咪重hurt？男人最緊要係有事業，住靚樓，養靚車，玩洋....狗!除非係職業賽車手，否則我們不應用駕駛技術來衡量自己的人生是否成功。
|
9/8/2005
|
Re : 被告不小心駕駛
交警要告你總有其原因的，依你所描述的情況，閣下當時的動作確實又頗令人反感。自我檢討吧，如當時中線無其他車輛行駛而你又緊隨對方車尾，豈非閣下與對方一樣是濫用快線？既然是五十步笑百步，又何必刻意於別人車前示威呢？
如有得罪，敬請原諒
|
9/8/2005
|
好貴油呀
期油又新高呀,今年可能見7,80蚊一桶啦,全球又唔係唔夠油或打扙,班抄家正#@x#,乜野都可以做籍口抄上,遲下又入冬你地仲唔死,鬼唔望大陸話減少用油一半,班抄家即刻仆街
chi
|
9/8/2005
|
請問什麼叫打人一巴?
謝謝老編
新牌直直
近距離俾人佔線扒頭
|
9/8/2005
|
鐵騎會館係咪玩chat room呀?
鐵騎會館係咪玩chat room呀?係就正啦,可以約d女車友出呢玩.
大B哥
嘩~~本來想整聽到你咁講都唔敢整喇~~
|
9/8/2005
|
請問現在的an400i 出了多久?
如題
2003年登場。
|
9/8/2005
|
請教打炮及風油比
想問問有冇邊間車房或師傅識得調較行i既綿羊? 事關最近部車換過死氣喉後縮油打炮情況非常嚴重(唔知點形容總之響過燒炮仗!), 需要搵人set過風油比至得! 順帶一提我部係AN650.....
ritz_cal78
唔關風油比時，你條喉kit得滯，回壓唔夠。試下收細喉咀或者問下改車的車行點樣幫你部車提早點火。
|
8/8/2005
|
避震器
本人大鷹王上首車主換MSP硬避震器,現想換軟避震器,但可否只換軟彈弓?但找不到代理商?
有其它代用品嗎要多小錢?
SHOOTERDICKY SHOOTERDICKY@YAHOO.COM.HK
試下把彈簧預載較到最軟先，彈弓和避震機要相襯先得，淨換軟彈弓，避震機油壓反應會追唔上。
|
8/8/2005
|
被告不小心駕駛
今日係屯門公路開4個6，係快線有車阻住(因前車霸了快線有400m中線無車都不入去，我入返中線再出快線，好像打了他一巴，之後有交通警上來，拍了一邊後，給我打一巴的車自己也跟來給個人資料，交通警話告我不小心駕駛，本來想告我左邊扒頭，但因為有人要告我，所以要告不小心駕駛，我好唔開心，如果不是他霸了快線很久不入回中線，我不用左邊扒他頭，現在等信上庭，我不知怎樣好，
不知怎樣做好的人
你咁近距離打人一巴....行為又真係幾具挑釁性o既。既然你話中線冇車，咁你咪行中線走人o羅。冇得點算，等上庭認罪罰錢扣分。
|
8/8/2005
|
P Man ???油尺
老編!!!吾好意事思呀,我想問check機油的時,係熱車定係凍車呀?我兩樣都試過,油尺有好大分別呀.熱車油量係尺尾,凍車油量係尺兩點之間,正如你所說.答謝...
P Man
應該係凍車或者等引擎關掉數分鐘後，等偈油落晒油池便度。你的情況好正常。
|
8/8/2005
|
Odor from Helmet
Dear 老編,Can you tell me how to reduce the smelly odor from helmet, e.g. any compress gas / shampoo for hair (if it is possible). As we know that the hot summer make us all sweat through.
Mark ksjunior@sinaman.com
最徹底辦法係拆出來洗，或者你可以噴酒精殺菌。頭盔唔用時放在乾爽通風的地方吹下。夏天用車，保持短髮及天天洗頭，會較衛生。定型水及髮膠可免則免。
|
8/8/2005
|
怪毛病
教命呀，好驚呀！我的ＳＶ６５○舊型號要＄１.２里，車行講化油器漬死，冇得調教，要換，及熱車時好易死火，冷車不會的，為何會這樣的？黠解會發生在我的愛車身上：
不幸的人
漬死的意思會否指不能調較風油位,所以熱車成日死火.
|
8/8/2005
|
又係KG4992~~~
因之前吊銷駕駛X照,所以架DNA~~放到最近(參不多半年)最近考番個X照,(架車已經叉番電啦,而家'達'唔著)咁架車應該點整呢??
可以換支火咀試試!
|
8/8/2005
|
換疏蕉
CB400,自行換有咩要注意，我已經換左，基本上冇咩問題，但油費好似貴了少許，係唔係出了問題？
DIY
如是原廠喉應該一樣,只要肯定沒有漏氣便可.
|
| |
|
|
|
 |
