|
|
|
FAQ常見問題 |
|
|
8/8/2005
|
鐵騎會館?????????
老編!!!有無預告係d咩?????哈哈!!!
幫賣廣告的人
冇.....等你心思思...哈哈(可能係賣成人「策騎」用品呢？)
|
8/8/2005
|
請勿再討論「強制性穿著反光衣」的話題
正反雙方的「熱烈」討論，相信大家一早睇到麻木。如果事態沒有新進展，唔使再講喇。因為正反雙方都已經充份了解彼此的觀點和理據。
|
8/8/2005
|
撻唔著車
請問入完水箱水後(冰水),為何撻唔著車已開了風X(有電,有油)??應該怎麼辦.唔該!!
心急人上
兩者應該無關連。平時你架車dup完雨會唔會難撻車呢？現在氣溫撻車無需開choke，試下關上風choke等一陣再試。
|
8/8/2005
|
kawasaki
你好!我最近見到架01/01' 川崎 - ZRX 400 (ZR400-E) (二手)想買,但朋友話這品牌的車舊了比較多毛病,請問是否屬呢?
ken
街車ZRX400冇乜大問題喎，而且呢隻款重有出緊，新舊零件都會搵到供應。
|
8/8/2005
|
機油2 ??
請問機油過多有咩害處呀??係吾係容易死火呀?依家的天氣重咁熱,我用20w50油對部車的轉波反應會有咩影響?有咩方法可以令部車轉N-1-2-3波的時候,(機器的表現)較為柔順?祝君好!!
P Man
機油不足時，軸承與軸頸會潤滑不良。機油太多，則曲軸柄、連杆大端會產生劇烈的攪動，會造成機械功率損失，汽缸壁上的機油增多，也會產生燒機油故障。20w50正適合夏天使用。轉波要柔順，除了要機件正常之外，還要有適合的轉數和正確轉波技巧。
|
8/8/2005
|
RE:學牌出車
唔好話有friend倍練時會'圍威喂', 其實有friend一齊學都有機會. 我就見過學神似去租車玩多過學車. 我女友都學緊車, 我都倍過佢學過. 但係有次我跟住女友行路線時. 後面有兩個唔似學神o既學神係轉緊灣時介我..
介完都無所謂, 我未比佢地過law, 到燈口時, 我就過番佢地兩個, 停o向女友隔離.. 唔知係未咁得罪左兩個位學神大佬. 之後全程係咁比佢地夾, 一個就係我隔離平排， 一個就係我後面(推)我.. 但我又跟住女友安全學神車速. 原全走唔到. 到轉左去公主道時, 就直情係我隔離比大油過, 連前面兩部私家車都過埋.... =.="
學車學到咁, 考到個牌時都唔知幾時會出事.
超
老編兒時有幾位老友，駕駛天份十分高，租學車時便已經片到甩毛。但最後佢地冇一位可以拿到電單車駕駛執照....因為佢地全部都在學車期間炒車，唔係片落山就俾車撞，所以嚇怕左冇再考電單車牌。呢個世界，有時真係專收叻仔架！
|
8/8/2005
|
機油???
老編你好!請問CB400VS行 elf 4T 20W50的機油,最盡可以行幾多公里,先至要換油同油(格)??我部車的機油同油(格)重好新,只行約1000km,上次check過你話緊緊夠,我想加油再行多1500km,先一次過更換機油/油(格)/離合器. 我部車咪錶行左約22500km,正常下離合器可行多遠??
P Man
行三千公里換油好正常。舊車則換兩次油先換一次油隔便可。你可以添多少少偈油，但過多唔係好事，唔好超出上限。離合器正確使用的話係超耐用品，幾萬公里等閒事。
|
8/8/2005
|
Re: 電器易壞?
我部02年sv650由新車用到現在完全未壞過，聽聞早期的suzuki車電器易壞，但已經轉了電器supplier。
CHI
|
8/8/2005
|
反光衣
首先唔理佢既效用,著住件甘核突反光衣,行出街真係俾人笑鬼死,相信甘多車友反對都係除左效用之外就係因為實在太樣衰所至,而唔係怕麻煩,因平時都要帶頭盔,手套,落雨又要著雨衣,唔差在笠埋件反光衣喇!!但係試想下!!一的改到十分誇張既Cruiser,靚靚既大綿羊,超型既跑車,但個駕駛者著住見學車先會著既反光衣,你話幾不憾入目呢!如果真係要著,途人對駕駛者既眼光將會由羨慕變為幾份笑聲,再無人覺得駕電單車型,無人再為架電單車扮靚,間接影響電單車行業!
貪靚的人
討論性命悠關的課題時，【美觀】應該被放在次位。但反光衣可以有好多種，唔係淨係你唸到果d反光衣。好多人都反對硬性穿著反光衣，搬出好多理由，但好少人會好似老哥你咁誠實，開宗明義承認自己「愛靚唔愛命」。哈。
|
8/8/2005
|
偈油問題
為什麼朋友幫我部VTR 250換了偈油及油隔，行了一天，部車最後死三次火，現在撻著車數秒後部車就死火，著了紅色油燈。為什麼？
P女
請檢查偈油存量及叫你朋友跟番手尾。死火後亮起偈油燈則屬正常。
|
8/8/2005
|
入行
老編你好..其實你答到咁多電單車既問題.我覺得你好叻.不過我又想問你有冇係車行做過,我今日比人炒左,我本身做廚房做左6年啦.一直都想轉行.不過自己又唔係識好多野諗唔到做咩野好,本人都好鍾意電單車.我都問個某車行老闆.入行有咩野知格.佢話一定要好love電單車,我覺得我都ok,但係佢話比得4000蚊我.....我今年25歲好多fd都叫我做返廚房,但係我真係想入行,不過4千真係唔夠用..如果可以既話我真係想轉行.幫下你答下問題>.<
冇$開飯先生
老編並沒有在車行做過，為免誤人子弟，有關維修的問題，便交由資深師傅「老鬼」答。係【老鬼信箱】內老編出現的icon是【老編代答】，表示呢個信箱的主角係識整車的【老鬼】。但老鬼主力始終係開工整車，唔係有咁多時間答信，所以老編識答o既便幫佢老人家清緊d信。
講番你的情況，被人炒魷魚心情當然差，但此處不留人，自有留人處。車行出4000蚊人工請你，睇落好似好少錢，但如果你真係對電單車好有興趣，份工又真係有野學的話，咪當係交學費o羅，報讀課程都要錢架？學師梗係要捱下先架喇，個個都係咁出身....
最後好多謝你幫手答信的建議，但正如之前講過，主力答信果個係【老鬼】，老編不過係處【鄧】下腳，而閣下亦未曾在車行做過，功力點都唔及【老鬼】o卦？所以唯有講句多謝先，好意心領。
|
8/8/2005
|
kawasaki
你好!我最近見到架kawasaki(二手)想買,但朋友話這品牌的車舊了比較多毛病,請問是否屬呢?
KEN
唔可以一竹篙打一船人o既，你睇中果部係咩年份咩型號先？如果老編認為冇問題的話，會係呢度大大聲答番你o既：)
|
8/8/2005
|
Re:電單車過紅隧
相信呢位大佬係入左不設找贖條lane吧。
人地大大個牌、大大隻字都睇唔到？
隔離枱
|
8/8/2005
|
Re: 考慮換車
買部R6、孖R、ninja........泊骨位？我諗擔心既唔係一般揩花碰撞既損毀o羅.......
相信賊仔同業工會對閣下之提議表示熱烈歡迎 :p
隔離枱
|
8/8/2005
|
電子噴射和化油噐一問
電噴系統在汽車上已好早出現和普及化, 為何電單車上使只是近幾年間的事呢 ?遲甘多年? 而且還不是款款電單車都有. 電噴又話比化油器準確以及慳油甘樣如 果電噴系統比化油好為何不及早使用 ? 是否行i的技術成本貴好多呢 ? 還是電孑零件不能适應一些惡劣環境? 比如: 溫度.潮濕.塵垢等都對電孑零件起了不穩定的條件 ? 但係電噴系統如果講到真係運算得甘快而且準確,穩定.慳油,及免左洗吸和調校上的煩瑣工作.甘點解唔用電孑燃油噴注 ? 電單車電噴和汽車的分別大嗎 ? 多謝賜教 !
suzuki.yamaha & kawasaki
現在電單車採用電噴的成本已經平左好多。現在連125綿羊都有電噴，差在車廠肯唔肯放落去。熱賣中的車款，唔轉電噴都去到貨時，車廠便唔會咁快同佢轉。電單車的電噴都有好多級，感應器的多少，ECU的運算速度，入風閥門的微調，噴咀的數量等等都會影響電噴的表現。做得唔好的電噴便會容易死火，或者油門開關反應過敏。以老編個人經驗，日本近年的跑車電噴水準真的十分高。
|
8/8/2005
|
Re:motoronald
反光衣無錯係可以提升被其他駕駛者"看"得見既能力, 但係咁樣並唔代表你安全左! 如果閣下覺得有用既, 可以自己買定先, 但我覺得無必要因為咁立法或者向公眾作出建議(年中唔少不知名機構都出黎作無里頭建議)
著黑衫, 抯黑色車, 無問題, 但係你唔好叫人"晤開頭燈飛翻轉"! 唔開大燈係犯法架.
一架車正常狀態下有頭尾燈, 無奶油人地睇唔到架, 一係就o個個人係盲既, 或者佢好似飛蛾咁有向光性, 吸左埋去. 交通警察著晒藍燈, 開埋siren, 著住反光衣, 都會俾人撞, 有時(<<<--- 係有時) 唔係話著到聖誕樹咁就會無事架.
我唔係唔贊成人地著, 不過唔駛立法掛? 頭盔又真係唔可以同反光衣相提並論. 一個係撞撃時有保護作用, 另一個, 只係增加被看見既能力. 前者有一定保護性(有頭盔同無頭盔相比), 但後者未必有(有著同無著反光衣).
成年人咁大個對自己負責, 覺得好有用既就著返件, 無問題, 唔駛下下都要立法, 如果26 真係有危險性既, 不如學上面咁禁左26 囉? 無人抯26, 咁咪冇晒d 26 意外囉? 著反光衣唔講美感問題(夏天著一件都熱死, 我做過地盤都試過), 如果立左法, 無反光衣唔開得車, 咁到時幾十蚊既反光衣都可能會俾d 老鼠拎埋添~ 我完全睇唔到有需要"強制"人地同你一齊著
又是路過~
|
8/8/2005
|
RE:學牌出車
我o個時開車,見到有個p牌綿羊女仔帶住個學牌出車,我40km/h行50路,佢p牌女仔可能見我慢啦,就同線過我,估計佢有50km/h,之後轉完個灣,個學牌想追番個p牌女,又同線介我,睇佢渣架車都渣唔定,介我時我估同佢距離唔夠一米,差d撞到防撞架,攪到我擺一擺架車,唔好似為識扭油筒扭郁架車就以為自己好醒先得架...定係唔想衰比個女仔睇呢?現在想起都有點火
被女介直直
|
8/8/2005
|
RE:學牌出車
乜學車時有朋友在車後護航或同遊係一件不負責任的行為嗎.....導師又因乜野會唔同意有朋友同行呢....
無知人一問.....>.<...
無知人
為正在學習駕駛的朋友護航，表面上像是幫朋友，其實有兩大弊病：首先係正常駕駛環境唔會有車幫學神護航，護航行為阻礙了學習者適應實際路面交通情況的進度。另外一個問題係識開車唔代表識教人，有牌之人在車速和線位的處理上，未必能夠符合學神不同階段的駕駛能力。帶炒學神，唔係奇事。
要正確地「教車」，其實是一件十分痛苦厭惡的工作，根本無任何樂趣可言。試問一般朋友仔，點可能會忍受到呢？駕駛係一項獨立的思考活動，俾人帶，有人傍，都不是有效的訓練。而在「圍威喂」中，更易有競勝爭雄之心。
|
7/8/2005
|
凍車死火
本人上個月購入Honda @Stream125 發現該車每逢凍車撻車都會死火(撻果時已比少少油)，經代理驗查後,只幫我較高o左𨍭數，並叫我逢凍車撻車都要吊住油門1至2min，此做發昰否正常呢？是不是每部 @Stream都有這個問題？
QQ
暖車後引擎怠轉應該會比較穩定。
|
7/8/2005
|
考慮換車
本人楂開pgm，家下考慮換車(fairing)...400cc定600cc，心大心細緊！400車價輕鬆d但車齡同pgm分別不大，見到人家騎住R6、忍者、孖R就心動，600都負擔到(冇咁輕鬆囉)，但係好驚泊骨位有所損傷呀又?想睇下人家意見參詳、參詳...
老鬼金 goodbanaba23@yahoo.com.hk
你玩開二衝250，換部四衝400老編驚你到時要買鎚仔。上600係不可逆抗的騎士宿命，冇得講。
|
7/8/2005
|
電單車過紅隧
本人於2005年8月6日(星期六)晚上6:30-7:00駕駛著1輛SYM 125CC的電單車過紅隧，到了收費站前，有位職員同我講：「電單車唔准入架喎，法例來的。今次比你過，下次唔好啦!」但那個收費站不是自動收費的收費站! 所以我有以下問題：
(1)電單車不准過紅隧的嗎? 但紅隧有電單車收費($8)喎!
(2)那是否有時間限制不准電單車過呢?
(3)是否有那紅隧那條線的收費站不准電單車過呢?
(4)是否有少於某種馬力的電單車不准過紅隧呢?
MICK fungmick@YAHOO.COM.HK
老友，你下次睇清楚d，通常中央通道係有牌寫住不準電單車進入o家嘛。知唔知點解？因為人地嫌我地電單車俾錢慢，費時塞住後面的車喎。(a..唔好勞嘈住..老編知你想講乜，點解電單車冇autotoll？係呀，隧道公司係唔肯俾呀)
|
7/8/2005
|
re: 電器易壞?
小弟用Bandit 250 兩年,都係未壞過.
Danger
|
7/8/2005
|
生性買新車 - GT200L...GTS 250ie abs...LX 150...
冇c+車牌既新p(即係渣得好mar mar, 乜都唔熟)會買邊部好d呢? 我見過GT200L, 好靚呀, 都好仲意呀, 係就係貴左d,250ie未見過, 想問下電單車同電腦會唔會一樣, 有新model出就會舊model平d咁?係我就等多陣先買200L定係150呢, 不過未見過真車,俾人tart左或者跌到都唔洗太傷心, 話晒平少少.呀同其實一直都想知, 我都知咁問有d白痴, 點解電單車的二手$唔似'car', 咁貴既?謝謝你
dolly
GTS250ie香港暫時未有供應，建議買LX150磨練一下技術先，輕d新款d又易操控d。香港二手電單車價錢受供求影響的因素較多，市場未完全成熟。
|
7/8/2005
|
brake皮
老編請問我drive@150,點先睇到尾brake皮,使唔使拆野先睇到?同如果唔拆出黎睇又點先知道個brake皮要換呢,近日剎車時尾brake有好大唧唧聲,但行了一會又沒有,是否有問題呢?請指教
erica
@150尾制動為機械鼓煞，需要定期調較威也縲絲填補制動皮損耗後所產生的虛位。當縲絲擰到最入時便代表冇皮需要更換制動皮。制動有聲，可能係迫力粉積聚，也可能係濕左水，當然亦有可能係冇皮。
|
7/8/2005
|
re 今日見到學神比人影快相
香港仔巴士站往黃竹坑快相位應該是70
MAN
|
7/8/2005
|
今日見到學神比人影快相
今日收工回家途中,途中經過香港仔巴士站住華富村方向,看見對面線有一個電單車學神,
速度大約70多D,但係條路50..唉~~佢咁就比人影左快相啦~~~
但係我想問下佢將會發生D咩事呢????
KG4992~~~ winglun_vanessa@hotmail.com
學牌期間違例記分，將會在領取駕駛執照時生效。
|
7/8/2005
|
技術問題
本人之前是開forza的, 有菊花蝶, 剛換了新的forza type z, 本來是相當容易適應的,但有一次頗為急停時, 頭胎了得很嚴重, 救不到跌了, 想問原因可在, 是否頭brake 用多了, 還是之前的車換了菊花蝶起了作用.謝
單憑菊花碟，不能增強制動能力。而綿羊制動的主力在尾輪，如果以頭輪為制動主力，犯了基本操作的錯誤。綿羊引擎在尾部，再加上Forza軸距長，制動時不會有太多苛重轉移至頭輪，如果頭制動力度太強的話，會易鎖轆。至於你為什麼會「了」頭，是錯誤操作還是個人過敏求生反應還是機件問題，則比較難估。先由最易入手，檢查胎氣，頭避震油壓和波子盤。
|
7/8/2005
|
有關牌費問題??????????
本人牌費 & 保險剛過期, 但未有時間去緊, 加上本人想要出外工作一段時間 (二三個月), 請問到時去到運輸處有咩要做, 先買保險先定點 ???? 同可否二三個月後先買牌費 & 保險?????
肥馬
建議擺好架車先，回港後先搞保險，因為NCD可以保存一年。搞完保險後再買牌費。牌費過期冇問題，只要你在沒有牌費的期間真的沒有用過車，到時簽番一張聲明書便可，所交的牌費由付款當日重新計算。
|
7/8/2005
|
嘩 又講番反光衣...............
如果電單車手著左反光衣o係大路行緊, 有部 46 o係小路..中出..唔讓 26
有咩意外後, 46 一定冇得抵賴
如果有單咁o既案例, d 46 見到反光衣, 一定唔敢唔讓
其實反光衣都有 d 阻嚇作用....@@
不過有事果陣已經太遲.....
我覺得唔應該強制人一定要著.....不過如果有d 靚靚反光風嬲我都會著下(winter...)
~_~ 中文差, 打到一 pat 野咁
HEELO呀~蒙生咁得閒o既??? 你知唔知呀??大班讚你講野叻喎..lol..
你咁得閒就處理下你d "膠袋叠膠袋" 啦.........~_~
今次唔出名
|
7/8/2005
|
非洲有冇人著反光衣？？？！！！
鍾意著反光衣的人你咪著羅！我係街上真係未見過有人自願著反光衣！？香港天氣成日都又濕又熱,你估香港係歐洲呀？起碼熱得來乾爽呢！你地D食飽飯無事做先出街遊一轉果D閒人實話無所謂,不如你一出街就著反光衣啦,仲要烈日當空下跑下步,這樣你地D閒人先感受到反光衣既.....威力！！！我就成日要著反光衣工作,真係日日都冒住中暑的危險架！
人一個
老編見過兩次有人自願著反光衣....重係日光日白添。
|
7/8/2005
|
大家唔好 “反反光衣”﹗
唔鍾意穿反光衣係閣下既自由﹔但不等如可以否定反光衣係有用既。你幾時見過扒手﹐小偷﹐甚至乎真正既日本忍者(卡通“忍者小靈精”例外) 會穿塋光衣﹖點解﹖就因為他們不想容易被人看到﹗所以除非你話在馬路上容易被人看到係對安全全無幫助﹔否則請用理性去應同反光衣的確有用。 (但假如你真係覺得在馬路上容易被人看到係對安全全無幫助﹐那麼你便試下晚上穿全身黑衣﹐駕黑老電﹐晤開頭燈飛翻轉。講明﹐出事與我無關﹐閣下自負。)
但我認同愛不愛穿係個人自由喜好。但又話說回頭﹐但如政府無立例要戴頭盔﹐或安全帶﹐我想信肯定會有人不戴。那麼一年裡我們又會多添幾多亡魂呢﹖
以下是我上次的留言。今次忍唔住用了一小時打D中文﹐請救人類。 哈哈﹐等等﹐唔好小我咁認真﹐我講講笑吧。
Most riders here keep asking why to wear safety vest. Some are even oppose to it.That makes me scratching my head. Ok, you may have tons of "assumed" examples to prove that in case of an acciden the vest "ALONE" has nothing to do with preventing it. But come on, the idea of the vest is to work along with all other safety features and make the ride safer; in both ways of preventing it and lowering the risk of getting injured in an accident.
Yes, whatever you wear, there will still be some stupid bone head cagers (46) on the road. Whatever you wear, there will still be some newbie riders who think they are Rossi. But the thing is, we just couldn't change those. What we can do is to do what we can do. IMHO, wearnig a vest definitely helps. The idea here is "being seen" and make the 46 be "more alert of you". Seeing you is one thing; but seeing you in a cager's mind is another thing. The reflective colour will absolutely put you deeper in a cager's mind. This is the way human's brain works.
If anyone thinks the vest will do no help, then why not trying to ride with a all black outfit on a black bike without turning on the headlight at night? All it takes is just a 3 yrs old kid to tell you which biker is easier to be seen. The man in black, or the man in yellow?
If all dead bikers had the chance to wear a vest, how many of them would have avoided the accident? No one knows. So, let's try it out from now on.
。。。。。。。 (edited) I am so suck typing chinese. Pls bare with my crappy English if reading it makes you sick.
motoronald
打到星期日凌晨兩點半，閣下的確一片苦心
|
7/8/2005
|
終於跌車
大家好.本人是p 仔..於上星期購入二手03 AN400.上數次騎時..都還可以,不幸地,今天都要跌車了..(慢車0速跌)
1.)在回家途中,途經觀塘康寧道時.因在斜坡十字路口小路,所以我要在小路停車等,因天黑黑,而且不太熟路.當我在小路停車時,把手軚向右傾(斜坡下方),因唔夠力,便跌車了..下車一看....側邊車身扶手及手擋花了...不幸中大幸...這車是二手...如果唔係..
2.)黃昏時..去了黃金廣場.等了一陣車位,終於有了..不過..不幸的事發生了..由於該泊車位很窄..當進入時..未偷夠位..因當時心急...勉強泊入..結果..太過用力推向一方..車便跌了..幸好最後冷靜一下後..便把車泊好了...
教訓:
1.)停車時一定要把手軚向直(特別是當準備入彎時)...對嗎?
問題:
1.)請問泊排骨位時........有什麼較好方法呢?
2.)我這樣0 速跌車....途車身花了外,會否很傷車或令機件故障嗎?
謝謝老編及各位
P 仔 JJ 上
P 仔 JJ pjj@yahoo.com.hk
零咪跌車或慢速跌車，對車身結構不會有大傷害，最多係整濕火咀，等一陣才可以撻番著。其實你正在累積經驗，每跌一次車便知道「乜咁樣會扶唔住架車o架？」，於是乎你慢慢便會建立一個「跌車臨界點」經驗庫，知道呢個動作再多dd便會跌，以後便自然會反射性地唔會做出會招至跌車的動作。其實AN400唔係重車，只要保持支撐腳永遠在中前方便應該點舞架車都唔會跌。
|
7/8/2005
|
學牌出車
昨晚小弟坐住的士, 見到一d我個人覺得都幾唔負責既行為.話說小弟昨晚十點左右響清水灣道彩雲村對出上山方向, 見到中線有一隊六架車既26, 最尾兩架係冇P牌既街車, 再前面係一架渣得唔係好定既羊仔"P"女, 再前面兩架竟然係兩個女仔, 掛住學牌. 然後最前係一架AN150羊, 個騎士頭盔上面有"(平)記"字樣.
雖然我唔知佢地去緊邊, 同埋最前個位係唔係導師, 如果佢真係一位導師, 咁樣容許學生既朋友跟住行, 小弟認為會危害到學生既安全.
另外果三位車友......真係唔知講咩好......
BIG 1
|
7/8/2005
|
電器易壞?
時常聽到車友話鈴木車(Bandit)電器很容易壞？是不是呢？如果是的話近年出的有沒有改善？請有用過鈴木車的車友比意見，謝謝!
Ming
以前400會比較多少問題，600/1200請參考車主報告。以老編經驗，部B12用左六年，冇乜野整過，只係正常消耗品更換，接近trouble-free果隻，可能個別情況比較好彩。
|
7/8/2005
|
re吊銷暫准駕駛執照一問
載得人,,傻既都識自動甩p.仲俾個牌你仲對得住守法既p仔女既,你呢d 應該要吊銷所有駕駛執照一世兼永不能出境旅遊.
|
7/8/2005
|
re:吊銷暫准駕駛執照一問
沒有掛p一樣,p牌期間載人又一樣,共兩樣
=吊銷暫准駕駛執照
小心小心
直直
|
6/8/2005
|
考26問題~ 請各位騎士們助小
我打算9月中就報名考26啦~ 不過至今還未決定邊間好~ 希望各位騎士們俾小小意見給我~ 好讓小弟加入騎士行列~ 有人說現時貴記不錯~ 我上網睇過 一個價錢任學唔駛補鐘錢 一日可以學兩堂~ 真的嗎~ 你們的經歷的小弟有莫大幫助~ 請各位騎士們助小弟一臂之力~ 先行謝過~
見習之騎士 imissyouforever1314@yahoo.com.hk
|
6/8/2005
|
吊銷暫准駕駛執照一問
在法例中:
##########################
o) 輕微罪行指可令駕駛者被扣少於10分的罪行，包括在此計劃中所引入的四項罪行﹕
–「接載乘客」﹔
–「未有展示P字牌」﹔
–「以超過每小時70公里的車速駕駛」﹔以及
–「在有三條或以上行車線的快速公路上，在最右線行駛」。
p) 吊銷暫准駕駛執照
倘暫准電單車司機觸犯嚴重罪行，一經定罪，運輸署署長將即時吊銷其暫准駕駛執照。倘暫准電單車司機首次觸犯輕微罪行，一經定罪，其暫准期將延長六個月﹔如他其後在餘下的暫准期內再次觸犯罪行而被定罪，則不論罪行的性質屬輕微或嚴重，運輸署署長亦會即時吊銷其暫准駕駛執照。暫准駕駛執照被吊銷後，該名司機必須重考C部分的路試，並且重新開始為期12個月的暫准期。
##########################
咁我想問如果我在 "未有展示 P 牌下" 接載乖客 會點呢 !? ??加 6 個月 P, 定係吊銷暫准駕駛執照 呢! ??
朱生
|
6/8/2005
|
咩叫波抹
人工零件貴唔貴?
JJ yourjulianjulian@sina.man.com
簡單d講即係轉波個絛心,左邊去到右邊,而右邊有一組套件的.
|
6/8/2005
|
回應蒙海強先生
我又拎返d 舊野出黎講下先~
我認為根本唔需要為著反光衣呢件事黎大作文章, 你自己都講著左反光衣唔係100% 安全, 咁就唔應該強制人地著, 全世界都無地方立例強制騎士著反光衣(有錯請指正), o係香港呢個咁自由既社會, 我覺得因為咁而要立法會係好傻既一件事!
如果真係立左法, 又真係有幾多人會因為咁面執返條命呢? 無得計架喎, 每單意外都有唔同既原因, 並唔係一件反光衣就可以解決問題, 到時又會唔會有46 司機話因為件反光衣反光太犀利而做成交通意外呢? 並唔係一件反光衣就有上全保護, 更何況大部份(我好少見人主動著)騎士都唔鍾意著, 不如諗過另一d 方法
路過的
一提起反光衣，大部份人可能會即時聯想起地盤或保安的反光衣，的確令人唔係幾開胃。但其實有好多電單車風褸都有反光功能，另外有一d俾人夜晚跑步著的反光衣都好靚架。
|
6/8/2005
|
VTEC 1.2.3
先前見有車友(喜愛電單車的人)講到VTEC1.2.3.(失竊問題)小弟甚感興趣....因小弟己經起車行訂了一部VTEC..1..(俾o左一萬蚊訂)雖然小弟打算將愛車放响停車場.但停車場都有好多賊那小弟的VTEC..1..豈不是死梗.....需要加錢轉2或3嗎???...老鬼哥及一班車友們點睇...
宇宙大怪物
即使係VTEC II VTEC III，都一樣可以被人拿。
|
6/8/2005
|
cbr250rr
為什麼cbr250rr在大陸五六千元便可買到,香港則要萬多元?謝謝解答
賊贓轉手，成本係賊仔人工和運輸費，件貨唔使本o既，當然平d啦。重要架車係黑市，唔使打稅，呢個價算高添啦。
|
6/8/2005
|
回應 :但都要攔一攔你
另外，為何你經常會遇到小路出大路不相讓的情況呢？以老編的個人猜想，這很可能是閣下的車速慢過其他一般車輛，令到出大路的車等不及，或者認為他們出左車你都未到。係咪咁樣呢真係要你自己先知。
+++++++++++++++++++++++++++++++++++++++++++++++++++++++++++++++++++++++++
我想再說當時我已超速， 70 km 行 90 km，前者我要抽左避，後者我要抽右避，當然我在安全情況下避 la，我去過珠海練車，唔會好似你話太慢。
係有好多人見你電單車話之你，我開 46 寶馬 M3 時從末發生過，因𠈄地知棘車ma，知冇哩 D 叫人性呀
車神 cheerzon@yahoo.com.hk
聽你咁講，問題的徵結唔係46司機睇你唔到，而係46司機錯誤判斷你的車速。佢地可能只係望你一眼，憑經驗覺得呢個距離佢夠位出。如果佢地有望兩次，便知道其實出唔到？
講開又講，行90km/h究竟有快定係慢呢？視乎當時環境而定。小心駕駛應該包括預留應變措施，而你屢遇PK都可應付自如，相信駕駛技術和經驗都冇問題。不過在決定開幾快時，重要唸埋呢個世界上有其他盲H，咪俾佢累炒。
|
6/8/2005
|
蒙海強回應車神
我重複:鐵騎士穿反光衣的背後理念，是讓別人(尤其是一些無經驗或是行人)更容易看見鐵騎士的存在，從而"希望"減低(不是保證)其他道路使用者'無心'犯錯的機會。但對於個別人士蓄意或漠視式的犯規駕駛，反光衣當然沒有'大'用(不過著左永遠都好過唔著, 尤其是夜晚行車)。
你的例子其實是可以考慮安裝一部VIDEO, 記錄CUT你線, 細路入大路唔讓路既不小心46司機駕駛行為, 現在一部細小的camera, 已經可以錄video ---(我已經做緊!)
蒙海強 drmong@gmail.com
|
6/8/2005
|
回應車神遭遇
呢種情況亦經常出現係我身上，多數都係大回旋處發生！我絕對唔會係開得大慢，因為都五六十。最離譜一次係我係三線嘅回旋處行緊中線，有架巴士照出都唔緊要，但係佢一出就出中線，我根本無可能剎車，我唯有加速繞過佢車頭走。我去到架巴士車頭嘅時候，我望住個司機位，個司機居然係同人講緊嘢，望都無望過我！所以點都係假，著乜都無用揸 26 一定要識得係最短嘅時間，做最正確嘅決定！睇到你又好，睇唔到都好，我地係一定會比人蝦！
單汽缸生命體
巴士司機行車時同人講緊野？咁X離譜？
|
6/8/2005
|
為何VTEC1,2,3…沒有VS及Big One那麼多人偷，VTEC1我在失竊報告也看到有人偷，是不是VTEC2,3的防盜好D，因為小弟有意買VTEC3...除了SF好多人話好用，老編有什麼好車介紹呢。
喜愛電單車的人上
第二代和第三代「踢」有Honda HISS晶片匙，成部抬走只能拆件，唔可以成部車用。香港地直四400最大路的選擇真係俾CB400SF玩晒，如果唔想人有我有，不妨揀Kawasaki ZRX400，都係好車一部。
|
6/8/2005
|
致香港汽車高級駕駛協會副主席蒙海強先生
我剛剛回家馬上寫俾你反影一下，
1. 太子道舊機場油站，有架 sabaru 駛出來，我只有 25 來距離，他望了我一眼，打過手勢，都不理會我有否停車距離便一手抽了２條線。
2. 我再行前到新蒲崗工業大厦天橋底巴士站，有架巴士一樣係咁。
明明我大路，佢小路出，睇到都唔講，分明大煆細，什麼反光衣的建議跟本是閉門造車。
唔該想 D 有建設性的方案好嗎？
車神
雖然老編唔係企係蒙醫生果便，但都要攔一攔你：
鐵騎士穿反光衣的背後理念，是讓別人更容易看見鐵騎士的存在，從而希望減低其他道路使用者犯錯的機會。但對於個別人士蓄意或漢視式的犯規駕駛，反光衣當然沒有用。
另外，為何你經常會遇到小路出大路不相讓的情況呢？以老編的個人猜想，這很可能是閣下的車速慢過其他一般車輛，令到出大路的車等不及，或者認為他們出左車你都未到。係咪咁樣呢真係要你自己先知。
|
6/8/2005
|
點解200cc 馬力同扭力會小過150cc
點解200cc 馬力同扭力會小過150cc???Liberty 200 vs Shark 150:
馬力: 12.5 vs 13 扭力:1.75 vs 1.2
150會慳油過200，咁老編又提倡有大買大，咁呢部車你又會點睇呢?
亨利
唔係呀，Liberty 200扭力大過Shark 150喎。其實不同車廠對馬力的量度方法都有出入，最公平的比較方法係上跑步機度，不過記憶所及，Liberty 200的低扭很強，而代理奧士亦想以Liberty 200成為都市新一代的工商自用車，所以答案係...你自己唸：)
|
6/8/2005
|
請問AN 400 or AN 400(type S)好ｄ？
如題，敬請老編詳細指教。thanks!!!!
Type S版或者最新的SS版都靚過標準版。不過呢d係外表o既花巧野o黎姐，機件性能都係一樣。睇你求d咩而定。
|
5/8/2005
|
TGB問題
我部tgb f409近日個前碟殺好似有d鬚,用力,咁個手掣先殺得停,係迫力皮冇哂要換定係
d零件鬚左?唔該咁多位大老~~
問題?
此車原裝碟唔應該鬆,檢查一下好d.
|
| |
|
|
|
 |
|
