|
|
|
FAQ常見問題 |
|
|
21/7/2005
|
To Honda Fans
A web site to Honda's Fans where are collected a lot of pictures of Honda's bike.
http://www.moto5.com/HONDA.htm
蟲蟲
|
21/7/2005
|
又一件......
一 名 疑 不 遵 守 交 通 標 誌 的 泥 頭 車 司 機 ， 昨 午 駕 車 駛 經 長 沙 灣 大 埔 道 近 爾 登 華 庭 時 ， 強 行 越 雙 白 線 右 轉 入 一 處 地 盤 ， 結 果 旁 邊 線 正 駕 駛 電 單 車 的 速 遞 員 收 掣 不 及 ， 當 場 撞 向 泥 頭 車 ， 連 人 帶 車 捲 入 車 底 被 輾 過 ， 鐵 騎 士 就 此 枉 死 ， 遺 下 孤 寡 。
Kiko
|
21/7/2005
|
Taxi 唔打燈
作日於葵興與葵芳之間的葵芳路行駛, 當時我係右線行大約30km多, 有架Taxi 係左面屋邨開出左線, (唔打燈), 我見佢拉直架車但係都驚佢條4 6 抽出黎, 點知佢燈都唔打, 又唔望後就抽右, 我即刻剎車, 可能我用多左尾剎and 頭剎少左, 個尾look 鎖住, 響晒tie
真係想走去!@#$#%$% , 最衰就係我之後仲驚緊,連車牌no.都唔記得左..
P 仔
http://www.net4free.org/Other/hkdrivers/taxi.html
|
21/7/2005
|
The bloody website
Dear Editor,Thank you for your response, by deleting that reader's email. I do not intent to interfere your freedom of editing and publishing.
PS, I do not type Chinese well. Sorry for that. Last email cost me too much time.
Eddie eddieyauyf@netvigator.com
其實老編都係入去睇左幾張相，根本唔知道原來呢個網站專擺變態野。多謝你來信相告就真。
|
21/7/2005
|
二手車價
請問老編能否評估一下GZ150的二手車價, 車齡1年, 行了12000km, 無花無抄無壞過, 無改過車, 狀態良好!
中國製造的折舊率會較日本製造為高。如果搵到賣家肯折舊35-45%的話便抵買。
|
21/7/2005
|
Sorry
Sorry!我沒有意思冒犯各位
WONG Ho Ying
大家傾下偈各抒己見姐。
|
21/7/2005
|
油費
我部hornet250都要$0.65一公里,你部techIII$0.6都話唔合理
敏記
|
21/7/2005
|
re: 咩問題
我部係 joyride 200
易死火可能係怠轉不穩 >>> really? 唔關火咀事?
怠轉不穩 >>>> 如果冇搞過佢, 唔會冇啦啦唔穩掛?
電壓唔夠 >>>> um.....係咪因為我最近換左白光燈 (但我日頭用車開細燈only(35w), 個大燈 (55/60w) 冇開 >>>> 有冇影響?
我諗試下換火咀先?
如果火咀有事, 會唔會話死就死, tat 都tat 唔著?? 定係死下死下咁, 等你有時間換(如果係, 我要快d 換喇)?
thanks!!!!!!!!!!!!!!!
Tommy
化油器和火咀的狀態，都會影響怠轉不穩。白光燈只要採用相同功率的燈泡便沒有問題。火咀唔會突然間死，只會逐漸變差。
|
21/7/2005
|
咩問題
最緊o既問題:
1. tat 車難左
2. 準備停燈位時收晒油, 有佢溜, 溜溜下死火
3. 停左車兩個鐘, 一開車, 第一個燈位起步, 差d死火(feel 到佢冇晒料到, 跟住又好似著番咁)
會係咩野舊左, 要換/洗??
Tommy
你部係咩車？撻車難左可能係電壓唔夠或者火咀狀態差。易死火可能係怠轉不穩。
|
21/7/2005
|
何謂有錢玩家????
re:WONG Ho Ying
我認同你..."無錢又想玩呀"(是但啦,咩車都一樣,吾係靚車鬼理你咩)...
re: ho & 車友 & ALL
呢個世界玩咩都一樣,分別有"一般用家"同"有錢玩家"...吾駛太介意喎.
好似我,屋企吾係好有錢,但係都有部1992保時捷964 及一部1996-F355,
而我最近先成為P牌,出車都只係想三萬以下細車,因為我吾想做一個"無知的有錢玩家"
我就見過一男星用1.3萬買套市價9千的跑車胎,重要扮識扮專家同人吹水,幾句吾夠就俾車行大到佢,什麼特別型號所以貴小小...正傻仔.相信這就是傳說中的"有錢玩家".
各位!!
玩咩都好,吾可以單用錢去量化該玩家或用家所付出的心血."學問"...想學才會問...請君自重.
Man
|
21/7/2005
|
老編好,我架車係XV250,請問偈油點check呀，行1000KM換偈油OK嗎?(半合成),謝謝老編.
黑仔
你意思係話檢查偈油存量還是偈油狀態？檢查存量要棟直架車(搵人幫手)，然後擰開偈油蓋，抹乾油漬再隊下入去，拿番出來看，如機油漬在H和L之間便可。偈油狀態唔使睇，以一公升偈油每一千公里換油的原則來計，舉例竟2.5公升偈油便2,500km換油。里數到期或夠三個月便換。當然未夠期換油更加歡迎添。XV250礦物油都得，莫講話半合成。
|
21/7/2005
|
Re:WONG Ho Ying
我都有好多朋友都唔係有咁多錢，加上唔會諗有機會好似你既朋友咁換咁多車，所以佢地好多對老電都一知半解下老編既少少意見就對佢地好大幫助，我都好唔明你咩心態？老編煩關你咩事？煩到你麽？每日開電腦再上網都好煩架，咁你又上？
b仔
冷靜冷靜...
|
21/7/2005
|
換偈油
返鈴木更換偈油，原廠車頭三次免費換油，只是免人工費，偈油一樣要錢，分50和$120全合成。
eric
免費...幫你....換油！？
|
21/7/2005
|
CB400 techIII 耗油量
請問各位 TechIII車主,你地一缸油滿大約可走多少km?因本人總覺得自己架車大食(註:原廠冇改車,半年車)，差不多要成6毫子1km!
Count
你睇車主報告咪知道其他車主的耗油量o羅。今時今日d油咁貴，如果經常開「踢」的話，六毫子唔係貴。
|
21/7/2005
|
RE: Honda VS Suzuki
本人雖然沒有開過太多廠家的不同品牌的經驗, 但日本4大車廠都叫做有拈過下,其實份別係有但係都係好細.{ 或者係我主觀啦}. 尤其跑車,大家的性能.操控.科技同經濟市場角度都係跟得好貼.幾乎拚過你死我活一樣.與此同時在時代轉變和市場需求---由以前的2行程到4行程, 再到家下4大家族似乎又要在绵羊市場中作一場"腥風血雨"的拚殺 . 你睇下kawa都涉足於其中就知啦.而且愈出愈大cc.而家鐘意绵羊的人選擇又多左啦.其實甘樣得客户的得益也多了---價格平左(香港除外),性能好左.選擇多左.....
好啦,言歸正傳---點解本田零組件容易搵又平 ? 其 三車種又難呢 ?是否香港才有的特色呢 ? 這是否本田車受港人熱忱的原因呢 ? 但係在不少國外廣告都有好多3大車廠的零件供應...點解 點解 點解 ? 各位有興趣講幾句嗎 ?
SUZUKI YAHAMA and KAWASAKI
|
21/7/2005
|
又有一宗傷悲劇.. 真係越睇越心酸...仲渣唔渣好呢?
電單車大埔道撞泥頭車鐵騎士亡 (本地)
2005年7月20日 HKT: PM 04:57:00
大埔道下午發生致命車禍，一輛電單車與一輛泥頭車相撞，一名37歲電單車司機傷重不治。
事發於下午1時許，肇事電單車沿大埔道向新界行駛，駛至一油站對開時，與對線一輛泥頭車相撞。當時，泥頭車於快線右轉，正減速轉彎，準備駛入位於油站旁的地盤，電單車懷疑收掣不及，與泥頭車相撞。電單車司機在車禍後受重傷，送院後證實死亡。
xjr1300
|
21/7/2005
|
日本番新車
請問買日本番新車，係唔係全新架?有咩需要換?會唔會好多問題?性能唔好?
p人
話明係「番新」，梗係舊車喇。舊車狀態部部唔同，車行會作基本檢查，確保能通過驗車的要求。
|
21/7/2005
|
Re:WONG Ho Ying
對你黎講, 可能好煩, 你都曾經係新人, 都唔係一生出黎就識老電, 對新人黎講, 老編回覆一字值千金, 你寫得多唔等如可以干擾 ibike 編輯自主. 請多自重.
車友
|
21/7/2005
|
本田Solo 50
個結構好似現時可以在單車鋪，都可以買到的帶有引擎的Mini bike。出唔出到行車證?
WONG Ho Ying
出到，有頭燈有尾燈有迫力燈，如果唔係車行入貨o黎做乜？
|
21/7/2005
|
re: ho
呢個世界有樣野叫限米煮限飯，買車其實同買電腦一樣。多銀兩的玩家，會買AMD Athlon64 X2加SLi.一般用家，AMD Athon加nForce 3,無錢又想玩，n手AMD K6-2
我其實都看過了老編過去的答案大部份都是車類相同，問題都大部份相同。(好似是Copy & paste)
WONG Ho Ying
|
20/7/2005
|
Re:WONG Ho Ying
好難講話你o岩唔o岩,可能係你好有米,$唔係問題,只要性能,款適合便可以落決定買車
但有人真係得10000,20000或者係幾千蚊筆直,買錯無得後悔,咁見老編大人咁好人先會問姐
如果老編好似你d思想,我打死都唔問啦
ho
|
20/7/2005
|
請問老編...
請問老編去車行買二手車有mug嘢要留意? 同比左錢要幾耐先有車?如果係日本二手車咁係唔係好d?同嘪係唔係要自己抯返屋企?
p仔
請重溫【知識技術】【FAQ】和搜查以往留言。你買左架車之後，唔係你重有邊個幫你抯番屋企？
|
20/7/2005
|
香港的「爛」馬路
昨晚(19-7-2005)有線電視講香港的爛路，個嘉賓是泥頭車司機(也有電單車車牌)，以安達臣路為例，條路爛到可以比賽Rally，重班車行都有問題，又傷「葉片彈弓」，條胎都「崩」了一邊。又訪問了一個電單車司機，佢話香港有個奇怪現象，路中間有好多「渠蓋」(電單車突別怕渠蓋)，呢D「渠蓋」連高速公路都有。電視台講，因為路政署現是一筆過撥款，邊D急就做先，其他唔急就等下。
WONG Ho Ying
|
20/7/2005
|
老編你覺唔覺
日日都有「P牌」，甚至是學神來問買車意見。老編你覺唔覺好煩(答又唔系唔答又唔系)
我沒有想冒犯他/她的意思，只是只要有足夠的銀兩，想買2衝程、綿羊......甚至跑車都好。「P牌車」都只是過客，之後都會換掉。我有個朋友4年電單車車齡(沒有P牌制度之前)，換了6部車。香港人的手提電話，都唔會等到打柴才轉La。
WONG Ho Ying
|
20/7/2005
|
找商譽的車行
請光顧有商譽的車行,可否介紹一下有商譽車行名字呀!THANKYOU老編MASTER呀~我想找HONDA 250CC FAIRING
Dick
250cc跑車機器細負苛高，家下又己經變成高年份，好難搵到好野。有都好貴。
|
20/7/2005
|
Re: VTR250 極速得番110km/h, 大食了很多
有冇check過呔氣呀？都好大影響架喎。呔氣唔夠的話，轉彎會覺得車尾「撩撩下」同埋想跌想跌咁，而且架車會好「立」。
Wheel勤時 wilkinswong@gmail.com
|
20/7/2005
|
請問在Shell油站買的偈油 15W-40W ....沒有寫明SJ,SG,半合成等等級，是否代表礦物油？用唔用得過？或是外國貨較有質素？ 本人1000km 換油! thx !
礦物油會寫住mineral oil。1000km換油的話咪試下佢o羅。
|
20/7/2005
|
買車
我剛考到P牌, 咩都唔識, 想買架新綿羊, budget 3萬, 用來返工, 來往青衣, 紅碪~有幾架心水, 但又有D疑問:
MAJESTY 125 - 125成日行HIGHWAY有冇唔好呢?G-MAX 150 - 聽講話架車細就會好漂喎.....危唔危險呢?大鷹王 200 - 同G-max差唔多價錢, 邊架好d呢?SHARK 150 - 平過G-max幾千, 係咪差過G-max好多呢? 差d咩呢?邊架好d呢? 又或者有咩好介紹呢?定係俾多幾千買joy-max250會好d呢?
幾開心你終於提到一架250的型號。老編的答案唔使講到咁白喇卦？
|
20/7/2005
|
Honda vs Suzuki
老編，老鬼大人﹗各位師兄師姐﹗唔知大家對 Honda 同 Suzuki 牌子的車有什麼評論。
近排我正煩惱考牌後應賣那一部車的事而頭痛，因我只得標準5尺高，又想買棍波車，又係新牌仔，所以想買250cc以下的新車，車價又要平 (約2萬元左右)
就係咁，有日我走左去SUZUKI睇車，GF125 平，但我唔夠高；GRASS TRACKER高度OK LA 但貴，唔想第一架就3萬幾，跌車、花車會好肉痛；GZ150 平，高度完全OK 好正，雙腳可以平放在地上，學院車都唔得，所以打算買GZ150啦。
今日同個駕了12年電單車的朋友講我想買SUZUKI GZ150巡航車，佢就好大反應話唔好買SUZUKI車﹕1.SUZUKI食油，2.整車貴，而GZ150係巡航車150CC又細好難賣出去，1年後最多只可賣到7、8千元，重要好難賣出果隻，上斜又冇力。所以佢叫我買HONDA CBR150R﹕1. 我夠高，2.2萬幾價錢OK 3.唔食油3毛幾子一公里 4. 整車價OK 5. HONDA 有保障 TRADE IN 價會高一點 6.車細輕，所以有力。但我自已就諗，除P後會雙騎，CBR150R後坐唔好坐(我坐過)，儲物空間唔夠，加尾箱好古怪，加邊袋又唔知O唔OK...... 所以唔知大家有咩提意和其他車介紹。另SUZUKI 車是否我朋友說得咁差..... (HONDA唔好意思呀﹗)因為我都好LIKE GZ150 . 而YAMAHA 和KAWASAKI又冇嘜250CC或以下的街車，所以我覺得好似冇車可以買咁﹗
細細粒BEEP
睇你打咁多字就知你個心好煩啦。或者你可以咁唸：新牌出車等甩P呢段期間，只係一個過渡期，任何車都係你駕駛生命中o既過客，如果只係搵一架車練習的話，咩車都冇所謂，只要舞得佢掂就得。
香港人好奇怪，人云亦云。淨係以為Honda最好。英國都係電單車王國，Suzuki不知幾受歡迎。日本人亦鐘情於kawasaki和Yamaha，Honda在日本並不如香港般被人盲目推崇。Honda雖然係全球最大的電單車製造商，但唔可能每一年代每一款車都係最好。自己唸唸。
|
20/7/2005
|
新牌仔
kit喉可以加滅聲嗎??會否影響kit喉o既原意呢??
大約幾錢??多謝一直回答我的來信!!!!!!
新牌仔
Kit 喉有分道路合法使用和道路不合法使用兩隻。可以試下道路合法使用果隻。(呢個係產品分類，唔代表可以在香港道路上合法使用。)
|
20/7/2005
|
Re: LEE
Hello LEE,I think AN400i is easy control to "P" driver. I bought a brand new AN400i from SBS in Nov-2003 when I was a "P" driver at that time. Feel free to contact me for experience sharing
Yan ha8359@yahoo.com.hk
|
19/7/2005
|
老鬼
最近runner sp加速冇了之外那麼強,比油比深多d先有加速感,而且好像有普利珠的響聲,請問有那些要換呢?
kwok
檢查左極力子部份先!才可決定.
|
19/7/2005
|
都係買車問題...p 仔
很多謝你的回答..老編
以你所見...........新 altantic 250 比較好一點...但是網上有人說這車的engine 是由200 谷上來的....所以engine 用不久便熱且不勝負荷..對嗎?
另外....比起日本車(an250/400 or majesty 250)...這車二手折扣率比較大...對嗎?
其實除非我買的這車壞了...否則我都不會換車.........這樣..是否應該買400 c.c. 呢?謝謝......
都係心急人上 lee@yahoo.com.hk
好多車都係bore大汽缸，廠方計過數唔會冇問題。不過你話唸住用部車好耐，咁就不如買400cc喇，可以頂耐少少(唔會成日唸住換車)
|
19/7/2005
|
VTR250 極速得番110km/h, 大食了很多
我架02年VTR250一個月前都沒什麼問題,這個月開始發覺有不妥.0-70km/h 都不覺有什麼不妥(與次前比較)只是覺得加速及轉灣 不如前,行順左後,但上到吐露港,極速得番 110km/h (不是可以去到140km/h嗎?)想俾多D加速,都有D困難油俾多D都是這樣!高轉時覺得架車不太去,低轉時就覺得與之前沒太大分別!仲有, 大食了很多:從前26-27km /litre, 現在得21-22km /litre相差20-30% 油錢, 但我的駕駛習慣沒有變.上個月洗化油器,風格, 2個前換火咀,練,偈油及油隔,水箱有水,電池沒事~!架車有什麼問題?仲有super4 尾泥擋,VTR250合用嗎?
kkk eli_ng@yahoo.com
唔..要做都做晒,唯有檢查一下火咀燃燒得正常不正常,有否過黑,或油缸有否入水,因本月實在太多雨水.
|
19/7/2005
|
保養
想問一下老編,新車要經常點做來保養呢?聽廣告話新車拎去俾佢地噴一層蠟,可以令部車3至4年內都同新車一樣,是真的嗎?如果自己做的話會唔會好麻煩同貴呢?我的車是HONDA VTEC III
新車主
好貴個喎....貴過你翻噴喎...
|
19/7/2005
|
噴油
想請問老編我想買部車,車款原裝顏色我想換自己想要的顏色,可以叫代理做嗎?
如果可以做的話咁俾係出面專門做噴車既車房,邊到會做得好d同價錢會否相差太大呢?
我想買的車是honda代理的,請指教
買車人
代理都係交俾行家做。價錢和質素會有少少差別，因為行家一般唔會似散客要求咁高。唔建議你唔要原庄油...因會影響賣價。
|
19/7/2005
|
續：高速公路問題
但如果行70km的話會唔會比人地推住行?因為我見巴士行都快過70km.如果我真係行70km就.....謝謝
p仔
行慢線o羅...
|
19/7/2005
|
車底有油滴出黎
係綿羊仔
大力仔 pluto_3650@yahoo.com.hk
可能係油底縲絲.
|
19/7/2005
|
Foresight 保養問題
我部Foresight01年翻新車，揸左一年，最近發覺有時部車日日狀態都唔同，有時會"立"，例如上斜加速無力，要回油再俾先至去，究竟點解？有乜解决辨法？仲有部車未換過風格，平時都係車房換機油時吹下佢，風格應該行幾多km就要換?
麻烦老鬼解答。
MAN kitman33@yahoo.com
可以換個風格同火咀試左先!而風格就無話幾多里數更換,因大家路途不同,但最小每半年換一個.
|
19/7/2005
|
cb400sf version r
Dear ibike,I am from the united kingdom and have just got a cb400 super four
version R. Do you know if the exhaust from the VTEC would fit on a version R, as it looks very similar.
Many regards,
Ian ian@skullbox.co.uk
No you can't. The distance between exhaust ports are not same, where VTEC engine is wider than Big one engine. May be you can find a Version S exhuast for replacement.
|
19/7/2005
|
買車問題
大家好.本人現在p牌, 正在考慮買什麼車. budget 4萬 多d,考慮車款如下:
03/03 AN400i Majesty 250C New altantic 250
因計劃買了這車後兩三年都不會換車,而且現在 03 AN400i 只賣40000 多, 比起一d 新年份的 majesty 還要平(新車成51000 tim)....三保又一樣錢..另外...d 人又話altantic 250 比起日本車冇咁耐用....所以....我偏向想買 An400i , 大家覺得如何呢?另外....我想問..An400 ...p牌應付到嗎? 因車較大及cc 較大...比起majesty 250 會否難很多呢?
謝!
心急人上 lee@yahoo.com.hk
250/400豪華綿羊其實相差冇幾。你用唔用到視乎閣下基本技術有幾多，唔夠技術的話，如果有身型搭夠都得。Atlantic 250其實設計和和用料都好日本化，新車價亦以它最抵玩，如果你唸住keep兩三年的話，都唔係冇得唸。現在銀碼一樣，Aprilia係新車，其他已有兩年車齡。三年後賣番出去，Atlantic車齡係三年，但其他已有五年，賣價又會差一截....
|
19/7/2005
|
高速公路問題
老編你好，我想問下點解好少見到P牌行高速公路既?係唔係P牌行70唔適合行高速?
p仔
P牌當然可以行高速公路喇，不過唔可以行右線之嘛。
|
19/7/2005
|
小...
落山道小學對出的排骨位有抄牌.但我泊係格內(最邊邊個個位,冇出界!)都抄！可以點做呀??
羊
投訴不公允定額罰款告票表格
https://secure1.info.gov.hk/police/epol-forms/ComplaintUnjustifiedIssue_c.htm
|
19/7/2005
|
買已過牌費車要注意d乜
如果對方架車已過牌費,買賣時有d乜要特別留意呢?續牌時是否需要補回過期牌費$,thanks!
yaoyao
即使雙方議定牌費係買家支付，都要向運輸署補納牌費，先可以轉名。所以補交過期牌費一事應由現任車主負責，因為唔知佢有冇係冇牌費的期間內駕駛呢部車。
|
19/7/2005
|
運車
老編,點解香港冇zzR400賣?如果我託朋友係日本買,然後叫泰力運過。黎香港得唔得呢?運費幾多錢到?該車有何缺點?多謝回答細路問題!
勁人
點解冇得賣？因為唔夠多人買o羅！泰力唔係運輸公司，叫人朋友幫你買車然後搵泰力幫你運車？唔好玩啦！你不如托泰力下次入貨時留意下ZZR400重好啦。有關車評請看【車主報告】
|
19/7/2005
|
皮包鐵好危險
Hi 老編,每當有人同你講"...電單車?皮包鐵好危險呀..."等等說話時,你會點答?
多謝分享
Peter
會答：「係呀。」唔會同佢爭辯的原因係呢d說話通常都係唔識電單車，或者駕駛技術十分差的人先會講。
佢冇講錯，因為電單車發生意外的後果的確比汽車嚴重。但老編認為關鍵係「點樣唔會令危險發生。」但係冇乜必要都唔會同佢解釋，費時對牛彈琴。不如睇下經濟日報社長石鏡泉先生點講？
|
19/7/2005
|
cb400 sf version S / cb400 sf big one / cb400 sf vtec 11 / cb400 sf vtec 111 / 以上4款車除了輩份不同,從車身上要如何分辨有那些特點請告知（謝謝）
curly
可以睇FAQ和以往【靚車檔案】搵到啟示。但提一提你，Hyper-VTEC之前的Big one年代所有CB400SF，都有機會撈亂晒d parts。所以會有d混亂。
|
19/7/2005
|
Sidecar
想問目前香港開Sidecar的人多不多，政府是否對此類車有任何限制？是否需要專門牌照？
Drip
唔多，因為失去電單車的最大優點-攝車的機動性和泊位的方便性。但又冇房車的冷氣和音響....所以只能作為假日車。駕駛機動三輪車係22號牌，cup3號牌便會自動有。自己加裝side-car就唔得，原廠入口就冇問題。
|
19/7/2005
|
re:遺失車匙
這部綿羊是二手來的，當日和那位仁兄完成買賣交收，俾晒錢之後他才表示只得一套鎖匙，然後在那繁忙的長沙灣道政府合署門外，以敏捷、蕭洒的身手騎上接應他的tw200，我當時只在想:如果他還有我的鎖匙我怎辦呢？於是我立刻去買u鎖，車冚等用品，又驚咗幾個月....
頭幾個月我都差唔多行過五金舖都問有無得配，有些說車匙無得配，有些說無我的匙的型號配不到。過了一陣日子就不以為意。我都知是我大意。
老編先生幫人幫到底，幾多錢才算合理？要怎樣做？我部車動彈不得，貿貿易要人配匙會不會那個一點？詳細情況是怎樣？我真是很頭痕，我都有睇反之前的問章，但沒有頭緒。
頭痕人仕
匙膽價錢要問番代理先知，每個牌子和型號都唔同。可以出示車輛登記證明文件以示清白。
|
19/7/2005
|
買車一問
老編你好:本人有意購買T-MAX 500(舊款二手) 或 silver-wing 600(都係二手),比老編你選擇會買那一部?兩部間邊部被偷的風險較高呢?多謝回答
尹
二手車部部唔同，所以要番質素同埋價錢，覺得邊部抵買就買邊部。失車風險可能係Silverwing高一d，詳細比較要開番晒以往六個月的【失車型號及分區統計報告】參考。
|
| |
|
|
|
 |
