|
|
|
FAQ常見問題 |
|
|
11/7/2005
|
風扇一問
老編好,夏天天氣炎熱,支溫度錶支針經常維持係中間的位置,小弟又擔心長期係咁會對副引擎唔係咁好,會唔會係風扇唔夠力呢,而行車途中又唔知道風扇有冇著,想請問如果我地停左車有冇辦法可以令到把風扇開動呢?? 而風扇的速度又有沒有得tune快d呢?
Bros650
溫度針只要不入紅區便可。係中間位置表示引擎工作溫度適中(引擎要有一定溫度先好，CPU就越凍越好)。想佢著可以停車煲佢，煲到佢著，再睇佢識唔得識得自動熄風扇。
|
11/7/2005
|
泊車地方
各位車友你地好,本人住大埔廣福村既，請問有沒有人知道邊到位置泊車好呀，停車場又冇位冇得租，請各位車友幫幫忙提供下，嚴重不足車位。慘慘
車友
|
10/7/2005
|
請問加裝volcano後會否傷車?
細施施
唔會。不過會係風盒上鑽一個10mm的小洞。
|
10/7/2005
|
Re: 長沙灣 到 彩虹
可以行龍祥道o丫，話咁快就到，不過要小心D，因為多大車同埋佢地開得快。
P牌新丁 h2189@softhome.net
|
10/7/2005
|
普利盤同極力子
普利盤同極力子係咪分別有兩條大彈弓(唔計極力子入面果三條)? 一般約行幾多左右到期?軟硬又有咩分別呢???
同埋有d人換極力子淨係換極力子皮, 有d就成舊換晒(貴好多o番)....
珠盤又係, 有d人就淨係換珠仔,有d就連埋個珠盤都換埋....
究竟使唔使成套換架??
小弟架MJ250, 行到20000KM, 有d迷茫, 都唔知要換幾多野???
賤羊
咁就要睇幫你整車的車行觀察能力和操守,換一半唔換一半係慳錢,但好快要換另一部份,全部換晒又貴.所以真係要睇車行.
|
10/7/2005
|
電器問題？
小弟渣架Magna250，渣左咁耐都好地地，今日出車發覺撻唔著車，火咀有少少反應，但都係唔掂，check過唔關死火掣事，之後推返著架車，發現個頭燈暗得好緊要，冇理到開車由火炭返元朗，去到元朗食野泊左半個鐘車，再出車發現撻車更困難，火咀冇料到，之後又推返著架車。點知行左約一千公里到架車頭燈突然變得好光燒左，然後我再開大燈，同樣情況燒埋！吃脹！之後再行多五十米架車俾極油都唔肯去，好似個火咀冇電到咁，最後放棄泊埋架車響路邊。
請問老鬼，我架車有乜問題呢？
慘人
電池連整流,你可拆出整流看看有否溶膠,和檢查一下有否燒掉30a main fuse.
|
10/7/2005
|
電流問題
老鬼你好!!我𠺢車係02年CB400。請問如果𠺢車於靜止時比油頭燈的光度比slow車時變暗(不是變光)，此情況是否說明電池或整流開始老化？如果用電王有無幫助? ps*頭燈換咗白光燈，但火數與原裝一樣。開頭燈slow車時約12.8V；比油時約14.2V；開頭燈無著車時為12V；撻車一刻為11.8V，請問是否正常？
華記
是電池開始減弱.電王本身是穩定電壓,並不是充電器.
|
10/7/2005
|
頭燈開關掣
小弟用forza,用緊白光燈60/55w, 扯大左用電(原裝60/35w),想問如果加個頭燈開關(諗住日頭開一邊燈算), 有無效減低電器負荷呢?? 會唔會反宜有其他壞處呢??或者有無其他車友有d咩經驗~~~交流下啦~~~~thxthx!!!
Rain
通常用耐左都有溶插情況,又要買個燈制,不如用番原廠w數好過.
|
10/7/2005
|
噴油脫色？
前排車頭沙板花了？我見屋企有噴油(模型的)...便自己試下啦.......誰不知....D色(察)一下便脫掉了？因為只是花了沙板位置....請問那裡有唔會脫色的油賣？
唔關油事，係你冇做好前期工作。要d油食住唔甩，要徹底清潔去油漬，扇灰(畢地)，再來薄薄一浸一浸咁上油。(同噴模形一樣)
|
10/7/2005
|
牌費過期問題
我有一架cb250，牌費已經過左期大約九個月到，本人想續牌，但架車分別於三個地點抄了三張違例泊車，但沒有試過行車時抄牌（例如超速）。本人想問，續牌時可否簽那張承諾書，沒有駕駛過這架車？另外，如果要罰款，大約多少錢呢？謝謝老編
亞新
你部車分別係三個地點俾人捉更違例泊車，咁你好難叫人相信係冇牌費呢段期間冇用過部車。你都係唔好簽果張野喇，補交番牌費啦。
|
10/7/2005
|
Re : 回謝X8-200各車主友好...
本人也是X8-200車主，我看這網頁以很久了，在這裡學了很多知識！你說在這裡很小X8-200車主留言，而其它車之車主在這裡，有很多交流。
本人覺得X8-200用落沒有問題，乜很好抯好駛，好多X8-200車主都覺得這車沒有其它大問題。所以咪好小留言問問題囉。
再這要多謝老編及老鬼兄，在這網頁幫助了我們抯老電的人很多很多！
祝貴網業務蒸蒸日上。
八仔
|
10/7/2005
|
長沙灣 到 彩虹
請問點行較快或慳油 ?
asd
|
10/7/2005
|
ibike Lab電王 與 VOLCANO
老編，請問功效上哪種較好，價錢ibike Lab抵用d wor，對唔住，問左條尷尬問題。
Knight
兩者唔同範籌不能比較。電王係濾波穩壓，Volcano係幫助油氣混合。一個貓科一個係狗科。
|
10/7/2005
|
老編先生,請問是否加裝VOLCANO後,會加大扭力及馬力呀?
P仔榮
上次試果部Silverwing 600，dyno圖出現明顯分別。
|
10/7/2005
|
P牌超速~
小弟在限速50既路面行71減左誤差=67,我想問下係咪一定會加監??同埋係咪一定要上庭??
可唔可以書面認罪?唔該~
P仔~
|
10/7/2005
|
全合成
請問我部sv650用半合成定全合成好啊？因為聽你講全合成比較色合高轉車。架車耐吾中有打炮聲緊吾緊要呢？其實打炮對架車有咩影響呀！
paul
當然係用全合成偈油最好，但視乎你點用部車，如果用得斯文的話，半合成偈油便合乎經濟原則。間唔中打炮？係咪落斜收油時出現？可以接受丫。
|
10/7/2005
|
CB400 S
本人有2年半Majesty 250經驗, 高188cm, 想換cb400s 或 SV650S, 但係又唔知自己可唔可以應付到,請問邊部好d呢?
Luke
閣下身高188cm難為你可以捱左兩年半綿羊...如果你自考牌後從未用過棍波車，咁就真係要時間適應一下。CB400 B'oldor和SV650S都係容易駕駛的車款，SV650S甚至乎可以懶d轉波都得。
|
10/7/2005
|
直出死氣喉都會散？
點解直出喉都會散,可以自己維修嗎？我拆開了條喉,換了中間的耐熱綿,但包得無原本果D銅絲綿甘實,會唔會好快又散？
人一個
你部係咩車？如果排氣溫度很高的話便很難說。一般單缸250排氣溫度約700-800度，但如果係單缸400，溫度便過1000度。
|
10/7/2005
|
那麼大陸邊樹多巡航車佩件？
如題。
J.S.Bach
|
10/7/2005
|
P牌超速
50行70.......見快相機在前方閃了一下.....但車牌在車後面...會唔會影到??
p仔
影你前面梗係冇用。其實係咪影緊第二架車呀？
|
10/7/2005
|
超速45後 , 長信不如等信 !!!
大約仲有個半月到喇,如果妳仲想玩多一陣,你可以收到信後要求睇相.等睇完相再認罪,這樣又可以拖多一個月,當再排期又可以拖多個月...當上庭當日唔去,但補多張醫生病假紙,又可再拖多個半月,加起來可以偷雞玩多半年,而停牌就由交牌當日開始計,自已想下喇,
mars
|
9/7/2005
|
超速45後 , 長信不如等信 !!!
我剛剛獲得雙倍速度獎賞 , 免入油六個月 , 而家係等緊換領信期間 !
如果信一到 , 就知幾時上法庭拿禮品 !
想問下D有經驗O既 , 大約要等幾耐先到上庭果日 ?
因為想知道仲有幾耐楂 !!!
THANK YOU
政
|
9/7/2005
|
老編大人:小弟部係鈴木250cc的v2引擎巡航,如加裝(volcano)有否改進呢!
小明
以上次測試的結果估計，低排氣量的車種有十分明顯作用。
|
9/7/2005
|
電王
老編你好! 請問電王怕唔怕受熱及防唔防水？因為我𠺢車係CB400，SEAT位底都幾熱及落雨時有少少入水。請指教此車最好又最安全的安裝位置。
長人
電王操作時不會產生高溫，抗高溫能力亦足夠，即使放係私家車引擎艙內都冇問題。但防水性能只是一般，輕輕洒下水都重得，但成個浸入水就唔得。
|
9/7/2005
|
甩P想換sv650s
小弟有年半super four經驗,想買部全新既sv650s,但係又唔知自己玩唔玩得掂.同埋sv650s係fairing坐姿,操控會唔會比super four難??唔該~
Tony
18個月400街車經驗都好夠，應該可以應付到SV650S。兩者坐姿唔同，SV650S把手會低少少，但唔會話難適應。今日老編先見到有位P牌騎住架05 ZX-636，佢都騎得幾好。
|
9/7/2005
|
set 風油比問題
o今點知風油比是13:1???(如果自己想學set風油比)
thank you
wai
單憑人手調較當然靠估，但搵馬力機和氧氣感應器量度便會一清二楚。
|
9/7/2005
|
火咀
聽倒有人話每五千公里倒check下火咀..黑黑地(積左少少炭)既話可以刷下佢..我想知道搵咩可以刷得走呢??舊牙刷?鋼絲刷?刷個時又有d咩要留心呢?其實係咪真係可以咁做架呢??
hornet600
定期檢查火咀係一個好習慣，因為可以俾你知道副偈的狀況。牙刷唔夠力，可以搵細隻o既鋼絲刷或者鋼絲綿幫手，最好調較埋火咀隙，因為一般火咀芯在高溫下都會蝕少少，需要調整番火咀和火咀芯的距離以維持最佳火花。不過以上呢d動作己經冇乜人會做，因為功夫多又麻煩，火咀又唔係貴，通常都係換新o既算數。
|
9/7/2005
|
大陸買CB400零件
廣州羅沖圍
|
9/7/2005
|
大陸買CB400零件
聽人講廣州買CB嘅電單車部品好平, 想問在什麼地區/街? Thanks!
Michael668
|
9/7/2005
|
日本山葉進口機車tw２２５有進台灣嗎
阿波羅
MT-01都有，何況TW225？
(以上純綷屬個人猜想)
|
9/7/2005
|
set 風油比問題
老編大哥您好,我想問set 風油比之後會有什麼問題,功能是什麼?thankyou
Dick
電單車開車後的最佳風油比是13:1，即是十三份空氣一份電油。電子燃油噴注供油份量較準確，所以會在13:1之上，用意是更慳油。化油器供油因為冇咁準，所以會俾多少少，風油比在13:1之下。
準確的風油比能有正常動力又慳油，排出的廢氣都冇咁毒。如果油氣過濃，除左浪費電油之外，火咀會燒蝕，油氣未完全燃燒，會打炮，出黑煙和排出大量有害化學物質。油氣過稀，會難撻車，尾段動力不足，廢氣閥門溫度過高易損壞。當然上述情況係風油比嚴重偏離才會出現。
|
9/7/2005
|
X8-200車友
x8-200車友都有好多看這信箱的，需沒有什麼留言，但有很多實用的資料及問題都可以係度睇到的、解決到的。呔氣太高，個尾係轉向時會『包包』下的，同過個d接駁位d膠時會好搶"太"。
Francky
|
9/7/2005
|
老編大人:
小人今朝凌晨4點幾5點開車行經告士打道近分域街,車速大概80幾90km,突然閃左兩下,小人本能反應即時收慢架車,但過後沒有road board.現在有d問題想老編大人解答.thanks
1.當時應該有車在我的右邊但閃光從左邊來,會否影到我相?
2.相機影到d相是否會扣減番d速度,如5km戓10km?
3.如果真的影到,幾時會知?
4.小人牌齡超過10年,從來未扣過分,遲d想考旅遊巴士牌,揸公共巴士,如果被扣過分會否有影響?
擔心的人 尖dick
果度有自動相機，閣下應該中左招，應該好快會收信。減都唔會減10km/h咁多。唔清楚巴士公司o既招聘要求，但照計扣幾分分應該冇問題。果度行70km/h，你都係超速15-20km/h，唔算好離譜。
|
9/7/2005
|
RE:有冇人留低頭盔
你好車神；
我並非留底頭盔那位，不過我對你的行為十分敬佩和欣賞，願上帝祝福你。
J.S.Bach
|
9/7/2005
|
回謝X8-200各車主友好...
-好多謝各位X8-200車主幫小弟解答呔氣一事,經兩位有心人都表示係28/32我都決定用28/32.
睇下有無問題先....
-另外電單車入油入得太多係唔係會自動o向車底流番出o黎架??因我今早起o左大架入油,我就行o左去便利店買o野,出番o黎入油果個師傅叫住我出o黎,指住我車底流水喉位,一睇流緊油,流左一陣著番車又無o野,由於趕返工所以照去,直到中午食飯睇下架車又無流呀,我想問入得過多係唔係一定會流架....
-我都係覺得X8-200黎架車好似無乜車主聯絡O禁,人地AN果D幾多人交流呀..可以係小人用,不過我想借老編小小地方呼籲一下..有邊位X8-200車主有睇黎個信箱,大家交流下好唔好..
VFR800 wunkinchuen@yahoo.com.hk
無錯，入油滿瀉會係車底其中一條喉流番出來。
|
8/7/2005
|
有冇人留低頭盔
在尖東安達中心排骨位
請註明 牌子，款式，颜色及西士
留電郵聯絡退回
車神
|
8/7/2005
|
Re:過隧道
其實電單車zip車對其他車都有一定滋擾架 , 失驚無神有架電單車好鬼死響又快咁係你右面咁過咪話唔嚇親人 , 有時zip車仲可能令人出唔到路口啊等等 , 都咪話唔爐氣....其實大家讓一步真係小好多驚險鏡頭架 , 而且好似老編話"老電唔係老鳳zip車架"
燎
|
8/7/2005
|
機油即是???
老編好,小弟有二個問題不能解開,希望你能幫忙...
1:到底機油的意思是偈油還是波箱油?
2:二衝車是否因有2T,所以不需要用偈油,只是需要定期換波箱油呢?
阿傑
機油是偈油的意思。二衝引擎設計上唔可能有潤滑油路，所以只能利用電油作媒介，混和2T油提供潤滑作用。波箱油當然要定期換，但不需要如偈油般頻密，因為偈油會接觸到燃燒過程，波箱油不會。
|
8/7/2005
|
fairing噴油問題
請問香港區邊間有得噴Fairing, 唔該....!!
Chris
間間車行都有接噴油job。或者可以搵駿文。
|
8/7/2005
|
電池一問?
1請問電池用左三年係咪一定要換
2拆左出黎用叉機叉滿,行車用左兩日又無電(撻唔著車)但著到車頭燈,關唔關電池事
3整流是否用作叉電
4(cb250)推撻行左一條街到燈位之後死火,再推撻(好狼狽)之後行車正常,青衣到將軍澳,沿途有燈位有停車,到步之後息車,再撻又係撻唔到,是否電池事.
心急人`上
電池已夠期,check埋整流和麼打炭精.
|
8/7/2005
|
CD250窒油神神地
老鬼師傅你好呀!
我架CD250U出現左窒油哩個問題,有一日落大雨時照常開車,行行下就窒油之後搵地方停低等左一陣又好似冇事喎,但行行下又窒,如是姐行左2星期至今.
現在己洗油缸及油路,已換吸,火咀線,呎過火咀有跳火,油缸有油,已廢電油格,洗豬籠格,但之前窒油時電油格內冇油,我發現架車空波時棟直時會窒油,打側少少就回復正常,究竟係咩唔妥呢?我都冇晒計
CD250U
咁你應該試下check油制,和打開油缸蓋,因可能壓力不足而引致窒油,因你說打側架車就無事,已排際除電器問題.
|
8/7/2005
|
油江既Pri點用
我想問幾時用Pri呢個位
Nicky
控制油缸有三大類設計，最常見的是ON-OFF-RES。其次是ON-RESERVE-PRI，最後是ON-OFF。PRI是prime的意思，撥向Prime後，電油會從油缸直接流入化油器。當化油器被抽乾電油時(例如行車行到冇晒油都未撥spare cord)，便可直接撥PRI，讓化油器注入電油，可以發動引擎。沒有PRI的油缸，當行車用晒正cord電油而死左火的話，便需要俾d時間等電油慢慢抽入化油器浮室內(可能要等十分鐘)。
|
8/7/2005
|
波箱油？偈油？
波箱油同偈油有咩分別？
電單車可以用較稀的偈油例如5w30，代替專用的波箱油，但私家車則不可以。因為波箱油和偈油的添加劑成份有所不同，而私家車手波和自動波都有專用波箱油。
|
8/7/2005
|
車胎問題
係點既情況之下前胎會用得快過尾胎呢?之前係一對換架,日日西貢機場咁行.唔該晒.
bandit600
馬力不大的車款，尾胎損耗的速度會較慢。但你部係Bandit 600，都唔可以話動力不大。頭胎損耗一般來自制動，經常重手收車的話，頭胎自然會蝕得快d。如果收車手勢唔好，更易出現不平均磨蝕。
|
8/7/2005
|
老編先生
老編先生，小弟的車現在處 Run-in 期，此車因為是二衝引擎，用2T油，所以沒有1000KM后換偈油的問題。但除偈油外，有什么東西是需要在Run-in 期間必需更換的呢？以上問題有勞先生為我作答，感激！感激！
亞崩
雖然二衝車唔使換偈油，但遮鈴，波箱，避震和迫力仍需要磨合。車主手冊應該有講幾時要換波箱油。
|
8/7/2005
|
x-8 o太氣
我都是開x-8，車行師傅說我要打28/32
我170磅，希望可以幫到你作參考。
Francky
|
8/7/2005
|
ibike gal
雖然我知老編搵model影相唔易~~但...強烈要求維持ibikegal既質素及水準!!
呢家既情況..好似坐緊過山車咁...= ="
咸甘
其實有時唔關女仔事，係攝影技術問題.....
|
8/7/2005
|
亞林yoshimura侯一問？
本人想買條yoshimura侯，問各前輩用過未，絛喉得唔得？換半條或全條有乜分別呢?亞林幫我換喉的話會唔會幫我set埋車呢？駛唔駛加錢呢？因我輛係sv650行ｉ的
playboy stanleywater@yahoo.com.hk
Yoshirmura喉係名牌喉，Suzuki GSX-R1000 K5條原庄喉都要問佢拿專利設計。半截和全梳喉當然有分別，尾段馬力會唔同。但Yoshirmura喉對應SV650只有半截而沒有全梳喉。據代理表示，Yoshirmura所有供應香港市場的產品，都是供應專用車款型號，不需要再調較mapping。原來歐洲和美國對死氣喉的要求有所不同，美國市場追求尾段馬力增長，而歐洲市場追求馬力增長之餘，也要求保持頭中段輸出，同時要減輕引擎牽引力，提高操控快感，所以對尾段馬力增長不會像美國市場般淨係睇尾段輸出。
香港地理環境適宜採用歐洲的要求，所以供應予香港市場的Yoshirmura喉都能保持頭中段輸出，減輕引擎牽引力，同量的尾段輸出有合理增長。另外一個優點是不需要調較mapping，除非是落場比賽。
|
8/7/2005
|
增加/改善26泊位 - 意見
其實車位與車位之間起一行行(唔係好密)大粒嘅石屎波蘿釘就唔怕十個位泊二十架車啦(想搬車都根本搬無可搬)！因為九龍灣天橋底(不合法)泊車位每個車主都好規矩/自律、並無發生被搬車的事情。本人覺得未嘗唔係一個好辦法！ ^_^
烏蠅
|
8/7/2005
|
起地錨
不如用馬場的起步摺, 每隻鉄馬都有一位, 又有門, 工作人員鎖住到門就走得, 又唔怕有人偷步.
業
|
| |
|
|
|
 |
