|
|
|
FAQ常見問題 |
|
|
4/7/2005
|
Kit喉一問
你地好！小弟最近更換了Kit喉全梳連尾鼓,風格火咀都無換,，但小弟曾睇過以往的文章老編爺講過換左Kit喉要set過部車先OK,本人座騎是xjr400 97,應點樣set才正確,轉數應幾多?
ping
改換高流量風格，加大唧咀，甚至乎要提早點火。
|
4/7/2005
|
re:超速45似上,停牌6個月
就咁，我個老友又係條路50行110，影相之後當時無即場截車。之後政府寄信O黎要求認罪/交人，佢兩樣都無做，之後上庭佢話當時部車拿O左去車行整，唔知邊個係司機！搞O左一大輪，卒之罰O左$6000無扣分無停牌！
咁要錢定要牌你話事啦！
以上只係案例，不表代次次都行得通！有無事就各安天命！
M&M
|
4/7/2005
|
seat位爛左
請教車友們:小弟隻羊 用黎連接seat位同儲物位之間 既羅絲位爛左想搵一隻可以有效痴金屬及膠的膠水請問邊種膠水可以經濟地及有效地痴番 ?
痴膠勝
|
4/7/2005
|
請問唔用極力子轉波、傷唔傷車？
近日抯車途中，試o下縮油時分別做轉高波及拖低波動作，全程無用極力子，又得o咼。請問咁做其實傷唔傷車呢？我架車係CB400 Big One！
偉仔
tick支波棍時如果好順的話係唔會傷車的。
|
4/7/2005
|
回應 : 靚女們怕唔怕
其實女仔抯車無乜問題AR ! 其實只要保護裝備夠咪OK LOR, 反而好多時見d'靚女'抯車著吊帶背心, 短褲/裙, 拖鞋 + 開面頭盔, 有D仲係P牌, 無錯係好靚, 但係有乜意外都幾傷, 夏天又會曬親! 諗深一層啦, 係男人都鐘意望女仔, 你立住頂頭盔, 鬼知你靚唔靚咩 (甚至睇唔倒你個樣), 唔好羅自己黎較飛啦!! 仲有, 著吊帶背心&低胸衫靚女請留意, 當你停車 (尤其燈位), 如果隔離係大車 (貨車OR 以上) 基本上你已經俾人居高臨下睇"穿" 哂, 好自為之啦 !
POOH
|
4/7/2005
|
大R750
老編你好,我想問點解依家d二手大R750咁平既?
老虎
咩年份先？
香港地細車始終較多人搵，所以二手大車其實最抵買。
|
4/7/2005
|
High-side
Could u explain what makes high-side in detail,thanks
man
當出彎時過急俾油，尾輪在傾斜狀態時驅動力超出抓地力的極限，便會出現打滑，令傾斜狀態更加嚴重。此時如果車手感應到尾輪異動，馬上完全縮油的話，尾輪動力減退重新回復抓地力時，離心力便會把電單車向相反方向推，情況嚴重的話便會撬起尾輪拋起車手。
解救辦法係當尾輪在彎中打滑時唔好縮晒油，真係救唔到車的話，都寧願順派low-side都唔好有high-side。
|
4/7/2005
|
問Hornet250 and VTR250如何選擇?
問Hornet250 and VTR250如何選擇?本人P牌,想出二手車(my first car)
purpose:返工代步(meifoo to northpoint) and 交遊
pls give me some idea, thanks a lot.
Mr.Beck
Hornet 250馬力大d，尾段快d，直四引擎冇咁震，但架車又大架d。VTR250低扭好d，但V2引擎較震，但架車又細架d。你不妨試坐一下睇下自己鐘意邊架多d。
|
4/7/2005
|
轉數錶一問
我係P牌仔一名，剛買一架Suzuki AN400i，有小小野唔明，我一路加速，個轉數錶會由3000轉慢慢上到5500轉，但係果轉數錶唔會跌一跌再升，好似唔識轉波咁…但係，我坐的士果陣，我見果轉數錶剛加速時會上升，跟住轉波時轉數錶會跌，跟住再升…直至最高波段。我想問：
1)係咪我果轉數錶有問題？定電單車轉數錶係咁？
2)點去駕車可最省油？
3)風刀是否除影響外觀，就沒其他用途？
天時人 hondansx1110@yahoo.com.hk
雖然私家車自動波在轉高波時轉數會下跌，但亦可能係的士司機輕輕收一收油，主動令波箱跳高一個波。你由3000rpm扭上5,500rpm，如果唔縮油的話，架車梗係唔會轉高波住，因為加速動作都未完成。想慳油應柔順地操作油門，等速度提高之後吊住個油門保持係高波狀態行車。但都唔及唔用車咁慳油。風刀可以減低騎士雙腳吹風的程度，如果你老人家膝頭哥有風濕唔吹得風，咁就應該裝風刀o勒。
|
4/7/2005
|
BRAKE疑問
本人嘅150c.c.小羊現行咗3300km, 心裡有啲啲疑問, 到底幾時先應該換brake皮呢?
我發現落之斜時好似好難停得定, 好似有次落斜, 我早就收油拉尾BRAKE要停, 但係
左手拉BRAKE拉到盡都好似停唔得定, 要加埋頭BRAKE至停得實, 是否尾BRAKE嘅BRAKE
皮到期呢?
三個月P牌仔
似係閣下操作技術出現問題多d。綿羊收車要頭尾迫力一齊用。但如果你話左牛角可以拉到好入，貼近把手的話，便要調較威也虛位。有懷疑應該俾師傅睇睇。
|
4/7/2005
|
回應：NICKY兄轉線問題
老友你咁樣叫做駁.....好危險！今次冇事..難保下次呀。轉線時應該先望鏡..發現有車就從鏡望多一陣,咁樣你可以判斷佢嘅速度,準備轉線時都要先shoulder check望望,有時啲車响你盲點,你從倒後鏡係望唔到㗎,所以要shoulder check。當然呢個過程,你一定要先確保自己前方有足夠空間先做,唔係一樣危險。判斷能力係要多練習先得，千萬唔好貪一時之快呀。
大儍
|
4/7/2005
|
如有任何辦法避免停牌,小弟必定感恩圖報 !
唉 ... 睇黎都兇多吉小 !認罪就死硬 , 如果唔認罪咪要搞好耐 , 我又無錢請律師 !
銀紙事小,停牌麻煩,半年話多唔多,話小唔小,架車擺得耐會"立" (手車都會)唯有借俾D friend 操住先 !如有任何辦法避免,小弟必定感恩圖報 !
(以下有 E-MAIL ADDRESS)
政 saltyshrimpching@yahoo.com.hk
|
4/7/2005
|
acerbis 短沙板那裹有得賣？
please~我找不到......
陳仔
|
4/7/2005
|
超速45似上,停牌6個月
認罪者,停硬牌,6個月,我罰$1000大元,同我同堂全部一樣.
冇左3個月呢支歌仔,有機會用多D車,朋友.
個庭警會話你知 2001年改左例,超速45似上,停牌事6個月.
上庭要點先可以唔使停牌? 係有計架,我事後先知.在此好像不太方便講.
等待12月來臨的人
不妨暗啞底分享一下...
|
4/7/2005
|
偈油問題
老編:小弟有一事唔明,請老編指點一下.為何換偈油要"攤凍架車先換"??但我覺得攤凍架車先換偈油會流得較慢和流得無禁乾淨,有解決方法嗎??如果無攤凍架車就換偈油對車有影響嗎??
Dennis dennis_wan1985@hotmail.com
意思係驚你俾高溫偈油燙傷。用過的偈油在室溫下都會好稀，俾d時間佢慢慢滴乾淨，再撻著車轉十零秒，連油隔內果啖偈油都扯埋出來便可。
|
4/7/2005
|
Kit喉一問
你地好！小弟最近更換了Kit喉全梳連尾鼓，風格火咀都無換無set jet咀，但係已經覺得部車爽左，但小弟曾睇過以往的文章老編爺講過換左Kit喉要set過部車先OK，咁依家我冇Set又有無問題呢？本人座騎是CB400！還望主持解答！並祝貴網業務蒸日上！
油氣不足，高轉尾段會唔夠油食，不能發揮極速。而死氣哇佬也會承受較高溫度，壽命會減短。
|
4/7/2005
|
架車是否食油?
老鬼你好!有d老土問題想問下,唔好見怪!我成日見d人話自己架Forza一缸油行2百幾先見紅區位,但我架Forza只可行到200支油針就到紅區,平均一公升只行21公里左右,我架野是否好大食(02 Forza原裝乜都冇改,單騎走市區,2000公里前己換輵油&全check車),近排油價高企,希望老鬼俾d意見,Thank you!
fishman
呢d問題唔好滾搞老鬼叔喇。等老編答你：行市區和行highway的耗油量可以相差好遠。行市區開開停停的確會好耗油，試下check風格睇下需唔需要換？
|
4/7/2005
|
水箱問題
本人為p牌仔,現駕駛Virago xv250,但我時常見人話入水箱水,但我連水箱喺邊都唔知,請問係邊呢? 而我最近聽到副偈行車時裏面聲音好似"卡卡"聲,是否有問題呢??如我想了解電單車的保養及基本維修,有那些書可供參考呢?我真的唔知從何入手,請原諒我的無知!!
無名 dtkw08@yahoo.com.hk
Virago係風冷，冇水架。懷疑車頭有雜聲，應該搵同款車比較一下，或者俾車房師傅聽下。騎士課外閱讀推介，請往FAQ中查看。
|
4/7/2005
|
又要幫幫手喇!
我想問一問各位/老編:X8-200有無乘客靠背買呢...因為有又唔洗裝尾箱,但又想乘客住得安全放心D,所以,有此一問...如有可以响邊道買及幾$$$...謝謝..
VFR800 chuen630@mail.hongkong.com
原廠有出靠背，不過係咪要連埋尾箱架一齊裝就唔敢肯定。要問番代理好d。另外可以問下安定，Givi有冇出靠背。不過乘客如果真係用靠背，會進一步破壞操控，所以老編以前載人時都會提醒乘客唔好將上半身挨咁後。
|
4/7/2005
|
停車死火
我架光陽250cc新車成日停車死火,於是走去光陽(D'S)到整了幾次,頭2次就同我調大個轉數,但都沒有改善,第3次去到我就叫他看著個轉數表,個轉數表跌到1000轉就窒下窒下想死火,他都可以以話正常沒有唔問題,他仲話架車看落去找不出有甚麼問題,(他的經驗淺還是他不想整只有他自己先知),我要反工跟本不可能成日去整,只有自己比錢去第2間到整,人地一整就ok,這間不負責任的店舖,還有人光顧嗎?
咁人地點樣整番好呢？
|
4/7/2005
|
Slow問題
老編你好,有個問題唔知問你定問老鬼好呢?如果要老鬼答麻煩你幫我Pass比佢.問題係有關slow.唔知係咪應該甘叫. 我架車係Magna250.發覺冬天同夏天,當開車warm up完既時候,夏天既轉數會比冬天既時候高,因為我係直出喉.聲音會比冬天大同架車有D震,但實際上有無分別我睇唔到,因為無轉數表.甘我想問如果真係slow太高係咪好大問題?會唔會傷到偈?因為好似feel到架車比冬天既時候付何重左.甘冬天轉夏天既時候係咪需要調教下?謝謝你既回覆同指教.祝出入平安,ibike業務蒸蒸日上!
Po
假設你冬天或夏天時都同樣用三分鐘暖車，咁樣夏天時slow轉數較冬天高係正常。怠轉過高不會對機件有問題，但會較耗油，和減低引擎牽引力，加重制動負擔。
理論上，化油器在不同溫度和濕度下都需要調較，所以有要求的車友會一年tune兩次化油器。但Magna 250似乎唔駛咁認真.....
|
4/7/2005
|
轉線問題
我今日係青葵公路arm arm 過左美孚, 近巴士站個度, 我時行右二線, 我想轉返入慢線入青衣(當時行60), 我令頭見到有架車黎緊, 但有位比我cut 線, 我心諗, 我cut 左佢, 佢就會減慢, 唔會沖過黎, 但我又驚驚地, 我就轉少少, 行佢條線既右面, 點知, 佢架46就係我左面好近我咁沖過, 事後都有d驚... 大家比d意見, 有時cut 線真係唔係好順, 一見到有車係後面就唔知點..我諗我都要加番對後鏡
Nicky
老編一路睇你篇文就一路擰頭。相信過你果架46司機，當時都一樣媽緊你。
首先，要轉線，優先權不在你方，除了要打燈之外，重要等人讓你先得。你唸住插入去人地就會收慢，除非你係巴士人地就會讓你。一係你好快，快到人地踩地板油都撞你唔到的話，你點插都得。但你行緊60km/h，重要係電單車，咁做好危險。
第二，你對速度的判斷不足。你行緊60km/h，咁隔離線後方車輛行緊幾多？轉線前先望一次，一秒之後再望一次，便可以判斷到對方和你之間的速度差異。覺得ok先轉線。
第三，你話要加番對後鏡？原來你部車冇後鏡架？......xyz@##@
|
4/7/2005
|
re 偈油
乜屯門震寰路5號個度仲有收廢油咩???
馬格斯
|
4/7/2005
|
一問?
老編：常看到，MotoGP車手，經常在出彎後，車尾(甚至成部車)好似條魚，左「遼」右「遼」，成部車發晒發「顛」，有時就打了幾個空翻，炒了車。這些叫什麼名堂？
WONG Ho Ying
High-side
|
4/7/2005
|
CB400 BIG 1 左邊大肶成日濕
唔知點解成日抯完車左邊大肶成日濕一撻, 唔會係Sit位滲水, (每次約抯15分鐘左右)
都唔知d水邊度來? 水箱漏水 ? 水箱唔係響前面咩 ?老編大人Do U Know what's Wrong ??
我係爛鬼波
如果係水箱水滲水，應該會有熱度，而且副水箱係車身的右邊，應該唔係水箱水。如果你肯定果d係水的話，似係seat位滲水的機會大d喎？
|
4/7/2005
|
honda新車
你好老編,請問知唔知點解honda仲未有hornet600賣既?係唔係唔會賣呢?如果推出既話400cc VtecIII定600cc hornet好呢?請指教
換車人
香港代理唔番倒fork Hornet 600的原因係價錢好貴，唔抵買。買VTEC III定係Hornet 600？不如Hornet 900啦。
|
4/7/2005
|
換0侯
我而家係渣緊600級跑車.....我個Friend渣過我部車後.....佢話我架車......原庄0侯.....令到架車應有既力爆唔到出黎......佢叫佢換左佢.....你有咩意見呀.....老鬼
你問老鬼定老編先？你封野抬頭俾老編喎？所有車的原庄喉都出唔晒架喇，因為原庄喉要考慮到平均輸出、耗油量、噪音、廢氣嘛。你自己用落如果覺得冇問題的話，便唔應該換。部車係你用定係你個friend用？條喉係你俾錢定係你個friend俾錢？
|
4/7/2005
|
撻唔著車
老編你好！小弟架ftr223冇開4日，擒日諗住開，點知撻唔著，撻車聲正常，但撻到冇電都唔著，開埋風choke都唔得，唔知會有咩問題呢？另外咁o既情況我想問推撻會否成功？
爆炸
引擎死火掣.....
|
4/7/2005
|
救命呀 , 大檸樂 !!!
我岩岩中左一張 "沙龍" , 路面 50km , 我中左 110km (減左 5 之後係 105km)
唉 ... 仲要上庭添 !我想問我有幾大機會要停牌 ? 要停幾耐 ? 大約罰幾銀 ?上庭要點先可以唔使停牌 ?
本人資料 : 超速無前科 , 4年前衝燈扣3 , 1個月前不依道路標記扣3
車種 : PGM 4
牌齡 : 7 年
當時路面 : 落斜 , 無車 , 01:30 A.M. , 即時截車 (斷正,無得頂)
搞到小弟坐唔安食唔落 , 請老編指點迷津 !
政
照速double，睇怕停硬牌。初犯應該停三個月？
其他車友如有親身經驗，歡迎補充或更正。
|
4/7/2005
|
雪藏 p 牌
我係雪藏 p 牌一名, 考完牌成年半先買車, 買o左架 gz150, 聽人講話好易揸。
雪藏 p 牌期間只係揸o左一次車, 之後都冇玩過。
尋日去觀塘拎車, 要揸去屯門, 一開車就發覺唔係幾惦, 係自己太生疏好似唔識控制架車咁, 果度又好多貨車出入, 仲差o的撞o左去對面o既的士度, 之後要求車行師傅揸去一處靜o的o既地方比我試下有信心先揸走, 不過最後都係放棄, 日後搵朋友代我揸入屯門先慢慢研究。
編輯有乜方法重新掌握好技術呢? 事關而家唔係o向學院而係o向馬路, 屯門有冇一o的靜o的車o既地方操車??
自信心低落人
考完牌之後雪左18個月，梗係死晒火喇。好話唔好聽你而家手車重屎過學車果陣。建議你補補鐘先。
|
4/7/2005
|
保險公司
多謝您的回覆.仲有一事.有無邊間保險公司好d呢?一般如果23yrs o, 做文職,出shadow 400 住大埔又會要幾$$呢?謝
MR2
每間保險公司的保費都唔同，所以最好自己問下問險中介人。
|
4/7/2005
|
問著車方法
老編你好..我想問著車時比一比油架車易著好多,其實對架車有無影響...實際架車既電撻設計,係比你就o禁就著到車,定比D有好D..如果架車著車時唔比油難著D,係唔係有問題呀..
我果架係新車黎架....
VFR800 chuen630@mail.hongkong.com
其實無乜所謂。淨按電撻掣唔得，咪俾少少油著車o羅。
|
4/7/2005
|
死氣喉穿了！
請問死氣喉穿了，可否用鋼膠頂住？
可以。
|
4/7/2005
|
死火?
點解拿著個break同唔拿著個break停車都會死火,(new car)車行調節完個轉數到2000都沒有改善怎麼辦?
你部係咩車？
|
3/7/2005
|
少心 ""大霧山小心棗紅色標誌206""
昨晚同d車友上大霧山游車河, 我們在英雄停吹水, 我地有幾個朋友仔出去游吓, 點知佢地輪流比一架十分狼死既棗紅色標誌206推, 好似想推炒人咁, 希望如果大家上去游車河, 要少心這架車, 同希望佢快d搵個灣攬堆去total lost , 正 x 街!!!
火紅萬寶路PGM3 ( p 仔)
|
3/7/2005
|
re: 原來香港仲有好人架
人地驚你左住佢炸
Tommy
|
3/7/2005
|
re:倒後鏡鬆
buy some "loctite" la. www.loctite.com
you can buy it almost any hardware store.
|
3/7/2005
|
回應抄牌一事...
--其實有D野無話公唔公平既,你話"垃圾手推車或者單車"唔駛罰,其實每個警區都有特定處理方法,例如將軍澳區都有定時沒收鎖o向路邊既單車架...
--你話無罰其實都係你自己諗o姐,但掉番轉你又想唔想警察抄埋單車手推車呀...如果係o禁對電單車更加唔會放過,o黎D叫"唔底得人富貴,要人地陪你一齊哎"
--至於車位其實你諗下就算有停車場比你泊,又有幾多個人會泊入去呀,個個駕駛電單車既都係為求方便,又有免費車位,禁政府如果起一個電單車停車場要起幾多個先得呀...而且...通常你想泊既時間見無位,就會覺得唔夠,禁係唔係每區都要起...
--至於"26幾時才團結起來，對自己做D嘢？"好o拉政府而家話我每區都加多D電單車位,但要每個電單車主幫手做同平日保養,你又肯唔肯...
--社會你要每個人負出,同負起責任,而唔係單單只識要求....最後一句...你自己又為O黎個社會做過幾多野.....做人做事都要合法,合理..合情....
VFR800
|
3/7/2005
|
re: 鏍絲兄
我8年前考牌,一出牌就玩PGM3,4, 都叫上一代騎士la掛, 我就全身genuine, 冇option parts, 最多係唔小心擦到手腳, 點解, 唔係我手車好得,而係要小心, 周街d車d人都係會對你不利, 你自己要識避識閃, 抯車留一手!
依家唔係寸你, 日日咁多人死, 跌個窗都死得人la, 你係米唔出街先, 凡事小心, 唔好"心紅", 心平氣和 就命長久la. 咁你好返仲抯唔抯ah?
便
|
3/7/2005
|
原來香港仲有好人架
話說昨日(2-7-2005)我過紅隧唔記得帶錢，咁我唯有停低架車係度左搵右搵，點知有架私家車問我係咪唔記得帶散紙，仲借左錢俾我添！係呢度我真係好多謝呢對情侶。
P牌既faring仔
|
3/7/2005
|
RE:倒後鏡鬆
老編,你講的是否AA超能膠 ? 但我又怕未扭緊鏡D膠水已乾,點呢 ? 定係駛番給代理攪 ?
啊力
你果條問題唔係老編答，係老鬼答架。唔識搞的話俾車行代勞啦。
|
3/7/2005
|
砧口和哇佬
老編你好,請問砧口和哇佬是否同一樣o野?唔該晒~!
羊羊
唔同。砧口係Gasket，是保持汽缸組件之間密封的襯墊。哇佬係Valve引擎閥門，是管理引擎生死氣出入的零件。
|
3/7/2005
|
尾輪?
請問綿羊著車時不比油尾輪轉是否正常
正常。
|
3/7/2005
|
不好意思，你好本人原本是個街飛（年青時），以前PGM1、2、3幾好玩嫁。現左為了上班（一日走來走去的三行佬），奇實現在香港有幾多26，又有幾多26位，每人分到一個嗎？後巷有抄，攔杆又抄，P位外又抄。到底26是不是那樣cheap，而抄牌那些xyz也是打工仔，$320對打工仔算多，（有貨又有位我都知C加車正D安全D）如果可以，以體積計是否公平一點（最多$160）當給XYZ、26幾時才團結起來，對自己做D嘢？
yzrhk yzrhk@yahoo.com
登記電單車約有三萬多架，車位數目計晒私人公共車位好似得萬幾個，重要係不是按照各地區需求而按情分佈。你話電單車罰款同私家車一樣好唔公平。呢樣未，果d垃圾手推車或者單車，周圍鎖周圍放，唔駛罰款，重慶呀！
|
3/7/2005
|
靚女們怕唔怕?
小弟數月前因一次老電意外，所以正在渡過一個慢長而極度痛苦的康復期，最近見到街上多左好多女騎士，突然有感而發...騎26當然係一件賞心樂事，但技術再高，也冇人敢話可以避開所有意外，大家有冇想過騎26遇到一個萬一的時候，你可以承受到果個後果嗎?
相信好多上一代既騎士，隻腳都已經鑲左鏍絲或鋼片，個仲痛苦唔係一般人可以想像得到，就算忍得痛，手腳上個d超過8吋長o既疤痕，手'腳'背部大面積的花痕...男仔可能冇所謂(不過我自己見到都驚)，但如果係女仔呢?你接受到嗎?
希望d女仔們想一想騎26個種型，快感，自由帶來的副產品--一次的意外，你有冇所謂先?如果係靚女的話，就真係要好好想一想....
鏍絲
閣下意思即係叫女仔唔好騎電單車？
|
3/7/2005
|
老編,Suzuki出唔出Skywave 400SS??如果出,幾時有行貨!!
PR
出。行貨幾時到？起碼散緊批250SS先喇。
|
3/7/2005
|
偈油問題
如果自己換偈油要注意d咩? 同換出黎d舊油可以倒去邊??
大力仔
攤凍架車先換，合法傾倒油站有：
1）九 龍 灣 啟 福 道 5 號（官 塘繞 道 橋 底 官 塘 方 向）
2）北 角 電 器 道 1 6 9 - 1 7 1 號（A I A 付 近）
3）屯 門 震 寰 路 5 號
|
3/7/2005
|
保險
想問問有關保險的問題,如果新牌仔0係車行出.車行就係幫手做埋保險,係唔係呢?另...如果係私人出售，我又應該幾時出保險呢?250cc同400cc的保費有無分別呢?謝謝
MR2
買車同買保險係兩個獨立o既動作。即使係車行買車，你都可以自己獨立買搞保險。車輛正式登記或辦理轉過戶手續時便要出示有效保險文件。保費因應車種，排氣量，年份，投保人年紀，牌齡，職業，甚至乎係居住地點而有所不同。
|
2/7/2005
|
差電4
電池未著車前是約13V,應該無事掛,但想問咩原因會令到燒整流呢, 前幾星期換了HD大燈,都係35W*35W,換既原因原廠大燈唔夠光,thank you 老鬼師父
man
其實會有好多因數,如電池本身不能儲電,線圈output過大等..
|
2/7/2005
|
倒後鏡鬆
有小小野想請教,我的新羊數月前係骨位被人撞鬆左一邊後鏡,我已經用六角批用盡力扭緊,但係依家每隔數星期就會鬆,想問下有乜計可以真係整番緊佢? 使唔使成隻拆下係鏍絲頭搽D超能膠? 定係俾代理整?? THANKS A LOT...
啊力
咁得意,,要用黃色個隻萬能膠先得.
|
| |
|
|
|
 |
|
