|
|
|
FAQ常見問題 |
|
|
2/7/2005
|
救命，架車每次轉波後，去一陣後狂比油都唔去!
架車每次轉波後，去一陣後狂比油就唔去，仲開始慢落黎，攪到要不斷落波再上波以令架車繼續行，是否離合器有問題？
J.S.BACH jsbach2@netvigator.com
係呀.同埋你發覺轉數上但車唔去.
|
2/7/2005
|
Re: 請問邊度有得出
街車volty250 P牌....未夠21歲
你係度點問都出吾到保險 ga la!!! >.<
你自己打電話去問就有可能....
自己打電話,八個數字按扭~~~有專人服侍你~
比你係0尼打中文仲方便,仲有可能比你出到保險!!
數係甘計!!!!!
保險王
|
2/7/2005
|
Hornet 8178 車主
喂......大家都係入翔東路,不如約定係順天等一齊返入黎啦,一齊玩過引 D 呀
我係 Bandit 車主
wai896
|
2/7/2005
|
請問邊度有得出
未夠21歲,出唔出到保險,街車volty250 P牌,請問邊度有得出,請有心人回覆
hong volty250edmondau@hotmail.com
|
2/7/2005
|
架車嘔水！！
我架cb400vs,今日停車突然嘔水，風扇好似唔識著！一停車架車著水溫燈.......請問甘樣過熱行過車架車會唔會內傷？？甘樣情形係乜原因呢？多謝解答！
人仔
你都識講，風扇唔識著，咁自然會水滾。過熱行車會嚴重損害引擎，活塞和汽缸壁都會磨損。快d俾車行睇睇點解風扇唔識著。
|
2/7/2005
|
有關碟/古煞之分別..
其實老綿用碟定古煞好收D呢,有什麼分別,同點解其中一樣會好過另一樣???唔該..唔該...
VFR800 chuen630@mailhongkong.com
如果論制動力度，兩者並無高低之分，鼓煞也可以做出很強勁的煞車力度。但鼓煞有兩個弱點，首先是散熱能力不及碟煞。第二是當機械鼓濕水後，乾透的能力也不及碟煞快。
至於綿羊，其實頭尾鼓煞並無問題，不過潮流興碟煞，相信也不會有太多人會對頭輪仍是採用鼓煞的電單車有興趣。而電單車的鼓煞通常都是利用威也操作，手感不及油壓般細膩，也是弱點之一。
|
1/7/2005
|
Majesty 150 FI ??
http://www13.plala.or.jp/world_passage_nc/t_yamaha.html
近來日本車行常出現此種增大排氣量的小綿羊機種,但是台灣YAMAHA確定沒有生產150棉羊引擎,不知是否有人能代為詢問該150機種來源,此種車輛在日本真能掛牌上路嗎?不會侵犯到YAMAHA的權利嗎??
下為日本進口車行聲明內容
１５０ｃｃ並行輸入車輌にご注意下さい。
ＹＡＭＡＨＡ海外生産の
「MAJESTY150FI」 「CYGNUS150SR」 「GTR150」の車輌は、
輸出（日本向け）モデルとして正式認定されていません。
耐久性・安全性などの確認も全く実施されておりません。
特に２人乗り荷重での高速走行での安全・耐久性については
車両本体に対する負荷も非常に大きく、
2人乗りでの連続高速走行でのトラブルの発生が危惧されます
aserri aserri2@yahoo.com.tw
唔敢肯定係台灣出口時先Bore大副偈，還是日本入口時自己bore。
|
1/7/2005
|
handguard
老編...what do you think about handguard...do you think it is cool or stupid or what?
視乎車種而定。爬山車裝左可以保護牛角，綿羊在冬天裝左可以保暖，但泊車會阻定。
|
1/7/2005
|
老編...您好.....偈油問題~
老編...您好,,,我o家綿羊4T車之前用開全合成靚機偈油$119個隻,一星期後因為貪方便就換左普通平價機油$37...個種,發覺o架車尾段不能超過90KM,靚油過120KM仲不段上升..."真係靚偈油可發揮機器極限"???多謝
dick
靚油在高轉時仍能保持油膜提供潤滑性，減低機械阻力損耗，在細車上作用會較明顯。
|
1/7/2005
|
沙板
請問 Kawasaki VN800 Classic 的沙板 可否改為 Drifter 的那款? 若可, 請問花費約多少, 又可到那裡做? 又請問改大腳八又可到那裡做? 先謝謝回應!
亞古 admond@email.com
頭沙版價錢要問番Kawasaki代理泰力摩托車中心代訂費用。估計啡呤唔會太貴，但如果淨係運一件，運費會好貴。想平就要等夠有一箱貨先出。大腳八唔一定要用原廠，可以問下安定車行訂Kijima配件。
|
1/7/2005
|
轉數錶可否共用?
請問HONDA JADE 250 可否用 HONDA Hornet 250 的錶板呢?因JADE 250 的錶板真係好難搵,而我又留意到兩車的轉數錶都係16000-18000轉紅區.另外再想問有冇車房可幫人搵二手轉數錶?請老鬼師傅幫助解答...THX...
man
線插可能不一樣,只雖修改便可.
|
1/7/2005
|
我部Runner 200
我部Runner 200前日行行下車發現水溫正在不正常上升,風扇開了!!停車後打開車頭檢查發現無了水箱水!!之後睇睇地下有水發現了水膽位置水喉碼漏水,多條水喉走了位(向後走)
好像水壓過大令到水喉走了位,之後換了喉碼,加了水,檢查過無漏水,檢查過比油時水箱有回水!!但是行行下車都係發現水溫不正常上升,行直路都開了風扇!!會唔會水路不通,水膽有問題??自己可唔可以用水喉水通通呢(how),有無幫助??因為e排常常下雨!!如果電器有問題會唔會有影響呢??thank you!!
wai ngxxm@hotmail.com
可能只是你換水後沒有(放氣)現象,有否發覺放的比入的多?用水喉只能沖走舊水,並不能把水路通暢,看看著風扇時溫度錶在幾高.
|
1/7/2005
|
電池問題
前幾日架車好地地,但昨天一早由開車去到油站入油,入完之後架車冇電，剛巧油站位於斜路,所以可輕易推番著,然後就即刻去買電池，想一問冇電是不是冇徵兆及有沒有辦法知道架車電池仲可以用幾耐又或是什麼問題﹝我架是cb400 bigone﹞，有勞有勞！
問題少年
好彩的話之前著車把聲是沒有那麼強勁!所有電器正常的話,電池應兩年內必須更換,還要記得檢查整流.
|
1/7/2005
|
老編...
老編......我想知o家車年份如何改.......?:thankyou
dick
在日本出口時有機會改文件。
|
1/7/2005
|
多少份量的2T
老編您好,以PGM 3為例...
1:其實2T油應該每缸油落一些,還是3,4缸油落一支呢?......(因兩種方法皆有人用),若如是每缸油落一些,那麼16L一缸電油為計,每次應落多少份量的2T呢?
2:請問正fork和倒fork的工能有分別嗎,駕駛動態又有不同嗎?
阿傑
每一啖進入汽缸的油氣，電油都必需混和2T油作為潤滑之用。所以應該每一缸電油都要落，最好係在入油前先倒2T，入油時便可以順便溝云佢。2T比例是50:1，16L油缸便是320毫升。
倒fork剛性較高，在激烈駕駛時能提高操控度。但倒Fork需要車架配合。如果原廠車款是正fork，想改裝倒fork的話，車架便會增加受力變形的程度，反而不利操控。
|
1/7/2005
|
老編!如果你買車,會睇年分.定係里數?襾車相差5年!一部94年.另一部99.但前者里數較少,後者里數多前者2萬!老編你會選邊部?
樺Dee
里數可以改，年份.....都有得改。所以老編會睇......價錢！
|
1/7/2005
|
電池
老編你好,我係新仔,想問:
1.D車友話架車無電,用叉機叉番佢,乜野係叉機 ? =過江龍 ? 那裡有賣 ?
2.架車無電,幾時應用叉機,幾時要換新電 ?
Peter
叉機即係充電器，要折舊電池出來充電。過江龍係問人借電撻車。你部車冇電，應該拆出來叉電，叉完都唔得的話，就要換電池。
|
30/6/2005
|
re:西瓜皮- 合法不合法
$320.00 thankyou very much. No points.
Ah Joe
|
30/6/2005
|
天雨...真係保持距離好
今早返工 , 見到個天有小小雨個地濕濕地 , 咪慢慢來行啦 , 一路都行得好順利 , 去到小欖入口之後見到開始d車就慢下來 , 心想 , 可能係有人撞車 , 咪提高警覺啦 , 一路都行緊快線 , 行緊90左右 , 一過左交會處見有架VFR800P轉入公路閃藍燈 , 一路看鏡一路見警車快速接近 , 扒左我小小頭之後就係我前面第2架私家車前面CUT線, 因為視線問題 , 唔知警車距離前前車幾多 , 大約行左幾秒 , 前前面架車突然DUP車(都幾急哥隻) , 我前面架車DUP唔切吻左前前面架車一野 , 我見到都勁DUP , DUP到架車車尾左右咁擺 , 最後差幾十CM就撞到前車.....
個人即刻呆左....掛住DUP BRAKE唔想抄車無時間想其他野...好驚後面架密斗DUP唔切 , 如果係既話我就變三文治....好彩他見到有野即時CUT線過左我 (可能見濕地怕老電炒而保持距離而救我一命), 停左車之後見到前車既司機同前前車既司機落左車睇下自己架車點樣樣 , 不過聽唔到大聲既撞擊聲 , 我想認該唔係好傷掛?
停低之後見到前面有架閃緊死火燈既密斗係前面 , 架VFR800P係他後面閃藍燈 , 我想 , 前前車之所以會急DUP應該係警車想停左LEE條線既車.....結果前面架車DUP唔切就咁燒焦....
我見自己無撞到人 , 咪開車走人....落雨天大家真係要保持距離 , 提高警覺好D , 命仔要緊....
燎
|
30/6/2005
|
落 雨駕 駛 會 窒 油 ？
小弟今晚駕駛大鷹王收工時遇上天雨加閃電，之後車速到80km便窒油了，好彩沒死火！為什麼會這樣㗎？請指教！
鷹仔上
有部份電器漏電,如火咀線和cap.
|
30/6/2005
|
差電3
老鬼師父
剛換了整流,SLOW車電壓有近14V,而俾油,電壓微降至13-13.5之間,
算唔算正常
thank you
:}}}}}}}}}}}
man
整流正常,還要熄車度電池.
|
30/6/2005
|
真係大鑊
兩個月前買了架cb400 bigone，師傅話換左偈油同偈油隔，唔駛咁快換，所以就開車走了，於是乎兩個月後心一想始終自己買的偈油才有保証，正想自己換之時發覺偈油隔不能穿過疏蕉﹝疏蕉上手補過並且比原先的厚，所以不能夠拿出﹞，心想又中招，我都唔明阿師傅話換左偈油隔，都唔知點換﹝唔好玩我啦,以前我都係駕cb400，不過比人偷左，果架都係就咁可以拎出來﹞，現在想問貴網我可否去會車行理論﹝佢話一個月保養，已經過了﹞，其二如果要換二手蕉需要幾$﹝生鐵及不誘鋼﹞及可否提供那裡有二手蕉買，有勞，有勞！
中招小車友
原廠二手喉比較小,反而大陸比較多,整條都係二千幾元,不過位置就麻麻,可能佇佢係鬆死氣喉換,甚至有些牌子kit喉都是這樣的.
|
30/6/2005
|
西瓜皮- 合法不合法
西瓜皮頭盔合法不合法?如犯法,駕駛者/後坐乘客會罰d咩?謝謝!
西瓜
頭盔硬殼部份遮唔到耳仔便犯法，點罰唔清楚。但唔好話犯法，即使唔犯法重有獎品送，老編都唔會用。
|
30/6/2005
|
re 呔
大細唔同,並唔代表氣壓唔可以一樣,氣壓一樣,容量都唔一樣啦,4.6都打30-35,VAN仔更加35-45左右,一切取決於車重,呔接觸面,駕駛方式去決定.但氣壓極限唔可以超出呔廠定出數值85-90%.因為行車時經磨擦產生熱能會令到呔壓上升..各師兄..有錯請指証
man
|
30/6/2005
|
cb400(super four hyper vtec)保養維修
hello! 小弟買了部二手cb400(super four hyper vtec)2000，平常多用suzuki v100代步，請問有甚麼要注意及要做那些定期的保養維修(如換油.入水之類)因不是常用.一星期約十公里 謝謝！
黑豬 pebl206@yahoo.com.hk
【知識技術】內有相關文章。之前有一位車友也寫下心得，可搜尋以往留言。你用車用得咁少，要多留意電壓是否足夠。
|
30/6/2005
|
2T油
請問老編先生： 人手混油的比例應該是如何，是否在油箱混好油后，2T壺便不需要再加入2T油?
安安
參考比例是50:1，同時觀察廢氣，白煙過少表示2T油不足，過多則浪費2T及會冇力。
|
30/6/2005
|
fairing噴油問題
To: editor我想問下拆個fairing拎番大陸噴得唔得ga..價$大約多少??? 另外...我公司大陸廠房有噴油部...唔知噴既效果得唔得同可唔可行呢???Thx
kit kit0723@yahoo.com.hk
啡呤咁大塊，手提過關有d難度，唔知海關會唔會當你係汽車零件要打稅。你公司o既噴油部得唔得，要你自己先知。
|
30/6/2005
|
頭燈
頭燈隨著引擎轉數上落光度差異很大是部車有什麼問題呢
abc
整流或電池有問題。
|
30/6/2005
|
技術問題
拖波的時候請問右手前brack牛角手指是點擺放的呢(呼油),因有點擺放都唔係好順暢,同可否說下正確的拖波方法呢
?????????/
1)用食指和中指放在牛角上，拇指，無名指和尾指放在油門上。
2)拇指和食指放在油門上，其餘手指放在牛角上
以上兩個辦法皆可，視乎個人喜好。
正確的拖波方法咪就係收油，扣極力子，踩低一粒，俾油，放極力子o羅。但當中的時間配合和油門力度，要自己練習摸索掌握。
|
30/6/2005
|
呔
請問sv650打幾多氣（派拉利），點解嫁車寫住頭尾一樣36磅，size吾同應該磅數吾同𢱌？
車友
..........
|
30/6/2005
|
泊信德...
多謝阿Pooh,因為我出車都係得20日左右,未買車之前上黎睇就睇得多,初時都諗無o禁過份呀o華,自己試過就知喇!好彩我果日係過海上course,唔係日日都泊...不過話時話,我今日再泊番,返去取車又係禁...傷心...傷心...
vfr800 chuen630@mail.hongkong.com
|
30/6/2005
|
死氣喉穿洞
我倍車係cbr400rr.死氣喉蕉下面一條喉穿洞大概兩三分左右!唔維修可以行多久呢?倍車行走大聲左!會唔會有危險?會唔會妣差佬捉去嚴?玩一條死氣喉不銹鋼頭至尾要多少錢?去邊個車行好呢?不銹鋼--碳纖維--鈦合金有咩分別?邊個(不銹鋼--碳纖維--鈦合金)好?死氣喉頭至尾係唔係得不銹鋼.謝謝老鬼大人回答
chris chris005201314@yahoo.com.hk
如真的不能燒焊,建議買不銹鋼,這會比較耐用.價錢要視乎牌子.
|
30/6/2005
|
新手問題
1請教各位在平路5波行到大約70再上大斜路停燈位,應該幾時/點樣轉低波較好?? 小弟用過2個方法都覺得唔好.
1在大斜路上就停定時呼油拖波,發覺在低動力轉數下拖波好似好傷車和引擎好大聲"砰".
2在大斜路上叉不多停定要落腳時,才拿極力子5踢番落1波，有時踢到3波就已經要起步?到唔知點好.
我係開vtec,行普通街路我一般到叉不多開vtec就踢高1個波(搞到轉波好密,好似開緊250),咁做係米唔好??
開vtec的人
5波行70km/h，波段其實過高。不過如果你慢慢行唸住慳油都無可厚非o既。你所說的情況其實好簡單，五波開始上斜，收油，拖四波(唔使呼油拖波搞咁多野)，放晒極力子之後再拖三波，行一段路仔如果唔夠力，再轉二波。搞掂。
轉波頻密係應該的。唔係做乜俾六個波你轉？老編用緊千二，得五個波，都習慣不斷轉波。莫講話斜路，平路由一支燈口由起步到另一支燈口停低，數一數都轉左五次波。出一次街閒閒地轉千零次波喇。
|
30/6/2005
|
cb750和cb400的死氣喉可否共用,頭fork碼又可否用cb400呢?
BB仔
死氣喉不可以共用。大家都係41mm 正fork，有可能共用。
|
30/6/2005
|
請問~~我有架躍馬125CC嘅(偉亜高)譯音~~佢停紅綠灯嘅時候(想挑番去空波但好難挑)有咩排除方法AR?
MENG
檢查極力子虛位，如果機油好耐冇換過，換機油。
|
29/6/2005
|
差電2
老鬼師父
剛度了,著車時12v,俾油輕微下降再上返些少,但都唔夠13V,
已跟足之前POST度法,
發電機是否得兩相,因為只度到兩條係互通,其中一條落左地,兩條去左CDI,
而度兩相時,slow車約2-30v,俾油上升至6-70v {AC}
但過了整流就最多得12V多少少,,開埋燈仲得11v {DC}
thank you very much
man
燈膽要原裝w數,電池本身在著車一刻不應跌至10w.(再續)
|
29/6/2005
|
頭碟問題
請問老鬼我部cb400vtec頭碟有問題要更換但又唔想換新件
請問有乜車可以共用到呢因vtec2手件好難買到唔該哂
可買EBC或菊花碟,比原廠還平.
|
29/6/2005
|
ET-8電油離奇消失事件
老鬼你好:我是一個幾天才用車一次的人，上星期我打爆油缸，停車3天後取車，油燈着了真的沒有油，附近又沒有油穢，於是再打爆油缸，入了$80油，當天泊車後過2天再取車，又着了油燈油缸又真的無油，太奇怪la!
現在想問: 1) 有冇可能油缸漏油?(車身及附近是沒有油穢的) 2) 會唔會有人偷油? (我是泊在大街上的排骨位，加上落左冚，應該唔容易落手! 偷都偷D大油缸車la，得個幾十蚊油!)謝謝
Joe 羊
偷油機會不大,太麻煩,小心電油漏到機器,須要檢查一下.
|
29/6/2005
|
Re :來自越南的反光衣回應
多謝回覆!因本人想知其他地方政府怎樣對待及處理電單車交通事故 (尤其比香港較為落後既地方),以便日後可能跟那位蒙海強法醫官(暨回歸前的最後一批太平紳士)當面討論.
THANK YOU
請各位車友提供多多資料, 越多資料, 我們就越有机會不用穿反光衣駕電單車!
Big Fire
|
29/6/2005
|
電池問題
想問下舊電池用得耐左係咪會有機會"走電"??
咁換舊新電池係咪唯一解決辦法??
wooh_eric wooh_eric@sinaman.com
唔應該說走電,如日日用車應有兩年壽命!如擺車太耐會對電池影響.
|
29/6/2005
|
pgm4
pgm4個個2t壺折左好定唔折好呢請問
「折」？唔明，係咪指「閹」左佢o既意思？改為人手混油的確較有保障。
|
29/6/2005
|
回應 : BIG FIRE 君
在越南這邊, 如46及26發生意外, 除非是26錯得太離譜, 否則算是五五波, 都是判46有罪. 至於如何重罰, 如沒有死傷的話, 只是扣車及罰款, 如死人的話, 便要準備破產了.
睇唔過眼 alankwok948@yahoo.com.hk
|
29/6/2005
|
Re: 新牌仔要買車喇！
對埋最重要車身資料啊
|
29/6/2005
|
泊信德對面的少少意見
VFR 800: 你應該係泊上環海傍警署對面個骨位, 個度出名多車泊兼搬車勁, 因為係橋底又唔駛兜, 以前新牌試過泊個度, 差唔多晚晚都要有人幫手先出倒車, 如果你部係新車, 勸你都係泊第度啦 ! 行遠少少可以泊文咸東街, 仲有就係個度久唔久就抄牌, 可能亞SIR 貪就手啦 ! 祝好運 !!
POOH
|
29/6/2005
|
我的小羊
中缸或盤頂的砧口損壞，修理好後會否再壞?因本人正考慮修理不修理?因好貴....(有什麼方法可以避免中缸或盤頂的砧口損壞?
小羊
砧口損壞通常是由過熱引起，只要不過熱便可。(但有時形勢上唔到你唔熱)
|
29/6/2005
|
如何選擇 Suzuki ???
老編你好!請問鈴木科研和台鈴機車都是掛Suzuki個名,如本人鐘情平地台既綿羊,在兩者中那間廠的出品性能和品質較出眾?因兩廠的車款和價錢都差不多,不知如何決擇!
另外,想請教各位車友,本人已駕駛台鈴AN150四年,但一直都有一美中不足(對本人來說),後座的腳踏設計十分差,未知有車行可助我改良?
曾聽聞有車友在台灣買料改裝,但本人不知何處可買,請知情者幫幫忙.
*雖知以上兩廠都有其他車款的後座腳踏是可伸縮or已改良,但對愛驅有感情和特別意義,故暫不想轉車.
ink inkc22@hotmail.com
台鈴AN150俾你用左四年都重有份不離不棄o既情懷.....認真少見。日本正廠Suzuki冇生產150車種，現有的都是中國或台灣分廠的作品。而150綿羊機件簡單，製作技術不難掌握，所以經過日本QC規格審核過的出品都沒有大問題。
後座腳位唔舒服，好多綿羊都係咁樣，冇乜好搞。除非你肯切走膠邊改碼換上摺疊式腳踏，不過咁樣好鬼肉酸...
|
29/6/2005
|
Re: 新牌仔要買車喇！
買車注意事項：
最好搵一兩個有機械低既車友同你check車啦。唔好話人地呃你，可能有d問題講俾你知你都唔明有機嚴重架... 識渣車未必識睇車，識睇車都未必壞過車，壞過車都未必試過自己整架。睇二手私家車就易，去自己相熟車房睇，俾師傳劈一轉好多野都試到出黎(唔計電器)。
電單車就麻煩好多，好多時都唔多鐘意俾我地上車試架。跟下d重要野囉...
車頭有冇雜聲，要試過自己架車副計打柴先識聽啦,入波有冇問題,行車直唔直,fork直唔直,車鈴有冇彈過,剛線有冇鬆,碑令波子盤有冇損耗,電器有冇俾人改過(side架死火線，空波制，水滾燈，水冷電扇...)，風冷車就跟少d,fork油，偈油，barke皮，車鍊，牙，車太就計定budget全部都係要換囉(當然未必全部到期)，俾車房師傅衡量下，上手車主多數都會話自己剛剛換架。呢d損耗品一個月換你一樣都几 手禁 計架。
仲有太舊既車保險會架loading，Qoute價時可以問埋仲有几多年唔使加loading。
一個月大既P牌仔
|
29/6/2005
|
交通問題一問？
請問由長沙灣行紅隧去上環大約幾多km？
無
|
29/6/2005
|
好威咩?
2005年6月28號晚8時許,0係彌敦道太子警處對開,R1同@150燈位起步,突然之間R1扭大油起頭,全場鼓掌.你R1聲威力猛0者,唔好嚇親D小綿羊同路人甲先得呀,人嚇人,嚇死人呀!!!26都恰26,睇黎搞到要著反光衣都係你D人引起
路人甲
|
29/6/2005
|
新牌仔要買車喇！
我得19歲，考左牌都半年喇我，宜家假期多左得閒去睇下車，心目中有幾款都想買，但冇朋友駕電單車，冇人幫到手，希望你幫到我喇！我知你得gei！新車同二手車(非車行)應該有咩要特別注意呀，第一次買車唔想比人呃呀！保險個D應該自己出街搵定車行做埋；其他人多數上車會定用信用咭分期架；仲有好多好多想問但係諗唔到.....各位有咩想提醒我 gei 都可以 send E貓 比我，唔該各位
joecc joe1027@hgcbroadband.com
請重溫【知識技術】有關買賣車輛的文章，重有睇埋【老鬼信箱】中的FAQ部份。
|
| |
|
|
|
 |
|
