|
|
|
FAQ常見問題 |
|
|
29/6/2005
|
拿遮會否番發?
拿遮如修理好後會否番發?????拿遮同氣江漏氣是否同一樣野?係米即係氣江無晒氣壓?
唔該老編~!
150 用家
兩者完全唔同，拿遮係引擎過熱令活塞過度膨脹而頂死在汽缸壁中。汽缸漏氣係指中缸或盤頂的砧口損壞，令壓縮比下降，引擎效能降低。
|
28/6/2005
|
你有無試過泊車位,返去拿車時發現比人夾到連車com都拎不起呀...
今早我泊架車o向信德中心旁天橋底車位入面,因為我好早到有成個車位比我泊,我心諗我架車都幾闊(X8 200),左右兩邊都無位夠車入...點知...
下午5點30左右返去拿車,首先發現左右兩邊無晒位,不特止,右邊果架用頭入,左邊果架夾到我部車連車com都攞唔起....
雖然,我知電單車位小,見有個位就開心到好似有金執o禁,但係都唔洗夾到人地部車禁架,好彩我有落com..o姐,都無花得o禁勁,再好彩係有另一個車主返o黎攞車,幫手移一行開我左右兩架車,如果唔係我一個人連上車都上唔到呀...
各位車友呀,將心比己呀...我架係新車o黎架,所以,就特別傷心,就算係舊車,都唔好以本傷人呀...
各位車友,有無相同情況,大家傾下有無辦法...仲有一人行多一步,無論新舊車,禮讓最重要...噤香港街道就多D靚26行街...
VFR800 chuen630@mail.hongkong.com
好一句「舊車以本傷人」，指出無情的現實....
|
28/6/2005
|
轉數問題
本人XJR400停車時轉數約1200，是否正確? 需否調高或調低?
PING
如果怠轉冇不穩的話，可以嘗試再調低到1,100rpm看看如何。
|
28/6/2005
|
讚下車迷迷
今次真係要花時間慢慢寫中文post，都要讚下車迷迷。話說上星期六，我去佢地果度買左某意大利牌子的頭盔 。只戴了兩次後竟然發覺上面一大塊貼紙有問題，起哂泡泡同橙皮。因為個頭盔係細碼同頗貴，我知道車迷迷是很不容易才賣得出(比我 )。
所以，今日我去車迷迷，我根本只expect佢地ship個頭盔返意大利修理or complain，我起碼都要等幾個月才可以收返頭盔or錢。但係，我同車迷迷的老四及亞Tom要求回
水，老四竟然一口應承，佢同亞Tom重勁同我say sorry，話吾好意思，因為個頭盔在室溫下是無問題的，所以佢地(同我 )都吾知有事。我只可以講句，不枉我一直幫襯車迷迷，佢地簡直係香港零售業的典範!
Can Lo canlo@i-cable.com
|
28/6/2005
|
偷車(舊款CH250)
Is your model was made in year 1983 or 1984. I guess because the "parts" of your bike is useful as someone said HONDA motorcycle's parts will stop provided once the bike model was no longer manufacture over 10 years.
(Editor: Is it ture??)
HONDA FANS
it may be true, but even Honda stop providing old models' parts, there are still plently of stocks in the market.
|
28/6/2005
|
iBike Gal比賽
老編大人,網誌的ibike gal美女如雲,建議作個票選比賽,看看車友心目中誰才是年度女神,
人地系鏡頭前擺手弄姿,真系好辛苦架,....吾好再講反光衣啦,睇女啦....
David
靚女要錢請番來架.... iBikegal無錢俾人，高質靚女可遇不可求。
|
28/6/2005
|
車呔問題
請問香港法例有冇規定車呔顏色??外國出的紅橙黃綠藍色車呔在香港路面用唔用得??
小傻瓜超人
冇唸過呢個問題，你不妨試下然後再話俾我地聽：)
|
28/6/2005
|
【買賣搜尋】中「Sorry ......too late」 係咩意思
Sorry ......too late 係咩意思，我還未夠14日。
bowie bowiechan116@yahoo.com.hk
兩個可能。一係車已售出，車主更改車盤。第二係車盤未付款，超過二十四小時未確認付款便會自動删除賣方聯絡資料。
如果閣下輸入車盤而沒有付款，被刪除聯絡資料是正常的。但如果經銀行轉賬付了款，但仍然被刪除聯絡資料，代表我們沒有收到閣下利用fax or email的付款證明，或者收條沒有附上付款者的身份。
|
28/6/2005
|
Re :來自越南的反光衣回應
請問你個便政府會怎樣重罰46呢?
Thank You
Big Fire
|
28/6/2005
|
Yamaha Cygnus vs Honda Foresight
Hi, I am a girl consider buy a scooter. Consider Yamaha Cyguns or Honda Foresight.The size of yamaha cygnus is smaller so seems easier to handle, however, I am afraid it is dangerous if running in highway since it is only 125cc.
Honda Foresight maybe more stable, however, I am afraid it is too heavy for me, if it turn down accidently, maybe I will not have enough energy to pick up it. What is your suggestion for my choice? Thank you very much!!!
May be you should pick Yamaha Cygnus 4V 125, more trendy and more easier for a girl to handle in daily life.
|
28/6/2005
|
如果條胎圓周表面有波浪形的凹凸，就係內層杋布唔夠承托的表現，為何有這情況出現，是否因車呔用得太久要換。
ｊｂ
請重溫【知識技術】有關輪胎的相關文章。
|
28/6/2005
|
差電
我部大鯊150.今早不能著車,用腳撻踏了十幾次先著到,初步檢查後,電池無電,但尋晚都好正常,取出電池用差機差滿後,用錶度係無事,再著車後甩了負極,發現所有燈都好微弱,請問是發電機問題還是整流出事呢,thank you
man
點樣甩左負極?差完實足電量,係雖要睇(v)數有否下跌和比油時有否提升!
|
28/6/2005
|
CBR600F規格
想問下呢架車有冇電油隔架呢?(係邊)同埋風格又係邊呢??
cbr
電單車好少有電油格。風格係油缸之下。
|
28/6/2005
|
車o太
車o太表面為何會出現笠凸情形𣜭
咩叫「笠凸」？係咪凹凸呢？抑或其實你想講胎紋呀？輪胎表面上有一條條果d凹痕係胎紋，作用係去水。如果條胎圓周表面有波浪形的凹凸，就係內層杋布唔夠承托的表現。
|
28/6/2005
|
偷車
見有車友提起ch250，我之前被偷去一部ch250舊款白色，車身算殘舊買回來時只須$5000。
在停車場被偷因車場閉路電視影都有人走去偷左部車，老編點解咁殘既車都會有人偷。
現在本人己買回freeway250年份98。請問呢款車被偷機會高不高。
健
老編只能答你Honda車真係好受歡迎。詳細失車型號可以係【失竊報告】中查閱。
|
28/6/2005
|
Re : 點解要有??
Can catch 跟車太貼D(PK)!!!!!!!!!!!!!!!!!!!!!!
man
??
|
28/6/2005
|
來自越南的反光衣回應
小弟本是香港老電一族, 現因工作關係長時間在越南生活, 老電在香港來講算是小數民族, 但在這邊是最大一族, 每一條路上都有過百部電單車在一同行駛, 而這裡涉及電單車的意外不太多, 政府也沒有立什麼要開大燈或穿反光衣的例, 這邊連頭盔也不用帶. 兩地唯一不同的地方是這邊政府政策比較保障電單車, 如涉及26及46發生交通意外的話, 一般都會重罰46, 因此在這邊開46的人, 每天在路上都會盯緊所有老電, 算是你黑衫黑衭黑頭髮, 亦不能逃過他們的視線.
其實, 這位蒙先生都幾偏心, 淨係識關心班老電會比人撞, 但他對其他幾百萬個路人卻漠不關心, 為什麼不建議所有路人都要穿反光衣呢? 似乎大細超喎, 公平的啦唔該!!!
睇唔過眼 alankwok948@yahoo.com.hk
|
28/6/2005
|
老電有時真係唔抵幫
今晚jar46由旺角返家, 經過亞皆老街appleshop 燈口, 有位"beautiful boy"jar 住架新超四, 係你ah LA619, 跟的士太貼,急停又差d企唔穩,想cut 線又唔望下快線有冇車, 差D車到你ah大老, 我都唔想high花你架新超四ga!!!
下次去旺角, 手車定d la, 望多兩眼, 我見你冇P, 我當你得ga, 你唔得就不如自己比60蚊買返對, 當護身符, 再唔係比d錢, 上lulu la! 唔好影衰jar老電的先得ga,依家個個都"目及"住老電的意外, 我都唔想著住件反光衣jar26,保你大ah!!!
1400
|
28/6/2005
|
CB400規格
你好、我是新人，剛甩Ｐ及購入一部二手CB400 Big One，95年車，想請問此車之電池和風隔位置在那裡，因想自行檢查，另發覺行車時油錶郁動很大，但查實油缸內重有好多電油，是否油錶有問題，可否作維修改善，又或者有無網址可查此款舊車之規格？太多問題、請見諒，謝謝！
偉仔
電池打開座位便見到。風隔在車的左手邊中間位置。油錶郁動大，應該壞左。網址自己上網search下便可。
|
28/6/2005
|
反光衣問題...!
其實除左反光衣外，還有否其他方法呢？如果係車尾及兩邊呔啲位加上綠色Led閃燈有可行嗎？反光衣都係想増加其他道路使用者留意機會，但係落大雨時有機會一樣係無用，而且又有咁多人提出是合理的反對意見，咁樣立法有意思嗎？
Kin
閃燈一定唔得。
|
28/6/2005
|
CB400換喉後要换埋高流量風格嗎?
換全梳kit喉,要不要換高流量風格??
ian
要。重要增大供油量。
|
28/6/2005
|
天雨後馬路多爛地
唔知大家有冇留意，落左一個星期雨後，馬路上多左好多爛地同碎石？原因可能係天雨令路面上的瀝青脫落，加上重型車輪行走過後，脫落的瀝青會變成一粒粒碎石。
此等問題對電單車駕駛者引起極大的危險：
第一，脫石會被其他車輪淺起，再反彈至騎士身上，如騎士沒做好防護工作，例如帶西瓜皮唔落鏡，碎石落彈到面可能會令騎士失控炒車。另外，此等碎石亦會整花我地架愛驅，我架車就咁花左好多點點！心痛！
第二，爛路或陷落的路面容易使電單車失控，舉一例，如大埔公路往大埔方向上火炭斜路位有一很大的陷落位，如高速駛過容易炒低！我今日先剛剛跳完彈床咁，好驚架車有事，但好彩睇下個軨冇問題！但老編大人，仲有乜野地方要睇？
各位大佬認真要小心ｄ呀！
Magna Steven
戴頭盔冇護面鏡，高速行車唔觀察路面，任何時間都唔應該咁做。俾石仔彈花架車係每一架車都會遇到的問題，解決辦法係唔好跟車太貼，車速唔好太高。
|
28/6/2005
|
請問鐵殼羊邊樹噴油好
請問鐵殼羊邊樹噴油好？有無得焗到好似原裝咁靚？大約幾錢？
鐵羊人
噴油噴得好唔好，唔關係咪鐵殼綿羊的問題。番噴當然不及原庄油靚，淨色的話，千零兩千蚊有偈傾。焗油？分分鐘貴過你價鐵殼綿羊。
|
28/6/2005
|
鏈油問題
請問一般鏈油可以在何處買到?大約幾錢?應該點樣落落條鏈度?用一般機油得唔得?咩叫"攝鏈"同點樣"攝鏈?
大舊飯
一般有賣機車用品的車店都會買到鍊油，幾十蚊至百幾蚊一樽，有油劑有粉剷有大有小唔同價錢。用機油的話，條鏈一轉就會fing晒出來。攝鏈的意思係當車鏈被拉長變形後，為保持車鏈有適當的鬆緊度，便要把尾輪向後微調，拉番直條鏈。
|
28/6/2005
|
那架好?
老編你好, 本人$有限,看中了大林S250及大鷹那架新250,可否比些意見?如果是你,你會買那一架?(通常雙騎,日日行東廊.)
Jason
起圍力水以S250感覺較好，外型及設備就Joy-max較齊料。好接近，比較難揀。
|
28/6/2005
|
便衣鐵馬
點解香港無便衣鐵馬0既,個個駕駛者見到著0酉制服0既白炸就企定定,pc都有cid0拉
chi
點解要有？(CID唔係PC)
|
28/6/2005
|
老編大人:請問可否加大扭力呢?(我的是250cc.)雙騎起步,好似不夠力.
明仔
扭力和排氣量的關係十分密切。
|
28/6/2005
|
東高事件
我部車唔係巨度買,但而家部車都係差館,巨地話即場有化驗師check過話有問題所以拖走了,而家好慘呀我想改車姐,而家頭盔都係巨鏑入面又找不到他,部車又唔知咩事....好慘呀我之前係巨度換過'中剛'唔知係咪呢個問題呢
|
28/6/2005
|
謝謝意見
我只想發洩一下和希望唔會再有這不愉快事發生(如果有人反省就更好啦);多謝辛仔&不平人意見,你們說得較中肯......thank you!!在路上26應該首望相助先至係!!
塵歸塵
|
28/6/2005
|
re: 蒙生第二篇回應
首先我表明立場，我都熱愛安全，我不反對要穿反光衣。但本來祇作旁觀者的我，對閣下的血的恐怖言論及未能持平的觀點表示反感。
就引起一眾老電強烈回響，原因是你的觀點一面倒地強調26駕駛者一向無做足功夫，要如何無奈地提高可見度來應付其他駕駛者有意或無意的疏忽，給我們的感覺就是默認其他駕駛者的不當是理所當然的，係無可奈何的，係大把理由甩身的。對老電一族來說，係天生蝕底，做唔足便要承擔一切責任，有意外發生就無人可憐，不幸因其他人疏忽做o左你客仔仲要感激你。雖然這是閣下肺腑之言但我希望閣下可採用持平態度，在推動穿反光衣立法同時，不要偏袒地發出不負責任的訊息。試想一個46駕駛者，路上見到一個慢吞吞又唔順超更無穿反光衣的26，就一於High o下佢跟住同個官講對方無穿反光衣。
我個人認為，閣下在推動被動安全﹝例如穿反光衣﹞同時，要平衡地推動主動安全，而主動安全更需優先進行。在這方面閣下又有什麼工作在進行呢？有什麼壓力給政府？點樣推動運輸官員認真去做？要提升香港整體交通安全，除推動26穿反光衣，有否借鏡外國經驗，從主動安全著手？，例如：
1. 的士、貨車、小巴強制加裝行車記錄儀，一但有意外，可從車速記錄追究刑事責任，及於每年驗車續牌時作為考慮因素。司機為搵食，會較為克制，而且全行都跟住遊戲規則玩，唔會有人怕開得慢會執輸的問題。大家都知在屯門公路、吐露港公路，如果跟足車速行，會有幾多貨櫃車、小/中/重型貨車、的士過你頭，跟住仲要用眼神來問候你？佢地又應該點做去防止意外呢？話26幾年後先穿反光，即係話經常超速的營業車就最少十年內，只要無亞Sir捉快車就可以繼續超速。
2. 限制大巴、校巴司機駕駛時間，保證有足夠休息。歐洲已推行多年，去過歐洲旅行的大鄉里都聽過導遊介紹這些東西如何巴閉及制度如何完善。用納稅人錢經常出國考察的運輸官員，又有無具體方案或計劃呢？定係回來寫份“外國月光係圓D ga la”報告就交差呢？
政府要強行立法、運輸官員要交呢D小學功課，只係時間及程序問題，其實無須閣下來護航，我更認為有損閣下獨立形象。我要安全，主動安全工作請你先做、即做，我希望你多花時間去推動運輸官員，做一些實質的措施，相信你的閱歷及社會地位一定可以做到，我會支持你。
低調騎士
|
27/6/2005
|
頭fork 彎左、怎辦好？
唉！因為貪平，最近從私人買賣中執到部2手綿羊，在行車時發覺頭fork唔多穩定，於是交到車房檢查，結果係發現一對頭fork入面彎曲左，估計係上手炒車所致，現在車房建議可拆對fork出o黎用機器整番直佢。請問咁樣是否可行，整好之後對行車有否影響呢，又如果索性換過新fork通常要幾多銀？謝謝！
哀傷人
如果手工好的話,而又唔係嚴重彎曲,修理可達9成以上,換新的就要睇你部乜車?
|
27/6/2005
|
唔好睇小尼龍草幾蚊野分分鐘令你花幾百蚊!!
各位新牌/老牌駕駛者.如果係路面上見到尼龍草,膠袋...等.一定要睇o下有無攝上個輪度.咪想住少少垃圾, 分分鐘攪到你駕車整一千幾百!!
好似早幾日我係馬路上纏o左尼龍草(若3呎),拍車個陣以為整晒出黎. (只見到有小許, 轉o下個輪都好順.)心想應該無問題, 但係個心仍住咁咪第二日我去Check車, Check車個陣睇住個師傅鬆個尾輪出來,Oh!入面條軸重有好多, 而且食住個碑鈴好難郁到. 佢話好彩早發現, 如果唔係分分鐘出事.(我估會鎖死尾呔).咁就花o左幾百蚊換碑鈴~~~~.
重有啊老編, 如果真係纏住o左, 請問個一劾有乜好辦法整番出o黎?? Thanks!!
Runner車主
只能夠盡快停車唔好俾佢再纏入去，但相信都好難做到...
|
27/6/2005
|
re: 塵兄：
根據塵兄之口供所了解事件，那位亞Sir身為工職人員對普通市民爆粗是有點兒過份，塵兄有否記下事發地點、時間及那位亞Sir之車牌號碼並上網到警察投訴科申訴，那裹有專員與你聯絡並記錄口供並展開調查事件，望塵兄可得到滿意之調查結果。
不平車友
|
27/6/2005
|
Re:塵龜塵
不同意.......vrf
正所謂針唔吉到肉唔知痛,我讓路給你,仲要俾你小,大佬呀我唔係兜緊s字形,係靠一邊,使你可快速通過,好心冇好佈之餘;仲要搞到我好似值得俾人小咁!!不如我揸車經過你地兩兄弟身邊時,惡言相向,等你明白無端端俾人執一劑的滋味!!
是非得分,不知所謂---大!!
塵龜塵
___________________________________________________________________
其實塵先生在讓路其間有無打過指揮燈示意？雖然唔係必然要打燈、在此亦唔係幫那個差人，但要知道差人著左閃燈即表示要趕往現場，十萬屎急，你可能只用左一、兩秒讓出路段，但趕急的心情便會覺得你攪左成分鐘似的，雖然那個差人的態度唔係幾好，原諒他吧，那個差人都是想盡快趕往現場去幫助有需要的人吧，而你亦可以績多一點褔呢！
辛仔一鳴
|
27/6/2005
|
反光衣
請大家不要介意,反光衣一事有好人講多廢話,本人想講:
1)電單車先天不足,乘客或司機被拋出車外當場死亡機會大(很不幸地又有2人因電單車意 外死!)
2)電單車亮著車頭在某些國家燈已經一早立法
3)香港駕駛者安全意識very very low......警覺very very poor.....，超速駕駛,近車太貼,電單車被不易察覺都是危險,請香港人自己提升安全.一部分人著反光衣只想著衫熱唔熱,好看不好看,欺壓電單車駕駛者,我感到婉惜.......語無言. 多謝!
Fusion250/Echo1300
|
27/6/2005
|
想翻新部車
你好,小弟最近買咗部92/94 honda ch250 揸落覺得部車唔錯但年份奈有啲嘢想翻新,請問有冇車房推介呢?謝謝
星仔 sing1062002@yahoo.com.hk
試下「達志」丫，不如睇下佢地以前架1984年CH250先？
|
27/6/2005
|
to:tommy
工業用品店由旺角道至登打士街一段新填地街最多，我都係咁慢慢行來睇的。
德
|
27/6/2005
|
選擇性
你好！本人抯開台羊150cc經常雙騎所以覺得不夠力(大概倆人合共重量116kgs)、現欲想換250cc車如下(最好可放二頂頭規)，但本人十分之想出新車但又怕泊街比人整花、比人燒車、比人偷車......(老編實話：又要馬兒好又要馬兒不吃草)。煩請老編大人比些意見本人。謝謝！
1) FORESIGHT250 新車05' (HK$39,800.00)
2) JOY-MAX250 新車05' (HK$33,800.00)
3) FORESIGHT250 二手03' (HK$30,000.00)
4) FORZA250 二手03/04' (HK$36,000.00)
5) MAJESTY250 二手 03' (HK$38,000.00)
REMARKS: 需維修0件及費用便宜和容易配。有勞幫忙解決，謝！萬二分感謝！
胡不歸
你係咪Joey(母親的抉擇)？之前咪答左你話揀Aprilia Atlantic 250 o羅？
Foresight裝唔到兩頂頭盔，如果剔除Atlantic 250，老編揀Joy-Max 250。
|
27/6/2005
|
ABS
老編大人你好,請問有 ABS 的車係咪真係有用? 我架 03 silvwe wing 有 ABS ，我試過30KM/H 扣死頭制動...但發現車頭一樣鎖死及跣住頭轆側埋一邊，感覺同冇 ABS 車分別不大！仲差d炒車！ 咁請問...係咪緊急時真係有用呢? 謝謝 :p
抯羊仔
老編一向不喜歡用ABS，因為唔慣扣迫力時要拿住唔放。但你鎖死頭轆的情形，無論係機械式或電子式ABS都唔應該會出現，應該俾車行檢查一下。因為有ABS或者冇ABS的制動方法有很大分別。
|
27/6/2005
|
給蒙法醫的淺見
先旨聲明，其實我對反光衣並不太大厭惡，可穿可不穿，蒙法醫的經驗及見解是不用質疑，但太過家長式手法去表達閣下的理念..........有點像前特首董先生，在此、我並非倒董份子，其實在很多情況下，我反而覺得董建華是認真為港人盡心盡力，好過很多虛偽的議員，但董建華最失敗係..........好心做壞事及家長式管治手法，唔講其他，就講8萬5政策，原意是使窮人有屋住，但side effect很大，而蒙法醫的理念與閣下字裡行間的表達口吻，加入了不少家長式管理的風格，感覺是"我講的就是真理，絕對無錯的，錯都是你自己捰o黎的"一樣 ( 我很相信閣下的下屬會有很多是"Yes Man" )。
我不否定蒙法醫的見解，更相信閣下的獨特經驗 ( 因為我亦曾經當過多年救護員，到過很多宗交通意外現場，一個個活生生的例子..........因為去到你那處都是死了的 )，但反光衣只是治標唔治本的方法，長遠的是駕駛者態度與手法的教育問題，唔通到了全香港個個穿了反光衣後仍然不能減少電單車意外時，閣下又要提出電單車騎士改穿鐵盔甲來保護自己？
再以反光衣舉例，穿了反光衣真係可以讓其他道路使用者明確辨認從而減少交通意外的風險？ I don't think so ！上星期我出車，我背著一個大型螢光背囊，胸口前面有兩條螢光背囊帶，一樣比人小路唔讓我大路既46司機害，抄車收場，而害我的46司機可能擁有51年的駕駛經驗噢！我的意外只是冰山一角，穿了反光衣並不能改變別人的駕駛態度，我反而常常見到一些穿反光衣的外賣或速遞騎士在街上左穿右插惹人討厭，更引起其他46駕駛者不滿，蒙法醫閣下是否在41年的駕駛經驗內從未zip過一次車？塞車都未試過zip車 ？( 塞車而zip車都可以被告不小心駕駛的 )。
在這我懇請蒙法醫可否放眼將來，為我們所有道路駕駛者想出一個長遠的"慌案"...........錯！係"方案"先o岩，改善所有香港駕駛者的駕駛態度，閣下亦唔好太回想過去41年的資歷，因為世界每日都在變，41年前的馬路唔同今日的馬路，明日的馬路可能又會唔同呀，我話多唔多........都有20年車牌啦.........都一樣比人害呀。
另外、我都已經係中年亞叔，我都唔會用家長式口吻或方法對恃我的下屬或其他年輕人，因為每個人對每一件事都有不同的見解，如果經驗老就代表一定對的話，世界便不再會有進步；我們的經驗只可以講出來讓其他人參考，不能強迫別人認同我們的經驗，況且，我們的經驗並不是百份百全對的，位高權重亦不能目空一切，放低固執的見解，聽聽別人的意見，甚至係年青人的心聲 ( 政府的宣傳廣告都有賣 )，我們都可以學到及理解到很多新事物，可以大大聲話比其他人聽............我們仍然活著、我們仍然在進步，我們既有經驗又與時並進呀！
節目內容純屬嘉賓個人意見，與本台立場完全無關.............， 在此謝謝老編借出地方。
電單車辛仔一鳴
|
27/6/2005
|
不同意.......vrf
正所謂針唔吉到肉唔知痛,我讓路給你,仲要俾你小,大佬呀我唔係兜緊s字形,係靠一邊,使你可快速通過,好心冇好佈之餘;仲要搞到我好似值得俾人小咁!!不如我揸車經過你地兩兄弟身邊時,惡言相向,等你明白無端端俾人執一劑的滋味!!
是非得分,不知所謂---大!!
塵龜塵
|
27/6/2005
|
蜘蛛俠
蜘蛛俠電影有句名言，或許可以套在蒙大夫身上：權力（能力）越大，責任越大。蒙大夫或許不是位高權重，但至少是位較一般老陌生接近權力的人，所以他的責任也越大。車友在這裡講錯野沒有人太認真，只會當茶餘飯後的笑話講而已，但接近權力的人，我們會有更高的標準，這就可以明白為何車友不肯放過,追著蒙大人猛打。
蒙大人的問題在那裡？問題他根本沒有作出任何實質的證據支持他的看法：反光衣的功能有無任何科學的證據？有研究報告嗎？那裡作的？誰作的？若有，報告可信嗎？有無國家正在實施這個反光衣政策，或正在建議中？效果如何？這才是論證政策合理的重要依據，而不是蒙大人數十年的經驗！蒙大人的經驗當然重要(每個人的經驗都重要!)，但不是科學方法上可以被確信的衣據。
鐵騎網誌有一篇講安全帽的文章，裡面就引用到一些數字，這可以當作說服別人的客觀論點（當然不一定對，但至少不再是個人意見了）。個人經驗，不管他如何寶貴，都不可當作辯論政策的決定論證，只能當作參考。蒙大人是醫生，沒有理由不知道的。當你說小路出大路會點點點之時，你就要提出一個實際交通意外的數據，以及對這個數據的分析，再證明你的分析是正確的，然後才提出解決辦法，你所講的反光衣，然後再證明反光衣有你所講的功能，點證明：例如某些國家實行這個反光衣的規定後，你所講的小路出大路的意外有明顯減少，這才能服人之口服人之心。
車友提出許多建議，正苦是要認真面對的，否則問題依舊，但自以為做了許多事．．．．你叫人不要批評正苦，這句話是不能講出口的，更不能出自知識份子的口，就算正苦好心為市民作事（這本來是正苦的工作，沒有好不好心的問題），市民還是有權批判，甚至正苦要鼓勵市民批評．．．真不敢相信有人會這樣講的．．．矣．．．．不過我個人還是真心的感謝蒙大人的善意提醒，但道德不等於政策建議的合理性。若無新論點,這個問題真是到停止的時候了...車友的論點強而有力,但有權的人就炒冷飯...可惜...
David
|
27/6/2005
|
段片剪得幾好
段片剪得幾好，不過次次都用D音樂遮晒D現場電單車聲。(是不是你剪的，老編?)希望下次可以做網上直播D電單車比賽。
WONG Ho Ying
今次呢條片係老編剪的。本來今次都想留聲，但現場有兩位旁述不停聲地係咁講，如果播現場聲的話便會不停聽到旁述又重複又單調又扮興奮的講話聲，真係好煩。
網上直播賽事？哈你都幾好笑....就算係MotoGP，又有幾多人睇丫？其實離港報導賽事，以製作成本和所耗人力時間計算，根本是不伐算的，因為賽事報導對時間很敏感。相比起其他具有參考價值的製作內容，瀏覽人數可以歷久不衰。賽事？過了一段時間，誰還會有興趣去看以前的賽事？根本不值得耗用龐大的人力物力。
|
27/6/2005
|
回應：塵入軍
睇你條友寫嘢已經知你對差人先入為主啦，以前衰過㗎，一話有啲不愉快經驗呀
你咁噌差人，抄車有事嘅話唔好揾差人囉！
大儍
|
27/6/2005
|
回----塵入軍
第1.我都知有部份警察既禮貌係差D...
第2.我諗佢鬧你都一定有原因,因為佢都要用時間鬧你架,當中可能你做o左一D野攪到佢唔方便,或真係阻住佢,佢先會鬧你既..
第3.佢過你唔係老馮,但你唔讓佢就係反法規讓路與執行職務之警察車輛..
第4.個人修養係好緊要,你話果個交通警講粗口鬧你,佢有無開AP呀????當街當行開AP用粗口鬧你..
第5.掉番轉無又唔覺得你有修養過佢呀,你都句句粗口喇!..
其實做警察做市民都好將心比己喇!...
VFR800
|
27/6/2005
|
又係我香港地揸電單車好慘
其實個d仆街司機唔係睇我地唔到而係炸睇唔到又有d冚家鏟專登玩狗我地我自問自己揸車都好守規則唔會左攝右攝又遵守兩秒守則不過個d全家死絕嘅司機都係唔放過我點解呢呢d唔通就叫做香港駕駛文化要路上零意外就唔係著件反光衣而係要改變呢種文化嚴厲執行超速駕駛近車太貼
無奈何
|
27/6/2005
|
Invisibility
我有一點疑問, 何解警方又可以成功地以雷射槍對超速車輛拍一槍 (多數是 "潛伏" 在燈火不足的路段), 但在路上並行車輛又會看不見?
警察遠遠的站在一旁也能命中, 但在路上左右兩線車速互相抵銷怕且未及 50 km/h, 看不見會是什麼原因?
蒙醫生, 請問法庭上有否接納過相關的醫學解釋?
可能庭上的確出現過不少難以為人接受的片面理由, 外間人聽了會有損司法的威信. 但經蒙醫生的啟迪, 我對這些不公事格外有興趣, 蒙醫生可否與大家分享一下, 以實例警戒之?
(九五年那一球季, 不倒的曼聯再一次被剋星修咸頓擊敗. 賽後費格遜對記者勃然大怒, 說星級的曼聯絕不是亞於對手, 而是因一件 invisible kit 累事.勾起了一些可笑的回憶, 請大家不要介意.)
Mr. C
|
27/6/2005
|
代步問題
老編你好 想請問一下 用電單車代步返工用落之後先知部車出街後 真係唔知放係邊道好 街排骨位爆到七彩有位泊車轉個頭車夾車夾人都入唔到去 (音)公3格位5部車 日日睇失竊報告都唔想見到有新料 我當部車好似仔一樣 我女友話再唔用部車返工叫我賣左佢=.=慘買果時我話用來返工而家又日日轉幾次車 請教老編大師點算好(今次真係非維修問題)可能有Ｄ字出唔到同好長氣(唔好介意)
煩腦的人
街位泊唔到，便應考慮轉租私人停車場。係公司附近搵下，應該都係幾舊水一個月，好過日日迫車轉車丫...
|
27/6/2005
|
反光衣
為了駕駛26的安全，我買了不少反光衣，計有一件紅色的kiss風褸，一件銀色的honda air cool風褸，一件螢光黃色的防水透氣風褸，一件螢光橙色的反光雨衣，一件螢光綠色的反光背心,以配合不同的溫度及天氣使用。當然這樣未必能夠避開意外，但抱著盡人事，聽天命的原則，穿了比較安心。
沙田友
|
27/6/2005
|
電王一問
請問新車用電王好唔好呀?
傑
你問賣貨果個人，佢當然會話好啦....
(正確答案係電王對於新車來說，唔係必需品)
|
| |
|
|
|
 |
