|
|
|
FAQ常見問題 |
|
|
25/6/2005
|
白痴問題, 還望解答
老編您好,本人係P仔一名,有次在TKO隧道內,唔小心行左80km/hr一陣,我怕會有相機影到.
我唔想加監,但又想知有冇比人影到,要我加監,如果要等到完p換正式牌先知駛唔駛加,實在等太耐了.請問我要點做可以check 到我有冇high 野?白痴問題, 還望解答, 謝謝!
小子
要來的始終要來，冇得唸咁多。如果你當時真係俾人影到的話，好快會有收到信。
|
25/6/2005
|
第 2篇回應 - 蒙海強 2005-06-23
看見大家的踴躍發言，越令我懷疑大家究竟知不知道我的真正意思，我曾經講過我有 41 年駕駛26( 同46) 嘅經驗，所以我更加知道26 點解咁危險，點解會被其他46 司機「迫害」( 當然係唔負責任嘅一小撮) ，所以我疾惡如仇，對「外」唔放過任何場合提醒所有司機( 及行人和乘客) 交通安全的重要性，對「內」( 即係26 車手群) 亦唔好放過任何可以令自己人身安全更加提升的機會。不過你可能唔知道我的「背景」，因為認識我的人一聽我講「交通安全」佢地就已經坐定定，mouth shut & just do it! 佢地睇見你地寫的反應，可能已經大笑！因為會笑你地係未真係唔識『死』! 點解？
我有 41年車牌，但我重有 34年醫生牌，但我唔會醫人，又係點解？因為我係一個另類醫生 --- 我只會出入法庭同『X 』房( 因為太血腥唔出得街) ，响哩34 年裏面，我見盡交通意外死嘅個案，過去三十幾年內拜拜咗嘅26 車手同乘客我都會全部處理，如果係佢地自己跌低嘅，冇得幫，但係如果佢地係因為其他駕駛者所累嘅話，我就會幫佢地『講話』，幫佢地嘅家屬後人响法庭爭取應得嘅賠償，將對方繩之於法。我是誰? --- 我係一個法醫病理科專科醫生，出入『X 』房同法庭，明未？
正因為我見盡世態炎涼，知道香港嘅法庭講普通法，遊戲規則係如果你有「任何」藉口，俾辯方捉到，包括正正係冇穿反光衫，或者坐的士冇扣好安全帶，或者行人唔响行人過路線過馬路等…事實就係「利益歸於被告」，法官會 ( 唔好挑戰我，我冇話一定，我只係話「會有機會」) 放人，你望住法官，吹咩！ 你俾對方捉到「法律罅」如果你唔知有呢個遊戲規則要求，都只是唔清楚，但經我提點之後，你重要發表一番唔肯著嘅理論，我真係只可以祝福你。不過這是事實，唔係我作文，係我累積出入法庭無數的經驗「心得」。重有 ，道路使用者守則 Road Users' Code-(RUC)唔係我作，早在 60 、70 年代已經一早寫咗出嚟，我好心提醒你地著反光衫嘅「最低標準要求」，如果你細讀我第一篇回應，我正正就係話刑事案罰都只係罰一千幾百 ( 所以再講重罰冇大用) ，但係一到民事法庭，「守則」的要求往往就等同數萬，數十萬甚至數百萬元嘅分別( 睇你認為自己值多少錢) ，你係要同財雄勢大嘅保險公司鬥。我苦口婆心提醒大家哩一個大家忽略咗嘅「人權」要點。甚至教埋大家哩個「輔助性疏忽」的案例，如果你係覺得你真係唔洗賠償嘅話，咁你咪繼續唔著反光衫，戴頭盔唔扣緊下顎帶，唔帶護目鏡，坐的士小巴唔戴安全帶，有天橋行人隧道唔行，行馬路囉…。
雖然長篇大論，不過有幾點我都要反應，以正視聽；─
1. 如果大家細讀太陽報原文，我係講緊「建議仍在初步議論階段，議會會作多方面考慮……( 就算係) 最快都要數年後才能正式( 建議) 立法( 咨詢公眾, 最後提交立法會公開辯論) 」冇人講過Road Safety Council -RSC 要冇咨詢，依家就要立法，RSC 唔係政府機關，只係一個咨詢評議會，有心人士，包括IAM, AA, 醫學會, 保險工會, 道路安全會給及物流學會無私無償地為香港交通安全而討論, 只可以齋talking ，冇錯我地係特別關注26 的安全，點解？就係因為26 先天不足，傷亡紀錄特別高，所以咪要多多討論囉！咁幾時先會需要考慮真係要立法哩？咪好似日間著車頭大燈，如果2002 年前大部份26 司機都已經自動自覺24 小時開著燈行車，好似「守則」裏面咁講，法律初稿去到立法會，議員都認為無需要啦! 但係事實上，個個就係都唔著燈，所以咪要用最後一招--- 立法，咁依家大家咪又要承認安全得多。如果認為冇需要立法( 但係唔可以話著反光衫無用) ，咁大家就要今天起「身體力行」著番件反光衫，唔係！應該係一件疏窿通風嘅反光背心，或甚至只係一條反光帶，咁RSC 咪冇藉口去考慮立法囉! 但事實上如果大家又唔肯著反光背心，而26 交通碰撞又持續响「榜首」你地咪迫RSC 要做嘢。如果要26 著大燈，戴頭盔，P 牌都用晒，下一步咪自然地集中反光衫？你有重好嘅方法嗎? 你同我反對立法，不如你地就好似我咁身先士卒起碼都掛條反光帶，「幫吓 」其他唔肯 著但係又反對立法 嘅26一族 唔好俾人睇低，起碼都有一少部分26 「勇士」做緊應做嘅事, 阻止迫人地強制我地26 著衫。立即就著反光背心，等人地無話柄! 講都冇得講.!
2. 我重申我無講過著咗反光背心可以「完全」避免被人地撞埋哩，更加如果對方係壞46 司機，我同意你著唔著佢都係肯定睇到你，不過係都要推你車尾。這一類我會饒恕他們，「讓人非我弱」，我會俾佢過頭，甚至停埋路邊等佢過，我要安全! 但係我原文係講緊一班無心害你，但係真正睇唔到你嘅新牌仔同老人家( 我係刻意特出哩點不過似乎大家有意或無意之間有睇唔到) 你件反光背心就肯定「多一分機會( 原文照錄) 睇到」
3. 有部份26 友話已經開著車頭尾燈，反光衫唔需要，哩個講法又錯。我唔係講緊迎頭或後面嘅車，我係講緊「兩旁」例如其他車輛由小路駛入你大路( 原文照錄) ，尤其是如果你著住黑衫黑褲揸住架黑色26 仔，你嘅反光背心打橫睇就係你「唯一」嘅護身符。
4. 再且萬一你「落樓」，咁就無得人車合一，車有車( 雖然仍然著住燈) ，但人有人分開瞓响地上，很不幸地，, 我見過有26 司機就係咁被後上的車，「睇唔到有嘢瞓响路中間」騎過。試想如果有著住件反光背心，响夜媽媽的公路上係咪仲有「一線」希望，大家要Expect the Unexpected (but real)!
5. 大家針對我本人發表意見我樂於聽取，但請使用成熟的成年人嘅方式，唔好指控「正苦」，RSC 或者IAM 。政府响RUC 提醒大家有需要著反光衫( 亦係世界TRANSPORTATIONAL SAFETY 嘅大潮流, 所有路邊修路工人同清潔工友係好例子) ，為你安全唔駛罵正苦。RSC 係為提升香港交通安全，提出改進方法，尤其是裏面嘅非政府組織，無薪無酬講吓都話唔得，其實都係為26 友安全。人先自侮而人侮之的道理，你唔想俾人有話柄，你就算話「怕熱」唔肯著反光背心，你都起碼掛條反光帶，齊心合力，塞住RSC 個口，咪唔駛考慮強制立法囉( 但係你又話唔肯咁做) 。對IAM 高級駕駛協會嚟講，個會已經成立咗44 年，並唔係我嘅產業，我只係秉承IAM 嘅道路安全使命，如果大家認為自己係車神，安全駕駛者，揸HARLEY 一族，我誠意鼓勵大家挑戰自己( 好似我一樣) ，參加IAM 的電單車高級考試測試，加入IAM 做會員，真金不怕洪爐火，表現你的「技巧和責任」，這亦是IAM 的口號。 網址: www.iamhk.org
最後大家想研究分享 26的駕駛心得，尤其是以往成為「烈士」的原因，我有多得很的資料，各位有興趣嗎？我就係响「 X 」房見得血淋淋的一面同埋知道法庭係用什麼遊戲規則，我希望及早轉告俾大家26 友，我敢大聲講我無時無刻都係想幫緊大家一眾，各位信我又好，唔信我又好，著反光背心又好，唔著又好，哩個地球都係要繼續轉，我只相信如果我自己做好自己基本功( 因為我識驚) ，我可以肯定「多一分機會」避過一劫。(end)
http://DrMONG.com 蒙醫生.com
SnailMail: Hennessy Road P.O. Box 20449 HONGKONG
DrMONG.com 蒙醫生.com DrMONG@DrMONG.com
|
25/6/2005
|
Re : 關於投訴垃圾正苦的真實個家 - 仲拖緊末做好
去年曾向交通咨會投訴加士居道天橋逢星期日例牌封路維修一事，運輸署及路政署互相交波，話係正常、有需要、無問題、已盡力把影響減到最低.....但情況一直沒有改善。最後我投訴至申訴專員公署，直指"懷疑"有人故意拖延工程進度或默許工程質量偏低而從中獲得利益，經過幾次文件來往後，好似好耐無再封路。如果有此類情況值得一試。
低調騎士
|
25/6/2005
|
風chock
我部車無論熱車或凍車時開(風chock)都唔着車,要比住小小油十秒倒o拉 先着倒車重會去倒三千轉倒.如果唔開風chock就無問題,一達的着去倒一仟轉倒o拉,想問下正不正常呢,,,如唔正常是什麼問題呢....hornet250
hornet250
短短三句文字，老編真係要出盡九牛二虎之力，先估到你想講乜。你係想講開choke撻車，轉數會有三千轉，唔開choke則只有一千轉？正常過唔正常。風choke只會在天氣凍的情況下，凍車時先會用。
|
25/6/2005
|
盤頭漏氣?
我隻150羊盤頭漏氣!這是否很大件事呀?要幾錢修理?修理好後會否番發呀?同埋點解會形成這個盤頭漏氣這問題呢?唔該老編~!
心急人上
你指引擎汽缸漏氣？常見風冷引擎過熱，令砧口損毀。換過砧口應該冇事。
|
25/6/2005
|
車行2手
第一次買車,好興奮!請問呢, 如果買車行2手車, 運輸處轉名果2百幾要邊個比ga, 車行定要我出ga?
小P
其實無所謂，點計數最後都係你俾。因為車行俾的話，車價內會包埋的。
|
25/6/2005
|
hide花左 ?
老編你好,小弟架愛羊泊車後就多一達 1 x 1 cm 既白area,請問最平又見得人既掩色方法係咩 ... ?千萬感謝 !
痛心人
最平的方法係貼一張你鐘意的貼紙。或者買支色筆補油。
|
25/6/2005
|
Bandit 650S 規格??
老編你好!!本人有個問題不明白，煩請解答。請問2005 Suzuki Bandit 650 / Bandit 650S 規格是否真的是水冷引擎？因為我已看過貴綱頁之介紹，於引擎篇、總結及規格表內是注明水冷引擎。以本人之淺見，按照貴綱頁內顯示之照片應是油冷引擎。煩請指教！！
偉文
多謝偉文兄指出規格表的錯字。Bandit 650當然係油冷引擎。另外早排有另一位讀者指出在04年本田車主同樂日中，我們把CBR150R寫了是油冷車的錯處，在此借機一次過多謝晒兩位。你估如果iBike搞個捉錯處的遊戲，第一個最先報告錯處的人可以拿份紀念品，反應會如何呢？
|
25/6/2005
|
RE: 雨褲入水可以點解救
>>今朝勁大雨,照舊雨衣,褲檔T字位濕哂,有無乜野方法補救啊
計正你如果著左雨褲以及雨衣應該唔會入到水,因為我平時都係咁著住渣車,唯一的可能性係你件雨衣唔夠長,理想的雨衣係應該比你平時著衫加大多一個碼,目的係要將你件番工衫完全蓋過,所以有可能雨水直接從雨衣底部流入左你條雨褲而不自知.
小騎士 B12
|
25/6/2005
|
小弟想換部大街車,耐用,實用,維修簡單,零件容易找,油錢小為主,有咩推薦呀,老編.
CB1300SF,GSX1400,SV1000,OR...................thanks!!
[ P ]
又要大車又要油錢小，邊有可能呀？八、九毫子一公里差不多喇。
最平油錢應該係SV1000，起碼差一仙半仙...
|
24/6/2005
|
熱車死火
你好,本人架CBR250近日唔知點解熱車就死火,未熱車時沒事的,但當行了一定路程熱車時收油拿極力子慢車想停車前就全車突然死火,撻車都有d麻煩,唔能夠好順咁撻番起,有時要等一陣先撻得起,重要撻幾次再比小小油先得,但到下個燈位收車又再次死火,水溫錶指向2/3位置,已更換火咀,風格,偈油,水箱水亦正常,想請教有可原因.
新仔
這有機會是電器或俗稱(哇佬緊)的現象.
|
24/6/2005
|
老編大人:小弟想換部中形街車,(500cc--750cc),實用,維修簡單,零件容易找為主,有否好推薦呢?
明仔
CB750。
|
24/6/2005
|
唔姣o既老編
沈晚零晨2點幾問完老編你大包圍問題、估唔到你3點就回我。拉!真係感激!!!你唔洗訓。架。羊?(好奇)。今日仲有小小問題想問下老編你,希望你慷慨解羅、再回答下細路。的問題!!
1)原庄大包圍都好新、今又點選?
2)翻噴個部又點睇有冇抄過?
辛苦哂!
西人
咁就原庄油值錢d啦。如果係輕輕跌車，冇跌花車架或機器殼等，係睇唔出的。牛角可以以換，油缸凹左可以修理，噴翻油。所以原庄油仍然存在的話，便可以較有保證。
|
24/6/2005
|
水溫問題
老編大人，又是我！Aprilia RS125, 雖然你話過上次是最后一次答這架車的問題，但是今次有所不同，事緣小弟於數日前從車行駕駛這架車回家，到達家中停車場時發覺從車頭的包圍內冒出一些有騾味的白煙，同時表版顯示水溫度高達94 C ，我當時感到很徬遑，因為是新車剛落地。所以我立即致電車行，車行的答复是新車行熱后是會有一些有騾味的白煙，只要再行多一段時間就自動消失。而這架車的水溫94 C – 103 C都是正常。但是小弟還是有點信半疑，所以冒昧再寫信向老編大人你請教，求你大人大量，答埋我呢一次吖！謝謝！祝貴網站越辦越成功。
Spencer
新車有味是正常。水溫94度都唔係問題。唔使咁擔心，有問題搵番代理幫手。亞林Aprilia的負責人聰哥是一位很有交帶的年輕人，信得過。
|
24/6/2005
|
請各位車主小心黑店
咁都得，嘩好彩沒有拎過電單車去整，如果唔係，容乜易俾佢地配多一條匙，就咁俾佢地偷左架車。
我諗IBIKE應該要BAD LIST依間車行，唔好俾佢地在IBIKE賣廣告，簡直影衰哂香港電單車行業。
======================================================================
警 方 有 組 織 罪 案 及 三 合 會 調 查 科 探 員 根 據 線 報 ， 昨 午 破 獲 一 個 以 「 一 條 龍 」 手 法 經 營 的 偷 車 集 團 ， 在 深 水 步 一 間 買 賣 二 手 電 單 車 的 店 舖 ， 起 回 十 輛 懷 疑 偷 來 再 改 裝 轉 售 的 電 單 車 ， 大 部 份 為 受 飆 車 一 族 歡 迎 、 有 「 烈 火 戰 車 」 之 稱 號 的 本 田 NSR250 電 單 車 ， 共 值 二 十 七 萬 六 千 多 元 ， 拘 捕 有 賽 車 手 背 景 的 店 舖 東 主 及 其 三 名 僱 員 。
改 裝 後 出 售
被 捕 四 名 男 子 ， 年 齡 由 十 六 至 三 十 四 歲 ， 其 中 疑 為 首 腦 的 電 單 車 舖 東 主 ， 據 悉 為 過 氣 賽 車 手 ， 曾 在 內 地 參 加 過 電 單 車 賽 事 。 四 人 涉 處 理 贓 物 被 扣 ， 警 方 正 調 查 是 否 有 人 還 涉 及 偷 車 不 法 活 動 。
消 息 稱 ， 有 人 利 用 本 身 對 電 單 車 的 認 識 ， 於 年 多 前 在 深 水 九 江 街 開 設 一 間 從 事 二 手 電 單 車 買 賣 及 維 修 的 店 舖 ， 但 卻 暗 中 從 事 處 理 賊 贓 電 單 車 的 不 法 活 動 ， 警 方 並 懷 疑 有 人 以 一 條 龍 的 手 法 經 營 ， 即 接 單 後 才 安 排 偷 車 ， 然 後 將 偷 來 的 電 單 車 改 裝 後 再 賣 給 客 人 。
警 方 有 組 織 罪 案 及 三 合 會 調 查 科 探 員 （ 俗 稱 O 記 ） 較 早 前 調 查 失 車 案 時 接 獲 線 報 ， 經 一 番 追 查 後 ， 昨 下 午 三 時 許 掩 至 上 址 ， 先 在 電 單 車 舖 內 拘 捕 三 名 僱 員 ， 稍 後 再 拘 捕 由 外 返 回 的 店 東 ， O 記 探 員 在 店 內 起 出 八 輛 報 失 的 電 單 車 以 及 兩 輛 電 單 車 車 架 ， 大 部 份 為 本 田 NSR 第 二 、 三 、 四 代 有 烈 火 戰 車 稱 號 的 電 單 車 ， 部 份 車 身 的 資 料 已 被 更 改 。
O 記 探 員 即 封 鎖 現 場 ， 並 召 政 府 化 驗 師 到 場 協 助 ， 探 員 在 店 內 調 查 至 晚 上 約 七 時 才 將 店 東 押 走 ， 並 將 該 十 輛 懷 疑 報 失 的 電 單 車 拖 走 作 進 一 步 調 查 。
喜愛電單車的人@不平人
「Don't Go」以前有係iBike出現，後來發現佢地經營手法有問題，所以冷淡對待，鼓勵佢地離開....
|
24/6/2005
|
雨褲入水可以點解救
今朝勁大雨, 照舊雨衣, 褲 & 地盤鞋 上路也,開車無耐覺得褲檔涼涼地, 不過無為意
返到公司除雨衣 褲, 行出去鋪面發現個客(老外)望住我陰陰咀笑,跟住比經理"的"左入房 : 你急就早d去厠所o拉, 仲唔快d換返條褲,我先發現褲檔T字位濕哂 :-@@ :-@@
有無乜野方法補救啊 [除左叫我買過條 >.< ]
著條泳褲係出面先...
|
24/6/2005
|
政府交通投訴組
見倒車神編留言, 令我想起早前我都send 過投訴, 回覆仲正:
本組檔案: 2005/05/0458：
[有關北街之電單車位的投訴]
交通投訴組已收到運輸署的回覆，現謹轉述如下。
運輸署表示，近日渠務署封閉北街界乎卑路乍街與吉席街是為進行改善西環區渠務系
統。於工程期間，渠務署的承建商將佔用原有的電單車泊位並臨時將泊車位移至北街
近堅尼地城傍。
此外，渠務署的承建商在封閉該段道路前，已視察附近位於山市街界乎卑路乍街與吉
席街之間的私人停車場，也設有時租電單車泊位。
渠務署的承建商已承諾會儘快完成該渠務改善工程，以減低對道路使用者的影響。對
於施工期間引致的不便，該署謹向公眾致歉。謝謝你向我們提出此事。
交通投訴組總行政主任
(林國維 代行)
++++++++++++++++++++++++++++++++++++++++++++++++++++++++++++++
最搞笑係佢話有電話單車時租個停車場係無電單車位既, 你話死未 !
唔好再send 投訴俾政府啦, side 氣啦 !!
POOH
|
24/6/2005
|
母親的決擇
本人閱覽老鬼信箱不經不覺間差不多己四年了！真的因此信箱學懂很多東西，借此祝貴網頁蒸蒸日上、各人身體健康、出入平安、萬事如意、波馬亨通........。哈~~ 番回正題本人現正抯150cc台羊、現欲想換250cc綿羊作代步之用因經常雙騎(本人很少換車的)，但因資金有限而且又怕二手車有好多手尾跟所以真的很想出全新車(盡量不想裝尾箱、但又需要放二頂頭規 =.=)；但又很怕泊街被別的車/人括花愛驅、偷車、燒車......(我都知老編實話：又要馬兒好又要馬兒不吃草、不如唔好抯綿羊而去抯單車吧啦！因單車可帶回家。 =.=)。以下各點應怎樣選擇、無論如何煩請老編幫忙給點意見。謝！謝謝！謝謝謝！
1) JOY-MAX 250 (HK$33,800.00)全新05'
2) FORESIGHT 250 (HK$39,800.00)全新05'
3) APRILIA 250 (HK$39,900.00)全新05'
3) FORESIGHT 250 (HK$24,000.00)二手00'/01'
4) FORESIGHT 250 (HK$31,000.00)番新二手03'
5) BURGMAN/AN 250 (HK$ ?)二手
6) FORZA 250 (HK$36,000.00-38,000.00)二手 02'/03'
[很多車友話台羊唔'come'用, 你話呢?]
註* 需考慮維修及零件的問題(維修容易/零件需容易配原庄和價格不貴) ！
有勞老編大人幫忙！！！
joey
本來Foresight最好，但係裝唔到兩頂盔。Joy-Max外型和設施都好，又可以放兩頂一大一小的開面頭盔，但新車的口碑尚未建立，是否經得起考驗仍有待時間驗證。Altantic 250雖然係意大利車，但其實好多零件都採用日本設計，行李艙空間又夠，係唔錯的選擇。
舊款Forza 250雖然係好車，但泊車易花，加上Honda車被偷風險較高....Burgman 250...不如Burgman 400啦。所以....建議係Aprilia Atlantic 250。
|
24/6/2005
|
偷 烈 火 戰 車 黨 瓦 解
【 本 報 訊 】 警 方 有 組 織 罪 案 及 三 合 會 調 查 科 探 員 根 據 線 報 ， 昨 午 破 獲 一 個 以 「 一 條 龍 」 手 法 經 營 的 偷 車 集 團 ， 在 深 水 一 間 買 賣 二 手 電 單 車 的 店 舖 ， 起 回 十 輛 懷 疑 偷 來 再 改 裝 轉 售 的 電 單 車 ， 大 部 份 為 受 飆 車 一 族 歡 迎 、 有 「 烈 火 戰 車 」 之 稱 號 的 本 田 NSR250 電 單 車 ， 共 值 二 十 七 萬 六 千 多 元 ， 拘 捕 有 賽 車 手 背 景 的 店 舖 東 主 及 其 三 名 僱 員 。
改 裝 後 出 售
被 捕 四 名 男 子 ， 年 齡 由 十 六 至 三 十 四 歲 ， 其 中 疑 為 首 腦 的 電 單 車 舖 東 主 ， 據 悉 為 過 氣 賽 車 手 ， 曾 在 內 地 參 加 過 電 單 車 賽 事 。 四 人 涉 處 理 贓 物 被 扣 ， 警 方 正 調 查 是 否 有 人 還 涉 及 偷 車 不 法 活 動 。
消 息 稱 ， 有 人 利 用 本 身 對 電 單 車 的 認 識 ， 於 年 多 前 在 深 水 九 江 街 開 設 一 間 從 事 二 手 電 單 車 買 賣 及 維 修 的 店 舖 ， 但 卻 暗 中 從 事 處 理 賊 贓 電 單 車 的 不 法 活 動 ， 警 方 並 懷 疑 有 人 以 一 條 龍 的 手 法 經 營 ， 即 接 單 後 才 安 排 偷 車 ， 然 後 將 偷 來 的 電 單 車 改 裝 後 再 賣 給 客 人 。
警 方 有 組 織 罪 案 及 三 合 會 調 查 科 探 員 （ 俗 稱 O 記 ） 較 早 前 調 查 失 車 案 時 接 獲 線 報 ， 經 一 番 追 查 後 ， 昨 下 午 三 時 許 掩 至 上 址 ， 先 在 電 單 車 舖 內 拘 捕 三 名 僱 員 ， 稍 後 再 拘 捕 由 外 返 回 的 店 東 ， O 記 探 員 在 店 內 起 出 八 輛 報 失 的 電 單 車 以 及 兩 輛 電 單 車 車 架 ， 大 部 份 為 本 田 NSR 第 二 、 三 、 四 代 有 烈 火 戰 車 稱 號 的 電 單 車 ， 部 份 車 身 的 資 料 已 被 更 改 。
O 記 探 員 即 封 鎖 現 場 ， 並 召 政 府 化 驗 師 到 場 協 助 ， 探 員 在 店 內 調 查 至 晚 上 約 七 時 才 將 店 東 押 走 ， 並 將 該 十 輛 懷 疑 報 失 的 電 單 車 拖 走 作 進 一 步 調 查 。
東高
|
24/6/2005
|
咪錶有水氣
一般咪錶係唔係可以拆出黎等佢乾返先上返實去架呢
係唔係九成九都拆到架呢?
錶人
應該幾大工程...
|
24/6/2005
|
警方破獲「一條龍」偷車集團
深水埗「東高電單車服務」，老細是過氣賽車手。接單後才安排偷車，然後將偷來的車改裝再賣給客人。詳情請看24-6-2005蘋果日報
WONG Ho Ying
話明 don't go架啦~~
|
24/6/2005
|
中地雷........
咁大約...........幾銀丫......cb400頭尾令+裝工....:>__<:~
俾人彈番又幾多銀丫......咁比人彈番雙騎過壆位....有冇問提？...好苦腦丫........
心急人...
搵下車行有冇二手件....都貴架...
|
24/6/2005
|
好多問題..........
第一:我想問下經常用一波行車係唔係好傷車,因為本人經常過紅隧,紅隧又成日塞車,都用唔到二波,又要釣極力子行車,我真係好驚會傷車,點算好?
第二:我想問如果落斜坡時應該多用前迫力定後迫力?因為我經常用後迫力,但我又覺得會甩尾,用前迫力又驚翻車,究竟正常前迫力和後迫力的比例係幾多?
第三:我聽人講話空波滑行會隨時無迫力係口唔係真?如果係,WHY?
大舊飯
車係要來用，塞車開開停停梗係用一波。落斜係先落後掣再補上前掣雙管齊下。比例視乎你係咩車種。性能越高的車，頭掣比例越高。空波滑行因為失去引擎牽引力，轉彎會波out，掣動淨係靠迫力，收車都會辛苦d。
|
24/6/2005
|
好慘∼岩岩中左個好深既地雷............:>__<:
岩岩由青衣南橋返.......行中線......車度65左右有雨........中左個好深既地雷..冇炒車中地雷個下個人即時企高.......尾箱震到鬆左..........前後令.....凹左.....大家∼∼小心地雷丫∼
想問下老編對令仲可唔可以長用 (有圖)
http://img.photobucket.com/albums/v500/EvolveFree/20050623004.jpg
http://img.photobucket.com/albums/v500/EvolveFree/20050623003.jpg
http://img.photobucket.com/albums/v500/EvolveFree/20050623002.jpg
心急人~~~
嘩!!你果野都食得好很應喎....就算而家你部車行高速無dun無了，為安全計都係換過佢好d。現在你條胎在過彎時，凹位失去輪框承托。就算俾人彈番好條軨，都只係外表上冇事。果個位金屬已經疲勞左，再來多次會頂唔順。
|
24/6/2005
|
試車 ?
小弟剛P今日到車行睇車, 睇中但車行以未買保險為由不能試車,請問是否正常 ?
私人讓車都係咁 ?thx~~~~~~
sa
正常。三唔識九又唔知你手車掂唔掂，又唔知你有冇錢找數，又唔知你會唔會一去不返，梗係唔俾車你試喇。私讓情況人人不同，車主如果對你有信心的話，有可能會俾你試車。
但試車前請先問自己：係咪真係有咁o既功力試到架車有冇問題呢？如果閣下駕駛技術了得，玩車經驗豐富，當然可以試到架車係咪正常。
提提你：所有涉及車輛買賣交易的試車活動，一般三保係唔保o既。
|
24/6/2005
|
沙田縱火案
一向擺開果個橋底, 今朝知道有縱火事件都諗住架車無梗, 好彩無燒到, 縱火狂徒再出現當然令人憤怒, 但係擺果個橋底0既車友好多都貪方便0係行人路就0甘喳出喳入, 早輪俾人投訴已經封場一段時間, 之後無事又故態復萌, 今次燒車事件未知係咪有關, 而家抄牌封場火燒連環車發生, 連累街坊一拍兩散, 大好一個免費停車場就0甘玩完, 希望果0的唔守規矩車主反省. 唔應該為一時方便而不顧行人安全.
BBQ
|
24/6/2005
|
如果部車去到九千轉之後好難再上,是什麼原因?
東方男人
你部係咩車呢？幾多轉入紅呀？有冇keep轉數推上去呀？六波50km/h要扭入紅，唔係部部車都得。
|
24/6/2005
|
老編你好(國語)!如果有兩台電單車,一台是原廠大包圍,另一台是自己噴油但好形(我覺得),如果是你你買哪一台?同埋通常d人為什麼要將原廠大包圍拿去給人噴?係咪炒車之後先拿去給人噴?
老編一d都唔姣...上述問題好難講，如果原庄啡呤好殘，而翻噴啡呤的車身企理，車架又正形的話，會揀翻噴果部。翻噴理由通常都係派車後啡呤花晒，谷鬼氣不如成架噴過....
|
24/6/2005
|
電王一問
想問一問係咪可以用櫃員機過數?過完後應該點做?俾完錢點寄黎!?因經常不在家,怕收不到電王!
過數後，把收條連同交易號碼及個人資料，fax或電郵番比 iBike。如果唔係唔知邊個打邊個。屋企冇人收可以寄去你公司。都係冇人收的話，郵局會派多次，都冇人收的話會留低字條叫你去郵局拿。
|
24/6/2005
|
呻氣
經常看到車友在此插D小巴佬,的士佬,講到佢地好克人憎,其實仲有D「PK」0既司机
在馬路上不負責任咁抯車.請大家唔好忽略.
1.抯車果條友成個行政人員咁款,抯住架行政人員座駕,呢D人在馬路上係最「牙咋」,最無 耐性,見你慢少少就呠你,仲係要貼近你先大力呠,你話佢心地幾差,因為呢D人慣左話事,好自大,潛意識會用佢架大車蝦你細車.
2.抯住架跑得0既車,但佢個款成個敗家仔樣(即係好鳩屎咁果D樣),呢亭人自小比人就慣,
唔識顧人,好自私,你留兩秒距離,佢就攝左你0既用黎扒你頭,如果有條女坐佢隔離,你重加要小心,佢會晌好似麗港城對出果D咁0既大R位介你.又或者過完你頭就即刻攝去你前面,仲要重踏Brake侄0下你,見你受驚佢就好開心咁擺下擺下條尾咁走.
類似呢D憎人富貴厭人貧0既粉皮先係馬路上0既公敵!
戌戍戊
|
24/6/2005
|
回應 ahlun 有關 Honda GB250！
我地係一個復古街車嘅車會，會員多數揸日本嘅復古街車包括有 GB250, SR, Estrella, Volty, CD250, CB400four....... 等等！每星期都有出車活動。試吓上嚟留言喇，我地應該會幫到你！
http://groups.msn.com/NaturalBornBikers/page.msnw
單氣缸生命體
|
24/6/2005
|
反對著反光衣
政府都痴線既!叫人地著反光衣渣電單車?大熱天時仲要著住件反光衣,唔囉命就假!如果政府真係強制立例,我霍景良一定唔會就咁算!就算傾家蕩產,霍示都冇埋,都要阻止佢咁做!我諗力天世紀既葉榮添都會支持我呀!哈哈哈哈......
霍景良
記得覆診呀霍生...
|
24/6/2005
|
比白鴒籠影相一問
老編你好:想問你如果比白鴒籠影完之後，係咪一定告得入呢，我已收到警署寄的信，佢話我70，deducted後66，係咪要扣硬三分，定有可能只罰320唔扣分呢?謝覆
spoon
睬過你！老編好耐好耐冇試過中快相....
你果段路係咪行50km/h？打左折都超16km/h喎老友...唔肯定係扣三分定係扣五分呢？佢封信應該有寫o架？
|
24/6/2005
|
心情好亂呵
本人想買車,但係返工路程只有8公里,又唔想買細車,想買sv650,真係唔知點好,又小出去飛,心情好亂呵,有咩意見呀,老編.
b
8公里都好過冇。照買！
|
23/6/2005
|
我想問CB400SF vtecIII ,CB1300SF和SV650S
1,邊部較耐用?
2,零件較貴?
3,保養較難?
小P
1) CB1300SF
2) CB1300SF
3) Nil
|
23/6/2005
|
Julian Ryder解釋4衝程引擎
mms://wmediavod.coltfrance.com/wmeurosports/eurosport/2005/06/05/gp_com_20571_4_39_0_320x240.wmv
WONG Ho Ying
|
23/6/2005
|
98 CBR900
Hi老編,i am riding a 98 cbr 900, and my fronts rims is using 16 inchs, i want to know in honda models ...which models using 17 inch front rims can use to be my bike....thanks a lot and have a nice day
oldman
Hornet 900
|
23/6/2005
|
Re:明天去領牌
(1) 新領 -- $900(10年)
(2) 加簽 -- 免費，加簽即是持有駕照者之前已擁有有效的駕照(例如：1,2)，如在電單車P牌($90，1年)期屆滿時，換領正式的電單車駕照(3,22)，則視為加簽。但電單車駕照相對的時限會縮短(例如：在今年考取了1,2牌，到了明年又考取3,22的P牌，1年後更換正式的駕照便有了(1,2,3,22)，但是時限少了2年。
WONG Ho Ying
|
23/6/2005
|
Reinforcement fabric
Dear editor,As i know most of developed country, before the road under construction. The reinforcement fabric which called GEOGRID would be use. It could let the road much more flat,stable and durable.(reduced the maintenance in future) Even in China, the fabric also have been used on the high way for a long time already.
However,HK (by means of international city) doesn't do it. I think there must many reasons internal of government.May be the cost(bull-shit),jobless problem...or may be they got a plenty of brain....
Pirate
|
23/6/2005
|
架車時後輪纏上尼龍草!!
如果後輪纏上尼龍草(估計有十呎), 唔理佢會對架車有無影響??
真黑仔
有機會因高溫而溶解,日後清除就相當麻煩.
|
23/6/2005
|
空軍一號
你話事前用, 咁如果我架車仲未加空軍一號, 可唔可以而家去加番? and可唔可以教下我地點樣JIT 入去個呔度??
Nicky
是可以的,說明書有講....(今時今日咁樣服務態度)
|
23/6/2005
|
關於投訴垃圾正苦的真實個家 - 仲拖緊末做好
這是去年 2004 的投訴，依家此路段仍爛容容，(前前後後我見到有至少 10 架車在附近派車)；同佢地話今年年初完成相差甚遠，佢地 D planning 去左邊，根本不關人多人少問題，係懶。
+++++++++++++++++++++++++++++++++++++++++++++++++++++++++++++++++++++++
-----Original Message-----
From: info@tcu.gov.hk [mailto:info@tcu.gov.hk]
Sent: Friday, December 17, 2004 11:23 AM
To: cheerzon
Subject: 斧山道的水務工程長期施工問題
本組檔案: 2004/10/0435
[斧山道的水務工程長期施工問題]
我們已經將你的投訴/建議轉交水務署跟進，現謹轉述他們的回覆如下。
水務署表示由豐盛街及斧山道迴旋處交界起的一段斧山道及蒲崗村道工程範圍共長約
五百米，由於現場限制(例如附近大廈的出入口及巴士站)，獲准許施工的佔用範圍限
制在三十米以內。而為了避免平定道/斧山道交界近巴士站出現交通擠塞，該路段的施
工只可於學校長假期時進行。
水務署又表示在承建商完成在斧山道/蒲崗村道北行方向慢線路面重舖工程(分兩期在
十二月開始進行)後，鋪設咸水管道工程會將如期於明年初完成。
如你對上述回覆有任何疑問，請直接與駐地盆工程師張東成先生聯絡(電話：2726
1086)
謝謝你向我們提出此事。
交通投訴組總行政主任
(關止彬 代行)
車神
|
23/6/2005
|
落波問題
如果我用5波行 (到65km/hr), 如我要減慢架車到40km 至35km/hr, 應該點落波? 我學車時試過落斜坡用4波, 然後我減速(用尾brake), 跟住我拉左極力子落2波, 我發覺架車有尾look 有少少唔咬地, 嚇死...而家都唔係好明點落先係最正確
P 仔
收油後，一個一個波咁落咪得o羅。你的波段和車速不要合，五波行65km/h，架車根本冇力，落斜用四波，更加危險。市區行車一般用二、三波。5波過100km/h先用都未遲。
|
23/6/2005
|
背後問題
老編大人,反光衣本身是小問題,最多出一身汗而已,但背後的心態才是重點,
車友的論點清楚,完備且強而有力,但蒙大人的...,矣...只提出一個泛泛的可能推想...吾掂架,再翻學堂讀多d書拉.......這背後反映出正苦制定政策時的粗糙...
我建議不要再討論這個問題了,除非蒙大人竟然能夠提出更好的辯護論點...但....可能嗎?
David
相信要講o既都講晒架喇。其實呢兩日有好多純發洩無乜point亂咁講的留言都cut左冇出街。
|
23/6/2005
|
我架 Bros 行直線時，例如入隧道，好像左擺右擺，要費力去 keep 住行直，
會不會是火咀壞了才會有這種問題？
謝
KC
kcho_mfg@yahoo.com.hk
不會,還是檢查呔氣和波子盤.
|
23/6/2005
|
電王
我bankin 咁是否入$500元比你們呀
電王 royal_lym@yahoo.com.hk
是。(買一個，香港收貨)
如果唔用信用卡付款而用銀行過數，記得fax收條和註明交易號碼及個人資料，如果唔係唔知係邊個俾左錢。
|
23/6/2005
|
底盤號碼
老鬼師傅 / 老編先生 您好 , 我想問下係駕車既邊部分可以睇到底盤號碼 ?
ckc
每架車都唔同，一般近鵝頸位置會有塊牌刻上車架編號。
|
23/6/2005
|
RE:好落後!號稱「國際都會」的香港
哈..國際都會只不過係個名者.又或者係紅磡個橦野.
好似鑽石山咁..香港政府搵大錢架嘛..加上好多人都時運高呢..小生意唔放在眼內啦..
馬格斯
|
23/6/2005
|
CB400極力子和尾胎
咁請問在燈位停車時，已入一波、扣緊極力子等待轉綠燈開車，（通常要等30-45秒左右）又會唔會傷極力子呢？因學車時都係咁。另外如CB400 Big One 尾胎由140轉為150闊度是否可行，因聽人講有o的話得、有o的話唔得？如得的話又有否影響正常操控？
韋小寶
濕式極力子冇問題，乾式就差d。140胎上150胎，車軨唔夠闊，會破製操控。
|
23/6/2005
|
是否有損極力子
咁我地係咪都要係最後停之前拉極力子, 都會有一段時間係空波架喎, 咁都會傷到架車?
p 仔
其實係唔會傷車。之前話傷車只不過係晦氣說話。
|
| |
|
|
|
 |
|
