|
|
|
FAQ常見問題 |
|
|
22/8/2001
|
你好呀, 我有意思想學習駕駛棉羊仔, 但係我想知道棉羊仔跌車既機會大唔大呀, 假如正式取到駕駛牌照後, 有什麼車種適合初學駕駛者呢 ? 不知道你可否回應我呢 ?
nok nok@hankyu.com.hk
一般慢車操控，綿羊跌車的機會較少，因為車輕座位低，容易落腳之餘又撐得往架車。但如果操作不對，例如彎中落重前迫力則一樣會炒車。如果你學車係學綿羊，則考牌後也只能駕駛綿羊。三思！
|
21/8/2001
|
hi, 你好, 希望你們看到這篇中文打字啦 我現時正開著piaggio x9 250cc 覺得好正, 因它是我的第一部老電, 對它的操控亦已上手了, 現時也開始留意一些跑電, 想問若我只得168 cm高, 55kg, 較為單薄. 那些電跑較合我, 我曾留意honda cbr250車, 好座位較合我的身材, 但似乎已停產, 想你給予指教
simon simonlaw@hknet.com
既然有駕駛經驗，唔駛由CBR250RR開始。可試下400, 例如CBR400RR。放心，當有技後，身型唔係最重要。
|
20/8/2001
|
本人所住是一個私人居苑，但是沒有電單車位供應，想請問各位好友，有無法可以要求管理處增設電單車位呢？
好人 badboy1242002@yahoo.com
只能向管理公司強烈建議，如果停車場已全部出售予私人業主，便要視乎餘下的公眾地方有沒有足夠空間劃出。你可聯同其他有需要的業主，共同研究那一空間適合作電單車泊位，再向管理公司建議。
|
20/8/2001
|
你好！本人己有一年駕駛 Fairing 車(RGV250) 經驗，最近考慮買一架巡航車，作為平日返工見客代步用途。本人看過了貴網的車主報告及行過多間車行後，本人選定了三款巡航車，分別係 Virgao 250 和 Steed 600。而本人的首選是Steed 600。現有以下問題想請教一下:
1. 可否給這兩架車，一些意見和它們各有的缺點? 它們的極速是多少?
2. 本人工作常要外出，平均每日要走70-100 km，所以很想知道兩架車的耗油情況如何，特別是steed 600會否超過$0.5/km?
3. 聽朋友說駕駛Steed 600會好用力，好辛苦，推車又困難，這是真的嗎? 本人身高六呎一，重約155磅，能勝任嗎?
4. 聽講Magna250的零件常被盜取，Steed 600的情況嚴重嗎?
5. 維修方面，Steed 600易壞嗎，那些項目較易壞?
謝謝！ 祝貴綱業務蒸蒸日上！
Kenny kenny823@sinaman.com
你打算每日行走的里數不算少呢！大cc會舒服D。三車之中建議選Steed 600。 但steed600不算是最能符合你用途的選擇。因為你要見客，儀容好重要，總不能滿頭大汗又拿著個頭盔去見客吧！出部400羊啦，Suzuki Burgman 400駕駛操控的特性和巡航車十分相近，但不用轉波，可以著皮鞋又有位俾你放西裝頭盔公事包，又有大架，泊車總易過Steed 600。係就快d啦，代理話而家減價後每日去緊兩三部車，冇乜貨剩架乍！(你唔係晒命呀？6呎一吋高155磅，標準model身材，騎乜車都得啦。)
|
20/8/2001
|
鐵騎網誌主編您好:
本人是第三次來信。上回多得主編先生提點，在sv650s收車時的要訣，好等我在run車時得到駕駛的樂趣，真是萬分感謝。今次要向主編先生請教run車、中心點轉向和加裝配件問題。
Cheung tkc8889@netvigator.com
別客氣，只要你借架新車俾我地玩番三五七個月，重多野同你講呀：p
一) 當在底波段轉高波段的時侯，有時感覺有跳一跳的感覺? (我在轉波時，是先加油後慢放離合器的)
轉高波時跳一跳？係咪有陣力向前衝呢？正常個播。如果唔想，俾少D油就得。
二) 車主手冊說，run-in在不到800km時不能超越5000轉。但有時我也會超越一點的，請問有什麼後唯症?
車主手冊所提到的數據只作參考，一時的超越不是問題。只要不會長時間超越指引便冇問題。
三) 我在rider裏看到一編說中心點轉向的文章。覺得十分有用。但有一點唔係好明，是不是利用腳踏、雙膝和腰力來轉彎的，在轉向的時候臀部是不是要微微提高。 但我做上述的動作時覺得人對車的縱心位升高了。(好似座位升高的感覺)不是中心點的，請問我做 錯什麼、如可改善?
對不起，沒有細看今期R記的文章，但飛跪轉向時不應抬高臀部，只是把半邊屁股向橫移。其實如果閣下有興趣睇，應該睇番原著：Chapter 19 Pivot Steering, A Twist of the Wrist II 作者係Keith Code, 由California Superbike School發行，D英文好淺，又多插圖，包你睇得明， 唔駛捱翻釋版，因為版權問題，好多圖片唔敢拿出來，變成睇得幾辛苦下。
網上訂書可看 http://www.whitehorsepress.com/OnlineCatalog/Sections/ProdData/TWIST.HTM 。
四) 我在50公哩以上時，如果手有微微的動作，即時覺得車子有不穩定的情況。是不是加damper可改善。廠車應改什麼配件，在駕駛是得到穩定和舒適的感覺呢? 可否提供牌子和型號(以實用為主)
電單車把手係1:1，任何外力施予把手都會影響前輪。即使加裝Damper，只能減輕情況，並不能解決問題。正確方法係用腰背及雙膝支撐上半身重量，放鬆肩膀和雙肘自然垂下，不應以把手為支點支撐上半身，如此前輪便會十分穩定，即使打軑也會迅速回復正常。
祝：鐵騎網誌，蒸蒸日上
|
19/8/2001
|
ear ibike web editor,
I send you a letter last month asking your advice on the dilemma in choosing Runner or Joyride. As a turn out, t I didn’t take anyone of the both. I’ve just paid the deposit for a 98’ second hand Burgman AN250 (traveled about 13,000km) from SBS technology. The price is almost the same as a brand new Runner or Joyride. I chose this bike because it is 250cc processing 2.3kgm-1 and 23 hps (the largest torque among 250 grade scooters) and seems to be very stable on highway ride.
Have you ever heard any adverse comments of this bike such as slow response in getting start, frequent malfunction of electronic components, insufficient torque, high stolen rate, etc. [I have consulted the rider’s report already]The number of AN 250 now being used and I see on the road is less than YAMAHA Majesty 250. I wonder
(i) Is Majesty 250 is better than AN250? (ii) or Majority choose AN400 rather than AN250?
(iii) B&W250, Forza 250, Majesty 250 and AN250 are popular in HK which one will you choose if you want to have a 250 scooter and why? (iv) What is the main differences between the two generations (01’ and 98’) model of AN250 apart from the storage capacity under the seat?
(v) Is there a significant differences (Horse power and torque) between AN400 and AN250 that rider can feel? (vi) I see a lot of rider modify his AN250/400 by replacing KIT exhaust system, is that suitable and efficient in enhancing performance? If I wish to enhance the performance of my bike, what can I do? (vii) I get a robber alarm, can I put it on the bike? (viii) What is the Maximum speed can it (AN250) achieve? (120km/h?) (ix) Does it need any suspension adjustment (harder or softer spring stiffness) if I (weight 66kg) don’t have plan on carrying anybody. Please reply in Chinese. Thank you very much for your help.
Nick nick_diamond@sinaman.com
原來架AN250俾閣下買o左。SBS真係算賣得平。我們沒有聽過AN250有什麼大或小的問題。請放心使用。Majesty 250的數量比AN250多，主因是有AN400的存在。如果有Majesty400，情況也會一樣。個人看不出為Majesty和AN之間誰人較強，只是外型喜好的選擇。在眾多250綿羊中，如果錢不是問題，我們會揀新款Majesty250，因為座下空間很勁！新款AN只是在車尾線條和空間做了手腳，機器沒有不同。駕駛250和400的分別很大，個陣力水絕對不同。換喉只是滿足個人存在感，有聲好玩D。單缸機器，唔需要講高轉性能。要快都唔騎綿羊啦。想性能好，勤換偈油火咀風隔重實際。防盜器易裝難拆，作用又不大，唔裝好過。120km/h 極速相信未盡，應該重多少少。66kg單騎應該用soft設定已足夠。但不妨試下唔同setting，睇下自己鐘意乜？
|
19/8/2001
|
您好,我是台灣民眾，即將於半年內遷住香港，感覺上香港電單車很少(比來灣少非常多)，因為我出沒習慣一定都使用電單車，所以請問香港政府是不是有意壓抑民眾使用?請問一些有關電單車的問題
Jay Wang wjay66@yahoo.com.tw
1.香港有沒有50cc電單車？售價多少？
香港法例規定機動車輛排氣量要在125cc或以上才可走上高速公路，所以125cc以下的電單車數量很少，也不流行。
2.取得電單車駕駛執照是不是很困難？
如果閣下在臺灣已領有機車駕駛執照，應該來港endorse便成。不用再考。
3.使用電單車每年要交幾種稅？
電單車除了初次來港要付車價40%登記稅外，只需按季或按年($1,314)繳付道路登記稅便可。
4.或請告訴我香港政府主管電單車是哪個機關
主管香港車輛的部門是香港運輸署。
|
19/8/2001
|
你好, 本人打算學電單車,但本人身型細粒,5ft 2inch,95 磅,請問閣下, 我應該可以楂甚麼型電單車, 100cc可以嗎?而且,100cc的電單車在香港有得買嗎?請回覆.
Eva evatty@yahoo.com
身型絕冇問題。如果純為代步，可報讀駕院的自動波綿羊課程，將來買番部125/150綿羊，普通單人代步都足夠。在香港要125cc以下才可上Highway，100cc太小了。將來賣車也較難找人接手。
|
19/8/2001
|
你好!本人需每日抯長途車作代步用,現打算買架新車(ZRX400/CB400vtec).但不知如何決定.想請問你從耐用及耗油量來比較,那架較好呢? 謝謝~~~ ^^
動力機車 kazimmak@yahoo.com
耐用程度相信兩者相若。四衝400兩者的技術都十分成熟。若不計車價，純以油費考量，相信是Honda Hyper-VTEC較省油少許。因為在6750rpm以下每汽缸只是使用兩個閥門。
|
17/8/2001
|
搬o左去 ShauKeiWan 的愛蝶灣幾個月, 本來都無咩事,但係上個月我架電單車就俾人偷o左喇. 本來過o左去就唔想再提, 諗住買過第二架囉,但而家又好擔心, 買o左架車返黎會唔會又俾人偷呢? 個場無種欄杆俾人鎖車,而且又無"蔽路電視"(在我被人偷車之後安裝了一部在車場地下出口).但地下裝有咩用? 但佢唔層層裝我又無佢辦法.其實有無定明停車場一定要有某種設備? 我俾人偷車佢地又係唔係唔需要負擔?
foxman_hk@hotmail.com
所有停車場都會講明唔會為偷車負上賠償責任(Exemption Clause)。因為停車場與租用者之間不存在「Bailment 托管」的關係，既無Bailment關係，停車場便沒有「Duty責任」看管車輛，所以不能引用「Negligence疏忽」來控告任何關於「Property財物」上的損失(人命傷亡例外)。只能夠向停車場建議加裝欄杆或安排附近可以攬柱的位置劃作電單車位。
謝謝你的回覆。我也明白你所講的所有, 但如果事情發生係你身上你會點,好瀟洒咁講 (什麼法律, 什麼責任.......)?我曾經向管理公司發出投訴及建議, 但一點回應都沒有.換轉失車的是各下, 你又會點?總不相信你還可以說得如此瀟洒。foxman_hk@hotmail.com
你誤會了，我們是「化」，不是瀟洒。所以我們只會用平車，唔會用貴車。買車前會唸過如果唔見o左，個心會唔會輸唔起。如果輸唔起就唔會買。所以我地一向以來都只買二手車，唔肯買新車。看閣下面對失車亦看得相當開，應該和我們是同一路人。
|
17/8/2001
|
如果有好多老電同時泊在太古城的非法位, 只有兩部有抄(01) , 可唔可以port 佢唔公平?
Jimmy Lee jimmy.lee@sywg.com.hk
假設閣下和其他車一起非法泊車，但回來取車時發覺只有自己和其他少量車中招。其餘大部份非法停泊的車都沒有告票。於是你覺得深深不忿，覺得其餘電單車都應該和你一起遭受撿控，你先會覺得開心番少少。咁我想問假如其他車都被抄了牌，對你有乜益處？係咪你就唔駛俾罰款先？做人唔好咁自私，可能被抄牌的車已經開走o左，其他冇抄牌o既車係剛到。又可能抄牌個人仁兄係接到order做o野，於心不忍，只係抄一部份就算。無論點都好，你係非法泊車，有權抄你牌，其他人有冇中招，關你乜事？齊齊中會唔駛俾咩？如果你走去投訴話個差人不公平，咁下次呀Sir咪架架抄足law，咁你話邊個著邊個唔著o勒？今次你唔好彩中招o者，下次可能唔係你呢？唔好抱有累人累己的心態。
|
16/8/2001
|
hi,你好呀!!本人快買車了,而且已經睇中了係SHADOW 750!價值$38000,97年車,Full kit,不過已經是行了60000KM, 算抵嗎??我只是因第一次買車和睇價錢而買的,,如果我買時應注意什麼....唔該
Jason jason@dcdcorp.com
97年車行o左6萬km，每年都係行萬零km，絕對正常。價錢都唔係貴丫，重有「full kit」？即係唔駛再改錢扮靚？嘩，掂晒。巡航車一般都唔會俾車主過份abuse，加上係750級別，副偈應該冇乜好擔心。
記得對一對牌薄上的引擎編號和車架編號係咪和刻在車上的相同。賣車俾你o個個人係咪車主或授權代表。
|
16/8/2001
|
我是有多年電單車牌，現在想買架綿羊仔代步。以下兩隻綿羊仔，邊隻好D，可否給我一點保貴以見： PGO T-REX 150cc 和 SYM SHARK 4V 150cc
請問這兩架車車價現在多少錢？ 可否分析這兩架車的好與壞：唔該你^o^ths，徐咗以上兩架車，另外還有什麼心水靚車推介本人大約$20000左右
感謝萬分，祝你心想事成，身體健康。
joe_kc2000@sinaman.com
T-REX和大鯊王兩者售價相若，分別為18,800及19,900。對於不是綿羊用家的我們來說，台制150綿羊沒有太大分別。在兩萬元以內還有很多選擇，例如TGBF 409，Suzuki UE150，Yamaha XC125 Cygnus，台鈴星艦150等，全部都是台灣製造。在我們眼中看來，超值的售價玩夠兩年已經回本，根本無需太過深究。剩下的只是外型及牌子等個人喜好左右你的選擇。對了，最重要是參考車主報告啊！
|
14/8/2001
|
你好, 客套說話不多講, 想問一問關於載客的問題,本人不是新牌, 但又可說是新, 因為我在94年考到但到今年2月至開始有老電,連續開了半年車, 曾抄過一次, 現時信心多了, 但如果我想載人, 有什麼要注意的地方呢, 我也試過載我的朋友, 只是來回幾個圈, 有的很順利, 但試過有左右不定的情況, 請問會是我唔夠力丫, 還是他的旭動所致呢?
多謝.
Simon simonlaw@hknet.com
載人時，車速快時較易平衡，載人攝車攝得又慢又定最難。乘客坐得越貼近騎士，越有利操控。所以載女仔易過載男仔，除了體重較輕之外，也較易貼近一點。乘客可以前後手支撐，一手扶騎士盤骨位，一手扶車尾。或同時雙手扶油缸，大腿夾著騎士，效果更好(所以載男乘客比較辛苦，因通常都唔會夾)。乘客如在座位上「旭」動，當然會直接影響車身平衡。所以要知會乘客不要亂動。尤其是過彎時別亂動，無論是怕傾斜而扳起上身，或想幫手劈彎搬身，都會令騎士有失預算，造成危險。
|
13/8/2001
|
本人上月剛購入一輛二手99年 Majesty yp250，行了約9000KM。因沒有車主手冊，不知如何入手。(第一次買綿羊)請問要如何保養機械及單人乘坐要幾多呔氣? 平時自已檢查隻羊要注意什麼? 有冇消耗品要更換? Thank you!
Sammy stealwind@hotmail.com
如果里程計的數值是真確的話，9000km好新淨，傳動系如皮帶珠仔等應該唔需要搞。換一般消耗品如偈油火咀風格油格等便可。有關胎壓的基本數值，每部車在尾擔附近都應有標記，再跟隨個人重量慢慢調較。Majesty 250尾輪可由30psi開始調較。更多胎壓資料請參閱知識技術 相關文章。
|
13/8/2001
|
本人駕駛為majesyt250，當轉彎時不知為何會有突然跌下的感覺，我現在避震為４度，適合嗎？
謝謝！
yin yinlamlam@yahoo.com
轉彎時有突然跌下的感覺，應該不關避震問題。應該是動力不足或過度壓車所至。嘗試俾住油過彎，或壓車力度不要太猛。避震調較因體重、載客、路段情況每人不同，很難一概而論。如果避震調較太軟，在急速過彎時會感覺車座過份沉降，造成頭輪負重不足。避震行程容易用盡，造成撞擊，影響操控。那便要調高彈簧預載硬度。
|
13/8/2001
|
我的愛車停在灣仔街頭，在前晚被人拆了兩個鏡及前煞車系統。我看到愛駒如斯慘不忍睹，心有說不出的氣憤。估計損失約二千元。我相信這不是車行人士的行為，是個別人士的所為，我在這裡要嚴重譴責那些無良的賊仔，你會得到報應。
raymond.lam@cfhc.caritas.edu.hk
只能說句：防不勝防。終極自保法：搵位巫師係你架車度落重咒，邊個仆街撻你呢Do野就不得好死！o桀o桀，睇下D粉人重敢唔敢拿！
|
13/8/2001
|
你好..客氣說話不說了.
1.本人網買了一架全新的自動波綿羊.(150cc).不知怎麼樣去run-in.會比較好呢.?
要行了多小公里才算完成run-in..?
2.自動羊和一般要入波的電單車.開法是不是有分別.?入彎,收車和落斜要注意什麼呢?......請過兩招給我..thank.
DEE make@netvigator.com
車主手冊實有講要run-in幾耐，好好睇架本書仔，睇下啦。新機器會磨出很多金屬碎屑，最緊要係在頭一次指定換油里程之內(約1000km)更換新偈油及油隔。由於綿羊偈油容量比較少，所以要換得密少少，每兩至三千km便應換偈油。當換得三兩次偈油，run-in便算完成了。Run-in期間，一切以平均柔順為本，有快有慢，唔好長期行死一個速度。俾油要漸進，唔好成日一野質落去。
主要分別會係綿羊有可能會一邊俾油一邊施加掣動。當自動波綿羊在空波狀態時，例如長落斜時，又或是高速巡航時要減速時使用。但當綿羊入番波時便要停止俾油，以免阻礙剎車效能。
|
10/8/2001
|
請問我想將條死氣喉改到好似哈利嗰種低沈聲音咁,會影響馬力嗎,還需要跟進什麼呀.thank you
suedelover@hongkong.com
改裝後的哈利排氣聲並不低沉，尤其是尾喉沒有滅聲器，霹靂拍勒又乾又響又嘈。冇禮貌又唔考慮他人。應該用可以調整聲音的死氣喉，排氣管內近尾端有一塊圓片閥門調較，關閉時會靜d，全開時就嘈到殺死人。當閥門全開時，排氣回壓減少，部份油氣會未完全燃燒便被排出車外，影響扭力。通常要加大唧咀。
|
7/8/2001
|
你們好，我是 www.iBike.com.hk 的常客, 新牌落地未買車,朋友想把愛駒(台鈴星艦150)私人讓給我, 請問我有甚麼手續要做, 和有甚麼問題要留意呢? 最後祝貴網站仝人工作愉
Peter 仔 peterscout@yahoo.com.hk
朋友私讓好簡單，架車有乜問題捉番住佢問，唔同陌生人，架車有事唔知道去邊到搵。你只要抄低車身資料，最好有牌薄副本，俾保險代理出份新保險cover note(臨時保單)，跟住約你個friend落運輸署搞過戶(記得帶牌薄正本)，填張form，準備$250過戶費,等一陣就有張全新牌薄出番俾你，上面印住你個名同埋車身資料，記得簽番個名。搞掂，食碗麵.
|
6/8/2001
|
老兄o既工作效率真係快得出奇,實在令小弟佩服.上次買唔成R6,但係就買O左部RS250....請問
1. 如何在經常高轉數拖波時避免拿遮,是否要在拖波前'Fing'小小油呢?
2. 在GP賽中經常看見以上動作,請問是什麼目的呢?
3. Steering Damper 應如何調較來應付不同駕駛習慣?
4. 前後避震調較應注意什麼? 前後 rebound 及 preload 是否要調較到一樣呢?
5. Kit 喉對低扭是否很大影響? 因為小弟已怕了舊愛(RS125)起步冇力既滋味.但新愛又已裝上kit喉.
6. 換了 rear sprocket 又會否影響低扭嗎?
麻煩晒!
亞協 Kyll27@aol.com
拖波時呼油的用意是保持引擎轉數與離合器吻合，令減速時車速更流暢，不會破壞車身的平衡。與避免拿遮無直接關係。
釘把setting會因人因路而異有所不同。沒有絕對標準。只能因應自己常用路段，由軟慢慢逐步調至可接受的硬度。同樣前後避震也會因人因路而異有所不同。沒有絕對標準。加上每部車的重心分佈不同，又係由最軟做起，逐步調較。
Kit喉因回壓比原庄喉少，在低轉時油氣未被完全燃燒便被排出管外，所以動力效率較低。更換大尾牙可變相調低波段，改善扭力，但極速會被減低。
|
3/8/2001
|
請問風隔,油隔在車的哪裡呀,是否每部車都有的及需要更換
suedelover@hongkong.com
現代設計的電單車風隔在油缸底下，形狀可以係有一塊平面風琴，亦可以係一個通窿鐵鑵咁樣。原廠多數用類似紙的質地，不可清洗。AfterMarket多數用海綿，流風量高，可清洗，但保護力不及紙風隔。如果用冬菇風隔最好再set過一次jet咀。油隔在engine的前端底部，一個圓鑵咁樣。建議用原庄貨較穩陣。當然每部車都有風隔油隔，需參考車主手冊及個別使用狀況而決定何時更換。一般每換兩三次偈油便換一次油隔。風隔每半年檢查一次便可。
|
2/8/2001
|
多謝你上次回答小弟o既問題,今次又要麻煩老兄你啦.本人欲購一台二手 99 年 Yamaha R6
1. 如果 mileage 低於10000km 睇車時應注意什麼呢?
2. 請問合理價錢是多少呢?
3. 怎樣可以知道架車的健康狀況?
亞協 Kyll27@aol.com
唔駛咁客氣啦！大家吹下水咁樣o者。99年車行一萬公里以下都好新淨播！只要上手車主run-in得好，引擎唔會有咩問題。其實唔應該淨係睇里數，尤其是跑車。因為新車都可以有權炒過，應該從啡呤開始調查。看看有沒有大炒過的可疑地方。例如車頭及頭沙板有沒有重新噴油或新舊程度不一樣的部件(頭燈、錶板)，機器兩邊有沒有嚴重刮花的痕跡。死氣喉是否和車身平衡冇向車內偏倚等等。
另外一樣是知道的是這架跑車有沒有拿過去track鬥過呢？如果鬥過車，價錢要折讓好多先化算。雖然車主有心賣車會執番走D證據，但有 D懶車主會由得佢。咁你就會見到偈油蓋和水箱蓋有鐵線穿著，胎邊完全溶開有起泡痕跡，如果架車冇改裝部品係身，咁樣你會見到條原裝喉和腳踏特別新淨(拆走kit料換番原庄料上去)。合理價好視乎個別情況播，如果架車企理我覺得都值番五個。唔知會唔會pay得略高呢？
|
31/7/2001
|
網誌主編：
您好，本人剛剛買了自己的第一架電單車，有一些保養問題，希望主編能指教指教。本人買的是一架一手大林trans-up150自動羊，車行稱己換了皮帶、起動珠其他等等。現有如下問題：
一)車起步時，如油門稍大，機箱即傳出‘Gre-Gre’聲(大油大聲，細油細聲)，行順無事，停車(如燈位)後再起步又會有同一情況，且情況會隨熱車後愈見明顯，請問這是什麼問題呢？
二)本人這一個型號的車子，皮帶、起步珠、珠盤、珠托、盤心、離合器總承、迫皮等等須要多久就要更換？
三)除此之外，還有些什麼須要定期檢查的呢？
先在這裏多謝指教，並祝貴網網務蒸蒸日上。
綿羊仔上
你話一手車應該係指架Trans-Up150上手只有一個車主的二手車係咪？唔係好明你講個D係乜聲，車行點講呢？自動波綿羊比電單車麻煩，因為自動波箱和離合器的損耗都幾大。各廠生產的壽命都有分別，最好參考番車主手冊。如果唔影響性能，遲D先一次過換晒佢(如果有零件的話)。定期檢查？你每次行車時，其實以經同架車溝通緊。有乜唔妥你都應該知道。操控上有懷疑有唔妥，先檢查輪胎避震迫力。動力上有唔妥，檢查火咀風隔傳動系統。總之呢類車平平地玩幾年，頭痛醫頭，腳痛醫腳。唔好亂o徒錢。你都唔會唸住同佢過人世卦？平時做好本份，勤換偈油，其他要視乎零件是否充足先有得
搞。
|
30/7/2001
|
編輯你好:
請問你CB250,CBR250,CBR250RR,有什麼分別? 點解見到雜誌上的電單車只有型號,價錢而沒有年份 ? 買車時怎樣知道車的製造年份? 何時去選擇鐘意的車牌號碼 ? 什麼叫白字頭黑字頭? 又再麻煩你 ! Thanks !
Kenneth dkenneth55@hotmail.com
CB250中係冇啡呤的街車，風冷並列雙汽缸，馬力約20ps，係實用車款。
CBR250或有R/RR字尾，係有啡呤的入門跑車。水冷並列四汽缸，馬力約40ps。視乎生產年份的不同，1986年推出CBR250Four, 1988年出CBR250R(頭單碟)，1990年以後出CBR250RR(頭雙碟)。
點解見到雜誌上的電單車只有型號,價錢而沒有年份 ? 你應該問番相關車行或雜誌點解唔落年份，iBike的稿都會盡量捉番車行講明年份，好讓車友參考。如何得知製造年份？車行會話俾你聽，如果唔信，只有對該車款有詳細認識，例如車款設備的改動，當年車花的顏色，甚至有車架號碼及年份對照表，才可確認年份。其實現行香港的車輛登記手續都幾認真，要虛報年份唔係咁易。
車牌number好似冇得揀個wor，向其他人購買留牌number另計。 白字頭黑字頭？咩呢o架？
|
30/7/2001
|
Dear iBike Web Editor,
I wish to have a Gilera Runner 180 FXP or a SYM Joyride 150 and I cannot figure out to choose which one. I have consulted the rider’s report and some friend of mine the comment of Gilera Runner 180 FXP pointing out that the centre of mass is too high making it unstable in travelling on highway but the horse power (20hps) and torque (?)are considerable higher than the others and the weight is only 107kg. SYM Joyride 150 – it seems to me that this bike is a “stable” bike and it looks good too but it weight 144kg. Comparing with others and SYM shark 150, it carries almost 30kg more by the same capacity engine, lacking power and torque is a major problem I worry about. Could you mind giving me some of your opinion how to choose one out of them.
Nick nick_diamond@sinaman.com
心大心細呢？冇人幫到你架，因為你貪心！你想抬副Runner偈放入joyride 150度就最好，係咪呢？所以只能向現實低頭，視乎閣下出車最想要來做乜而定，才可決定買邊一部車。慢慢ja，成日都要載人又要行highway，想後便個位冇投訴 - Joyride 150。單拖要飛下車咁 - Runner FXP 180。
And there is a important question, friend told me that the method of running a auto gear bike (apply brake and oil at the same time during turning) and a traditional manual gear bike (using the characteristic of engine brake) is totally different, what are the differences? Please tell me in details
正常來說，一邊俾油一邊剎車，是當自動波綿羊在空波狀態時才會使用。例如長落斜時，又或是高速巡航時使用。但當綿羊入番波時便要停止俾油，以免阻礙剎車效能。你朋友說在轉彎時一邊俾油一邊剎車，是高程度的駕駛技術，但只限尾迫力，用意是保持/增加綿羊出彎時的引擎轉數，讓出彎時加速更快，屬於賽車式的駕駛技術，不建議亦不需要在馬路上使用。
Please drop me a line in Chinese. Thank you
|
30/7/2001
|
鐵騎網誌主編您好： 人是第二次來信，上回主編先生說：揀選新車或二手車都不及即時練習來得重要。所以便立即買了鈴木SV650S，但出車要一星期多，在這其間有一些疑問要向主編先生請教。
Cheung tkc8889@netvigator.com
一) 因是新牌仔，請問加什麼裝備可在行車時，加高安全性和操控性？
先恭喜閣下榮升車主。祝出入平安，逢彎過彎。可考慮加裝護架和冬菇pk膠車，不幸跌車都可減少損失。頭盔手套唔可以馬虎，做足安全措施為上。操控性方面冇o野好做住。
二) 當收車時應注意什麼地方？ (煩請詳盡一點)
四衝程V2引擎牽引力十分足夠，一收油車速已減慢，再加上前迫力已經足夠正常使用。初時未熟習時記住以柔順為先，即係以油門和波段來控掣減速為主，咁樣就會訓練到判斷力，提高駕駛安全。新牌常見毛病是過份使用尾迫力，在跑車或街車上，掣動主力是頭迫力。尾迫力只是幫下手咁樣。最有用是落斜時先輕拖尾迫力再扣前迫力，咁樣個人會舒服好多。
三) 在車上的保安系統應加上什麼才好？
保安系統買兩把靚鎖加車套攬柱已經盡晒人事。得把聲的電子防盜器唔駛搞，響都冇人會理，盞o徒電。你就好啦，有新車玩！不過記住人同車都要run-in，慢慢來唔好心急。
祝：鐵騎網誌，蒸蒸日上
|
28/7/2001
|
想買部125cc自動波綿羊代步,以下五部是否可行走本港快速公路：
PGO PMX125,PGO T-REX125, TGB F409/125,TGB 303R,KYMCO jokey125.
謝謝！
宗仔上 csh95956@hkstar.com
香港法例規定機動車輛要行走高速公路起碼要有125cc，咁究竟以上車款上唔上得高速公路呢？我可以咁講：據我所知警察未試過嚴格執行這條法例。只要車款上印上125一般都唔會理會。希望你明白我地講緊乜。
|
27/7/2001
|
你好! 想請問你自動羊的傳動皮帶及普利珠大約行多少公里要更換呢? 另外如收車時打炮問題何在各如何修理? 謝回霞
Polun Chow polun@ewisdom.com.hk
不同牌子綿羊的皮帶耐用度可以有好大分別。有人幾千km要換，Honda可以行幾萬km。最好參考番車主手冊。如果冇，試下向有關代理補購或影印。
|
27/7/2001
|
請問TZR 125(細T)規格同強項與弱點, 而家乜野價(如果係十年車)....油費係唔係
會好貴嫁??太約幾多??會唔會成日要REPAIR??
新牌仔 nokia99@hongkong.com
手頭上搵唔到規格表，試下自已上網搵下。強項係輕，極速高(>160km/h)，缺點係嘈，震、低轉冇力。油費約和四衝直四250差不多。十年車二手價應在一萬元以下，二衝車梗係要整啦。
|
25/7/2001
|
剛賣車了不久, 但想再買車, 咁舊車保是否也可以轉到新車呢?? 要查詢車保車行代理或是自行聯絡保險公司呢?? 點charge呢?? 我朋友話佢部車每馮下雨後便撻不著車, 是什麼原因呢?? 但同佢試過肯定有電.
THANKS
烈火街車
在舊保險未到期前，（起碼還有兩個月以上才有意思）可以向代理車店更改保單上的車輛資料，手續費幾百元不等。佢會出過一份新cover note。下雨濕車後難著車，先檢查火咀ｃａｐ是否密封性良好。
|
25/7/2001
|
Hello: 本人是一位新牌仔，在3個多月前買了一架易手yamaha SR250，年份96年落地大約行了四萬多公里。𣎴過最近發現死氣喉穿洞，己問過車行整車價錢，補洞大約六佰元，換條新的二仟元到。如果補洞會不會很快又穿洞，因為此車己整了幾次，我不想再擺錢落去。 希望你能幫我解決問題。
wing greensea1@hutchcity.com
如果唔打算長期擁有，唔好換喉ｏ勒。平平地補喉算數。可唔可以自己補？車行應該拆下來燒焊，自己可試用五金舖鋼塑土補一補睇下ｏｋ唔ｏｋ先，唔得先再搵車行燒焊。最緊要平！
|
25/7/2001
|
站長你好！本人想知道 CB400SF & CB750 規格，兩者的強項與弱點，如果想改野有什麼可改善老電本身性能呢。
Lawrence leeykee@sinaman.com
唔好咁懶，搵規格表是但一個ｓｅａｒｃｈ ｅｎｇｉｎｅ都搵到。唔好罰我打數目字。
CB400SF規格表 http://hk.geocities.com/tinckho/motorcycle/CB400SF-spec.htm
CB750規格表 http://www.ibike.com.hk/02_market/manwai/3/3_cb750/cb750.htm
CB400SF行水冷，跑性略高，用料較靚。ＣＢ７５０風油冷。馬力及扭力均遠勝ＣＢ４００ＳＦ。老手用車應選ＣＢ７５０。又平又好力。不過冇咁多ｏ野改，行出街唔夠威。純玩就冇咁好。
|
25/7/2001
|
請問CB-1 同 SF 有乜唔同??因為我見有94 CB-1 都係買$16000左右,但係94 SF 就要買成 $24000左右??點會敢嫁??敢邊部會好D ??thank you
想買車既人 nokia99@hongkong.com
大家個副偈都係取自ＣＢＲ４００ＲＲ，但若論運動性能，CB-1比SuperFour更好。如果是第一代Type I馬力更有59ps。ＣＢ－１個油缸造型更方便車手借力掛彎。但係點解SuperFour會貴過CB-1？咪要多謝潮流興玩懷舊街車款o羅，有單筒rising rate避震唔用，轉玩雙筒避震。有合金車架唔要，用番古董搖籃車架。但係市場受落，價錢又賣得貴ｄ，吹得佢漲咩？
|
25/7/2001
|
請問應幾耐要更換極力子呢,本人的車是shadow 400是部翻新車,大多是駕駛短程居多目前沒有什麼問題,但昰當有問題時會是這樣?thank
suedelover@hongkong.com
當極力子有輕微打滑時，耗油量會有所增加，情況繼續時，加速時轉數上升快了，但車速提升跟不上。情況嚴重更會有燒焦味。最後極力子片全部消耗掉，扭油都唔會行。當你遇到情況上述情況便要留意。
|
24/7/2001
|
本人檢查 電 單車時用少少力搖動前面隻鮑魚,有輕微搖動(不是很嚴重),請問這昰正常嗎?本人的車是翻新車,平時也很小心,很錫車,沒有撞過掣動是也沒有問題..thank you
yuen13 yuen13@netvigator.com
一般卡鉗都會有少許虛位，用意是代替浮碟的作用，容許碟身受熱膨脹和更容易咬實剎車碟。只要掣動力正常，便ok。唔放心可檢查一下卡鉗碼上的縲絲齊唔齊，有冇鬆
|
24/7/2001
|
編輯大人你好:
小弟居住於將軍澳尚德邨........據小弟知道樓下有三個停車場供住客或非住客租用.........在多個月前本人去停車場問有關租車位問題(因為唔想泊係街比人攪及比警察叔叔告)...........佢地答我係無電單車位租....(哈哈...點會咁大個停車場都無電單車位租呀???連時租都無)之後我只可以泊係屋邨藍球場側邊........(又驚比人偷又驚比人告).....之後我知道停車場有位可以租........我再去停車場查詢........佢話我聽話我而家申請..........要排第四.....我問佢咩排第四....佢答我話而家所有電單車位滿晒......佢要我排第四等位...........最後我都無等......而家仍然泊係街邊......編輯大人希望你可以幫我向佢地反影一下......增加多d車位比我地電單車車主........!!!!!!
siu pan lo xxderekxx_99@yahoo.com.hk
停車場如何安排車位是內部行政問題，普通外人無法從旁干涉。佢話俾你聽要排第四，咁點解唔等住先？要求增設電單車位可去信運輸署 tdenq@td.gov.hk 。
|
24/7/2001
|
Hello! 本人十分喜愛車, 所以於今年年頭已考了私家車牌(棍波), 但由於金錢問題, 就算一架二手也不便宜, 又要租車位, 現時又未有能力買一架四個輪, 而我一向亦很喜歡電單車, 於是昨天便報了名學電單車, 我相信你應該知道今個月開始, 駕駛學院可以選擇自動波及棍波, 我的問題就是個子細小, 約145cm-150cm身高(沒有真正度過), 但我真的很想學棍波, 希望能有多D選擇, 將來可以駕駛多類車種, 不想只能揸綿羊仔, 想請問以你豐富的經驗, 我的身高可以勝任嗎?? 駕駛學院的車我能揸嗎?? 請給我一些意見吧!!
Sally Sum s_sallysum@hotmail.com
看來你根本不喜歡綿羊，那別考自動波牌啊，否則將來騎不到其他有型的電單車，重慘。五呎身高騎學院車尚可雙腳著地，應該ok。請問你有幾重？如果有番100磅以上，應該夠力扶起架車。俾D心機，考番個正常的棍波電單車牌，乜車都可以騎，唔駛俾人限死。加油！
|
23/7/2001
|
你好!本人是新牌仔,剛考到牌,想買街車返工代步和假日玩樂
1.cb250 和 cb400 那車適合,400.c.c難操控媽?
2.買二手定係新車好,因本人對車既維修和改裝都不熟?
3.cb400有好多version,有SF,Version S,Vtec...有什麼分別和那比較適合新牌仔?
thanks!
eric kwan0048@sinaman.com
看閣下身型而定。新手技術未熟練，體力對操控和信心有一定幫助。如高大可試CB400SF，只要不超過9,000rpm轉波，馬力唔會話難控制。二手CB400SF一般都ok，只要更換一些例牌的消耗品便成。唔好唸改裝住。
最實用的CB400SF是94年後的Big One基本版，因有大架和中置燃油計。其他version S/R 在排氣喉和點火供油上較賽車化，但作用不及換車大。新款HyperVtec主要係外型和輪胎靚仔。VTEC偈係俾你慳油用，唔同BanditV俾你高轉用。因為HyperVtec平時只係行兩個哇佬，要到六千幾轉數之後先開埋剩下的兩個哇佬。如求經濟實用，舊款基本版已十分足夠。
|
22/7/2001
|
鐵騎網誌主編先生：
您們好，本人乃貴網站的忠實讀者，相信本港大多數電單車迷同樣是貴網站的忠實讀者，本人騎電單車多年，深感在本港騎電單車最痛苦，莫過於找車位！本港電單車位不足問題已經存在多年，不見有多大改善，相信其中一個原因運輸署忽視咱們電單車騎士。
本人曾經致函運輸署投訴北角區電單位不足問題，以至建議該署在哪裡可增設電單位，但該署一貫官腔愛理不理，問題始終沒有解決！本人深惑自己個人力量不足，應號召本港廣大騎士群眾一起向運輸署施壓，那班官僚才肯做些事情。
貴網站是本地騎士們的意見領袖，有本地廣大電單車迷支持，應為騎士們向當局爭取權益。
本人有幾點建議：
1)貴網站可以製作一份問卷調查，訪問騎士對本港停車位的意見，如哪裡可增設車位，現時電郵極為方便，成本低，相信好容易收集到一份權威性及有足夠代表性的調查報告，再交予運輸署。
2)貴網站可以發起讀者，製作一份標準的投訴信函，一人一電郵向運輸署投訴。運輸署的電郵地址是 tdenq@td.gov.hk 。
3)運輸署應該規定本港每間停車場，按汽車與電單車的比例，增設電單車位，這個方法可以最快增加電單位數量。
4)貴網站可以聯絡其他電單車新聞或電單車會，相信每一位騎士們都會支持這個行動的。
祝貴網站蒸蒸日上
忠實讀者 韓先生 alfredhon@hotmail.com
很高興收到一封高水平文字修養的來信。閣下的建議十分有用，但因鐵騎網誌現時人手及時間均十分緊張，資源也嚴重不足，我們會認真考慮在現行資源下，我們可以馬上做到那些項目。不過先要澄清一點，鐵騎網誌雖銳意成為香港電單車消費者的資訊集散地，但並無意也未夠實力成為「意見領袖」。
其實在年許前MCC摩托車巡航會也發起過類似運動，收集過由各車友提供的增設停車位建議，並轉交運輸署。據聞成效雖未至於令人十分鼓舞，但總算沒有白費心機。較近期的抗議活動收錄在 www.ibike.com.hk\07_info\bikeclub\demonstration\petition.htm 。
|
22/7/2001
|
我岩岩打算學電單車~~想問下如果樓下冇電單車位~~一般情況係點泊車呢??停車場係咪冇電單車位呢??有冇時租呢??麻煩晒~~ -__-
香港大部份車友都係搵唔到室內車位而被迫泊街。好彩o既搵到合法街位，唔好彩o既只有搵D橫街冷巷暫時棲身。政府及部份私營停車場而家都開始限量接受電單車時租或月租停泊，你要自己向附近車場查詢一下。
|
22/7/2001
|
站長你好? 本人是新牌, 買了一輛87年NV750車.
1. 我想問問在換機油前, 是否一定要開動引擎, 等機頭熱時才換嗎?
2. 是否樣樣機油都一樣呢?
3.怎樣放和換(big 力) 油呢?
4.行車時由一波至五波, 是否一定要高轉數呢? 通常行多少轉?
Thank you very much !!!
Johnny Johnnycy@netvigator.com
換機油最好待暖車後稍為攤凍才換的理據是讓偈油變熱，稀一點方便徹底流出。不同機油含有不同添加劑和特性，87年的NV750選用普通的偈油便足夠了。放迫力油不難，但更換迫力油便要小心氣泡進入掣動系統的問題，加上迫力油會對車漆造成傷害，初心者最好先看車行作業。基本概念可先看我們知識技術裡的相關文章。
轉數問題每部車都不同，大原則是用上紅區前七成的轉數就轉波便樣樣ok，在性能上和機件損耗上獲得平衡。
|
20/7/2001
|
我買了架大羊一段時間,想問下怎樣可以知道brake皮要換,同埋其他如起動珠皮帶何時要換,因，為我以前騎細羊時，騎去車行問，他們次都話要換，其實我可唔可以自己check呀！
好人 badboy1242002@yahoo.com
碟剎可「裝下」卡鉗中間塊迫力皮，會見到塊皮的剩餘厚度。通常會有一條紋顯示最低厚度。鼓型掣動則果粒調整縲絲當擰到盡時，腳掣仍有虛位，便要更換。自動羊的傳動系統需要較頻密的檢查維修。但不同車廠的出品，耐用程度可以有很大的差別。除了參考車主手冊外，當你發現車子起步不暢順，或高轉時車速不能提升至以往速度，同時車身震動很大，便要檢查皮帶和相關機構。當用肉眼睇都見到有問題時，己經好遲，到達危險階段。
|
19/7/2001
|
hello!
Q1: 我想問下LML STAR DELUXE 係邊個國家制造?
Q2: BAJAJ CLASSIC SL150又係邊個國家制造?
Q3:有人話:考路試一次PASS吾駛掛'P'牌(不論幾時報) , 堅定流GA ?
強制試同學上 kamov18@hotmail.com
LML和Bajaj都係印度製做。考路試一次PASS吾駛掛'P'牌？絕對冇咁o既事。
|
18/7/2001
|
主持人, 你好!
以下問題請指教.我部kawa 96年 ZXR250 尾避震比頭擔軟,座下去底了一'節'.感覺前後軟硬度不配合,但操作及行車表現正常.怎樣才知是調較過軟還是避震'打柴'呢? 如果要調硬,有什麼工具和教材可幫手.
另車子一向有自行保養, 但有時高轉數(少於一萬)快車一段時間後,停車時會轉數不足自動死火,要過數分鐘後才能撻著,這是什麼病呢?
謝!
AX6001 cheongpaddy@hotmail.com
假設果條尾避震仍然是原庄部品，打了柴的機會很大。即使你調高預載硬度，也改善不了情況。因為rebound回彈會跟不上，變成尾避震會好彈。現在可以先試調硬預載，原廠工具包入面有支好似「勾」咁樣o既o野，貼番住避震頂上面D牙擰便成。唔知點做，俾車行做一次，下次便懂。如果情況真的如我所言，彈彈下重難控掣的話，建議更換避震。其實現時的操控如沒有問題，可以不理。
另外高轉轟完車後，怠轉易死火兼難撻車，可能是化油器唔精神，也有可能是引擎過熱，請問當時水溫如何？另外有一份電子零件Generator Pulse也可能有問題，落車行check下好D。
|
17/7/2001
|
站長師兄，你好！
本人想知道在頭盔外加裝小型抽氣扇會唔會因安全問題而違例呢。
Lawrence lawrence@parcloy.com.hk
小型抽氣扇？電腦用個隻？點樣裝啊？點樣俾電佢？快D整個概念model出來俾我地睇下啦！香港法例冇話過唔俾係頭盔上加o野播。但係鑽洞會影響頭盔的一體性，可能會對頭盔結構有不良影響。
|
17/7/2001
|
剛看到有位網友說老電要掛Ｐ牌很不公平, 而本人就覺得掛Ｐ牌ok.
因本人在今年6月頭己考到貨van牌,本人打算買部普通二手私家車代步,但因新牌關係問過數己＋間保險公司及代理,不倫你買何種車型都異口同說不受新牌玩,最少要有一至二年牌先受(本人己三十多歲).就算揾朋友出保險都不能給新牌駕駛,聽保險代理話由本年六月開始全港保險公司都不受新牌玩.後來到了六月二十二號本人考到電單車牌亦在月尾買了星艘150保險亦兄是一千九百五.
所以我覺得p牌都算ok起碼都有保險公司受我玩,現在我亦可以練車.而私家車起碼要等一至兩年後先有保險公司受,到時你估我重識吾識開私家車?
若現在電單車不用掛p牌我相信亦同私家車一樣命運沒有保險公司受,到時這位網友考到老電牌都冇用,我相信頭一年都冇機會玩老電,其實我現在掛個p字很有用,在路面上其它車見到我都識就我及遠離我.
lee ky joe9222@hotmail.com
很高興終於聽到有人和我一樣認同P牌的正面作用。奸巴爹呢！一年好快過！
|
17/7/2001
|
燈 前 落 右 腳 俾 差 人 懷 疑 係P 牌？
話說一晚十二點多鐘，趕住番屋企之際，駕住架bandit 係一個燈位前停車，跟住一位熱心的交通警叔叔著我去一地方熄車查牌，我當然冇有怕啦，自問多數時間都冇違例，但只有點唐突。原來他謂我o係燈位前落右腳，認為有問題(可疑)，我話倦都可以換o下腳呱? 跟住唔知佢真唔知定假唔知，懷疑我需要掛Ｐ,但我清楚向他解釋暫准執照，才要Ｐ(事實上,我都o係新牌仔),我就謂如果他唔清楚的話，可以問番。
我想他想捉人唔掛Ｐo瓜?跟住佢的關心使我欣慰至極，他詳細解釋唔好落右腳係因為要用尾Brake,我當然明白我媽媽是一位女性,但他又話尾Brake多麼的重要啊！並勸喻我們新牌仔多練習,尾Brake應佔掣動75%,頭Brake佔25%，Oh,一言”驚”醒夢中的我，心想尾Brake那麼重，擺尾甩尾不在話下，掣動力都不足啦,一般人都話頭六尾四，或者頭七尾三，卻恕本人無知。落Brake時,重心前移，要停車只要著重頭掣，但不突破軩的抓著力的話，最有效(此為本人之想法)。其實，大家可以到貴站之知識技術一欄中的掣動備忘part2參考。
當時多謝他的熱心及關心，但係我就一心想快D番屋企睡覺，所以對他的忠告頭頭是道，沒有絲毫辯駁，並且令我明白到對人家的忠告或意見，該從他們的出發點著想---有愛心，那自己及人家都會開朗些，世界自然更多”笑容”，更美好。若以上有任得罪或不正確的地方，歡迎指教及討論。多謝容許我亂o翕。
Benjamin Wong
Benjamin Wong benjamin_wmw@hotmail.com
停車落右腳又唔係犯法，咁都會走來問你？你係咪肯定截停你o個個真係交通警來o架？而家有好多人騎著部CBX750遠睇成個皇家鐵馬咁款個播：p 一係你真係騎得好屎，左搖右擺咁，所以惹來差佬懷疑？o拿，各位P牌朋友請勿再想著如何不掛P牌了，原來差人會問o架！
|
16/7/2001
|
網主及網友:
本人正在學習老電,在未報讀課程之前,已知道新牌在一年內需要在頭尾放上P牌,需然政府在美其名地說為了保障新牌仔,但本人覺得有些不公平,甚至可說是有不平等的,很久以前學習老電是自己租車學的,但當是的交通意外亦不見得很多,甚至在路面的經驗會好一些,因為自由度大D,但現在已一定要在學院上課,這以是不方便,因在時間及地點的選擇已令在學習的人大大減低路面經驗,結果因在學院畢業的學員在不足的經驗下,發生了很多交通意外,之後又話要放P牌,大佬(政府的官)你自己令到咁多交通意外發生,大佬(政府的官)你地唔諗諗係咪你地錯,你搵我地來玩,都算!!!
你都公平D,我有十年車牌,在街上學的,一分都未扣過,但係講真老電意外多,定還是私家車多,唔好計死亡率呀!唔撞車就無死人,咁係咪私家車都應該要先?
想問問大家可否向平機會反映? 謝謝網主(BEN)
brandon brandoncty@hotmail.com
看完閣下的論點，我們除了對「要求私家車新牌都要掛P牌」表示認同外，我們絕對不同意閣下的其餘說法。香港的道路環境和以前有很大的變化，高速公路多了又長了，汽車數量多了，道路情況比以前更複雜。現在對駕駛技術的要求，一定比以往為高。
由於學習電單車不像房車般有另一位指導員在旁指引，在危急的情況下幫你剎車或扶軑或作出提點，當騎上車後便只有你自己一個，所以要先在場內熟習了基本操控技術才可以出街，這點是十分正確的。否則連停車開車都未識，就係街到行，不但自己危險，更會危害到其他道路使用者。
若要計意外數字，當然私家車較多。但這是因為私家車的基數較電單車大很多很多，才會出現這錯覺。實際上每一個新牌頭半年會遇事的機會很大，如果唔係亦唔會有P牌的出現。唔好咁勞氣，就算私家車新牌將來要掛P牌都好，都唔關你事，電單車新牌都係一樣要掛P牌。既然係咁，點解唔積極面對呢？
|
16/7/2001
|
編輯你好:
本人小姓唐對電單車有深厚興趣,現有些問題可否指點一下。本人以在2000年12月考獲駕駛執照但是P牌，所以我計劃一年後先買車，在這期間心目中有了幾種型號 (SV650S) (ZZR250) (VN800B) (Shadow 750) (Dragstar Xvs650 classic)我體重180磅(肥佬)身高5呎8,9吋左右。
Cheung tkc8889@netvigator.com
一) 請問我應該選擇以上那一種型號?
以閣下身型，如果現在買車，SV650S還可以考慮。但如果要待一年後才買車，那便只應買ZZR250。因為乜都唔記得晒！
二) 是不是應該買一架二手車，磨練一下技術先?
磨練技術係取決於練習的時間和密度，揀選新車或二手車都不及即時練習來得重要。
三) 如真的要先磨練技術，那麼選擇怎麼車種好呢?
ZZR250是上述範圍中作為第一部車的最佳選擇。
四) 如買二手車，去代理商好，還是去方間買好呢?
買二手車，不論是向私人或代理或其他車行買都好，最緊要係識睇車，因為始終都係有人用過。但車行收車時會檢查過，如果太離譜的話，會拒絕收車，又或是價錢壓得很低，所以從車行的售價可粗略估計到部車的狀況如何。
|
| |
|
|
|
 |
