|
|
|
FAQ常見問題 |
|
|
21/6/2005
|
唔好玩啦....駕車見唔到前面有老電是因為無穿反光衣撞上而無得賠...蒙生..你記唔記得車牌係點考家????點解香港會越來越多老電?因為政苦D不知所為政策,保險任加,電油百幾%稅後油價又任加....交通工具又任加,D公巴又因政苦突權,加幾十條線,在各大道路Z型行駛,導致陸上交通不知所為..D垃圾會議員加"H"官只會為交通做D不知所為的事而形成近兩年大量老電,依家又話因老電意外多要玩反光衣.玩你老闆咩,玩求未呀,我駕老電著咩關政府差事呀..你班"H"佬不如話地上生活的香港人一出街就要著反光衣,政苦再成為獨立供應商,賣十皮野一件,你話好唔好?反光衣立例的話我一定玩野,因為你珪西人玩先..
WarJunkie
|
21/6/2005
|
已經連日間都開了大燈,,,難道有人在日間會見到反光衣而看不到大燈????那晚上又如何??
chocolate
|
21/6/2005
|
反光衣之意見
我淨係想講要著反光衣係完全無用,路政署維修車夠有大大個閃到暈既箭咀燈係車尾，一樣大把盲毛撞埋去.巴士夠大架啦，一樣會俾人撞!!!路人行街夠會俾車撞，係咪一樣要著反光衣?!抯車著乜衫關其他人/政府咩事！請提出呢個建議既做番D實際D既野!!!唔該
LoLo jd366@netvigator.com
|
21/6/2005
|
係時候講下野囉!
著反光衣一樣會比人撞,一樣會有四個轆司機當你唔存在,不如好似警察咁樣有支藍色Led燈閃下閃下我諗實無人睇你唔到,不過唔代表無人撞你囉,警察鐵馬都成日有意外啦喂!不過如果政府一意孤行要著反光衣渣電單車,我會搞遊行囉,多就無啦,二三百人我都叫到出黎掛,著晒反光衣係政府大樓門外靜坐囉,應該睇到我地掛,反光喎!不過可能靜坐完都係要立法著反光衣......,都要表達囉,我係電單車界長毛呀嘛!!!
Honda Dreamwing
|
21/6/2005
|
反光衣
政府今次走錯路喇~~~佢應該新增一項(首次發出電單車駕駛執照稅)定價$500,000~~咁咪無人考牌囉~~~無人考牌,意外率就一定少啦~~~~跟住進一步加電單車首次登記稅到200%~~~以後電單車只係有錢人玩意~~~成為小數民族~全港得返一百幾十架老電~~~意外索一定係零呀~
乙-五十二
|
21/6/2005
|
與他人炒車後處理方法 !
我想問下呢,而家科技咁發達,部部手機都有拍攝功能!如果不幸一發生交通意外,假如當時是對方疏忽,而我要求替他拍一段自認疏忽的片段!假設他於片中已承認意外是他導致,那麼這段片有沒有法律效力?對方可不可以說是我強迫他拍的,而令我形勢急轉直下?
(因為我就試過當時炒車對方認晒錯,連差人都聽到,睇住佢寫落簿,但到左上庭佢就死口唔認,最意外o既就係D差人o既筆記簿仲簡單過乜,乜都無寫落去咁滯,就咁話當日車牌xxxx同xxxx幾點炒車之類 ...... )
政
如果對方真係傻到肯對住鏡頭承認責任，斷估佢都唔會容易反口。相反口的話，佢要提供相當確實的證據來說服法官，相信他當時是在威迫的情況下承認責任。(但係錄影片段的內容必需詳盡清楚，講到一舊舊，人、物、事講到含糊不清的話，都有得拗)
|
21/6/2005
|
回應各位對反光衣之意見
近日發現很多人，對政府想立法要求電單車，駕駛者要穿著反光衣，作出很多回應！
本人也是鉄騎士一名，也不想在駕駛時穿上反光衣，但我們反對又如何！在這個政府的
政策下，我們這小數人可做到什麼？這個政府會聽從我們的心聲嗎？如政府真的要立法
管制，由德它吧！我們只可選擇守法或犯法。一係就穿上那件反光衣，在道路上和那些
盲丙司機死過！一係就放氣唔再駕駛電單車。請不要再在這裡煩躁和勞氣！唉……
謝謝各位大大佬。
後生鉄騎士
|
21/6/2005
|
Re：道路安全議會委員、香港汽車高級駕駛協會副主席蒙海強先生 的回應
I got 26 licence two month ago. and I got 46 licence last year.
I want to response you that I like wear white helmet and sharp jacket.
I thought that it could be more safty as same as you.
I heard many poor behavior such as my colleagues and friends, they like diving after motobike and speed up. why they do that? one reason is fun and other reason is motobike running too slow sometime.
If the motobike driver suffered this situation accordance with your rule.
the dangerous drivers still do same thing on road. Because you assist them to do so.
Can you tell me, is it what you actually do?The victims and the dead guy claim nothing although it's not a law but is a very good excuse to insurance ltd and crazy driver.
They would thank you.
I wish you would happen on this situation in future and someone help you to take out your reflect light jacket before run away. I think you must regret what you say before.
I'm not focus on safty or not because it's a small degree adjustment, I'm just worry about the victim's family claim nothing anymore if the driver is family financial support.
god bless you!
stupid ymtat@yahoo.com.hk
|
21/6/2005
|
re : 蒙先生的回應
多謝你分析對反光衣的意見,某程度上令我明白到反光衣對我們的保障及用途,我相信亦有不小人會為左條命仔而唔介意著多一件衫,相反亦會有寧願炒車機會高而死都唔肯著o既人!
可惜如你所說,如果法律上只歸咎於沒有著反光衣的電單車手,而把所有利益歸於那些坐在車廂內因疏忽而導致他人受傷的人,我會對此判決相當失望!
如果有車頭燈都說看不到的話,還將責任歸咎於電單車,好吧,假如情況是晚上有一個黑衫黑褲黑鞋黑頭髮黑皮膚的人在安全島橫過馬路,而一架車把他撞到,那可不可以說責任在他沒有著鮮明的顏色過馬路呢?所有利益都歸於被告?如果是的話我想我每晚出街都唔著黑衫!
很多車友都說過,我自己都遇過好多,由小路出大路的大車,他望到你駛到時,見你"只是電單車",便會一把扭出去,理得你死,要你重dup!望果D都還好,有D望都無望添呀!那麼假如他是望都無望,又或是他望到,但無視我存在,我著反光衣又有何用呢?
大車無視電單車才是"重點",著埋反光衣可以話係俾佢地睇住黎撞!
當然啦!著反光衣係關係到個人人身安全,應該係個人去選擇o既!就正如用唔用避孕套係個人選擇,有D人明知唔用會危險D都照唔用,後果咪要自己承擔囉!
政
|
21/6/2005
|
新手P 仔想問 Honda GB250
請問對 HONDA GB250有何comment?本人新P仔, 喜歡小型復古,希望給我一點意見,謝謝
ahlun ahlun37@yahoo.com
玩Cafe Racer幾好丫，性能與品味兼備。GB250都幾多二手車揀，儘量揀部年份新d架啦。
|
21/6/2005
|
反光衣
不如學東莞咁, 不論咩事, 凡有車"隊,high,掂"到2.6, 都要罰大果架, 咁個個都會好小心目及實2.6, 人地大陸實施之後, 冇咩2.6的交通事故, 人, 唔罰唔知死
小P
|
20/6/2005
|
我部tgb個死氣喉既喉碼爆左,唔知有冇得搵反個喉碼??
試下問代理 好運車行？
|
20/6/2005
|
re: 仲未除P的新手
請問cb250...＊１風格有少少油是否正常，一般風格價錢大約多少
＊２空波撻著車後，比油會死火，什麼原因，已換新火咀
＊３死火後撻車撻唔著，按鈕時只有（噠）一聲，要將車入一波往後推，（感覺上要撞一齒），再入空波才能撻著車，是什麼原因．
ｐ牌仔上
+++++++++++++++++++++++++++++++++++++++++++++++++++++++++++++++++++
回應 *3 問題
可能你粒三星有事,令到D油上o左嘩佬‘因為我都試過同你差唔多情況
仲未除P的新手
leomo85@yahoo.com.hk
|
20/6/2005
|
回應蒙海強先生
謝謝你以41年的駕駛經驗及豐富的法律知識來跟我們討論這個十分敏感的問題
言而,我想我們鐵騎士所希望的不是意外後的對錯問題,而是"如何防止意外發生";你所說的大路出小路,從後被撞的賠償問題,這是我們應該知道,但不希望用到.
我們所希望的是你們道路安全議會委員會有什麼實質的建議來保障我們"所有"道路駕駛者不被路盲及醉駕追尾及追撞,我希望建議不是向被動方面,而是向主動方面.
以我數年的駕駛經驗告訴我,被追尾及追撞,不外乎是由於跟車太貼,車速太快,行車時不專心(如講電話)及醉駕等...駕駛技術差引致自炒,因有反應,相信傷亡數字會低,但受其他駕駛者影響,在這個被動的狀態下,誰都幫不了,危險程度會大增,我建議強制執行兩秒行車程離,當然我明白有很大的技術問題未解決,因此懇請你們道路安全議會委員繼續向政府提出寶貴意見,及在'預防'的大方向繼續為香港的道路使用者謀幸福
不知道是否報紙記者是否斷章取義,但請你不要再把烈火戰車的稱號放在鐵騎士們身上.
謝謝鐵騎網誌騰出空間讓我們與蒙海強先生溝通
隼仁
|
20/6/2005
|
DNA
請問一下架 Gilera DNA 180 係邊間車行代理架?地址係邊?
鬼頭仔
Gilera代理係奧士車行 www.oscarmotors.com.hk
DNA呢款車摺左好耐架喇。
|
20/6/2005
|
新牌想買車
本人想買二手既HONDA CB250(車行買)，請問買二手車有乜野要留意？(如何知道上手是咩用途)我有乜野要試要CHECK車架？應該點樣做？我見有D車執到好靚仔，我要點睇有冇問題？00年既車大約幾多錢到？我驚比人厄。好冇買D番新車呀？應該咩價錢合理可以話我知各年份既車一般會賣咩價錢到好嗎？大約得架啦！(盡量詳細D話比我知啦 ^^)謝謝老編哥哥 >.<
問題多多的Rain ^.^
呢度答信係「滾水淥腳」，冇可能詳細講。你的問題，其實如果有詳細「lun」鐵騎網誌的話都會搵到答案或啟示。【知識技術】+【買賣搜尋】+【老鬼信箱】的關鍵字搜尋功能，請多加利用。
|
20/6/2005
|
買車一問
請問老編現時邊款邊隻的400cc級既街車係最慳油同最好賣呢?
想換車的人
最好賣一定CB400SF，最慳油的400則會是單缸風冷的車種例如CB400SS，SR400之類
|
20/6/2005
|
頭燈角度
請問頭燈角度(低燈) 怎麼才是正確? 例如應照到車前多少尺, 或高低?
h250
一般參考，站在燈前一米，燈影應稍微低過頭燈的水平高度。
|
20/6/2005
|
車匙
老編你好，我想配條車匙(et8)，不過問過幾間配匙鋪都冇得配，咁係咪一定要返原廠先配到呢??
paul
ET-8好似係晶片匙？街邊冇得配個喎....
|
20/6/2005
|
火咀度數
您好！請問如果隻羊用開或手冊上建議用CR8E，轉用CR7E的話，會有咩分別呢？同埋，下天來臨，應該用那個度數會"比較好"呢？
謝謝回答~
羊羊
可以參考呢度
|
20/6/2005
|
留言，近日變成了討論區!
留言，近日變成了討論區!老編是不是好繁忙。
WONG Ho Ying
要scan晒d留言先出得街。呢期個個寫論文，睇到眼水都乾，但只要唔係太過份的話都算，由佢出。
|
20/6/2005
|
Re：道路安全議會委員、香港汽車高級駕駛協會副主席蒙海強先生 的回應
嘩!成41年電單車經驗，我都未出世!
太謙La，仲叫自已中手
好有心機，打晒D名
WONG Ho Ying
|
20/6/2005
|
爛路冇人修，路政on99
d路真係爛到可以養魚，有時真係記少陣都抄，1米直徑10cm深，石梨青山上路慢線上斜，葵涌道，昌榮路...，數之不盡，d碎澀青比其他車西晒出來，石春陣咁，老電入左果d位想唔pk都幾難，不過係香港，記爛路真係其中一種好重要的抯老電技巧，由其d細6車。
spoon
熟路好緊要！
|
20/6/2005
|
關於貴會副主席蒙海強發表關於電單車強制性穿反光衣的回應
Dr. 蒙您好
很高興竟然收到你回應，但你有些觀點我是認同，但我有很多我是不敢苟同的，我需不及閣下的經驗，但我也有近 30 年的路面經驗，都是一個 (中手) 卦！
1.我知你不是高官，是個德高望重的 doctor，係有十幾萬人工的。你有41 年路面經驗，當然有資格同大家 26 自己友講嘢，但都不太全面。
2.其實我學車時同日後開車，都十分知道 to see [見] 及 being seen [被見] 的重要性，同埋睇多 D ，睇遠D ，但這不一定著了反光衣才做得到，點解我地咁興，是因為個正苦淨係想立法要人地點點點，自己乜都唔做，例如我以下之前講的，也做不到改善：
1.路面太多爛路，沙石、破洞、周圍係
2.4 6尤其大車跟車太貼
3.經常改道，人是有慣性的 (其實這是自然定律)
4.車速限制不當及過時
5.執法者水平不夠及甚少執應該要執的法，只注重搶錢，如在4/5 線大直路捉 50/70 km，在非繁忙地段抄牌等等
3.一條良好馬路，適當路標，才可有效防止意外，你呢 41 年有冇覺得正苦 D 路標，求其有就得，好多時係近距離重叠幾組路標，叫人啼笑皆非，要行到前面用 10 km 的車速才可看清楚，請問去 to see [去見] 呢？
4.其實本大覺得良好及清淅的大燈及尾燈，著了之後， being seen [被見] 都很足夠，當然著反光衣是增加 [被見] 度，但立法便太多如及有侵犯個人自由了。
5.又一舉証此正苦的雙重標準及多如度，本人有 2 個朋友分別在佢 26 側箱後及泵把貼了反光條，竟然被抄牌，需然佢地原意是增加 [被見] 度，但差人話唔得，因為這不是標準設備。 咁即係點，我要安全 D 都唔得？要係話得就得，我自己想安全就唔得。咁「為拗而拗」不是我們呀！
6.我只是想正苦先立法自己做好，才叫人做，先另人心服口服。永遠將自己的無能推俾他人，好似跟車太貼咁危險都不刑事化，快速公路不靠左駛，都末做到撿控，只是話執法困難，咁、即係可以因為難唔使做啦！
總之，我的命很重要，但只是見到 D 咁既官推卸责任，而顿時感到氣結姐。
車神
|
20/6/2005
|
道路安全議會委員、香港汽車高級駕駛協會副主席蒙海強先生 的回應
1. 很多謝各位電單車友的熱烈反應，起碼你地都留心自己的「權益」。不過，亦容許我回應，拋磚引玉，希望各位「老、中、新手」大家共同提升交通安全。
2. 事先聲明，在交通問題上我並不是政府高官，我也不會為此收取一毫一仙，更加冇十幾萬人工。我係以實實在在一個駕駛了電單車41 年的「中手」身份，身同感受地為我們一眾「26 車手」的人身安危而發表意見，41 年路面經驗雖不算什麼，但都可以俾我發表一些我嘅意見，敢問我有無資格同大家26 自己友講嘢呢？
3. 交通安全之道不在乎你點做，而係其他人點做，自己睇位自己事，所以要精明駕駛，睇多D ，睇遠D ，做好自己準備工夫，我地叫這些做「去見」。不過另外一個更加危險的係「被見」，著反光衫並不能提高閣下的主動安全，操控「老電」仍然要靠自己功力。試想如果有一個「新牌仔」在小路駛出大路，或是一個視力退減了的長者行人以為冇車，想行出馬路行人過路線，他們看見一個著咗反光衫的 26車手同一個「為拗而拗」而唔肯著反光衫的 26車手機會率係幾多呢？只要嗰個新牌仔或長者，稍為窒步一秒，你的危險就並即消失。要記得，我冇講過話著咗反光衫可以提升你的駕駛技術，哩個要靠你自己，但可以肯定如果係著咗反光衫，你多一分機會唔會被其他冇咁好技術的駕駛者或者係行人所累，你會揀著定唔著呢？
4. 現今全世界都講緊安全，你除非弱視到冇睇到路邊工程( 其實亦適用於任何地盤) 的工人，甚至在路邊清潔的工友，佢地都已經著晒反光衫。點解？因為佢點識得驚，除非大家為拗而拗，夠膽話揸26 係唔危險嘅，否則我們點可以唔「與時並進」呢？
5. 不過我都另外有一個主要發佈以正視聽，要知道要著反光衫唔係「法律」，所以警察唔會撿控，不過要著反光衫已經圖文並茂地印在道路使用「守則」內，就算違反「法律」，刑罰都往往只係罰款數百元，但如果未能做到任何「守則」的最低要求時，雖然不是刑事過失，但在「民事」的金錢索償中，任何一方「未盡全力」就有機會喪失佢應得嘅賠償金額。用一個假設的例子，你揸著電單車沿注大路行駛，我响細路出嚟，係我不小心駕駛撞倒你，當我被起訴時，我可以向法官講一套似是而非的理由，因為你冇跟道路使用者守則所要求的著反光衫，所以我睇唔到你，請法官原諒！難保法官因為這疑點「利益歸於被告」─所以「放人」！更上一層樓，當你向我索取修理及醫療的合理賠償時，我會同錢債案法官提出答辯因為你的「協助性疏忽─ contributory negligence 」( 這是實在的案例) ，你應得的金額可能由原本的10 萬變為9,8,7,6 或甚至是5 萬以下！你嘅然咁緊張自己的「人權」，但你係未話緊我聽唔肯著反光衫，所以撞傷唔要賠呢？
6. 好啦。光煇聖天，老虎，穿了反光衣的人？！火爆，健，Francky ，車神，老手，Clement ， hans royer ， Rx ， 隼仁，WONG HO YING ， 郭偉業，(及贊成的沙田友)各位，你地而家有兩個選擇，第一就係好似我咁著反光衫( 因為我希望俾全世界都睇到我) ，戴白色頭盔( 因為白色夜晚容易俾人睇到，最好貼埋反光條) ，同埋扣緊下顎帶( 頭盔唔會飛走，保護唔到我個) ，著長袖衫同褲( 因為跌親有保護) ，戴手套( 因為有紙鳶線可以唔割親) ，戴護目鏡( 因為唔會被沙粒同塵吹入眼) ，揸淺顏色電單車( 因為容易俾人睇到，重好似警察電單車一樣，貼上反光條) ，著住車頭大燈尾燈( 已經係法例，容易俾人睇到，唔好撞埋嚟) ，唔响前面四個輪汽車左面扒頭( 因為佢個乘客分分鐘會開門，我唔响法例規定下响右面超越前車，我輸晒！) ；做足這些基本功後，就算不幸被撞，我都可以將撞低我嘅司機繩之於法，再向佢索取我應得嘅全數金額賠償！
7. 第二，不過大家當然可以為拗而拗繼續選擇不去做第一個的方式，因為這不是法律，冇人管得到你，唔肯著反光衫，萬一被一個「盲毛」因為話睇唔到你撞低咗你，你後悔已經大遲，尤其是被判冇得賠！你會選擇著定唔著反光衫呢？我係害你呢？還是幫你呢？我真心地想聽到你地每一個人的反應， 歡迎直接回覆我drmong@drmong.com 。
一個「中手」 26 蒙海強 謹上 2005-06-20 drmong@drmong.com
|
20/6/2005
|
反光衣
老編大人，反光衣只是帶來不方便及老土而已，但若政府以為已做左野，又或者以為這個方向是正確的因而忽略了真正問題所在，甘就比較大劑，就好似以為掃黃可以解決問題，結果越掃越黃，．．．若反光衣是為騎士安全著想，則這政策必須要有明顯效果，否則便不是個好政策，更不能用作限制電單車增長的工具，政府必須切實作些有效的事來保護騎士，不能把政策作為工具來看，（已注意到車友有這種猜想），再想遠一點，若政府制訂些無效的政策交差，這是政府的懶惰，再引伸到制訂政策時的獨斷與自以為是的態度，問題就更大，反光衣只是小事一件，如西九單一招標等大事．．．這是反映政府的能力啊．．．矣．．．
David
|
20/6/2005
|
回應老編唔明點解對反光衣咁抗拒
其實政府呢招根本唔係一件反光衣，政府嘅目的係要減少電單車數目！電單車數目越來越多最主要嘅原因係而家D車款色多顏色靚，政府認為係一種潮流。當然好多車友包括我自已都係比電單車嘅外型吸引。試想吓一個女駕仕化晒裝帶住個靚靚頭盔但係要着住件反光衣，咁你估佢仲會唔會繼續揸呢！到時就會只係留返D開工車係路面，呢個就係政府嘅目的！老實講如果我地有一日真係覺得着反光衣無問題，咁電單車以後都唔需要再出新款亦唔需要講求外型。全香港揸CB250加兩個側箱咪得囉！如果係咁我覺得政府首先應該禁止駕駛學院賣廣告，尤其是係搵埋"女生宿舍"拍果D！
單汽缸生命體
|
20/6/2005
|
油缸
我想問下油缸底接駁油制個條油喉有個鐵環扣住條喉同個油制喉咀,
想問下有咩方法解倒呢?係咪剪斷佢呢?但係又冇個新既扣返住佢..可以點??
kai子
日本車通常係用開口扣.
|
20/6/2005
|
反光衣問題
對在下來講，其實著反光衣與否，實在不是一個值得爭論的問題。始終法律上若立例的話，我同意老編所講：「著咪著囉，（當年Ｐ牌都係咁樣捱番來。）」但問題的源頭並不在於應否穿著反光衣，而是當局看待電單車駕駛者的態度令人感到被深深地羞辱了，好像把意外的緣起都推在電單車駕駛者的身上，而其他車輛反而全都是受害者似的。
當局認為電單車駕駛者因目標太細小，難以引起其他駕駛者的注意。然而，在我等電單車駕駛者的眼中，在下認為問題的根本，並不在於我們有否嘗試吸引其他駕駛者的注意力，而是在於其他駕駛者刻意地無視電單車在馬路上的存在，甚至不把電單車當車看。
在下曾不只一次在三線行車公路上的中線行駛，而兩旁均有私家車及貨車司機無視在下的存在，嘗試以車身壓過在下的行車線上，以期迫使在下轉到其他線道上，以方便他們自己的轉線行為。可能有些車友會認為是本人駕駛技術及態度的不當而引發上述事件，在此在下申明，在下屬於Ｐ牌制度實施後頭一兩年領牌的司機，未曾遭到扣分，在路上的實際駕駛經驗及里程超過六萬公里以上，相信不會犯下一些如長期與其他車輛平排等無知的錯誤。
故以在下愚見，穿著反光衣可能只是減少被後車以高燈長期照射的機會，實在不能減低意外的發生的機率。反而加派交通警駕駛巡邏以加強檢控危險駕駛者，或因交警的出現而對該等駕駛者造成一定程度的心理壓力，方為減低交通意外之道。
Wheel勤時 wilkinswong@gmail.com
|
20/6/2005
|
電池問題
老鬼您好! 今日將電池水加入已乾了的電池中, 後開車發覺一開油門, 不知為何電池中的水傾盆的漏出來? 油門開得越大漏得越多, 另電池是在本年2月份更換的, 為何只有4個多月內裡就乾涸? 煩請解答! 謝謝您!
kfc bagmen@hotmail.com
有機會過多電池水,或整流正在煲電池,請檢查一下.
|
20/6/2005
|
RE : 反光衣
老編你話 : 都係唔明點解對反光衣咁抗拒，反應咁大呢？
咁係因為現時駕電單車的有接近一半係年青人，年青人貪靚就梗嫁啦！唔係D友仔洗乜噴到嫁車鬼五馬綠丫 ~ 而家D後生仔根本著重潮流多個自身安全，你叫佢地笠件反光衣渣車喎，真係采你都有味啦！
個個都囗囗聲聲話對於D不平等條約要站起來Say "NO!"，其實根本就係思想偏激、抗拒政府。駕駛學院夠硬性規定學生要著反光衣上堂啦！又唔見你班友仔話「我認為咁樣係針對老電！對鐵騎士唔公平！我唔會學車嫁！」？ Come on , 請你地都對政府公平一點啦，炒完車claim 到車手獎就一聲唔該都無就拍 Pat Pat 走人。人地係咁倚出聲提議下為你地著想的措施，你地就吠到去人地祖宗十八代山墳。理性一點吧。
仲有，呀千八兄唔該你唔好扯咁遠啦(可能你覺得自己好嬉笑怒罵，但我不懂欣賞)，人地講緊著反光衣呀！關強姦咩事呀？呢D唔係叫比喻，係強詞奪理。
不平人
|
20/6/2005
|
如果要意外減少,請立法,雙方都要停牌半年,{不論過失)!總好過只立法穿反光衣,針對單一車種?
白癡人
嘩咁樣搵食車司機暴動都似.....
|
20/6/2005
|
對各位留言的幾點補充
1 老電意外數字與4.6意外數字比例，不可盡信。跟車太貼，前車急停被撞甩泵把。4.6會賠2千釋事寧人，大家免claim保險蝕NCB，不用報案；但同一情況，不論前車或後車為2.6，9成9訓底，無得唔報警。又如被推或介，大家4.6最多炒下海鮮，問候下親戚；但2.6被推或介則有機會訓底(架2.6訓底，但架4.6走左，數字上冇佢份)。
2 回應 WONG Ho Ying之言：”道路的最高限速是參考多重車的安全速度計出來(特別是貨櫃車這一類的重型車)，全世界沒有一個國家一段路面有幾個寫上唔同速度的路牌。電單車和重型車在同一段路面行，電單車當然會快。但是依照政府所定的速度行，你又話慢，朋友香港沒有一條路是電單車專線(只有巴士專線)。”
a 香港的重形車輛，如路面限速高於70，亦一律限速70，如果佢地守法(或加強執法)，條路就會安全好多。
b 中國大陸的高速公路正正就有細車線同大車線不同限速，唔好咁武斷話全世界冇。
3 再者2.6意外有幾何傷到其他人/其他車? 其他車唔係睇你唔到，係老編所講既"大蝦細，快蝦慢"，撞左佢最多扣分停牌賠錢，2.6就有受傷既可能。我地2.6體形輸蝕左，狂想咁話，不如放寬對我地2.6既限速，俾番多D優勢我地? 又或者加強4.6撞2.6既罰則。
4 做人唔係話亞媽教你點做就點做既，要合理至得。大家命仔矜貴，反光衣/反光帶又唔係貴。如果利多於弊，唔洗逼都大把人著。反光衣既利見唔到，害就唔少，無理由逼人著既。
DV5
|
20/6/2005
|
cb400vtec裝配問題
請問頭轆裝時係就好所有位跟住收緊4粒12號螺絲再收側邊粒24號螺絲呢定係掉轉次序呢唔該哂
先24再12..不過仲有些少秘技.
|
20/6/2005
|
頭輪Brake 有拖碟現象
我的zxr750 L3 頭輪Brake有拖碟現象,起了頭輪後,用手轉動頭輪不順,如己找了好的車房洗了鮑魚內的piston及cylinder換了Brake油,新皮等,但行了2百km後,又出現了頭輪不順的現象,請問我可以否辦? 為何換了Brake鏡喉後level的手感仍然好差,壓下level好像沒有盡一樣.. 多謝幫忙
長期讀者 alexambush@yahoo.com.hk
如頭轆啤呤沒有問題的話,咁你就中招,kawa迫力唔洗得架,我都試過中招,係廠的膠圈問題,最後要配其它膠圈先交到車.
|
20/6/2005
|
反光衣
呢一點,,政府已暗示盲h甚多,但又無可能停晒盲h既牌,咪要我地老電自保囉.
話明盲h,都係睇唔到反光衣架啦,只係希望未盲得晒既半h睇到者
|
20/6/2005
|
您好,請問
師傅您好~多謝幫忙,請指導小弟~
我換左三粒18mm/14g普利珠之後,o家車轉右灣成日甩尾,甩左邊,我好驚!!!尾段極速感覺離心,好驚~!我的車是否超過了安全標準,或還是車呔受不住?
很驚的人h-stream125上 yinwcy@mail.hongkong.com
個人問題,唔識答.
|
20/6/2005
|
反光衣
穿反光衣並不是主要問題,最令人氣憤的是將問題推加於鐵騎士的身上...看看這幾年間,不停地將問題加在我們身上,p牌制度,開大燈..無問題.我們全都接受
但對於其他車種呢?汀九巴士墜山事件,2年了,又有什麼行動?醉駕?又點樣?咪又係日日都有發生?公平對待及保護,相信這會是各鐵騎士所期待的
隼仁
希望要騎士著反光衣，其實係暗示緊道路上其他司機視力有問題...
|
20/6/2005
|
香港特區政府造野啦！
各位26車友小心，香港特區政府造野啦！九龍灣天橋底(渣打銀行嗰度)很多車友均知道不會食牛肉干的、但於星期六(18/6/2005)下午17:50竟然有隻龜抄牌；冇一幸免。慘、慘、慘~~~~~~~~~正仆街！嗰道根本就冇人會行去嘅！
大吉
|
20/6/2005
|
有關整流一問
你好！小弟渣嘅係Aprilia RS250！我想問下如果整流有問題會有什麼跡象？會唔會行行跟住慢慢死火？個感覺好似個盤慢左落黎比極油都唔去支火咀Ｄ火花愈來愈細跟住熄鬼埋！跟手再著車都會立即慢慢死返火！如果行得都上唔到高轉！高轉嘅定義係九千轉以上！但係當我關掉頭燈呢個情况就唔會出現仲上到高轉！我想問下咁嘅病徵會唔會係Ｄ電器部份有問題出現呢？唔該∼
亞鬼 mugenspoon2004@yahoo.com.hk
點解你check咁多野都唔check下個電池先,唔好意為2沖唔駛用電,長期唔夠電會痴呆,會壞整流同壞腦.
|
20/6/2005
|
反光衣無用啦
其實都開始同意老編所講, 政府根本唔建議人有自己的交通工具(46例外, 因為好多牌費稅收), 所以對我地d26的driver咁痛愛有加, 特別關照.
假如立法成功, 人人都著,到D人睇慣左, 咪又會撞過, 唔通到時又立法改著盔甲出街? 咁不如一個禮拜7隻色, 日日換, 又或者個個LUP個米奇老鼠頭呀, 唐老鴨果D, 又或者巴西嘉年華咁, 咁就實睇到啦.
牛一
|
20/6/2005
|
回應老編的不明白
都係唔明點解對反光衣咁抗拒，反應咁大呢？
－－－－－－－－－－－－－－－－－－－－－－
都其實可以理解，一個星期等到星期日無落雨，如果楂住架千八糟到好似掘路咁聲，仲要著反光衣，仲吾係地盤佬掘路，比我笑到反肚都似，仲點出梨同鬼佬儭，吾通同鬼佬講”今晚亞ｓｉｒ請食反”．
一百八十車手
|
20/6/2005
|
著反光衣
老編,問題唔係著唔著,係著左d盲H都睇唔到,唔好話著咩衫ah,連成架車都睇唔到gei人先至係問題ah!最好架架老電掛住個藍燈籠,睇下d盲H隊隊下會唔會隊左落AM樹
frankie frankie@yinsworkshop.com
|
20/6/2005
|
re所以，的士司機開工亦應著反光衣
la,即刻有人solo俾大家睇,抯搵食車既人,,真係盲架,盲既人...又點會睇到反光衣呢?
|
20/6/2005
|
咁不職業司機要帶頭盔, 香港都有好多交通意外都係職業司機!! (純粹講下笑)
其實最大問題係d路面不平, 成日修路/改路.(但係D道路整完無耐又爛)
每次一落大雨就好多路面都好爛. 政府D人求其搵D野補翻就算. 落幾次雨又爛過, 而且補個D瀝青又會沖到散晒一粒粒(有五蚊咁大), 重有D渠蓋/地標,我想你地都Feel過!! (冼到九彩)
其實想意外小D, 路面, 交通燈配合都好重要!! 有時D交通燈真係轉得好快. 真係要急急急停. 響呔就在所難免.
就選你技術一流, 都會俾個濕濕地的渠蓋/不平的路面冼你一獲!!
除非你落雨唔Driving!!
你所講o既都係駕駛技術的問題。
|
20/6/2005
|
cb400 着唔到車!!
在正常時cb400着車後電壓是多少呢?
我用錶它車得12.xV;比車油一樣電壓唔比油時電壓一路下降,我估是整流燒了,
請問cb400個整流是否得一粒?是在座位左下邊的三角啡吟個粒嗎?
這粒整流要多少錢呢?
去車行修理應該多少錢先合理?
p.s電池是正常的
ian ian0821@hotmail.com
代理8舊幾水.
|
20/6/2005
|
BMW噴油?
我問過土瓜環及沙田維修部, 佢地話..................做! ^_^
路人丙
!!!!
|
20/6/2005
|
嗚嗚聲
想問一下,我部granddink150 今日突然有個問題.就是部車近皮帶位發出嗚..嗚聲,比油大,聲大.是否有野broken?多謝解答....
小張
你都知唔對路啦!
|
20/6/2005
|
反光衣，有感而發
對於將來立例要穿反光衣駕電單車，當然本身的用意大家都好清楚，就是減低駕電單車的意外率，故此有人建議穿反光衣的方法，來增加其他駕駛者對鐵騎一族的注意及留心。
但問題是穿反光衣是否便能減低意外想法，我認為他們先分析一下意外率的資料，例如：
牌齡、意外的車種、發生意外的路段，天氣、酒後駕駛，比人隊或是自己扮羅絲等，而不是一刀切要全部鐵騎穿反光衣。負面地想，假設真的要穿反光衣，但意外率仍然沒有明顯改善，之後鐵騎仕要穿什麼呢？反光褲？反光鞋？
既然電單車硬性開車要開車頭燈，而仍然未令到其他駕駛者對鐵騎一族的注意及留心，發光的都看不到，現還要反光，倒不如在電單車上裝上反光貼還不錯，起碼車身比人還要大。
正面想，自己考牌時都要穿反光衣，我本人亦在駕駛政府電單車都要穿反光衣，如果有得選擇，我自己選擇按情況穿，穿反光衣始終會令其他道路使用者在視野不清的情況下，例如大霧，下雨有多少幫助。
點都好，到時真要立例穿，就穿 law 。假如現有不滿的聲音，就同什麼委員會等等反映下law ，好似命名醫學院單野，讓其他人關心我地鐵騎的需要。
如有得罪，見諒。
保時
|
20/6/2005
|
FZ 400 - 吠氣問題
我想問我的電單車尾擔上貼紙寫著，前呔 22.5 kg，後呔 28 kg，咁咪即係前呔成30磅 ，後呔成38磅？比私家車的大很多，正常嗎？
PT pt866@yahoo.com.hk
跟番香港天氣和不同牌子車呔的軟硬度,最普遍的呔氣是30,32.
|
| |
|
|
|
 |
|
